What's on your mind?

A little kindness goes a long way.

Image, audio or video · up to 10 MB

Your message is only public if the profile owner publishes it.

Profile questions

No questions published yet.

Public messages

  • Public message

    عمري مكنت اتوقع اني ممكن اكون واحده من اللي بتبعت رساله هنا ابدااا طول عمري بشوف البوستات وانصح الناس بس حالياا انا فعلا محتاجه نصيحه منكواا وكلمه طيبه قبل ما اقول اي حاجه ...انا اتجوزت جوزي عادي ومع الوقت حبيته ف فتره الخطوبه هو كمان حبني اوووي علي حسب اللي كنت بشوفه منه اول الجواز كمان كنا كويسين جداا أنا متجوزه وانا لسالي سنتين ف الكليه حماتي خيرتني انزل معاها تحت ولا افضل في شقتي أنا قولتلها هنا وهنا وااحد وانا زي العبيطه مش فاهمه حاجه طبعا الموضوع جديد بالنسبالي بس مع الوقت فهمت اني لازم انزل تحت واخدم وكانت هي الصراحه بتعمل الأكل واجي من الكليه الاقي الاكل جااهز وفي أوقات الاجازه أنا مكنتش بخليها تمد أيدها في حاجه حرفيااا من اول الفطار لغايت الغدا ومن طبيخ لتنضيف المواعين للاكل للشرب وهما قاعدين وانا كل دا عادي بالنسبالي ..بس مع الوقت بعد سنه لقيت نفسي واحده عندها 22سنه وخلاص كرهت نفسي ومعدتش لاقيه نفسي شايله بيتين مع بعض .. قررت اطلع لواحدي بقااا وحصل مشاكل وجوزي رفض ...بس بعد محاولات وشكل ووصلت للطلاق مرتين وطلعت ..ومن يومها وجوزي اتحول معاياا ..بيجي من بره يأكل وينام ولو كنت مخنوقه وحبيت اتكلم معاه يقعد يزعقلي ويقولي أنا مش ناقص لكلكه ..أنا مش مقصره معاه في حاجه اقسم بالله اللي بعمله اي رااجل ف الدنيا يتمني مراته تعملهولوا بيجي يلاقي الاكل جاهز والدش بتاعه جاهز وكمان أنا ببقي علي سنجه عشره زي العروسه الحلاوه ومش بيسمع مني غير الكلمه الطيبه بس قصاد دا بشوف منه نظره غضب وأنه مش طايقني لغايت ما بدأت أنا اتخنقت اصلاا ونفسيتي تعبت ..محتاه جمبي وهو ولا سائل فيااا أنا الخدامه بتاعتهم وخلاص ..وكمان أنا ببقي محتاجه حاجات كتير نفسي فيها بس مش بيجيبهالي وفعلا مبمسكش منه جنيييه علي الرغم أنه الأول مكانش كداا وانا اصلا بطبعي مش بحب اطلب منه حاجه وبوفر عليه جااامد يعني مش مفتريه زي بنات كتييير ..واتكلمت معاه كتير علي معاملته لياا وقلتله أنا خايفه تخسرني لان أنا أما بحب بحب بغباء بس ممكن ف لحظه غصب عني ابطل احبه وساعتها هيبقي مش عارفه عمل اي لان معاياا طفل سنتين لولا كداا بس ...المهم دورت علي شغل اونلاين وكان في شغل علي برامج كتييير صوتيه وفيديو ...وحاجات مقرفه ..أنا اشتغلت علي واحد منهم بس عمري مظهرت بس كنت بقول كلام وحش عمري مكنت اتوقع ان لساني ينطقه مش عارفه أنا كنت ف الفتره دي مغيبه ولا اي .. هو اسبوع واحد بس اللي اشتغلته عليه وبعد كدا سيبته وندمت .. بس ف الاسبوع دا داتعرفت علي واحد عنده 35سنه مطلق وهو اتعلق فيا جااامد وحبني وانا اتشديت ليه الصراحه وفضلنا نتكلم بتاع 3اسابيع علي امل اني في يوم هنفصل عن جوزي بس انا كل ما ابص في وش جوزي ابقي هاين عليا اموت نفسي لان أنا مش كدااا أنا عمري مكونت كدااا ..اللي عرفته دا عمل معايا موقف قبل كدااا. وكان جدع معايااا هو فعلااا جدع بمعني الكلمه ... واتعلق بيا جاامد وقالي لو سيبتني هموت من غيرك أنا حاسس اني اعرفك من زمان ...وانا كمان اتعلقت بيه غصب عني لاني لقيته قريب مني ف الوقت اللي كنت محتاجه جوزي هو اللي يبقي جنبي انتوا فاهمني !! أنا دلوقتي مش عارفه اعمل اي ونفسيتي تعبانه انا عارفه أن كل دااا عك وانا استاهل اي حااجه بس مش عاوزه اظلم البني ادم اللي اتعلق بيااا وفي نفس الوقت مش عاوزه ابقي خاينه انا فعلا معنتش قادره ابص في وش جوزي وحاولت ابعد عن اللي عرفته كام يوم بس هو اللي صعب علياااا ..قولولي اعمل اييييه والنبي انصحوني أنا زي اختكوااا اللي عنده نصيحه وكلمه طيبه يقولها غير كداا انا عارفه كل حاجه مش كويسه هتقولوها فبلاش منها الله يباركلكوا عشا ن نفسيتي مش مستحمله اصلااا ....
    بس حبيت اقول حاجه اخيره اوعوا يبنات تشتغلوا علي اي برامج من اللي ذكرتها دي فلوسها كتييير اوووي بس مش حلال ..اقسم بالله حاجه وسخه ربنا ينتقم من اللي عملةالبرامج دي وكمان فيها شباب كتييير ورجاله متجوزه بيدفعوا بالآلاف الفلوس عشان يكلموا البنات عليهم ويشوفوا الأجانب والمغاربة وهما قاعدين مش لابسين فتله حتي بلاااش ابعدوا عن اي حاجه من دي ....أنا فوقت بس متأخر أنا عارفه وندمانه جداا بس حبيت انصح غيري واوعيه قبل ما يقع ... وياريت كل راجل مش قريب من مراته يلحق يرجع المعامله معاها قبل ما هي كمان تلافي اللي يطبطب عليها وانت مش حاسس بحاجه بدال ما تروحوا وتدفعوا دم قلبكوا علي الاجانب ولا بتوع البرامج ...
    لو كل واحد عامل مراته زي ما ربنا أمره ورسوله وصاه اكيد عمر مهيبقي في حاجه اسمها خيانه أو حد فيهم هيدور علي بديل يبقي قريب منه ...بلاش تعاملوا مراتتكوا علي أنهم خدامين ليكوا ولاهاليكوااا عشان فعلا احنا كنا في بيوت اهالينا ملكات فبلاش تمرمطوهم عشان تلاقوا منهم الحلو كلووو...اكيد لو كان جوزي بس بيعاملني ربع ما انا يعامله أو اقل عمري مكنت لجأت لغيره

    • Public message

      نفسي اعرف اتخطي مرحله قله ثقتي في نفسي ال بقت فيا دي انا حبيت انسانه 7 سنين بس للاسف هي كانت ثانويه عامه وانا كنت ثانوي صناعي وحبي كان ببزيد يوم عن يوم وكنت واعد نفسي وموعدها انها تبقي ليا بس انا فكرت والله اعلم بنيتي اني مش عاوز اكمل مرحله التعليم عشان مضعش من ايدي في فتره التعليم واني مش هعرف اجهز نفسي وخلصت دبلوم وهي دخلت كليه تربيه. يوم عن يوم الايام بتفوت بيا وقولت اخش الجيش واخلص عشان اخرج اجهز نفسي ف السنتين ال فضلها في الكليه واتقدم واهو اكون قدرت اعمل حاجه لكن للاسف بعد فتره كان كلامها كله ان اهلها مش هيوافقو بواحد غير لما يكون معاه شهاده وفضلت احاول اجمع نفسي لحد ما ف يوم والله اعلم اني فعلا كنت رايح اتقدملها خالتها كلمتني وقالتلي كلمه لحد الوقت دا وانا مش قادر اخد اي خطوه ف الخطوبه حتي ولو كانت حتي واحده في مستوي تعليمي ان انت ترضي ان اختك تبقي خريجه جامعه وفي يوم هتبقي مدرسه وانت معاك دبلوم اكيد طبعا لا فعلا الكلمه هزت ثقتي في نفسي جداااا وخلتني احس اني فعلا قليل مع ان والله شاطر جداااا وبنمي مهراتي في اي حاجه وبقراء كتب كتبر جدااا وعندي معلومات في كل المجالات يعني والله شاطر مقليل انفصلنا من حوالي سنه ونص وكنت كل يوم بطمن عليها من خلال الاكونت عندها اني اشوفه لحد فجاءه لقيتها عملالي بلوك ودا اثر فيا جاااامد وتعبني جداااا لان انا وهي حتي بعد انفصلنا كنا عارفين ان القدر هو ال فرقنا وانا فعلا لو لفيت الكون مش هلاقي حد زيها بس للاسف بقا هي ربنا كرمها وقدرت تتخطي المرحله وتخطب وتعيش حياتها والله اعلم بحالها لكن انا مش قادر افكر في موضوع الخطوبه دي نهائي حاسس ان الموقف دا هيقبلني تاني انا اسف لو طولت او اني حكيت حاجه ملهاش لازمه بس انا فعلا كان نفسي احكي وياريت بلاش اي تجريح لا فيا ولا فيها لانها بجد انسانه عظيمه 👑