شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    انا صاحبة المسج هذا
    اشكر كل بنية عرفت الي دا يجري بيه من صدمة
    اما الباقيات الي نعتوني بالدراما كوين فالله لايخليكم بموقفي
    تعرفون ليش ( لان ممكن تكولون ماكو هجي مرة بالدنيا بس بعدها الامهات تربي وجيل امهاتنا اذا ينقرض ع عهدنا فهاي هي اتصور بعد ماكو محنة ولا طيب اصل ولا تواصل )
    صدمتي كانت انو اخذته مطلق وعنده اطفال واني وهو بعدنا شباب صغار
    صدمتي انو مصرت مرت اب حقيرة تأذي طفل بالعكس اخوان اطفالي
    كلش سهلة ترا بنت الاصول تستقبل طفل مو ابنها هو الطفل شرادله علمود احقد عليه
    يعني اذا كعد وشرب واكل وياي قابل انقلبت الدنيا !!
    وبنته هي شرف وعرض ابني فكيف مااربيها عدل !!
    وطبعا غير شر الام الي اعوذ بالله مشفت مثلها ابدد عادي جدا تتهم وحدة اتخيلو وقيسو لو الاب وكله وصابرة وعود هاي اني بيتي لوحدي ويلوحني طشارهم

    هاي شي بسيط من الامور الي اي رجال من يشوف مرته تسويها اله فالمفروض ميفكر بالخيانة لان المفروض يستحي مني
    وغيرها وغيرها من المواقف الي تثبت المعدن الاصيل شنو سواء معاه او مع اهله
    فلطفا الي حابة تقرا هذا المسج ومعتبرتني دراما كوين
    اكولج سوي سكب

    اول شي صح اني هدئت وهو افضل لان عيب افضحها كبال اصدقاءنه بالسفر لان لو مسوية هجي كان الكل كال عيب وعندج بيت روحي هناك اتعاركي

    ثانيا ماعيطت بالبيت
    لان مصدومة والطاقة الغريبة الي صارت بجسمي وكمت انظف واكنس واكل واشرب يمكن اسعفتني ونطتني مهلة افكر واتصرف صح

    اخذته برا وكتله خ نطلع ثاني يوم بس انا وانت
    اول كلمة كتله طلقني لان متستاهل انا اكون زوجتك من بعد كذا وكذا وعددلته المواقف القوية
    هو ضل يعيط وشكد مايعلى صوته علي كنت ااعلي اكثر واكثر وضربته وهددته باهلي وكل كلامه كذبته واعتذاره وانو الامر حينتهي لان جذب هو يارجال تكشفه مرته وصدك يبطل فعليش اتعب وياه زايد
    كلي اروح اتفاهم ويه ابوج
    ( كتله شحدك تفوت لبيت اهلي ماعدنا زلم تسوي هجي بنسوانها واذا شفتك بيت ابوي الي تصرف غير تصرف هاي اعكسها ع بيتكم وبس )
    هاي جانت كافية انو ينهز كبالي لان عارف كلش زين اذا اروح واحجي لاهلي شنو حيصير بي

    المهم الذلة حلوة .. اخذت ابني وتركتله الجمل بما حمل وهي الصدمة شتعلم ؟!
    علمتني اجمع مستمسكاتي الضرورية قبل لااحجي لميت ذهبي وفلسي وجنطتين كبار بيه ملابسي وملابس ابني الشتوية لان اجه الشتا 😅
    والصبح بتكسي كريم مشكورا وصلن قبلي لاهلي لان بلغت اختي بالصار وكتلها استقبلي
    ورجعت ويا للبيت فتحت كباله جنطة حطيت بيها السكن كير والبدي كير كباله ولميتهم لان هذول جنت ناسيتهم 🙃 وهو يتوسل وكتله درب الطلاق افضل وحير بجهالك
    بس عاد تدرون الدمعة الي مانزلت قوتني وعدم التفكير بالامر اول يوم من الصدمة احسن
    اتذكر تعليق حلو من دكتورة تكولي الهدوء يسبق العاصفة
    اي حبي صح كلامج ..
    اريد اشوف ابن ام العطوب شراح يسووي بدوني خاصة من بعد ماراح يبدل ثاني يوم ويشوف ملابسه شسويت بيهم لو احذية الكتر بلر الي جنت اشتريله كل حذاء ورا الثاني بورقة وفوق ..
    هي ريحة البول من الملابس تطلع بسهولة مو 🤭🤭🤭🤭