خلّي رسالتك لطيفة وبنّاءة
لن تظهر رسالتك للعامة إلا إذا نشرها صاحب الحساب.
لو حد فاشل تماما في تكوين العلاقات بالناس بس عارف ايه نقط الضعف في علاقاته بالناس ، ازاى يقدر يلاقي عملاء أو حتى شغل ؟
السؤال الرابع : على صراحةطالما انك عارف مشكلتك فين بالضبط ، فهنا وصلنا لنصف الحل ، محتاج تفكر في حلول إزاى تبنى علاقات مع الناس ؟؟ جاوب على الاسئلة دى ؟؟إزاى اوسع دايرة معارفي ؟؟الناس دى موجودة فين ؟؟ واوصلها إزاى ؟؟سواء شغل او مشروع كونك انك تكون شخصية منغلقة دا بيقلل حجم الفرص اللى ممكن تجيلك ،يعنى انا شخصيا في بداية حياتى المهنية كنت محبش اعرف ناس كتير واتواصل مع ناس كتير ، وبختار وظايف مفيهاش تعامل مع ناس اصلا غير عدد يتعد على الصوابع ، حتى الفيسبوك مكنتش بضيف غير ناس اعرفهم وعددهم كان قليل ، لما جربت عكس كل دا النتائج كانت مختلفة ، دلوقتى انا العكس تماماَ رغم الموضوع في مجهود كبير ببذله بس افضل من الانغلاق .بالنسبة للحاجة المشتركة اللى شفتها مع اصحاب المشروعات متناهية الصغر الناجحين ، ان نسبة كبيرة منهم شخصيات اجتماعية وبيعرفوا يهتموا بالعميل .لو انت (ولد او بنت ) وشاطر في صناعة منتج او خدمة معينة ومش عارفة تتواصل إزاى دور على شريك يساعدك في دا .
تقولى ايه للخايف من الفشل ؟
السؤال الثالث : هقولك كلنا بنخاف من الفشل لأننا كمجتمع اتربينا على كدا لازم تنجح ، لازم تكون الاول ، مينفعش تفشل ، مينفعش تغلط ، فبنرفض نعمل حاجة جديدة او نجرب علشان الخوف من الفشل .في 2013 اخدت كورس تطوير مهارات كان فيه quote بتقولif you keep doing what you are doing ,you will keep getting what you are getting .بمعنى لو فضلت تعمل نفس اللى بتعمله ، هتحصل على نفس النتيجة .اول تجربة فشلت مريت بيها ، اثرت فيا جدا بالسلب بس بعدها لما كنت بقرأ في كتاب عرفت ان الصح ان تجرب وتفشل وتتعلم من التجربة ، وفعلا اتعلمت من التجربة .قالوا انه الفشل هو جزء من النجاح ودا صحيح ، لازم تتقبل فكرة انه عادى افشل دا افضل بكتير من انى ارفض اعمل اى حاجة بسبب الخوف من الفشل .توماس اديسون مخترع المصباح عمل 1300 طريقة لتشغيل المصباح، ونورت بعد المحاولات دى ، هل لو وقف في المرة ال 10 او ال 500 كان وصل لحاجة ؟؟ هو نفسه قال انا مفشلتش 1300 مرة ولكن لقيت 1300 طريقة تخلى المصباح ميشتغلش .اهم حاجة انك تكون فاهم الأختيارات اللى قدامك ؟؟ درجة الخطر عاملة إزاى ؟؟ واية اللى هيترتيب من قرار هتأخده سواء اجابي او سلبي ؟؟في البزنس النجاح دايما كان لناس فشلت كذا مرة وفضلت تتعلم من فشلها وتجرب تانى لغاية ما وصلتلا ينفع الشخص يكون خايف على طول ، وميعملش حاجة ؟ ولا ينفع انه يكون متهور في قراراته مش بيقيس الوضع ويورط نفسه في قصص عجيبة لأن الواحد بيشوف الاثنين .لو حد خايف يعمل مشروع لازم يفهم الاول هو امكانيته اية ، مهاراته ؟ ليه المشاريع بتفشل ؟؟ طيب ينجح إزاى ، يبدأ من فين ؟؟حد هيتجوز وخايف الجواز يفشل ( هيحتاج يفهم ليه في نسب طلاق عالية ، إزاى يبنى اسرة ناجحة ؟؟ إزاى يكون اب او تكون ام ناجحة ؟؟التوقيت مهم جدا هل دا الوقت الصح بالنسبالك لأخذ القرار دا ؟؟ او عمل التجربة دى ؟انصحك بأخد كورسات اونلاين في موقع رواق وموقع إدراك ، خاصة بالتفكير النقدى ( هيعلمك تفكر بطريقة صحيحة مبنية على المنطق اكثر من العواطف، علشان تحكم بمنطق على القرار ) وكورس حل المشكلات وصناعة القرارات .Just face your fears ♦️
هل ما يتم الترويج له من عبارات مثل عبارة " مهارات و صفات رائد الأعمال يمكن لأى انسان يسعى لاكتسابها أن يصل إليها بالفعل " عبارة واقعية أم لا ؟ شخصيا اعتقد أنه ليس كل انسان يصلح أن يكون رائد اعمال ، فهل أنا محقة أم لا ؟
مهارات وصفات رائد الأعمال لو الشخص قرر انه يتعلمه وعايز يكتسب دا هيوصل له وبالنسبة ليس كل انسان يصلح ان يكون رائد اعمال دى صحيحة في شخصيات وعقليات مش هينفع انها هتكون كدا لانه دا هيتتطلب منها تغيير حاجات كتير في الفكر كعقلية وفي السلوكيات .ممكن تلاقي شخص عادى لا يصلح رائد اعمال في الوقت الحالى ، بس هو ممكن يكون بيشتغل على نفسه وبعد 10 سنين هيكون رائد اعمال ناجح محدش عارف :)بس اللي بيسعي هيوصل لهدفه لو سعي صح وكان محدد اهداف مش احلام
لا توجد حسابات جديدة بصور حاليًا.