What's on your mind?

A little kindness goes a long way.

Image, audio or video · up to 10 MB

Your message is only public if the profile owner publishes it.

Profile questions

No questions published yet.

Public messages

  • Public message

    كنت محتاج username بتاع تليجرام بتاعك لو أمكن.

    بخصوص تطوير نفسي في شيء معين

    مش هطول عليك إن شاء الله
    يعني دقايق ولو تحب بعدها تعملي بلوك عادي.

    لأني مبقيتش عارف أخد قرار.

    • ReportProfile owner's reply

      @uchiha_islam

  • Public message

    إذا كان حدث بين شاب وفتاة علاقة غير شرعية والوالد غير موافق على الزواج هل يمكن زواج الفتاة لسترها دون موافقة والدها

    • ReportProfile owner's reply

      مش عارف

  • Public message

    ممكن حضرتك ترد هنا!

    • ReportProfile owner's reply

      الموضوع لو أتبص له نظرة من جهة واحدة ممكن يبقى بالوصف ده، لكن الموضوع أبسط من كدا، وملوش علاقة بالتقدير والألوية والحوارات اللي ملهاش علاقة بالواقع دي، لأن أي حاجة الراجل بيعملها في الحياة لشغله فهو الألوية الوحيدة فيها لمراته وأولاده فيما بعد، مش شائع عند الرجالة الشغل لأجل الشغل والكارير، ومش الفكرة هو يترفض تاني ولا لأ، لأنه غالبا مش هيترفض تاني، لو اترفض بسبب الموقف ده يبقى مش صح، لو كل واحد بيشوف نفسه في وضعها الطبيعي مش في وضع التقديس أو الفرصة الذهبية هيلاقي معظم مواقف الحياة من الصحاب والأهل والناس مواقف عادية ليها سببها ومبررها

  • Public message

    هو لو في حد متقدم بس كان معتقل سنة باين هل اخاف لأن ممكن لقدر الله يحصل حاجة تاني
    وهل بردو بيمنعوا من السفر؟
    ولا مش شرط عادي
    (بسال حضرتك لانك باين مريت بحاجة زي دي)

    • ReportProfile owner's reply

      هيتحط في خانة (العيوب) للأسف، ونقارن بين المميزات والعيوب وبين مميزاتنا وعيوبنا برضو ونقرر
      يحصل حاجة تاني او يتقبض عليه وهو مسافر او وهو راجع من السفر دي للأسف احتمالات واردة، على حسب هو مين وايه قضيته وخد فيها حكم ولا لا وهل فعلا نزل قضية ولا كانت تجديدات وحسب عيلته برضو مش هو بس، لكن نسبة حدوث الحاجات دي أقل من نسبة عدم حدوثها، واللي مش عايز يوافق على واحدة كان فيها حد في عيلتها محبوس، او واحدة مش عايزه توافق على حد كان محبوس، عادي، محدش يقدر يلومه للأسف، لكن الأصل ان هو لو خد براءة او كان حبس تجديد بدون قضية او حتى اسوأ الاحوال خد حكم وقضاه ان الحاجات دي مش بتحصل، الأصل مش بتحصل، لو حصلت تبقى نسبة حدوثها اقل بكتير، بس للأسف بتحصل

  • Public message

    هي توشكا دي في المنصورة ولا القاهرة؟

    • ReportProfile owner's reply

      المنصورة

  • Public message

    شبهت عليك انهارده في توشكا، أنت؟

    • ReportProfile owner's reply

      للأسف أه، الشكل المشوه ده

  • Public message

    ايه رأيك في الإستشارات المدفوعة في أمور الزواج و الخطوبة

    • ReportProfile owner's reply

      لو حد معندوش حد كبير في عيلته أو صحابه عنده خبره وتجارب وواثق في دينه عشان يستشيره، يروح استشارة مدفوعة عادي، هي عموماً عادية، بس المهم يكون صاحب الاستشارة له خلفية دينية

  • Public message

    أنت مفتون اوي بالشيعة، أسأل الله أن يتوب عليك ويبصرك بالحق ويريك الحق حقًا ويرزقك اتباعه ويريك الباطل باطلا ويرزقك اجتنابه
    أنا بحبك يا إسلام
    الله يجنبك الفتن ويحفظ عليك دينك وتوحيدك

    • ReportProfile owner's reply

      مستحيل طبعا، ومستحيل أعرِّض ديني للخطر عشان أدافع عن واحد بيسب أزواج النبي صلى الله عليه وسلم أو صحابته، شاء العالم كله أو أبى، أسمه مسلم مجاهد للأمريكان، لو واحد فيهم سمعته وهو بيسب أو يشتم هلعنه، بدون أدنى ذرة تعاطف، ومش بدعي لأفراد الشيعة غير اللي أنا متأكد ومسمعتش منهم أي شتيمة، بل سمعت كل توقير واحترام، أما عوام الشيعة زي عوام أهل السنة الشعب الإيراني زي الشعب المصري تتكافئ دماؤهم، ولو على موضوع القتل في سوريا فهما فعلا مجرمين، لكن ف التاريخ الإسلامي ناس زيهم قتلت مئات الآلاف من المسلمين والناس بتدعي ليهم ليل نهار أنهم من أهل الجنة وأئمة الإسلام، مش عايز أقول أسماء ع العلن، بس أقسم بالله أئمة للإسلام وقتلوا آلالف المسلمين، وانا برضو بدعي ليهم بالجنة عادي، وفيه أئمة للإسلام وأصحاب بدع ضالة، وتشبيه وتعطيل وتجسيد، وبرضو بندعي ليهم بالجنة، ليه؟ العلماء بيقولوا إنهم عملوا مآثر عظمى للإسلام زي ما عملوا طوام عظمى، فكذلك الشيعة حاليا، داخلين حرب مع الامريكان مع العالم كله بقالهم سنين مصريهم المؤكد الموت، وبرضو مكملين فيها، حد هيدخل في نيتهم ويفعص في نيتهم، هقولك طب ومدخلتش في نية الامام محمد بن عبد الوهاب ليه وهو بيقتل قرى كاملة من المسملين؟؟؟ بلاش تضيَّق مخك وعقلك بسبب تعصب وخطابات إعلامية، بكرة لو ايران هاجمت بلد مسلمة سنية هؤيد البلد السني على إيران بالتأكيد زي ما حصل قبل كدا، عادي اللي يعمل مواقف كويسة نقول كويسة، واللي يعمل مواقف جرايم نقول جرايم، عادي نفس المذهب ممكن مرة ندعي له ومرة ندعي عليه، عادي والله، ده حتى في الكورة ماتش نقول على لاعيب جامد، وماتش نقول مبيعرفش يلعب، ده مش تناقض، الناس خايف تنصر إيران، عشان بعد كدا لو حصل وحد منهم طلع منه موقف سب او قتل، يبقى هو طلع واقف في الصف الغلط!!! لا طبعا مش بتتقاس كدا

  • Public message

    https://www.facebook.com/share/v/19cKhDJjfT/

    • ReportProfile owner's reply

      والله لو الشيخ موجود دلوقتي لقال عكس هذا الكلام، الكلام ده كان أيام 2012 وكان اتجاه عام شامل لكل مشايخ مصر إنهم ينكروا على الإخوان استضافة الشيعة

  • Public message

    السلام عليكم ورحمة الله وبركاته
    انا عندي سؤال
    انا شخص ابتلاني الله بمشاهدة الاباحية والعادة السرية يوميا حتى في ليل رمضان
    وعندما آتي آتي على بطنى في اغلب الوقت
    فأقوم واغسل بطني وكأن شيئا لم يحدث
    و المصيبة الاعظم من هذا هي أني كنت منتظما في صلاتي حتى قبل شهرين او ثلاث من الآن صرت أتهرب منها وأمشي بجوار الجامع وقت الصلاة وكأني لا أرى شيئا منها واتركها حتى صلاة التراويح والعشاء
    واكون مستيقظا وقت الفجر ولا اصلي اسمع الاذان والصلاة وانام
    الصراحة لا ادري ما أسأل
    فأنا نويت التوبة ولا ادري أسأقدر عليها ام ماذا
    فهل علي قضاء ما فاتني من الصلوات؟
    هل يجب علي أداء كفارة مثلا عن اي شيء من هذا؟
    وكيف ارجع عن الاباحية وكيف اتعافى منها مع العلم أني فيها منذ العشر سنوات.
    وأأسف على الاطالة

    • ReportProfile owner's reply

      اه اقضِ الصلوات اللي فاتتك ومتضيعش صلوات بعد كدا ، حاول تحافظ على الصلاة أهم حاجة

  • Public message

    هو حضرتك بتفكر ازاي؟ ازاي نسيب شغلنا وحياتنا وننزل في مكان مش مضمون؟ وازاي اصلاً نفكر في ده بعد ما عشنا طول حياتنا ويجي في يوم وليلة نعمل الي بتقوله! مستحيل الي حضرتك بتقوله ده يحصل اصلاً

    • ReportProfile owner's reply

      المفروض اللي اختار الغربة يكون على علم بمميزاتها وعيوبها، أما اللي عايز ياخد الفلوس من التجربة بس، فده ربنا يعينه على دماغه، بقول الناس قدامها فرصة تنقذ ما يمكن انقاذه، قبل ما يحصل أسوأ من كدا، لأنه احتمال وارد وقوي، المكان الي بتتريقي عليه ومش مضمون ده عايش فيه 100 مليون انسان اكتر من نصهم تحت خط الفقر وعايشين برضو، عايشين تحت سندان الفقر والاعتقال والقتل والبلطجة وعايشين برضو، الي هينزل هيعيش برضو عادي، الانسان وهو بيختار الغربة يكون حاطت الاحتمالات دي في دماغه من الاول، وااحتمالات خسارة الحياة الاجتماعية والصحاب في مصر، حكاية قطع الواجبات الدينية الاخوية من التعزية والمباركات واعانة الناس والجيران والوقوف جمب المسلم، حكاية ان فيه واجب اتعمل معاك ف بلدك من ناس مش هتعرف ترده وانت في الغربة، حكاية ان البلد الي انت فيها ممكن تتصهين (زي الامارات كدا)، حكاية ان ممكن يحصل مشكلة ف البلد وتضطر تنزل بلدك تاني، دي مخاطر ومشاكل للغربة، لو محدش عايز يعيشها يبقى ميتغربش أحسن، لأنها احتمالات واردة وبقوة
      واللي عايز يختار يكمل انه يخاطر بحياته وفلوسه هو حر برضو، اختياره، بس قصدي ان لو حصل سيناريو اسوأ محدش هيفيدك من اللي مشغلينك، والي هيسعالك هم اهل بلدك وجنسيتك، فعشان تبقى حاطت السيناريو في دماغك، لو عامل حسابك عليه، خلاص كمل في الغربة عادي

  • Public message

    صاحي؟

    • Public message

      اعترفو اكتر شي بتحبو في شخصيتي شنو والشيخ الما بتحبو في شخصيتي شنو بي صراحة 😑

      • ReportProfile owner's reply

        ؟؟

    • Public message

      انا الي سألت ع العمليه نقول للطرف الثاني أو لا انا من اسبوع تقريبا وتيسرلنا الكلام وقولتله والحمد لله هو تقبل عادي

      • ReportProfile owner's reply

        الحمد لله

    • Public message

      بمناسبة آخر منشور ، أتمنى حضرتك تعيد النظر في هذه النقطة .
      دي دعوة خليل الله إبراهيم صلى الله عليه وسلم
      ﴿وَٱجۡعَل لِّی لِسَانَ صِدۡقࣲ فِی ٱلۡـَٔاخِرِینَ﴾ [الشعراء ٨٤]

      وَاجْعَلْ لِي لِسَانَ صِدْقٍ فِي الآخِرِينَ أي: اجعل لي ثناء صدق، مستمر إلى آخر الدهر. فاستجاب الله دعاءه، فوهب له من العلم والحكم، ما كان به من أفضل المرسلين، وألحقه بإخوانه المرسلين، وجعله محبوبا مقبولا معظما مثنًى عليه، في جميع الملل، في كل الأوقات.قال تعالى: وَتَرَكْنَا عَلَيْهِ فِي الآخِرِينَ * سَلامٌ عَلَى إِبْرَاهِيمَ * كَذَلِكَ نَجْزِي الْمُحْسِنِينَ * إِنَّهُ مِنْ عِبَادِنَا الْمُؤْمِنِينَ.

      (تفسير السعدي — السعدي (١٣٧٦ هـ))

      ﴿وَوَهَبۡنَا لَهُم مِّن رَّحۡمَتِنَا وَجَعَلۡنَا لَهُمۡ لِسَانَ صِدۡقٍ عَلِیࣰّا﴾ [مريم ٥٠]
      ﴿وَوَهَبْنَا لَهُمْ ْ﴾ أي: لإبراهيم وابنيه ﴿مِنْ رَحْمَتِنَا ْ﴾ وهذا يشمل جميع ما وهب الله لهم من الرحمة، من العلوم النافعة، والأعمال الصالحة، والذرية الكثيرة المنتشرة، الذين قد كثر فيهم الأنبياء والصالحون.﴿وَجَعَلْنَا لَهُمْ لِسَانَ صِدْقٍ عَلِيًّا ْ﴾ وهذا أيضا من الرحمة التي وهبها لهم، لأن الله وعد كل محسن، أن ينشر له ثناء صادقا بحسب إحسانه، وهؤلاء من أئمة المحسنين، فنشر الله الثناء الحسن الصادق غير الكاذب، العالي غير الخفي، فذكرهم ملأ الخافقين، والثناء عليهم ومحبتهم، امتلأت بها القلوب، وفاضت بها الألسنة، فصاروا قدوة للمقتدين، وأئمة للمهتدين، ولا تزال أذكارهم في سائر العصور، متجددة، وذلك فضل الله يؤتيه من يشاء، والله ذو الفضل العظيم.

      (تفسير السعدي — السعدي (١٣٧٦ هـ))

      و الله سبحانه وبحمده يعدد نعمه على النبي صل الله عليه وسلم
      ﴿وَرَفَعۡنَا لَكَ ذِكۡرَكَ﴾ [الشرح ٤]

      ﴿وَرَفَعْنَا لَكَ ذِكْرَكَ﴾ أي: أعلينا قدرك، وجعلنا لك الثناء الحسن العالي، الذي لم يصل إليه أحد من الخلق، فلا يذكر الله إلا ذكر معه رسوله ﷺ، كما في الدخول في الإسلام، وفي الأذان، والإقامة، والخطب، وغير ذلك من الأمور التي أعلى الله بها ذكر رسوله محمد ﷺ.وله في قلوب أمته من المحبة والإجلال والتعظيم ما ليس لأحد غيره، بعد الله تعالى، فجزاه الله عن أمته أفضل ما جزى نبيًا عن أمته.

      (تفسير السعدي — السعدي (١٣٧٦ هـ))

      • ReportProfile owner's reply

        صلى الله عليهم وسلَّم، ده حصل لكام نبي؟ وكام نبي لم يحصل له ده؟ السيدة عائشة رضي الله عنها قالت أيه عن نفسها في الدنيا؟ وهي من أفضل 4 نساء على وجه الأرض وزوجة رسول الله صلى الله عليه وسلم + إن أنا أتفهم الكلام ده يتقال لشخص مؤثر مشهور، مش شخص عادي من العوام، اللي في الغالب ذكره بالسوء هيكون أكتر من ذكر بالخير + قلت هي وجهات نظر فيه ناس فضَّلت إن محدش يعرفها وهم من أهل الجنة في الآخرة، وفيه قادة ملكوا الدنيا ومعظَّمين في القرآن والانجيل والتوراة وهم من أهل الجنة في الآخرة، أتمنى أنا وكل الناس تصدق فينا دعوة سيدنا إبراهيم، لكن لو محصلش فأنا أتمنى اللي كاتبه على القناة في هدوء

    • Public message

      هو فكرة وجود ألبوم صور واحتفاظ الصور فيه حرام؟
      ولو عايزة اعمل زي كتب يكون فيها رسومات للاطفال والكبار ومعاهت الوان ونلون وكدا وتبقي رسمة عادي أكيد هيكون فيها شجر بيوت حيوانات ناس كدا حرام ؟

      • ReportProfile owner's reply

        لا أدري

    • Public message

      وأنا صغيرة كنت بعمل جمعيات ما ددت صحابي في واحد منهم كان باقي له فلوس عندي ولحد دلوقت مش بشوف الولد دا فعادي اكنسل الحوار ولا لازم اديله الفلوس, وأنت صغيرة برده كان بابا بيسيب الفلوس كدا عادي فكنت باخد من غير ما اقول علشان اوقات مكنش بيبقي موجود فدي تعتبر سرقة واقوله؟ ولا عادي ومفيش عليا حاجة بحكم أني كنت طفلة يعني وفرضا لو سرقة هل لازم عليا ارجع الفلوس دي ولو رجعتها ارجعها بنفس المبلغ ولا هيزيدوا باختلاف الزمن؟

      • ReportProfile owner's reply

        لا أدري

    • Public message

      لو سمحتي هوا لو بنت عملت عمليه بس مفيش فجسمها خياطه ولا كان في سلك يتفك ولا حاجه ولا هيترتب ع العمليه اي مضاعفات بعدين ولا هتأثر ع الخلفه ولا الجواز نفسه الافضل تقول لشريكها قبل ولا بعد الخطبه ؟ ولا متقولش خالص ؟

      • ReportProfile owner's reply

        لا أدري

    • Public message

      بيقولك خلوه يعني يغلق عليهما باب يطمئنان إلي أنه لا يفتح الا بإرادتهما يعني لو موظف قاعد مع موظفة وقافلين عليهم الباب لكن عارفين أنه في أي وقت حد.هيفتح عليهم الباب ياخد ختم دي مش خلوه! حتي لو فضلوا قاعدين خمس ساعات بالطريقه دي! قاعدين في صالة والباب اتقفل بس عارفين إن الواد محمد داخل عليهم ياخد عصير ولا حاجة عادي مش خلوة طب راكبين العربيه مع بعض دي مش خلوة تبقي خلوه لو متفيمة وواقفين في المقطم
      وعرف الخلوه وقال يعني يقضي وقتا ويأمنان أمانا تاما حتي يتم الزنا! غير كده مسموش خلوه وقال بعدها طبعا مفيش خلوه في التليفون بلاش عبط

      • ReportProfile owner's reply

        ايوا الكلام صح، بس القاعدة نفسها عموما حرام ، مسمهاش خلوة، متاخدش احكام الخلوة، بس حرام

    • Public message

      الشيخ حاتم الأنصاري بيقول في دورة البيت المسلم أنه عادي الطرفين يقولوا لبعض كلام زي بحبك أو قصايد لبعض بشرط عدم الاستثارة؟ ايه دا

      • ReportProfile owner's reply

        لو مخطوبين يعني؟ ممكن يكون ده قول، بس ازاي هيقول بحبك او شعر بدون استثارة؟ الموضوع مستحيل، إلا لو انا بقولها تصنع ومش طايق الطرف التاني، امال الخطوبة هتكمل على اساس ايه؟

    • Public message

      ليه مختفي ومبتنزلش في القناة لعلك بخير

      • ReportProfile owner's reply

        الحمد لله بخير

    • Public message

      لو في الدبلومة في أكتر من 2000 طالب في القسم والمراقبين وكله بيشوفوا الطلبة بتفتح الكتب أو التليفونات وعادي مبيتكلموش وأكتر من حد في الكلية قال إنهم مبيشفوش الامتحانات بتاع الميد وكل الطلبة بتجيب يا امتياز يا جيد جدا هل ساعتها الغش برضو حرام، أصله مش هيترتب عليه مفسدة، تحصيل حاصل يعني سواء كدكاترة أو طلبة عارفين كدا
      هل يقع إثم الغش ساعتها ولا لأ؟
      من باب الواحد مش عاوز يبقى في حرمانية تأثر على حياته فيما بعد

      • ReportProfile owner's reply

        لو الدكاترة الي حاطة الامتحان أو الكنترول قالوا الغش متاح، النظام اللي حاطت الامتحان، خلاص عادي، لكن المراقبين والطلبة دول مالهم بالامتحان؟ ده شغلهم مختلف، وعموما ده بيبقى مستحيل يحصل، فطبعا متغشش واطلع بمقبول وجيد عادي، أو ذاكر كويس، ولو قولتلك اني مغشتش ولا كلمة في اي امتحان ف الكلية ممكن يساعدك أنك متغشش فأنا بقولك/ + شيلت مواعد وسقط خالص، وكان اقسم بالله ورق صحابي بيتحط قدامي عشان انقل وانجح بس في المادة، مكنتش باخد كلمة

    • Public message

      في قاعدة امبارح كانوا بيتكلموا عن القايمة فحد قريبنا قبل كدا قال إن القائمة دي أبو العروسة بيكتبها عشان عارف إن بنته متتعاشرش ومن تاني يوم هتتطلق فبيمسكوا العريس من ايديه اللي بتوجعه
      وإن كل ما زادت كل ما كانت العروسة مايلة؟
      أعمل ايه أسمع كللمه؟

      • ReportProfile owner's reply

        أقدم لكم الأب الطاغية، حرام طبعا وظلم، تتكتب الحاجات الي جت بس والمؤخر بدون جنيه زيادة، وده العرف، الي هو أصلًا ضغط بطبيعة الحال على الراجل وفيه ظلم، لكن خلاص الناس اتعارفت عليه، خلي الأب يجيب أجهزة ب2 مليون ويزود القايمة براحته، لكن يزود فلوس أو دهب ضغط ع العريس ده حرام، والي بيكتب 50 جرام زيادة والي بيكتب 100 جرام زيادة عك في عك

    • Public message

      لو الوالد والوالدة منفصلين ممكن يأثر في اختيار الرجل شريكته، ولو آه ليه الإنسان ممكن يحاسب على غلطات غيره مش كفاية المعاناة وقتها؟
      سؤال تاني لو الإنسان بيكره شخص لكن مجبر يتعامل معاه فبيتعامل بالحسنى لكن في نفسه مبغضه هل دا نفاق؟

      • ReportProfile owner's reply

        أكيد هيأثر، مفيش حاجة اسمها الإنسان ممكن يحاسب على غلطات غيره، الكلمة دي غلط، دي حياة، اختبار متكامل، ده من ضمن أقدار الله، مش غلطة، ايه ذنب الإنسان اللي ابوه فقير؟ ايه ميزة الانسان اللي ابوه غني؟ ايه ذنب الانسان الي عايش في مصر، وايه ميزة الانسان الي عايش في سويسرا؟ ايه ذنب الانسان الاعمى او الاصم؟ طب هل دي حاجات هتأثر في الجواز؟ أكيد، ايه ذنب ابن الشحات؟ وايه ميزة ابن الرئيس؟ صراحة سؤال مستفز جدا، قدر من ضمن أقدارك وانت معترض عليه

      • ReportProfile owner's reply

        لا مش نفاق

    • Public message

      چيم مش بيشغل اغاني ف احمد ماهر كنت بتقول ع جيم بس مذكرتش المكان اعتقد لو تعرف وجزاك الله خيرا ولو له لينك ع الفيس نعرف منه المواعيد

      • ReportProfile owner's reply

        أكس جيم x gym ، ابحث ع الفيس هتلاقيه علطول مشهور

    • Public message

      الإستخارة و الدعاء كفاية عشان أقدر آخد قرار و لا لازم استشير
      و لو مفيش حد في العيلة ممكن يساعدني ،ممكن استشير مين في أمور الخطوبة و الجواز

      • ReportProfile owner's reply

        لازم تستشير، العيلة كلها مفيش حد يصلح؟ ممكن أبو واحد صاحبك، لو شايف انه شخص ديِّن

    • Public message

      أسامة معتقل ؟
      ومفيش أى معلومات عنه؟

      • ReportProfile owner's reply

        فيه عادي، والحمد لله بخير، ربنا يفرج عنه قريبا هو والبقية

    • Public message

      مش حاسس إنك محتاج توسع تفكيرك شويه وتتقبل وجود اختلاف؟

      • ReportProfile owner's reply

        اختلاف في أيه بالضبط؟ أنا أي مسألة فيها خلاف ولو بسيط معتبر معدتش بتكلم فيها اصلا، او بتكلم فيها ك اختياري الشخصي

    • Public message

      سؤال
      ازاي يكون عندي ثقافة دينينة في كل حاجة وارعف ارد علي أي سؤال عمومًا اتعلم ديني ازاي بطريقة سليمة من غير لغبطة عايزة أفهم يعني إيه أصلا مذاهب ولو اخترت مذهب معين يققيععلي أساس إيه حاسة إني تايهة

      • ReportProfile owner's reply

        مش لازم نرد على أي سؤال، وعموما معظم الي بيردوا على أي سؤال إما مشايخ درسوا مذاهب فقهية أو علم شرعي في معاهد، زي دراسة الطب والهندسة والتجارة وكدا، الموضوع بياخد وقت، أو ناس درست جزء بسيط وبقت بتقيس المسائل، أو قرأت فتاوي في الموضوع قبل كدا فبتنقل الفتوى

    • Public message

      السلام عليكم ورحمة الله وبركاته
      أنا في مصيبه بعاني منها من سنوات وخلاص تعبت ووصلت لدرجة اني بفكر كتير اوي اني انهي حياتي واخلص استغفر الله العظيم
      أنا متزوجه منذ ٩ سنوات ومعي اولاد
      أنا كنت مخطوبه لحد غير زوجي ده ومحصلش نصيب بس للأسف منستهوش ولا لحظه طول السنين اللي عدت مش بيفارق تفكيري عملت كل حاجه علشان انسى واتخطاه ودعيت كتير اوي اوي اني أنساه واحب زوجي لكن للاسف بحس دعائي مش مقبول مع أن بدعي بحاجات كتير وربنا بيتقبل وبيراضيني بس في دي بالذات لا وتعبت اوي اوي والله ويأست من نفسي وبقيت كارهه نفسي جداً صورته مش بتقارقني ولا لحظة حتى وزوجي معايا انا اسفه مش بكون شايفاه ...
      زوجي انسان كويس وبيتقي الله وعمره ما زعلني ولا اهانني والغريب أنه دائماً بيبادر بكل حاجه حلوة مع اني جافه من ناحيته وواصله الاحساس ده بس بردو مكمل عادي
      أنا الفترة دي مسيطرة عليا فكرة اني انفصل عشان ارتاح واريح ضميري وزوجي يشوف حاله مع اخت تانيه تقدر حبه وتعطيه الحب اللي مقدرتش أنا اقدمهوله
      وده الحل الوحيد اللي وصلت له رأيك بالله عليك وبدون تجريح ربنا وحده اللي اعلم بحالي أنا بموت والله

      • ReportProfile owner's reply

        غلطانة جدا، وفيه ناس كتير اوي كدا على فكرة رجالة وستات بس بيجاهدوا نفسهم عادي، بلاء مستمر مدى الحياة إلى أن يشاء الله، لكن إن الشخص يسيب نفسه ويستسلم ويظلم الي معاه غلط وحرام
        الحل اسألي شيخ أو راجل عنده خبره حريص ع البيت

    • Public message

      عمرك م هاتحب تاني ؟

      • ReportProfile owner's reply

        أكيد هحب وأتحب وأتجوز وأخلَّف ونسافر النرويج وجنوب أفريقيا وكينيا بإذن الله

    • Public message

      لو ف عروسه مناسبه هاتخطب السنه الجايه ؟؟؟

      • ReportProfile owner's reply

        لا

    • Public message

      بجوز ترد هنا ؟

      • ReportProfile owner's reply

        بلاش أفضل، ممكن من خلال وسيط يكون الموضوع أحسن

    • Public message

      اي ؟؟

      • ReportProfile owner's reply

        مفيش، مش هجاوب

    • Public message

      التعليق ال ع صوره الفيس تقصد بيه نفس البنت ال بتحبها من زمان و لا كاتب كدا عادي

      • ReportProfile owner's reply

        يالهوي

    • Public message

      عمي مخلف ولد حاليا عنده ست شهور وطبعا مع دخول هو معلم ومراته معلمه وطبعا حاليا في دراسة وكدا وأنا متفرغة حاليا خلصت امتيازي وبقعد بيه الفترة الل والدته بتكون فيه في المدرسة فمش عايزة مجهودي يضيع هباء بصراحة فايه النية الل ممكن اخدها أبتغي بها ثواب وايه الحاجات الل ممكن استغل أنه يتعلمها م الصغر كدا

      • ReportProfile owner's reply

        أكيد نية صلة الأرحام ونية إعانة مسلم
        + نية التربية لو هتقعدي جمبه وتشغلي مصحف مرتل بصوت واطي يسمعه بس، ولو هتقعدي تهتمي بيه من غير ما تديله موبايل او اغاني يبقى تربية حسنة بالمنع برضو، وعموما هو لسه صغير اوي اوي على تعليم أي حاجة

    • Public message

      يعني اي هما كام وحده عشان يبقي ف مجوزه ومخطوبه هيا مش وحده بس ؟ و مقلتش ونت بتكتب الشعر بتبقي في بالك ولا كنت بتكدب لما قلت مبتبقاش في بالك ؟

      • ReportProfile owner's reply

        والله أي رد مني مش هيتبنى عليه أي شيء خالص، فكك

    • Public message

      اخر سؤال موصلش ؟؟؟

      • ReportProfile owner's reply

        وصل بس مش عايز اجاوب

    • Public message

      مادام مقرر متنساش مبتجوزهاش لي ؟ وعلي كدا لما قولت مبتفتكرهاش ونت بتكتب الشعر في القناه كان كدب ؟😂

      • Public message

        هو اجابتك علي دا لو عرض عليك صندوق فيه كل شي فقدته في حياتك ماهو أول شي بتبحث عنه ؟ وكتبت هيا كنت تقصدها و تقصد وحده معينه زمان ولا تقصد هيا ال هتحبها بشكل عام فالمستقبل
        بس السؤال مكتوب بالماضي يبقا تقصد حب قديم ؟؟ ماتقلش مش مهم

        • ReportProfile owner's reply

          ازاي واحدة في المستقبل دي، تفكير بعيد

      • Public message

        مش هتقول الحقيقه وتبطل لف ودوران بقا زعلان عليها لسا ولا لا

        • ReportProfile owner's reply

          مش هنساها

      • Public message

        اربعين اي هوا الددلاين ال كنت كاتبه للنسيان لسا مجاش ؟ ولا جه وانت ال لسا زعلان عليها ومعرفتش تنسي ولا اي😂

        • ReportProfile owner's reply

          براحتي يعني مش حاسس إن فيه ما يدعو للاستعجال

      • Public message

        ديما كنت تجاوب السؤال دا عادي فكل مكان اشمعني دلوقتي خايف نحسدك لو رجعتو😂

        • ReportProfile owner's reply

          الله يصلح حالك 😂 مفيش حد، مفيش حب، مفيش جواز، ابننا قافل كل حاجة لحد سن الاربعين

      • Public message

        الزوج يحق له تفتيش الموبيل وضبط وحذف وتعديل الموبيل وبرامجه كيف ما يشاء بل ان الزوج يحق له تفتيش وتعديل والموافقه او الرفض لكل شي موبايل ولبس وخروج وجميع جوانب ومشتملات الحياة والزوجه تلتزم بذالك وتنفذ الاوامر وتلتزم بالتعليمات وليس لها اي حرية او خصوصية ولايحق لها الاعتراض او مخالفة القرارات الصادرة من الزوج سواء كان ذالك عكس رغبتها او مخالف لثقافتها . مع الكلام دا ؟

        • ReportProfile owner's reply

          لا

      • Public message

        ملقتش غير احمد سالم

        • ReportProfile owner's reply

          كنت قولت ع القناة إني بستشهد بفتاويه بالمنع، لأنه لو منع شيء معناه إنه مفيهوش أدنى خلاف ولا حتى أراء شاذة

      • Public message

        اتخطيت الحب القديم ولا لسا زعلان ؟

        • ReportProfile owner's reply

          الإجابة مش مهمة

      • Public message

        الفتوى بحرمه الشغل عامه و لا فيها تفصيل؟

        • ReportProfile owner's reply

          الشغل المختلط بالشكل ده، الي هو قاعدين في مكان ثابت لمدة وقت كبيرة شكل زي شكل الوظائف الحكومية كدا، وشؤون الطلبة والحاجات دي، أفتى بحرمتها اه ، وزي ما انا كتبت قبل كدا الاستاذ احمد سالم تاخد منه الحرام يعني قولا واحدا، لأنه لو فيها مخرج او فيها قول بيقول بالاباحة هيقوله من غير تردد، زي فتواه في المكياج برضو قولًا واحدًا حرام، لكن مثلا ف الاختلاط في الافراح لا، وهكذا

      • Public message

        -

        • Public message

          -
          هنا مثلًا

          • Public message

            صاحي؟

            • Public message

              انا مقلتش حب اونلاين لا دا حب من الكليه بس مكلمناش كان من بعيد وظروف ماديه منعتني اخد خطوه و اتجوزت


              دعواتك ي حبيبي ربنا يرزقني زوجه صالحه قريب

              • ReportProfile owner's reply

                أبشر ياعمي

            • Public message

              ما دام قولت مش هتفيد تبقا لسا فاكر حبك ال بتكتب عنه
              للأسف انا كمان وبعاني مع انها اتجوزت اصلا ، دا غير انا عارف لو كنت اتجوزتها كان هيحصل خلافات كتير بنا بسبب اختلافنا فالشخصيات و ان الحب كان من بعيد كل دا ولو قربت منها كنت هلاقي حاجات تتعبني و وقتها كان هبقا نافر ، كل دا بقوله لنفسي وعارفه بس رغم كل دا ساعات افتكرها
              لو لقيت طريقه ننسا بالله عليك قولها

              انا لو خطبت واحده تانيه ودخلت مشروع جواز اكيد هحبها مع الوقت صح ولا هبقا بظلمها ؟ اخطب ولو محبتهاش اسيب بس خايف ابقا ظلمتها بردو

              • ReportProfile owner's reply

                يعني حب اونلاين وكمان من طرف واحد ومش قادر تنساها؟
                هتنساها لو حبيت واحدة واتجوزتها، أما غير كدا ف غالبا مش هتنساها، ومفيش ظلم في الشعور القلبي عموما بس لو أثر على أفعالك هيبقى ظلم

            • Public message

              نسيت حبك دا ال بتكلم عليه علي طول و لا لسا بردو بتحاول ؟

              • ReportProfile owner's reply

                مش هتفيد بحاجة الإجابة

            • Public message

              ولية تنساه؟
              خليه واقع
              انا معرفش حضرتك اصلا ولا حضرتك تعرفني، انا مجرد فرد فالقناه بس بتضايق عموما لما اشوف حد معجب بحد سواء عالنت او فالواقع وكاتم دا جواه، تقدم وخد خطوه لا تخف! وكله بطريقة شرعية بالتواصل مع حد من محارمها
              السؤال دا اجابته محذوفه كان ال اجابه اي ؟؟

              • ReportProfile owner's reply

                مش هتفيد بحاجة الإجابة

            • Public message

              صاحي المرة دي؟

              • ReportProfile owner's reply

                هو صراحة مش بيجيب لي إشعار إن حد بعت ولا اانا بفتحه كل 5 د، وقت ما بفتحه برد

            • Public message

              طب معلش هاخد رأيك للمرة الأخيرة علشان التشتت دا دلوقت أنا غلطانة فإني مكنتش بتكلم في أي حاجة مكنتش بتعجبني ؟ أصل زي ما أنا قلت حرفيا أنا غالبا مكنتش ببقي مهتمة يعني كان هيفرق لو كنت اتكلمت ؟ حاسة أنه آه صح؟ لأن أنا قررت خلاص إني هفسخ ولما قلت اسبابي لأهلي اكتشفت ان كلها تراكمات يعني فيها حاجات إحتمال تتصلح بس زي ما قلت حتي لو اتصلحت أنا مش عارفة اكمل برده، دلوقت كمان أنا فسخت من غير ما اقول تفاصيل ليه هو غير اني مش مرتاحة فهو له الحق أنه يعرف واسمع منه تاني ولا لأ ؟

              • ReportProfile owner's reply

                عادي مفيش تصرف غلط في الأمور دي، فيه صح وفيه أصح، ولو فيه شخص كبير عارف احوال العيلة أب أو أخ أو خال يبقى رأيه أفضل من رأي أي حد برا الموضوع

            • Public message

              صاحي؟

              • ReportProfile owner's reply

                يس

            • Public message

              يعني عدم الراحة دا حقيقي ويستاهل ولا لأ؟ علشان كتير بيقولي إن دا الطبيعي يعني وهتفضلي كدا لحد ما تتجوزي عادي
              بس هو مش عدم راحة بس هو كمان إني مش مبسوطة وقلقانة طول الوقت ومش أعرف افرح بأي خطوة باخدها تجاه الموضوع دا هو كشخص بالنسبة لي مش اتراكتيف خالص يعني بحس إني مش حاسة إني عايزة اكمل طول الوقت حاسة إني عايزة اسيبه غير بعض النقط طبعا في شخصيته مش مناسباني وبحس إني مش هقدر اتعايش معاها مع إن فيه مميزات تانية كتير ومش ضامنة لو كلمته فيها هيتغير ولا لأ يعني عمري ما كلمته في حاجة مش عاجباني قد كدا لاني عارفة إني مش هكمل ومتاكدة أنه مش هيتغير وهيفضل كدا حاسة أنه كمان لو عمل الحاجات دي وغير من نفسه مش هحب إني اكمل برده لأن حاسة بعدم القبول مع أني كنت في الاول عادي حتي لو كنت قلقانة شوية فدا طبيعي ولا مش طبيعي ولا أنا الل مش طبيعية ولا إيه

              • ReportProfile owner's reply

                هو الي أنا أعرفه إن جزء مش قليل من الناس بتتخطب غصب عنها، رجالة وستات، ووهما مخطوبين غصب عنهم بسبب ضغط من الأهل، بيحسسوا الناس إنهم أجمل قصة حب في التاريخ، وكالعادة بيحصل فسخ، أو بيحصل ميل غريزي والموضوع بيكمل، فالأحاسيس دي طبيعية، لكن الفكرة إن ميحصلش عقد غير لما تتبدل، لو متبدلتش بقى، فحسب ظروف العريس وظروف العروسة وظروف ضغط الأهالي، ربنا يكون في عون الشباب والبنات والله من ضغط الأهل في حوار الجواز ده

            • Public message

              هكمل كلية وكنت رايحة اقدم النهارده وصليت استخارة فأول ما روحت علي باب الكلية كنت مع بنوتة كدا نزلت معاها لقينا البوابة مقفولة وبتقولي أول مرة من أربع سنين تكون مقفولة كدا لو مزعلة مامتك روحتي صالحيها وقبلها بتقولي بلاش طنطا بجد بلاش قبل حوار البوابة دا وبعدين روحت الكلية ردتني بالورق علشان كذا حاجة ناقصة وقالت لي اخرنا التلات وطبعا الورق دا بياخد وقت فرجعت المعهد بتاعي اخلصه ملقتش الناس الل بتخلص الورق دا وكل دا من محافظة لمحافظة وسفر دي كلها إشارات ولا عادي ؟ وأكمل واشوف هترسي علي إيه

              • ReportProfile owner's reply

                عادي، مش إشارات ولا حاجة

            • Public message

              تابعت التلاتة لكن مفيش حاجه نزلت فغالبا مش فاتح، هبعت وقت تاني

              • ReportProfile owner's reply

                برد عليها هنا، مش بنزل على القناة الا حاجات قليلة خالص

            • Public message

              صاحي؟

              • ReportProfile owner's reply

                كنت صاحي اه، بس مش فاتح صراحة 24 ساعة يعني، وقت ما بفتح برد

            • Public message

              خدت قرار الفسخ بس أهلي مش مكتفيين بفكرة إني مش مرتاحة هل فيه سبب مقنع اكتر من كدا بالله!

              • ReportProfile owner's reply

                عادي، وطبيعي يبقوا مضايقين جدا برضو عادي

            • Public message

              هتعرف تحب خطيبتك او مراتك قد كد تاني ؟ عندك قدره ولا خلاص هيا اول مرا بس وال جاي بعدين هيبقي شخص في حياتك لمجرد عاوز تتجوز و خلاص

              • ReportProfile owner's reply

                أكيد لما أقدر أعمل كدا هخطب إن شاء الله، ولو كنت هتجوز لمجرد الجواز كان زمان معايا مريم وعبد الرحمن

            • Public message

              وقت قرايتك لكلام غزل و وقت كتابتك فالقناه مبتفتكرهاش ويكون الكلام متوجهلها ؟؟

              • ReportProfile owner's reply

                لا

            • Public message

              لية مبتتقدملهاش ؟ لسة بتحبها ؟

              • ReportProfile owner's reply

                لا

            • Public message

              من سنه كنت مخطوبه لشخص محىترم جداً، بس مكنش في بينا مشاىعر خالص…
              كنت حاسه إني متجىمدة، لا بغير عليه، ولا بشىتاقله،
              كأننا أصىحاب.
              ماما كانت بتقولي (الحب بعد الجواز)،
              بس أنا مقدرتش أكمل، وفسىخت.
              دلوقتي كل العيلة شايفاني غلطىانه…
              بيقولولي ضيعتي رىاجل محترم وهيىجيلك واحد أقل منه.
              بس أنا ضحيىت برا.جل…
              بس مرضيتش أضحي بقلبي.
              أنا غلطىانه؟

              • ReportProfile owner's reply

                مش عارف غلطانة ولا مش غلطانة، دي اختيارات عادي، بس اللي أعرفه إن كلام مامتك بيحصل فعلا

            • Public message

              برفض بس مستنكره أنه يطلب دا، مستغربة معظمكم كدا وكدا الطبيعي ؟ علشان حاسة أنه لأ

              • ReportProfile owner's reply

                أظن دي تفاصيل شخصية أكتر من كونها سؤال عام، هل طلبها بهزار، هل طلبها عشان يوصل ليكي إن شكلك حلو، هل طلبها لأنه فعلا محتاج يتثبت من شكلك تاني وده هيبقى في مصلحة الخطوبة، هل طلبها دلع، هل طلبها عشان حابب يشوفك، أي ولد خاطب بنت أكيد بيحبها، وما دام بيحبها أكيد هيحب يشوفها، وطبيعي دي جواه غريزة، فيه اللي مش بيبيَّن عشان ميقعش في الغلط، وفيه الي بيبيَّن ك نوع من إظهار مشاعر رضا عن العلاقة، وفيه اللي بيطلب عشان بيحب فعلا وعايز يشوف خطيبته، طالبه معاه يشوفها، محدش يقدر يجزم إن الموضوع صح، لكن في بعض الأحيان ممكن ميبقاش غلط

            • Public message

              هو طبيعي إن خطيبي يطلب مني صور بوشي؟

              • ReportProfile owner's reply

                وطبيعي ترفضي

            • Public message

              السلام عليكم ورحمة الله وبركاته
              ممكن تدعيلي علي شئ او دعاء اري به نبينا محمد صلوات ربي وازكي سلامه عليه 🤲🏻🤲🏻

              • ReportProfile owner's reply

                صلى الله عليه وسلم، يا رب كلنا نشوف النبي صلى الله عليه وسلم حاضر

            • Public message

              معرفش سألت حضرتك في حاجة شبه دي ولا لأ قبل كدا بس خطيبي مقتنع إن يحق له يفتش في موبايل أولاده فيما بعد وبيقولي بالنسبة لك أنتي أنا واثق فيكي آه بس عادي يعني لما امسك فونك كدا وكل راع مسئول عن رعيته وإن دي حاجة شايفها عادي وبيقولي اسألي أي حد هيقولك كدا وكمان عرفت إن بيعمل كدا مع أخته كذا مرة قالت لي هو عنده قابلية إن يعرف الصح عادي بس هي دي دماغه واتناقشنا وهو سهل في حتة النقاش بصراحة بس حرفيا دا أكتر نقاش مش راضي يطلع منه مقتنع بإن دي حاجة غلط فدا مؤشر سيء؟

              • ReportProfile owner's reply

                لو سألتي أي حد هيقولك اللي بيقوله ده غلط، ولو ده العيب الوحيد اللي فيه ممكن يتم التعايش معاه؟ ممكن تخبي عنه حاجات ف الموبايل باستخدام ابلكيشن معين؟ مش عارف بصراحة الوضع هيتم ازاي

            • Public message

              مقترحات بودكاستس لفترة الخطوبة وكتب ودورات تغيرني تماما

              • ReportProfile owner's reply

                بحث ع الفيس بقى هتلاقي بوستات ترشيحات كتير

            • Public message

              لو اتأخرت علي صلاة العصر وخلاص جه وقت الغروب اصليه ولا اسيبه تاني يوم

              • ReportProfile owner's reply

                تصليه حتى لو باقي دقيقة حتى لو لحقت التكبيرة بس قبل الأذان

            • Public message

              ايه رأيك في إن حد متقدم لبنت يقولها انه متنازل عن الرؤية الشرعية ، هو عارف شكلها

              • ReportProfile owner's reply

                هو كدا مش عارف شكلها، هو كدا عارف كل حاجة عنها، على العموم الرؤية مش للشكل بس ولا للتعارف بين العريس والعروسة بس، أكيد فيها نوع من الكرم أو البخل، نوع من الشخصية والحضور سواء عند الراجل أو البنت، نوع من الأدب والشياكة في التعامل، ليها أبعاد كويسة، وخصوصًا إن بيحصل بعدها قعدة تحليل عشرين ساعة بيتم فيها تحليل كل تفصيلة، وكل تفصيلة كويسة بتدخل على صفة كويسة، وكل تفصيلة مش كويسة، بتدل على صفات مخالفة
                رأيي إنها جلسة مهمة جدًّا للطرفين

            • Public message

              مقفولة منه من ساعة ما كان فاضل علي الفجر ساعة ونام قلت له خليك صاحي للفجر قالي هحاول بس هموت وأنام علشان عيني ودماغي مصدعة فسألته الصبح قالي مصلتش والله نمت كنت تعبان فمش عارفة آخد موقف ولا إيه يعني هو اصلا مواظب علي الصلاة ودي حاجة معروفة عنه

              • ReportProfile owner's reply

                الموقف يعدي عادي، المهم متكونش دي عادته

            • Public message

              https://youtu.be/WkLJGOL5IwA?si=TRtpxAf4nZa01sDz
              https://youtu.be/OQc8pDW2N0k?si=kUV4-vxtVxJq72LI
              https://youtu.be/r-8_GJRp0no?si=SexUYr-9iEMlui_r

              • ReportProfile owner's reply

                الفيديوهات فيها كذا موضوع وكذا معلومة، فيها حاجات صح وحاجات غلط، وحاجات على نهج الادريسي بس النسخة النسوية، كلام أحادي من منظور الست فقط
                طبعًا حوار ان الست تكذب في الخطوبة وتاخد خطيبها على قد عقله ده كلام غلط وحوار فكسان، وأي راجل لسه بالغ هيعرف بسهولة البنت بتضحك عليه ولا دي مشاعرها فعلا، غير إنه كذب وعيب، فده كلام من منظور أحادي،
                انا معرفش مين دكتورة سوزان دي، لكن زعلت لما لقيتها متوفية، والفيديوهات دي منتشرة كدا وفيها ضحك كتير وفرط حركة منها بحركات لا تليق من أنثى فضلًا عن كونها تليق بسيدة ستينية، ربنا يرحمها
                وحوار إن الراجل بيحاول يخلع عشان ياخد الشبكة، نقطة وحشة اوي وبايخة اوي، وأي بنت بتاخد شبكة الراجل حتى لو الراجل الي سايب فهي ست جعانة، وأي واحدة بتفتح في الحوار ده فالموضوع بيبقى بايخ، زي بواخة الراجل اللي بيهزر بالتعدد
                أنا للأسف مش بحب أسمع لأي واحدة ست، لأن كل اللي سمعتلهم بيتكلموا من منظور الست بس، مفيش ست هتحط نفسها مكان الراجل ولا هتقدر تعمل كدا، الست العادلة جدا، اللي هتعامل الراجل معاملة انه انسان طبيعي بس، ده اقصى درجات العدل عند الستات، غير كدا معظم الستات بتتعامل مع الراجل اكنه انسان آلي، وكل المشاعر ناحية الست وفقط

                مش عارف فيه نقط معين ف الفيديوهات أقول رأيي فيها، لأنها هي وجهة نظرها كدا، خلاصة تجاربها وتجارب البيئة المحيطة بيها وبتقوله وخلاص تفكير الستات فعلا هو ده:
                1- انهم بيحوروا كتير عشان العريس ميروحش منهم
                2- لو العريس قرر يسيب بيحاولوا ينتقموا منه وياخدوا اي حاجة يقدروا ياخدوها
                وهي فعلا أقرَّت النقطتين دول في كلامها

              • ReportProfile owner's reply

                ممكن كلامي يكون صح او غلط عادي، هي وجهة نظري

            • Public message

              هبعت لك تلت لينكات لفيديوز لا تتعدي الخمس دقايق رأيك مهم جدًا فيهم بالنسبة لي

              • ReportProfile owner's reply

                تمام

            • Public message

              إيه أكتر الحاجات اللي كدا كدا تكون موجودة في الراجل الل متقدم سواء بقي م التزام أو غيره ولو مش متوفر الحاجة دي من اولها كدا فلا ولو لا خدتها بعدين اعمل ايه

              • ReportProfile owner's reply

                أنا مثلا فيا صفات كذا، فالمتقدم يكون أعلى مني في الصفات دي، أنا في الالتزام مستوايا كذا، فاللي قدامي يكون أعلى مني، أنا مستوايا الاجتماعي كذا، يبقى اللي قدامي أعلى مني، أنا مستوايا المادي كذا، يبقى الي قدامي أعلى مني وهكذا، وعلى الأقل خالص يبقى في نفس المستوى في كل الجوانب، لكن مينفعش يبقى أقل
                والجواز من ضمن الأرزاق

            • Public message

              معلش السؤال الاخير...حد ينبهه ازاى ...حد من أهلها يعنى ...مش هيكون فيها احراج ؟؟

              • ReportProfile owner's reply

                كلام عام عن إن الهدايا شيء مهم ومفيد في استمرار العلاقات مع صحباتي ومع قرايبي، وبيلين قلب الناس معاك، الكلام عن الهدايا عموما، محدش يقوله انت لازم تجيب هدايا لخطيبتك

            • Public message

              الخاطب اللى بيزور خطيبته و يجيب حاجه حلوه كل مره من مكان كويس و معروف بس ولا مره بيجيب ليها هى حاجه ....هل ده ممكن يكون ليه سبب ؟
              و هل الهدايا فى الخطوبه حاجه اساسيه و لا لا ؟؟

              • ReportProfile owner's reply

                أكيد مش واخد باله، ممكن حد ينبهه بس، والهدايا حاجة أساسية في أي علاقة في الدنيا

            • Public message

              هسأل سؤال هو انا لما اشارك منشور في يوم ميلادي واتلقي التهاني والتبريكات ده حرام، وهل ده من مظاهر الاحتفال والتشبه بالكفار
              او برضو لما حد يكتبلي كل سنه وأنتِ طيبه وأرد عليه ده حرام .
              ارجو الافاده

              • ReportProfile owner's reply

                لا، مش حرام

            • Public message

              انت اي رأيك في فكرة انها اللي كلمتني

              • ReportProfile owner's reply

                عادي، متدلش على حاجة

            • Public message

              بنت كويسه على خلق تعتبر هى ال اتقدمت ليا مباشر المفروض اعمل اى؟
              متجاوزتش الحدود هي قالتلي وخلاص وبلغتنى ان في مشاعر وسابتلى رقم والدها

              • ReportProfile owner's reply

                كلم والدها لو الموضوع عاجبك

            • Public message

              اي رايك في أحمد العربي الداعيه؟

              • ReportProfile owner's reply

                ده عمي ده

            • Public message

              عاوزة أسأل حضرتك سؤال هو عادي شخص هو اللي طلب من اخته انه عاوز يجي يتقدم بدون ضغط من أي حد قعدنا تعارف فترة حلوة بيجي البيت مرة في الشهر او مرتين بدون مكالمات ولا أي حاجة وفجأة مامته ترن على مراة اخويا قبل الخطوبة بأسبوعين تقولها مش مرتاح وكل شيء قسمة ونصيب رغم إنه كان جايب بوكس هدايا شوكلاتات وكدا قبلها بأسبوع وكان قايل لأخته انه مبسوط والموضوع ماشي كويس اهلي مضايقين انه مقدرش انه دخل البيت وكلم رجالة مفروض لو هيرفض يتكلم هو او حد من أهله الرجالة برضو بس انا مضايقني اني مش عارفة فيما بعد اتطمن امتى كدا يعني انا كنت شايفانا تفكيرنا زي بعض امتى اقول ان دا مناسب للآخر هو كان مفهمني ان الدنيا تمام الموضوع بقاله شهر فات هل أحذف رقم اخته اللي مبررتليش لحد دلوقت السبب ولا أعمل ايه فاهمة ان من حق أي إنسان يرفض بس ليه الكذب ف ان كل حاحة كويسة ومظبوطة وفجأة لأ مش عاوز أكمل ومامته اللي تقولها كمان

              • ReportProfile owner's reply

                لا الموضوع مفيهوش كذب، موضوع عادي، ممكن يكون لقى حد أفضل، أو ممكن كان السبب من أمه، مش عاجبها الجوازة، فهو قالها: مش هتدخل في الموضوع، قولي انتي، ممكن محروج يقول هو، ممكن اكتشف حاجة مش عجباه، ممكن كان فيه واحدة بيحبها، ممكن حاجات كتير تحصل في ساعات تبوظ أي جوازة عادي، ممكن موقف مش أحسن حاجة أنه يخلي أمه اللي تبلغ، لكن مفيش كذب في الحوار، وكمان ده قبل حتى الخطوبة، شايفه موقف عادي، وشايف أن لحضرتك الحق في الزعل عادي برضو، وهياخد وقته ويعدي

            • Public message

              خطيبي اداني عيدية ٢٠٠ جنيه مع أنه مقتدر وعيلته مقتدرة مكنتش مستنية حاجة بس أنا في بالي الطبيعي بيبقي اكتر من كدا بكتير فاتفاجئت بصراحة ٢٠٠جنيه إزاي غير أنه مش بخيل يعني بيدخل علطول بحاجات فمستغربة بحس علشان أنه دايما بقول لأ علي أي حاجة ومش عايزة وبتاع فهيبقي اتكالي ومش هيبين أحسن ما عندي وهيستسهل

              • ReportProfile owner's reply

                أي راجل في الدنيا يتمنى ياخد كل فلوسه ويصرفها على فرحة خطيبته، ثم مراته، ثم أطفاله، لو الموضوع مقلق بالنسبة لك، اسأليه، ممكن مش معاه فلوس حاليا، ممكن عامل حسابه في هدية تانية غير الفلوس، ممكن خد رأي صحابه ولقى إن ده المتوسط بينهم، وحتى لو طلع السبب إنه شايف إن ده مبلغ كويس، فعادي هو كدا مش بخيل، هو كدا مش كريم، لو بخيل مش هيدي فلوس خالص، أو هيجيب هدية معاه وهو جاي زيارة مرة أه ومرتين ميجيبش، يعني في أسوأ الأحوال هو مش بخيل، أعرف ناس من صحابي بتدي المبلغ ده

            • Public message

              نصيحتي لك يا باشمهندس إن قبلتهت
              أن تتوقف عن اظهار مشاعر الاشتياق والحنين بامرأة احببتها في الماضي وان تتخطى سرا لا علانية بدون وصف صريح
              احتراما لمن هو زوجها
              وللفتاة التي ستتزوجها انت
              فلست أعرف فتاة سوية عاقلة تبادل أخر حبا صادقا
              وتعرف بحبه لغيرها وحديثه عنها مطولا يوميا
              نعم لا يجتمعان في معشر النساء
              ولن أبالغ ان فعلك هذا ربما يزرع الشك بداخل زوجتك مدى الحياه حتى بعدما تخطيت حبك القديم كلما حاولت إصلاحه فسد المرأة لا تنسى أن زوجها عشق وهام واشتاق سنونا طويلة
              ويهدد ذاك امانها معك ويصبح بذلك لها هباء للريبة في صدقه وشعوره ومعناه الحقيقي
              فتكون الخاسر في ماضيك ومستقبلك

              • ReportProfile owner's reply

                يالهوي ايه كل ده، ولا هي تعرف ولا حد يعرف هي مين اساسا، الموضوع بقاله سنين، الحمد لله فيه تحسن كتير، ما أنا أكيد مش هخطب دلوقتي، لو خطبت يبقى من حق أي حد يشك فعلا
                عادي هي قناة بتسلى فيها كنت موقف الكتابة عليها وعلى تويتر أكتر من سنة، وعادي مأثرش في حاجة لا سلب ولا ايجاب

              • ReportProfile owner's reply

                جزاكم الله خيرا على النصيحة، انا عامل ديدلاين على الموضوع ده لسه باقي فيه اسابيع بسيطة

            • Public message

              انا بتاعت رسالة اخويا متجوز ومخلف
              انا بس عايزة اشتكي لحضرتك عشان اخفف التعب اللي عندي لاني انهارت قبل كدا هو المشكلة ان بسمع صوتو وهو بيعيط ولما اطلع اقعد معاهم يقولولي كنتي سامعة صوتو وهو بيعيط ومخدتهوش بقولهم مش فاصية فتروح ام الولد تشتكي لاهلها وتقول دا عمتو مبتحبهوش وخالاتو بيحبوه وبيقعدو معاه وانا بدايق دا كمان بالعافية فامي بتقولي البجح نتعامل معاه ببجاحة فهل دا صح؟

              • ReportProfile owner's reply

                اه صح وازيد من كدا، بس ابو الولد غلطان اكتر من ام الولد طبعا

            • Public message

              السلام عليكم.. بشمهندس إسلام الحقيقة قناة حضرتك تبين للأعمى إن حضرتك لا تخشى في الله لومة لائم الحمد لله ربنا ينفع بك ما حييت آمين
              هو في بس تعقيب صغير لحضرتك في شيء اتضايقت منه جدا الحقيقة وحضرتك بتتكلم عن الحجاب وكذا ذكرت في رسالة من الرسايل القديمة إنها نجسة قلت نصا "ابعدي بنجاستك دي" وكنت ذاكر قبلها البنت اللي بتلبس الطرحة لون الشنطة وفتنة وملفت وكذا أنا وقفت عند الجملة دي الحقيقة جملة كبيرة حقيقي وأذتني نفسيا ربنا يصلح الحال الحمد لله لبسي شرعي ولكن الجملة شديدة يعني أغلب رفاقي منتقبات ولبسنا شرعي وغير ملفت ونلبس أحيانا الخمار لون الشنطة والشوذ كمان أخاف ساعتها أكون مندرجة تحت تلك الكلمة الله يعافينا يا رب
              أرجو من حضرتك تغير اللفظة لأنها مؤذية جدا والله
              وربنا يُبارك في حضرتك

              • ReportProfile owner's reply

                مسحته، ممكن أكون غلطان فيها

            • Public message

              يا الله! صعبه دي
              ربنا يربط على قلبك ويقويك يا صاحبي ويرزقك زوجه صالحه تعيش معاها الحب الحقيقي فعلا وتنسى القديم

              • ReportProfile owner's reply

                آمين وإياك ياعمي

            • Public message



              ولية تنساه؟
              خليه واقع
              انا معرفش حضرتك اصلا ولا حضرتك تعرفني، انا مجرد فرد فالقناه بس بتضايق عموما لما اشوف حد معجب بحد سواء عالنت او فالواقع وكاتم دا جواه، تقدم وخد خطوه لا تخف! وكله بطريقة شرعية بالتواصل مع حد من محارمها

              • Public message

                لما اقولهم مش فاضية يقوليلي دا انتي في اجازة وامك تعمل حاجات البيت لوحدها فارجع اخدو

                • ReportProfile owner's reply

                  انتي الي بتاخديه بمزاجك، هما مش بيضربوكي عشان تاخديه، وانتي بتتنازلي وتاخديه، ده اختيارك، إما ترفضي، أو تتحملي نتيجة الاختيار، هو الموضوع ده هيفضل كدا مدى الحياة مع كل الناس، إلا لو أب الطفل أو امه، بطلوا حسد لحياة الناس، وان الناس فاضية واحنا مش فاضيين، فاللي فاضي يشيل شوية من مسؤولياتنا

              • Public message

                طب اي الحل عشان انا مش بعرف اقولهم لا لو قالولي خدي الواد
                انا بتاعت اخويا مجوز ومخلف ولد اللي بعت الرسالة دي

                • ReportProfile owner's reply

                  مفيش حل، لما تبقي مش عاوزه تاخديه او مشغولة او نفسيا مش حابه، قوليلهم مش فاضية، بس كدا، والغلط كله بيبقى ع الأب أب الطفل مهما كانت الظروف

              • Public message

                اخويا متجوز ومخلف ولد عندو سنتين ومرات اخويا عملت مواقف وحشة مع ماما وبتقولها يا طنط وماما بتدايق وعملت حاجات وحشة مع ماما كان زمان بس دلوقتي مفيش تعامل بينهم وانا بتعامل معاها وبطلعلها وبهزر معاها فانبارح كنت طالعة اقعد مع ابن اخويا والعب معاه واقعد معاها بس طولت قوي وقعدت ست ساعات وانا تعبت وكل يوم بقعد عندهم ومفيش وقت ليا فلما قولتلها خلاص هنزل انا تعبت قالتلي لا اقعدي انتي في اجازة فمكلمتش وقعدت غصب فلما تعبت قولتلها هنزل فعلا نزلت بس ابن اخويا فضل يصرخ عشاني وانا نزلت فهي فتحت الباب وقالتلي يا قاسية القلب سامعاه بيعيط ونازلة فطلعت تاني لحد 9 بليل وكنت طالعة من 10 الصبح فقولتلها هنزل انام قالتلي ماشي نمت وصحيت قولت انهاردة لازم اساعد ماما في الشقة لقيت اخويا منزلو(معلومة هما ساكنين فوقينا) فقولتلو انا مش فاضية وقالي ايه انتي بتكرهيه ولا ايه فادايقت وخدتو بس لما طلع طلعتو فقالي انتي مس بتحبيه ولا ايه قولتلو بحبو بس الشقة مش نضيفة قالي يا شيخة اتنيلي(معلومة قبل كدا قال لماما مش هننزل انا ومراتي غير لما الشقة تنضف) فقولتلو طيب هساعد ماما في الاكل قالي امك هتعمل لوحدها فاتنرفزت اوي وخدتو بس زعقتلو وطلعتو قالي خلاص هاتيه براحتك فانا لما نزلت فضلت اعيط اوي واشتكيت لماما فماما اتعاملت غلط ورنت على اخويا وقالتلو مراتك ليه تقول لبنتي يا قاسية القلب هي مش الخدامة بتاعتكو فقال بنتك كدابة وهي والله قالت كدا فماما قالتلو لا انت ومراتك كدابين فقفل السكة في وشها فانا عيطت عشان ماما زودت الموضوع فقولت لماما انا بعيط بسببك انا زعلانة عشان هم هيقطعو العلاقة معايا بسبب ماما يعني كفاية مش بتكلم ماما كمان مش هتكلمني انا زهقت وكمان انا وهي بنروح مسجد مع بعض وبكرة ان شاء الله هنروح ومش عارفة هسلم عليها ازاي واكلمها ازاي وهي هتكون زعلانة مني مش هقدر اكلمها وكمان ابنها بييجي معانا المسجد ومش عارفة هكلمها تاني ازاي بعد اللي ماما عملتو دا فياريت تفيدني يا شيخ لاني تعبت من المشاكل العائلية دي واختي مش بتكلمنا اما مرات اخويا بتكلم عيلتها دايما وماما اسلوبها وحش فمحدش ببحبها انا تعبت يا ريت تفيدني يا شيخ😭😢

                • ReportProfile owner's reply

                  والله ده حال بيوت كتير جدا، ومش بسبب بيت العيلة، حتى لو ساكنين في نفس المنطقة أو قريبين من بعض هيحصل كدا برضو، هو الغلطان الأول والأخير في الموضوع ده بيبقى الأخ، ليه أنا أخلِّف وزهقت من ابني ف أرميه كل شوية لحد عشان يخف عني؟ مرة لأمي مرة لأختي مرة لأخويا مرة لحماتي، المهم أي حد تاني يستحمل قرفه وأنا أريح دماغي شوية؟ ده غلط ومحدش مطالب بتربية أبناء حد، وإحنا ما دام مش أبو الطفل ولا امه، هنلعب معاه ساعة ونزهق منه طبيعي، لكن للأسف بيبقى فيه حتة انانية كدا: انت مش متجوز، فخد الواد معاك شوية انا تعبان ومتجوز، لكن انت فاضي، او انا مش شغال، فخد الواد شوية انت فاضي ومش شغال، لكن انا شغال ومش فاضي، بيحاولو يستغلوا أي شخص فاضي عشان يرموه حمولهم عليه، وده مش صح برضو، لأن اللي مش شغال او مش متجوز، ممكن يكون نفسيًا مش حابب يتعامل مع اطفال ولا مع حد، ممكن عامل حسابه على حاجات يعملها في يومه حتى لو لعب، ليه تؤمرني بحاجات مش واجبة عليا ولما اعتذر عنها تتضايق؟ بصراحة مواقف مقرفة ودايما بتيجي من الأخ وهو السبب الوحيد فيها

              • Public message

                خرا على دماغك يا سي اسلام

                • ReportProfile owner's reply

                  ??

              • Public message

                معلش البنت ذنبها إيه ؟ مش هتجوز بقي علي كدا علشان أبوها خلاص نصاب! الناس الل زي دي سواء ست أو راجل بصراحة بيقع عليها ظلم كبير لأنها ببساطة كونها كويسة فدا نتاج تربيتها لنفسها ولا علاقة لها بالولد ومش ذنبها إن والدها كدا

                • ReportProfile owner's reply

                  ملهاش ذنب، هو لما البنت يبقى عندها اختبار معين من ربنا، يبقى اسمه ذنب؟... وأيه ذنب البني آدم اللي اتولد أعمى؟ أو ايه ذنب الفقير؟ أو ايه ذنب أي شخص له ظرف استثنائي مجبور عليه؟... مفيش حاجة اسمها ذنبها ايه، كل إنسان له تجربته الكاملة في الحياة، الطبيعي محدش بيدخل جوازة حماه شخص نصاب، زي ما الطبيعي إن الألدغ ميتقدمش في الصلاة، طب انا ذنبي ايه اني اتولدت الدغ؟ ملكش ذنب عادي، تجربتك كدا... لو فضلنا ماشيين بمبدأ (ذنبه أيه) هنوصل لـ(والكافر ذنبه ايه انه اتولد كافر)، كل واحد له ظروف من ضمن تجربة اختباره في الحياة، واللي متأكدين منه ان تجارب كل البشر متساوية، التجارب كاملة بكل تفاصيلها....

              • Public message

                هناك قريبة لي ذات خلق ودين وانا اعجبت بها واردي خطبتها وفاتحتها في الامر ووجدت قبول منها مقدما وبعدما فاتحتها اخبرت والدي الذي قابل الامرض بالرفض لسببين الاول انه من وجهة نظره انني تخطيته ووضعته امام الامر الواقع بحكم صلة القرابة والثاني ان ابيها معروف عنه انه نصاب وهو ما لا يجده ابي مناسبا مع ان الفتاة بشهادة الجميع لا غبار عليها وانا في موقف صعب ولا ادري ما العمل

                • ReportProfile owner's reply

                  يعني انت متفق ان ابوها نصاب ومكمل عادي؟ محدش بيتجوز البنت بس حتى لو هيعيش في بلد تانية، اسمع كلام أبوك

              • Public message

                كنت على علاقة غير شرعية معها، وكنا فى كل مرة نقول خلاص مفيش تواصل تاانى فيما بيننا، يحصل شىء مفاجئ ونتكلم وكذا ... المهم أننى تركتها نهائيًا الحمد لله فى شهر ديسمبر، وعقدت العزم أننى لن اتواصل معها مهما حدث... علمتُ من عهد قريب أنها تزوجت، ولا أخفيك سرًا عن ما حدث لى من مأسى نفسية وكذا، الشاهد فى الموضوع أننى لا استطيع نسيانها! دائمًا ما تخطر على بالى الذكريات وأحاول دفعها من تفكيرى بما أُتيتُ من قوة ... ودائمًا ما تؤثر علىَّ وعلى حياتى ومذاكرتى، نصيحتك لى لنسيانها نهائيًا، والمُضى فى حياتى؛ لأن الحال قد فاض بى... خاصةً أن الموضوع مؤثر على مذاكرتى، وهى أخر سنة فى الجامعة

                • ReportProfile owner's reply

                  الصراحة مفيش نصيحة للنسيان، حاول تتأقلم إن دي ضريبة الحرام لحد ما ربنا يأذن وتنتهي الضريبة دي وتعيش حياتك

              • Public message

                طيب وأى الحاجات الوحشة بعد التخرج؟
                معكَ خريج إلا ترم، ودعواتك فى ليالى الامتحانات خصوصاً بعد إضافة المقالى.

                • ReportProfile owner's reply

                  الحاجات الوحشة: ضغط إنك تلاقي شغل أو تخطب والعمر يتقدم بيك، واللي حواليك مش راحمينك سواء, الله يعينك، ليالي لا اتمناها لألد أعدائي

              • Public message

                يا عم

                • ReportProfile owner's reply

                  ايييه

              • Public message

                هل يوجد موقع اونلاين للتجدث مع شحص تكاثرت عليه الشبهات ؟ قرات سيره نبينا وحبيبنا النبي ووقعت لي شبهات ضيقت علي وتكالبت علي نفسي هل بلقي موقع او انت حضرتك اقدر اسال one to one

                • ReportProfile owner's reply

                  https://t.me/shekhAhmed
                  بينزل منشور للأسئلة، اكتب تحته الأسئلة بتاعتك وهو هيجيبك إن شاء الله أو تقوله عاوز أكلمك خاص في نهاية سؤال، أو تبعتله على الأكونت بتاعه على الفيس

              • Public message

                هل يجوز التصوير مع الخطيبة في الخطبة

                • ReportProfile owner's reply

                  تصوير الخطوبة بدون ما تكون متزينة بمكياج او فساتين سوارية، لكن بعد الخطوبة لأ

              • Public message

                كل سنة وأنت طيب يا إسلام

                • ReportProfile owner's reply

                  وأنت طيب وبخير ياريس

              • Public message

                هو لما يقولي عادي لو مسكت موبايلك بعد الجواز ولا لأ دي عادي يعني هو في نيته فيما بعد أنه يمسك الفون وكدا فانتوا بالنسبة لكم دا عادي؟

                • ReportProfile owner's reply

                  لا طبعا مستحيل، مفيش حد بيعمل كدا

              • Public message

                خطوبتي قربت ومش عايزة اعمل حاجة تغضب ربنا واشيل ذنوب، اديني فكرة اعملها إزاي وافرح وافرح الل حواليا، يعني اليوم يبقي ماشي إزاي من غير عك ولا سيئات علي الفاضي

                • ReportProfile owner's reply

                  اغاني بدف، تنبهي عن البنات انها متحطش مكياج، ولو حد جه بمكياج خلاص مش وليّة عليها بس متتصوريش معاها بتليفونها وطبعا عدم سمعان الكلام ده وتعمل حاجة انتي مش حاباها مؤشر مش كويس، ولو الخطوبة البنات لواحدها وحتى الخاطب مش هيشوف المخطوبة فتلبس زي ما هي عايزه ، لكن لو الخاطب حتى لواحده هيشوفها متلبس فستان سواريه ولا زينة ولا مكياج، تلبس اللبس الي بتلبسه في الشارع ، ويبقى فيه مكانين مكان للرجالة ومكان للستات، لو عائلية ف عادي نفس المكان، لكن الافضل مكانين، لو فيه صحاب من الناحيتين فطبعا لازم مكانين )اوضتين( اوضة وصالة وهكذا، ده لو ف البيت يعني
                  اي نقطة من دول حرام لو اتعمل خلافها وشر مش بسيط

              • Public message

                رأيك فى جماعه التبليغ و الدعوه ... اختى متقدم لها ولد تبعهم و هو شخص يظهر عليه الالتزام نوافق عليه و لا لا ؟؟

                • ReportProfile owner's reply

                  جماعة جميلة مشيت معاهم فترة، المهم الشخص يكون كويس بس وخلاص

              • Public message

                هو عادي أوافق علي حد علشان كويس وخلاني ألغي فكرة إني مش عايزة اتخطب دلوقت بس مش مبسوطة وحاسة إني مقلقة

                • ReportProfile owner's reply

                  كل الناس بتبقى كدا مهما أظهرت أنها مبسوطة وطايرة من الفرح

              • Public message

                ايه هي الحاجات اللي ممكن تخلينا نحب الموت و منخافش منه ؟؟

                • ReportProfile owner's reply

                  نحب الموت؟ مظنش حاجة في الدنيا تخلي إنسان يحب الموت، الحاجة الوحيدة الي بتخلي إنسان يحب الموت: إنه يشوف منزلته بعد الموت، وده مش هيحصل في الدنيا، وده زي قصة عبد الله بن حرام

              • Public message

                كل سنة وأنت طيب يا إسلام

                • ReportProfile owner's reply

                  وأنت بالصحة والسلامة ياعمي

              • Public message

                صح و في شغلة.. وين اعترفو بذنوبهم؟؟ كان يفتخر بقتلنا افتخار مش اعتراف.

                • ReportProfile owner's reply

                  مجرم وقاتل طبعًا، واللي يدعي عليه مش بعترض عليه، لكن في النهاية مسلم، لو حد حب يدعي له أو عليه كل واحد حر حسب الأذى الي تعرض له منه

                • ReportProfile owner's reply

                  انا لو اعرف اني عندي في الاصدقاء حد من سوريا او تعرض للقتل من عناصر حزب الله واجرامهم والله ما كنت نزلت البوست

              • Public message

                انت فين ؟

                • ReportProfile owner's reply

                  ف البيت

              • Public message

                عندك قابليه تخطب من محافظه بعيده؟!

                • ReportProfile owner's reply

                  عندي، بس معنديش قابلة اخطب في 2025 اصلا

              • Public message

                بتعمل ايه دلوقتي؟

                • ReportProfile owner's reply

                  كل يوم نفس السؤال ونفس الإجابة

              • Public message

                بتعمل ايه؟

                • ReportProfile owner's reply

                  بلعب شوية واشتغل شوية وأصل رحمي شوية

              • Public message

                ليه مختفي ومش بتنزل كتير زي الأول ؟

                • ReportProfile owner's reply

                  بنزل في حتت تانية

              • Public message

                هو طبيعي أنه يحصل تلامس في كتب الكتاب ؟!!!
                و لو اه ..ف ايه هي درجة القرب دي ؟

                • ReportProfile owner's reply

                  سهل تلاقي إجابة السؤال على إسلام ويب أو أي موقع فتاوي على جوجل أفضل مني

              • Public message

                خطبت؟

                • ReportProfile owner's reply

                  لا

              • Public message

                هي الهُدنة اللي غزة اخدتها دي مدتها قد إيه ؟!

                • ReportProfile owner's reply

                  الهدنة أو اتفاق وقف إطلاق النار بيكون مدى الحياة عادي، إلى أن يخرق أحد الطرفين الاتفاق وتحصل حرب تانية، وقف إطلاق النار الحالي على 3 مراحل، بمدة حوالي 150 يوم

              • Public message

                *أصوات ضوضاء و تكسير أشياء*
                -"أنت مين!!...أنت الميلامين؟؟...الجامد و المتين ههه"
                =.......
                -"أنت مين يا عم أنت؟؟!!!!"
                ="يعني مش شايف الشراب اللي على وشي...و الهدوم اللي لابسها..أكيد حرامي"
                -"و تبقى حرامي ليه لما ممكن تبقى حلالي ههه"
                =".........إرفع إيدك ياض!!!"
                -"ليه هو أنا متذنب ههه...طب هاتضربني كام عصاية ههه"
                ="........ولاااا....صدقني أنا معايا مسدس و مش خايف من إستعماله....أقعد ساكت لاضرب في المليان"
                -"تضرب في المليان؟؟....و متضربش في التخين ليه ههه"
                =.......
                *بعد أطول و أسوأ 5 دقائق في حياة السارق*
                ="ااااااااااااااه.....اهاهاهاهاهاه :'( :'( :'( إرحمني....إرحمنيييييي"
                *يقفز اللص من النافذة لينهي بذلك حياته البائسة*
                *يقترب الخليل كوميدي من الكاميرا لتصبح أنفه أكبر ما في الكادر و يقول -"و بكده نقدر نطرد أي حرامي...أو حلالي ههه من الشقة..بس أوعى تأكل الشقة بعد ما تطرده منها ههه"
                شرح النكتة: الشقة=ساندوتش*
                😁😁😁

                • ReportProfile owner's reply

                  برافو

              • Public message

                الحمد لله ربنا يحفظك

                • ReportProfile owner's reply

                  آمين وإياك

              • Public message

                أنت بخير؟

                • ReportProfile owner's reply

                  اه الحمد لله عدت

              • Public message

                اه أنا

                • ReportProfile owner's reply

                  مين انت؟

              • Public message

                مفيش موضوع غير حسن نصر الله في الحياة يعني؟

                • ReportProfile owner's reply

                  أصل مين اللي عمره ما هيسامحني؟ للدرجادي عملت حاجة في حد صعبة عشان يقولي كدا؟

              • Public message

                أنا عمري ما هسامحك

                • ReportProfile owner's reply

                  ليه؟ أنت بتاع حسن نصر الله؟

              • Public message

                السلام عليكم ورحمة الله وبركاته
                هو عادي ومن السهل إن لو بنت مكملتش جامعة و ماخدتش شهادة أنها تربي عيالها و يكونوا احسن الناس كمان ؟؟!

                و إزاي؟

                • ReportProfile owner's reply

                  آخر مراحل التربية والتعليم هي الشهادة الثانوية، التعليم الجامعي تعليم مهني ملوش علاقة بالتريبة خالض لو هتدخل كلية عملية، ولو هتدخل كلية نظرية دينية هيزيد من معلوماتها، لكن في النهاية نهاية التعليم عموما عند الشهادة الثانوية، يعني لو واحدة معاها اعدادية مثلا بس، ممكن يتسأل عنها السؤال ده

              • Public message

                ربنا يبصرك ويتوب عليك من فتنة حسن نصر الله وإيران والشيعه يا إسلام يا حبيبي

                ويبصرنا جميعًا ويهدينا للحق آمين
                اللهم ارنا الحق حقًا وارزقنا اتباعه وارنا الباطل باطلًا وارزقنا اجتنابه

                • ReportProfile owner's reply

                  يا رب آمين، مش فاهم فين الفتنة، هو مجرم وقاتل، لكن بدعي له بحسن الخاتمة ما دام انه مسلم ويشهد الشهادتين ولم يسب صحابي ولا ام من امهات المسلمين، فين الفتنة؟
                  الفتنة فيمن يكفِّروه عينًا، والفتنة فيمن ينفون عنه صفة القتل والإجرام
                  لو فيه فتنة أنا واقع فيها عرفني

              • Public message

                ايه هي الاسىلة اللي بتسألوها انتم كشباب للبنت لما تكونوا في رؤية ؟!شرعية لأني متوترة جدااااا من الأمر

                • ReportProfile owner's reply


                  مجربتش والله ومفكرتش في الموضوع أصلًا، لسه بدري، بس هي مش أسئلة فيها صح وفيها غلط، هو ردك عبارة عن شخصيتك، وهو يقبل أو يرفض

              • Public message

                عايز تتجوز بنت أصغر منك بكام سنة؟

                وهل انته مع الزواج بحد أكبر منك فى السن؟

                • ReportProfile owner's reply

                  وليه أصغر بالنسبة ليا مش مهم السن، أصغر أو أكبر، بس ميبقاش الفرق كبير

              • Public message

                ما تيجي نخرج على القانون🥷🏻

                • ReportProfile owner's reply

                  نعمل ايه؟

              • Public message

                متأكد إن المناطق بس هي اللي متبهدله؟

                • ReportProfile owner's reply

                  المفترض

              • Public message

                وبعدين؟

                • ReportProfile owner's reply

                  المنطقة متبهدلة من حولنا، حتى مصر والله، بس الفكرة ان المتضررين في مصر نسبة وليس كل

              • Public message

                كم كرهت كونك أنت وكم كرهت كوني أنا

                • ReportProfile owner's reply

                  +1

              • Public message

                نصيحه لواحد هيخلص اخر سنه فى حياته الدراسيه الطبيه يعمل ايه فى الاجازه قبل ما يبدأ امتياز ؟؟

                • ReportProfile owner's reply

                  يستمتع بالأجازة يلعب ويزور قرايبه، وبهدوء يحاول يشوف أفضل مجال هيشتغل فيه ويسمع عنه كتير

              • Public message

                مش عايز تتزوج يسطا

                • ReportProfile owner's reply

                  عايز يسطا، مستني أحوش 100 ألف وإن شاء الله ابدأ أدور على الكونتسة

              • Public message

                https://t.me/ahmedsalem81/3243

                الكلام ده صح؟

                • ReportProfile owner's reply

                  أه صح عادي، لكن زي ما الاستاذ أحمد سالم موضَّح إنها اختياراته، وغالبها اختيارات شاذة زي ما هو كاتب الاختيارات جمب الاقوال، أقوال مختارة، مش قول الجمهور، وده منهج الاستاذ أحمد سالم، وكتبت عنده كذا مرة، أي قول ولو شاذ فيه إباحة لشيء، ما دام لم يترتب عليه مفسدة عامة من وجهة نظر الاستاذ احمد سالم فهو بيذكره وبيفتي به، وده واضح في كل فتاويه، والجزء التاني إنه بيهتم بالفرد لا المجموع، يعني مش هيلزمك بالتزامات تجاه الاخرين ولو حتى من باب النصيحة، ما دام أنت مش بتعمل الحرام، فمش مهم لو اي حد حواليك بيعمله حتى لو في وجودك.. لكن هو مع أخذه بالأقوال الشاذة في التطريف وظهور القدم وزينة اليدين، والأقوال المعتبرة في اللبس في الألوان وظهور الوجه والكفين، لكن هو مع ذلك يفتي بحرمة أي زينة مكياج في الوجه ولو خفيفة

              • Public message

                اللهم صل على سيدنا محمد وعلى آل سيدنا محمد كما صليت على سيدنا ابراهيم وعلى ال سيدنا إبراهيم

                • ReportProfile owner's reply

                  صلى الله عليه وسلم

              • Public message

                حتى إن جد جديد في العالم غدًا أو بعد غد
                عرفت أنك وحدك كنت تغنيني عن العالم والسلام عليكم ورحمة الله وبركاته

                • ReportProfile owner's reply

                  ده شعر يعني؟

              • Public message

                الكلام على فلوس الامتياز ...هل غلط ناخدها رغم إن المستشفى هى اللى بتبقى محدده الايام بتاعت النزول ....و لا انا فهمت الكلام غلط ؟؟

                • ReportProfile owner's reply

                  الاسكرين لفت انتباه، لموضوع ممكن محدش واخد باله منه، كل واحد بظروفه الخاصة يسأل مفتي عن هل ماله ده حلال ولا حرام، أنا معرفش أنك امتياز كلية ايه الي بتحدد ايام، لكن امتياز اصحابي مفيهوش تحديد، هما العيال الي بيحددوا مع بعض، وده نصب، أما أنت اسأل شيخ

              • Public message

                عندك مرض مزمن؟؟!

                • ReportProfile owner's reply

                  يا إلهي، لا الحمد لله

              • Public message

                ماذا يفعل المرء عندما يقع في حب نجمة ظهرت لليلتين متتاليتين واختفت بعد ذلك للأبد؟

                • ReportProfile owner's reply

                  هيفضل في آلام لحد ما ينساها بقى مع الوقت، مفيش حل ياريس، احتسب التشويش والتفكير والصداع والكلام ده بقى، عشان ميبقاش وجع ع الفاضي، ولو لقيت حل ابقى عرفني برضو

              • Public message

                لو قعدت معاها عليا إثم ؟

                • ReportProfile owner's reply

                  لو بتعمل حرام في نفس المجلس وانتي قاعدة سواء غيبة أو نميمة أو شتيمة أو بتدخن أو أو، انصحيها أو متقعديش وقت الحرام

              • Public message

                هو ينفع احب اختي في الاسلام بس هي بتعمل كبيرة من الكبائر يعني هي مسلمة عادي بس بتعمل كبائر أحبها عادي واتعامل ولا إيه

                • ReportProfile owner's reply

                  اه عادي، بس متقعديش معاها وهي بتعمل الكبيرة دي

              • Public message

                ألف مبروك ربنا يتمملكم بخير

                • ReportProfile owner's reply

                  🤨🤨

              • Public message

                خطبت؟

                • ReportProfile owner's reply

                  لأ

              • Public message

                مين بقى عنده ٢٦ سنه دلوقتي😌؟

                • ReportProfile owner's reply

                  😌

              • Public message

                يعني خلاص ٢٦ سنة؟

                • Public message

                  نفسي اعملك تقليل اغتراب

                  • Public message

                    هو حضرتك اعتقلت قبل كده ؟!!!!

                    • ReportProfile owner's reply

                      مدة قليلة خالث

                  • Public message

                    السلام عليكم.. هو الترا مس يو ده منين ؟

                    • ReportProfile owner's reply

                      دي صورة من ع النت، لكن بيتباع عادي في المحلات ف المنصورة

                  • Public message

                    https://www.youtube.com/watch?v=xghVPfSjkTA

                    • ReportProfile owner's reply

                      أنا بحب الدكتور إياد جدًّا، لكن يصل به الخصومة إنه يقول إن حزب الله جبنوا في الدخول في المعترك؟؟؟ يا راجل دول بيحاربوا إسرائيل بقالهم 40 سنة متواصلين، وأحدثوا خلالها نكايات لم يُسبق لها مثيل قبل طوفان الأقصى، بيقولك حتى لو اقل خزي من زعماء المسلمين فلا يعتبر موقف مشرف، سبحان ربي العظيم، موقف عظيم بتحط نفسك قدام الموت المحقق لا شك فيه، لو قررت وهممت بأن تنصر فلسطين ولو بصاروخ فحتماً سيكون الاغتيال بين عينيك، وكل العالم خايف من الاغتيال، لما يجي واحد يدخل بنفسه في معركة هو يعلم لا محالة انه هيقتل فيها حتى لو اقصى الأرض، تقولي موقف مش مشرف، هو الموقف المشرف لازم يكون موقف لا خطأ ولا زلل فيه؟ كالعادة نظام أبيض وأسود، لا قيادة بدون أخطاء، ولا شرف بدون زلل، وده تحامل شديد على حزب الله، لأن لو أي فصيل في العالم عمل نفس موقف حزب الله بالضبط وكان سني ولم يكن مشارك في قتل المسلمين، كان سيرفع فوق الرؤوس وكان هيبقى موقف مشرف جدَّا، لكن الفرق انه شيعي وانه قتل مسلمين

                      وربنا قال: ولا يجرمنكم شنآن قوم على ألا تعدلوا، اعدلوا هو أقرب للتقوى، وبقول للي حط الفيديو لو كان اللي فعله وما زال يفعله حزب الله حتى اللحظة، لو فعله فصيل تاني مسلم سني ولم يقتل مسلمين، كنت هتقول موقف مش مشرف وانه فصيل جبان؟؟؟
                      قول انه موقف مشرف وانه فصيل شجاع رجالة واجهوا الاغتيال لحد ما قُتلوا، وقول انهم مجرمين لا تعارض

                    • ReportProfile owner's reply

                      سبحان الله العظيم أيضا الدكتور لم يكفِّر حسن نصر الله، وبالتالي فالدعاء له بأي شيئ شئت في الآخرة لا حرج فيه
                      ثم الدكتور دخل في نية حسن نصر الله وقال أنه لا يجاهد في سبيل الله وبالتالي لا يعتبر شهيدًا
                      ومين قال إن أنا قلت عليه شهيدًا ؟
                      أنا بدعي له بالشهادة، وما دام انه مسلمًا وليس كافرًا فلأي أحدٍ الدعاء له بالرحمة، والدعاء بالشهادة هو دعاء ضمني بالرحمة

                  • Public message

                    هو دا الاتهام
                    https://t.me/uchiha23111029/1021

                    • ReportProfile owner's reply

                      يا راجل أنا كدا قلت على حد معندوش دين ومبادئ؟ يا راجل

                    • ReportProfile owner's reply

                      تقريبًا أنت إنسان أنا معرفوش ومش قادر أتوقعه، بس عمومًا البوست ده أنا منزله على موقف من 4 سنين، والأكيد أنه مش أنت، فلو حتى انت شخص كلمتني قريب عن حاجة وانا اتضايقت منك، فالكلام ده مش عليك، وانا هقول على شخص مضايق منه معندوش مبادئ؟ + ف البوست مقولتش انه معندوش مبادئ ولا مضايق منه اصلا بالعكس لحد دلوقتي شخص عزيز عندي، انا مستغرب انه بناءً على سطرين بنيت حكم اني ظنيت في حد ظن سوء وقلت على حد انه معندوش مبادئ ولا دين وده والله العظيم ما حصل، انت كدا اللي بتظن فيا ظن سوء، كان ع الاقل تسألني عن سبب البوست الاول، أو تقولي انت قصدك ان فلان الي بتتكلم عنه معندوش دين؟ لكن مستحيل، لكن ممكن دينه انا شايفه اقل من المستوى للي انا عايزه او مبائه غير متوافقة مع مبادئ عادي

                  • Public message

                    https://t.me/uchiha23111029/1021

                    • ReportProfile owner's reply

                      💔

                  • Public message

                    لما تيجي تتهم حد بعد كدا إنه معندوش دين ومباديء ابقى خد بالك أنت بتتكلم عن مين علشان دا إتهام فظيع وزور وربنا لا يرضى بهذا وهيحاسبك، دا لو أنت فعلا تعلم إن حرام تتهم حد الإتهام دا بدون أدنى بينه لمجرد إنك متضايق منه
                    ما يمكن الحد دا كان بيكلمك علشان الدين والمباديء اللي أنت بتتهمه إنهم مش موجودين عنده أساسا
                    شيء عجيب، تكون بتتكلم مع حد في موضوع علشان أنت فعلا تريد وجه الله في الموضوع دا وتلاقي نفسك بقيت معندكش دين ولا مباديء وضد الدين والمباديء!
                    سوء الظن دا مهلكه والله ربنا يعافينا

                    • ReportProfile owner's reply

                      قلت على مين معندوش دين ومبادئ؟ مش فاهم

                  • Public message

                    مثال بسيط
                    تقدر تدعي للسيسي بالجنة؟
                    اهو ده بالظبط نفس منطقك في دعائك لحسن نصر الله
                    عقيدة الروافض أصلا غلط مش بس لأنهم قتلة
                    حتى لو مقتلوش اي مسلم يكفي الطوام اللي عندهم في العقيدة
                    فين التوحيد؟

                    • ReportProfile owner's reply

                      السيسي قتل المسلمين السنة وسجني وضرني وضر والدي واسرتنا ومئات الالاف من الشعب، لو حارب اسرائيل ومات في حربه معاها هدعيله بالجنة، ايوة ده منطقي ايه المشكلة؟
                      لا حول ولا قوة الا بالله يعني ايه فين التوحيد يا محترم؟ ما تسمع له وهتلاقي توحيده ولا فيه أي مشكلة، ولو عنده مشاكل هل المشاكل دي توصل ان حد يكفره؟ انا مشوفتش ولا عالم كفَّره، لو انت بتكفره فخاف على نفسك لأن ده تألي على الله ولا يجوز تكفير الأعيان إلا بشروطه، سيدنا وحشي هيدخل الجنة وهو قاتل أسد من أسود الإسلام والنبي مكنش بيحبه حتى بعد إسلامه، العداوات الشخصية ملهاش علاقة بالدعوات الأخروية
                      واحد مات مسلم؟ ادعي له بما شئت الموضوع بسيط، الإسلام جامع والله الواسع

                  • Public message

                    قاتل مئة نفس تاب حسن نصر الله متابش ده الفرق بينهم وآخر حاجة علشان ننهي الجدال العقيم ده
                    راجع نفسك في موضوع الشيعة ده لأنهم اسمهم أصلا رافضة مش شيعة
                    ونقطة تاني سفك دم المسلم أعظم عند رب العالمين من هدم الكعبة ودماء المسلمين كلها متكافئة
                    الفلسطيني دمه زي دم السوري واليمني والسوداني والعراقي واللبناني
                    العراقي واللبناني والسوري اللي الرافضة كانوا بيسفكوا دمهم ومازالوا حتى يومنا هذا
                    أقسم بالله الرافضة أخطر علينا من اليهود وإسأل اي شيخ أنت بتسمع له
                    نواقض الإسلام مش للمعرفة بس

                    • ReportProfile owner's reply

                      حسن نصر الله متابعش؟؟؟؟؟ لا حول ولا قوة الا بالله، انت هتتحاسب على الإدعاء ده
                      وكمان هو النقاش منتهي لو انت شايف حسن نصر الله كافر؟ فهو النقاش منتهي، وتكفيرك له حسابك عليه عند الله، لو شايف انه مش كافر، فأنا أدعي له بما أشاء برضو ويبقى النقاش منتهي

                    • ReportProfile owner's reply

                      ففعلا لو انت بتكفر حسن نصر الله النقاش انتهى واتمنى انك متبقاش متابعني، لأن كدا دخلت في سكة غلط جدًا ولا اتشرف بالكلام مع شخص يكفر شخص عينًا كدا
                      أما لو كنت مش بتكفره، لكن بتقول عليه مجرم وقاتل وشيعي رافضي معنديش اي مشكلة، ومع كل المشاكل دي فأنا يجوز لي أن أدعي له بالشهادة والرحمة عادي لا تعارض، وكفاية لحد هنا، لأن ده الفيصل، بنلف في دايرة مقفولة وانت تدخل في القتل نخرج منه تدخل في الشيعة، ومش فاهم ايه الفكرة لما نخلص نقاش ونتيجة ان فلان المسلم اصبح من اصحاب النار خالدين فيها ابدًا

                  • Public message

                    ومينفعش أنت تتجاهل دم اخواتنا في سوريا وكإنهم شوية كلاب بيموتوا وتروح تدعي لقاتلهم بالشهادة وجوار النبي صلى الله عليه وسلم
                    والله النبي صلى الله عليه وسلم بريء من هذا
                    مسمعتش اي موقف في السيرة من الصحابة اللي كانوا بيشهدوا لرجال ماتوا معهم في المعركة إنهم شهداء والنبي يقول لهم إنه من أهل النار!
                    ويعني ايه مواضيع سياسية؟
                    هي العقيدة بقت مواضيع سياسية؟
                    ربنا يرينا الحق حقًا ويرزقنا اتباعه ويرينا الباطل باطلاً ويرزقنا اجتنابه ويهدينا ويهديك وينير بصيرتنا وينير بصيرتك

                    • ReportProfile owner's reply

                      ما قاتل المائة نفس تاب ودخل الجنة، هل ينفع تقول عليه والعياذ بالله ربنا تجاهل دم الناس الي قتلها؟ سيدنا خالد بن الوليد قتل ناس ابرياء في بعض الغزوات والصحابة انكروا عليه هل ينفع نقول الاسلام تجاهل دم المسلمين؟ القتل كبيرة من الكبائر، لكن صاحبه مسلم نسأل الله له الجنة، في أحيان كتير الزنا والعقوق بيبقوا جريمة أكبر من القتل إثما في الإسلام
                      النبي صلى الله عليه وسلم قال يضحك الله لرجلين يقتل أحدهما الآخر ويدخلان الجنة.. انا مش بقول على المسلمين كلاب، انا بقى يا رب ربنا يضحك لحسن نصر الله ومسلمي سوريا ويدخلوا الجنة سويا.. الموضوع بسيط وهو دعاء، وربنا أعلم بمآله مينفعش تلومني إني بدعي لمسلم بأي دعاء أنا عايزه، انا حاسك هتزعل لو برحمة ربنا وجدته في الآخرة دخل الجنة!! لا حول ولا قوة الا بالله

                      اتنين أنا مش بدعي ليهم، شخص مات كافر، وشخص مات على كبيرة، كأن يكون مات في حرب وهو يقاتل مسلم أو مات منتحر أو مات من المخدرات وخلافه، الأول لأنه لا يجوز، والثاني زجراً..
                      أما حسن نصر الله مات متلبس بفريضة دينية، حسن نصر الله مسلم شيعي مش كافر، يؤمن بالشهادتين، انت عايز تدعو له بالنار ادعي له لكن متلومش على حد بيدعي له بالجنة

                  • Public message

                    ايه العك ده؟؟؟
                    يعني حسن نصر الله مجرم وكان بيقتل اخواتنا السنة في سوريا بس في نفس الوقت هو شهيد
                    انت مصدق نفسك!
                    ربنا ينور بصيرتك

                    • ReportProfile owner's reply

                      قاتل المئة نفس كان مجرم وسفاح وقاتل عابد، ومن أهل الجنة، ما دام لم يأتِ بمكفر أو لم يكفره أهل العلم، ومات في سبيل الله في حرب ضد أعداء الله، نصرةً لإخوانه السنة، ادعي له بالشهادة، انا مش بقول هو شهيد، العلم عند الله، لكن هو مات مسلم، فبدعي له بالشهادة وبالجنة وبمرافقة النبي صلى الله عليه وسلم والصحابة الذين لم يتلفظ بلفظ واحد سيء في حقهم في أكتر من 100 ساعة مسموعة سمعتها له

                      أنت الي عندك مشكلة ومفكر أي قاتل مات مسلم مينفعش ندعو له بالشهادة

                      وكمان موضوع سوريا كان في 2015 وحاليا في 2024 ومات وهو ينصر أهل السنة، مينفعش تدعيله انه يكون تاب وبينصر حاليا اهل السنة؟ ايه الاستفادة لما تضيقها عليه وهو مات مسلمًا

                  • Public message

                    ممكن أكون شوية فهمت وجهة نظرك
                    وعندك حق في عدم تتبع عورات الأشخاص
                    (بس أحيانا بتبقى ظاهرة واضحة سواء كانت أقوال علنية ليهم أو أفعال مفيهاش تتبع يعني)
                    بس لسة عدم إتفاق عليها اوي عادي يعني مش لازم نتفق على كل حاجة
                    بس مقدرش أقول على حسن نصر الشيعي (زي ما انت نصحت)
                    إنه شهيد بردو
                    حتى لو حماس وصفوه بالشهادة ايه اللي يخليني أتفق معاهم على كده
                    انا بقول ربنا يعينهم وينصرهم ويهلك الظالمين بس بردو مقدرش أتقبل منهم وصف الشيعة بشهداء دي
                    بس تمام شكرا على الرد

                    ربنا يهدينا جميعا لما يحب ويرضى ولما يصلحنا في ديننا ودنيانا
                    ويرينا الحق حقا ويرزقنا اتباعه ويرينا الباطل باطلا ويرزقنا اجتنابه

                    • ReportProfile owner's reply

                      مفيش مشكلة وأنا بالنسبة ليا اللي بيوصفه أوصاف شديدة عادي، شايفها نقطة خلاف مقبولة رجل زي رجالة كتير كان عليها خلافات، بس الي منقدرش ننكره انه داخل معركة عارف ان اي غلطة فيها تمنها حياته وكمّل فيها ، فهو أرجل من مسؤولين كتير ع الأقل أرجل من مسؤولي مصر وإذا كان هو قتل في السنة فمسؤولي مصر قتلوا في السنة لا فرق في الإجرام؛ غير إنه أرجل منهم

                  • Public message

                    سؤال بس ومش قصدي جدال
                    ليه سمعت محاضرات حسن نصر اللات عشان متحكمش عليه بحكم وتقول إن دا تتبع عورات وكده مع إنه كان اتبعت لك فيديوهات بتبين لك هو على ايه من مشايخ وهكذا

                    أما لما كان الكلام على محمد شمس الدين
                    بعت فيديو رد حسلم عبدالعزيز عنه
                    ومسمعتش منه أقواله مع إنه أولى تسمع منه لدحض الأحكام عنه
                    والشيخ أبو جعفر الخليفي كذلك
                    اتبعت لك قناته اللي هو تقدر تسمع أقواله كلها ومع ذلك حذرت منهم بسبب أقوال تحذر منهم
                    مش الأولى تسمع منهم الأول عشان تعرف إذا كان الكلام التحذيري منهم دا صح والا لاء؟
                    لإنهم سنة والتاني شيعي وأخوك السني أولى تذب عنه أخطائه
                    يعني وجهة النظر غير مفهومة بالنسبالي عشان كده سألت

                    • ReportProfile owner's reply

                      ما هو الكلام من المشايخ بيتكلموا عن العقيدة الي هو بينتمي ليها، بدون برضو ما يسمعوا له، هو كلام مجمل وكلام صح، لكن مينفعش تسقطه على شخص بعينه إلا بدليل، فأنا أسمعهم ليه وهما معندهومش أدلة؟
                      والأولى كما قلت السعي في تجميع الناس وليس التفريق، هقعد أدور ورا كل واحد لحد ما أكفره؟ زي ما عملوا قبل كدا مع الاخوان وكل قيادي في الاخوان يجيبوا له مقطع بيهنأ نصارى أو بيقول كلمة كفرية، عشان يسقطوه! تتبع عورات إحنا منهيين عنه، ما دام المجمل كويس، وبالنسبة ليا حزب الله وما فعله في اسرائيل على مدار اكتر من ٤٠ سنة حسنة لهم، وما فعله في سوريا إجرام، لكن لا يصل للكفر! فرق بين الاجرام والكفر

                      الخليفي انا محذرتش منه، بس هو لا يعنيني في شيء، ديني كامل ومشايخه موجودين معروفين، ليه آخد دين من واحد حتى معرفش شكله؟ معرفش هو مين؟ معرفش هديه في شكله وهيئته مستن بسنن النبي أم لا، فأنا بالنسبة ليا لو حد سألني فخلاص فيه ناس موجودة غيره، فالموضوع بسيط، لكن في حرب اسرائيل مفيش غير الشيعة الي بيحاربوا مفيش غيرهم مفيش بديل!
                      هتقولي حماس؟ هقولك حماس سلاحها من الشيعة وبتصف قتلى الشيعة انهم شهداء وبتبارك عمليات الشيعة في قتل السنة في سوريا!
                      إنهم إذا مثلهم، وإن لم يشاركوا في القتل لكن شاركوا بالتأييد، فمفيش قدامي خيارات اصلا هو خيار واحد وهو الشيعة
                      هل يوجد انسان يقدر يقول على حسن نصر الله انه كافر؟ قطعا لأ حتى لو قتل الالاف، اذا يجوز لي ان ادعوا له بالشهادة، الموضوع بسيط

                    • ReportProfile owner's reply

                      نصيحة في عداواتك خليك منصب، قول حسن المجرم، حسن السفاح، حسن الشيعي، حسن القاتل، لكن هو لم ينصر اللات في شيء، عشان اصفه انه نصر اللات!

                  • Public message

                    هو الكلام ده صح فعلا و إن النقاب التندة ده فتنة و ملفت؟!!!

                    • ReportProfile owner's reply

                      لأ، مش صح

                  • Public message

                    هو إيه حزب النور دا ؟ وليه كله بيقول إن الشيخ علاء حامد فيه؟ وهل هو فيه فعلا؟

                    • ReportProfile owner's reply

                      حزب النور هو حزب بارك عمليات قتل الدولة للمسلمين السنة في رابعة والنهضة

                  • Public message

                    السلام عليكم ورحمة الله وبركاته...
                    حضرتك عندك طريقة مسابقه ف القران يكون فيها تنافس بين الطلاب ؟

                    • ReportProfile owner's reply

                      اسأل مدرس يكون أفضل معنديش معلومة

                  • Public message

                    عمرك ما حسيت بمشاعر صادقة ناحية حد قبل كده؟

                    • ReportProfile owner's reply

                      عيب

                  • Public message

                    صاحب السؤال ...شوفت اللينك و دخلت عليه ...شكرا

                    • ReportProfile owner's reply

                      https://t.me/uchiha23111029/1068

                  • Public message

                    نفسي اديك خمستاشر قلم على وشك

                    • ReportProfile owner's reply

                      معلش

                  • Public message

                    أنت بتعرف مين بيبعت لك 😀

                    • ReportProfile owner's reply

                      لا

                  • Public message

                    هناخد ذنب لو مش بنقبل نسمع كلام دينى من شيوخ اختلفنا معاهم سياسيا ؟؟؟

                    • ReportProfile owner's reply

                      لأ، بس الموضوع واسع جدًّا للأسف، والجدل كبير، ما دام مكنتش في قلب الحدث مش هتعرف الصح من الغلط هجاوب إجابة طويلة ع القناة تفكيري يعني
                      https://t.me/uchiha23111029
                      القناة دي، مش الأساسية، وهو للحذف لما تشوفه هحذفه

                    • ReportProfile owner's reply

                      https://t.me/uchiha23111029/1068

                  • Public message

                    هاي اسلام انا وصحابي كنا بنسرش ع اسىله

                    • ReportProfile owner's reply

                      باي مش فاهم حاجة

                  • Public message

                    هو بعيد عن الانستجرام عشان حسيت الخير فيه قليل جدا
                    بس حاجة زي الفيس.. بسيب البنات المتبرجة عندي مبعملش اي لايك لصورهم بخليهم عندي عشان يشوفوا اللي بنشره من حاجات دينية ومواعظ ليها علاقة بالموضوع ده واعتقد هم اكتر ناس محتاجين للموضوع ده
                    وده نوع من انواع الدعوة يعني، فهل دا عادي

                    • ReportProfile owner's reply

                      أنا بتكلم عن الانستجرام لأن الغالب عليه كدا، لكن الفيس قليل كل فين وفين، الغالب عليه حاجات مباحة، وأنا ضد أصلًا إنعزال الفيس لأنه بقى أشبه ب جريدة المنطقة بتعرف مين اتجوز او خطب تبارك له، أو مين عنده حالة وفاة تعزيه، أو مين نجح او اشتغل تفرح معاه، مين محتاج تساعده في شغله تعمله شير أو تتفاعل معاه، حاجات كويسة كتير جدًّا، لو حذفت الفيس مش هتعرف نصها

                  • Public message

                    كل فكري اليومين دول أنه إزاي ممكن حد يستحمل النار! هل بجد فيه ناس هتتعذب بالشكل دا غير الكفار واليهود وأي حد علي غير الحق، مين فعلا هيستحمل طب مثلا الناس اللي خلقت غير مسلمة دي ايه اللي هيوجهها للإسلام دماغي مكركبة، فيه رد يريح قلبي

                    • ReportProfile owner's reply

                      pfbid02DvqkENbKooNsS17NarKL1oPEAX6CtosTXZWpTj5X83RUfdXBCTSp5THfxPjwJBgwl

                    • ReportProfile owner's reply

                      pfbid0z5P8wM1PnsLJYembHMUYiAxeLvq25fDYY8DdPjdne9XvmFjsrU7Fz34C1hZePLzUl

                  • Public message

                    سيحان الله امرك عجيب نسأل الله العافية لنا و لك ..تدقق كثيرا في مسألة التصوير مع المتبرجات ووو بينما في سيء نصراللات تقول كذا و كذا ..اتق الله يا اخي

                    • ReportProfile owner's reply

                      بقول ايه في حسن نصر الله؟

                  • Public message

                    كويس؟

                    • ReportProfile owner's reply

                      اه الحمد لله

                  • Public message

                    ايه رأيك في تطبيق انستجرام عموما و للبنات خصوصا؟!

                    • ReportProfile owner's reply

                      أنا كتبت بوست قبل كدا: البنت الي بتتابع حسابات لأصحابها وهما بينشروا عليه صورهم بلبس غير شرعي ف الشارع، فهي بنت تنظر لفعل حرام وهو فعل التبرج، ومعنى متابعة حساب لا ينشر إلا صور الأفعال دي، فهي موافقة ضمنية، وإلا تحذفها أو تنصحها! بتعود عينها على رؤية الحرام والموضات الحرام اللي غرضها الوحيد محاربة فريضة الحجاب، أنا ضد ده تماما وهو عندي خط أحمر يقع عليه الفراق بدون نقاش، أما لو هي هتتابع حسابات بنات مش بتنزل صور بنات متبرجات، أو حسابات سياحة ومعالم طبيعية والفضاء والحسابات الروعة دي فأحسن بها من فعل، الانستجرام رائع في الموضوع ده

                  • Public message

                    في واحد متزوج من واحدة آيه في الجمال اللهم بارك وهو بعدها بفترة تزوج عليها و كانت عادية يعني في الشكل ف الناس مستغربة منه و بتقوله أنه ازااااااي تسيب دي و تتزوج التانية دي و أنه مفيش مقارنة يعني فهو رد وقالهم " زهقت من التفاح قلت أجرب البتنجان "

                    واحد زي ده يتقال عليه إيه؟!

                    • ReportProfile owner's reply

                      رده طبيعي، متنتظرش إجابة مقنعة لفعل شيء مباح، أما فعله والجواز التاني من بِكر هيوقع الراجل في حرام كتير، ربنا يعينه ويقدر يتجاوز الحرام، لكن أنا أدعم جدًّا الجواز التاني من أرملة أو مطلقة لهما عيال وبعلم الزوجة الأولى، وده كان جمال إباحة الزواج التاني اللي النبي صلى الله عليه وسلم فعله وإن كل نسائه على عائشة -البكر- كانوا ثيِّب وكذلك أغلب فعل الصحابة، يعني لو مكنش التشريع ده مباح، كانت النساء دي هتعمل ايه؟ هتنزل تتبهدل في الشوارع أو تتجه لطرق حرام عشان تعيش وتربي اولادها، وانا بستجدع شخص او بنت جوز صاحبتها مات او طلقها وهي عرضت على جوزها يتجوزها عشان متتبهدلش هي وعيالها، الموضوع للمجتمع أكبر من مجرد غيرة وشهوة

                  • Public message

                    انصحني، اعمل إيه، اجازة ما قبل امتياز مهلكة، ابدأ منين اسمع إيه آخد ايه

                    • ReportProfile owner's reply

                      اسمع شرح متن أبي شجاع للشيخ لبيب نجيب، ودروس أحمد عبد المنعم على قناة إنه القرآن، دي حاجات أنا سمعتها واستفدت منها جدا، وانزل جيم الجيم تحفة والله، ربنا يشفيني ويشفى جميع مرضى ومصابي المسلمين من الأمراض المزمنة وأقدر انزل تاني

                  • Public message

                    يعني بعد أول سطر من طعن السيدة عائشة في شرفها وطعن في النبي ﷺ لعرض زوجته وتكفيرهم لأعظم حد بعد الأنبياء وهو سيدنا أبو بكر (فقد ثبت عن عمر بن الخطاب ـ رضي الله عنه ـ بسند صحيح، أنه قال: لو وزن إيمان أبي بكر بإيمان أهل الأرض لرجح بهم)
                    ويجي شوية حثالة يكفروه
                    وتكفيرهم لسيدنا عمر
                    لسة ينفع سؤال هما كفار؟
                    ايه اللي مش مفهوم طيب في السطور دي عشان يبقى لسة سؤال عن كفرهم بجد؟

                    • ReportProfile owner's reply

                      جيبلي فيديو لحسن نصر الله وهو بيكفر سيدنا ابو بكر، وجيبلي دليل من العلماء ان من كفر ابو بكر فهو كافر، بسيطة؟ لو انت حكمت عليه بالكفر قبل ما تعمل كدا يبقى انت ظالم لنفسك، وأنا كإسلام غير متشوف للبحث عن طوام وفواضح الناس عشان اخرجهم من الاسلام، سبحان ربي العظيم

                  • Public message

                    عقائد الرافضة الإمامية الاثني عشرية ومنهم الخميني وأتباعه الذين زكم المرقعون لهم الأنوف بالتهوين من كفرهم، اشتملت على الزندقة، والإلحاد، والوثنية، ومن أبرز عقائدهم:

                    1. اعتقاد أن القرآن محرَّف وقذف زوجة النبي صلى الله عليه وسلم.
                    2-الشرك بالله والاستغاثة بالأموات.
                    3. تكفير الصحابة رضي الله عنهم إلا قليلاً.
                    4. اعتقاد عصمة أئمتهم من الخطأ والسهو، فضلاً عن المعصية والسيئة، واعتقاد علمهم بالغيب المطلق وأن أئمتهم أفضل من الأنبياء والمرسلين.
                    5. تعظيم القبور والمشاهد.


                    قال ابن كثير في تفسير قوله تعالى (مُحَمَّدٌ رَسُولُ اللَّهِ  وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ تَرَاهُمْ  رُكَّعًا سُجَّدًا يَبْتَغُونَ فَضْلًا مِنَ اللَّهِ وَرِضْوَانًا سِيمَاهُمْ فِي  وُجُوهِهِمْ مِنْ أَثَرِ السُّجُودِ ذَلِكَ مَثَلُهُمْ فِي التَّوْرَاةِ  وَمَثَلُهُمْ فِي الْإِنْجِيلِ كَزَرْعٍ أَخْرَجَ شَطْأَهُ فَآَزَرَهُ  فَاسْتَغْلَظَ فَاسْتَوَى عَلَى سُوقِهِ يُعْجِبُ الزُّرَّاعَ لِيَغِيظَ بِهِمُ  الْكُفَّارَ وَعَدَ اللَّهُ الَّذِينَ آَمَنُوا وَعَمِلُوا الصَّالِحَاتِ مِنْهُمْ  مَغْفِرَةً وَأَجْرًا عَظِيماً ) (الفتح: 29)

                    ومِن هذه الآية انتزع الإمام مالك رحمه الله - في رواية عنه - بتكفير الروافض، الذين يبغضون الصحابة، قال: لأنهم يغيظونهم، ومن غاظ الصحابة: فهو كافر؛ لهذه الآية، ووافقه طائفة من العلماء على ذلك، والأحاديث في فضائل الصحابة، والنهي عن  التعرض لهم بمساءة: كثيرة، ويكفيهم ثناء الله عليهم، ورضاه عنهم.

                    تفسير ابن كثير ( 7 / 362 )

                    وقال القرطبي:
                    "لقد أحسن مالك في مقالته، وأصاب في تأويله، فمن نقص واحداً منهم، أو طعن عليه في روايته: فقد ردَّ على الله رب العالمين، وأبطل شرائع المسلمين".

                    تفسير القرطبي ( 16 / 297 )

                    واحذر أن يحرفوك عن سبيل المؤمنين، غلاة الرافضة الذين يكذبون القرآن وبشركون بالله تعالى ويكفرون الصحابة ويطعنون في عرض نبينا فدته نفسي، ليسوا مسلمين ولا إخوة في الدين، ومن لا يكفرهم كافر مثلهم.

                    #منقول

                    • ReportProfile owner's reply

                      يا استاذنا الكلام ده بعيد كل البعد عن حسن نصر الله، والله أنا سمعت له عشرات الخطابات السياسية والدينية، وفرغتها كتب، ومكنش فيه الحاجات دي بل بالعكس كان بيقول الحديث ده البخاري متفق فيه معاك مع اهل السنة ووكلام كتير محترم جدًا، ومفيش الكلام ده نهائي في خطاباته، أنا ليه آخد استمبة جامدة ناشفة كدا واقول فلان واتباعه بيقولوا كذا، اتهام بالكفر، هل انا سمعت ده منه فعلا؟ هل قال ده حاليا ولا من سعين سنة؟ قاله في وقت خصومة مع اهل السنة؟ ولا قاله في وقت صفاء!
                      حرام عليك الحكم العام كدا، هو احنا متشوقين لاخراج الناس من الدين ليه؟؟؟؟

                  • Public message

                    ازاي مسلمين وهما بيكفروا السيدة عائشة وبيطعنوا في شرفها وبيكذبوا القرآن اللي نزل فيه تبرئة لها
                    وبيكفروا سيدنا أبو بكر وسيدنا عمر بن الخطاب
                    وبيؤمنوا بالإمامية وإنه لسة الرسالة متمتش وده تكذيب تاني ل(اليوم أكملت لكم دينكم)
                    وكان فيه البعض بيضيف في الأذان وأشهد أن عليا رسول الله!!!
                    ايه دا؟!!
                    دا أنا بس بسطت جزء بسيط من العقيدة عندهم ولو عاوز تفصيل
                    فيه كتاب اسمه الغزو الباطني ممكن تبقى تقرأه لعل وعسى تعرف عن عقيدتهم شوية(اللي ملهاش دعوة بالإسلام خالص)
                    ودا واحنا لسة مقولناش حاجة عن أفعالهم في أهل السنة وكلامهم عننا وتكفيرهم لأهل السنة أصلا
                    https://youtu.be/bNCbGkKtIfM?si=mdp8QvnxFzoPuTsL
                    تكفير الرافضة لأهل الإسلام

                    وده فيديو فيه تبيين للشيخ الحويني عن حزب الله أصلا
                    https://youtu.be/OiK1-CEzOy0?si=wOO4lyT8X2xLfXlZ

                    ودا بس من ناحية العقيدة
                    مجبتش لسة سيرة تقطيع رؤوس الأطفال بالسكاكين في سوريا
                    وحتى فيه فيديو معايا لواحد منهم ماسك تلات أطفال وبيقولهم نبدأ بمين نقطع رأس مين طب يد مين والعيال بيعيطوا
                    انا مايكفيني إنه تقطع رؤوس كل الشيعة والرافضة قصاد الفيديو دا

                    اللهم أرنا الحق حقا وارزقنا اتباعه
                    وأرنا الباطل باطلا وارزقنا اجتنابه
                    ربنا يهدينا جميعا لما يحب ويرضى

                    • ReportProfile owner's reply

                      هما كفار؟ ماشي هنزل على طرحك، بس هما أقرب لنا من الكفار اليهود، فيومئذ يفرح المؤمنون بنصر الله بنصر الأقرب على الأبعدـ، الأقرب من ناحية العقيدة، وليس الأقرب من ناحية الضرر

                  • Public message

                    اتق الله يسطا دي جرايم حزب اللات اللي انت بتدعيلهم وزعلان على وفاة الهالك رئيسهم
                    https://t.me/ZiadAlaelathar00000/924
                    زعلان على مشرك طاعن في عرض النبي مكفر للصحابة محرف للقرآن عشان بيقاوم الصهاينة!!!!!

                    هتعرف تقف خصيم لرسول الله او الصحابة او السوريين؟

                    دم السوري مش أرخص من الفلسطيني

                    والرافضي أكفر من اليهود والنصارى

                    راجع نفسك وبلاش سطحية

                    الفرح في حزب الله لا يتعارض مع كره الصهاينة

                    • ReportProfile owner's reply

                      والرافضي أكفر من اليهود والنصارى، ده تألي على الله حرام عليك، دول بيؤمنوا بالله وحده لا شريك له، واليهود والنصارى بخلاف ذلك، واسمع خطابات نصر الله، لو طلع قال في كلمة انه غير مؤمنين بالشهادتين ابعتلي اللينك

                  • Public message

                    طيب اكرهني

                    • ReportProfile owner's reply

                      نووو

                  • Public message

                    بكرهك

                    • ReportProfile owner's reply

                      وأنا مش بكرهك

                  • Public message

                    السلام عليكم
                    يا شيخ للاسف قلبي معلق بالذوب رغم اني اندم بعد كل ذنب عقلي بعلق بنفسي السيئة رغم و اذناي معلقه بالأغاني رغم اني اعشق سماع القرأن
                    تعلقت بكل ما لا ينفع ولا أستطيع أن انفك عنه و بدأت احس انه بروح بدون رجعه
                    مش قادر اصلي و مش قادر اقعد و اقري قرأن كل الأفكار الي في دماغي شهوانية
                    الخوف دب في قلبي من الله بس لسه مش قادر ابعد

                    • ReportProfile owner's reply

                      يا شيخ أتمنى أنك بعت الرسالة صليت الفجر، منمتش
                      يا شيخ صلي واقطع من وقتك ومن تفكيرك ومن نجاسة الذنوب وقم اتوضى وصلي، الذنوب مهما عظمت مش بتعطل الإنسان عن الصلاة، لأن ربنا قال: إن الصلاة تنهى عن الفحشاء والمنكر ولذكر الله أكبر، أي أن ذكر الله، أكبر من النهي عن الفحشاء والمنكر، أي أن ممكن أن تصلي وتفعل الفحشاء والمنكر ومع ذلك فعل الفحشاء والمنكر لم يمنعك من الصلاة
                      أنك مش قادر تصلي ده قرار فردي بحت، ملوش علاقة بأي أسباب خارجية، حتى لو مرض أو حرب
                      اعرف المشكلة وشخَّصها صح، المشكلة أنك مش عايز تصلي، والمترتب عليه قبلًا إنك مش عايز تتوضأ، والمترتب عليه قبلًا إما الكسل وإما إنك عايز توصل الحرام بالحرام ومش عايز تقطعه بالصلاة، ولو وصلت الحرام بالحرام وقطعته بالصلاة كان أفضل لك وللمسلمين من حواليك
                      مفيش نصايح محددة فقط لتاركي الصلاة في القرآن أو السنة، غير أنهم يصلوا، مفيش تكفير عن ترك الصلوات غير أنك تصليها

                  • Public message

                    هل يجوز كلام الخاطب مع مخطوبته على الواتس مع مراعاة الحدود؟

                    • ReportProfile owner's reply

                      أنا مش مفتي، وبناءً على الفتاوى اللي قرأتها فنعم يجوز وبمعرفة الأهل، يكون الأهل عارفين أن ابنهم او بنتهم بيكلم خطيبته أو خطيبها ع الواتس، مش معنى بمعرفة الأهل إنهم يراقبوا الشات، ولكن يكونوا عارفين ان فيه تواصل، وأي كلام خارج مصلحة الخطبة لا يجوز

                  • Public message

                    حضرتك متخرج م قسم اي يا هندسة

                    • ReportProfile owner's reply

                      مدني

                  • Public message

                    لوواحد بيحب واحدة عن طريق النت بس هو مش جاهز يتقدم دلوقتى
                    قدامه سنة ولا حاجه كده
                    يعمل ايه عشان متروحش منه

                    • ReportProfile owner's reply

                      يتقدم لها ويقول الكلمتين دول لأبوها 😥

                  • Public message

                    ايه اللي البنت الشابة مفروض تعمله عشان تثبت للي حاوليها أنها ناجحة و بتعمل حاجة في حياتها ؟

                    أو هي تتعلم إيه عشان يبان أنها عندها هدف ؟!

                    ولا مش لازم تثبت لحد حاجة حتى لو هيفضلوا يشوفوها مش مُنجزة و فاشلة ؟!

                    • ReportProfile owner's reply

                      النجاح نسبي بالنسبة للبيئة الي عايشة فيها، لو بيئة معظم البنات مش متجوزين فيها، أو اللي متجوزين فيها مشاكل، فإن البنت تتجوز أو تتجوز وتعيش بدون ما تظهر مشاكل للناس، فالناس في بيئتها هتوصفها إنها بنت ناجحة وهيتقال عليها ست بيت شاطرة أو زوجة صالحة....
                      لو بيئة كلهم متجوزين، بس عيالهم نشاز وبنت في وسط البيئة دي عيالها طلعوا محترمين، هيتقال عليها ست شاطرة عرفت تربِّي....

                      لو بيئة كلها بنات عاملة شغالين، فأشطر واحدة فيهم هي الي هتبقى محققة أكبر تقدم في مجال شغلها، أو من غير ما تحقق لو حسست أصحابها إنها محققة ومرتبها كويس، تحسسهم إزاي؟ بكرمها وإعطائها....

                      لو في بيئة كلهم أخلاقهم زبالة أو متبرجين، فهتبقى شاطرة وناجحة لو أخلاقها كويسة أو لبسها إسلامي....

                      لكن مهما بقيت ناجح في عيون الناس، هتلاقي الأنجح منك وهتحس بالفشل، حتى لو في الدين....

                      كل واحد له ظروفه الخاصة....
                      بشكل عام الناس هتشوفني ناجح لو أنا حياتي هادية مرتاحة، بصدَّر لهم النِعم وأُخفي عنهم البلاءات.....

                      لكن لو جواب ليا شخصي: فأنا في مجتمع الرجالة وفي بيئتي فاشل وغير منجز ومبذر ولحد اللحظة الي بكتب فيها الكلام ده مش معايا غير 100 دولار و300 جنيه وموبايل فلاجشيب ولاب توب، في سن ال26 ومش محوش لا تمن شبكة ولا عندي بيت ملك ولا ورث ولا والدي أو أي حد في أسرتي عاين لي مبلغ أتجوز بيه ولا جنيه حتى، فبمقاييس بيئتي اللي نصهم متجوزين، وبمقاييس المجتمع حتى أنا فاشل وغير منجز، لكن أنا ببص لنفسي إن أنا اللهم لك الحمد ناجح ومنجز، ومش كل الرزق جواز ولا كل الرزق فلوس

                  • Public message

                    "أشير إلى القمر وينظر الأحمق إلى إصبعي"
                    كل امرئ ينظر إلى قمره 🌕

                    • ReportProfile owner's reply

                      فالح

                  • Public message

                    فى حد معين فى دماغك ناوى تخطبه

                    • ReportProfile owner's reply

                      لأ، وعيب الأسئلة دي

                  • Public message

                    سلام عليكم
                    باخد رأى حضرتك فى حاجة
                    لو متقدم عريس ملتزم ونحسبه على خير وكل حاجة تمام ماعدا فرق السن ١١ سنة
                    برأيك بيأثر عالجواز

                    • ReportProfile owner's reply

                      دي حاجة تتسأل لوالدك أو عمك أو خالك، الناس الخبرة الكبيرة

                    • ReportProfile owner's reply

                      لكن رأيي أنا متأثرش

                  • Public message

                    ناوى تخطب أمنى

                    • ReportProfile owner's reply

                      ممكن السنة الجاية ان شاء الله، مع استثناء شهور المقاطعة (يناير - مايو - اغسطس - سبتمبر) مش هخطب في الشهور دي

                  • Public message

                    انا ازهر و اخر سنه فى الكليه ...لو حضرت حفله التخرج و اخدت بالى من تصرفاتى انا عشان موضوع التصوير عادى ؟؟
                    و لا عشان غيرى مش هيعمل كده بلاش احسن

                    • ReportProfile owner's reply

                      وهتبقي موجودة وسط شوية بنات قاعدة بترقص وتتمايل قدام الأجانب؟ ده مكان سوء، والله لو أحد التابعين كان موجود وسطنا لوصف وضع حفلة تخرج الأزهر بأسوأ الألفاظ، مكان زور مبناه على الرقص والتمايل والغناء

                  • Public message

                    مين هو اللي الى روح و ريحان?

                    • ReportProfile owner's reply

                      إسماعيل

                  • Public message

                    حضرتك بالنسبة لحفلات تخرج الأزهر فدكتور مغاورى نزل إعتذار على صفحته انه معدش حاضر حفلات بنات وانه هيقتصر عالبنين لانه فيه فتنه وبتاع والحفلات اللى منزلها قريب هو كان قايل انه واخد عربونها ومش هينفع يعتذر هو حد نحسبه على صلاح بإذن الله
                    + أى المشكلة لو حضرت الحفلة وأنا بكامل حجابى الشرعى طالما مافيهاش موسيقي ؟

                    • ReportProfile owner's reply

                      هو حضوره مش أزمة بالنسبة لأنه بينزل الفيديوهات على صفحته! بينزل فيديو لستات بترقص وبتتمايل ومتبرجات وده كله من أكبر الحرام
                      يعتذر ويرد العربون ومينشرش المنكر ده، ده الاعتذار والتوبة الحقيقين، أو يمسح الفيديوهات القديمة، فيه مليون طريقة، لكن هو قرر يختار على حد قولك انه ميعملش حاجة
                      طبعًا لو الحفلة مفيهاش موسيقى ومش هتشاركي في رقص، ولا هتتصوري مع بنت متبرجة، ولا هتقفي تتمايلي مع النساء وتصقفي وتضحكي، مفيش مشكلة ف الحضور
                      حد هيقولي ايه المشكلة لما اضحك واسقف؟
                      ده مكان الأصل فيه أنك متصورة من غير ما تاخدي بالك فأي لقطة هتظهر قدام الملايين، والست الأصل فيها انها لا تضحك وهي بتتصور والصورة الأكيد انها هتنتشر بين الاف الرجال وكذلك التسقيف والتمايل والهزار، اي مكان فيه تصوير للنساء فهو مكان مخترق للخصوصية إما البنت تعتزله وتريح دماغها

                  • Public message

                    اقصد دا

                    • ReportProfile owner's reply

                      اه شكرا مسحتها

                  • Public message

                    حضور الافراح أو حفلات التخرج لو مفيهاش موسيقى او اختلاط ....هل هى خذلان لإخواننا فى غزه فى ظل الأحداث دى ؟؟؟؟
                    و لا لما يكون الاحتفال فيه مخالفه شرعيه

                    • ReportProfile owner's reply

                      لأ، لو مفيش حاجة حرام خلاص، بل بالعكس هتتحول عبادة

                  • Public message

                    الصورة في صفحتك الكابشن طارق سليم القائد

                    • ReportProfile owner's reply

                      صفحتي ع الفيس؟ مين طارق سليم وايه كابشه وليه قائد، مش فاهم بجد

                  • Public message

                    لسه واحدة الكابشن طارق سليم القائد ...

                    • ReportProfile owner's reply

                      مش فاهم، يعني ايه

                  • Public message

                    بيبي ؟🤨

                    • ReportProfile owner's reply

                      دونت وري ماي فريند

                  • Public message

                    عندك صورتين لنساء علي صفحة الفيس من 2016

                    • ReportProfile owner's reply

                      جزاك الله خيرا، حذفتهم

                  • Public message

                    خيرها في غيرها ،كنت
                    أنا اللي هشجعك يا -بييي،دونت وري

                    • ReportProfile owner's reply

                      اوكيه

                  • Public message

                    محدش مشجعك وأنت عايز؟
                    ولا شايفين لك أحسن منها ؟

                    • ReportProfile owner's reply

                      سألت الي دخلوها ولقيت الموضوع بعيد عني خالص

                  • Public message

                    https://www.facebook.com/share/p/wViuQxyAaB5QvNzA/?mibextid=oFDknk

                    • ReportProfile owner's reply

                      محدش مشجعني على الفكرة خالث

                  • Public message

                    تمت؟

                    • ReportProfile owner's reply

                      اللهم لك الحمد

                    • ReportProfile owner's reply

                      اللهم لك الحمد

                  • Public message

                    كنت مفكرة العبث دا عند البنات بس ، الله يعينكم ..

                    • ReportProfile owner's reply

                      النميمة والغيبة؟ مفيش اكتر منهم

                  • Public message

                    السلام عليكم ورحمة الله وبركاته
                    بالنسبه لأخر بوست على قناة أوتشيها
                    أنا شخصيًا متفقه مع كلام حضرتك بس اشمعنا ادناء اسود أو ليه هتجبرها على اللون الأسود طيب ما ممكن أى لون تانى عادى بس يكون لونه غامق مش مُلفت.
                    هل فيه نص من الوحيين على لبس اللون الأسود؟
                    (مش بنتقد حضرتك والله بس محتاجه أفهم وِجهَة النظر فى النقطه دى)

                    • ReportProfile owner's reply

                      عادي مفيش مشكلة، اللون الأبيض كناية عن لفت النظر، واللون الاسود كناية عن اللألوان الأخرى

                  • Public message

                    كلام دكتور محمد الغليظ صح؟

                    • ReportProfile owner's reply

                      لأ، غلط

                  • Public message

                    السوليه؟

                    • ReportProfile owner's reply

                      اها

                  • Public message

                    و انا كل كلامي في نقطة سهولة كلمة حماس هي حزب حسن
                    و لا طبعا مش معترض على الدعاء لحزب حسن بالنصر على اسرائيل بل بندعي لكل من ينكل بأعدائنا انه ربنا يعينه في ده، و عارف ان ده مغزى كلامك لكن بكلمك في نقطة ( الي بيفرَّق بين حزب الله وحماس، إنسان غلبان الصراحة لا يفقه شيء) + سهولة قول ان حماس هي هي حزب حسن و ان بالمره كدا بكفر حماس كإن الاتنين نفس العقيدة حتى لو حماس عندها اخطاء!!!!!!!! فحماس عقيدتها سنية حتى لو عزتهم لكنها مش شيعية زي حسن و لا خااصة إثنى عشرية !!!!!!

                    فلا احنا في العادي بندعي على حزب حسن لمصايبهم اللي كانوا بيعملوها في بلاد المسلمين و لكن في الوقت الحالي بسبب الحرب الموجوده بندعي ربنا يجعل بأسهم شديد مع حماس في الانتصار على اسرائيل ..
                    و للمره التانيه مش معنى انه معداش عليك انه ده مش حقيقته او ده مش معروف عن الحزب فمفيش سني هيستسهل قتل اخوه السني زي ما سهل على حسن ، و لو مقرأتش مقال راغب السرجاني اللي بعتهولك اقرأ الاجزاء المهمة من هنا:
                    https://ar.islamway.net/article/3050/%D8%A7%D8%AD%D8%B0%D8%B1%D9%88%D8%A7-%D8%AD%D8%B3%D9%86-%D9%86%D8%B5%D8%B1-%D8%A7%D9%84%D9%84%D9%87-%D9%88%D8%B4%D9%8A%D8%B9%D8%AA%D9%87

                    • ReportProfile owner's reply

                      يا سبحان الله، حماس بنفسها والله في سجونها قبل الحرب كان أسرة مجاهدين من السنة من الي كاتوا في سوريا! وبتبارك قبل مجاهيد سنة في الشام عادي، والله نفس الدماغ بالضبط ونفس التسليح ونفس القيادة ونفس المفتيين إن كان لهم مفتي، فيه اختلاف في الطوائف تحت الإسلام نعم فيه، فيه اختلاف في ردود الفعل في الحرب في سوريا؟ قطعًا مفيش الاتنين متفقين على مجازر حزب الله، اللي ميعرفش الكلام ده، فهو فعلًا غلبان

                  • Public message

                    كنا بننظم ليوم حفله قبل التخرج فى اخر سنه للكليه و جبنا شركات تنظيم حفلات هتكون بموسيقى و فيها تصوير و رجال منظميين و بعد ما جبنا الشركات بعدت عن موضوع التنظيم عشان ماخدش ذنب الدفعه كلها و ناس تانيين مسكوا التنظيم و بعت لهم ارقام الشركات من غير ما اركز و بعد كده اخدت بالى انى كده وصلتهم بيهم ...حاسه بالذنب جدا و مش عارفه اعمل ايه 🥺😔

                    • ReportProfile owner's reply

                      هو الاحساس بالذنب ده كفاية، ولو حد خد رأيك أو اتفتح قدامك ناس رايحة قوليلهم حرام متروحوش، ع الأقل عشان دم اخواتنا عيب في حقك الإنسان

                  • Public message

                    انا نفس صاحب الرسالة بتاعت حماس و حزب الله،
                    أعتذر ان ردي أساسه فهم غلط من كلامك، فهمتك بتسب حماس و ده طبيعي بتشبيههم بحزب حسن ..
                    انا متفق مع أغلب كلامك بس نقطتين هم الأهم :
                    1- عقيدة حزب حسن هي الإثنى عشرية .. شيعة مؤمنين بألوهية سيدنا علي و سابين للصحابة - اللي سرقوا الخلافة من سيدنا علي في معتقدهم - حتى لو انت مشوفتش حد منهم بيعمل كدا طبيعي مش علني لعدة أسباب في سياستهم من زمان..
                    2- و بالتالي مش فاهم ازاي مش بتعتبرهم كفرة و بعيد عنهم انهم يعملوها و معدتش عليك ، فطبيعي ان كلامك يتفهم غلط خصوصا زي ما قولتلك ان الفرق العقدي واضح و اقرأ المقال ده لراغب السرجاني :
                    https://islamstory.com/ar/artical/27927/%D9%85%D9%88%D9%82%D9%81%D9%86%D8%A7-%D9%85%D9%86-%D8%AD%D8%B2%D8%A8-%D8%A7%D9%84%D9%84%D9%87

                    + ربنا يعين كل من ينكل بالعدو الصهيوني ..

                    • ReportProfile owner's reply

                      أنت لو بتكفر حزب الله، وحاشاني أكفر حد من المسلمين، فأنت بالتبعية لازم تكفر حماس، ده ألف باء سياسة، علاقة حزب الله وحماس أشد بكتير من علاقة حماس والاخوان، أنا مسمعتش في خطابات حزب الله شتيمة ف السنة ولا في الصحابة ولا تأليه لسيدنا علي، مش عارف الصراحة بتجيب الكلام ده منين، هات كلام لقيادات الحزب وهما بيشتموا وبيألهوا سيدنا علي

                      أصل برضو هي مش مجرَّد مسميات شيعي وسني، السنة اللي في لبنات سنة علمانية سيئة جدا، حزب الله أفضل منهم، والشيعة غير كفار، التكفير في الطرق داخل الشيعة، ومش احنا الي هنكفر، بصراحة مش شايف في كلامك دخل في كلامي، خلاصة كلامي الدعاء لحزب الله بالنصر على اسرائيل كما بندعي لحماس دي الخلاصة، هل انت معترض على كدا؟ لو معترض هيبقى مشكلة كبيرة

                  • Public message

                    اقتراحات لأجازة بالله الإنسان في فراغ قاتل ومهلك والإنسان برده نفسه يكون واعي دينيا وبكل حاجة حرفيا الفترة الجاية ابدأ بايه، دورات مثلا، كتب أي حاجة

                    • ReportProfile owner's reply

                      كتاب السيرة لابن هشام، وكتاب البداية والنهاية لابن كثير، ابدأ بأي واحد فيهم، تحفة

                  • Public message

                    نفسي في واحدة استجاب زي الناس ال هناك دي

                    • ReportProfile owner's reply

                      كل الدعاء مستجاب، أحسن الظن بالله

                  • Public message

                    أي دخل الغيبة و النميمة؟ دا مثال يعني االحقد و الطمع و الغيبة منتشرين بس مش بناخد بالنا؟

                    • ReportProfile owner's reply

                      اه

                  • Public message

                    السلام عليكم ورحمة الله وبركاته. هو أنا لو بحس زي زعلانة. مخنوقة لما حد من صحابي بتخطب، مع إني مش عاوزة أتخطب أصلا. في حاجات لسا بدرسها.. هو أنا كدا حد طماع؟

                    • ReportProfile owner's reply

                      ممكن طماع أو حقودي أو حسود، ودي بالمناسبة صفات منتشرة جدا انتشار الغيبة والنميمة بس مش بناخد بالنا منها
                      وممكن لأ، ممكن بتزعل عشان نفسك أنت كمان في النعمة دي، والخطوبة والزواج نعمة لا تقل أهمية عن نعمة الدراسة ونعمة الشغل وأي نعم دنيوية

                  • Public message

                    https://t.me/Oaam01

                    • ReportProfile owner's reply

                      اوكيه

                  • Public message

                    هو حرام ادعي لحد مسيحي بالهداية

                    • ReportProfile owner's reply

                      ده ياريت تدعي لكل المسيحين بالهدايا

                    • ReportProfile owner's reply

                      بالهداية*

                  • Public message

                    لا والله؟ 😂

                    • ReportProfile owner's reply

                      ما هو مفيش حاجة اسمها اسم قناة دينية كرييتف يسطا، او انا معدنيش روح ابداعية الصراحة، اكتب السؤال ده على جوجل كدا

                  • Public message

                    اقترحلي اسم قناة دينية يكون كرييتف

                    • ReportProfile owner's reply

                      أوتشيها2

                  • Public message

                    يعني حزب النور دا تبع ال ما يتسمي! وأنا كل دا مفكره حزب حلو وجميل وبسمسم !

                    • ReportProfile owner's reply

                      اها تبع الي ما يتسمى

                  • Public message

                    قول لينا سريعًا إيه هو حزب النور ؟ 🙂

                    • ReportProfile owner's reply

                      حزب سياسي، وهو الذراع السياسية لجماعة الدعوة السلفية، والدعوة السلفية منشأها في الاسكندرية فقوة الحزب في اسكندرية، والحزب شارك في انقلاب ٣ يوليو ٢٠١٣ وأيّد ما تبعه من مجازر وتنكيل بالمعارضين، بس دي الفكرة

                  • Public message

                    أحبب أخويا في الصلاة إزاي بدعي له كتير بس برده ممكن يلتزم فترة ويرجع تاني عايزاه يكون حد صالح وخصوصًا أنه في فترة مراهقة ووضعه مش لذيذ خالص

                    • ReportProfile owner's reply

                      معنديش خبرة ممكن تسأل حد عدى عليه تجارب يفيد أحسن، لكن لو أخويا أنا اللي كدا لما يجي وقت الصلاة هقوله تعال صلي، لو قاعدين مع بعض وجه وقت الصلاة هقوله هقوم اصلي، لو رايحين مشوار هقوله بعد الصلاة، أو لو في مشوار هقوله هدخل اصلي وبعدين نكمل مع الدعاء له بالهداية وبس
                      أصل الصلاة والحجاب وفروض الدين دي شخصيًا مش بشوف انها حاجة تتعمل بحب أو باقتناع، لأنها فروض واجبات عليك، ممكن توصل لمرحلة انك تحب الصلاة وتصلي لأجل حب ربنا والصلاة وممكن لأ، بس في الحالتين لازم تصلي

                      ممكن لو الكلام بينكم مفيش فيه حساسية تسأله عن سبب عدم الصلاة؟ ليه مش بتصلي؟ طب انت عارف ان الصلاة فرض؟ عندك مشغوليات ماشي أجِّل الصلاة، الصلاة وقتها موسَّع والفرض بالتطهر له مش هيزيد عن ربع ساعة حتى لو فرض عشاء وفي المسجد، فاختار أي ربع ساعة في الوقت الموسع وصلي الفرض، لو بتنسى لو بتكسل فأنا هفكرك وهشجعك

                  • Public message

                    بدي هذا 2024 وبدي افتح هذا المطبخ عشان احط صور ليا عفوا

                    • ReportProfile owner's reply

                      مش فاهم حاجة

                  • Public message

                    وانت ليه ضد علاء حامد
                    الشيخ له من العلم كثير؟

                    • ReportProfile owner's reply

                      عشان عضو في حزب النور

                  • Public message

                    يمكن يكون عندك جانب من الصواب في رأيك عن مسألة الحملة على علاء حامد

                    لكنك ارتكبت خطئاً كبيرا عندما حكمت على كل من قام بهذه الحملة انهم قاموا بها في سبيل نصرة أنفسهم!! وهذا فيه اتهام صعب ودخول في النيات!!

                    بالإضافة الي انه ليس معلوما عند اغلب الشباب مواليد ال٢٠٠٠ - ان كنت تتابع - بان حزب الزور ورؤوسه مفسدين فاسدين!! لذلك وجب التحذير، وقد رأيت نتيجة هائلة بعيني، كم كبير من الشباب والفتيات كانوا يتابعونهم بلا علم ولا معرفة

                    • ReportProfile owner's reply

                      عندك حق في أول نقطة، أقصد شريحة كبيرة، لكن غلطت، النقطة التانية مفيش تحذير بأن أنا أقول على شخص ده وسخ والكلام ده، التحذير يكفي إنه منتمي لحزب كذا وحزب كذا عمل كذا، المسألة بسيطة بجد، لمن يريد بالحملة وجه الله، ومن يتابعون مشايخ الدعوة السلفية بلا معرفة بماضيهم، هل مشايخ الدعوة علاء حامد ومحمد اسماعيل المقدم وغيرهم في دروسهم الدينية بيتطرقوا للكلام عن السياسة؟ لأ، أصل لو أخذنا بالشكل ده ففي محنة الإمام أحمد ومحنة كل عصر كان فيه طوام للعلماء لا تعد ولا تحصى، لو قعدنا نفتش ورا كل عالم ونفضح مشاكله اللي هو مش بيتكلم فيها أصلًا مش هيتبقى لينا مصدر، هو واحد دلوقتي معدش بيتكلم في السياسة وناس بتتابعه في الدين خلاص براحتهم مكملين، لما يبقى له كلام في السياسة قذر أو تصريح جديد ساعتها اخرج افضحه عادي

                  • Public message

                    https://youtu.be/4LPoS6aDVMY?si=PQc4f0PgRh2RPK6r

                    • ReportProfile owner's reply

                      أنت يسطا بتعملي مقلب

                  • Public message

                    السلام عليكم ورحمة الله وبركاته.
                    لو سمحت أنا لا أعرف ما هي إيران ومن هم وهل هم مسلمون أن لا ولماذا الأخبار تتحدث عنهم وما علاقتنا نحن المسلمون بأخبارهم أريد أن أفهم القضية لماذا تنشرون عنها جزاكم الله خيرًا.

                    • ReportProfile owner's reply

                      إيران دولة مسلمة، تعدادها حوالي 90 مليون، حوالي 90% من الشعب مسلمـ منهم 20 مليون سني، والباقي شيعي، الأخبار بتتحدث عنهم دلوقتي عشان رئيسها ابراهيم رئيسي مات في حادثة الطيارة، وكالعادة الناس منقسمة هل إيران تتبع أمريكا والصهاينة أو ضدهم، واللي أنا أؤمن به أنها ضدهم بما لا يتعارض مع مصالحها، وبالتالي أي حاجة تحزنهم تفرح امريكا
                      وده طبعا بعد ما تحولت لجمهورية إسلامية سنة 79 على يد الخميني
                      وقبل حادثة موت الرئيس كانت برضو اخبارها في الإعلام لأن الصهاينة كانوا قصفوا مبنى قنصلية إيران في دمشق، فإيران ردت عليهم وقصفت اسرائيل ب100صاروخ كلهم اعترضتهم القبة الحديدة واعتراض بعض الصواريخ من البلد القذرة عمان والسعودية

                  • Public message

                    السلام عليكم ،
                    يا بشمهندس ،
                    في مرة قبل كدة كنت حضرتك نزلت تقريباً في بداية الطوفان ، في وقت حلقة الدحيح ، كنت رشحت سماعها وكذا ، وكنت ذكرت إن ممكن نعرض عن الموسيقى ال موجودة بغرض الانتفاع من المحتوى ولأنه ومهم وهكذا ،
                    أنا مش فاكرة حقيقةً ، الكلام تحديداً ،
                    ولكن دائماً حضرتك حريص علينا ، وعلى نشر الوعي في قضايا كثيرة ، ونفعتي شخصياً ، جعله الله في ميزان حسناتكم ،

                    ولكن من بعد قرأتي للرسالة دي ، بقى بيجي ف بالي نقطة إن ممكن أسمع حاجة لو فيها بعض الموسيقى المهم أعرض عنها (إخبارية أو نافعة .... )، مستعينة بالكلمة ال كنت حضرتك ذكرتها ( نعتبره ضعف وعدم مجاهدة مني بردو ) ، ولكن كنت بمتنع عن اعلانات يوتيوب وبخفض الصوت ، في بعض الأحيان بقول عادي المهم ما ألتفتش ليها مع إنها شغاله أهي وهكذا...بقى

                    ترددت كتير أبعت بس حسيت إني هكون أنانية جداً ، لو ما قولتش كدة لحضرتك ، لأن حضرتك بتنفعنا كتير جداً ، فقولت دا واجبنا بردو ،
                    ولعل في كثير غير ، ويكون مبررهم الكلمة دي ..

                    نعتذر على إزعاجكم ..

                    • ReportProfile owner's reply

                      جزاكم الله خيرًا، أنا مسحت المقطع، ومش بعملها غير في أضيق الحدود لو الفائدة أكبر من مشكلة الموسيقى، لكن هي حكم معتبر ومشوفتش شيخ حرَّم الموسيقى العارضة دي سواء في الأخبار أو الي في المترو أو خلافها، ما دام لا تستمع لها، لكن التوسع في الأمر أكيد مش حلو، وكل شوية واحد ينزل فيديو اغنية ويقولك ركز في المحتوى، ويكون أصلًا الفيديو مثلا لابو عبيدة وهو ماشي في شوارع غزة وعليها اغنية! هو اصلا مغزى الفيديو الأغنية، ومن هنا بيبدأ التساهل والتلاعب، وكل واحد على حسب نيته

                  • Public message

                    يعني إيه أوتشيها؟

                    • ReportProfile owner's reply

                      اسم عائلة في أنمي كرتون

                  • Public message

                    هو لو سألت المراقب في الامتحان وجاوبني كدا غش؟

                    • ReportProfile owner's reply

                      طبعًا، الحالة الوحيدة اللي مش غش لو سألتي واضع الامتحان، وده لو امتحان أعمال سنة بس، لأن الفاينال مش بيبقى المسؤول عنه الدكتور بيبقى الكنترول والتصحيح بيمر بكذا مرحلة

                  • Public message

                    خوالي بيبعتوا لينا فلوس بعد كل محصول أنا واخويا بابا بيصرف علينا عادي فيه حاجات أنا ببقي محتاجاها مقدرش أقول له عليها واحمله فوق طاقته واخويا برده بيشتغل ومعاه فلوس وهما والله مش حرمني من حاجة بس حاجات كتير أوي ببقي عايزاه ومحتاجاها فأنا عادي مديش الفلوس دي لبابا واقمسها بيني وبين أخويا من غير ما يعرف ولا لازم يعرف لأن كدا كدا الفلوس جيالي أنا واخويا

                    • Public message

                      شكرا على الرد وفعلا ممكن الأولى البعد عن مواطن الخلاف
                      ربنا ينفعنا يارب بما يحب ويرضى
                      وجزاك الله خيرا

                      • ReportProfile owner's reply

                        آمين وإياكم

                    • Public message

                      عايزة آخد رأي حضرتك ضروري أوي أوي أوي أنا هتخرج وأنا مكنتش هحضر حفلة التخرج بصراحة بس نزلوا أوبشن إن هنتكرم الأول وبعدين هيبقي فيه دي جي تقريبًا فالناس ال مش حابة تحضر الأغاني وكدا هيتكرموا ويمشوا عادي قبل ما يشغلوا أغاني فأحضر عادي وامشي ولا مينفعش علشان هيبقي في مكان زي دا فيه أغاني وكدا حتي لو محضرتهاش

                      • ReportProfile owner's reply

                        لأ، لو محضرتيش الأغاني ومتصورتيش مع رجال مش محارم، ومتصورتيش مع نساء متبرجات، فمفيش مشكلة من الحضور، لكن موضوع التكريم بدون أغاني ده مستحيلة، لو اللي قال كدا دكتور أو شخص موثوق فيها روحي، لكن لو أدمن أو حد مش ثقة يبقى هيشغلوا اغاني، ولو كلام شخص موثوق وشغلوا اغاني امشي، متكمليش الحفلة، وطبعًا لو طلبوا صورة جماعية سواء للنساء بس أو بنات وشباب فحرام متتصوريش

                    • Public message

                      معلش بقى على الكم اللي هتقرأه أو هتسمعه(سواء عشان تعرف الخليفي أو شمس الدين) ربنا معاك
                      مكنتش هتكلم في الحوار دا إلا عشان بلتمس من حضرتك الصدق ربنا يجعلك من الصادقين دايما وإيانا والمنصفين

                      • ReportProfile owner's reply

                        ما شاء الله هو دكتور آدم كمان بقى بيحرَّج ويعدِّل في الناس؟ هو أي حد ملتحي بتُقبل منه تزكيته ولا ايه؟ هو زيه زي الهاشمي كلامه في الدين قليل العلم جدًّا وبعض المسائل بياخدها بالقياس وبالعقل بشكل غريب مع وجود النص فيها..
                        على العموم مشايخ مجهولة او مشايخ تطعن في أئمة السلف وليها طوام عِظام زي الي في فيديوهات حسام، أنا في غِنى عن السماع لهم، لأن فيه مشايخ كتير جدًّا في شتى العلوم والفنون بيتكلموا ومش مجهولين ولا ليهم ذلات كبيرة مثلهم.. فالموضوع بسيط
                        امثال الخليفي وشمس الدين والهاشمي لو كانوا موجودين أيام تجميع السنة في القرون الأولى حتمًا وقطعًا لم يكن ليُقبل لهم حديث، الأئمة نحُّوا آلاف المشايخ بآحاديثهم بسبب سقطات وجهالات أقل من كدا بكثير، ومع ذلك الإسلام استمر والعلم استمر كاملًا، فالموضوع بسيط، أنت سمعت مشاكل شمس الدين بشكل مختصر من فيديوهات حسام، وعارف الجهالات المحيطة بالخليفي، ومع ذلك مستمر في سماعهم، فأنت حر في اختياراتك، لكن المشايخ اللي مفيش عليهم المشاكل دي كُثر ومتاحين، فأنا مش مزنوق عشان أحاول أشوف أي حد حتى لو حوله شبهات

                    • Public message

                      انا كنت أبتعد عن أن أشاهد فيديو لشمس الدين أو حتى أن أقرأ ما يكتب بسبب ما كنت أحمله له من نفرة وخوف لما سمعته عن أسلوبه ومنهجه وأنه تكفيري وما إلى هذه الأوصاف

                      فرأيت من يرشح له فيديو(كان تقريبا فيديو تعليم الصلاة من السنة)ممن أثق فيهم فبدأت الحيرة
                      ورأيت أني أحكم عليه من دون ما أسمع أو أرى له شيئا يدعي لكل هذه النفرة والحذر منه
                      فشاهدت له هذا الفيديو وقرأت له بعض ما كتب (دخلت لقناته فرأيت أنه يشرح بعض كتب التوحيد وكتب لأهل السنة)
                      ففطنت أني كنت أحذر منه وأخافه بلا سبب وجيه تقريبا

                      وأن الأهم أن ننتفع(احرص على ما ينفعك واستعن بالله ولا تعجز)

                      وأتابع بعض ما يكتب وبعض ما ينشر وأتابع لأحمد السيد أيضا(فأنا في البناء المنهجي)... :)

                      • ReportProfile owner's reply

                        شوف حلقة: الفصام المنهجي عن محمد شمس الدين وحلقة: الرد على آخر أبديت لمحمد شمس، على قناة حسام، وبالمرة ابقى شوف بقيت فيديوهات حسام، ما هي الناس كلها ليها علم كويس ويُحترم، لكن إحنا مش هنعرف نميِّز بين الحق والباطل بينها، زيه زي ياسر برهامي وسعد الدين هلالي وغيرهم، لكن هو عشان مش مصري مش هنلاحظ الطوام بتاعته، سعد الدين هلالي اللي مؤخرا بقى أي واحد مصري يديله بالجزمة، له كتب ما زالت حتى الآن تُدرس في الكويت في الفقه وفي الفقه المقارن!! وغيره كتير من مشايخ الأزهر
                        أي شيخ مش من بلدك فأنت مش هتقدر تحس بمقدار مساؤوه بقدر شعب أهل بلده

                    • Public message

                      الشيخ الخليفي اختار كما اختار الشيخ ابن باز وعلماء اللجنة الدائمة
                      (تحريم الصور الفوتوغرافية ، وتحريم الاحتفاظ بها إلا لضرورة أو حاجة)
                      فلذلك ليس له صور

                      • ReportProfile owner's reply

                        ابعت ترجمته ياريس

                      • ReportProfile owner's reply

                        سبحان الله العظيم بقولك قولي أنت ترجمته اللي تعرفها عنه، ع الأقل مين مشايخه ومين تلامذته، الموضوع بسيط، لكن إن يكون شيخ مجهول كليًّا بهذا الشكل مش معروف عنه غير كنية له وبلده، فده محل شك كبير، والمشايخ المعروفين كُثر مش محتاج أني أتابع واحد معرفش عنه حاجة زي ده، وأنا رديت هنا عشان مش عايز أظهر اللينكات اللي انت باعتها

                    • Public message

                      https://youtu.be/Gi2yltvugFw?si=JUBf1GB8PWiQAKp3

                      دا فيديو شرح للشيخ الخليفي على قناة أحد طلابه(صاحب قناة وزارة الدفاع العقدي)
                      مفيد وخفيف

                      • ReportProfile owner's reply

                        ما تبعت لنا كدا صورة للشيخ الخليفي

                    • Public message

                      اخر فيديو نزلته بتاع احلى هدف شوفته في حياتي ده تصوير من لعبة اسمها Arma 3 يا اخي ركز هتلاقي مش حقيقي خالص و في عداد stamina او طاقة تحت ف امسحه يغالي

                      • ReportProfile owner's reply

                        تم المسح ياريس، جزاك الله خيرا

                    • Public message

                      السلام عليكم
                      أنا محتاجة أفهم

                      الشيخ أحمد السيد
                      الشيخ الخليفي
                      محمد بن شمس الدين
                      عارف الصراعات ال بتدور حولهم
                      أنا مش فاهمة أي شيء
                      وبلاقي حد بيرشحلي حاجات من شيخ فيهم ، ويرفض شيخ فيهم والعكس ،

                      أنا اتشتت ، أنا كنت بتابع ال مشايخنا بتوع المنصورة بيرشحوهم أو بيتكلموا عنهم وكدة أو بيشيروا ليهم وهكذا ،

                      المهم بقى حالياً ، عاوزة أفهم ومش عارفة أروح فين ، وأنا أقل من إني أحكم أكيد

                      ف عاوزة حد فاهم يفهمني

                      حضرتك فاهم تفهمني أو تدلني ، أي حاجة 😅

                      • ReportProfile owner's reply

                        اسمعي لمشايخ المنصورة وللشيخ أحمد السيد

                    • Public message

                      لا يجوز استخدام أداة النداء مع صفات الله (يا قوة الله)
                      القول قول شركي

                      • ReportProfile owner's reply

                        ده مش نداء، ده اسلوب تعجب ويجوز، بس جزاك الله خيرًا، مسحتها

                    • Public message

                      سبب كرهك لاحمد الطحان
                      للمعرفه بس لاني معرفوش غير من بوستات اللي بيترحموا عليه

                      • ReportProfile owner's reply

                        للمعرفة مش هتفيد بحاجة بقى، الراجل مات

                    • Public message

                      لو واحده متقدم لها اتنين واحد بالعقل فيه كل الصفات المناسبة و لكن اقل دينيا شوية و التاني مفيهوش اي ميزة غير ان دينه اعلى شوية و حاسه معاه براحه نفسية و لكن لا اهلها و لا اهله موافقين .تعمل ايه...نسألكم الدعاء

                      • ReportProfile owner's reply

                        مش فاهم متقدم لها اتنين يعني قعدت مع واحد رؤية شرعية في يوم وبعدين تاني يوم قعدت مع شخص تاني؟ ولا متقدم لها اتنين اللي هو من برا لسه مفيش مواعيد؟ ع العموم اللي لا أهلك ولا أهله موافقين مش لازم معاها مغامرة على الفاضي، والرجالة كتير

                    • Public message

                      مش قصدي اني مميزة اقصد اني معجبتهوش او حاجه و بعدها عاصر على نفسه ليمونة عشان يتقدم تاني فانا هكمل ازاي

                      • ReportProfile owner's reply

                        عادي نص الجوازات اللي على الفيس بشعارات حب وغرام والله العظيم قايمة على تهديد الأب أو الأم للبنت بالجواز، وكذلك ناحية الولد، نص الجوازات مش قايمة على مشاعر الحب والغرام، لكن المشاعر دي بتيجي مع الوقت أكيد، لكن البدايات مش زي ما هو متصور خالث وأنا شاهد عليها

                    • Public message

                      كنت في محاضرة اون لاين و بشير الشاشة عشان اعرض البور ، فالكاميرا كانت مفتوحة علي صورة ليه هي بالخمار وانا منتقبة، قفلتها بسرعة وقولت محدش اخد باله باذن الله ..النهاردة داخلة محادثة التيم لقيت المحاضرة مُسجلة و الصورة باينة .. + المشكلة ممكن أن اللي سجلت بعتت المحاضرة لناس كتير .
                      اخلص عليّ

                      • ReportProfile owner's reply

                        ابعتي رسالة على الشات إن أي حد محتفظ بالمحاضرة ياريت يمسحها وأنا هبعت لينك تاني للمحاضرة، وابعتي للبنت انها تخطي على صورتك اللي كانت في الفيديو وتبعت الفيديو تاني.. لو موافقتش البنت او محدش استجاب من الرجالة، قوليلهم خلاص مش مشكلة هاخد حقي يوم القيامة، وشيلي الموضوع من دماغك خلاص، لكن علِّمي على أصحابك اللي موافقوش يقفوا في صفك ومع حقك، ومع أي راجل خان الأمانة ومرضاش يمسح، وميكونش بينكم تعامل بعد كدا إطلاقَا، ولو اتسأل عن السبب قولي السبب إن أنا قلت كذا وهما رفضوا
                        معرفش ماهية التيم وهل هو نشاط طلابي ولا مشروع في الكلية ولا شغل بعد الكلية، لكن لو أول اختيارين فملوش لازمة حضور الاجتماعات دي اصلا ك رأي شخصي

                    • Public message

                      عرفت شاب من النت وهو محترم وعنده غيره ع دينه ، حصل بيننا تجاوزات في الكلام ،تعرف علي شخصيتي لإنه شافها مشابهه ليه، عايز ييجي يتقدم بس انا خايفه أقبل رغم إنه هو محترم جدا ومش بيروح افراح ولا أي حاجه فيها معاصي، بس انا خايفه لأحسن ييجي بعد الزواج يعايرني بالذلات اللي كانت بينا قبل الخطوبه، هو مُصر انه ييجي بس انا مش موافقه
                      فمن رأيك اوافق أنه ييجي يتقدم ولا موافقش؟

                      • ReportProfile owner's reply

                        لأ يجي عادي، أي حد وقع في حاجة حرام، أو اطلع على فضايج شخص تاني، ما دام إنه معترف إنها غلط وتاب منها، مفيش مشكلة ولا أكن عليه شيء، لو هو من الشخصية اللي بتعاير فده هيبان في الخطوبة، ولو مبانش فأنتي وقدرك بقى بعد الجواز، لكن عادي فيه ناس بتعاير بالذلات اللي بتقع بعد الجواز ذات نفسه، فمفيش مبرر للرفض

                    • Public message

                      السلام عليكم .متقد.م لي شا.ب كان قد رآني من ٣ سنوات في رؤية شرعية غير مباشرة و كان ذلك بترشيح احدى قريباته و لكن لم يتقدم ساعتها و الآن رشحتني نفس القريبة من جديد و تقدم لي و قابله ابي فقال انه لم يخطب من قبل و لكن كانت هناك زيارات ..هو على دين نحسبه كذلك و لكن هذه النقطه وحدها انني لم اكن الخيا.ر الاول له و تقدم بطلب من اهله و حسبها بدماغه كل هذا يحز. في نفسيتي كثيرا و لا استطيع تقبله بسببها اشعر بكسرة نفس هل انا مخطئة في هذا ؟

                      • ReportProfile owner's reply

                        النسبة الأكبر إن اللي بيتجوزها الراجل مش بتكون الخيار الأول ده الطبيعي، الشعور ده ممكن ناتج عن عُجب، إن أنا شايف نفسي أستحق إن أي راجل بالغ عاقل أكون أنا الخيار الأول له وإن أنا أجمل وأكثر تدينا من كل الي حواليا، لكن كلنا شبه بعض يعني المميز قليل جدًا

                    • Public message

                      بالنسبة لموضوع الستاير و تجهيز البيت .المفروض البنت تروح بهدومها فقط و جوزها هو اللي يجهز البيت و لكن اللي حاصل ده عرف خاطئ يجب ان ينتهي .نقطه من اول السطر

                      • ReportProfile owner's reply

                        من القواعد الفقهية قاعدة: (المعروف عرفاً كالمشروط شرطاً)، ومن مصادر التشريع في الدين: العرف..
                        وعرف لا يُحل حرام ولا يُحرِّم حلال، بل بالعكس بييسر الزواج، والشرعي بتحث على تيسير الزواج، هل لو استنينا إن كل راجل يكون جاهز ويفرش بيته كله، كان كام راجل من اللي اتجوزوا دول اتجوز؟ وكام بنت عدَّت ال35 وتتضاءل فرصها في الخلفة ولسه متجوزتش؟
                        الدين جاء لتهذيب العرف لا لمحو العرف!
                        الخطأ اللي في القايمة هو بعض صيغ كتابتها مش غلط في العموم، والقايمة ظالمة للرجل جدًّا وانا اتفق مع الكلام ده بس لأجل تيسير الزواج بنوافق نمضي على نفسنا وصل أمانة ممكن يوم الصباحية ومراتي نايمة جمبي ترفع بيه قضية وتطردني م البيت

                    • Public message

                      جزاك الله خيراً على النصيحة و لكن توضيح لسه مفيش خطوبة و لا حاجة

                      • ReportProfile owner's reply

                        اوكيه

                    • Public message

                      هو طبيعي أن حد يضايق أن الشخص اللي هيكون شريك حياته نرم أو مش مواكب التطور اللي بيحصل عامة يعني في حاجات كتير مش قصدي الميمز و كده ، أو أنه يكون خايف أن ما يكونش فيه بينهم لغة تواصل بسبب كده ، و خاصة أنهم من نفس الجيل يعني الفارق العمري مش كبير ، و لا هو كده شخص تافه

                      • ReportProfile owner's reply

                        هو اللي يضايق ان حد خاطب أو متجوز ويبعت لواحد زيي ياخد رأيه في مشاكل بينه وبين خطيبته او بينها وبين خطيبها، أنا لا أنصح إن بنت تبعت لراجل سواء أنا أو الناس اللي زيي على الميديا وفي جيل الشباب، وكذلك برضو لا أنصح إن راجل يبعت لبنت نفس المواصفات،
                        وإجابة الاستفسار من وجهة نظري آه الموضوع رخم، بس مش سبب فركشة يعني، تحاولوا تشوفوا أرضية هزار وترفيه مشتركة

                    • Public message

                      حلمت بيك أنك خطبت ما شاء الله
                      ربنا يجعلك من الحلم نصيب طيب خير لك في دينك ودنياك

                      • ReportProfile owner's reply

                        اللهم آمين، وإياك ياريس، المهم خطبت مين

                    • Public message

                      السلام عليكم
                      انا عملت حاجه وندمانه عليها اوى وضميرى مزال بيأنبنى وتعبانة بسبب الحاجة دى وخايفة من اللى جاى بعد كدا اعمل ايه حضرتك

                      • ReportProfile owner's reply

                        عادي تأنيب الضمير تكفير ذنوب إن شاء الله، مع الوقت هتنسى، ملهاش علاقة باللي جاي

                    • Public message

                      هو فكره إن بنت تحط شرط إنها تسال على حال الولد اللى هيتقدم لها من حيث الصلاه فى المسجد و القرءان و ممن يأخذ دينه ....هل دى حاجات بيتسال عنها قبل الرؤيه و بناء عليها بيتحدد قبول أو رفض و لا ممكن يتم التنافش فيها أثناء الرؤيه

                      • ReportProfile owner's reply

                        يتسأل عليهم في الرؤية

                    • Public message

                      السلام عليكم ورحمة الله..
                      جزاك الله خيرًا على كل ما تخط به على القناة، أتمنى تفضل تفعل دايمًا، صدقًا كأنك بتعيد تذكير وإيضاح كتير من الأمور اللي ممكن يتساهل بيها الإنسان أو يبدأ يتعامل مع بعضها على أنها أمور عادية متكررة.
                      أحسن الله إليك وجعلك سبب لكل خير

                      • ReportProfile owner's reply

                        آمين وإياكم

                    • Public message

                      بقول لحضرتك أنا متقدم ليا واحد مريض سكر
                      ولو عليه فهو تبارك الله شخصية محترمة وكل حاجة بس متخوفه من موضوع التعب دا أنا صليت استخارة بس بردو مترددة فلو تفدنا

                      • ReportProfile owner's reply

                        اسألي الناس الكبيرة في السن عندهم خبرة أحسن

                    • Public message

                      (1) شيخنا الحبيب أنا مش بحب أروح أفراح وكنت إن روحت بروح لأصدقاء مقربين عشان ميزعلوش وببقى متضايق طول ما أنا متواجد لكن بقى نادر لما بروح وحاليًا عايز أوقف ده تمامًا وفي نفس الوقت مش عايز حد يزعل مني خاصة لو صديق مقرب وعزمني وكده أنا حد عازمني وعايز أعتذر بشكل كويس أتصرف إزاي؟

                      ج / ما دام لا يوجد منكرات
                      أجب الدعوة فإن في إجابة دعوة العرس خاصة جبرًا للقلوب وزيادة في الود.

                      أما الوحشة فقد تحصل بسبب عدم التعود على اللقاء بعدد كبير من الناس أو بسبب لمعان نجم بعض الحاضرين دون بعض.

                      ولكن المؤمن كيّس يراقب الله وينوي إيناس من حوله وينسب الأمور إلى باريها فلا تؤثر فيه المظاهر.

                      وفقك الله لمرضاته .

                      ————————

                      (2) منكرات زي ايه؟

                      ج / اختلاط ومعازف.

                      ————————

                      (3) هو هيبقى فيه كده فعلًا، أنا أتصرف إزاى من غير ما أزعل حد لأنهم أصدقائي المقربين.

                      ج / قل لهم لا أحضر عرسًا فيه معصية.

                      جردوا الأفراح من المعاصي أكن أول من يحضر.

                      الشيخ سالار حسو

                      • ReportProfile owner's reply

                        جزاك الله خيرا

                    • Public message

                      (ويا جدعان الاسئلة دي تتسأل للمشايخ مش أي حد عامل قناة وعنده عشرين تلاتين متابع أو متابعين كتير على أي أكونت)
                      أنا والله متأسفة على إزعاج حضرتك بسؤالي
                      هو حضرتك كنت دايما بتتكلم على الأنانية والإثم اللي الواحد بياخده على تأييد صحابه فأنا كنت خايفة بس إني أكون كده بشجعها على اللي هي جابته لصاحبتنا من مكياج وكده بالفلوس اللي دفعتها فسألت بس لإني كنت خايفة
                      وشكرا لحضرتك على الرد والإجابة ومتأسفة على الإزعاج

                      • ReportProfile owner's reply

                        مفيش إزعاج بس دي فتاوى يتسأل فيها المشايخ مش أي حد يعني

                    • Public message

                      السلام عليكم. ازاي أعمل صراحة توب؟

                      • ReportProfile owner's reply

                        نفس اللينك اللي بعت منه السؤال ده، هتلاقي مكتوب تسجيل الدخول أو تسجيل حساب

                    • Public message

                      السلام عليكم ممكن استشير حضرتك في أمر ؟

                      • ReportProfile owner's reply

                        ممكن

                    • Public message

                      لو سمحت
                      انا لو كنت دفعت لصحبتي فلوس عشان تنقي هدية لصاحبتنا
                      فهي جابت ليب جلوس(حاجة زي الروج)وكريم يخفي عيوب البشرة ومونيكير وحاجات تانية زي توكة وساعة وحاجات مش مكياج ولا زينة
                      انا قولتلها خلاص يبقى فلوسي في الحاجات التانية مش المكياج وحاجات الزينة دي ينفع والا هيبقى عليا إثم لو هي استخدمت المكياج
                      انا والله مكنتش أعرف إنها هتجيبلها المكياج وكنت محذراها قبل كده بفترة إنها متجبش للشخصية دي(صاحبتنا) حاجات مكياج وزينة لإنها ممكن تستخدمها عادي
                      أعمل ايه والله حذرتها وجابتلها بردو

                      • ReportProfile owner's reply

                        ينفع

                      • ReportProfile owner's reply

                        ويا جدعان الاسئلة دي تتسأل للمشايخ مش أي حد عامل قناة وعنده عشرين تلاتين متابع أو متابعين كتير على أي أكونت

                    • Public message

                      يا شيخ لو أختلي الشاب لصديقته في نهار رمضان اول يوم رمضان ولم تحدث بينهم علاقه كامله ولكن نزل مني من الشاب هل يقبل له صيام باقي الشهر وما كفاره ما حدث

                      • ReportProfile owner's reply

                        أنا مش شيخ اسأل شيخ، لكن لو الجملة دي هتخليك تكسل إنك تسأل، فهنقل لك الحكم وهو إن صيام باقي الشهر يسقط عنك الفريضة بإذن الله لو لم تفعل فيه ما يبطل الصوم، وإنزال المني يبطل الصوم، فواجب عليك التوبة من الفعل لإن فطر يوم من رمضان من الكبائر، وواجب عليك قضاء يوم مكان اليوم الذي أبطلته بنزول المني، ويا أخويا مفيش حاجة اسمها صديقته دي علاقة حرام تخلَّص منها

                    • Public message

                      اللهم إنك عفو تحب العفو فاعف عني

                      عفو *كريم* لم تثبت

                      • ReportProfile owner's reply

                        هي فيها خلاف، ولو دعيت كأنه دعاء مستقل لك بزيادة كريم أو زيادة أي اسم من أسماء الله لا مشكلة

                    • Public message

                      أعرف برده إيه الغلط في نزول الصور حتي لو بكامل الزي الشرعي ممكن تكتب بشكل مفصل العواقب مثلًا أو ليه غلط من الأول حتي علشان أعرف أقنع ال قدامي

                      • ReportProfile owner's reply

                        أولًا خلينا مقتنعين إن نزول صورة البنت بلبس متبرج أو متبرجة بزينة حتى لو روج، فده حرام، تمام؟
                        ولو بنت منزلة صورتها بالحجاب، فده حرام
                        الإشكال لو واحدة منزلها صورتنا بالنقاب ومغطية عينها وايدها
                        اولا
                        الغلط في نزول الصور هو العلة من فرض الحجاب
                        الحجاب فُرض عشان لو ست محتاجة تخرج من بيتها تحجب نفسها عن الرجال
                        كيف أنا كبنت أعرض شكلي بقى كدا أمام الأجانب؟
                        ده متعارض مع أصول الشريعة في حفظ المرأة وسترها

                        ثانيا ايه غرض البنت من انها تنزل صورتها؟
                        عندنا حديث عمدة في الموضوع )انما الاعمال بالنيات وانما لكل امرئ ما نوى( أيه نيتك من نزول الصورة؟
                        وعندنا آية وإن تك مثقال حبة من خردل أتينا بيها وكفى بنا حاسبين، لما ربنا يأتى بفعل نزول الصورة هيتم وضعها في ميزان الحسنات أم السيئات؟ يبقى قليل الأدب لو حد قال هتوضع في ميزان الحسنات، وهل لو الصحابيات كان عندهم ميديا كانوا هيحطوا صورهم!

                        ثالثا ربنا قال: ولا تتبعوا خطوات الشيطان
                        نهي للتحريم من اتباع خطوات الشيطان، والخطوة دي كما هو ملاحظ ظن خطوات الشيطان، مفيش بنت اول ما تنزل صورتها على الميديا بتنزلها بشكل كامل، بتبقى خطوات
                        وكمان والله معظم اللي قلعوا الحجاب كانت اولى خطواتهم نزول صورهم على الميديا

                        رابعا هل أنا ك مسلم أقبل إن كل نسوان المسلمين يكونوا حاطين صورهم على الميديا بما فيهم امي ومراتي واولادي؟

                        اصل أي فعل من طبيعته المجاهرة لازم يكون معندكش اشكالية لو كل المسلمين فعلوه، لو عندك اشكالية ييقى لا تجاهر بالفعل

                        خامسا
                        انا ك إسلام لو واحدة حاطة صورتها بتدل على قلة ديانية وعدم فهم لتفسير آيات الحجاب أصلا اقسم بالله، ووالله العظيم لو اي واحدة حاطة صورتها اسأليها: قرأتي كتاب عن الحجاب؟ ولا واحدة هتقولك اه

                    • Public message

                      شفاك الله وعافاك، تعبانة عندك ايه؟

                      • ReportProfile owner's reply

                        وجع في أيدي

                    • Public message

                      اللهم إن كنتَ كتبتني في أم الكتاب شقيًّا؛ فامحني واكتبني سعيدًا

                      حضرتك ناشر الدعاء على القناة
                      وهو لم يرد .. الأصح تتدعي بالهداية..
                      ابحث عن حكمه

                      • ReportProfile owner's reply

                        لم يرد إزاي، ده الشيخ محمد صالح المنجد قال عليه حديث حسن، والشيخ العدوي قال إسناده قابل للتحسين وحسنه بعض أهل العلم، ما أنا بحثت طبعآ قبل ما أنزله
                        مش عارف مين الي قال لم يرد؟
                        والدعاء معناه مثل معنى أي دعاء بالهداية، ما أنت لما تقول ربنا انا مذنب وعاصي اهدني، مفهومه إن لو أنا مكتوب إني هفضل مذنب وعاصي، يا رب اجعلني مهدي

                    • Public message

                      السلام عليكم ورحمة اللّه وبركاته،عايزين لينك الفيس بتاع حضرتك
                      ثانيا ظهور المرأة ولو بحجابها الشرعي علي السوشال حرام ليه أو مش ليه هل فيه دليل بحيث أعرف أقنع أي حد قدامي وأفهم أنا كمان بالله رد ضروري

                      • ReportProfile owner's reply

                        لينك الفيس ليه؟

                      • ReportProfile owner's reply

                        يعني هو فيه خلاف معتبر بين أهل العلم بين وجوب النقاب وسنيته، يعني قبل ما نبدأ أي حاجة المرأة اللي كاسفه وجهها آثمة عند نص أهل العلم، فطبيعي لو حطت صورتها عند نص أهل العلم حرام، وثانيا نص اللي واخدين بسنية النقاب بالنسبة لهم ظهور المرأة أمام الرجال لعدم الحاجة لا يجوز، أصلًا الحجاب فُرض بسبب ظهورة المرأة امام الرجالة لحاجة، فلو احتاجت تظهر أمام الرجال تلبس الحجاب، فبأي عقل ومنطق أعرض نفسي أمام الأجانب في شكل صورة على الميديا بدون حاجة؟؟ فضلًا عن إن أي امرأة ديِّنة حيية مستحيل يكون عندها خيارين أصلًا في المسألة، وما تحبه لنفسها هتحبه لأي مسلمة ومش هتحب أي مسلمة تنزل صورها فضلا عن إنها تتفاعل مع الصور، مسألة عرض الصور على الميديا أمام الأجانب مشايخ كتير فصلوا الكلام فيها زي الشيخ كريم حلمي والشيخ البحيري ومحدش قال بالجواز بدون الحاجة أصلًا، معرفش الصراحة الموضوع زي موضوع الأغاني الناس عايزه دليل بيقول: لا تضعوا صوركم أمام الرجال!!! عشان يكفوا عن الموضوع! مع إن لو الناس بتاعة عايزه دليل واضح دي دققت شوية في مسائل كتير هتلاقي مسائل كتير هي مقتنعة بحرمتها وأدلة حرمتها أقل وضوح من أدلة حرمة الصور والأغاني، ولكن الأهواء تغلب

                    • Public message

                      صلى الله عليه وسلم، العسل دونه بكثير كثير بأبي هو

                      رد الشيخ محمود مداد

                      يبقى كده ايه عادي والا غلط؟مقالش إنه غلط بس مفهمتش إنه عادي أحاول معوتش أقولها وخلاص والا ايه؟

                      • ReportProfile owner's reply

                        يعني وصف لا يليق بالنبي صلى الله عليه وسلم، قول أوصاف زي: الله، كلامه عظيم، سبحان الله، صلى الله عليه وسلم

                    • Public message

                      تمام شكرًا لحضرتك ربنا يجزيك كل خير
                      أناكنت بتكلم ع أسلوبي كان غلط لما بعت كده لأنهم كانوا بيقولوا لي ده مش أسلوب لكن تقريبا موضحتش كده في كلامي

                      ممكن بعد إذنك تمسح الرسايل..

                      • ReportProfile owner's reply

                        لأ، لأنه مش أسلوب نصيحة محض، ده فيه تعدِّي على حقوقك، وكلامك جزء منه نصيحة وجزء منه بتحاول تحافظ على حقوقك، منهم اللي هيمنعه من الغش بسبب الحلال والحرام ومنهم اللي هيمنعه بسبب انه ميبقاش ظلم حد

                        وأنا أتظلمت كتير فعلًا بسبب الغش، ومش مسامح أي حد غش إجابة واحدة حتى

                    • Public message

                      الدفعه عندنا هيعملو افطار جماعي مختلط

                      ممكن حضرتك تكتب حاجه ابعتها ليهم انا ادمن ف احدى جروبات الماتريال بس معرفش اقولهم ايه وف ناس بتقول دا عادي واحنا جايبين اهلنا معانا حتى اللي مقتنعين ان الفان داي حرام مش مقتنعين ان الافطار بالشكل دا غلط

                      • ReportProfile owner's reply

                        جبلهم فتوى من شيخ ان الكلام ده لا يجوز

                    • Public message

                      لما باجي أقرأ في السيرة أو أقرأ مواقف لسيدنا محمد صلى الله عليه وسلم تعدي(أغلبها مواقف إجتماعية وتعاملات مع أهله أو أصحابه أو الناس عامة حتى لو كنت قرأتها قبل كده كذا مرة) المواقف بتأثرني وبلاقيني بقول عسل أوي عليه الصلاة والسلام ي لهوي على العسل أو ي خراشي على العسل (على سيدنا محمد عليه الصلاة والسلام) ده عادي والا غلط؟

                      • ReportProfile owner's reply

                        اسأل شيخ، بس اكيد الاوصاف دي لا تليق يعني

                    • Public message

                      لو سمحت ممكن رد على الكلام اللي في صورة دي لأنه البعض مصدقه للأسف
                      وازاي أصلا مرحلة التأليف وصلت إنهم يقولوا إنها كانت بتزاحم الرجال في ميادين عملهم دي لا حول ولا قوة إلا بالله

                      • ReportProfile owner's reply

                        اهو دي نهاية تفسير القرآن بالأهواء وتجديد الخطاب الديني، عشان يخدم فكرته، الله يلعنه

                    • Public message

                      ليه ربنا ممنعش الحاجه دي تحصل مادام هتأذينا

                      • ReportProfile owner's reply

                        لأن عبوديات زي الصبر والرضا والحمد والشكر مش هتحصل غير مع الابتلاءات، زي انه مش هيتحقق معنى الكاظمين الغيظ غير لما يكون عندك غيظ فعلا، والغيظ ده أذى نفسي

                    • Public message

                      ايه اخبار الدكتور اسامه؟

                      • ReportProfile owner's reply

                        الحمد لله زي ما هو

                    • Public message

                      معرفش
                      تقريبا في فرق في المصطلحات تبعا للقوانيين
                      *مش فارق قوانينهم

                      الفكرة إنه جرت العادة إنه يتقال عليهم معتقلين
                      لأن مسجون،سجن،سجين وقعها أشد على النفس
                      عن تجربة

                      شرعا فيها حاجة لو قلنا معتقل بدل سجن

                      • ReportProfile owner's reply

                        ماشي يا ريس

                    • Public message

                      كنت كتبت منشور عن الإمام وهو بيدعي ولا عازبا إلا زوجته معلش بس عايزه أفهم هل ده معناته إنه حرام عليا في الوقت ده وأخواتنا في غزة ادعي ربنا يرزقني بالزوج الصالح؟

                      • ReportProfile owner's reply

                        لا طبعًا ياريت كل الناس تدعي بالزواج، ده عبادة

                    • Public message

                      شوفت بوست لحد بينصح البنات بالبعد عن السماع لدعاة (في وصفه ليهم إنهم شباب زي أحمد عامر وشريف علي وناس تانية)وحط كومنت فيه فيديو للشيخ سمير مصطفى (الفيديو بتاع زنا القلب هو مقطع تقريبا عشر دقايق وشوية)هو مينفعش أتابعهم؟أو يبقى عندي مقاطع لقرآء شباب أو دعاة؟ولو عندي أمسحهم؟
                      وشكرا

                      • ReportProfile owner's reply

                        هما لو بيفتنوا البنت، يبقى حرام تشوفهم، لو مفيش فتنة، خلاص عادي

                    • Public message

                      تعليقا على
                      "في ناس في دفعتنا في السجن"
                      اسمه المعتقل فضلا لأن كلمة السجن بتكون مؤلمة

                      • ReportProfile owner's reply

                        أيه الفرق؟ وليه ربنا ذكر السجن مذكرش المعتقل؟

                    • Public message

                      دعواتكم لقريبي بالعافية للتامة الدائمة ..امانة

                      • ReportProfile owner's reply

                        حاضر إن شاء الله، أبشر

                    • Public message

                      لا في شخص كان مكلم والدي وقاله انه خريج هندسة وعنده 23 سنة فكنت مستغربة يعني او فكرته غير صادق فقت أتأكد برده، جزاكم الله خيرًا

                      • ReportProfile owner's reply

                        ربنا يكتب لكما الخير

                    • Public message

                      لو سمحت السؤال قد يبان غير مفهوم لكني عايزه اجابته ضروري، هل طالب هندسة مدنية ممكن يتخرج وهو عنده 23 سنة؟

                      ولا المفروض وهو اربعة وعشرين او خمسة وعشرين؟

                      • ReportProfile owner's reply

                        ده عليا ولا أيه؟ طالب هندسة المفروض يتخرج ٢٣ سنة، ممكن يتخرج ٢٤ سنة لو هو داخل الجامعة متأخر ، مولود بعد ١ اكتوبر

                    • Public message

                      ممكن أتقدم لشخص مفيهوش المواصفات وأعرض عليه طلباتي، طلباتي اللي جزء منها طلبات الدين، وجزء منها طلبات دينية تحت غطاء الورع...... ايه معني الكلام دا مفهمتش يعني ايه تعرض عليه طلباتك يعني هتقوله بالحرف كدا أنا عايزك تبقي كذا؟ أو انا عايزك تلبسي النقاب مثلا ؟ وايه معني جملة *طلبات دينية تحت غطاء الورع*

                      • ReportProfile owner's reply

                        أه هقول بالحرف اللي أنا عايزه لو هو مش موجود، ولو فيه حاجة موجودة فيه أنا عايزها، هشيد بيها
                        طلبات دينية تحت غطاء الورع، يعني حاجات مش حرام، بس أنا مش هحب أنها تعملها

                    • Public message

                      هو ايه الكبائر اللي ممكن الناس بتعملها بس مش عارفة إنها كبائر وفاكراها إنه يعني هي حرام بس مش كبيرة؟

                      • ReportProfile owner's reply

                        https://t.me/HEITASH/2014

                    • Public message

                      بقالي ساعه تقريباً *في سحله* ف قنوات التليجرام بتاعتك فلفتني عدم إجابتك ع سؤال*مواصفات زوجتك؟* وانك رديت بس ب*كلاون* ف ممكن تقول ايه معني ردك دا علشان مفهمتش وإيه ردك ع السؤال برده ،وشكرا

                      • ReportProfile owner's reply

                        أصل مواصفات زوجتي مش لازم بالضرورة تكون موجودة في الشخص اللي هتقدمله، لكن 100 مش هخطب غير لما تكون موجودة فيه، يعني ممكن أتقدم لشخص مفيهوش المواصفات وأعرض عليه طلباتي، طلباتي اللي جزء منها طلبات الدين، وجزء منها طلبات دينية تحت غطاء الورع
                        يعني كمثال بسيط لازم مراتي تكون منتقبة، هل ده بالضرورة إني هتقدم للمنتقبات بس؟ لأ، بس لو أتقدمت لغير منتقبة، مستحيل أعمل خطوبة غير وهي لابسة النقاب، بل غالبًا مستحيل أقعد تاني قاعدة غير وهي لابسة النقاب، وطبعًا لبس النقاب يترتب عليه لبس الجوانتي وعدم نشر أي صور لها حتى لو بالنقاب على الميديا، لأن كل ده حرام ويدل على عدم ديانتها، وقِس عليه أي مواصفات تانية، لو عايز أقولها هقولها بس ع القناة الفرعية عشان هكتب كتير

                    • Public message

                      السلام عليكم ..بالله عليك انت و اي حد بيقرا ادعوا لقريبي ربنا يشفيه شفاءا تاما لا يغادر سقما و يعافيه و لا يبتليه في صحته و عقله ابدا و دينه

                      • ReportProfile owner's reply

                        يا رب آمين

                    • Public message

                      كنت شوفت بوست لحد كاتب فيه فيما معناه:
                      [سبحان الله الواحد يروح الجامعة ميرجعش سليم ،مش مسامح أي بنت أذتني بلبسها ومش مسامح أي ولي أمر سايب بنته تنزل كده]
                      هو البنات هيبقى عليها ذنب لبسها وذنب اللي شافها وهيقتص منها تاني بسبب الأذى يوم القيامة؟
                      وايه اللبس المؤذي لكم معلش؟
                      ولو في الحوار أذى سبحان الله لسه عايشين طبيعي ازاي في وسط المناظر دي بجد؟لا حول ولا قوة إلا بالله
                      ربنا يعينكم يارب ويصبركم ويرزقكم الحلال والعفاف وجميع المسلمين

                      • ReportProfile owner's reply

                        آه طبعاً، أي ذنب عمومًا صاحبه بيجاهر به، هو أي شخص سيؤذى منه هياخد حقه منه يوم القيامة، عشان كدا المجاهرة بأي ذنب من الكبائر، يعني لو ذنب من الصغائر وجاهرت به، أصبح من الكبائر، لأن النبي توعَّد المجاهرين، والتوعد كبيرة
                        فلو ماشية في الشارع بلبس غير شرعي أو منزلة صورها على الميديا، والشخص أُذي بسبب أي فعل من دول، غصب عنه، يعني هو واخد باحتياطاته من غض البصر، لكن غصب عنه، فياخد حقه منها يوم القيامة، لكن ولي أمره هو ملوش دعوة بيه، ومش شرط إن هو ولي امر يبقى هو سامح بده، لأن الكفر وهو أعظم من التبرج، وكان الوالد النبي مؤمن وكل اسرته كفَّار، فلو الابن ده عبد صنم امام الناس، وانا اتفتنت بيه، مليش دخل بالوالد، الوالد حسابه على الله، إن أدَّى ما عليه من التربية والدعوة خلاص، وإلا فسيحاسبه الله، لكن أنا اقتص من السبب فقط

                      • ReportProfile owner's reply

                        طبعًا مش عارفين نعيش، أنا مكنتش بنزل الجامعة غير يوم او يومين بالكتير، معرفش ازاي انسان بكامل قوته العقلية يسيب بيته ويروح للفتنة برجله! شيء صعب جدًّا، واللي بينزل بدون ضرورة بالتأكيد سيحاسب، عليه ذنب، لأنه زي أي مكان فيه محرمات لابد منها، مش هتمشي مغمض عينك في الجامعة، ولبسهم بشع بجد

                    • Public message

                      دعواتكم لي بالزواج الصالح العاجل امانة

                      • ReportProfile owner's reply

                        بإذن الله، أبشر

                    • Public message

                      ربنا يكرمك وشباب المسلمين بالحلال يارب
                      ويجنب جميع عباده المسلمين الفتن ما ظهر منها وما بطن

                      • ReportProfile owner's reply

                        آمين وإياك

                    • Public message

                      كل سنة وأنت طيب يا إسلام

                      • ReportProfile owner's reply

                        وأنت طيب وبخير ياريس

                    • Public message

                      مش هو فيه جواز بدون قايمة؟

                      • ReportProfile owner's reply

                        فيه أه، بس قليل اللي بيوافق عليه، والموضوع محير الصراحة، يعني لو أب طلب قايمة مقدرش ألومة طبعًا، وأنا لو هما طلبوا همضي عادي

                    • Public message

                      لا حول ولا قوة إلا بالله
                      ليه السجن؟

                      • ReportProfile owner's reply

                        بسبب القايمة، لو رفعوا قضية، وبنسبة كبيرة معظم الطلاقات بيرفعوا قضية لو الراجل مش معاه يدفع القايمة

                    • Public message

                      السلام عليكم
                      انا صاحبة السؤال اللي كان عن الطب والاختلاط
                      الحمدلله مع إنه الترم ده كان فيه سكاشن كتير وكويزات كتير عن السنة اللي فاتت وكنت خايفة من عدم الحضور اللي كان حاصل مني ومكنتش برضى إنه حد يكتبني حضور من زميلاتي
                      بفضل من الله ربنا رزقني بتقدير جيد جدا الحمدلله
                      فشكرا على التذكير (ومن يتق الله يجعل له مخرجا ويرزقه من حيث لا يحتسب)
                      وشكرا على النُصح

                      • ReportProfile owner's reply

                        ما شاء الله

                    • Public message

                      سمعت بعض مجالس للتفسير منه فعلا أسلوب جميل وميسر
                      مسمعتش منه القضايا والإشكاليات والمجالس التربوية بس في الخطة ربنا ييسر يارب
                      وربنا يبارك فيه وفيك ويجزيكم خيرا

                      • ReportProfile owner's reply

                        اسمع القضايا والاشكاليات ولقاءات بصائر الجديدة عن الأحداث

                    • Public message

                      أيوة فعلا فيه بعض النقط زي الاختلاط فيه عندي تحفظ عليها
                      بس مجملا أسلوبه ومواده كويسة اللهم بارك وربنا يهدينا ويهديه آمين
                      سبب السؤال إنه كنت بحس إنه أسلوبك في بوستاتك اللي قرأتها متميز وحازم(تقريبا شبه أسلوبه) في الطرح ما شاء الله ربنا يباركلك ويبارك فيك وينفع بك يارب

                      • ReportProfile owner's reply

                        مش بحس ان اسلوبه حازم، ومش بسمعه من زمان، لكن اللي بسمعه كتير واسلوبه شديد فعلا، هو الدكتور احمد عبد المنعم
                        الحزم والشدة مش بالصوت العالي والزعيق، الحزم في قوة المعاني والطرح اللي بيقدموهلك وبيوضحلك، لكن انت ممكن تكون بتسمعه في العربية او في الشارع او في الخلفية، فمش بتركز في كلامه وبتحسه راجل هادي، لكن ربنا يحفظه للدين طرحه قوي جدا

                    • Public message

                      بتسمع لد. عبدالرحمن ذاكر الهاشمي؟

                      • ReportProfile owner's reply

                        اه ربنا يبارك فيه، بس للأسف بعض المسائل كالاختلاط كان كلامه فيه وحش جدًّا وتريقة صعبة، ربنا يهدينا ويهديه

                    • Public message

                      بروح المساجد دي

                      • ReportProfile owner's reply

                        ماشي كويس روحها، دي مشاكل شخصية

                    • Public message

                      اشمعنا مش هتروح علام والزهراء؟

                      • ReportProfile owner's reply

                        أنت م المنصورة؟

                    • Public message

                      اقول للاخت التزمي بأوامر الله وكله بأجره وأذية في دين الله أفضل من أذية لأشياء دنيوية وأهلك ادعي لهم بالهداية واسألي الله الثبات لك ولا تتنازلي عن حجابك ولا صحة شروطه

                      • ReportProfile owner's reply

                        يا ميسر الحال يا رب

                    • Public message

                      لست صاحبة السؤال، لكن حقًّا في الكمين لا يفتشوا النساء ويعاملوهم باضطهاد وهكذا؟

                      • ReportProfile owner's reply

                        طبعًا، كمين مباحث أو كمين امن وطني او كمين مخدرات او كمين مرور اي كمين مبيقربش لأي ست، ودي ميزة اسطورية للست والله، بالإضافة للميزة التانية في الحرم وإن أي ست تدخل في اي وقت وبأي لبس وبأكل، لكن الراجل لازم يكون بلباس الإحرام.... دول من أجمل المواقف في الحياة اللي الراجل يتمناهم، وهما للست دون الراجل، بدون أي سبب واضح للتمييز ده اصلا، بس اهو، والراجل لا عمره اشتكى وقال بيتم اضطهادنا ولا حاجة

                    • Public message

                      أما التهديد(فهو تهديد إنه ممكن انا أبقى تبع الإخوان مش داعش يعني)
                      أما الرد عليهم بقصص الأنبياء والأذى وآثارهم والصحابة يقولوا هما مين واحنا مين(عاوزة تشبهينا ازاي بناس ربنا اصطفاها على الناس كلها)
                      أما الصبر على الأذى يقولوا وليه نجيب أذى لنفسنا من الأول مانتي لبسك كان كويس

                      • ReportProfile owner's reply

                        ربنا يصبرك والمسلمين

                    • Public message

                      = عن اللبس إنه أهلي كلهم بقوا ضدي
                      من ضمن كلامهم إنه كده صنفت نفسي تبع فئات وممكن يوصل الأمر إنه أي حد يعتبرني داعشية وكلام من ده
                      وإنه بالمنظر ده تهديد لعيلتي مش ليا لوحدي وزادت التوهة بسبب إنه لما حد ينطق بكلام من ده كله بيوافقه حتى اللي كانوا معايا وبيشجعوني في الأول

                      • ReportProfile owner's reply

                        أنا بعدي على كماين كتير وبقف في كماين كتير، النساء كلهم مهما كانت لابسة مستحيل ضابط او امين شرطة يقولها كلمة ولا يبص في موبايل ولا اي شيء نهائي، كان في كمين انا وصاحبي نزلنا، ومراته كانت اسود في اسود وجوانتي وحتى تقريبا عينها مش باينة، ولا حد قالها نص كلمة، فأنا معرفش بصراحة لو حد قال على واحدة داعيشية دي فيه التهديد فيها؟ دول الكفار كانوا بيتوارثوا القول بجنون الأنبياء، يجي الكافر على فراش الموت ويقول لابنه يابني يوجد محنون اسمه نوح لا تتبعه، قبيلة كاملة بتوصف النبي صلى الله عليه وسلم بالجنون ولما حد يدخل القبيلة جديد يقولوه: فيه واحد اسمه محمد مجنون أو ساحر
                        تخيل أنت تتصف بالجنون من قرايبك وأهل قريتك وأي حد داخل القرية يعطوا له معلومة انك مجنون، وضع صعب جدًا، ومفيش ولا نبي تطرق للموضوع ده اصلا، لأنه بالنسبة للاذى الفعلي في نشر الدين ولا حاجة، مع انه صعب جدًا

                    • Public message

                      السلام عليكم
                      انا كنت بلبس نقاب بطريقة فاشون واستايل عشان أبان إني منتقبة كيوت وكده
                      بس غيرت الطريقة ولبست الخمار اللي هو الجلباب ده ونقاب وكله أسود في أسود عشان واجهت نفسي بسبب بوستات حضرتك
                      أهلي في الأول كانوا موافقين
                      بس حاليا بسبب كلام العيلة وانتي هتشبهينا وهتجيبي العين علينا وممكن حد يرازي فيكي وانتي اصلا كده ملفتة وانتي الأول كنتي أحسن(نقاب الاستايل ده) ولقيتهم كلهم قلبوا ضدي وانتي ازاي هتمشي في الشارع كده (انا اصلا مش بطلع من البيت الا كل أسبوع مرة ممكن بسبب الكلية أو زيارة العيلة وبروح المكتب عادي بس محدش شايفني)
                      والله انا بقيت مرتاحة نفسيا كده عشان الحجاب بقى أحسن ومطبق للشروط
                      بدعي حاليا إنه ربنا يُدلني للأحب له
                      وحاسة إني تايهة (حتى اللي كانوا معايا قلبوا زي رأي التانيين)
                      ومش عارفة أسأل حد وبأمن لرأي حضرتك
                      فكنت عاوزة أسأل أعمل ايه...وشكرا لحضرتك

                      • ReportProfile owner's reply

                        إقامة شعائر الدين الظاهرة بيجي بعدها علطول= واصبر على ما أصابك إن ذلك من عزم الأمور. واصبروا إن الله مع الصابرين. والله يحب الصابرين. وجزاء الصبر: (إنما يوفى الصابرون أجرهم بغير حساب) والإمام البغوي قال: هم الذين صبروا على دينهم فلم يتركوه للأذى ممكن يكون فيه بعض الأفعال منك تقلل من كلامهم كإنك مثلًا تلبسي لون بني لون موف لون ازرق او كدا، لكن أنا مش هنصح حد بكده، اسألي شيخ فيها وهو يتحمل القول وهو أعلم مني كلامك صحابك اللي قلبوا دول، الصراحة في داهية ولا كرامة بنت مشهورة تنزل بوست إنها قررت متنزلش صور ليها على الميديا تاني، أصحابها عملوا لها لايك... نزلت بعد فترة صورها بالنقاب، نفس العيال عملت لها لايكات وكومنتات ثناء عليها.... نفس البنت قلعت النقاب -على قولها لأسباب صحية- ونزلت صورها من غير نقاب، نفس الصحاب عملوا نفس اللايكات ونفس الكومنتات فدول أصحاب مبادئ كلابية، لا ينصروا حق ولا يقفوا في وش باطل، أتباع هوى وإن ظهر خلاف ده أنا قلت قبل كدا أي موقف يحصل من أي مسلم، فرض على أي مسلم معارض للموقف، يتبين الأول هل النبي صلى الله عليه وسلم كان عمل كدا قبل كدا؟ ولا لا؟ ممكن يكون كان عمل وأنت جاهل بالموقف، فعشان متزمش الموقت وتتريق عليه، ويكون هو موقف وهدي نبوي، يبقى وقعت في مصيبة سودا وكذلك أي بنت أو راجل يعيب في لبس معين أو لون معين، فرض عليه يشوف زوجات النبي صلى الله عليه وسلم كانوا بيلبسوا ده ولا لا، عشان متقعش في مصيبة سودا، فهل الصاحبيات مكنوش بيلبسوا اسود في اسود وجلباب؟ هل مكنش ساعتها فيه ناس بتستخبى في نفس اللبس وبتسم المسلمين وبتقتلهم؟ هل حد قال لزوجات النبي بلاش اللبس ده عشان هتبقي شبه كذا وكذا؟ كلام سافل بصراحة

                    • Public message

                      السلام عليكم ورحمة الله وبركاته لو سمحت يا اخي أنا عاوزة كلام صريح كده و بالعامية عشان افهم بالظبط الكلام عن ليلة النص من شعبان

                      يعني أعمل إيه فيها بالظبط ؟؟

                      • ReportProfile owner's reply

                        تدعي فيها، لأن الدعاء مستجاب، ومتعملش فيها حرام لأنها ليلة مباركة يغفر الله فيها للمسلمين
                        تصلي قيام، أو تقرأ قران، أو تساعد أهل بيتك، أو تشتري حاجة وتديها لحد من أبوك وأمك أو إخواتك، أي عمل صالح عادي عشان متحسش بملل، بس اعتبرها كليلة القدر، وادعي فيها بكل الأدعية اللي حاببها، وطبعًا من ضمن الدعاء الصلاة على النبي صلى الله عليه وسلم

                    • Public message

                      السلام عليكم ورحمة الله وبركاته
                      أنا بنت و اخويا خاطب .. و كنت عاوزة اعرف هل ينفع إن لما يجي يخرج مع خطيبته أخرج معاهم عشان ميكونوش لوحدهم ؟!!

                      و أنا مش مرتاحة للأمر
                      بجد أفيدوني جزاكم الله خيرا

                      • ReportProfile owner's reply

                        اسألي شيخ