What's on your mind?

A little kindness goes a long way.

Image, audio or video · up to 10 MB

Your message is only public if the profile owner publishes it.

Profile questions

No questions published yet.

Public messages

  • Public message

    واقفة في الشارع
    فجأة عربية نقل من الكبير دي اللي بتخوف كل الناس جات ناحيتي وهي مهدية خااالص وهوب لبسني في السور اللي ورايا...
    وكنت في ذهول...
    كنت في لحظة هفقد رجليا خلاص لأن السواق زنق رجليا بين عجل العربية وبين السور وأنا يعني العجل أطول مني أصلا 😁
    صوت ورفعت وشي ليه عشان أقوله إرجع روااا ماتطلعش لقدام هتموتني ماسمعنيش لأن الشباك كان مقفول وطلع لقدام فعلا بغبائه وزنق رجلي اكتر وركبتي طبعا...
    في ثانية بصيت للسما وقلت خلاص كدا يارب نعمة رجليا هتروح...
    في ثانية واحدة بس لقيته رجع لورا بعد ما قطعني من الألم..
    اترميت ع الأرض مش حاسة برجليا.... وخلاص أنا عارفة انهم راحوا...
    الناس اتلمت عليا مع إني كنت ف طريق شبه مقطوع ف اسكندرية...
    ربنا من رحمته وقفلي ألف ولاد حلال وألف عربية.... بس من وسط كل دول كان فيه صوت غريب... واحدة بتصوت... معقول تكون ماما شافتني...
    وأنا لسه بين عجل العربية والسور برده كانت بتصوت وبتحاول تحشر نفسها رغم سنها الكبير عشان تدخل لي بين العجل والسور وهي عمالة تقول
    ياقلب أمك ياضنايا.... يابنتي ياحبيبتي... انا كنت ساعتها بعيط زي منا بعيط وأنا بكتب الكلام دا دلوقت...( عمري ما انساها وبدعيلها لأنها خلتني اطمن)
    ولما العربية رجعت لورا واتفكيت ووقعت جريت عليا حضنتني.... وقالتلي
    مالك يااما انتي كويسة يابت... ياضنايا ياريتني انا بدالك...
    ماتخافيش أنا جنبك....
    اديتها شنطتي وموبايلي وقلتلها امانة لو حصلي حاجة تديهم لأهلي...
    حضنتني جامد اوووي وقالتلي بعد الشر ياضنايا ماتخافيش.... وببص في وشها افتكرتها.... دي الست اللي كانت شايلة شنطة تقيلة وعايزة تعدي الطريق وانا رايحة اشيل عنها الشنطة ملحقتش وكانت خبطتني العربية... ايوا هي... معقووول يارب بسرعة كدا الخير بيترد...

    بدأت الناس تحرك رجلي وتشوف جرالي إيه..
    وهنا كانت المفاجأة أو خلينا نقول المعجزة واللطف الخفي والمعنى اللي عمره ما كنت هفهمه لاسم الله "اللطيف"
    ربنا سبحانه وتعالى أراد إنه مايحصليش كوارث وكان كفاية الرعب اللي شفته...
    صحيح أنا عشت اوقات مؤلمة لأن الكدمات ما بتتعالجش لكن تسوى إيه قصاد ان رجليا سليمة ومعافاة ومافيش كوارث...
    دلوقت بس عرفت قيمة رجليا اللي ماكنتش مقدرة اوي قيمتها وقيمة كل نعم ربنا....
    اما اللي واجع قلبي إني اتحرمت لذة السجود في الصلاة لأن لسه ركبتي صعب اثنيها في وضع السجود....
    ماكنتش أعرف إن السجود دا نعمة كدا اوووي... يااااااه
    مشتاقة جداااا إني اسجد سجدة طويلة لله في صلاة وهحس ان ربنا راضي عني لو السجدة دي في الحرم....
    ماتزعلوش من أي ابتلاء دا احنا والله العظيم فعلا بنحتاج الابتلاء عشان نتعلم نحس ونشوف اللي مش شايفينه
    اللهم لك الحمد والشكر يارب ♥️