What's on your mind?

A little kindness goes a long way.

Image, audio or video · up to 10 MB

Your message is only public if the profile owner publishes it.

Profile questions

No questions published yet.

Public messages

  • Public message

    ادعولي انجح وربنا يجبر بخاطري انا بعد ١٠ سنين بعيد توجيهي طبعا بعد عنا كتييير كبير ..... عمري ٣٠ وحالي مو متل حال البنات ما بطلع ما بروح ما معي تلفون الدنيا كلها تغيرت وانا لسا مكاني امانه ادعولي ربنا يجبر بخاطري حل الوحيد اعيش متلي متل غيري الدراسه امانه تدعولي والكم بالمثل انشالله

    • ReportProfile owner's reply

      تم

  • Public message

    مرحبا صبايا "المتزوجات"
    أفيدوني من خبرتكم وتجاربكم في فترة الحمل شو الشغلات الممنوعة للحامل وشو الشغلات إللي لازم أركز عليها من أكل وغيره
    وشكراً 🌹

    • ReportProfile owner's reply

      تم

  • Public message

    مرحبا بنات بالله عليكم تعطوني جواب وتبردولي قلبي ليش الزلمه بس يتزوج غريبه وتسير مشكله بينهم اول مابفكر يتزوج عليها بتزوج بنت عمته ولابنت خالته ليييششش ليش بتحلا بعينه بعد مايتزوج غريبه طب ليه ما اتزوجها من قبل واختصر على بنات الناس
    انا كنت متزوجة واحد غريب وصار خلافات عائلية بينا قبل العرس بيوم واخواته قلوله روح طلقها وبنعطيك المؤخر وبنزوجك بنت عمتنا هو مارضي طبعًا وقال انه احنا التنين ما النا دخل بهاي المشاكل بعد فترة من الزواج صار خلافات بينا طبعًا تفاههه وهو بروح بشكي لوحده من اخواته الي بحبها وهي بتنقل لخواته التانيات وفورًا برنو عليه وبقلوله طلقها وبنزوجك بنت عمتنا لحد مابطل يطيقني وصار بس بده يخلص وراما عليي الطلاق لما كان معصب وبنفس الاسبوع الي طلقني فيه راح خطب بنت عمته
    بنات كان بكره بنت عمته كره العمى وكانت على علاقه باخوه وراح اتزوجها مابعرف كيف وهلى بموت عليها هو واخواته
    وبقلولي الناس مدللينها غير شكل
    طب ليش هيك ليش طفشوني ودمرولي حياتي كان اخدوها قبل مايطلبوني ليش بلوني فيه

    • ReportProfile owner's reply

      تم

  • Public message

    باختصار 🙄
    بتعرفو لما الشباب يكونو يتشرطو على العمر و كانهم اخر حبة؟
    اخوي اخدها خطوة زيادة و بده وحدة بين 15 و 18 هي الشغلة قانونيا عادي بس ايش هالتخلف و ايش احكيلو؟؟
    للان ما رديت عليه هالنضوة الله يحفظ كل الاخوان يا رب
    و مخطط كمان و حاط عينه على اكثر من وحدة بده ايانا نشوفلو اياهم

    • ReportProfile owner's reply

      تم

  • Public message

    بنات انا مرة عمري ١٨سنة تجوزت بعمر ١٥ عندي طفل عمرو سنة ونص وجوزي عمرو ٣٣بضل يضرب كثير مع إنو اهلي نبهو عليه اهلي خيروني اذا بترك الولد بطلقوني وامي حكت انا بكمل دراستك وباخد ابنك وحاولت كثير مع جوزي ع الفاضي لهيك شو بتنصحوني ممكن تتأكدو اذا مجهوله الهوية

    • ReportProfile owner's reply

      تم

  • Public message

    صبايا والامهات بدي اقتراحاتكم،
    اسمعو مخنوقة ع اخواني ومش عارفة شو اعمل،
    هسا بلشو عطلة تقريبا، حابة امسك اخواني واخليهم يستغلو الكم شهر هدول باشياء مفيدة،
    بس التلفونات ماكلة عقلهم، وحاساهم ضاعو بديش يخربو خصوصا صحبة المدرسة مخربة عقلهم💔
    وامي وابوي عم بجاهدو عليهم بس عبث وحزنانة عليهم والله قديه في براسهم الف هم وشغلة مش ملاحقين
    ف اخواني برقبتي هسا
    مفكرة امسك خواتي اسجلهم بنادي قرآن
    اوديهم ولا اخليهم بالبيت يتعلمو احسن؟
    واخواني شباب بشتغلو بالعطلة بس انه بدي برضه اأثر عليهم بأفكار كويسة خصوصا ع التلفون
    انا كل فترة بشوف شو بتابعو وبكتشف انه كل الي بحضروه تافه😭بعطيهم اسماء قنوات وناس مفيدة بس بسلكولي بعدين برجعو للهبل
    والاغاني كمان كثير حكيت معهم ولسا بجاهد عهاد الموضوع معهم
    ايش اعمل معهم اعطوني افكار واقترحوا علي امانة😭

    والله ابوي شيخ ودرس عند علماء كبار ومثقف وكل الصفات الحلوة فيه بحمد ربنا ع هيك اب، بس ليه اخواني مو متله بحس اني بخجل منهم اوقات☹️💔
    هي شكلها هرموناتي طلعت، بس اعطوني حل
    واسفة لاني طولت💔

    • ReportProfile owner's reply

      تم

  • Public message

    مرحبا انا بنت حبيت شب من سنة ونص تقريبا وبعدين كان دائما يحكي مع بنات وكنت اتضايق وازعل ونتهاوش ع هاي الأسباب واكثر من مرة تركنا ورجعنا لانه بحبه وهو بحبني وبعدين اخر مره تركنا فيها كانت طويله شوي وبعدين رجع حكالي انه اتغير بس ما اتغير اشي فيه وعنده حركات ما بحبها بالمره ورجعنا تركنا وامبارح رجع حكا معي وحكالي انه بده يخطبني بس بعد كم شهر وهوو متخرج جديد من الجامعه بده يروح يشتغل برا فتره مش عارف شو اعمل بالمره وامي عقلها صعب مستحيل اقدر احكيلها انه بدي حد وخايفه كثير مش عارف شو اعمل ممكن بس احكي ل امي رح اتبطل اتخليني اروح ع الجامعه وامي اصلن ما بدها اتزوج حد لانه ندرس شو اعمل مش قادر افكر بشي وخايف اذا وافقت يضل يحكي مع بنات ويخون قدام عيوني🥺😭واندم ع قراري

    • ReportProfile owner's reply

      تم

  • Public message

    ضروري تحكي اسمه🙂

    • ReportProfile owner's reply

      تم

  • Public message

    امانه معك تنزلي انا صارلي. متزوجه تقريباً سنه ونص وعندي بنت زوجي فجأة قلب علي من تحريش أمه وخواته زعلت عند اهلي فتره وما رضي يطلق ورجعت عشان البنت تحملت الضرب الاهانه عشانها وبعد ما رجعت ممنوع اطلع وهنا بطلعن بروحن وين ما بدهن الا انا حارمني كل شي وعايشه معه مثل الاخوان ومش مقصره معه ابدا وبعت ذهبي كله عشانه وساعدته كثير ومع هيك مافي احترام ولا بعمره رح يتغير احكولي شو اعمل لا الرجعه عند اهلي منيحه كونهم متشددين ولا القعده عنده منيحه

    • ReportProfile owner's reply

      تم

  • Public message

    بنات
    في شب معي بالجامعة أنا واياه زي كانو لبعض وحتى عنا نفس الطموح بعد التخرج وطلبني من أهلي بس اهلي مش قابلين حتى يعطوه فرصة انو ييجي يتعرفوا عليه بس لانو من مدينة معينة من الأردن وأنا من مدينة تانية تخيلوا مع انو حكى رح يسكن يعمان بس هو مشكلتهم باصلو🥲
    كيف اقنعهم؟ يعني والله صرنا ب٢٠٢٣ ما توقعتهم هيك
    ما حد يسب لو سمحتو

    • ReportProfile owner's reply

      تم

  • Public message

    بنات الحقوني عادي اني اكلت نمل
    كنت باكل شيبس ف تركت شوي الكيس ورجعت كملته لقيت نمل صغير بصرلي شي؟

    • ReportProfile owner's reply

      تم

  • Public message

    بنااات رح احكي بالموضوع فورا
    الشهر الي قبل الماضي اجتني الدوره ب ٣٠ الي بعدو اجتني ب ٣٠ ،،الشهر هاد للان احنا اليوم ٦/١٣ يعني متاخره علي ١٣ يوم وانا كتير فرفطت روحي منها وزهقت حالي ووجعها موجود يعني بس خفيف مو هالوجع وشربت قرفه وعالفاضي يعني ما اجتني لحل شو
    وطبعا المهم والاهممم اختهم بالله عزبااااء 🌚😂

    • ReportProfile owner's reply

      تم

  • Public message

    بنات ...الله يطعمكم زياره مكه ...
    بدي صورة تحليل دم 💉واهم شي مقاومة انسولين وكولسترول
    امانه الي عندها تعلق

    • ReportProfile owner's reply

      تم

  • Public message

    صبايا كيفكم بدنا همتكم لافكار خطيره رهيبه مش هينه 🐍😂بشتغل بمكتب في معاملات اجو شباب تنين خوان بجننننننوا اخد قلبي واسم الله بجنن المهم اجى وطلبني وصله شاحن ع اساس يرجعها من يومها بستنى وصلة الشاحن وقلبي 😂😂💔💔كيف بدي ارجع الفت انتباهه لانه م رح يرجع عل مكتب اعطيني همتكم برايكم ابعتله وين وصلة الشاحن هاتو افكاركم الرهيبه ❤️‍🔥❤️‍🔥❤️‍🔥🥺 وافقي ادمن بسرررررعه

    • ReportProfile owner's reply

      تم

  • Public message

    بنات بابا كل مايتقدملي حدا بيرفض بده عريس خارق وهلا متقدملي شب بيشتغل وعنده بيت بس مامعه شهاده و بابا رافض تماما الشب في معرفه من بعيد بينا وعاجبني شو أعمل كيف أخلي بابا يقبل وانا مو صغيرة ومتخرجه وجد بنفسي اتزوج واعمل عيلة كتير قاهرني حتى هو مو منيح معنى بخيل ولو عطاني شي بمنني وماهمه غير المظاهر كل ما افتحه معه السيرة بقلي سكريها بده يزوجني بكيفه ولما صار وطلبت منه مصاري ع شي محتاجته وكان معه مصاري بإيده وجن جنانه لان طلبت ما عطاني وقلي خلي هالشب الطالبك يجي ياخدك وبتطلعب من هون مالك شي و ممنوع حدا يحكي معك . حكيي كتير مخربط بس جد مابعرف ليش هيك

    • ReportProfile owner's reply

      تم

  • Public message

    بنات يلي تزوجت وحيد أمه وعنده ٣ أخوات بنات وحده مزوجه حد بيت أهلها كيف تعاملت مع الموضوع يعني من أولها بدي نصايح خبرتي مع الناس صفر 💔🥹 لأن السكنه بالطابق التاني لفوق ع كتر ماشفت مشاكل الناس اكله هم من هلا

    • ReportProfile owner's reply

      تم

  • Public message

    ادمن امانه نزلي
    والله يبنات شكلي وقعت هسا في حدا بهدد فيني انو يحكي ل اهلي انو كنا نحكي وبددو يخرب حياتي ونفس الحكي لصاحبيتي حكا حتى انو راح حكا ل اخوها كيف اطلع من الورطه هاي ؟

    • ReportProfile owner's reply

      تم

  • Public message

    مش اعتراف بس بدي حدا شاطر بمادة لل Biology 101 للجامعة الاردنية ضروري جداً!!!!

    • ReportProfile owner's reply

      تم

  • Public message

    بدي أحكيلكم مواقف مع خطيبي النا سنة واحكولي طبيعي ولا لا :
    اول شي قبل فترة ناداني باسم بنت غير اسمي

    ثاني شي مابصدق يلاقي اشي ينتقدني عليه
    حتى طلب مني اراجع طبيب نفسي عشان الغيرة مع العلم هو الي بضل يجيب سيرة البنات الثانيات

    ثالث شي مرة طلبت منه يعتذر راح طلب مني أعتذر لانه طلبت منه هيك و بعدها قال بعتذر

    كمان كان عندي مشكلة وهو ساعدني بعدها حكالي "لما نتزوج بعد كم شهر رح تعرفي اني أفضل منك بأغلب الأشياء واحكيلي بس صفة وحدة فيكي أحسن مني "

    اتمسخر على كلامي قدام أهله طلبت منه ما يكرر الموقف حكالي انا حر وانتي الي وانا بعمل الي بدي اياه معك

    هاد عمره 26!!!!!
    المشكلة المفروض هو صاحب مبادئ و دائما نصائحه صراحة بوقتها بس هاي المواقف بتخليني بحيرة بحسه بألف شخصية حسب المصلحة

    • ReportProfile owner's reply

      تم

  • Public message

    يا حبيبتي تنزلي
    ضايل لعرسي اقل من شهر
    وماما متوفية 💔💔💔
    شو في نصائح الام بتحكيها لبنتها قبل العرس
    انا ما بعرف اششي ومتوترة كثيرر
    بليز انصحوني

    • ReportProfile owner's reply

      تم

  • Public message

    الصراحة انا عمري 15 سنة 🙂💔

    • ReportProfile owner's reply

      ماشي

  • Public message

    مرحبا بنات قصتي طويله شوي امانه تقراوها كلها لاشوف رأي الكل وياريت بدون تجريح وكلام مسيئ لانو الواحد مش متحمل 💔 ويمكن في ناس ما تسدقني بس هاد الي صار
    انا كنت احب شب قبل ٨ سنين وهو كان يحبني كثير ضلينا مع بعض ٥ سنين الي كان يشوفنا يحكي هذول روميو وجولييت كل الناس تحكي عنا وعن حبنا واهلنا بعرفو وكنا قارئيين فاتحه بعد ٥ سنين حب فاتت بنت ع حياة الشب تعرف عليها بالصدفه عن طريق اوبر عاساس انها بدها تقاولو يوديها ويجيبها بعد فتره بلشت مشاكل بينا تطلع ما بعرف من وين ونضل نتمشكل ونترك ونرجع اخر شي بكتشف انو في علاقه بينهم وهو اعترفلي تركنا فتره ورد رجعلي حكالي بدي اتركها بس هي معها كانسر وانا معها لانسانيه لانو البنت حبتو واذا تركها صحتها رح تدمر وانا وافقت عاساس بس تخلص علاج يتركها وخلص
    ورجعنا بعد فتره فجاه برد بكتشف انو بعدو معها وانا حكيت مع البنت البنت طلعت وحده نوريه وقويه وتصير تحكيلي ما بحبك بتسلا فيكي بحبني الي وانا بجيبو لعندي ورح يكون الي ومارح تقدري ترجعيه ومن هالحكي اخر شي طفح الكيل معي وتركتو تركه نهائيه بعد ٧ شهور اجاني عريس طبعا الفتره الي مريت فيها كانت كثير صعبه كان بدي اي شي يطلعني من الحاله الي انا فيها وافقت عالعريس كان زواج تقليدي ولا بعرف عنو شي كيف صارت الخطبه ما بعرف كلو بسرعه وفجاه وتجوزنا بعد ٣ شهور مرت الايام وحملت وخلفت بس ما قدرت احبو زي هداك الشب وما حسيت تجاهو بلهفه او مشاعر او شعور الحب كان احترام وموده وعشره بس زوجي كان كويس وحنون وتعاملو منيح بس برضو كان في كثير مشاكل ولحد الان الي متزوجه تقريبا ٣ سنين
    بعد ما انا تزوجت الشب تزوج نفس البنت
    فجاه بيوم بتبعثلي بنت بتحكيلي بتعرفي فلان وفلانه قصدها عن الشب والبنت اجت وحكتلي كل شي طلع مطلقها وما كان طايقها ولا بنام عندها وتاركها لحالها بالبيت بليلة العرس وانو محتفظ بكل اشياءك واغراضك وهداياكي وصورك كل شي بخصك حاط صورتك تحت مخدتو بدور ع تسجيلات صوتك وبسمعها يوم عرسك اجى وعمل حادث كل يوم براقب صفحتك وبوستاتك وستورياتك وبيعرف كل اخبارك كان ينام تحت بيتك ويضل واقف على امل يلمحك طالعه يرجع يبكي زي الطفل ويحكي ما شفتها وكثييير قصص بتوجع القلب
    لحد ما اجى يوم وحكيت معو بعد ٣ سنين من فراقنا يالله يا بنات كيف كانت اول مكالمه كيف كانت اول كلمه بسمع فيها صوتو قعد يبكي ع تلفون بس ما حسسني وانا بكيت كثير بالاخير بنكتشف انو البنت هديك طلعت عامله سحر ولقوه ببيتو ومكتوب اسمي واسمو واسم امهاتنا وتاريخ الي افترقنا فيه بزبط وطلعت كذابه لا معها كانسر ولا شي وكلو طلع خدعه وكذب وفعلا الشب وقتها ما كان صاحي حتى انا كيف خطبت وتزوجت ما بعرف كلو صار بسرعه وفجاه
    المهم حكينا اكتر من مره وحكينا حكي كتير كان مخبى بقلبنا من سنين ويشهد الله ما حدا فينا تخطى الحدود صار يحكيلي هاي خطيتك انا بعدك مو عايش انا بعدك متت انا بدور عليكي بين النسوان بدور ع ريحتك ع شبهك ضل يخربط باسمي قدام مرتو واهلو وضل يحكيلها انا بعدني بحبها ومارح انساها
    لحد ما اجى يوم والتقينا طبعا مش لحالنا كانت معو البنت الي اجت بعتتلي اول لحظه شفتو فيها حسيت قلبي رجع دق رجع للحياه بعد ما كنت انسانه مطفييه وكئييبه قلبي كان حيطلع من مكانو بعمري ما تخيلت اشوفو مع وحده تانيه غيري كانت غيرتي عليه جنان ولا بعمري كنت متخيله اكون مع حدا ثاني غيرو قعدنا وحكينا زي الغربا ع نفس طاوله مين كان يتخيل
    وحكالي انا لهسا بدي ياكي وشاريكي ولو بصير اشي بينك وبين زوجك لا سمح الله وترجعي لبيت اهلك انا رح استناكي طول العمر
    المهم يا بنات الي بدي ياه بدي حل انا هسا تفكيري كلو فيه عقلي كلو معو رجعتلي الحياه وقلبي رجع دق كانو اول مره بحب انا كثيير بحبو وبعمري مارح انساه ولا اتخطاه
    مش قادره ارجع اتقبل حياتي مع زوجي اي شي بصير بينا بضل اتخيل وجه الشب دايما بفكر فيه طب هاي مش خيانه قلبي محروق ومكسوره ومقهوره كثييير علي صار فينا واصلا النا فتره مشاكل انا وزوجي بس بينا بنت وهاذ الي خايفه منو شو اعمل يا بنات والله بطلت عارفه افكر 💔💔💔

    • ReportProfile owner's reply

      تم

  • Public message

    ادمن نزلي




    ادعولي مش عارفه شو الحل مع اني كنت ملتزمة بسورة البقرة انا متضايقه لانه كل ما حد يطلبني بمشكله بالبيت اتقدملي شب مطلق وزواجه كان لمدة قصيرة كنا نعرف بعض قبل وتقدملي بس ما صار نصيب كل واحد بطريقه وانا خطبت ومكملت يعني ما تقبلت كل شي وانا معندي ا خوات مع اني رافضه انصحوني..ادعولي الله يهدي بالي اتعبت 😔

    • ReportProfile owner's reply

      تم

  • Public message

    نزلي بسرعه
    بنااااات قرصتني نمله شو بصير فيني 😭؟؟

    • ReportProfile owner's reply

      تم

  • Public message

    هاي بنات
    اسمعو بعرف انو حرام العلاقات يلي بدون شي رسمي بس بحكي مع شب بحكيلي انا غزاوي انا ما بعرف حدا او تعاملت مع حدا غزاوي قبل كيف عاداتهم وهيك وخاصه مع البنت قال ما بحبو البنت تدرس او او تتوظف وما ياخذو موظفات فيدوني انشري حبيبتي🤍.

    • ReportProfile owner's reply

      تم

  • Public message

    مرحبا صبايا
    بدي مساعدتكم ضروريي
    امي شاكة انو بابا بحكي مع وحده وامي ما بدها تخرب بيتها بس ضروري نعرف مين هي ونوقفها عند حدها وما عندي معلومه عنها غير رقمها اعطوني طريقة الله يسعدكم
    وكيف بقدر اوقفها واوقفو عند حدهم بدون ما نحكي بشكل مباشر
    ادمن اقبلي لو سمحتي ضروري

    • ReportProfile owner's reply

      تم

  • Public message

    بنات بدنا عروس لمهندس بألمانيا ، طلبو تكون حلوه وجامعيه ، واذا كانت غير محجبه عادي . ❤️ رح اتابع التعليقات وربنا يرزق الجميع النصيب الحلو من كُل شي .

    • ReportProfile owner's reply

      تم

  • Public message

    مرحبا بنات، سؤال ياريت الإجابات فيه تكون منطقية انا خاطبة وانا موظفة حسيت مرا خطيبي زي لملحي انه بده اصير اساعده بعد الزواج بالمصاريف ولمح اكتر من مرا عهيك موضوع، فانا رديت عليه بطريقة غير مباشرة انه البنت مش مجبورة بالمساعدة وهاد الاشي كرم منها، فهو رد وقال كلامك صح بس هي عليها مسؤولية تربية الاولاد ولما تشتغل مارح تربي ورح تقصر وببيتها وبعدين قال الزوج مش مجبور يتحمل يروح عبيته ما يلاقي اكله جاهز وبيته نظيف ويقعد يستنى الاكل يجهز او تقصر معه زوجته بالفطور وغيره. فشو رأيكم بكلامه ؟

    • ReportProfile owner's reply

      تم

  • Public message

    صبايا ساعدوني بدي البس شرعي بلشت بالشالات الكبيره الي بتغطي الاكتاف والصدر والظهر بس بلبسهم عفساتين ساده أو عبي عادي بزبط في ناس بحكو لا لازم لبس معين بكون واسع لدرجه كاني لابسه لحاف

    • ReportProfile owner's reply

      تم

  • Public message

    بنات رحت على مستشفى الباديه افحص ابني عن خلع ولاده صوروه والدكتور حكى لبسيه ٣ فوط وارجع بعد شهر هسى معقول يركبو له جهاز ولا ممكن يطيب وما يحتاج
    امانه اللي مرت بهاي التجربه تحكي لي
    عمره ٣ شهور واسبوعين

    • ReportProfile owner's reply

      تم

  • Public message

    حكيت مع شب مرة بعدها عملتله بلوك دوب نص ساعة حكينا مو أكثر بعد سنتين بالزبط رجع بعتلي من مكان ثاني و رجعنا حكينا وما كان الحكي بينا متواصل أبدا يعني أسبوع نحكي و مرات ما نحكي ، لحد ما قويت علاقتنا وتعرف علي أكثر وكان دائما يحكيلي أنت مختلفة أنت غير البنات وانا بحبك و بدي اخطبك و وعد السنة الجاي رح أجي و اخطبك وانا بحبك وكان ما يحب يشوفني ببكي وعطول بعد فترة بعتلي انو هو مو قادر يكمل معي وظروفه صعبه آخر اشي مبارح بكتشف انه خطب زميلته بالشغل يلي كان يحكيلي هاي مجرد صديقة وما بنحكي وما بعرف شو ، بنات خطبها و انا قلبي انكسر ، والله والله ما عمري حكيت مع شب كان اول شب بكل حياتي وما عمري فكرت احكي عشان ما اغضب ربنا بسببه انا اغضبت ربنا وندمانه وقلبي مكسور مشان الله رح اموت قهر من كثر ما عيطت تعبت يا ربي والله تعبت

    • ReportProfile owner's reply

      تم

  • Public message

    يا قلبي نزلي .. بنات لو في شخص بحبك كتير وشاريكي ومستعد يعمل كلشي عشانك .. وضعه المادي منيح ومتدين وعيلته محترمة وحتى كشكل مقبول بس عندو مشكلة وحدة .. بحس شخصيته ضعيفه نوعا ما او ثقته بنفسه مهزوزه .. الي بلفتني مرات انو انا بمرحلة ما من حياتي كنت نفس هاي الشخصية بسبب شعور الرفض من البيئة يلي حواليي انجرحت كتير ... وتجاوزتها الحمدلله وقويت بعد سنييين .. ف مرات بحكي ليش انا الومه على ظرف ممكن يصير مع اي حدا فينا .. وبرجع احكي خايفة ما يتغير ويضل هيك واكيد اي بنت بتحب شريك حياتها يكون قوي وقادر يحميها .. ف مترددة يعني برأيكم ممكن اقدر اغيره ونكون سند لبعض ؟؟ كونه نفس المشاكل تقريبا نحنا عانينا منها واثرت على شخصياتنا ورح نكون فاهمين على بعض ... بدي رأيكم حابه اسمع وجهات نظركم الموضوع مو سهل وبحس اني بحبه وبنفس الوقت خاااايفة من المستقبل

    • ReportProfile owner's reply

      تم

  • Public message

    يسعد صباحكم وين بلاقي متل هاد الفستان بالاردن

    • ReportProfile owner's reply

      تم

  • Public message

    بدي طريقة اطفش فيها العريسسس ضروووووري

    • ReportProfile owner's reply

      تم

  • Public message

    يسعد قلبكم جميعاً
    سؤال سريع للأمهات
    شو فيه طريقة لأدرار الحليب
    صارلي ١٠ ايام مخلفة وفش حليب وحابه ارضع طبيعي

    • ReportProfile owner's reply

      تم

  • Public message

    بدي دكتور/دكتورة اسنان بعمل فينيرز ولا غلطة و شغلو يكون ممتاز ❤️

    • ReportProfile owner's reply

      تم

  • Public message

    بنااات بكرة رح يجي يطلبني للمرة التالتة 🥲
    امانة اماااانة ادعولي من قلبكم اهلي يوافقو و تتيسر امورنا مع بعض .
    😭😭😭💔💔💔💔💔💔

    • ReportProfile owner's reply

      تم

  • Public message

    بنات عنجد رح انقهر ... هلا اجاني عريس طبق المواصفات يلي هو بدو ياها والعكس صح.
    بس الهم خمس ايام ما ردو خبر وانا متاكدة انه حبني .
    هو متى لازم يردو خبر ولا احنا لازم نرنلهم ؟؟؟

    • ReportProfile owner's reply

      تم