-
◌ رسالة منشورة
احبكم
-
◌ رسالة منشورة
السلام عليكم طبعا ذاك اليوم ضجت من سالفه وهي الأنتقاص من المقابل
يعني جنت امشي وشلة مال بنات سمعن ولد حجايه مو حلوة لان لبسه بسيط ومعلومه للبنات ترة هذا احسن منج ومن غيرج يمكن انتي اهلج متمكنين وخلوج حته لو موازي لو مسائي لو شوفي شنو هذا الطالب رغم حالته المعيشيه يجوز ضعيفه او اي شي بس يبقه احسن منج لان هوة سوة نفسه مو غيرة سواه
-
◌ رسالة منشورة
شنو السنه ماكو حفلة تنكرية ??
-
◌ رسالة منشورة
حياكم الله اكو مشكله واتمنى تنحل عدك ذولي الي يگدون بالشارع الي يم باب الصناعه الله وكيلك حتى بلوزاتي صارن عريضات من وره السحب واللزم
-
◌ رسالة منشورة
سلام عليكم
اريد مساعدة طلاب التكنو عندي حسابي بالفيس سدو الشركة واني كلش محتاجه عندي شغل بي 😭 اكيد اكو طلاب بجامعتنا عده خبره بهيج سوالف
-
◌ رسالة منشورة
زين الشباب افتهمنه موضوعهم..زين بالنسبة للبنات ولبسهن العبارة عن حصر وفضايح ..وضحكهن !العالي ..شنو وضعه
-
◌ رسالة منشورة
اكو واحد يكعد باب كافتيريا علوم تطبيقية يدرس مسائي يمكن ٢٤ ساعه كاعد بلباب مال كافتيريا وماعنده شغل ولا عمل غير بس يذب حجي للبنات وشنو يسمعهم يحجون يكنك وياهم ويحجي هاي عدا باقي سوالفه تعبانه ولطلطه للبنات اتمنى ينتبه ع هذا شي لان عيب مو بشارع كاعدين
-
◌ رسالة منشورة
السلام عليكم طبعا احب أشكر صاحب/ه التعليق الي قبلي جديات صارت ضاهره الفشار وبصوت عالي كلش غير محترمه وغير لائقه بطلاب جامعين وخصوصا مقابل البنات واكو بعض الشباب من نفوت من ينعم يتعمدون يعلون صوتهم وبالفاض متليق بيهم والبعض الثاني من واجهناهم جان ردهم انو الفشار والميانه الزايده هيه يعني علاقتنه كلش متينه ومن باب الاخوه ترى ما كو هيج شي أبدا احترام النفس والذوق يبقون مهما كانت علاقتك قويه بااصدقائك لان انت ..بمجتمع جامعي مختلط
احترامي
-
◌ رسالة منشورة
السلام عليكم ..اني هم ضايجه من سالفه الفشار أكثر من مره اسمع الولد يفشرون وكلام كلش محلو وغير لائق وانته طالب بلجامعه ووياك بنات مو بس ولد
-
◌ رسالة منشورة
السلام عليكم اكو ظاهرة بجامعتنه تكررت اكثر من مرة واكثر من طالب ديسويهه اللي هي الفشار بينهم وبصوت عالي يعني انت طالب كلية المفروض مثقف وواعي ليش هالفشار بصوت عالي وبنات وياكم مو بس ولد يعني والله حته اخجل افوت من يمهم بعد
-
◌ رسالة منشورة
ونفس شكوى الي مشتكي من الگروبات الي يمشون بطيء ويسدون الطريق .. نفس الشي الي يفوت من باب الصناعة راح يعاني من الي يمشن بطيء ويسولفن ويضحكن والي وراهن مستعجل وهن ولا كأنه اكو احد غيرهن وهو الطريق ضيق يعني لو ما بنات جامعة والمفرووض مثقفات وتحسن .
-
◌ رسالة منشورة
اكثر شي مزعج بحامعتنا هي بمجرد ما يشوفون ولد واگف يم بنية يگولون اكوو بينهم شي! ترة مو شرط! يعني كلش عادي انهم يكونون اصدقاء ! والصداقة بين الولد والبنية مرات تكون اقوى من الصداقة بين ولد ولد او بين بنية وبنية !! ف ياريت نكبر عقلنا ونبطل نحكم ع الناس بلا منعرف !
-
◌ رسالة منشورة
عندي شكوى ضالة بكلبي من بداية السنة
مرات ع الجسر مال سريع يتمشن بنات كروب واحد وعلكيفهن ويسدن الطريق يعني اجي ب٨ مستعجل وهن يتمشن علكيف وماكو مجال لان يتمشن سوة وماكدر اعبرهن
فرجاءا خل يراعن هلشي
-
◌ رسالة منشورة
بنات يوكفن بنص طريق خاصه بمرر مال باب صناعه لو يم كافتريه دكول بيت مالهم 😡
-
◌ رسالة منشورة
كافتريا الكهرباء!
صديقي هي الكافتريا صغيرة واغلب الطلاب اللي يكعدون بيها من غير أقسام اصلا على الاقل لمن تخلص اكل كوم من الميز اكو امكان وحدايق تكعد تسولف بيهن ويه صاحبك مايحتاج تحجز ميز كامل تره ماصايرة يعني هو باليوم كله نحصل النا ريست واحد بيه خير نلحك نروح ناكل بيه نجي نفتر ماكو ولا مكان فارغ صدك جذب
-
◌ رسالة منشورة
سلام عليكم اني طالب بلجامعة مرحلة ثانية اكو فقرة اتمنى الكل ياخذ الامر على محمل الجد الموضوع يخص مكتبة الجامعة يعني احنه نروح للمكتبة غير لان مكان مخصص للقراءة والكتابة والمطالعة يعني المكتبة صايرة سنتر مخليه ندوة شعرية وطرح مشاكل يعني ترة هاي مكتبة يا ناس مو مكان عام أو حديقة أو كاعد بلكافترية انت طاب مكتبة احترم المكان اوكي عندك مشكلة وية احد أو تريد تنهي علاقتك وين حبيبتك أو تريد تلقي شعر وية الكروب اتفق بمكان السنتر جوه السقيفة يم الطيارة أو بحديقة المعامل ترة اكو هواي اماكن حلوة مناسبة لهاي الامور فأتمنى منكم واحنه كلنا شباب وبنات مثقفين ودارسين وتعبانين على روحنة واحنه فلازم كل مكان ندخله نراعي حرمة المكان الداخليله موبس المكتبة اي مكان كان .. وتحياتي واعتذر على الاطالة وشكرا الكم الى انشر
-
◌ رسالة منشورة
السلام عليكم. ممكن استفسر عن الدورة مال اللغة الانكليزية . يعني الي يشارك شنو شرح يسوي و منو الي رح يلقي الدورة (طلاب خريجين او اساتذة).و الطالب الي بغير جامعة الي بغير جامعة اله حق يسجل بالدورة مو ؟ و شكرا ......
-
◌ رسالة منشورة
هندسه الحاسبات والنفط الاربعاء زورونا تنورونا😍 فرحتنا وياكم وبوجودكم تكمل. شاركونا ❤️😍
سولنا اعلان #بيج تكنو