صراحة - Medical Kholasa

Medical Kholasa

اجعل رسالتك بناءة :)

رفع فيديو أو صورة أو مقطع صوتي مع الرسالة حيث يتم حذف المرفق تلقائيا بعد 24 ساعة

صارح

اعلان

تسلم ايدك بس لو تعدل الفيديوهات مع الكتاب الجديد يبقي جزاك الله خيرا
28/09/2025 01:35:42 م

للأسف النسخة الحالية المحدثة من الكتاب مش موجودة عندى, خصوصا كملف اقدر اشرح منه على عكس النسخة اللى كانت موجودة فى 2021, فانا متأسف ان حاجة زى كدة مش حاقدر اعدلها وبتأسف لان اكيد فيه اختلافات عن المحتوى الحالى
05/10/2025 01:25:53 ص

والله الواحد ياريت عرف قناتكم من ايام الراوند والله الواحد كان طول فترة الراوند بيدور عل مصدر يفهم ويبقا ماشي مع الكتاب ويفهمنا الكتاب الغامض دة بجد جزاكم الله خيرا كويس اني اكتشفت القناة في الستادي ليف على الاقل جزاكم الله خيرا كثيرا كثيرا
دفعة2025
23/09/2025 08:12:48 م

حقيقى مبسوط بوصول القناة لدفعة 2025 حتى بمرور كل السنين ديه
وباذن الله ربنا يوفقكم فى الامتحان سواءا باستخدام محتوى القناة او اى محتوى تانى, وربنا يجازينا جميعا خير باذن الله
05/10/2025 01:27:10 ص

السلام عليكم، الفيديوهات متسجلة تقريبا سنة ٢٠٢١، وانا بكتبلك واحنا ٢٠٢٥.. أحب استهل كلامي بحمدالله إني لقيت القناة بتاعتك وقد إيه أنقذتني في فهم النساء بمنتهى السهولة واليسر، ومن هنا بدعيلك من كل قلبي وفي كل فيديو اسمعه إن ربنا ييسرلك أمرك ويكون في عونك كما كنت في عون إخوانك.. الله يعزك ويرزقك من حيث لا تحتسب..ويجعل الخير بين يديك وينفع بك حيثما كنت..
شكرًا جزيلًا على الشرح المتقن السلس البسيط.. وعلى وجود مصدر بيشرح من الكتاب بضبط.. قد إيه فوق الرائع وسهل عليا قراءة الدروس بعد ما كانت تقيلة على قلبي فعلًا..
شكرا من كل قلوبنا..
21/09/2025 09:29:19 ص

متشكر حقيقى على رسالتك, وديه حاجة تسعدنى جدا وتشرفنى ان حتى بمرور اكثر من 4 سنين ان القناة لسة متشافه ولسة فيه استفادة بتتحقق بوجود محتوى القناة بالرغم انه اكيد بقى فيه اختلافات عن محتوى الكتاب, اللهم امين ولك بالمثل واضعافه باذن الله, وربنا يوفقكم جميعا باذن الله حقيقى الشرف كله ليا وده كلام اكثر بكثير من اللى استاهله

05/10/2025 01:25:30 ص

السلام عليكم
انا لسه داخل القناة بتاعة شرح النسا و دي اول مشدج فوق خالص ومعرفش المنهج مشروح و لا لأ اصلا في القناة
ولكن اسأل الله أن يبارك لك في نيتك و علمك
يبلغ الإنسان بنيته مالا يبلغ بعمله
اسأل الله أن يرزقك صحبة النبيين و الصديقين في الجنة
22/01/2025 01:40:45 م

وعليكم السلام
متشكر حقيقى, ولك مثل ذلك واضعافه باذن الله
وان شاء الله تلاقى المنهج مشروح على القناة ويكون محتواها مفيد ان شاء الله
24/03/2025 02:01:12 ص

السلام عليكم دكتور كيف حالك
دكتور بالله عليك عايز نسخة الكتاب دي عشان فيها الشرح مفصل وكويس
ياريت
06/11/2024 04:58:58 م

حضرتك تقدر تلاقى الكتب كلها على اللينك ده
https://app.mediafire.com/6d5fas8adbf2u
20/11/2024 10:40:42 م

انا بسمع فيديو placenta في ٢٠٢٤ وبجد رائع رائع رائع انا منبهرة من جودة الشرح، ربنا يبارك
09/10/2024 02:06:52 ص

متشكر جدا لذوقك, أتمنى يكون المحتوى مفيد باذن الله
بالتوفيق ان شاء الله
20/11/2024 10:41:05 م

لو سمحت حضرتك كنت عايزه كتاب نسا طب اسكندريه pdf ال حضرتك شرحت منه ف ال فديوز
الاقيه فين
04/10/2024 10:21:00 م

حضرتك تقدرى تلاقى الكتب كلها على اللينك ده
https://app.mediafire.com/6d5fas8adbf2u
20/11/2024 10:40:32 م

جزاك الله خيرا القناه و محتواها مفيد جدا جعلها الله في ميزان حسناتك
30/05/2024 08:43:03 ص

جزانا واياكم ان شاء الله
بالتوفيق باذن الله
16/06/2024 08:32:39 م

بحبك لله والله ❤️❤️❤️❤️
وشكرا على مجهودك معانا ❤️
وشرحك ما شاء الله جميل اوى
أن شاء الله حضرتك تبقى حاجه كبيره اوى ف المستقبل وتبقى استاذ كبير ف جامعة اسكندريه
وتشرح بنفس الطريقه الجميله دى بدل الهم اللى نشوفوه ف السكشن😂
28/04/2024 11:53:29 ص

أحبك الذى احببتنى فيه

والعفو على ايه بس, حقيقى كلامك يسعدنى ويشرفنى جدا وأتمنى اكون قدرت افيدكم باذن الله, وبالتوفيق يارب دائما
16/06/2024 08:32:18 م

السلام عليكم ورحمة الله وبركاته انا ستة طب كفر الشيخ وسمعت فيديو من الفيديوهات اللى موجودة ع القناة
حقيقية مجهود عظيم جدا ربنا يباركلك يارب ويوفقك وينفع بيك ويسهلها عليك زى ما بتسهلها على غيرك ولو احتاجت اى حاجة فى المنهج مش مذكراها اد كده هرجع للقناة دى طبعا
ربنا يوفقك يارب وينفع بيك دائما ويجعله عمل خالص لوجه الله وربنا يجعله فى ميزان حسناتك.
23/07/2022 09:05:02 ص

وعليكم السلام ورحمة الله وبركاته
حقيقى ده كثير جدا عليا شرف كبير جدا ليا كلامك, واتمنى يكون المحتوى افادك ولو بحاجة بسيطة, وبالتوفيق ليك ان شاء الله فى سنة ساتة وربنا يرزقك بالدرجات والتقدير اللى تتمناهم وتخلص على خير باذن الله
24/07/2022 10:55:25 م

السلام عليكم
جزاكم الله خيرًا على قناة النسا ، سهلت علينا كتير جدًا وواضح المجهود المبذول ، جعلها الله في ميزان حسناتك
شكرًا جزيلاً بجد .
08/06/2022 06:23:40 ص

وعليكم السلام ورحمة الله وبركاته
جزانا واياكم ان شاء الله, والعفو على ايه بس, كلامك أسعدنى جدا وشرف كبير ليا, واتمنى يكون المحتوى افادك ان شاء الله, بالتوفيق والنجاح باذن الله
09/06/2022 03:39:21 م

شكرا جدا لحضرتك الشرح حلو اوي
23/04/2022 07:34:02 م

العفو على ايه بس, رأيك يسعدنى جدا ويشرفنى, ويارب المحتوى ينال اعجابكم ان شاء الله, بالتوفيق باذن الله
25/04/2022 02:07:39 ص

يا دكتور هو حضرتك عامل فيديو induction of labor ولا لا 😭😭😭
27/03/2022 11:56:34 م

عملته بالفعل, موجود فى فيديو بعنوان الOperative obstetrics
وده لينك الفيديو https://t.me/Medical_Kholasa/66
28/03/2022 06:46:18 م

CONGRATULATIONS!!!
مبرووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك ي ايهااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااب
18/03/2022 11:49:38 ص

متشكر جدا الله يبارك فيك 😄🙏، بالتوفيق والنجاح ان شاء الله
18/03/2022 01:27:41 م

حقيقي القناة إنجاز كبير وعمل عظيم ربنا يجعله في ميزان حسناتك .. جزاكَ الله عنّا خيرًا
17/03/2022 06:38:38 م

جزانا واياكم ان شاء الله, ومتشكر جدا على كلامك واتمنى اكون قدرت افيد ولو بحاجة بسيطة, بالتوفيق والنجاح ان شاء الله
17/03/2022 10:49:43 م

جزاكم الله خيرا على المحتوى والمجهود المبذول ربنا يجعله في موازين الحسنات
كان عندي اقتراح بس لو ممكن تتوزع الداتا دي في فلاشة على الأقل للراونداتراللي لسه هتبدأ نسا علشان في ناس باقات وهيكون صعب ينزلو كل الفيديوهات، هتاخد نت كتير جداااا..
وشكرا مرة تانية على المجهود ده والله ربنا يتقبل...
17/03/2022 02:44:13 م

جزانا واياكم ان شاء الله, والعفو على ايه بس, حضراتكم تستاهلوا اكثر من كدة بكثير
بالنسبة لموضوع المساحة فهو فعلا مشكلة كبيرة مساحة الفيديوهات وانها كبيرة, وحاولت اصغرها على قد ما اقدر من حيث مساحة التخزين لكن للاسف كانت بتبقى كبيرة جدا برضة, انا حاليا معنديش كل المحاضرات على جهازى متحملة لانى كنت بامسح شوية منهم لما اخلصهم بعدها بفترة, مش عارف الحقيقة لو فيه حد فى دفعتنا معاه الفيديوهات كاملة متحملة لو كدة ممكن يشارك المحتوى ده على فلاشة او حاجة, وبالنسبة للراوند اللى لسه حايبدأ ان شاء الله فانا باذن الله ناوى لو كدة الفترة اللى جاية حاحول الفيديوهات بحيث يكون حجمها مضغوط شوية ولما اعمل كدة حارفعهم كلهم على لينك موحد للتحميل بحيث يكونوا متاحين انهم يتحملوا كلهم وبمساحة اصغر من اللى موجودة حاليا على القناة, ومتأسف على المساحة الكبيرة اللى انا عارف انها اكيد سحبت كثير من باقة النت واتمنى يكون ده ماسببش مشكلة
17/03/2022 10:48:59 م

انا راوند ٦ حاليا وحرفيا الله يرزقك الجنة ي ايهاب والله ويوفقك ديما 💚
16/03/2022 08:19:18 ص

ربنا معاكم ويوفقكم ان شاء الله وتخلصوا الرواند على خير باذن الله, واللهم امين واياكم ان شاء الله 😊
17/03/2022 12:24:09 ص

أنا بستني اي حاجة حضرتك بتنزلها جديدة و يشيل هم أن محاضرة متكونش موجودة ❤️ بجد ربنا يباركلك علي كل التسهيلات دى الف الف شكر بدعيلك في كل محاضرة بسمعها بأمانة
10/03/2022 08:13:04 ص

العفو على ايه بس 😅، حقيقى كلامك وثقتك فى المحتوى حاجة تشرفنى جدا وتسعدنى. واتمنى اكون قدرت افيد ولو بحاجة بسيطة، وبالتوفيق والنجاح دائما ان شاء الله
10/03/2022 12:35:34 م

طب معلش الكتب دي ملهاش PDF ممكن ترفعه؟؟
06/03/2022 10:45:40 ص

ال3 كتب متاحين على اللينك ده https://app.mediafire.com/6d5fas8adbf2u علما بأن ديه النسخ القديمة من الكتب اللى متاحة هنا

06/03/2022 09:43:19 م

لو سمحت الكتاب ال بتشرح منه كتاب مين؟؟
04/03/2022 05:18:02 م

ال3 كتب الرسميين لقسم النسا والتوليد فى كلية الطب جامعة الاسكندرية
05/03/2022 12:51:46 ص

مجهود رائع جدا جدا وبجد مهما سمعت مصادر تانية لازم ارجع اسمع حضرتك ❤️ربنا يسهل عليك إن شاء الله زى ما بتسهلها علينا ❤️👏وانا متأكدة إنه هيكون مصدر محترم جدا النسا لاي راوند فيما بعد ❤️😍 وراوندات سنتنا بردو
04/03/2022 06:13:42 ص

متشكر جدا على ثقتك و كلامك, واللهم امين واياكم ان شاء الله, وحقيقى ديه حاجة تشرفنى جدا وتسعدنى ان المحتوى ينال اعجابكم ويحقق ولو استفادة بسيطة فى الراوند, بالتوفيق والنجاح ان شاء الله
04/03/2022 01:04:15 م

شكراً جداً علي تنزيل المحاضرة الجديدة
24/02/2022 04:46:10 م

العفو على ايه بس, أتمنى المحتوى ينال اعجابكم ان شاء الله, وبالتوفيق باذن الله
24/02/2022 10:45:08 م

شكرا جدا بجد لانك لغايه دلوقتى بتعملنا باقى المنهج فعلا الشرح فوق الممتاز من غيره كانت نسا هتبقى فعلا صعبه جدا
شكرا جدا ربنا يعوضك خير
24/02/2022 04:45:50 م

العفو على ايه بس, حقيقى كلامك شىء يسعدنى جدا ويشرفنى, وأتمنى اكون قدرت افيد ولو بحاجة بسيطة, وبجد حضراتكم تستاهلوا اكثر من كدة بكثير كمان, بالتوفيق والنجاح ان شاء الله
24/02/2022 10:44:40 م

شكراً جداً علي توفير مصدر للنسا منعا للتشتت و واضح من الصراحات اللي جايلك إنها مصدر كويس
18/02/2022 10:30:37 ص

العفو على ايه بس, أتمنى المحتوى بتاع القناة ينال اعجابكم ان شاء الله ويحقق الاستفادة المرجوة منها, وربنا معاكم فى الراوند ويوفقكم ان شاء الله وتكون فترة حلوة عليكم باذن الله
18/02/2022 02:00:00 م

الفيديوهات فوق الممتازة فعلا مش سائب كلمه متشرحتش شكرا جدا جدا
16/02/2022 02:09:09 م

كلامك شىء يسعدنى جدا ويشرفنى, والعفو على ايه بس حقيقى ديه حاجة بسيطة وحضراتكم تستاهلوا اكثر من كدة, بالتوفيق والنجاح ان شاء الله
17/02/2022 02:08:29 م

بجد شكرا جدا جدا على المجهود الجبار المبذول في القناة دي وشكرا على وقتك بجد حاجة مبهرة ربنا يكرمك ويعوض تعبك ويوفقك دايما
شكرا جدا ❣️
15/02/2022 02:36:34 م

العفو, حقيقى ديه حاجة بسيطة وده كلام كثير جدا عليا وحضراتكم تستاهلوا اكثر من كدة بكثير كمان, واللهم امين واياكم ان شاء الله, بالتوفيق والنجاح باذن الله
15/02/2022 04:10:25 م

اولا شكرا جدا لتعبك معانا ف النسا
اعتقد كدا محتوي النسا للقناة خلص صح ؟
هو لو خلص
ممكن تعملنا حاجة كدا للاطفال
لان هتواجهنا نفس المشكلة ف الاطفال
ان مصدرها هو القزاز و دا مش ف كليتنا
ف مش هيقول كل اللي علينا
و مافيش محاضرات
و دكاترة البورتال اغلبهم شرحهم مش حلو
هتبقي وفرت علينا وقت كبير
هاكون شاكرة جدا و هفضل ادعيلك بجد
بس طبعا لو مينفعش انا مقدرة كفاية تعبك معانا ف النسا بجد
ربنا يباركلك
هو دا مجرد اقتراح او رجاء 🥺
15/02/2022 04:22:14 ص

فى الأول خالص انا متشكر جدا على كلامك وأتمنى تكون القناة حققت ولو جزء بسيط من الاستفادة المرجوة منها, هو الحقيقة ان محتوى النسا لسه ماخلصش 😅 انا فاضل ليا بالظبط محاضرات يومين, 4 محاضرات صغيرين يتعملوا على 3 فيديوهات مدتهم قصيرة ان شاء الله فخلاص يعتبر فى النهاية, وانا الحقيقة راوند النسا وتسجيل ريكورداتها مع شوية حاجات شغال فيها فى حياتى اليومية استنزفونى تماما, فأنى ابدأ على طول من بعد تسجيل النسا فى راوند الاطفال كتسجيل فأنا الحقيقة معنديش طاقة نهائيا للموضوع ده وحاظلمكم معايا لانى مش حاقدر احط نفس كمية التركيز فى المحتوى زى ما كان فى النسا ومش حاوفى حق الراوند ده فى الشرح, ان شاء الله يكون فيه حاجة مشابهة فى الترم الثانى بس بعد ما ارتاح شوية من بعد تسجيل النسا وده للاسف معناه ان مش حاقدر اعمل حاجة زى كدة لراوند الاطفال تحديدا, وكل اللى اقدر اقدمه وحقيقى اتمنى ينفع ويكون يوفى ولو حاجة بسيطة ان فى اى وقت حضرتك يكون عندك اى سؤال فى الراوند او اى جزئية محتاجة توضيح ان الاسئلة او الاجزاء ديه تتبعتلى عن طريق تليجرام او الواتساب او حتى فيس بوك وان شاء الله ماتأخرش نهائيا, ومتأسف جدا على الموضوع ده وأتمنى ربنا يوفقك ان شاء الله فى راوند الاطفال
15/02/2022 04:09:42 م

اجازة سعيدة عليك يا غالي مقدماً
محتاج اعرف راوند ١,٢ حيبتدؤا إيه الترم اللي جي و لو معاك الجدول أبعدته بعد إذنك أو حتي لينك البوست اللي جايب جداول الروندات كلها
12/02/2022 01:41:59 م

راوند 1 و2 حايبدأوا فى راوند الاطفال ان شاء الله كأول راوند فى الترم الثانى, وده لينك البوست اللى مجمع الجداول كلها https://www.facebook.com/groups/asm2023/posts/6020516004685511/ , واجازة سعيدة عليك ان شاء الله
12/02/2022 03:32:05 م

فكرة الفناة جميلة كان نفسي نفسي اعمل حاجة كده بس ما عنديش وقت
05/02/2022 05:40:49 م

مفيش اى مشكلة كلنا واحد, وكفاية تفكيرك فى مساعدة الناس ديه حاجة محترمة جدا الحقيقة, وباذن الله يكون عندك وقت فى المستقبل لو حبيت تعمل حاجة مشابهة فى باقى الرواندات المتاحة ان شاء الله
05/02/2022 09:33:08 م

مراجعة الكلية للاوسكي كافية لامتحان الاوسكي ولا لازم ادور على مصدر أوسع معلش سؤال ضروري جدا و ارجو سرعه الرد
02/02/2022 09:40:25 ص

المراجعة مصدر كويس بس مش كافى لوحده، يستحسن مراجعة صور الكتاب الاخضر مع فيديوهات المراجعة ومعاهم كمان امتحانات الاوسكى القديمة سواءا الصور اللى جات فيهم او الاسئلة
02/02/2022 03:30:27 م

قناتك المصدر الوحيد اللي بتمتلك ميزة أنك مش بتحتاج تزاكر من بعد سماع المحاضرة
31/01/2022 11:47:47 ص

ديه حاجة تسعدنى جدا وتشرفنى ان القناة تحقق جزء ولو بسيطة من الاستفادة المرجوة منها, بالتوفيق ان شاء الله
01/02/2022 01:13:31 ص

انا فوت للأسف الmanagment of normal labour حيأثر كتير في الامتحان ولا ازاكره احسن
30/01/2022 01:02:24 م

لو فيه وقت فأكيد يستحسن تذاكره، اما لو وقتك مضغوط وفيه دروس تانية لسه ماتذاكرتش كويس فالاحسن الوقت اللى فاضل يتم استثماره فى الدروس ديه
30/01/2022 06:20:33 م

هي مراجعة الاوسكي يكفيها يوم و نص لو انا محضرتش المراجعة 😭😭؟؟
26/01/2022 10:46:17 ص

تكفى ان شاء الله، وفى كل الأحوال المراجعة متاح ليها فيديوهات على تليجرام وعلى يوتيوب متسجلة، وحتى الباوربوينت والتسجيلات بتاعتها موجودة برضة ففيه فرصة المراجعة تتشاف حتى بدون حضور
26/01/2022 11:57:02 ص

انا لو دخلت الامتحان من غير الabnormal labou عيحصل حاجه؟ 🙄
26/01/2022 04:41:42 ص

الصراحة اه حايحصل 😅 الدرس ده اعتقد انه اهم درس فى كتاب volume 2 فمينفعش خالص يتم تخطيه، على الاقل يتذاكر ان مكانش كله يبقى جزء منه. إنما صعب الحقيقة يتساب خالص
26/01/2022 11:55:23 ص

هو صحيح في ناس معانا أخدت إجازة نصف العام و إحنا لسا شغالين في النسا ولا إيه 😂
25/01/2022 05:13:49 م

لا ماتقلقوش، احنا كلنا منتظرينكم ان شاء الله وحانخلصوا كلنا يوم الخميس 3/2 😅 ربنا يعينكم ويوفقكم وتخلصوا الراوند على خير ان شاء الله
25/01/2022 06:32:48 م

انا فهمت الnormal labour منك اكتر من د محمد المندوه نفسه 😂❤️
25/01/2022 09:35:24 ص

ده كثير جدا بالنسبالى وحاجة اتشرف بيها جدا، محتوى دكتور المندوه اكثر من رائع ومجرد ان محتوى القناة يتقارن بمحتوى الدكتور فده شرف كبير جدا بالنسبالى، بالتوفيق والنجاح ان شاء الله
25/01/2022 01:11:15 م

هي اخر جزء ف اوبس 1 موجود عالقناه ولا لاا
اللي هي امراض الthyroid و غلاتميا و الحاجات دي اللي مع الحمل
23/01/2022 02:56:04 م

اخر جزء لسة مش موجود على القناة, حايبقى متاح منهم ان شاء الله 3 محاضرات فاضلين اللى هم الDiabetes with pregnancy ومحاضرة الcardiac diseases and anemia with pregnancy والoligo and polyhydramnios قريب جدا ان شاء الله
23/01/2022 11:31:55 م

U re so helpful
Thanks for everything 🤍
22/01/2022 11:22:40 م

You're always welcome. Best of luck with your exams isa 🙏
23/01/2022 01:12:25 م

دكتور ايهاب بعد اذنك سؤال ضروري هي محاضرة الassement of fetal well being دي مش موجودة في الكتاب و بيقوله إنها مجرد تجميعة للاخدناه قبل كده انا مزاكرتهاش على هذا الأساس هل كده انا غلط يعني بييجي منها أسئلة
22/01/2022 12:13:30 م

مش غلط نهائى, انا برضة شارح المحاضرة ديه فى الفيديو بتاعها على اساس انها تجميعة او مخلص لكذا درس من كتاب volume 1 و volume 2 مش اكثر, وهى فعلا تعتبر مراجعة للكلام ده لا اكثر ولا اقل
22/01/2022 10:51:41 م

لسه سامع محاضرة ال abnormal presentation
وبجد شكراً جداً وشرح جميل فوق الممتاز بارك الله فيك ونفع بك وجعلنا في ميزان حسناتك 🌸🌸
20/01/2022 02:50:18 ص

متشكر جدا على كلامك المشجع ده, وحقيقى حاجة تسعدنى جدا وتشرفنى لو قدرت افيد ولو بحاجة بسيطة, واللهم امين ربنا ينفع بينا جميعا ان شاء الله, بالتوفيق والنجاح باذن الله
20/01/2022 03:20:15 ص

ما عرفتش قيمة فيديوهاتك بجد غير و انا في الstudyleave لما اكون فاهم كل كلمة بتكون المراجعة سهلة جداً حرفياً خصوصاً مع كتاب volume 1
كان عندي سؤال بخصوص امتحان الclincal senarios هو امتحان صعب ولا سهل و هل مجبر علي اني اتتدرب علي cases في البيت ولا لأ
19/01/2022 04:10:07 م

حقيقى ديه حاجة تسعدنى جدا, ويارب يكون المحتوى حقق الاستفادة المرادة منه ان شاء الله, هو الحقيقة الامتحان مالهوش مقياس, احنا الراوند بتاعنا اتقسم على يومين, اللى امتحنوا فى اول يوم الحقيقة جالهم cases صعبة, واللى امتحنوا فى تانى يوم جالهم cases اسهل كثير الحقيقة, انا نفسى ماكنتش باحل cases نهائى ودخلت على الامتحان على طول لكن كنت مذاكر الdifferential diagnosis والkeywords والtreatment and management بتاعة كل مرض كويس جدا, والcases بيجى فيها كلمات واضحة تقدر تستنتج منها الحل, بيبقى مطلوب تشخص الحالة الاول وبعد كدة بتبقى الاسئلة كلها مبنية على التشخيص ده من الدرس النظرى بتاعها من الكتاب, كتدريب لو حابب فيه ملف اعتقد موجود واتعمل ليه share كذا مرة عبارة عن حوالى 200 cases فيهم حاجات كثيرة جدا من اللى علينا فممكن تستعين بيها كتدريب على التشخيص من الstory اللى حايحكيها للحالة فى الامتحان, انما فى المجمل الامتحان كويس ومعقول ومعتمد على المذاكرة الكويسة للكتب
19/01/2022 05:19:42 م

قناتك حتكون هي المصدر الأفضل للنسا في الراوندات اللي جاية جنب الدكتورة نادين كل المحاضرات كانت كويسة جداً جداً باستثناء محاضرتين بس اللي هما endometriosis و الdysmenorhea ما كانوش كويسين اوي و لكن بشكل عام القناة دي حتسهل علي الروندات اللي جاية جداً لأن كل المحاضرات حتكون متاحة بإذن الله
18/01/2022 04:05:45 م

بالرجوع للمحاضرتين دول اعتقد انى متفق معاك بنسبة كبيرة فعلا, خصوصا ان المحاضرتين دول ورا بعض فى الترتيب فانا فى الغالب ماشرحتهمش فعلا بشكل كويس, لكن اجمالا ان سعيد جدا برأيك وبنقدك وده الغرض فعلا من الرسائل اللى باستقبلها منكم انى اعرف المشاكل فين, فانا متشكر جدا على كلامك وديه حاجة تشرفنى جدا وتسعدنى وأتمنى يكون المحتوى فعلا مفيد ان شاء الله
18/01/2022 08:06:37 م

دكتور ايهاب احنا دلوقتي عندنا مشكلة الروندات اللي في الاسبوع السابع اللي منهم مراجعات الosci و البراكتيكال طب انا دلوقتي بالعقل كده حعرف اخلص ال75 صفحة اللي المفروض اخدهم في ظل وجود الراوندات دي يعني انت مكنش عندك المشكلة دي زينا يا إيهاب حنعمل ايه دلوقتي 😭😭
15/01/2022 08:41:31 م

احنا برضة فى الراوند بتاعنا كنا مكملين فيه حضور اسبوع زيادة عن المحاضرات 😅, وكنت وقتها برضة باشتغل بالمعدل بتاعى فى النظرى وكنت بانزل الراوندات والمراجعة مفيش اى مشكلة, انا مش شايف اى تعارض بين الاتنين نهائى لانى كنت باحضر كل يوم وكنت بلاقى وقت اشتغل على ال3 كتب لما اروح, لو عندك مشكلة فى الوقت بسبب حضور الرواندات فأعتقد ده احسن وقت لاستغلال الغياب اللى عندك لو كان لسه عندك مرات غياب فاضلة, او ان الغياب يتظبط مع السكرتارية بحيث ميبقاش فيه مشكلة وتبقى اتحلت مشكلة الحضور, والمراجعات على فكرة بتكون لطيفة جدا ومفيدة ومش بتبقى طويلة, انا قلت ان الفترة ديه فى كل الاحوال محتاجة مجهود زيادة عن العادى وده اللى لازم يحصل 😅 وقلت كمان ان الموضوع على الورق بيبان صعب اذا كان الكمية او حتى الوقت لكن باذن الله مقدور عليه وده مجرد تفكير بيجيلنا كلنا قبل ما نبدأ شغل على مذاكرة الراوند لكن بعد ما بنبدأ الافكار ديه بتتلاشى وبنلاقى فعلا ان الموضوع مقدور عليه, علشان كدة أتمنى اهم حاجة ان اول خطوة تتاخد وبعدها كل حاجة حاتتحل والامور حاتترتب فى وضعها الصح, بس اهم حاجة نبدأ ومانقفش مكاننا مستنيين
15/01/2022 09:53:00 م

دكتور ايهاب انا مرعوووبة جدا خايفة ادخل الامتحان
بفكر ااجل هل دا حل سليم ف راي حضرتك ؟
12/01/2022 04:38:39 ص

فى الاول خالص, انا مدرك جدا الضغط بتاع الراوند من حيث الكمية والمجهود, وربنا يعينكم عليه الحقيقة لانى انا برضة وقت الرواند بتاعى كان لأول مرة فى ال5 سنين طب كلهم احس بالقلق المضاعف ده وانى مضغوط جدا فى وقت الراوند ده تحديدا... لكن لازم تفهمى ان الراوند مقدور عليه باذن الله, وبالرغم كل الافكار السلبية اللى ممكن تيجى للواحد زى فكرة ان الوقت مش حايكفى او ان الكم كبير وغيره, وقت التنفيذ ووقت الامتحان لما بيجى الامور بتختلف خالص وبنقدر نتعامل مع الموضوع بعقلانية بدون اى مشكلة, فى رأيى يبقى قرار سيىء جدا ان الراوند ده بالذات يتأجل دونا عن اى راوند تانى, الراوند كميته كبيرة جدا ومتعب وكل حاجة لكن ده الوقت الصح بتاعه, لان فى الترم الثانى لسه عندنا راوند الاطفال اللى يعتبر تانى اكبر واهم راوند فى السنة بعد راوند النسا, لذلك الترم الثانى كفاية عليه جدا رواند الاطفال, وفترة الاستيفاء انها تبقى مشغولة براوند زى النسا حايكون شىء مرهق جدا زهنيا وبدنيا ومش حايخلى عندك اى طاقة نهائيا تخشى على امتحانات الفاينال, انا عارف احساس القلق اللى عندك من الرواند ده لانى جربته بنفسى, لكن باتمنى انك تتغلبى عليه بأنك تبدأى شغل على الرواند من النهاردة, وباوعدك ان ان شاء الله ربنا حايقدرك ويمدك بالقوة اللى تساعدك على تجاوز الرواند ده, استعينى بالله وتأكدى ان الموضوع مقدور عليه ومش خرافى زى ماحنا متصورين, صحيح محتاج مجهود كبير وشغل كثير, لكن يظل فى الاول والاخر مجرد راوند حايعدى زى غيره باذن الله
12/01/2022 11:55:55 ص

دكتور كنت عاوزة اعرف معلش هو الvulval cancer علينا ؟
اصلهم قالوا ان الvulval swellingملغي بس علينا bartholin ف هل الcancer كدا مع الملغي؟
12/01/2022 04:36:48 ص

انا الحقيقة معرفش راوند 3 او 4 نظامهم ايه فى الحاجات الملغية, انا وقت الراوند بتاعى كنا مطالبين فى الجزء ده بالbartholin بس وكان جه عليها سؤال واحد بس تقريبا من ال120 بتوع الmcq, انما غير كدة كان الvulval cancer ملغى من علينا, اعتقادى الشخصى ان كل الرواندات المفروض ملغى من عليها نفس الاجزاء, لكن الافضل الرجوع لرئيسة القسم للتأكد احسن من التخمين ده أكيد
12/01/2022 11:49:59 ص

انا خلصت يعتبر المنهج بس مش فاكرة حاحة حرفيا ف المنهج و دا راعبني
هل دا طبيعي
و امشي ازاي ف المراجعة يعني اخد كمية اد ايه علشان اخلص ال٣ كتب ف اسبوعين 😭
12/01/2022 04:34:33 ص

طبيعى جدا 😅, انا كمان كنت كدة اول ما الكلية خلصت محاضرات وبدأت فترة الstudy leave, لكن اهم حاجة انا الحاجة تكون مفهومة كويس جدا وده اللى حايسهل الحفظ فى الفترة ديه, الكمية مالهاش شكل او معدل معين, بالنسبالى انا بدأت اول اسبوع ده كنت باعمل فى اليوم 100 ورقة من كل كتاب واركز فى الحفظ على الاجزاء المهمة بس والباقى اعرفها بالشبه, وثانى اسبوع لما المعلومات ثبتت اكثر مع ضغط الوقت بقيت اعمل 200 ورقة فى اليوم, وانا عارف ان الارقام تبان هلامية شوية لكن منهج النسا والتوليد بالذات لو اتفهم كويس بتبقى افكاره كلها مترابطة ببعض وحفظ المعلومات فى جزء معين من الكتب بيقابله تكرار لنفس الجزء فى دروس تانية, اعتقد البداية ب100 ورقة فى اليوم كويس جدا, ومرة تانية بأكد ان الموضوع اسهل بكثير من مجرد سماع رقم 100 اللى على الورق كثير جدا
12/01/2022 11:48:10 ص

اعلان