صراحة - Mena Eskander Bebawy

Mena Eskander Bebawy

اجعل رسالتك بناءة :)

رفع فيديو أو صورة أو مقطع صوتي مع الرسالة حيث يتم حذف المرفق تلقائيا بعد 24 ساعة

صارح

اعلان

مساء الخير يا دكتور وبجد مجهودك رائع ومن نجاح لنجاح ، عاوزه استفسرانامتجوزه من 6 سنين جوزي مسافر الخارج ومعايا طفل ولاده قيصريه ،بس كل ما يبقي فيه علاقه اول ما يرجع جوزي بحس بالم كان اول ليله زواج ،زميله طبيبه قالتلي ممكن الغشاء اللي عندك النوع المطاطي ،وانا مش بشتكي لا من حرقان فالبول ولا اي حاجه تاني وانا محرجه جدا اكشف انا عاوزه حل للموضوع ده وخصوصا ان مع الممارسه بيبقي الالم اهدي من الاول بس المشكله فاول مره كل مره اسفه للاطاله
12/11/2019 05:18:15 م

مساء الخير يا دكتور، كنت عايزه أسألك لو حصل علاقه زوجيه بعد انتهاء البريود و بعد كده اكتشفت ان في بواقي للبريود.. ايه اضرار الموضوع ده و هل فعلا في أمراض ممكن تحصل لقدر الله.
12/11/2019 01:33:39 م

ايه رايك يا دكتور في العمليات اللي بتتعمل عشان تحديد جنس المولود سوء ولد او بنت وهل ممكن حضرتك تعملها
12/11/2019 01:09:01 م

دكتور مينا اتمني حضرتك تشوف رسالتي تان مرة ابعتها بس بلييز متنشرهاش ممكن لو تقدر ترد ع الموضوع عامة
انا بنت 25 سنه البريست عندي شبه مفيش بس فيه مكانه بس زي العيال الصغيره انا كشفت عند دكتورة نسا قالتلي هرموناتي كويسه
هل تليف الرئتين له علاقه بس سالت دكتور متابعه عنده قاللي ملوش
وحتي لو الموضوع عادي انا مش قادره اتقبل نفسي ياريت حضرتك تفيدني 😞😞😞
12/11/2019 10:15:20 ص

معلش بقا يا دكتور بيحصلي حاجه غريبه ومحرجه احكى تفاصيلها للدكتورة بتاعتى واستغليت انك مش هتعرف شخصيتى بس نفسي ترد عليا فعلا رد وافى لانى لما عملت سيرش اترعبت
سؤالى
انا حامل فنص الشهر التالت من اول الحمل عندى حكه خارجيه كدة ومكنتش بحس باي شئ داخلى استخدمت تانتم روزا مكنش بيريحنى غير العلاقه بعد العلاقه بيخرج منى افرازات شبه اللبن القاطع كدة او الجبنه سورى يعنى وبعدها تفضل يومين مرتاحه جدا لو حسيت بحكه بتبقي حاجه بسيطه لو اكتر من يومين ابقي بهرش بشراسه وتعبانه جدا اخر مرة بقا واسفه انى طولت وقت العلاقه نزل منى كميه كبيرة جدا من الافرازات دى ولما سبتها عالفوطه شوية لقيتها بقيت لونها اصفر ممكن شرح عن الموضوع دة ومدى خطورته عالجنين وعلاجه ان امكن ولو روحت للدكتورة بتاعتى هيبقي الفحص ازاى وانا حامل كدة اسفه جدا بس محتاجه رد ضرورى بعد ازنك
12/11/2019 12:51:04 ص

دكتور انا بنوته و بعمل العاده السريه كتيير جدااا و مش عارفه اوقفها انا فرحي بعد 10 شهور هو الموضوع ده ممكن يضورني في حاجه بلييييز ممكن الرد
11/11/2019 08:47:47 م

شكرا يا دكتور على المعلومات القيمه اللى بتفيدنا بيها بس ليا سؤالين الاول انا حامل فى أول الرابع تقريبا وقبلها حصل سقط من شهر تلاته تقريبا ودلوقتى فى الحمل التانى الدكتور كاتبلى على حقن كلكسان 40 لانى نسبه السيوله عندى آخر نسبه ف النورمال بس باخد واحده الصبح وواحده باليل والدكتور قالى انى هكمل التاسع كده هل هكمل بنفس المعدل اتنين لغايت التاسع والسوال الثانى انا لما بميل شويه بحس بالم فى بطنى من تحت هل ده يسبب ضرر عالحمل
11/11/2019 06:47:23 م

الختان كدبه اخترعوها علشان يدارو على عجز الرجال فى إسعاد زوجاتهم وتبقي المنازل صامده
11/11/2019 06:20:00 م

مساء الخير يا دكتور عايزه اسأل خضرتك علي حاجه علشان انا بره مصر و مش عارفه أوصل للدكتور بتاعي
انا كان عندي اكياس دمويه ) ting hemorrhagic cyst ) صغيره الدكتور أداني حقنتين decapeptyl cr اول واحده اخدتها و البريود انزلت عادي تاني حقنه اخدتها و البيريود متأخره بقالتها ٣ شهور انا سمعت انها بتعمل كده ممكن بس اعرف المفروض تنزل امتي ؟ و هتنزل لوحدها ولازم اخد حاجه تنزلها ؟ و لو لازم اخد ايه ؟
11/11/2019 01:43:46 م

دكتور عي الحقن التفجيريه بيتاخدوا الاتنين مع بعض ولا واحده كل 24 ساعه
وانا اخدتهم قبل كده مرتين ومجابتش نتيجه هل خطأ تكرارهم تاني بأمر م الدكتوره ؟
11/11/2019 10:52:21 ص

انا حلمت بيك انك بتغيرلي ع جرح العمليه القيصري وانا اصلا عندي مشكله فالحمل ونزلت بيبي قبل كده وكنت مبسوطه خالص اني عندك وولدت بجد انا مرتحالك خالص وعندك راحه نفسه وكرايزما تشد اللي قدامك وتخليهم يحبوك محترم وشاطر فشغلك لو ربنا أراد وحملت وجيت عندك والحمل تم ع خير هقولك انا مين وهشكرك جدااا ومش هنسالك ابدا انك هتساعدني ❤️❤️❤️
11/11/2019 09:28:34 ص

ربنا يكرمك و يريحك زى ما بتريح الناس
11/11/2019 08:58:54 ص

بكام الولاااده القيصريه عندك ي دكتور ارررجو اارد😍
11/11/2019 06:05:13 ص

لو سمحت الدوره كانت متاخره شهرين واخدت حقنه نزلت بعدها وفضلت اربع ايام بس بعدهم بكام يوم فضل ف دم بردو دا سببه ايه مع العلم باخد جينرا عشان تنتظم الدوره
03/03/2019 05:54:17 م

لخبطه هرمونات متقلقيش حاجه بسيطه
03/03/2019 07:14:26 م

او سمحت يادكتور انا عندي التهاب شديد ف المهبل وفيه ورم كمان ف الم من برة وليه ٣ايام ومش عارفه حتي اقعد وف الم أسفل البطن
03/03/2019 05:42:30 م

الورم ده لازم يتشاف سببه ايه وطالع منين

03/03/2019 07:15:01 م

عندي هوا في معدتي و طبعا حضرتك عارف ييسبب ايه و مابقتش عارفه اتحكم قدام الناس بسبب الموضوع دا، و بقيت محرجه و تعبانه اعمل ايه؟ و شكرا علي الجروب مفيد جدا الحقيقه
03/03/2019 11:40:40 ص

اكشفي عند دكتور باطنه وجهاز هضمي
ممكن القولون
03/03/2019 07:16:27 م

من فضلك يا دكتور انا هبدأ استخدم جينيرا الدكتور بتاعى قالى ابتدى فية من اليوم التالت للبيريود واما جبتة وقريت النشرة لقيت مكتوب علية يستخدم من اول يوم للبريود
كنت عايزة اتأكد من حضرتك انهى أصح ؟
شكرا جدا لتعبك معانا ربنا يعوضك خير
03/03/2019 11:31:28 ص

مش هتفرق كتير لو براتي منزاول يوم افضل
03/03/2019 07:17:06 م

معلش هو المفروض عشان يحصل حمل وخاصه للستات اللي عندها الرحم وحيد القرن فالعلاقه بعد ما الحيوانات المنويه ماتنزل تخلص العلاقه ولا عادي لو كمل؟
03/03/2019 09:57:49 ص

لا مش شرط
الحيونات المنويه بتتحرك في اتجاه الرحم لوحدها
03/03/2019 07:18:06 م

يا دكتور لو سمحت انا مركبه اللوب الهرموني بقالي شهر والبريود اول مره تجيلي من ساعت ما ركبته بس ليها ١٢ يوم عليا بس خفيفه خالص دا طبيعي ولا ايه لاني اعرف اني اللوب الهرموني مش بينزل الدوره كده
03/03/2019 05:57:25 ص

ده طبيعي اي وسيله هرمونيه ممكن يحصل معاها تنقيط دم او لخبطه بسيطه
03/03/2019 07:18:49 م

يا دكتور انا بنت و اكتشفت قريب اني بمارس العاده
من وانا عندي ١٢ سنه ل ٢١ عن طريق ضم الرجلين والشد والرخي ومكنتش فاهمه، ،،، بعد ما فهمت قررت ابطلها بس خايفه تكون أثرت ع الغشاء او يبقي عندي برود جنسي او مخلفش او مشعارفه ممكن يكون حصلي ايه مشاكل بسببها،، محتاجه اكشف نسا ولا طالما بطلت مفيش حاجه ،،، و تنصحني بأيه؟
03/03/2019 05:51:28 ص

ملهاش علاقه بالحمل والخلفه
والغشا بعيد
اطمني
03/03/2019 07:19:58 م

هو كارنفيتا فورت والتاموكسفين بيزودوا حركة الحيوانات المنوية وعددها في وقت اد ايه وللعلم العدد والحركة مش بعيدة قوي عن الطبيعي بس دا سبب تأخر الحمل ???!!
03/03/2019 05:21:27 ص

تكوين الحيوناتوالمنويه الجديده بياخد فتره 120 يوم تقريبا 3 شهور
عشان كده لو هيتهاد التحليل بنعيده بعد 3 شهور
03/03/2019 07:20:41 م

دكتور من فضلك انا حامل ف توأم ف الشهر الخامس و من اول الحمل في افرازات مصفره شويه و بتذيد وقت العلاقه اوي بتعمل عند جوزي حرقان مع ان قبل الحمل مكنش في اي حاجه خالص لا التهابات ولا افرازات مش طبيعيه و مش عارفه اعالج الموضوع دا ازاي؟؟ .. شكرا لحضرتك
03/03/2019 04:02:58 ص

وارد يكون في التهابات اطمني ع الحمل عند دكتورك
03/03/2019 07:21:24 م

يا دكتور هى الفياجرا النسائى بتجيب نتيجة فعلا لانى مش بحس باى متعة اثناء العلاقة وكمان ميبقاش ليا نفس للعلاقة .. انا باخد منع حمل ميكرولوت وبرضع طبيعى .. ميرسي جدا لحضرتك
03/03/2019 03:51:20 ص

الفياجرا النسائيه دي دواومعين بياخد تقريبا
شهرين عشان يجيب نتيجه
ومش بيشتغل موضعي ده بيحفز مواد معينه ف المخ تزود الميول للعلاقه
03/03/2019 07:22:56 م

لو سمحت يا دكتور ايه افضل فارق سن المفروض يكون ف الحمل ما بين الطفلين بحيث يكون افضل للأم جسمانيا وللطفلين ف التربيه وهل الفرق الكبير ف السن ماا بين الاطفال غلط يعني المفروض يكون كام سنه مابينهم فرق؟؟
03/03/2019 01:32:06 ص

الصح مش اقل من سنتين
ممكن اكتر لكن اكتر بكام سنه دي انتيواللي بتحدديها
03/03/2019 07:23:31 م

دكتور لو سمحت انا كنت باخد جيننيرا وجوزي سافر وقفته وهو قرب يجي المفروض قبلها بكام يوم و ابدا فيه ولا في نفس اليوم اللي هتحصل فيه علاقه
03/03/2019 01:26:52 ص

قبلها عوالاقل بيومين
ممكن اكتر لكن مش في نفس يوم العلاقه
03/03/2019 07:24:06 م

انا متجوزة ليا ٨ شهور والعلاقة بتحصل بس بتبقي خارجية عشان مش عاوزين يحصل حمل دلوقتي لظروف خاصة والبيريود الشهر ده مجاتش بس الامها عادي ليه يومين مغص ممكن دا يبقي حمل ولا متاخرة بس ظروف نفسية عشان خايفة ليحصل حمل ؟
03/03/2019 01:06:44 ص

اعملي تحليل حمل في الدم
واطمني
03/03/2019 07:24:37 م

مساء الخير يا دكتور عندى مشكلة فالحمل التانى . البيربود منتظمة . عملت اشعة صبغة . التحاليل كويسة . التبويض كويس جدا . اخدت ليتروزول وابيفاسى شهرين ومفيش فايدة . بالنسبة للزوج عنده نسبة دوالى و
التحليل يعتبر كويس وبيتحسن بالعلاج .. ايه راى حضرتك المشكلة ممكن تكون فين ؟ميرسى
03/03/2019 01:05:10 ص

محتاج اشوف تحاليل واشاعاتك ونحليل جوزك عشان
اعرف احكم
03/03/2019 07:25:29 م

هل يادكتور التكيسات بتروح مع أول ولادة ولا لازم كل ما عاوزة يحصل حمل لازم اخد علاج
02/03/2019 11:57:15 م

لا مش بتروح مع اول ولاده
ممكن تكون المشكله مازالت موجوده
03/03/2019 07:26:14 م

لو سمحت يا. دكتور انا ف التانى و الدكتور كتبلى فوليك مره ف اليوم٥٠٠ بس هو ناقص ممكن اخد فوليكاب ٢.٥ ولا مختلفين
02/03/2019 11:49:29 م

لا زيه
خديه صبح وبليل
03/03/2019 07:26:33 م

انا عندي 26 سنه وانسه بس البريود عندي مش منتظمه ووممكن تيجي كل شهرين وبيكون المها صعب جدا بس ما كشفتش اكشف ولا في علاج ممكن حضرتك تديهوني
02/03/2019 11:44:12 م

حسب دي اول مره تغيب وتلخبط ولا من اول مجاتلك وهي ملخبطه
قصدي المشكله حديثه ولا من زمان كده
03/03/2019 07:27:25 م

مساء الخير
انا متجوزه من ست شهور ومحصلش حمل وعايزه احمل ومتابعه مع دكتور وبيقول مفيش حاجه تمنع بس الدوره عندي كل شهر بتقدم 5 ايام او تتاخر كام يوم وفي شهر واحد يعتبر مجتش لان كان في دم خفيف لمده اربع ايام ورابع يوم دم اسود وبعدها كل يوم والتاني الاقي افرازات بنيه ولما رحت للدكتور قلي اعملي اختبار حمل وادخليلي تاني عملته طلع ايجابي واداني مثبتات الحمل وقلي تعالي بعد عشر ايام رحتله وقلي مفيش حاجه ظاهره البيبي ضعيف يا اما تعملي تحليل دم رقمي عملته وطلع سلبي ف انا مش عارفه اللخبطه اللي حصلت في شهر واحد دي ايه هل في مشكله عندي رحت لدكتور تاني قلي دي لخبطه هرمونات وهل في وسيله ممكن اخدها عشان احمل
02/03/2019 11:29:08 م

انتي مستعجله جدا انتي مكملتيش سنه جواز استني وهيحصل الحمل تلقائي من غير منشطات
03/03/2019 07:28:56 م

دكتور لو سمحت هى التكيسات على المبايض تمنع حدوث حمل
02/03/2019 11:23:12 م

تاخر الحمل
03/03/2019 07:29:09 م

لو سمحت يا دكتور انا بعت لحضرتك كتير وماردتش عليا انا قربت اتجوز وعاوزه اقعد سنة أو اتنين مع جوزي من غير ما يكون ف حمل اية الوسيله اللي ممكن استخدمها ارجوك رد عليا بجد
02/03/2019 09:54:09 م

انا رديت ع السوال ده اكتر من مره
استخدمي اقراص منع حمل
زي جينيرا او ياز او ياسمين
03/03/2019 07:30:18 م

مساء الخير يادكتور انا مركبه الكبسوله من شهرين وبحس بدوخه والام فى صدرى ينفع اخلها قبل وقتها ولا
02/03/2019 09:32:23 م

ينفع بس متستعجليش
الاعراض دي بسيطه وهتتحسن
03/03/2019 07:30:50 م

مساء الخير يا دكتور
بنتي ٧ سنين ومليانه شويه عندها باستمرار التهابات مهبليه علي طول احمرار وريحه مش لطيفه خااالص وبشطفها وبنلبس اندرات قطن ١٠٠٪ وبرضه الريحه والاحمرار مستمرين
02/03/2019 09:03:29 م

اعمليلها تحليل بول وبراز ويشوفها دكتور اطفال
03/03/2019 07:31:23 م

مسا الخير يادكتور انا عندي هرش شديد وحكه حولين شفرات الجهاز التناسلي وملتهب جامد من بره وفرازات كتيره وريحه كريها
02/03/2019 09:03:03 م

دي التهابات مهبليه
اقري بوستات الالتهابات المهبليه وهتستفادي كتير
03/03/2019 07:31:52 م

دكتور لو سمحت انا حامل ف الشهر التاني وبنام علي بطني ده فيه خطر ع البيبي وياريت تطمني ايه سبب الافرازات البني اثناء الحمل مع العلم انها مش مستمره يعني كل فتره بلاقيها مع العلم برضو ان النبض اشتغل وميرسي جدااا
02/03/2019 07:13:43 م

النوم مفهوش مشاكل براحتك
والافرازات دي متخافيش منها طبيبعه
03/03/2019 07:32:32 م

مساء الخير
انا برضع وبنتى عندها ١٠ شهور وكنت باخد سيلست برشام والشهر دة كنت اول مرة اخد جينيرا وقبل مايخلص الشريط بحوالى ٤ ايام لافيت سورى بقعة دم هل كدة انا جسمى مش قابلة ولا ممكن غلشان اول مرة اخدة فلسة جسمى مخدش علية وسؤال تانى معلش هل ممكن يحصا حمل بالطريقة دى مع العلم ان مواظبة ع البرشام ف معادة كل يوم
02/03/2019 06:43:24 م

لا عادي مفيش حاجه اسمها جسمي مش قابلها
كملي ع البرشام بانتظام ومش هيحصل حمل
03/03/2019 07:33:19 م

دكتور لو سمحت برشام ياسمين يتاخد اخر يوم فى الدورة ولا امتى بالظبط واوقفه امتى عشان الدورة تنزل
02/03/2019 06:00:42 م

1رض كل يوم لمده 21 يوم وراحه اسبوع بدون برشام بعد كده تبداي في شريط جديد
03/03/2019 07:33:58 م

هو الولب ممكن يعمل التهابات يسبب هرش خفيف لانى بهرش شويه من فين لفين
02/03/2019 05:50:44 م

لا مش هيسبب من نفسه
لكن وجوده يزور نسبه انتشار الالتهابات للرحم
03/03/2019 07:34:49 م

لو سمحت يا دكتور كنت باخد اكسلتون، برشام لمنع الحمل وبعدين بقى مش موجود في الصيدليات، أخدت نوع اسمه تريو سبت وهو كمان اختفى من الصيدليات هل البديل الأقوى سيرازيت ولا ميكرولوت؟ ملحوظة أنا لما غيرت نوع البرشام عمل نزيف بسيط وغيرلى معاد البيريود عاوزة نوع بديل اكسلتون بس أنا مش برضع دلوقتى
02/03/2019 04:16:36 م

لو مش بترضعي خدي جينيرا او ياز احسن من السيرازيت
03/03/2019 07:35:43 م

دكتور انا واخده حقنه تفجير يوم 14 /2 وخد بعد كده حقنه تثبيت بروتوجيست من يوم 15/2 يوم ويوم ست حقن
وخلصت الحقن واليوم الخامس من اول ما خلصت حقن هي البيريوت المفروض تجي امتي ولو حامل اعمل اختبار حمل امتي مع العلم بطني بتوجعني من اول ما خلصت الحقن ده من ايه
02/03/2019 03:39:28 م

اعملي تحليل حمل ف الدم حاليا وهيبان ان كان حمل ولا لا
03/03/2019 07:36:41 م

مساء الخير .فى جزء خارجى برة المهبل بين الشفرتين لما جوزى بيكون مستعجل فى المداعبة بيعتمد عليهم علشان ابقى مهيأة الجزء دا ٧و اللى يسبب الرعشة الجنسية ولا لا . انا صاحبة السؤال اللى حضرتك قلت مش فاهم السؤال
02/03/2019 03:18:13 م

دي منطقه ال clitoris
ودي اكثر المناطق اثاره للن فيها النهايات العصبيه اللي بتزيد الاثاره
03/03/2019 07:38:00 م

دكتور مساء الخير
لو سمحت انا لخبطت كتير ف ادويه منع الحمل وكنت بجيبها من نفسي بقالي 6سنين حقن وادويه والبريود مش منتظمه خااالص بس سبت الوسيله بقالي فتره دا يمنع الحمل .شكرا مقدما
02/03/2019 03:08:30 م

يعني انتي محتاجه منع حمل ولاوعايزه حمل مش فاهم
03/03/2019 07:38:30 م

يادكتور هو ممكن الغشاء يتفض من غير ماينزل دم انا منزلش دم والموضوع دي مدايقني قوووووي حاسه اني جوزي شاكك فيا كل مافتح معاه الموضوع دي مايرد عليا خالص مع اني واللهي عمري ماعملت حاجه مع نفسي ولا مع حد اعمل ايه عشان يصدقني ومع العلم اني متجوزه ليا ١٠ سنين بس الموضوع مأثر عليا بليييز رد عليا
02/03/2019 02:00:22 م

ممكن من غير دم اه
03/03/2019 07:39:38 م

مساء الخير يا دكتور
هل فيه خطورة ع الحمل لو استخدمت كريمات ازالة الشعر سواء ف منطقة البكيني او البطن
انا حاليا ف الشهر التامن
02/03/2019 01:23:39 م

لا مفيش مشكله
03/03/2019 07:40:11 م

هل العاده السريه للبنات بتسبب تاخير حمل ارجو الرد بليز
02/03/2019 02:58:20 ص

ملهاش علاقه بالحمل
03/03/2019 07:40:57 م

لو سمحت يادكتور حابه اعرف طريقه حساب الدوره من اليوم الاول ولا اليوم الاخير لاني دورتي اول يوم ليها كان يوم 30/1 وخلصت يوم 2/2 ولحد دلوقتي مجتش هل لو عملت تيست حمل يظهر ولا لسه بدري
02/03/2019 02:53:51 ص

من اول يوم نزلها
لو عملتي تحليل حمل ف الدم يبان
03/03/2019 07:41:33 م

لو سمحت يادكتور انا متجوزه ليا 6شهور ومحصلش حمل والدكتور بتاعي بيقولي كله كويس والبويضه بتوصل 18وتحليل جوزي كويسه بس انا جسمي حوالي 75او80كيلو وطولي 161مع العلم مش عندي بطن هل دا ممكن يمنع الحمل ودورتي كانت منتظمه لحد قبل الجواز ب شهرين وبعدها بقيت تتاخر ايام وباخد clomid
02/03/2019 02:35:09 ص

انتي مستعجله جدا
متاخديش منشط غير بعد سنه من الجواز
03/03/2019 07:42:53 م

دكتور انا باخد جنيرا واحيانا بنسي اخد الحبايه في معادها لاي ظرف ممكن اخدها متاخر وفي خلال اد ايه وقت؟؟ ولا بلاش اخدها لو معادها عدي وتاني يوم اخد قرصين في نفس الوقت؟؟؟
02/03/2019 02:25:27 ص

لا تاخديها اول متفتكريها علي طول
03/03/2019 07:43:27 م

دكتور من فضلك جاوب علي سؤالي انا عندي فوبيا من البنج و الغرز و العمليات و عايزة اعرف هو حتي في الولادة الطبيعية بيكون لازم في فتح و غرز فالمهبل ولا اية و فعلا دلوقتي في حاجة اسمها ولادة طبيعية بدون الم ؟ و ازاي اخلي فرصة الولادة الطبيعية اكبر لاني مرعوووووبة من القيصري
02/03/2019 02:13:31 ص

كده كده هتاخدي بنج
ومش هتحسي بحاجه
بلاش خوف
واطمني
الستات كلها بتولد وتقوم زي العفاريت
وفي ولاده بدون الم
03/03/2019 07:44:38 م

دكتور انا حامل ف الشهر السادس عندي التهابات شديده جدا مدايقاني أخدت امريزول 3 مرات مفيش فائده و اخدت برشام كمان مع لبوس 4 ايام وجوزي اخد برشام واحد اول أسبوع و الأسبوع اللي بعده واحده مفيش فائده برضه ممكن اخد امريزول ل رابع مره علشان بجد حإجه متعبه جدا و ف هرش كمان
02/03/2019 01:32:34 ص

خدي اورنيداز
او سيبازول فورت اجم
جرعته مركزه واسرع
03/03/2019 07:45:28 م

دكتور انا عندي مشكله رايحه ف منطقه المهبل بتظهر خالص بعد العلاقه ايه السبب هي لسه من فتره صغيره الموضوع ده
01/03/2019 06:45:09 م

التهابات مهبليه
اقري البوستات وهتستفادي
03/03/2019 07:48:52 م

دكتور لو سمحت الرحم المقلوب هل لها تاثير ع الحمل والواحده بتاخد فتره طوليه لولا ما يحصل حمل

01/03/2019 05:29:25 م

صش سبب يمنعزحمل وهو موجود في 15% من الستات
03/03/2019 07:49:31 م

كنت عايزه اسال هو لو تحليل الزوج ف نسبه تشوهات بنسبه ٤٠% وصديد كده هتاثر ع الحمل وهتاخد وقت كام شهر عشان النسبه دى تختفى
01/03/2019 05:17:24 م

يحتاج هلاج ويعيد التحليل بعد 3 شهور
03/03/2019 07:50:04 م

دكتور انا خامل ف الشهر الثاني وعندي جفاف وبنستخدم جيل افتركس هل ده غلط ع البيبي
01/03/2019 04:33:17 م

لا متقلقيش
03/03/2019 07:50:46 م

يادكتور انا جاتني التهابات ووقتها الدكتور قلي ابقى اتشطفي، من الداخل وانا خفيت بس بقيت بتشطف من الداخل بتشطيف بالاقي حاجات بيضه بتطلع. هو الصح اني اتشطف من جوه ولا لا
01/03/2019 03:16:55 م

لا تشطيف عادي بمايه دافيه بلاش جوه
03/03/2019 07:51:43 م

دكتور من فضلك انا حامل في السابع والحلمة عندي مش بارزة ...لو في حاجة لتهئيتها واستعدادها للرضاعة وامتى ابدا لان خايفة اعمل حاجة تتسبب في الولادة وشكرا لحضرتك
01/03/2019 01:22:32 م

دكتور في هرش وريحه مش حلوه دايما وقبل كل بريود الريحه والهرش بيزيدوا في كريم وقالتلي عليه صحبتي اسمه كلينداسول استخدمه ولا تنصحني بابه
سوال تاني انا جيت لوب هرموني وانا مركبه لوب نحاسي اشيله ف نفس الوقت واركب الهرموني ولا اشيل النحاسي وبعد شهر اركب الهرموني ايه الصح
هتعبك معايا يادكتور
01/03/2019 01:15:31 م

شيلي وركبي علي طول بعد متاخدي علاج للالتهابات
03/03/2019 07:52:46 م

دكتور انا حامل ف الشهر التالت مرة او اتنين نسيت تخد برشام الفوليك اسيد دة ممكن ياثر ع البيبي ؟
01/03/2019 12:48:38 م

لا متقلقيش
03/03/2019 07:53:00 م

يا دكتور حضرتك قولت ان من علامات تكيس المبايض اعراضه ظهور شعر بسبب زيادة هرمون الذكورة هل ظهور الشعر في منطقة الدقن سبب كافي انه يكون عندي تكيس مع العلم ان الدوره منتظمة
01/03/2019 05:57:37 ص

لا وجود الشعر لوحدهمش معناه تكيسات مبيض

03/03/2019 07:53:52 م

دكتور لو سمحت انا رضعت شهرين بس وبطلت ليا ٦ شهور ومفييش لبن والدورة منتظمة عندي كل ٢٥ يوم ومش باخد وسيلة ومحصلش حمل وجوزي رافض اروح لدكتور بس انا عاوزة حمل.. ممكن يكون ايه سبب عدم الحمل؟
01/03/2019 01:49:26 ص

انتي مستعجله جدا كره
والده ليكي 8 شهور استني شويه وهيحصل حمل لوحده
03/03/2019 07:54:54 م

دكتور لو سمحت انا حامل فى اخر اسبوع فى الرابع بس ظهرى وجعنى جامد ابتديت اشتكى منو خلال الشهر ده ايه سببوا وهل فى خطر على البيبى وايه علاجوا
01/03/2019 12:28:53 ص

لا ده طبيعي متقلقيش
03/03/2019 07:55:17 م

لو سمحت يادكتور عايزة اسم برشام ينزل الدورة هى ميعادها جه بس منزلتش ومفيش حمل وانا عايزاها تنزل لظروف خاصة شكراا
28/02/2019 08:55:59 م

سيدلوت نور صبح وليل 5 ايام
هتنزل بعدها
03/03/2019 07:56:00 م

لو سمحت يادكتور انا حامل وعمله ربط هل كريم ازاله الشعر ليه اضرار عالبيبي

28/02/2019 08:22:30 م

لا متقلقيش
03/03/2019 07:56:13 م

دكتور هو اكل اللب غلط ع الحمل
28/02/2019 08:16:06 م

نسبه الملح بتبقي كتير جدا اللي ف اللب
03/03/2019 07:56:33 م

مساء الخير دكتور.. بجد شكرا خالص ع مجهود حضرتك واسلوبك البسيط ف الشرح ... مع اني انسه بس استفدت كتير من حضرتك
سؤالي زي ما قولت انا انسه وعندي 27 سنه .. لما البريود بتيجي بتيجي 3 ايام بس واول يوم بيكون مغص جامد جدا بس باخد قرص voltaren الالم بيمشي مفيش ربع ساعه ومش باخد غير قرص واحد اول يوم هل عادي ولا ليه اضرار البرشام
28/02/2019 07:35:11 م

لا عادي بس مش مفضل استخدام المسكنات الكتير
03/03/2019 07:57:29 م

انا مخطوبة وخطيبي من فتره حاله تعب في الخصيه الشمال راح كشف والدكتور قالوا إن الحيوانات المنوية المسقيمه ضعيفه الحركه لكن المنحنينيه كويسه وقالوا لازم تعمل العمليه وهو عمل العميله من شهرين هل دا هياثر علي الانجاب احنا هنتجوز بعد أربع شهور شكرا لتعبك وارجو الرد
28/02/2019 04:42:32 م

حسب نتيجيه التحليل لو اتحسن التحليل يبقي مفيش مشكله
03/03/2019 07:58:04 م

دكتور عندي مشكله
ف المنقه المهبل
رايحه نفازه بتزيد بعد العلاقه ده من ايه
28/02/2019 04:25:20 م

اقري بوستات التهابات مهبليه
03/03/2019 07:58:23 م

مساء الخير يا دكتور
انا عندي صدري اليمين اكبر من الشمال وسمعت ان دا احيانا بيحصل عايزه اتاكد من دا من حضرتك ولو فعلا طبيعي ف اي طريقه بنفع تخلي الاتنين نفس الحجم
28/02/2019 01:57:55 م

هو سه موجود عند بنات كتير
ومش محتاجه حاجه
لان الحل تدخل جراحي
03/03/2019 07:59:13 م

متحوزة من 3 سنين كل مايحصل علاقه عندي بيكون المكان ناشف وبرضو عند جوزي واثناء الممارسه بيكون صعب والم لدرجه انا كرهت الموضوع دا وساعات سوري جوزي يبل نفسه عشان الموضوع يبقي سهل ومفيش فايدة حاسه كان سكينه بتدخل فيا
28/02/2019 02:51:28 ص

اكشفي اطمني مفيش التهابات واستخدمي جيل ملين زي بترفلاي او افتركيس
03/03/2019 07:11:17 م

كنت عايزه اعرف راي حضرتك في حقنه٣الشهور كوسيله منع حمل وهل هي امنه ولا لا وهل بتخن ؟
28/02/2019 12:19:18 ص

هي امنه
مش بتيجي معاها بيريود
شويه بتزود الوزن
بس مش مفضله استخدامها سنين طويله
03/03/2019 07:10:25 م

لو سمحت يادكتور انا عندي بطانة الرحم المهاجرة ومخزون المبيض قليل جدا بسبب العمليات لازالة الاكياس هل في طريقة للحفاظ علي المخزون لحين عمل عملية حقن مجهري
27/02/2019 11:58:46 م

بصي هقولك الافضل من المحافظه ع المخزون
تروحي تعملي حفظ بويضات في اي مركز حقن مجهري من دلوقتي
عشان تضمني وجود بويضات وقت متحبي تعملي العمليه
03/03/2019 07:09:24 م

سوالى هى الكبسولة بعد فترة تتعب العضم ويبقا فى وجع مستمر
انا مركباه كدا مرتين ورا بعض يعنى ست سنين
27/02/2019 10:12:48 م

لا مش شدط يكون وجع العضم ده منها لان ليه اسباب كتير جدا

03/03/2019 07:08:03 م

دكتور انا استعملت لبوس البوثيل مهبلى وعملى جفاف شديد وبطلته بعد تانى واحدة ..الكلام دا من اسبوعين كدة بس لغاية دلوقتى فى افرازات مهبلية زايدة ..قوامها زى الميه كدة ولونها مصفر شوية بتنزل منى ف اى وقت وحتى وانا نايمه ..اية الحل
27/02/2019 07:39:23 م

الافرارزات دي بتحصل عادي بس استخدام البوسيل بتبقي عادي من عنق الرحم
وتعبك ازاي اللبوس؟
03/03/2019 07:07:19 م

مساء الخير دكتور هى ممكن غدة البارثولين تيجى لبنت 15 سنة واية سببها فى السن دا ارجو الرد
27/02/2019 03:20:42 م

ممكن تحصل فيواي وقت
وسببها انسداد ف القناه اللي بتخرج افرازات الغده
زي مشرحت قبل كده
03/03/2019 07:06:26 م

اولا شكراااا جدا علي مجهودك الجميل اللي علي الجروب ومعلوماتك الجميله ومساعدتك ووقتك اللي بتخدم بيه الجروب
انا والده من 11شهر واوقات بنسي برشام منع الحمل بتاع الرضاعه باخده يوميا بس المواعيد مش مظبوطه ركبت اللوب الهرموني وتاعبني مش نفع معايا مش عارفه سمعت ان في لوب نحاسي وفضي انهي افضل
27/02/2019 02:57:40 م

اقري بوستات منع الحمل كلها هتفهمي تفاصيل اكتر
اللولب تاعبك ف ايه
03/03/2019 07:05:34 م

هو فين عيادتك يادكتوووور
27/02/2019 01:38:44 م

بجهز مكان جديد في ش اسيوط سوهاج عند مجمع المحاكم بجوار صيدليه المجمع
03/03/2019 07:04:26 م

لو سمحت يا دكتور انا عندي ٣٥ بقالي حوالي سنتين ان البريود تبتدي اول يومين تلاته واحيانا اكتر تنزل سودا او بني غامق وبعدين تبتدي تنزل عادي ويبتدي مغص في بطني مع بدايه نزول الدم الأحمر ده ايه سببه لو سمحت
27/02/2019 11:45:34 ص

طبيعي ده متقلقيش مفيش حاجه تخوف
03/03/2019 07:03:21 م

يادكتور هو ممكن ينكشف باي طريقه اسماء الأشخاص على الاسءله الي مبعووته اوعي امانه يادكتور عشان لو دي حصل في كوارث هاتحصل معاايا
27/02/2019 10:55:59 ص

لا مش بيبان طبعا مين اللي باعت
وهدفنا نجاوب ونفيد الناس بغض النظر عن مين صاحب السؤال
لانه مش هيفرق معانا في حاجه
27/02/2019 11:18:58 ص

يادكتور انا قبل ماتجوز جاتني التهابات بفطريات ربكتريا كتييره كانت بيبقى فيا كتل بيضاء تخينه كتير وكل مااتشطف من الخارج برضوا على طول جسمي يكون تاني كتييير واتجوزت وانت عندي الموضوع دي هو ممكن الفطريات دي تأثر على عشاء البكاره اصلي انا مازلتش دم العشاء وجوزي لغايه دلوك فاكر اني كنت بمارس العاده السريه
27/02/2019 10:51:58 ص

الاتهابات ملهاش دعوه بالغشاء ولا بالعاده
الاتهابات بتصيب بنات كتير وستات كتير
27/02/2019 11:16:56 ص

مساء الخير يا دكتور انا ولدت من أربع شهور ولاده قيصرى وبعدها اخدت برشام منع الحمل ميكرولوت والبريود جاتنى مره واحده بس ودلوقتى هى متأخره عن ميعادها دا سببه ايه وانا ماشيه بانتظام على البرشام هل ده ممكن يكون حمل ولا ايه والبرشا ده قوى ولا ف أقوى منه لمنع الحمل
27/02/2019 01:59:14 ص

طول منتي ماشيه ع البرشام بانتظام مش هتيجي بيريود
كملي عليه لحد م الببييي يوصل 6 شهور وبعد كده نغيره
27/02/2019 02:21:46 ص

مساء الخير يا دكتور
تحليل البروجسترون عندي 4:91
عملاه ف اليوم ال 21 للبريود كويس كدة التحليل ولا لا ؟
27/02/2019 01:37:37 ص

لا كده قليل ومش بيحصل تبويض
الطبيعي اكتر من 10
27/02/2019 02:22:20 ص

يادكتور انا كل ماجوزي ينام معايا بتحصلي التهابات شديده وبعديها بتشطف واحط مرهم بيتاديرم انا بستعملو كتييييير هو ليه اضرار
27/02/2019 12:43:18 ص

لازم تعرفي سبب الالتهابات
وجوزك كمان ياخد علاج متستعمليش حاجه من نفسك وخلاص
27/02/2019 02:23:11 ص

مساء الخيير يادكتور انا مركبه الكبسوله لى شهرين والبريود منزلتش وحاسه بدوخه وصداع ينفع اشيلها قبل موعدها متخلص التلا ت سنين ولاارجو الرد علشان حاسها تعبانى خالص
27/02/2019 12:15:37 ص

ممكن تشيليها عادي
بس خساره بعد مركبتيها تشيليها
البيريود طبيعي متجيش ع الكبسوله
استني وهتتحسني
27/02/2019 02:24:01 ص

شكرا جدا ع الجروب ده يا دكتور بجد انا بستفاد منه اوى ربنا يوفقك يارب
كنت عايزه أسألك انا فرحى قرب بس عايزة أأجل الحمل فترة كدة وعايزة اعرف ايه الوسيلة المناسبة
27/02/2019 12:10:14 ص

برشام منع حمل
جينيرا او ياسمين
او ياز
27/02/2019 02:24:35 ص

Mena Eskander Bebawy لو سمحت يا دكتور انا وقفت رضاعه من سنه وماخدتش برشام ينشف اللبن بس لو اتخبطت في صدري بحس بالم ماكنتش بحسه قبل الحمل هل كده لسه فيه لبن وهو اللي بيعملي الالم ده ولو انا ماخدتش برشام ونشفته بيعمل امراض زي ما سمعت مع العلم كان عندي نسبه بسيطه قبل الحمل وخدت الوندا لولا ما حصل حمل
26/02/2019 11:45:42 م

لا انتي كده فطمتي من بدري مفيش قلق
ولا امراض ولا حاجه
26/02/2019 11:54:59 م

ينفع اركب اللوب اثناء الولاده القيصريه
26/02/2019 10:23:29 م

ينفع
26/02/2019 11:53:47 م

يادكتور انتا يمكن ربنا بعتك نجده لناس كتير انا مشكلتي كان عندي فص في صدري اليمين وكشفت وعملت عمليه وشلته من سنتين واتفجات اني في واخد تاني في أشمال ووريته لدكتور الي عملي العمليه قلي انو برضو حميد انا مش عارف
انا دلوقتي الكلام دا قبل امااتجوز انا دلوقتي حامل هل العمليه ليه تاسير علي ارضاعه بعد كده وتنصحني بي ايه في حالتي
26/02/2019 09:18:55 م

تابعي موضوع صدرك مع دكتور جراحه اورام
لكن الحمل وللرضاعه متقلقيش منهم مش هيزودوا حاجه
26/02/2019 11:53:34 م

مساء الخير يا دكتور.. معلش انا بسأل حضرتك هل ينفع اروح الجيم استعمل المشايه والعجله كتخسيس أثناء الحمل.. محتاجه اعرف رأي حضرتك
26/02/2019 06:45:18 م

ينفع
26/02/2019 08:09:55 م

ايه اضرار عدم ختان الذكور وهل فعلا لو الولد كبر بقي ٦ سنين يبقي بلاش منها عشان منأذيهوش نفسيا ايه رأي حضرتك
26/02/2019 06:19:32 م

لا الختان مسموح في اي عمر
عدم الختان ليه جانب ديني ان كان ف الاسلام او المسيحه
علي الجانب الطبي عدم الختان بيعرض الشخص لوجود التهابات كتير. ووجودوالالتهابات دي بيخلي نسبه الاصابه بفيرس اتش بي في عاليه
المشكله الفيرس ده من اسباب سرطان عنق الرحم عند الستات
وبيتنقل عن طريق العلاقه الجنسيه
26/02/2019 08:14:28 م

سلام يادكتور
انا مش مركبه لوب لكن بنستعمل الواقي الذكرى ومحرصه اوي هل دة كافي لضمان عدم الحمل ولا ايه لاني مش عوزة يحصل حمل ...شكرا ليك
26/02/2019 06:17:26 م

نسبه الامان مش عاليه
استخدمي حاجه اكثر امان
26/02/2019 08:45:01 م

لو سمحت يادكتور ابنى اخد تطعيم شلل الاطفال وهو دلوقت سخن مولع مع كحه
مش عارفه اديه دوا وﻻ ﻻ
26/02/2019 06:10:58 م

يشوفه دكتور اطفال
26/02/2019 08:45:17 م

مساء الخير يا دكتور
كنت عايزة اسال حضرتك ع حاجة
انا لسة متجوزة جديد بس ف العلاقة بعد القذف بلاقي الساىل كلة برة ومش عارفة اية الحل برجاء الرد وشكرا لحضرتك

26/02/2019 05:59:01 م

ده عادي
وبيحصل مع اغلب الناس ومش هيسبب تاخر الحمل
26/02/2019 08:46:04 م

اولا بشكر حضرتك علي وقتك ومعلوتك ورد علي الاسئله
ثانيا عندي مشكله اني ولدت طفل في الشهر الثامن بسبب فتح كيس المياه حوالين البيبي فولدت ولاده مبكره والحمد لله قام بالسلام
بعدها حصل سقوط مره بسبب انقباضات شديده فالرحم في اول الرابع
وحصل سقوط مره اخري لتوأم بسبب نزيف شديد لاول طفل وانقباضات شديده لتاني طفل
وحاليا انا حامل وعملت التحاليل اللازمه
والاشعات لمعرفه سبب السقوط ولكن لم يكتشف احد السبب
وطلب مني الدكتور ان اخد مضادات حيويه من بدايه الشهر الرابع وحتي الشهر التاسع لمده 5 ايام اول كل شهر ووظيفتها قتل اي نوع من البكتريا التي يمكن ان تسبب السقوط او فتح كيس المياه ولكني خايفه
تكون مضره للبيبي
والمضادات هي
Xithrone 500 mg
Fungican 150mg
Flagentyl 500 mg
والدكتور قالي انها مجربه ومقلقش واخدها
اسفه عالاطاله وارجو الرد والافاده
26/02/2019 04:58:29 م

يعني ايه مضادات حيويه طول فتره الحمل
الكلام ده مش مظبوط اكيد فهمتي غلطومن الدكتور
بتاعك اتاكدي من المعلومات دي
عشان الادويه دي متنفعش تتاخد الفتره دي كلها
26/02/2019 05:28:26 م

مساء الخير يا دكتور كان عندي سؤال لو سمحت دلوقتي انا الدوره متأخره ليها ١٥ يوم واول مره تحصل معايا انا عملت تحليل حمل مفيش حاجه ظهرت روحت كشفت الدكتور قالي مفيش حاجه واداني دوفاستون والفلوليك ولحد دلوقتي الدوره مجتش وعندي وجع جامد في ظهري والم شديد ومفيش حاجه نزلت احد دلوقتي اعمل ايه
26/02/2019 04:30:31 م

طول منتي بتاخدي دوفاستون مش هتنزل
وقفيه بعدها بكام يوم هتنزل
26/02/2019 05:29:05 م

مساءالخير يا دكتور لو سمحت انا عندي غده بارثولين وعملت خراج كزا مره واخر مره من 5 سنين بس هي كبر حجمها بقي قد الليمونه ساعت بيبقي عليها قرح وساعات المنطقه اللي حواليها بيوجعني اناىعندي 35 سنه هي لوواتسابت ممكن تعمل اورام او حاجه مش كويسه ولا طالما بقالها فتره ماعملتش خراج يبقي الدنيا تمام واسيبها
26/02/2019 04:12:44 م

لا هي مش هتبقي سبب لاورام ولا حاجه لو اشتكيتي منها يبقي تحتاج تدخل جراحي
26/02/2019 05:29:57 م

دكتور انا حامل أواخر الشهر الرابع ومن الشهر التالت بنزل دم والدكتور قلى اعمل اشعه عملتها لقينا المشيمه نازله شويه عند عنق الرحم وبانت فى الاشعه وكمان بان تجمع شويه دم قلى ممكن ينزلوا وممكن يقعدوا لحد الولاده هل فى خطر على البيبى فى حوار المشيمه وايه ممكن اعملوا عشان تطلع شويه عن عنق الرحم وشكرا لحضرتك
26/02/2019 02:49:04 م

الكلام ده في حاجه مش.صح يعني ايه المشيمه عند عنق الرحم
احنا بنحدد وضع المشيمه عند 20 اسبوع وبعد كده عند 32 اسبوع لكن الرابع ده بدري اوي
هحتاج اشوف الاشعه دي
26/02/2019 03:53:51 م

مسا الخيريادكتور
انا متجوزه ليه سنه. وتسع شهور حصل حمل بعد الجواز بخمس شهور والحمل نزل لان مفيش نبض ولحد الان لم يحدث حمل مع العلم ان اخد منشطات وعلاج كتير والتبويض عندي كويس وجوزي تحليله كويس بس في نسبه لزوجه وبياخد فوار استيل سستايين المهم الشهر ده عملت اشعه بالصبغه والاشعه كويسه وعملت كل التحاليل الازمه وعندي نسبه اجسام مضاده ما سبب عدم الحمل وهل الجأ الي التلقيح الصناعي

26/02/2019 02:13:29 م

لا استني شويه متتسرعيش علي التلفيح انتي مكملتيش كده سنه مسقطه الموضوع مساله وقت
26/02/2019 03:54:53 م

يادكتور انا
برضع طبيعي ومدخلة الصناعي والبريود جاتلي بعد الولادة بخمس شهور ودلوقتي بقالها اربعين يوم مجتش مع اني طبيعتي قبل الولادة كانت بتيجي علي 25 يوم بالكتير ..هي ممكن تتغير وتتأخر عادي ولا المفروض ترجع لطبيعتها
26/02/2019 01:52:08 م

اعنلي تحلي حمل الاول ممكن يكون حمل
26/02/2019 05:30:47 م

دكتور انا عاوزه استفسر على حاله كده بنت عمتى بقالها 6 سنين متجوزه ولسه لحد دلوقتى ربنا مكتبلهاش تبقا ام هيه مشكلتها انها تحمل والبيبي في الشهر ال2 ينزل علشان في خلل في وظايف المشيمه انها من الشهر ال2 متوصلش دم للبيبى فينزل ولفت كتير وعلاجات ومفيش فايده وكل لما تحمل اول ما تعرف انها حامل الدكتور يكتبلها على حقنه تاخدها كل اسبوع تقريبا في الصره بس بردو بينزل البيبي هل الموضوع ده ليه علاج !؟

26/02/2019 01:43:56 م

الحقن مفروض تتاخد صبح وبليل مش مره ف الاسبوع
وتتعمل تحاليل تشوف السبب واشعه ثلاثي ابعاد ع الرحم عشان نستبعد كل الاسباب
26/02/2019 01:53:08 م

يا دكتور انا حامل فى الاسبوع 35 و لما عملت تحليل urine طلع نسبه pus 12 لى 18 و اخت هاى بيوتك معملش حاجه و كانت نفس نتيجه هل ده ممكن يوثر ع فتح كيس مايه بدرى.. سوال تانى انا فتره ديه ع طول دايخه و عنيا مزغلله و بنام كتير كان مغمى عليا ده طبيبعى ولا لا
26/02/2019 12:17:19 م

حدي منيوريل فوار
كيس علي كبايه مايه بليل قبل النوم بعد دخول الحمام
واعملي تحليل صوره دم وسكر ونشوف سبب الدوخه
26/02/2019 01:54:29 م

لو سمحت يا دكتور هو فعلا حقن منع الحمل بتأثر علي الحمل بعد كدا
ومعلش كنت عايزه اسأل عن حاجه كمان
ماما عندها كيس ميه علي الحوض حجمه ٥سم لازم عمليه ولا ممكن تاخد كورس علاج ينشفه هي كشفت والدكتوره كتبتلها برشام منع حمل عملها نزيف
26/02/2019 12:06:49 م

حسب سنها
لو سنها كبير يبقي لازم نعرف الكيس ده ايه
تعمل اشعه تلفزيزنيه علي الدحم والمبيض
وتحليل دلالات اورام
ونتابع
لو متحسنتش بالبرشام تحتاج منظار
26/02/2019 01:56:05 م

دكتور أنا الي كنت بسأل حضرتك عن نزول دم في غير ميعاد الدورة ،هو الدم نزل في الْيَوْمَ ال ١٢ من اول يوم للدورة مع العلم أني مش بستخدم وسيلة لمنع الحمل غير الكوندم و مع العلم أني الْيَوْمَ دة لعبت رياضة جامدة شوية فهل دة طبيعي
26/02/2019 11:10:39 ص

طبيعي اه متقلقيش
26/02/2019 01:56:37 م

لو سمحت يا دكتور ينفع لولب مع وحده عندها رحم قرني
26/02/2019 10:51:29 ص

لا بلاش اللواب في العيوب الخلقيه للرحم
26/02/2019 01:57:14 م

لو سمحت يادكتور هو ممكن يحصل علاقه بعد اد ايه من الولاده القيصرى
26/02/2019 07:22:36 ص

40 يوم
26/02/2019 01:57:29 م

كنت حابه بس اسال ع حاجه انا انسه بس عندى حاجه مديقانى بطنى ممكن تعمل صوت يبقى مسموع ودا ملهوش علاقه بجوع ولا حاجه والموضوع دا بقى بيدايقنى ممكن يكون ايه السبب وايه الحل
26/02/2019 06:01:29 ص

اضطرابات قولون
نظمي اكلك ووقت محدد لدخول الحمام
ومتقلقيش
26/02/2019 01:58:15 م

دكتور انا حامل في الشهر السادس وده اول حمل ليا حركه البيبي قليله ولما بروح للدكتور بيقولي انه كويس.
هل ممكن تكون في مشكله والدكتور مش عارفها بالسونار ولاعشان ده اول حمل ليا فمش حاسه بالحركه كويس
26/02/2019 05:27:46 ص

لا عادي في ستات كتير مش بتحس بالحركه
26/02/2019 01:58:42 م

صباح الهير يا دكتور انا اللي بعت سؤال لحضرتك عن الالم اللي بحس بيه وقولتلي دا عنق الرحم
كنت بس محتاجه اعرف لما اكشف الدكتور هيتعرف ع المشكله ازاي كشف سونار ولا دا ميوضحش ولا تحاليل ولا ايه
26/02/2019 04:34:11 ص

بالاعراض اللي بتشتكي منها
اشرحي لدكتورك الشعور اللي بتحسيه وهيحتاج يفحصك ويطمن
26/02/2019 01:59:35 م

دكتور عايزة اتطمن علي التحاليل دي كدة مظبوطة ولا فيها حاجة ؟
Amh :1:84
Progesterone:4:91

26/02/2019 04:10:33 ص

Amh
كويس
التاني معمول ف اليوم الكام للدوره
26/02/2019 02:00:07 م

دكتور لو سمحت انا حامل فى أول الخامس وعندى حلمه الثدى يعتبر مافيش فكنت عاوزه كريم او اى طريقه تخليها بارزه عشان يقدر البيبى يرضع مع العلم انى بعمل لها مساج وبشدها بتوجعنى ومش بقدر اكمل ومرسى لحضرتك
26/02/2019 03:52:14 ص

Np plus
مساج مع كمادات مايه دافيه
26/02/2019 02:00:37 م

دكتور من فضل حضرتك انا متجوزه وعندي 24 سنه ولسه والده من تسع شهور وبرضع نضيف وعلي طول عندي ريحه مش لطيفه ف منطقه البكيني ممكن اسم غسول واستعمله كام مره ف اليوم ومعنديش افرازات ولا حاجه سعات بيكون حجات خفيفه خالص لونها ابيض
26/02/2019 03:09:26 ص

اقري بوستات التهابات مهبليه هتعرفي كل الاسباب
26/02/2019 02:01:15 م

مساء الخير يا دكتور انا باخد برشام ياسمين لمنع الحمل لمه كنت في مصر وحاليا انا عايشة بره مصر ممكن تقولي اسم برشام لمنع الحمل زي ياسمين بيتباع هناك
26/02/2019 03:08:13 ص

بيختلف من دوله لتانيه
بس دوري علي ياسمين او في حاجه اسمها ياز yaz
26/02/2019 03:10:04 ص

يا ادكتور بعتلك مرتين ومجاوبتنيش من فضلك رد عليا انا بعتالك السؤال عن التكيسات ابدا اخد الكلوميد من اليوم الكام من الدوره وانا عندي مخزون من البويضات كتير بس حجمها 12
26/02/2019 02:59:58 ص

اليوم التاني للدوره
26/02/2019 03:03:48 ص

دكتور انا متجوزة ليا 3 سنين ومعايا طفله من اول الجواز والعلاقه صعبه بحس بصعوبه دا غير لما يكون في لقاء بيدخل بصعوبه عشان عندي المكان بيكون ناشف جدا ودا بيتعبني وبيخليني اكره العلاقه ممكن الحل وممكن يكون الجفاف مش مخليني عارفه اخلف تاني
26/02/2019 02:12:48 ص

المداعبه الاول مهمه جدا عشان تحصل افرازات تعمل ترطيب للمنطقه دي
ولو مفيش افرازات ممكن تستخدمي جيل
زي افيتركس او كي واي جيل
يقلل الاحتكاك والوجع
والموضوع ملوش علاقه بالحمل
26/02/2019 02:44:30 ص

لو سمحت يادكتور أنا عندى هرش جامد مكان الخياطة بتاعة القيصرى كل فترة بتيجى مع انى بنشف كويس اى مياة اعمل ايه وشكرا لتعب حضرتك
26/02/2019 01:37:02 ص

استخدمي فيوسي كورت مرهم موضعي هتتحسني
26/02/2019 02:43:02 ص

يا دكتور للمرة التانيه بسال حضرتك بنتي ٤ سنين عندها هرش في فتحت المهبل استخدم ايه علاج ولو في تشطيف يكون افضل ارجو الرد
25/02/2019 11:31:24 م

لازم تعمل تحليل بول وبراز
وتشطيف بمايه دافيه
ويشوف التحاليل دكتور اطفال
26/02/2019 01:33:51 ص

معلش يادكتور ف السؤال أنا 21سنة ومتجوزة من 3سنين جوزى دائما بيقولى مبتحسيش لية بالرعشة الجنسية انا معرفش معناها بس يبقى مبسوطة وانا معاة هى اية يقا الرعشة دى أو بتحس بأية معلش
25/02/2019 11:13:16 م

هتكلم في بوست قريب عن الموضوع ده عشان ناس كتير سالتني
26/02/2019 01:34:33 ص

خطوره استعمل كريم ازاله الشعر فالاماكن الحساسة بليز يادكتور رد الموضوع بالنسبالي خطير
25/02/2019 10:50:30 م

بعض الكريمات بتعمل حساسيه والتهابات بتفرق من واحده للتانيه
26/02/2019 01:35:38 ص

ممكن اعرف ايه سبب نزول دم في غير ميعاد الدورة مع العلم أني متزوجة و معايا طفلين و عمري ٣٠ سنة
25/02/2019 10:44:17 م

لو بتستخدمي وسايل منع حمل وارد يكون ده سبب
او ممكن تنقيط اثناي يومين التبويض
26/02/2019 01:37:10 ص

مساء الخير يا دكتور
انا لسه بنت والبريود عندى مش منتظمة كانت بتجيلى شهر وتغيب شهر روحت للدكتور من سنة وقالتلى عندك تكيسات ولازم تنزلى وزنك رغم انى مش تخينة اوى وفرحى قرب ومش عارفه اعمل ايه لان البريود مش منتظمة بتجيلى كل شهر بس مالهاش وقت
25/02/2019 10:05:35 م

متعمليش حاجه غير بعد الجواز
عشان تعرفي تتابعي التبويض صح
ومتقلقيش
26/02/2019 01:44:35 ص

لوسمحت يادكتورانا حامل جديد وده اول حمل ليا بس مش عارفه هل العلاقه مابيني وبين جوزي هتبقي غلط معايا ف اول الحمل ولاعادي مفيش خطوره ع الحمل
25/02/2019 09:56:58 م

طول مفيش دم نازل والحمل مستقر العلاقه مش ممنوعه
26/02/2019 01:46:42 ص

مساء الخير يادكتور
انا عندى هرش شديد جدا واخدت قبل كدة لبوس جينوزول وخفيت لكن فترة صغيرة ورجع الهرش تانى ارجوك ضرورى ترد عليا ممكن يكون اية العلاج وانا متجوزة من 4 سنين وعندى طفلين
25/02/2019 09:53:44 م

اقري طيب بوستات الالتهابات المهبليه وهتعرفي كل حاجه بالعلاج
3 بوستات علي الجروب
26/02/2019 01:48:23 ص

دكتور بجد الصفحه بتاعت حضرتك رائعه وفاده ناس كتير شكراً جدا. عندي سؤال هل عن طريق الكوندوم kondom ممكن يحصل حمل وازي ممكن يحصل
25/02/2019 09:39:06 م

الكوندم ممكن يتخرم ويحصل تسريب للسائل المنوي منه وده بيحصل كتير
26/02/2019 01:49:54 ص

مساء الخير يا دكتور كنت عندي استفسار بسيط بس انا متجوزه بقالي خمس شهور وحصل حمل بقاله 42 يوم بس حصلت حاجه مش طبيعيه امبارح نزل شويه دم هما مش صغيرين وف نفس الوقت مش كتير والدكتور اللي بتابع معاه للأسف مكنش شغال ف اتصلت بالعياده وسالوا الدكتور ف قالي خدي الحقن دي برونتوجيست اخدت واحده بليل بس تاني يوم بعد العصر نزل دم تاني ف اضطريت اروح لدكتور وقالي كرري الحقنه كل يوم لمده 5 أيام محتاجه أفهم ايه اللي بيحصل وياريت ترد عليا ضروري بليييز يادكتور
25/02/2019 09:23:05 م

بصي دي حاجه اسمها سقط منذر threatend abortion
علاجه حقن التثبيت والراحه ونشوف النتيجه الحمل هيكمل ويثبت ولا ممكن ينزل
26/02/2019 01:51:48 ص

يادكتور انا بعت لحضرتك وقولتلك اني عندي تكيسات هو الدكتور قالي انه كسل ف المبيض واداني السيدوفاج ومنع الحمل وبعد كدا اخدت خمس حقن جونابيور والبيريود جات الشهر دا بدري عن ميعادها باربع ايام المفروض ابدا امتي بالكلوميد وانا عملت سونار دوبلر فور دي والدكتور قالي عندي مخزون كبير من البويضات ف كدا ابدا امتي الكلوميذ
25/02/2019 09:22:15 م

موضوع التنشيظ محتاج متابعه مع الدكتور بتاعك
الكلوميد بيتاخد من اليوم التاني تو التالت من نزول الدوره
26/02/2019 01:52:48 ص

يا دكتور اسئله الغشاء بتبقي كتير حضرتك ممكن تفهمنا هو ممكن يفض من حكه او هرش حتي لو كانت شديده يعني هل ممكن يفض من غير علاقه؟!
25/02/2019 09:05:45 م

لا من غير علاقه صعب
الهرش والحكه دول بره مش هتوصل للغشاء
26/02/2019 01:54:03 ص

مساء الخير لو سمحت يا دكتور حضرتك بتقول الغشاء بيبان بالعين مش بالسونار ازاى يا دكتور هو العشاء مش من جوة شويه طيب ازاى تشوفه بالعين ازاى لو سمحت الرد ضرورى
25/02/2019 08:45:50 م

احنا كدكاتره عارفين مكانه وشكله
وبيبان بالنسبالنا بالفحص. بمجرد النظر يعني
26/02/2019 01:54:54 ص

؟؟
25/02/2019 08:45:24 م

دكتور انا مركبه اللوب الهرموني من سنه والبريوت منزيلش وجسمي زايد خالص وانا بخس هل هو ده بياثر في التخنه وهل عدم نزول البريوت مسببلي زياده وانا محتاره ومش عارفه اعمل ايه وممكن أنزلها ولا اعمل ايه من فضلك للدكتور رد عليه ضروري
25/02/2019 07:57:15 م

لا هو ممكن يزود نسبه بسيطه بس مش بسبب عدم نزولها
اعملي دايت والعبي رياضه وهتخسي
قصدي اللولب مش هو بس السبب
26/02/2019 01:56:00 ص

يا دكتور انا عندى السكر وسني 32 الدورة عندى كانت بتجيني 5 ايام زى أي بنت حاليا بتجيني 3 أيام وبس والكلام دة لية 5 سنين انا عارفه السكر بياثر ع التبويض وانا لسه انسه بس هو في علاج يمد فترة البريود ل 5 ايام وشكرا
25/02/2019 07:11:22 م

مش محتاجه علاج للدوره
الاهم تنظمي سكرك
ونقص عدد ايام الدوره ميقلقكيش
26/02/2019 01:56:49 ص

لو سمحت يادكتور انا بستعمل كريم لازاله الشعر هل لو لمسني من جوه يكون ليه اضرار معلش رد عليا ضروري
25/02/2019 05:58:12 م

لا متقلقيش
مفيش ضرر
26/02/2019 01:57:23 ص

هي العادة السرية ليها اضرار علي العلاقة او الخلفة بعد الجواز ؟!😞
25/02/2019 05:45:13 م

الخلفه لا
بس ع العلاقه بتاثر نفسيا طبعا كتير
26/02/2019 01:58:03 ص

دكتور بليز هو فعلا الحامل اللي مش بترجع بيبقي عندها مشكله اني الحمل مش بيكمل ولو بترجع ده حلول دليل البيبي بيكبر

سوال تاني هو الام اللي فصيله دمها O+يبقي لازم البيبي اللي تولده يدخل حضانه وينزل بالصفراء
25/02/2019 04:39:05 م

الترجيع من اعراض الحمل بس مش معني انك مش بترجعي يبقي الحمل مش بيكمل
وموضع الفصيله والصفرا كلام مش اكيد وصحته مش دقيقه
26/02/2019 01:59:09 ص

دكتور انا حامل فى الشهر الرابع وظهرى وجعنى وجنابى بالذات وانا قايمه من النوم ده طبيعى ولا ايه
وكنت عاوزه اسال على حاجه انا مشعره خالص فى منطقه البطن هل ينفع استخدم جهاز الشمع ولا فى غلط على البيبى عشان سخنتوا ومرسى خالص يادكتور انك مهتم بينا وبترد على اسألتنا وبتحاول تطمنا وتساعدنا
25/02/2019 02:58:37 م

الوجع اللي في ضهرك طبيعي
ومممن تستخدمي جهاز الشمع عادي
26/02/2019 01:59:56 ص

دكتور أنا متجوزة ليا سنه ونص والدورة عندى مش منتظمه وكشفت طلع عندى كسل أو تكيسات في المبايض واخت برشام ونتظمت قبل كدة وكل ماابطل علاج ترجع تختلف تانى ونفسى يكون عندى بيبى وانا باخد منشطات كتيرة وبرضو مش بيحصل حمل ممكن دة يمنع الحمل أرجوك رود عليا يادكتور
25/02/2019 02:18:42 م

لازم متابعه مع دكتور وتشوفي استجابه المبيض للتنشيط قد ايه
ووفي اسباب تانيه مانعه الحمل ولا لا
26/02/2019 02:01:03 ص

دكتور انا كنت عاوزة اعرف انا متجوزة ودايما الافرازات كتيرة دي ليها علاج؟وسؤال كمان انا بنتي عندها 7 شهور وباخد برشام جينيرا مانع للحمل هل ده كويس ولا ممكن يحصل عليه حمل؟
25/02/2019 02:07:16 م

البرشام لو ماشيه عليه مظبوط مش هيحصل حمل
والحينيرا كويس جدا
26/02/2019 02:01:36 ص

مساء الخير يادكتور انا اخدت الحقنة بتاعت التلات شهور والدورة جاتنى ولية ٩ايام النهاردة دة عادى ولا اية انا اول مرة اخد الحقنة دية
25/02/2019 01:08:01 م

اه عادي جدا متقلقيش
26/02/2019 02:02:02 ص

مساء الخير يادكتور عايزة اعرف فى فرق بين الرعشة الجنسية والمداعبة فى منطقة الإثارة الخارجية انا مش مختونة لانى فى العلاقة لو جوزى استعجل شوية فى فترة المداعبة بيعتمد على مركز الإثارة دة علشان اكون متهياة انا يبق مبسوطة لاكن مش زى لما تكون مداعبة تاخد وقتها انا مش فاهمة دة معناة اى ولا هى دى النشوة ولا لا .ميرسى على تعبك ربنا يباركلك
25/02/2019 12:21:28 م

انا مش فاهم سؤالك
26/02/2019 02:03:11 ص

مساء الخير يا دكتور لو سمحت انا بيجينى مغص شديد فى اخر بطنى من تحت بيخلينى مش عارفة اقف او اقعد هو جانى من شهر فات وانا كشفت سعتها والدكتور قالى ان كان فى كيس مايه على المبيض واتفض بس ابتدا يجينى تانى ارجو الرد لانى تعبانة جداااا
24/02/2019 03:15:34 م

خدي بروفين مسكن موقت لحد متكشفي وتطمني
26/02/2019 02:04:01 ص

مساء الخير يا دكتور انا باخد برشام ياسمين ومن كزا يوم حاسة بوجع بسيط زى وجع البيرود ومش عارفة من ايه
24/02/2019 03:05:30 م

عادي متقلقيش مش.حاجه خطر كملي علي برشام عادي ومتوقفيهوش
26/02/2019 02:04:31 ص

هاى يا دكتور
ممكن سوال انا وزنى 100 ك هل ممكن يكون عندى دهون على المبايض تمنعنى من الحمل ؟
24/02/2019 02:46:36 م

لا الوزن الزايد لوحده مش موشر او مدلول لتكيسات مبييض
26/02/2019 02:05:21 ص

يادكتور انا متجوزه من سنتين ومن اول الجواز وحصل علاقه بالعافيه بسبب ان الغشاء مطاطي ده غير المشكله ال موجوده معايا لدلوقتي ان عندي حرقان شديد بيحصل اول مالعضو الذكري يبتدي بالدخول وعرفت ان المنطقه ال بتحرقني هي الشفرتين الداخليتين تحديدا عند فتحه المهبل الم شديد لدرجه انه احيان كتير بيمنع العلاقه بسبب الحرقان الشديد وكشفت واخدت علاجات وكريم مهبلي بس الالم فالحته دي تحديدا صعب ومفيش افرازات ولا حاجه ولما كشفت قالي احمرار بسيط ومتعذبه جدا وبخاف من العلاقه بسببه وبتحصل مره وعشره لا
ايه الحل انا حاسه اني مش ست طبيعيه بسبب كده
اه وكمان انا حملت ع طول وولدت قيصري وباخد ميكروليت
ارجوك يادكتور جاوب عالصراحه دي لان قريت بوست الالتهابات ومفهمتش اعمل ايه ولا حالتي ايه
24/02/2019 02:36:05 م

الاول لو في التهاب لازم تاخدي علاج عشان يخف
ثانيا استخدمي جيل مرطب اثناء العلاقه
زي افيتركس او ديوربلاي
عشان يقلل الاحتكاك والوجع
26/02/2019 02:07:06 ص

دكتور لو سمحت انا ف الاسبوع التاني من الشهر التامن وحامل ف تؤام وعندي وجع جامد جدا ف منطقه عظم العانه بس معنديش اي التهابات والرحم مقفول والميه والحركه كويسين بس عايزه اعرف الوجع ده ممكن يكون من ايه وازاي يخف لأنه تاعبني جدا وميرسي اوي
24/02/2019 09:19:30 ص

الوجع طبعا بسبب حمل التؤام هيتحسن بعد الولاده
بس اعملي تحليل بول اطمني انه مفيش صديد او التهاب ف البول
26/02/2019 02:08:15 ص

مساء الخير يا دكتور
انا دلوقتى حامل فى اخر السابع وكنت محتاجة سورى اعرف امتى ادهن الثدى علشان تشققات الرضاعة واستخدم اي انا عندى بانثينول كريم وجيل
استخدم انهى. وشكرا لحضرتك
24/02/2019 01:26:32 ص

كريم او جيل مش هيفرق كتير
ابداي من نص التاسع كده اعملي مساج للحلمه
26/02/2019 02:09:49 ص

لو عروسه جديد واستخدمت اي وسيله لمنع الحمل وبعد سنه بطلت هل دي ممكن تأثر فيما بعد
23/02/2019 08:20:40 م

استخدمي اقراص منع حمل بلاش الحقن والكبسولات والحاجات دي
البرشام مش هياثر
26/02/2019 02:11:20 ص

حضرتك يا دكتور بعتلك قبل كدا ومش رديت عليا بليز ممكن ترد عليا انا مقربة على الجواز ومش عاوزين نخلف ع طول عاوزين نقعد سنه كدا مع بعض اية الوسيلة اللي ممكن استعملها عشان مش يحصل حمل وبليز محتاجة راي حضرتك
23/02/2019 06:49:54 م

خدي اقراص منع حمل زي جينيرا وبطليها اما تحبي يحصل حمل
26/02/2019 02:11:58 ص

دكتور لو سمحت انا عندي 23سنه وجالي السكر من سنه بس باخد برشام بينزل السكر فالبول عاملي التهابات صعبه الدكتور بتاعي وقفهولي شهر اداني فيه كورس مضاد حيوي جامد جدا بس بعد ماخلصت الكورس رجعت تاني الالتهابات رالهرش اعمل ايه
23/02/2019 06:01:33 م

الهرش والاتهابات سببها ان السكر مش مزبوط
لازم السكر يتزبط عشان مترجعش تاني
26/02/2019 02:12:55 ص

لو سمحت يادكتور جوزي بيسافر وبيجي اسبوع كل شهر ينفع استخدم سيرازيت ف الاسبوع دا بس ولا لازم انتظم علي البرشام وميرسي لحضرتك جدا
23/02/2019 05:52:15 م

لا البرشام لازم يتاخد قبلها ب 5 ايام عشان يمنع ااحمل لكن مينفعش في نفس اليوم بس
26/02/2019 02:13:37 ص

يادكتور اديني بس علاج انا بتاعت اللى استخدمت مسك الطهارة عاوزة علاج ضرورى لانى انا مش عارفه انا انهى نوع معلش بسرعه لانها الهرش بيزيد فى المنطقة كلها
23/02/2019 04:16:32 م

استخدمي كوادريديرم دهان خارجي
وخدي كلارتين اقراص قرص قبل النوم
وتشطيف بمايه دافيه و تنشيف كويس
26/02/2019 02:14:25 ص

لو سمحت يادكتور انا اللى كتبت لحضرتك عن تاخر البريود وحضرتك رديت عليا انى اعمل اختبار حمل الاول وبعد كدة ارجع لدكتورى
انا فعلا عملت اختبار حمل وطلع مفيش والدكتور بتاعى مسافر الخارج فانا دلوقتى عايزة اعرف اخد ايه ينزلها لحد مايرجع واعرف اروحله
ميرسييى جدا لحضرتك
23/02/2019 04:15:58 م

سيدلوت نور اقراص
قرص كل 12 ساعه لمده 5 ايام
26/02/2019 02:14:58 ص

مساءالخير يادكتور انا مجوزه ليا 7 شهور وعندي 23 سنه وجوزي 35 سنه بس بحس انو كبير اوي عليا برغم انو طيب جدا وبيحبني جدا ومش بيزعلني ف حاجه بس ديما اتفكير ده ف دماغي مش عارفه ليا عايزه اعرف رد حضرتك وميرسي لي حضرتك جدا ع تعبك وتقديرك وروحك الجميله
23/02/2019 04:13:32 م

حاولي تشلي الفكره دي من دماغك
وقربي منه وعامليه انه صاحبك وقريب منك جدا
الموضوع هيحتاح شويه وقت وكلام بينكم كتير عشان يتكسر الحاجز ده
26/02/2019 02:16:16 ص

لو سمحت يا دكتور انا عندى والبيرويد مش منتظمه احيانا تنتظم واحيانا تتلخبط بالشهور وكشفت وعملت تحاليل طلعت كويسه ومشيت على علاج لمدة ٦ شهور برشام اسمه cyclo-progynova لكن برضوا احيانا بتتلخبط ملحوظه
انا انسه وسنى ٢٨
سنه
ارجو الرد وعدم عرض السؤال ع الصفحه
23/02/2019 04:12:43 م

الحلول طبعا اسهل بعد الجواز نعرف نشوف التيبوض
بس حاليا كملي علي ال سيكلو
26/02/2019 02:17:22 ص

مساء الخير يادكتور
انا داخله ع اكتر من سنه عندي التهابات ورايحه جايه ع دكاتره اخد علاجات واخف شويه وترجع تاني مع البريود... اخر دكتور روحتله من ٣ اسابيع اخدت علاج مضاد حيوي ولبوس مهبلي و٤ برشامات الصبح وبليل وكريم موضعي واخدت علاج تاني مختلف بعد مالعلاج ده خلص.... كانت الفطريات عباره عن كتل اسفه في التعبير شبه العجين..... وكان ممنوع العلاقه طول الفتره دي... ومع اول علاقه تعبت جدااا وحسيت كان في جرح ومش مرتاحه خالص... اعمل ايه
23/02/2019 03:35:32 م

حللي الاول سكر وبول
ونشوف سبب الالتهابات المزمنه دي ايه
والعلاج هيستمر معاكي بعد كده 6 اسابيع
مع مراعاه التشطيف بمايه دافيه والتنشيف الكويس والغيارت الداخليه تبقي قطن
26/02/2019 02:19:29 ص

يا دكتور انا البيريود بتيجي كل ١٥ يوم وخايفة منها جدا مع العلم اني متجوزة جديد
23/02/2019 02:07:27 م

احسبي من اول يوم نزول للدوره لاول يوم نزول للدوره اللي بعدها لو اكتر من 21 يوم ده طبيعي
26/02/2019 02:20:21 ص

لو سمحت يا دكتور اسم غسول كويس ل ريحة واسمرار منطقة البكينى مع العلم انى لسا مش متجوز
22/02/2019 09:50:00 م

بلاش استخدام التشطيف المهبلي الكتير بيزودوالالتهابات
والاسمرار بيبقي من كتر التشطيف والمايه
26/02/2019 02:22:10 ص

مساء الخير يادكتور انا عندي تكيسااات علي المبيضين المشكله اني خسيت ووصلت للجسم المثالي وحدت جيكوفاج بس للأسف ولا حاجه جابت نتيجه انا جوزي مسافر مش هنا بس انا كنت عايزه أتعالج قبل مايرجع اعمل ايه؟😔😔
22/02/2019 09:49:05 م

امشي علي سيدوفاج وكوريمترون 3شهور وتابعي التبويض اما يرجع جوزك
26/02/2019 02:22:45 ص

مساء الخير يا دكتور انا كنت حامل من حوالى سنة و٧ شهور إللى حصل كنت لا حد برشام منع الحمل وحملت وكشفت عند اكتر من دكتور واكدولى ان الجنين كويس ومفيش اى تشوهات وبعد ما خلصت الرابع رحت للدكتور قالى الجنين خسران وسقطت المهم عملى تحاليل سكر وتحليل الاجسام المضادة وتحليل RHعلشان نعرف السبب ومكنش عندى اى حاجة حتى العلاج كان بس فلوليك اسيد انا الموضوع ده بجد رعبنى جدا ومش مخلينى افكر انى احمل تانى طالبة نصيحتك لى يا دكتور اعمل ايه
22/02/2019 09:14:37 م

لا متخافيش هيحصل حمل تابعيه من اول الحمل وخدي علاج كويس
وهيكمل
26/02/2019 02:24:06 ص

دكتور انا اتجوزت واستخدمت برشام سيليت لمنع الحمل ع طول هل غلط دا ؟
22/02/2019 08:33:47 م

لا مش غلط متقلقيش
27/02/2019 02:51:19 ص

لو سمحت يا دكتور انا في الحمل الاول حصل IUGR اكتشفناه من الشهر السادس بس كان نسبته بسيطة وبسببه البيبي نزل وزنه صغير هل ممكن يحصل في الحمل التاني وايه ممكن يمنعه ؟؟
22/02/2019 07:15:25 م

مش شرط يحصل فوالحمل التاني
تتابعيه انك تعملي اشعه uterine artery Doppler
من اول الشهر الرابع
هتحدد احتماليه حدوثه بدري
26/02/2019 02:25:23 ص

يا دكتور انا بحس بالم اثناء العلاقه بس ف حاله لو خبط القضيب ف جزء كدا من جوه بارز بيكون الم صعب خالص بس لو بيتحركبعيد عنه مش بحس بالم وانا مش عارفه الجزء دا اسمه ايه حتي ومش عارفه دا طبيعي انه موجود ولا انا عندي مشكله
22/02/2019 04:38:32 م

ده عنق الرحم
وكون انك بتحسي بوجع او تعب في احتماليه وجود التهابات في الحوض
تحتاجي علاج
عشان متاثرش علي الانابيب
26/02/2019 02:26:27 ص

مساء الخير انا حاليا ياخد برشام ياسمين لمنع الحمل كنت حابة اركب شريط بس انا ركبتو فى العملية فى أول ولادة لى ونزفت علية انا حاليا والدة تانى ولادة لى من سنة ونص لو ركبتو هنزف وهل الشريط الهرمونية افضل بس خايفة اركبو انزف كمان علية وهو فعلا شريط الصحة افضل
22/02/2019 04:21:43 م

ركبي الفضي هترتاحي عليه خالص
26/02/2019 02:26:59 ص

دكتور لو سمحت عندي الافرازات ريحتها مش حلوه خالص بس لونها طبيعي ومعنديش التهابات خالص
مع اني بغير غيارات كتير ف اليوم بتوصل لاربع مرات بس برضه ببقي حاسه بريحه مش لطيفه
ممكن استخدم ايه
معلش ع الاطاله
22/02/2019 04:12:22 م

خدي دفلوكان كبسوله وكرريها بعد اسبوع
وامريزول لبوس مهبلي كل يوم لمده 10 ايام
26/02/2019 02:27:48 ص

لو سمحت يادكتور انا باخد فيزان وعندى حصوات على المراره هل فى مشكلة وفى نفس الوقت هل فيزان بيعمل التهابات للثه لانى اخدتة 4 ايام وجالى التهاب شديد فى اللثه هل فى علاقة ولا لا وانا كمان باخد ادويه لعلاج التهاب الأذن الداخلية والدوخة
22/02/2019 03:43:23 م

الفيزان مش هيسبب التهابات اللسه
26/02/2019 02:28:34 ص

يادكتور هو هو لو وزنى زياده وعملت عمليه التكيسات لكن مخستش ممكن يحصل حمل ولا صعب ولو لا مش المفروض حلينا المشكله اللى هى التكيسات ميحصلش حمل ليه ؟؟؟؟؟؟؟

22/02/2019 02:29:24 م

انك تخسي هيعالج المشكله بشطل كبير جدا
حتي بعد عمل العمليه
26/02/2019 02:29:29 ص

الجروووب حلو ومفيد جدا
وربنا يوفق حضرتك
22/02/2019 01:52:59 م

ميرسي
26/02/2019 02:29:38 ص

اول حاجة ممكن اعرف فين عيادت حضرتك لاني ناوية انشاءالله لما يحصل حمل اتابع عند حضرتك ،،،،
تاني حاجة انا متجوزة من 5 شهور و مع ذلك لحد دلوقت في بداية العلاقة خالص بيكون في الم بسيط عند فتحة المهبل اثناء دخول القضيب لاول مرة يعني كأنها لسة ضيقة جدا ممكن اعرف السبب و اية العلاج لان الموضوع بقي مزعج و يضايق مع العلم ان مفيش الم في العلاقة نفسها دا الم في اللحظة دي بس
21/02/2019 04:43:10 م

وجود التهابات او احتكاك هيسبب الالم ده
استخدمي جيل ملين
زي افتريكس او كي واي جيل هيحسن الموضوع
27/02/2019 02:49:02 ص

اية اللى المفروض اعملة كروتين نظافة لطلفة ٤ سنين
واية اللى ممكن استخدمهولها كتشطيف
21/02/2019 03:56:56 م

تشطيف بمايه دافيه اول باول والتنشيف الكويس والغيارات تبقي قطن
27/02/2019 02:46:28 ص

رسالتى مش مكانها هنا بس معنديش جرأة اسئلها ع ماسنجر أو فيس
السؤال: الإفرازات الناتجة عن المداعبة أثناء العلاقة بتبقى غزيرة سواء قبل مركب لولب أو بعد التركيب ودة مضايقنى جدا .. هل من حل أو علاج يقلل الافرازات؟
20/02/2019 11:13:23 ص

الافرازات دي طبيعيه بالعكس عدم وجودها هو اللي بيسبب مشكله

27/02/2019 02:45:10 ص

لو سمحت يا دكتور انا انشالله هتجوز قريب ومش عاوزين نخلف ع طول عاوزين نقعد سنه كدا مع بعض اية الوسيلة اللي ممكن استعملها عشان مش يحصل خلفه
20/02/2019 08:25:41 ص

حبوب منع حمل
جينيرا او ياز او ياسمين
27/02/2019 02:43:57 ص

مساء الخير يادكتور
من فضلك ايه احسن وسيله منع حمل انا بستخدم جينيرا بس لخبطت ف مواعيده عمل نزيف شبه البريود فأنا عاوزه اغير الوسيله بس محتارة
15/02/2019 07:27:36 م

لو من النوع اللي بتنسي البرشام
انصحك باللولب او الكبسوله
27/02/2019 02:41:50 ص

دكتور هو التبول الا ارادى اثناء الضحك او الكحه دا مرض
وايه علاجه وشكرا مقدما
13/02/2019 11:49:43 م

اسمه سلس بولي وليه اسباب كتير وحسب السبب العلاج
27/02/2019 02:41:06 ص

جوزى بيعانى من الم شديد
فى الخصيه الشمال فهل دا ياثر على نسبه الانجاب ولا لا
وشكرا لحضرتك
12/02/2019 01:15:45 ص

يكشف عند دكتور جراحه ممكن يكون في دوالي هتاثر علي الحيوانات المنويه
27/02/2019 02:40:30 ص

مسااء الخير يا دكتور انا والدة مرتين قيصري وجربت اللوب كوسيلة منفعش معايا كانت البريود بتجيلي كتير والبرشام صعب عشان تاريخ الكانسر ف العيلة كتير اخدت حقنة ال3 شهور تخنتني اوي هل في وسيلة تانية اجربها؟
09/02/2019 09:43:43 م

ممكن الكبسوله او اللولب الفضي
27/02/2019 02:39:48 ص

مساء الخير يا دكتور
ماهى افضل وسيله منع حمل و تكون اضرارها اقل ما يمكن ؟؟
08/02/2019 06:13:35 م

اللولب اكثرهم امان ومفهوش اعراض الجانبيه بتاعه الهرمونات
27/02/2019 02:39:06 ص

مساء الخير
فى نهاية الدورة الشهرية بتفضل ٤ أو ٥ ايام بعدها بتنزل نقطة واحدة مثلا كل يوم ... هل ينفع إقامة علاقة زوجية ولا ليها اضرار ؟؟؟
08/02/2019 06:04:53 م

الافضل بلاش طبعا ولو حصل يفضل جوزك يستخدم واقي
27/02/2019 02:38:07 ص

انا انسه في العشرينات ، من فتره لقيت البريود مش متظبطه مره تيجي ف الشهر عادي و مره تتكرر ف الشهر مرتين ، كشفت سونار و عملت تحاليل ، و الدكتور قال ان مفيش تكيسات و النتيجه كويسه و قالي امشي علي السيكلوبرجنوفا لمده ٣ شهور ، و عملت كده و اتظبطت ، بس الشهر اللي فات لقيت البريود جاتلي بعد ١٦ يوم ، مفروض اعمل ايه دلوقتي !!
08/02/2019 05:59:40 م

احسبي من اول يوم نزولها لاول يوم نزول البيريود اللي بعدها لو لقتيه 21 يوم او اكتر تبقي طبيعيه
27/02/2019 02:36:52 ص

ايه الفرق بين برشام
لاكتيفينور ومكروليت؟ وانهي احسن واقوي؟
08/02/2019 04:28:39 ص

الاتنين زي بعض فرق شركات منتجه
27/02/2019 02:35:37 ص

ازاي اعرف اني حامل وانا برضع نضيف؟؟؟
08/02/2019 04:26:31 ص

هتعملي تحليل ده اللي هيبين
والاحسن تاخدي وسيله لان الرضاعه مش هتمنع حمل
27/02/2019 02:35:01 ص

لو سمحت يا دكتور انا لو حامل ف تؤام ممكن يظهر ف الشهر الكام
07/02/2019 04:28:18 م

من اول الحمل بيبان 35 يوم يبان كيسين حمل
27/02/2019 02:34:13 ص

لو سمحت ي الدكتور انا عندى تكيسات بس نسبة قليله وخدت كلوكوفاج بس مش منتظمه عليه وروحت الدكتور تانى ادانى حقن منشطات لمدة ٣
شهوروابرة تفجريه آخر مرة ومحصلش حمل قالى الشهر اللى جاى لو البيريود نزلت لازم اعمل اشعه بالصبغه راى حضرتك ايه؟؟؟
شكرا ليك
07/02/2019 11:22:10 ص

لو التبويض بيحصل كويس يبقي لازم ندور علي الاسباب التانيه زي مدكتورك قالك علي اشعه الصبغه
27/02/2019 02:33:01 ص

بنتى عمرها 10 سنين بتعانى من افراازت ريحتها وحشة و مش بتاخد اى ادوية و الاندرات كلها قطن 100%
و بتواظب على النضافة الشخصية و باهتمام و مش بتستعمل اى منظفات فى المنطقة الخاصة
07/02/2019 10:23:25 ص

تعمل تحليل بول الاول ودكتور اطفال يشوفها
27/02/2019 02:32:06 ص

ازاي اعرف النبض شغال بتاع الجنين انا ف الشهر الرابع ومش حاسه باي حركه ومش حاسه بحاجه وبتحرك ومش بتعب زي الاول انا كنت بحس خلال تلات شهور ف الاول بحس بحركه جامده اوي دلوقتي لا وقلقانه ولسه مغاد الدكتور وانا قلقانه انا بكتم نفسي واشوف بطني بتتحرك دلوقتي لا وبجد قلقانه اووووي للعلم ده تاني حمل ليا بس الاول مكملش وانا بجد نفسينا تعبانه ياريت ترد عليا
06/02/2019 07:06:17 م

حركه البيبي المفروض تتحس اول الرابع
في البكريه بتتاخر لحد اول الخامس اطمني
27/02/2019 02:30:28 ص

مساء الخير يادكتور هل استخدام الواقي الذكرى امن ف الاستخدام لاني مش عوزه اطفال تاني وخايفه من تركيب اللوب...شكر ليك
06/02/2019 06:26:09 م

نسبه امانه مش عاليه
خليكي في وسيله امنه
25/02/2019 08:55:05 م

لو سمحت يا دكتور بعد
العلاقة بحس السائل المنوى بينزل هل ده طبيعى ؟؟؟
وايه المفروض يتعمل عشان يدخل منه اكبر كمية ويزود فرصة الحمل ؟؟؟
شكرا
06/02/2019 04:40:57 م

ده طبيعي متقلقيش منه
ملوش علاقه بالحمل
الحيوانات المنويه. بتتحرك للرحم وحدها
25/02/2019 08:52:53 م

دكتور مبدئيا انت فوق الممتاز وجروبك بيفيد جدا
طلب صغير ياريت لو عندك خلفيه عن موضوع البرود الجنسى عند السيدات وازاى نعالج منه ياريت تكلمنا فيه
06/02/2019 04:32:49 م

بجهز موضوع بس هياخد وقت شويه
25/02/2019 08:51:15 م

دكتور بنتي عندها هرش في فتحت المهبل هي عمرها ٤سنين اديها ايه علاج
06/02/2019 03:18:11 م

اعملي تحليل بول الاول
25/02/2019 08:50:54 م

سلام يا دكتور انا ولدت طبيعي والدم وقف علي شهر ومفيش دم تاني نزل لو عايزه وسيله ممكن اخد ايه ؟ وهل ممكن يحصل حمل لو ماخدتش ... انا برضع طبيعي وصناعي
06/02/2019 02:09:58 م

ابداي في وسيله علي طول
لانه ممكن يحصل حمل
يناسبك الاقراص واللولب والحقنه 3 شهور
25/02/2019 08:50:35 م

جروب نافع جدا ومواضيع جميله ومفيده وتبسيط للمعلومه وكتابتك بتكون بطريقه شيقه وممتعه جدا ربنا يعوض تعب محبتك يا دكتور ويوفقك دايما
06/02/2019 01:54:11 م

ميرسي جدا جدا
25/02/2019 08:49:36 م

هاي يا دكتور حضرتك دي فكره حلوه جدا. ممكن حضرتك تكلمنا عن عمليه الربط و هل دي احسن وسيله ولا لا. انا معايا طفل و حامل في التاني و خلاص علي وش ولاده و بدوار اني اربط لاني بجد مش عايزه تاني و تعبت اوووي في الحمل دا
06/02/2019 01:35:15 م

شرحت الربط قبل كده ع الجروب دوري عليه هتلاقيه
25/02/2019 08:49:21 م

مسالخير يادوك
انا عندي بيبي عمره 10 شهور والبريود مش بتيجي وبرضع طبيعي وباخد ميكروليت بس من وقت للتاني بحس بتقل ف اخر بطني او وجع خفيف زي الم البريود فالبدايه خالص لدرجه بحس انها هتنزل ومبتنزلش يومين وبيروح الاحساس ده
ياتري ده من ايه
وامته ميكروليت مفعوله بيقل او بمعني اصح اغيره امته لنوع تاني
شكرا جزيلاااا
06/02/2019 01:10:35 م

الوجع ده طبيعي متقلقيش منه
المفروض تغيدي الميكرولوت من دلوقتي
25/02/2019 08:48:49 م

طيب انا عندى 19 سنه وكام شهر البرود كانت فتره تيجى شهر وشهر لا ولا بكون متوترة أو مشغولة بموضوع مش بتنزل وبعدها خدت فترة انتظمت وبعدها رجعت تاني تيجى شهر وشهر لا مع أنه الفتره التانيه مفيش ضغط ولا خوف
ده سببه ايه ؟؟
06/02/2019 12:34:38 م

غالبا بتبقي لخبطه هرمونات
ممكن نبدا بعلاج 3 شهور زي سيكلوبروجينوفا ونشوف هتنتظم زلاولا؟
25/02/2019 08:47:56 م

مساء الخير يادكتور انا بنوتة عندى ٢٣ سنة البيرود مش منتظمة عندى بسبب لخبطة في هرمون البرولاكتن بس انا بتعالج حاليا بس دايما بحس بالم في منطقة اسفل البطن حتى لو مش معاد البيرود او بعد متخلص بفترة ودايما في حرقان
انا لسة انسة
06/02/2019 11:37:48 ص

اعملي تحليل بول الاول اتاكدي ان.مفيش التهاب في مجري البول
25/02/2019 08:45:49 م

دكتور انا حامل في الشهر السابع ومحتاجه اعرف عدد مرات العباقه في الاسبوع
لغايه الولاده لان في ناس قالتلي ممكن تسبب طلق مبكر لقدر الله
06/02/2019 11:24:47 ص

مرتين ف الاسبوع ده مقبول
ومفيش موانع للعلاقه
الا لو في دم او مايه نازله حوالين الجنين
25/02/2019 08:46:40 م

اعلان