شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    للاسف انا اهلي مش متدينين اوي لو قولت اني عايزه اروح مسجد اتعلم مع معلمه قرءان وتجويد يفضلو يقولو ملهاش لازمه الكلام ده بيدايقني جدا ويخليني غصب عني اتكلم بأسلوب وحش واتعامل معاهم م بعيد 🙂

    • رسالة منشورة

      كنت عايزه اسالك لو بتحفظي قران ف دار عايزه احفظ معاكي بس مش اونلاين افضل يكون ف دار واتمني الرد

      • رسالة منشورة

        ربنا يجزيكي خير ويوفقك في حياتي
        كتب كتابك امته ؟

        • رسالة منشورة

          كنت بعتالك سؤال قبل كدة علي اختي وخطيبها وحضرتك مردتيش ممكن في اقرب وقت تقوليلي نصيحة ربنا يباركلك

          • رسالة منشورة

            السلام عليكم
            ازي حضرتك
            عايزة اسال حضرتك ابدا ازاي ف مجال التغذية نفسي ادخل في جدا بس قالوا مينفعش افتح عيادة هل دة فعلاوكمان كمجال مش عارفة ابدا منين

            • رسالة منشورة

              السلام عليكم من فضلك محتاجه اعرف شويه حاجات من فضلك دلوقتي ليا زمايل عايزين ياخدوا تدريب تغذيه علاجيه ف مدينه زويل دا ايه الاستفاده منه ؟ و ايه الفرق بين دبلومه التغذيه والماجيستر ودلوقتي لو كليه زراعه بس مش تخصص علوم اغذيه كدا متاح يعمل الدبلومه؟ ولو حضرتك تعرفي الإماكن اللي متاح فيها لعمل الدبلومه ممكن تقوليها بعد ازنك
              وعندي سؤال تاني معلش بعد الدبلومه بيبقي متاح فتح العياده بس ولا ممكن الشغل ف المستشفيات او جيم او مراكز او حاجه ليها علاقه بالتغذية

              • رسالة منشورة

                السلام عليكم ياريت يا روضة تردي عليا بدري واسفة ليكي ولوقتك
                انا مش عارفة اشتغل كل لما اروح مكان واحس ف اختلاط بمشي ومش عارفة اتعامل مع الولاد حتي لما بروح السوبر ماركت مش عارفة ليه بتحرج اجيب حاجة منهم واخر شغل روحته كان ف عيادة ولقيت البنات بتكلم الدكاترة الصغيرين ف السن عادي جدا واخدين علي بعض خوفت اقعد يقولوا معقدة او يتريقوا ومشيت ياريت تكوني فهماني اعمل ايه

                • رسالة منشورة

                  السلام عليكم
                  أنا متقدملي شخص بيحبني جدا ومستعد يقف جنبي في أي ظروف وهو محترم جدا وبيصلي وأخلاقه كويسة بس للأسف أنا مش حاسة باي قبول نفسي ناحيته خايفة أرفض أبقي ضيعت شخص كويس وخايفة أقبل مقدرش أتقبله وأحبه وأندم بعد كدا، أعمل إيه؟

                  • رسالة منشورة

                    سقاكي الله من فيض أمانيكي حتي ترتوي🍒❤🤲
                    بحبك ف الله😍❤

                    • رسالة منشورة

                      عايزة استشيرك ف حاجة
                      خطيب اختي مش بيصلي وانا بقنعها كتير أنها تسيبه بس هي قالتلي أنه بدأ يصلي بس مش كل الصلوات هي الحمدلله بتصلي وبتصلي القيام ف أنا فوضت امري لربنا أنه لو مش خير هيبعد دة فعلا ولا اعمل ايه هو حتي مش بيشجعها علي الصيام يقولها هتتعبي بلاش كدة يعني هو مش بيصوم غير رمضان وهي شايفة ان صفاته كإنسان كويس يعني مش عارفة اعمل ايه

                      • رسالة منشورة

                        السلام عليكم
                        من فضلك محتاجه افهم منك حاجه انا دلوقتي اللي حواليا محسسني اني متخلفه ومعقده ومكتئبه وكل الحاجات اللي توحي بكدا عشان رافضه اني اروح الفان داي بتاع الكليه لما يسألوني ليه مش هتروحي واقول عشان فيه اختلاط واغاني ورقص يبقي حرام بشوف نظرات اقسم بالله بروح بعيط واسأل نفسي انا صح ولا غلط من فضلك ياريت لو شوفتي الرساله تجاوبيني انا صح ولا غلط تفكيري فعلا معقد انا سمعت شيوخ وداعيه وهما قالوا كدا وانا اقتنعت بدا وبحاول ابعد نفسي عن اي حاجه ممكن تغضب ربنا انا ايه ذنبي ان اللي قدامي بيقول ان ربنا غفور رحيم وعايزين نفرح بتخرجنا هو انا لما اعمل حاجه غلط هتعصي ربنا بيها يبقي كدا المفروض هفرح ؟
                        انا اسفه علي الاطاله

                        • رسالة منشورة

                          السلام عليكم
                          لوسمحتي ف حديث عن الرسول ان العانة مينفعش فيها غير الحلق بالرغم انها بتكون مؤذية جدا للشعر الاسود هل في حل تاني غير كدة لاني بجد كل الطرق صعبة عندي

                          • رسالة منشورة

                            السلام عليكم يا روضة، عاملة ايه
                            أنا اللى كلمتك بخصوص شغل المساج، هو كان مساج للسيدات مش للرجال، بس ده طبعا كان المكتوب فى الإعلان فى البداية، بعد كدا عرفت إن ده كله كدب وإن الشغل مش مساج ولا حاجة وإنهم بينزلوا الإعلانات دى عشان يستدرجوا البنات عشان حاجات مش كويسة وحسبى الله ونعم الوكيل، فيه كتير إعلانات كدا بيقولوا انهم عاوزين بنات تشتغل ريسيبشن وغيره وكل ده نصب عشان يستغلوا البنات منهم لله، وأول ما عرفت اتصدمت وفضلت ييجى اسبوع تعبانة نفسيا أقسم بالله، مش متخيلة إن فيه ناس كدا.
                            بس دلوقتى أنتِ قلتيلى أكلم مكتبة الشرق الأوسط بس أنا مش عارفة أكلمهم اقولهم إيه😅

                            • رسالة منشورة

                              السلام عليكم يا روضة،
                              أنا بقالى كتير جداً بدور على شغل بس للأسف مش لاقية حاجة حاجة مناسبة خاصة لأنى ساكنة فى محافظة مفيهاش فرص عمل يعتبر فيضطر أدور فى إسكندرية وكدا بس كل المتاح بالنسبالى مرتبات ضئيلة جداً وده لأنى مش مؤهل عالى يعنى لو حسبتها هلاقى نفسى بصرف فلوس مواصلات ع الفاضى بس من فترة جاتلى فرصة شغل هشتغل فى مركز مساج وكدا مرتبها حلو لكن أنا طول عمرى عندى تحفظ على الشغلانة دي وحاسة إن فيها حرمانية كدا، فأنتى ايه رأيك؟

                              • رسالة منشورة

                                روضة عايزة استشيرك في حاجة انا جايلي شغل خارج مجالي بس هوايتي يعني وحاليا انا اصلا مشتتة ومش عارفة اعمل ايه
                                بعمل خدمة عامة خايفة اسيبها علشان لو انفتحت حاجة حكومة وف نفس الوقت مجالي عايز خبرة سنوات ف اعمل ايه + اني مش بحب أسيب ماما وانزل اشتغل بحس لازم ادي للأسرة حقها ولو رجعت البيت ٥ مش هلحق

                                • رسالة منشورة

                                  السلام عليكم يا روضة الجنة
                                  عساكِ بخير ويمن 💙
                                  لو تكرمتى يا روضة
                                  فيه كتب كتير دورت عليها فى مكتبات كتير فى إسكندرية بس مالاقيتهاش زى الكتب بتاعت دورات شيخ العمود وكتب الشيخ علاء عبد الحميد وكذلك كتب الدكتور إياد قنيبى هى معظمها متاحة أونلاين لكن أنا بفضل انى اقتنى نسخ ورقية فلو يعنى تعرفى مكتبات ممكن ألاقى فيها الكتب يبقى كتر خيرك 💙

                                  • رسالة منشورة

                                    السلام عليكم يا روضة
                                    كنت حابه اخد رئيك في موضوع
                                    في عريس متقدم ليه بيشكروا في أخلاقه بس هو دبلوم
                                    وانا معترضه علي الفكره دي بس بيقولوا اني اشوفه الاول وبعدها اعمل الي انا عايزاه
                                    انا معرفش بيشتغل ايه بس انا حابه اتجوز شخص مستقر ماديا انا مش عارفه اعمل ايه

                                    • رسالة منشورة

                                      السلام عليكم
                                      انا اسفه يا روضة علي الي هقوله ده بس ادعيلي كتير
                                      انا عندي ٢٤ سنه تعرضت لاعتداء جسدي وانا ٥ او ٦ سنين انا فاكره الي حصل لحد دلوقت
                                      انا خايفه من اني اتجوز خايفه جدا وبطلع اي أسباب للرفض من بعيد مش مستعده للي ممكن يحصل ونفسيتي تعبانه ومش لاقيه حل
                                      ادعيلي كتير بالله عليكي
                                      انا اسفه تاني لكل ده عارفه انك رقيقه و الكلام هيزعلك بس انا معنديش غيرك اقدر ابعتله

                                      • رسالة منشورة

                                        انا اتخرجت من كلية زراعة وواقفة مكاني ومش عارفة اعمل ايه مش عارفة ابدا تدريبات ولا اروح فين ومش معايا حد يرشدني 💔
                                        وحتي مش معايا خبرة ولا كورسات ف اي حاجة 💔

                                        • رسالة منشورة

                                          من فضلك هو لبس الشنطه ام دراع بتحدد الضهر؟

                                          • رسالة منشورة

                                            روضة معظم العيلة جاية علي ماما علشان مش بتعاتب زيهم بتزعل وبس
                                            ف مرات خالي برضو كل العائلة عاملة معاها مواقف وهي بتعدي الا لماما ف انا وقفتهم عند حدهم علشان امي ف هل كدة اكون بقطع صلة الرحم

                                            • رسالة منشورة

                                              لو سمحتي هو انتي اخدتي دبلومة تغذية وهل كويسة ومفيدة وكدة وممكن اعرف مكانها ..
                                              هو انا لو اخدتها ممكن اشتغل في مستشفي عادي ولا لازم تدريب عند دكتور الاول

                                              • رسالة منشورة

                                                بحبك ف الله ي عسوله💜💜💜

                                                • رسالة منشورة

                                                  كنت دايما لما اسمع صوتك برتاح نفسيا

                                                  • رسالة منشورة

                                                    السلام عليكم
                                                    من فضلك هو انا لما اصلي ومكنش لابشه شراب بس الاسدال طويل ورجلي مش بتكون باينه كدا غلط والمفروض البس شراب ؟
                                                    وعندي سؤال تاني من فضلك لما اختم جزء عم حفظ اكمل حفظ من 29 مثلا ولا ابدأ من سوره البقره ايه الاسهل
                                                    واسفه علي الاطاله انا لو بحفظ لوحدي مش بحفظ مع معلمه مثلا ومش عارفه الحفظ بتاعي صح ولا لا يعني التجويد والقراءه ايه اللي المفروض امد فيه كدا ففيه عليه اي وزر او كدا انا الحقيقه مبعرفش ارتاح للمعلمات يعني انا كواحده ممكن معرفش انطق زي مهي بتقول او باخد وقت طويل فالموضوع فيه احراج خصوصا اني 22سنه فمش هعرف أخلي معلمه تحفظني فكدا مشكله ؟

                                                    • رسالة منشورة

                                                      السلام عليكم يا روضة
                                                      لو سمحتي كنت عايزة اعرف اخدتي الإجازة من مين وبكام! ولو انتي ينفع تديها هتيدها بكام
                                                      شكرا حبيبتي

                                                      • رسالة منشورة

                                                        السلام عليكم
                                                        ممكن ترشحيلي كتب أو دروس عن الخطوبة والزواج
                                                        وازاى اقدر استغل فترة الخطوبة وايه المواضيع اللي اتكلم فيها ؟
                                                        وجزاكم الله خيرا💚

                                                        • رسالة منشورة

                                                          روضة المفروض في الطهارة المياه بتيجي على الجسم كله صحيح؟ افرض فيه جزء موصلوش مثلا! انا بترعب م الفكرة دي وبفضل ارش ماء بالهبل حقيقي هل لو نقطة موصلهاش يبقى كدا غلط ومينفعش نصلي وو
                                                          كمان ف الصلاة لازم شراب؟ ولازم قبل ما نمسك المصحف نتوضى!

                                                          • رسالة منشورة

                                                            كل عام وانتي الي الله اقرب ي غاليه🤍بصي حبيبتي انا دلوقتي متقدملي واحد هو مش موجود هنا مسافر والدته جات عندنا عن طريق وسيط وطلبت اننا نتكلم يعني علي الفيس او لحد م ينزل ويجي ونشوف بعض فانا دلوقتي مش عارفه يعني هل دا ينفع هما مش هيقروا فاتحه ولا اي حاجه والدتي موافقه علي كدا بتقولي عشان متتحسبش عليا خطوبه مثلا او حاجه زي كدا بس انا مش عارفه اتصرف ازاي هما المفروض جابولي صورته عشان اشوفها والمفروض اني ابعتله صورتي هما ناس محترمين وكل حاجه بس الفكره نفسها مش عارفه اتصرف ازاي وهو كمان انسان كويس علي حسب كلام الوسيط دا هو مصدر ثقه بس انتي فاهماني خايفه مثلا اني اكون هعمل حاجه غلط وانا مش واخده بالي هو اه الاهل اتدخلوا وعارفين بس ليه احساس اني دا حاجه غلط جايلي وهل احساسي دا فعلا واللي هيحصل دا غلط ياريت تفيديني

                                                            • رسالة منشورة

                                                              ربنا يجبر بخاطرك يادودا ويفرح قلبك ويسعدك ويعجل بزواجك وزاجى يارب ونفضل مش حقول اصحاب لا اخوات ياصديقتى ❤

                                                              • رسالة منشورة

                                                                ربنا يجبر بخاطرك يادودا ويفرح قلبك ويسعدك ويعجل بزواجك وزاجى يارب ونفضل مش حقول اصحاب لا اخوات ياصديقتى ❤