-
◌ Public message
شماشيمو😍 مواقفنا كتير من ايام ابتدائي ودرس الأستاذ راضي وف الاول كنت بشوفك ع طول ف الدرس وكنت بحب اشوفك دايما وانتي عسوله كده وكيوت ودايما تنزلي خصلتين من شعرك ع وشك كده كنتي زي الملاك وانا كنت ببقى عايزة اكلمك وكده بس بكثف 😂 بعدين اتصاحبنا وجبتيلنا حجى سلمى كمان ف الاول كنت بغير منها عليكي بس بعدين عرفت انها اميره صحبتي بداعت اولى ابتدائي ورجعت صاحبتها وحبيتها اكتر م الاول يالا ماعلينا 😂 وفاكره لما الاستاذ راضى اتكلم ع الحجاب واحنا ف خامسه ابتدائي وان المفروض نلبسه لقيتك تاني يوم جايه بالطرحه وجميله جدا فيها 😍 وف اعدادي كنت بعدي عليكي قبل المدرسه مع الحجه ميرنا 😂 بس ده كان ف اخر فتره قبل ماتنقولوا
ولما كنت بعدي عليكي و بغيظك ان الاستاذ أدهم بيدينا علوم ف اعدادي وانتي لا 😂 ومواقف كتير ف المدرسه
وف ثانوي والدروس ودرس الأستاذ سيد بتاع العربي ودرس الفرانساوي مستر عزقلاني والميكروباص بعد الدرس والحواوشي ف الميكروباص والبيتزا اللي عند بتاع الفينو دي اللي كانت بجنيه وانتي كنتي بتحبيها جدا وحبيبتيني فيها انا كمان وكنا بنجيبها بعد الدروس وتقريبا مافيش حد بياكلها غيرنا 😂😂 وخروجاتنا انا وانتي وغاده وايه وكل ما يكون في عند وحده م البنات حاجه نتلم ااحنا الاربعه ونروحلها وكنتي بتحكمي علينا ف الاول نعدي عليكي ف بتكم الجديد وناخدك وبعدين نروح مع ان بيتك ابعد مننا وممكن يكون المشوار جوه البلد ومش ف طريق بيتكم اصلا بس نعمل اي كنا بتعدي عليكي برضو ناخدك ونرجع تاني 😂😂
وخروجاتنا احنا الاربعه ف ملوي مع بعض ولما كنا نروح نعزي حد ونفضل نضحك بسبب التخلف العقلي اللي احنا فيه رايحين عزا عزا عشان نضحك فيه يادي الهبل 😂😂😂 وبعدين بعد أولى كليه لما نفضل نتفق ف الشات اللي كان جامعنا اننا تتجمع ونخرج وكل وحده مش عاجبها يوم ونفضل نحاول ونتفق ولحد دلوقتي ماتفقناش ولا طلعنا 😂😂 مواقف كتير والله وسنين كتير جمعتنا بس دلوقتي المواقف دي قلة لاننا مش بنشوف بعض كتير زي الاول 😥
واه صحيح في صفه مشتركه بينا احنا الاتنين اندال ومش بنسال ع حد فاكره شلة النداله 😂😂
ياه عارفه اينعم احنا مانتكلمش كتير ولا بنشوف بعض بس والله العظيم لسه معزتك عندي زي ماهي وحبي ليكي بيزيد مش بيقل ولا عمري ف يوم زعلت وقولت مابتكلمنيش ولا مابتسالش ولا الكلام الاهبل ده 😁❤
انتي بجد م اطيب وأجمل احن واجدع الناس اللي عرفتهم ف حياتي ربنا يخليكي ليا ويديمك ف حياتي ...بحبك ...🥰❤😘😘
-
◌ Public message
نفسي اشوفك بالنقاب 😍
-
◌ Public message
ي شوشو فاكرة شنطة اليوسفي والورق العنب والبسوسه اللي عملتها وجبتها المدرسه وايام ثانوي كلها كانت احمل حياة انا حقيقي متضحكتش الضحك ده تاني ولا ايام كنا بتقعد نضحك واحنا قاعدين في الدرج وايام الطواجن بتاعت ملوي والأكل الكتييير انتي متعرفيش فعلا انا قد ايه بحبك انتي والبت سلمي اللي نفسي اشوفها وحشتوني جدا والله العظيم ربنا يديم صحوبتنا ديما
-
◌ Public message
شيماااااء اعرفك من وانا ف ابتدائى كنت بشوفك اهدي واكتر واحده كيوت ف ولادك عمك واخواتك لما كنت بعدي واشوفك مستنيه العربيه وفعلا لما قربت منك اتأكدت وبعد كده قربت اكتر منك ف جمعيه القرآن ولقيتك حد طيب وجميل من جوه ومن بره وقربنا اكتر ف الاجازاه الي بعد تلاته ثانوي واحنا بنختار الكليات وسبحان الله كان نفسي تكوني معايا وبعدنا شويه عن بعض ف أولى كليه ورجعنا تاني ف تانيه هزرنا وسهرنا مع بعض كله ينام ونفضل انا وانتي انا معنديش اخت بنت بس لو كان عندي كنت اتمنى تكون زيك اكتر واحده فهمتني وحفظاني ربنا يخليكي ليا ويفرح قلبك ويباركلك ف عمو وطنط واخواتك وتحققي كل الي بتتمنيه واشوفك دايما سعيده وبخير وحشتيني ووحشني كلامنا مع بعض وضحكنا وحتي اننا نصحى ع بوز بعض ولا اننا نجوع باليل ونقوم ناكل من أطيب الناس الي في حياتي والله وان شاء الله اشوفك احسن سنيور وكمان يارب تحققي حلمك وتلبسي النقاب والله فكراكي دايما ف دعائي ربنا يدوم المحبه بينا لآخر العمر وأخيرااا بتحبيني يا شيماء بقالك مده مش قولتهالك عرفتني انا مين صح
-
◌ Public message
وحشتينى جدا والله ... فاكرة لما كنا بنروح المدرسه سوا فى اعدادى .. طيب فاكرة مدرسه القران ولما ما كنتيش بتبقى كاتبه الواجب وانا اكتبهولك والشيخ يقفشنا 😂😂😂ياااختى الذكريات ... كل شويه اقولك هاجى بس هتيجى الوقت ال تلاقينى بخبط على الباب وتفتحى تلاقينى بقى😂😂😊
-
◌ Public message
فاكرة لما كنت بعدى عليكى فى البيت علشان نروح المدرسه سوا واحنا ف اعدادى ولما نقلته بيت تانى قولتلك انا زعلانه جدا ازاى تسبينى وتمشى 💔كان اصعب يوم مازلت الى النهارده وانا بتمنى ترجعى بيتك القديم ...طيب فاكرة لما كنا واحنا رايحين المدرسه نمشى سريع جدا😂😂😂وكانوا بيقولوا علينا مركبيين عجلات فى رجلنا😂😂طيب فاكرة لما كنتى بتمسحى الشوز فى الانتريه واول ما تلاقى مامتك نعملى نفسك ما بتمسحاهش 😂😂طيب فاكرة واحنا رايحين الجمعيه سوا وانتى ما تكونيش عملتى الواجب الاحكام وتقوليلى اعملهولى 😂😂وتقوليلى غيرى خطك علشان ما نتقفش 😂😂وبرضو الشيخ كان بيقفشنا 😂😂😂😂طيب فاكرة الحلاوه الكولا ال كنت بحبها ولما عرفتى انى بحبها جبتهالى 😂😂😂ذكريات ... من ايام ما نقلته البيت التانى وانا مش عارفه اجيلك بس والله هيجى يوم وتلاقينى بخبط عليكى 😊وحشانى جدا😍
-
◌ Public message
انا بقي بحبك اووي وبموت فيك سعيدة انك صاحبتي كفايه خوفك عليه وحبك ليه انا لو قعدت من هنا لآخر يوووم في عمري مش هيكافيكي الكلام بس اللي اقدر اقوله اني بحبك جدا ي شوشو وبعتز بمعرفتك بحبك ي شوشو
-
◌ Public message
احبك ف الله
-
◌ Public message
أطيب الناس الي في حياتي واكتر حد يديك تفائل ربنا يبارك فيكي ويحققلك كل الي بتتمنيه ويخليلك مامتك واخواتك وبابكي وتخلصي السنه ع خير ان شاء الله ويكرمك بالزوج الصالح اللي يراعي ربنا فيكي على الرغم من انك بتتعصبي من الموضوع 😂بحبك ف الله
-
◌ Public message
وحشنى رغي معاك جداا
-
◌ Public message
شيماء الاولي علي دفعتنا 🌺بصراحة الأول كنت مفكرك كئيبة و منعزلة و مع نفسك و مش طائقة حد🤭🤭بس حاليآ اكتشفت اني مش باعرف اميز و عرفت انك اجتماعية و حد طيب و كويس و متواضع جدآ🌺🌺ربنا يوفقك يارب و يكمل معاكي و يديكي حلمك 🌺🌺و يعوضك خير
-
◌ Public message
بصي انا بحبگ و بعزگ ججججداً والله من غير حاجة
و بحب طيبتگ و تلقائيتگ و عفويتگ و سلامگ ليا اوووووى و بتمني تفضلي فـ حياتى و اشوفگ و اطمن عليگى مع ان مش بينا تفاصيل كتير♥️♥️
-
◌ Public message
كل الي اقدر اقوله عشت احلي فتره معاكي من اولي لحد رايعه وكانت ايام مش هتتعوض وكنتي احن حد عليا
-
◌ Public message
امممممم ...
حقيقي استغربت من فكرة اني مبعتلكيش صراحة قبل كدا 😂
مش مهم احنا فيها ا هو
#إنتي_غير
صفوت باشا 😍
بجد كانت احلي صدفة لما قابلتك ف فرح بطة موسي ودي غالبا الل خلتنا ناخد سكن مع بعض
شكرا ليكي لانك كنتي بتحسسيني بالامان
شكرا ليكي لان أول خروجة ليكي كانت ف عيد ميلادي
شكرا ليكي لانك كنتي ضحية المزاجية المميتة بتاعتي وكنتي بتعرفي تتصرفي معاها ومع عندي وتشتتي الل كنت فيهم الفترة دي
شكرا ليكي علي الكيكة بالشكولاتة بتاعت مامتك 😋
شكرا ليكي علي وجودك المختلف والهادئ والخفيف
شكرا لانك جميلة
بحبك بقي وكدا وبتاع 🙈
شكرا لانك صفوت 😉😂💋💋
-
◌ Public message
ياا شيمووو ..بجد انتي قمر والله وشخصيتك حلوة جدا جداا وياارب ديماا تكوني بخير وسعيدة والي اللة اقرب يااا قمر❤❤🌺💛💜💚😙
-
◌ Public message
وحشتيني جدا جدا جدا جدا ومفتقداكي بجد .كل كلام الدنيا قليل عليكي .عارفه انتي موطني فعلا انتي اكتر حد بتكلم معاه وانا مطمنه .حرفيا انا بحبك جدا جدا جدا جدا. وجودك ف حياه اي حد نعمه .بالرغم أني مش بشوفك كتير ولا بنتكلم كتير بس مكانتك زي ماهي .وحشتني قعده السطح معاكي وكمان السلم. وحشني كلامنا ومواقفنا .وحشتيني