شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    انا مشكلة رقم 78

    انا والله بحب خطيبى جداا وحب سنين وعمرى ماطلبت منه حاجه ودائما حاسه بيه ومقدراة.
    وعارفة أن معندوش خلفية عن حاجات كتير واهلة للاسف بيحبوا ياخدوا بس ودايما حمل عليه وعمرهم ماسعدوة فى شىء وحاته يوم ماسألها عن موسم قالتله انا معرفش هوا بيجى ايه ومردتش تقول هوا صريح معايا وانا مقدراة وبحبه جداا وعمر مافكرت أن دا عدم تقدير منه. ويوم مابيجى يدينى فلوس برفض أخدها لانه مش ملزم بس هوا بيصمم أخدها
    ويوم ماجبتلة الهدية كنا زعلان شوية وبعتهالة لغاية عندة عشان افرحه

    واتبسط مجرد مافرح.
    انا بس زعلانه من كلام اهلى أن دايما بيقللوا منه

    وانا عمرى ماشفته قليل
    اهلى كل شوية دا حاته مش بيفكر فيكى ومش مقدرك ولا افتكرك حاته بهدية صغيرة

    هوا من شغلة للسكن
    وعمره ماكان بخيل

    بالعكس يوم مابنخرج بنروح ويبقى عايز نطلب مرا واتنين ونقعد براحتنا

    انا عايزاكوا تدعولى ربنا يخلهولى ويبعد عننا اى شىء وحش

    انا عينى مليانه وعمرى مابصيت لفلوس أو شىء

    بس بزعل من كلام اهلى
    لأن مبحبش حد يقلل من اى حاجه معايا

    • رسالة منشورة

      انا تعبانة جدا محدش بيحبني لنفسي بيحبوني عشان اللي بقدمه، بيحبوا اني بساعد وبسمع وبتقبل اي حاجة منهم وبعذرهم وبسعدهم محدش بيفكر فيا، ليا واحدة صاحبتي بتحب العزلة ومقتنعة ان محدش حبها بس هي مع الناس كلها كدا بس معايا مكنتش كدا وفجأة بقت بتتعامل ببرود وتجاهل وبتحسسني اني تقيلة مع انها بتحبني انا عارفة بس مش عارفة اتعامل معاها عشان بتجرحني وحابة تفضل لوحدها اتعامل ازاي

      • رسالة منشورة

        السلام عليكم
        مشكلتي هيا ان اختي عندها ١٣او ١٤ سنة وانا بصراحة نفسي انها تلبس حجاب شرعي كما امرنا الله تعالى وطبعا السن ده شرعا لازم يلبس حجاب بس انا بحاول أقنعها بس هيا مقتنعة بس بصعوبة جدا جدا وكمان بتحاول انها تفرد رأيها ودا طبعا عشان العيال الصغيرة اصحابها بتاثر عليها بشكل جامد فأنا كل مقنعها تقولي اشمعنا صحابي وليه انا اللي هلبس حجاب بس دي مش حجة امام الله فأنا عايزة منكم انكو تساعدوني ازاي أقنعها بيه وازي اخليها تحبه وكون مبسوطة بيه طبعا بالحجاب وكمان لما اصحابها ينتقدوها ازاي اقول لها أن هما اللي غلط وانتي الصح وايه رايكم في انها تلبس حجاب ايه يعني ومع العلم انها جسمه مش كبير فالبسها ايه

        • رسالة منشورة

          معليش يا بنات نسيت حاجة تانيه عارفه انى طولت بس مافيش غيركم هيساعدنى
          انا بتاعت مشكلتى انا و قريبي
          كنت مخطوبة قبل كدا و لما فسخت ف الفتره اللى اتكلمنا فيها انا و قريبي قالى متزعليش منى انا حاولت افشكل الموضوع دا كتير و مكنتش عارف اعمل اى عشان مكنش اختيار صح يعني و خايف عليا
          ياريت تساعدوني انا متخلطبه اعتبروني اختكم يا بنات و مش تطنشوا اة طولت عليكم بس مالناش غير بعضينا والله ⁦♥️⁩😂

          • رسالة منشورة

            هو انا بحب واحد اصغر مني بس مش بكتير يعني الفرق بيناا شهور لاكن انا اكبر ف الدراسه هو حد كويس جدا معاياا وبيحبني جدا بيخاف عليا وع زعلي وبيبقا خايف ديماا م إني اسيبو وكدا هو كان بيكلم بنات كتير بس م اول ماعرفني مش بيكلم حد احنا كنا ف الاول صحاب وكدا وكان بيحكيلي ع كل حاجه يتحصل معاه واتغير كتير للاحسن فانا مشعارفه اعمل اي علشان فرق السن دا

            • رسالة منشورة

              كنت بحب واحد من زمان وبعدين جه أتقدم وبابا مش رفضه ومش واقف قالوا انت لسه مش عملت حاجه لنفسك بس انا بحبه جدا وبعدين حصل بينا مشاكل وبعدنا وجه اتقدملى واحد كويس جدا وهما كانوا عايزين أوافق عليه وانا مش واقفت ورجعت انا وحبيبي تانى ودلوقتي هما مش موافقين عليه فاكرين ان هو اللى خلاني مش أوافق ع العريس اعمل اى ساعدوني؟ 😥 علشان انا تعبانه جدا ومش ببطل تفكير وحاسه انى خلاص بدمر نفسيا

              • رسالة منشورة

                اسفه انا نسيت اقول حاجة انا مشكلتى اللى هى أنا و قريبي
                انا حلمت بيه ف ايام شعبان اللى كان فيها صيام ف اليوم التانى 💙

                • رسالة منشورة

                  مشكلتي بسيطه بس محتاجه رايكم عشان محتاره و متلخبطه جدا
                  انا ليا واحد قريبي بس مكنش قرايبني غير من فتره و بقينا نسأل ع بعض و نتكلم و نهزر و كل ما يشوف صورة ليا ف اى مكان يعمل لاڤ و قلوب و يقولى قمر و كدا مع العلم أنه محترم جدا و مافيش ف أخلاقه و معروف عندنا ف العيله أو برها بكدا و بعد كدا قعدنا سوي أهله و اهلى قعده عاديه جدا قعده أهل يعني سوي و مكنتش شوفته من زمان غير كان كلام بنا بس و لما كنا قاعدين بعتلى مسدج و فضلنا نتكلم كتير و نضحك و نهزر و محدش عارف أننا بنتكلم و كل شوية يبوصلى و يضحك و كان مبسوط جدا فى انا مش عارفه هو ممكن يبقي فى قلبه حاجة ليا و مثلا خايف يقولى عشان خايف من رد فعلى و اننا قرايب و يخسرني بس من يوم ما قعدنا و انا فكرت فيه كذا مره مش عارفه دا اى
                  كل شوية افتكر نظراته ليا و هزارنا و احنا قاعدين و محدش واخد باله مع العلم ان لما بكون بنتكلم مسدجات بيبقي مبسوط جدا و بينتهز اى فرصه و يعلقلى ع اى حاجة و يفتح مواضيع و بهزر معايا لدرجه انه لو بعتلى ريكود مثلا بحس فى صوته بفرحه و بيضحك ضحك من قلبه بجد
                  ف ممكن تساعدوني لان انا محتاره و متلخبطه ممكن تقولولى من وجهه نظركم دا بيحصل عادى عشان احنا قرايب و لا فيه حاجة مع العلم مكنش قريبيين من بعض غير من فتره و حصل كل دا
                  و اسفه لو طولت بجد و شكرا لكل بنوته هتساعدنى 💙

                  • رسالة منشورة

                    اتعرفت علي شخص وهو مشاءالله يعني ظابط فشايف نفسه شويه وبقينا اصحاب وبنتكلم تقريبا كل يوم وللاسف حبيته ومن فتره لمحت ليه بالموضوع قال انه مش عاوز حد يعدي معاه حدود الصداقه ومن وقتها متكلمناش بس مش عارفه ابطل تفكير فيه ونفسي اكلمه بس اكيد مش هعرف اجي علي كرامتي علشانه ممكن حل 🙁

                    • رسالة منشورة

                      مشكلتى ان انا بضايق من بنات كتير بتكلم ولاد وحب ورومانسيه وكده وهما اصلا عايشين ف وهم وده من صغر سنهم واما واحده تيجى تسالنى بنصحها بس بتحسسنى انى بضلها وانى مش فاهمه وهوا بيحبها يعنى مثلا واحده ف تالته اعداداى ليسا صغيره
                      مهما كانت شايفه نفسها كبيره تصاحب ولد وتخرج معاه وتتقابل وتبعت صورها
                      هىى مش خايفه من ربنا
                      مش خايفه ع سمعه اهلها
                      مش خايفه يفضحها مثلا

                      • رسالة منشورة

                        هاااي
                        أناا طبيعتي اني انسانه فكهيه اووي لدرجه انه من كتر الضحك بقاا ف تجعيد مكانه بس الحقيقه ان الضحك دا بيكون قدام الناس بس وانا حياااتي كلهاا بتكون ف غرفتي كلاا ساعات بتيجي عليناا فتره مش بنحب نفتح كتاب بس الفتره دي بردوا بكون ف اوضتي دايماا بكون اوبتخيل بيني وبين نفسي اني. شخص اجتماعي أن أناا الشخصيه اللي مش بتحب انهاا تكون انطوائية
                        بس للاسف دا مش حقيقه
                        حاولت كتير اني اكلم حد أو اكلم الناس الجنبي بس بحس بإحساس الخنقه
                        لدرجه انه م كتر المملل والخنقه بقيت بكتب قصص وبسجلهاا بصووتي والحمد لله سمعتها لي اتنين قريبين لقلبي حبوهاا كنت عاوزه اني اعمل جروب أو حتي اعمل قناه ع اليوتيوب وبردوا عملت مونتاج لصوتي بس اترددت وخفت خفت اني لما انزل الللنك بتاع القناه أو الجروب ع الواتس كل الناس الحولياا بستزرفوا. ارجوا الرد هل أنا فعلاا محتاجه دكتور نفسي

                        • رسالة منشورة

                          بصي هيا دي مشكله ولا حاجه انا عاوزه حد يقولي نصيحه وكدا يعني
                          انا بحب واحد بقالنا سنه وكدا وهو بيحبني كدا عرفنا بعض عن طريق واحده صحبتي وكدا وهو جارهم وكدا وانا عارفه عيلته وبحبهم جدا جدا يعني وهما كمان بيحبوني هو بيحاول يعمل المستحيل عشان يخليني مبسوطه ونفسه يشوفني احسن واحده بس اوقات بحس انه اما بينحصني وكدا بيبقا عاوز يتخانق بس بعدها بيراضيني علطول وبيشتغل عشاني عشان يحقق حلمي وقالي كل حاجه انتي بتتمنيها هنفذهالك اوقات اما بنتخانق بس ان احنا كدا مش بنحب بعض بس تاني يوم بنلاقينا صالحنا بعض وبيقولي انه هيسافر ويشتغل عشان يجي يتقدملي ف اقرب وقت وحقيقي نفسي اكمل معاه بقيت حياتي دا انا حتي اما بشوف ولد بقرف ابص ليه لان هو مالي عيني جدا وبدعي ربنا اني اكمل معاه حياتي بس ديما بيطلع لينا عقبه فالنص بسبب ناس بيدخلوا حياتنا يبوظوهاا بس هو بيقاوهم
                          بحبه جدا والله ف مش عارفه اعمل اي ف اي حد يحاول يوقع بينا

                          • رسالة منشورة

                            بوصى انا تعبانه اوووى وكل حاجه بتروح من ايدى بسهوله وكل اللى حواليا منافقين حتى صحابى انا بقيت بكره اتكلم مع واحده فيهم كلهم بتوع مصلحتهم ونفسى بجد الاقى حد يفهمني لأن كل اللى حواليا مش فهمنى خالص ونفسى ارجع زى الاول بس مش عارفه ايوا انا قصرت فى حق ربنا كتير وظلمت نفسى كتير وحبيت واحد وكلمته بس اهلنا رافضين بشده قوليلى اعمل اي

                            • رسالة منشورة

                              مش عارفه ابدأ منين بس انا مشكلتي مع بنت البنت دي بتحب واحد وكانت مرتبطه بيه فا جيه في فتره وسابها وبعدها جيه كلمني وعن كم التلميحات والاهتمام والحب الي كان بيقدمهلي لحد ما انا صديته قولتله خلينا صحاب الكلمه مهزتهوش وفضل علي وضعه لحد مانا خلاص اتعودت انه مش ويتغير عن كده بس فجأه البنت دي عرفت مكنتش سهله وفضلت تلف وتدور لحد ماسبني ورجعلها تاني ورجعو تاني بس رجعوا سابو بعض كل دا مش مشكله المشكله في اني مش عارفه ازاي اوجها وافهمه انه مخيصنيش ومش شغلني ولا يهمني في حاجه ولا يستحق أن يبقي جواها من ناحيتي كل السواد والقرف دا انا بس نفسي ربنا يهديها هي وكل الي زيها

                              • رسالة منشورة

                                صحابى غدارين يا باشا 🙂

                                • رسالة منشورة

                                  بصي بقا مش عارفه هبدأ ازاي 😂 انا كان في علاقة بتربطني ب شخصيتين و كنا كويسين مع بعض جدا بس الشخصين دول مش سالكين من ناحية بعض بمعني انهم زي ما تقولي بيكرهوا بعض بس برده العلاقات كانت تمام يعني المهم بعد كده حصلت مشكله بيني و بين حد منهم و اتخانقنا و بعدنا ف الشخصية التانيه اصلا ملهاش علاقه بالمشكلة بس هي طلعت زبالة جدا معايا و جيت اكلمها بعد كده علي أساس ان هي ملهاش دعوه بالمشكلة بس هي مردتش عليا و كمان زودت المشاكل دي و قالت كلام وحش جدا عليا و طلعت حوارات محصلتش و كمان راحت للطرف التاني و قالتله عني كلام وحش علشان تكرهه فيا و انا حلفت اني هنتقم منها ف لما المشكلة انحلت و رجعت كلمت الطرف التاني جات هي أول واحده كلمتني و عاوزة ترجع علاقتي بيها كويسة تاني بس برده كانت من ورايا تروح تعمل مشاكل و تيجي ادامي برده عاوزة تكرهني ف الطرف التاني ده ف انا حبيت انتقم منها قمت قايلالها كل حاجة كان الطرف التاني بيقولها عليها و رجعت قولت للطرف التاني ده كل الكلام اللي قالته عليه😂عموما الكلام اللي انا نقلته بينهم ده انا مكدبتش فيه ولا زودت عليه حاجه، و طبعا اللي نتج عن ده ان الشخصين دول بعد ما كل واحد فيهم عرف اللي جوا التاني من ناحيته بطلوا يعملولي انا مشاكل ف النص و بقوا كويسين معايا جدا و بقيت انا اللي ف النص 😂😂لدرجة ان كل واحد فيهم جه و اعتذرلي! متخيلين! اعتذرولي و قالولي احنا كنا ظالمينك و بتاع 😂بس برده كل واحد فيهم مستحلف للتاني انه يدفعه التمن غالي و خصوصا ان الكلام اللي انا نقلته ده مش سهل تؤ تؤ ده أعراض ناس و خراب بيوت و لو واجهوا بعض ب الكلام ده ممكن يقتلوني بس انا والله ما جبت من عندي حاجه هما اللي قالوا الكلام ده و هما اللي اضطروني بتصرفاتهم الزباله اني اعمل كده ف انا دلوقتي حسه بالذنب و حسه اني (قتاتة) اللي هو بمشي انقل الكلام بين الناس و ده حرام 😭و من ناحية خايفه يكرهوا بعض اكتر بسببي 😭و من ناحية خايفة يواجهوا بعض و هطلع انا اللي وحشة وكده و انا اللي هروح فيها ف الأخر 😭و من ناحية انا نفسي اقطع علاقتي ب الاتنين دول لأن هما ف المجمل باردين جدا و بتوع مصالح ونا مش فايقة لحد،

                                  • رسالة منشورة

                                    بحب واحد وكل مره يخذلني

                                    • رسالة منشورة

                                      انا بكلم شخص معين هو بيحبني جدا والمفروض اننا هنرتبط رسمي كمان شهور قليله بس فيه شخص تاني قريبي كنا بنتكلم عادي بس هو راح الجيش وبعد اما بعد حسيت اني فعلا كنت متعلقه بيه وبحبه وعارفه ان هو كمات بيحبني بس هو مش بيتكلم هو بيلمح بس لأنه بيفضل ان العلاقه تفضل بعيد عن الارتباط الغير رسمي لحد ما يقدر فانا دلواقت مش عارفه اعمل اي ابعد عن الي بيحبني وبكلمه دا مع اني مش حاسه اني بحبه هو يمكن ارتحت عشان قرب مني ف وقت كنت محتاجه فيه الاحتواء والاهتمام دا ولا افضل معاه وابعد خالص عن قريبي الي متاكده اني بحبه ؟مبقتش عارفه حاجه خالص

                                      • رسالة منشورة

                                        انا مش عارفه أبدا مشكلتي ولا احكيها ازاي انا مخطوبه وفرحي قرب وكنا بنحب بعض قبل الخطوبه انما دلوقتي حاسه ان بييجي وقت ومش عايزه تكلم خطيبي ولا ابقي طايقه اي حد من أهله وفي وقت تاني اكون حباهم جدا وفرحانه وانا بكلمهم اكتشف أن دا بيحصل لما بيكون هو كويس معايا ومن فتره لقيته بيتكلم في حاجات مش وقتها وعايز كل كلامنا حب وغرام وان انا اكون ماشيه ع هواه ولما معملش اللي هو عاوزه يقلب عليا ومعاملته تتغير معايا ويرجع يقول انا بحبك وهتغير عشانك وطلبت اننا نسيب بعض اكتر من مره بس هو كان بيوقف ليا ومش بيوافق ويقولي بحبك ومقدرش اعيش من غيرك وانا مقدرش بردوا ابعد بس هو مقصر معايا كا كون واحد مع خطيبته ودي حاجه بتزعلني تني مش بلاقيه مقدرني وعلي طول يقولي انا عايش في نكد وغم ومش عارفه اعمل ايه انا باجي في وقت مش ببقي قادره ابعد ووقت تاني مش ببقي طايقاه

                                        • رسالة منشورة

                                          مش بعرف اخد على حد بسرعه
                                          محتاجه شهور
                                          والموضوع عاملي مشاكل

                                          • رسالة منشورة

                                            بصى انا تعبانه ومخنوقه وحياتى متلغبطه جدا انا مخطوبه وبحبه وهو بيحبنى بس انا عايزه اسيبه لان اسلوبه وحش جدا معايا وطريقته وكل حاجه اوقات بيبقى حلو وفى ثانيه بيقلب اكنه واحد تانى معرفوش وصلت انه غلط فيا وفى اهلى كمان انا نفسى ابعد وكل اما يحصل مشكله وهنبعد خلاص معرفش بنكمل ليه انا عايزه ابعد لان حصل مشاكل كتير جدا و لسه هيحصل لو فضلت مكمله معاه بس عايزه حد يشجعنى على الخطوه دى عشان ابعد وانا راضيه 💔💔💔

                                            • رسالة منشورة

                                              انا عندي مشكله فعلا وبموت بسببها حرفيا 🙂
                                              انا بحب واحد بعد سنين كتير جه هو العوض ليا فعلا انا شوفت كتير م الناس وم الرجاله عمتا كان نفسي انا عندي مشكله فعلا وبموت بسببها حرفيا 🙂
                                              انا بحب واحد بعد سنين كتير جه هو العوض ليا فعلا انا شوفت كتير م الناس وم الرجاله عمتا كان نفسي اتحب زي م اي حد بيتحب
                                              بس للاسف غلط كتتير يعني غلط مغفور اللي هو كلمت اكتر م حد
                                              وللاسف اللي بحبه دا عاوز يتقدملي بس انا كنت بكلم صحابع وهي اكيد عيبه ف حقه ومش عارفه اعمل اي انا مش هينفع ابعد عنه وحياه ربنا فعلا انا اتغيرت كتير عن زمان وربنا اللي عالم انا اتغيرت ازاي 🙂🙂🙂🙂
                                              منكن تنزليها م غير اسم اتحب زي م اي حد بيتحب
                                              بس للاسف غلط كتتير يعني غلط مغفور اللي هو كلمت اكتر م حد
                                              وللاسف اللي بحبه دا عاوز يتقدملي بس انا كنت بكلم صحابع وهي اكيد عيبه ف حقه ومش عارفه اعمل اي انا مش هينفع ابعد عنه وحياه ربنا فعلا انا اتغيرت كتير عن زمان وربنا اللي عالم انا اتغيرت ازاي 🙂🙂🙂🙂
                                              انصحوني ي بنات اعرفه ولا اعمل اي ولو معرفتوش هو اكيد هيعرف م بره 🙁

                                              • رسالة منشورة

                                                كنت محتاجه بس حد من الدفعه بتاعت ايه وبسمه لو فاضي ممكن يتابع معايا مراجعه وكده لأني مش قادره اعمل كده لوحدي ممكن💓

                                                • رسالة منشورة

                                                  انا بس عاوزه نصيحه لأني في ثانوي عام ..وبعد اللخبطه اللي حصلت دي أنا مزاجي ونفسيتي اتغيروا بس للاوحش مده مذاكرتي قلت علي الرغم من أن أنا كويسه وماشيه كويس بس ساعات بيجي علينا فتره بنتغير بس في حلم ولازم نوصله أنا زعلانه من نفسي علي كل وقت بيضيع ومش عارفه اعمل ايه؟؟

                                                  • رسالة منشورة

                                                    هي مش مشكله بس انا عايزه كل البنات تدعيلي اتجوز اللي بحبه لان الموضوع صعب جدا 💔

                                                    • رسالة منشورة

                                                      مش عارفة انا هكون اول مشكلة ولا ايه بس هتبقي بشرة خير بوصو يا بنات انا كنت بحب واحد والواحد ده مكنش شايفني اصلا زمان وانا كنت مدلوقة جامد وكان من أقل حاج8ه بيسبني او انا اللي پسيپه وهو مبيتميكش بيا وطنا نقعظ فترة محترمة يعني وبعد كظه الاقيه باعتلي فا أنا منكرش إني كنت بحبه بس مع كل مره كنت برطعله فيها كانت بحس اني مش زي الاول المهم اننا كنا بنسيب بعض في الاغلب بسبب اثحابه البنات وجيرانه وكظه كان بيحب يتكلم معاهم اكتر مني اصلاً ومره في مره الاقيه هو اللي بدأ يصاحب بنات من علي النت بس مبيرتطبتش بيهم هو بيتعرفوا بس وكان بيرجعلي كتير ويقولي انا لسه بحبك وحاكي عني لكذا حد ووصلولي الكلام انا حتي اصحابي مبينصحونيش بحاجه ومتلغبطه جدا لانه عاوز يرجعلي الوقتي كمان انا مش من بلدكوا انا واحده صحبتي من بلدكوا اللي قالتلي علي الحروب ده وانا قولت هكتبلكوا مشطلتي وكمان انا حاسه اني بعدت عن ربنا جداً وبحس بخنقه كبيرة ساعات والشخص ده حاطط في باله اني ظلمته وانا مش فهماه انا يمكن كلامي بيبقي صعب معاه بس اعمل ايه يا بنات هو انا كده غلطانة

                                                      • رسالة منشورة

                                                        فيه حد انا وهو المفروض مرتبطين من سنين يعني وهو كويس معايا وعمره ما عمل موقف يأذيني ودايماً يعني خايف عليا من المشاكل بس هو شخصيته شخصية تقيلة شوية و ردوده اوقات بتكون غريبة كدة بس مع كله مش معايا بس انا المفروض اتقبل دة ولا اعمل ايه