Nesma Hussein


اجعل رسالتك بناءة :)

رفع فيديو أو صورة أو مقطع صوتي مع الرسالة حيث يتم حذف المرفق تلقائيا بعد 24 ساعة


  صارح

اعلان
  • اسعد الله قلبك يا اجمل دكتورة في الكون
    11/08/2025 05:28:00 ص
    • اللهم امين

      11/08/2025 05:01:47 م
  • السلام عليكم ورحمة الله، يارب تكوني بخير يا دكتور، دكتور هو في مشكلة في الكلية في موضوع إن الكتب pdf و كمان مفيش تنظيم خالص يعني كل دكتور بيشرح من مصدر و أنا بتشوش طول السنة من كتر المصادر و الورق اللي بصوره بالرغم إن زمايلنا في بشري عندهم نفس المحتوى إلا إنه بشكل منظم و الكتب جميلة اللهم بارك، ليه ميكونش عندنا كدا؟!
    ف تنصحيني أحل المشكلة دي إزاي و هل ينفع نقترح على الكلية إنها تطبع الكتب و لا دا مينفعش؟!
    02/08/2025 04:07:38 ص
    • هو مينفعش الكتب خالص تكون ورقى
      انتى ممكن تأقلمى نفسك
      على النظام ده بمعنى اللى
      بيشرح من داتا ذاكري منها
      واللى بيشرح زى الكتاب
      ذاكرى وراه
      واعملى ورقه بكل ماده من
      اول الترم عشان تحددى كل
      محاضرة اترشحت منين
      بس فى مواد لازم تقرأى
      الداتا ثم الكتاب
      استخدمى highlight يعنى
      الالوان
      عشان تعلمى على المهم
      فى الكتب عشان لما
      تفتحى الكتاب تانى تلاقى
      الحاجات المهمه متعلم عليها وشكل الكتاب هيتغير
      11/08/2025 05:01:26 م
  • حضرتك كنتي عسولة النهارده ما شاء الله
    14/06/2025 08:43:33 م
    • جزاكى الله كل خير
      تسلمى
      16/06/2025 08:10:06 ص
  • امتحان العملى كان كويس يا دكتور
    ربنا يفرح قلبك يا دكتورتنا الغاليه
    02/06/2025 09:00:09 ص
    • شكرا
      اللهم امين
      10/06/2025 06:32:32 م
  • يارب اشوفك دايما محققه اللى بتتمنيه
    01/06/2025 09:31:59 ص
    • اللهم امين
      11/06/2025 10:53:03 ص
  • د نسمة ربنا يكرمك ويوفقك ويسعدك ويكتبلك كل خير الدنيا يارب
    لانك تستاهليه انتي وقلبك الطيب وروحك الجميلة
    انتي فعلا قدوة حسنة لأي حد ❤️❤️❤️❤️❤️❤️
    27/03/2025 12:21:14 ص
    • اللهم امين
      ربنا يديم المحبه بينا 💜💜💜💜💜💜
      27/03/2025 08:06:27 م
  • السلام عليكم ورحمه الله وبركاته دكتوره هى النتيجه المفروض بتظهر امتى لان فى كلام كتير عليها وقالوا اسماء ناس طلعت اوائل و تاعبين اعصابنا بجد
    25/01/2025 07:56:27 م
    • هتظهر خلال الاسبوع ده
      النتيجه خلصت وبتتراجع بس
      26/01/2025 07:54:06 م
  • السلام عليكم ورحمه الله وبركاته كنت عايزة أخد رأى حضرتك فى جاحه يا دكتوره بعد اذنك
    انا فى أولى وكنت قدمت على تدريب فى مستشفى ٥٧٣٥٧ و مستشفى مجدى يعقوب للقلب وجالى الموافقة فى الاتنين ومتبقى الدفع حضرتك شايفه ان الموضوع مجزى او كويس انى ادفع وابات بعيد عن البيت و يستاهل انى اسافر له ولا ملوش لازمه
    08/01/2025 12:31:38 م
    • اهم حاجه تعرفى انتى راحه تستفادى ايه بالضبط
      لو فعلا هتاخدى معلومات مش تقدرى تاخديها فى اى
      مكان حواليكى من غير بيات بره يبقى دورى حواليكى
      وفى نفس الوقت لازم تعرفى ان ده مش مجالك وأنك
      بتدربى عشان تكونى عندك
      خبرة بس عشان لو حد
      حواليكى احتاج مساعده فقط
      بس لازم تدورى على حاجه فى مجالك احسن
      بالتوفيق يارب
      ولازم تعرفى
      انك عشان تتعلمى اى حاجه
      لازم تتعبى جامد
      10/01/2025 06:13:01 م
  • دكتوره نسمه من أحب الدكاتره لقلبى بجد🥹🤍يارب تكونى حليتى كويس فى امتحاناتك وييسر لك امورك يارب 🤍
    05/01/2025 08:02:38 م
    • الحمدلله حليت كويس
      بالتوفيق فى امتحاناتكم
      05/01/2025 08:56:09 م
  • سنه 4 تقيلة جدا ازاى نذاكر ونضبك نفسنا فيها
    23/10/2024 10:01:07 م
    • ليا كلام تحت حاولى
      تقرأيه عن سنه رابعه
      بس اهم حاجه تفهمى
      كل حاجه بتتقال وتربطى كل
      المعلومات ببعض
      وتذاكري اول بأول
      لا اسئله اللى بتيجى مش بتيجى زى ما انتى مذاكره بتيجى لافه والدكتور عاوز اجابه محدده وكان قايل عليها مهمه وهو بيشرح بس السؤال جاى عنها لافق
      26/10/2024 01:01:09 ص
  • دكتور يارب تكوني بخير وكل سنه وحضرتك طيبه ❤️ انا داخله سنه رابعه حابه مجال food safety بس مش عارفه ابدأ منين ولا ازاي بأي حاجه تفيدني دلوقت ! وايه المجالات التانيه ال انت شايفها كويسه برده ؟
    12/06/2024 03:25:53 م
    • وانتى طيبه ينعاد عليكى الايام بخير
      مجال الرقابه حلو جدا وعاوز شخصيه قويه ممكن تدخلى تتدربى مع دكتوره مى تاج الدين هى خريجه من ١٠ سنين وغاله فى المجال ده وناجحه جدا
      اما المجالات التانيه عشان انتى بنت اتدربى فى كله واختارى الحاجه اللى بتحبيها
      البيتس حلو جدا
      12/06/2024 07:28:25 م
  • اعظم دكتورة فى الدنيا كلها والله ربنا يوفقك ويصلح حالك اللهم امين ياارب 🤲🤲
    09/01/2024 10:02:36 م
    • اللهم امين
      10/01/2024 03:49:10 م
  • سبحان الله مع ان احنا مش بنحب دكتور يسأل الا ان حضرتك اللي بتعمليه كله زي العسل علي قلبنا😂♥️♥️♥️الدكتوره اللي الكل اتفق علي حبها بجد🤍
    18/11/2023 08:12:46 م
    • بسأل عشان محدش ينام
      😅🥰تسلمى ربنا يفرحكوا وتحققو كل اللى بتتمنوه 🩵
      19/11/2023 08:29:53 ص
  • عايزين طريقه حلوه نذاكر بيها مواد تالته من دكتورتنا الغاليه وشويه نصايح رايقين كده عشان نرتب اذا سمحتي
    06/10/2023 10:19:08 م
    • تالته سنه كلها حفظ
      لازم تحافظ على وقتك عشان هتحتاح تذاكر اكتر من تانيه
      الفارما من المواد الطويله يعنى لازم تذاكر اول باول
      ولازم تركز على mode of action بتاع كل دواء
      والعملى بتاعها بيكون حلو وتقديراتها حلوه جدا
      الباثو ماده طويله وكلامها كتير لازم مذاكره بردو من الاول وتعتمد على الفروقات بين االامراض خصوصا macro و micro بتاع كل مرض
      بس العملى بتاعها شويه شرايح زى الهستو بس بيلغبطو شويه حاول وانت بتذاكر الشرايح تركز فيها جامد
      عملى الباثو بيتلم فى الاخر عادى

      08/10/2023 07:16:44 م
    • التغذيه بقا ماده فهم وحلوه
      بس طويله وامتحاناتها صعبه
      لازم تركز على الصور بتاع اعراض نقص الفيتامينات او نقص اى mineral جزء د دسوقى ممكن تكتبه وراه فى المحاضره واسئلته بتبقى مجمعه اكتر من مرض مع بعض
      تركز على التجميعات
      د سيد بيشرح حلو من الداتا واسئلته بتبقى كويسه
      العملى بتاعها طويل شويه بس ممتع
      08/10/2023 07:21:19 م
    • البكتريا ماده صغيره وماده
      وتقدير واللى بيقولو عليه مهم بيجى
      والعملى طويل
      كل مواد تالته الترم الاول اسهل من التانى
      فركز انك تجيب تقديرات حلوه فى الترم الاول عشان الترم تانى اصعب
      08/10/2023 07:23:11 م
    • الفيرو سهله بس حفظ
      والعملى بتاعها بيتلم عادى
      بس اسمع ريكوردات د اسماء
      وطالما القسم راضى عنكو الامتحان بيبقى سهل
      08/10/2023 07:24:13 م
    • البارا اهم حاجه الرسم
      فهمت الرسم هتعرف الشرح
      بس المقارنات مهمه فى الماده دى
      اول محاضرات مقدمه كده

      العملى سهل خالص لانه شرايح عادى
      اهم حاجه فى تالته تذاكر اول باول ولو مش بتركز فى المحاضرات اسمع الربكوردات بسرعه وخلاص لانك محتاج وقت لمذاكرة المعلومات الكتير بتاع المناهج
      08/10/2023 07:26:53 م
    • مش مطنشه الرسايل ولاحاجه
      بس لسه شايفاهم النهارده
      بالتوفيق
      النجاح ملوش كتالوج انجح بطريقتك واعرف كل ماده عاوزه ايه وكل دكتور بيركز على ايه


      08/10/2023 07:28:29 م
  • السلام عليكم ازيك حضرتك يا دكتورة . انا داخلة رابعة ايه نصائح حضرتك بالنسبة للمذاكرة وحضور المحاضرات وانا لحد دلوقت مكونتش أصحاب ودائما لوحدى اكمل كدا ولا لا
    30/08/2023 09:03:58 م
    • لو بتركزى فى المحاضرات
      احضرى
      حتى لو بتضطرى تسمعى الريكورد تانى بسرعه
      لو مش بتركزى من
      تحضريش
      بس فى رابعه حاولى تحضرى محاضرات اول اسبوع
      عشان تعرفى الدكاتره اللى بتفهمى منها وتحضرى معاها على طول
      واسالى اللى اكبر منك على
      الدكاتره اللى بتشرح حلو
      ذاكرى اول باول عشان رابعه فيها مواد اكتر ومعلومات كتير بس اكتر سنه ممتعه
      هتحسى نفسك عاوزه تذاكرى عشان تفهمى عشان هى
      سنه كلينكال
      متكمليش لوحدك طبعا
      حاولى تكونى صحاب وذكريات
      واتصورى كتير فى كل مكان وفى كل لحظه وحشه او حلوه
      مشاعرك وقت الكليه مش هتتعوض
      خليكى شاطره ورايقه ووكلى كل امورك لربنا
      ومتفكريش فى اى سلبيات زى انا بعد التخرج هعمل ايه
      ومتفكريش فى المستقبل كتير
      عشان الحاضر كده هيضيع منك
      كونى ايجابيه ❤️❤️
      31/08/2023 04:29:18 م
  • ازيك يا دكتوره نسمه اخبارك ايه ؟

    24/06/2023 04:01:15 م
    • الحمدلله
      24/06/2023 04:58:23 م
  • كل سنه وانتي طيبه عيد سعيد

    23/04/2023 09:52:52 م
    • عيد سعيد علينا كلنا
      24/04/2023 11:35:19 م
  • دكتور 🥺💔
    هو لو انا بذاكر وعلى طول بجيب جيد اعمل اي او اي احسن طريقه حضرتك شيفاها للمذاكره
    لان زعلانه جدا ان مش بجيب حتى ال يرضيني واقول يهون التعب
    بتعب ومش بلاقي 💔
    01/02/2023 03:52:26 م
    • انتى اللى كلمتينى واتس صح
      02/02/2023 02:52:52 م
  • ربنا يفرحك كمان وكمان يادكتوره ويجعلنا ديما أسباب في اسعادك وجبر بخاطرك انتي وكل الناس يارب 💜
    دمتي في سعاده وراحه بال ابديه 💜
    02/05/2022 09:13:17 م
    • اللهم امين 💜
      02/05/2022 10:09:55 م
  • كل سنه وانتى طيبه ي اجمل واحلى دكتوره ♥️♥️♥️♥️🥰
    02/05/2022 04:37:58 م
    • وانتى طيبه
      ربنا يفرح قلبك
      02/05/2022 08:40:17 م
  • #صناع الحياه حابه تبلغ يادكتوره نسمه ان فيه حد من طلابك تصدق عنك بنيه ان ربنا يفرحك ويسعد قلبك ويريح بالك وجزاكي كل خير عن كل الي بتعمليه من مساعدات ومن اخلاق عاليه في التعامل اسأل الله ان يسعد قلبك في الدنيا والاخره يارب 💙
    02/05/2022 12:56:06 ص
    • اكتر حاجه فرحتنى والله
      ربنا يجبر بخاطر اللى عمل كده 💜
      02/05/2022 08:41:09 م
  • من اجمل واحسن الدكاتره ال ممكن الواحد يقابلهم ويتعامل معاهم بصى انتى قمرر اووى فى كل حاجه وطيبه وجميله♥️
    ربنا يحفظك ويحققك كل احلامك ي اجمل واحسن دكتوره فى الكون ♥️♥️🥰😍
    12/04/2022 08:03:41 م
    • ربنا يوفقك يارب ويجبر بخاطرك 💙💙يارب دايما اقدر
      اساعدكوا على قدر الامكان 💙💙
      13/04/2022 03:59:29 ص
  • ربنا يوفقك يارب وتكوني دائما سبب يجعلك الله في الأرض لإسعاد الناس وتكون سند ومعينه لطلبه ولناس جميعا 🤍
    10/04/2022 10:53:06 م
    • امين 🌷🌷
      10/04/2022 11:13:29 م
  • احلى حاجه بجد أقرأها بجد دخلت قلبي ان اعتبر حضرتك اخت والله
    كلمه بجد غاليه اوي على نفس الواحد
    والله احنا الي هنخسر بجد دكتوره واخت لينا لما نخلص الترم ده
    10/04/2022 09:34:59 م
    • لسه هتقابلوا دكاتره كتار
      كويسين فى الكليه
      انا بردوا مش هنسى دفعتكوا
      عشان تعتبر اول دفعه ليا
      ربنا يراضيكوا ويرضى عنكم
      10/04/2022 10:37:44 م
  • والله يادكتوره هيا ليست مجامله ولاكن الناس وحشه فإن حد يلاقي حد بالطيبه ده بقت صعبه اوي وان حد يكون بكل الطيبه ده أصعب والله
    ربنا يحقق كل الي بتتناه يارب وتكون ممن قال فيهم رسول الله صلى الله عليه وسلم:(حرم على النار كل هين لين سهل ) فأنا والله شاهد أمام الله لكي فانكي هينه ولينه وسهل🤍
    حفظك الله من كل سوء يارب 🤍
    10/04/2022 06:54:24 م
    • يارب دايما اكون قد ثقتكوا
      فيا 🌸
      بس انا بردو مش طيبه قوى بتعصب بردو
      10/04/2022 10:34:31 م
  • احتراما لحضرتك دكتوره لينا
    بس بصراحه بعتبر حضرتك اخت بجد اخت تساعد واتسند عليها والله لأنك والله مشفت حظ طيب كده وتساعد الطلبه بجد وتضحك وتهزر وتراعي مشاعر ده وده وعارفه ان ده مش بيحب كده وده عادي بتراعي كل حاجه في حدود الدراسه دكتوره وتضحكي وتهزري كمان واختنا برضو في الاجازه وتنصحني وتساعدي والله مشفت حد لا دكتور ولا من الناس بالطيبه ده اتمنى والله متكنش اخر مره اتعامل والله من كل قلبي متكنش اخر مره اتعامل معاكي
    واتمنى بجد انك متتغيريش وخليكي زي منتي علطول مبسوطه ومبتسمه لناس
    تمنيت والله ان يكون ليا اخت أكبر مني الحمد لله على كل حال اختي الكبيره ماتت من كام سنه ربنا يرحمها
    10/04/2022 06:49:46 م

    • بجد شكرا على الكلام الجميل ربنا يجبر بخاطرك
      بدعى على طول ان ربنا
      يثبتنى وان دايما اتغير
      للاحسن
      ربنا يرحمها ويصبركوا على
      فراقها اعتبرنى زى اختك
      وفى اى وقت محتاج حاجه
      هحاول اساعدك على قد مقدر
      10/04/2022 09:16:48 م
  • يارب يسعدك ويفرحك يارب واياكِ يادكتوره🤍
    والله كل يوم بدعي لحضرتك ❤
    أراح الله قلبك وانار دربك وسدد خطاكِ ووفقكِ الله ويسر امورك واسعدك بكل ما يتمناه قلبك🤍
    صوما مقبولا 💛
    10/04/2022 05:30:50 م
    • جزاك الله كل خير
      ربنا يحققلك كل اللى بتتمناه
      10/04/2022 05:52:14 م
  • ان كان بدر مني فعل او قول احزنكي مني فوالله وتالله لم يكن قصدي واني والله بحترم حضرتك جداا فاتمنا متزعليش او تشيلي في قلبك مني ..
    10/04/2022 05:26:40 م
    • انا يعتبروكوا اخواتى

      10/04/2022 05:50:01 م

اعلان

1. يمكنك إنشاء حساب صراحة خاص بك بكل سهولة من هنا

سيكتب الأصدقاء والآخرون رأيهم الشخصي و الصادق عنك على هذا الرابط

2.يمكنك نشر الحساب الخاص بك على Facebook أو Twitter أو Skype أو أي مكان تريده أنت

3. يمكنك قراءة ما كتبه الناس عنك

إن الرسائل التي تصلك خاصة بك وحدك، ولا يمكن لأحد سواك مشاهدتها

4. من المستحسن أن تنشر الرسائل المفضلة لديك

يمكنك الاختيار بجعل الرسائل عامة للجميع، وبذلك ستسمح للآخرين بمشاهدتها.


اعلان