شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    عايزين المحاضرات بتاعه سنه تالته بتاع السنه اللي فاتت اللي هم كانوا نفس الدكاتره بتوع السنه دي المسجله تنزل على البوت

    • إبلاغرد صاحب الحساب

      لم يكن يوجد تشابه فعلي سبيل المثال :
      دكاترة المالية العام الحالي كانوا في العام السابق بيدرسوا تشريع ضريبي والدكتور السيد عبد الخالق كان بيدرس مالية عامة أما الشريعة كان بيدرسها الدكتور الهاي عرفة رحمه الله وكان الكتاب مختلف والدكتور مريض الترم فلم يشرح الإ 8 أو 9 محاضرات وعن المدني فكانت المادة مختلفة علي حد سواء الكتب والدكاترة ، لو كان في الأمكان الوصول لمحاضرات الدفعة 45 كنت نزلتها علي البوت لتطابق المنهج في أكثر من مادة فتقريبا عندهم 3 مواد لنفس الكتب والدكاترة.

  • رسالة منشورة

    السلام عليكم و رحمة الله و بركاته.
    مساوئ عدم تسجيل المحاضرات صدقني كتيره

    اللي ربنا موفقه في وقته وعنده متسع من الوقت بيحضر المحاضرات وفي ناس لأ عندهم ظروف أيا كانت منها علي سبيل المثال الطلاب اللي من محافظات تانيه

    أكيد كمان اللي بيحضر المحاضرات بيرجع البيت ينزل المحاضره عشان يذاكرها ويطبق عليها إمتحانات ده حال كل الدفعه و إنظر أيام المراجعات الكل بيعتمد عليها لأنها المصدر الأول والأخير الموثوق منه دكتور الماده طبعا.

    أرجو حث الدكاتره علي تسجيل المحاضرات و خذوا احتياطاتكم من تسجيلها بالموبايل يعني الدكتور اللي يرفض تستأذنوا من معاليه بتسجيل المحاضره بالموبايل يكون الموبايل علي المكتب اللي قاعد عليه

    علشان صدقني التسجيل من البنشات مؤذيه من حيث صوت الطلاب اللي بيتكلموا في وسط المحاضره و حركة الموبايل بتسبب رغوشه وصوت الدكتور طبيعي بيكون منخفض [ حتي لو إستخدمنا برامج لرفع الصوت هتظل منخفضه ]

    ربنا يستر و تسجيل المحاضرات من مصلحة الكل حتي الدكاتره ذاتهم.

    تحياتي لك مستشار محمد.

    • إبلاغرد صاحب الحساب

      بإذن الله خير
      مقدر كلامك جدا وأتفق معاك ، ولذلك بحول الله هنحاول أكتر من مرة فلعل الله يوفقنا ويبقوا علي التسجيل، وأن لم يحدث فربما يكون أفضل الحلول؛ موبايل يسجل قصاد الدكتور كما هو حال انتساب موجه في أكثر من مادة.

  • رسالة منشورة

    السلام عليكم و رحمة الله و بركاته
    محمد أشرف بيه إن شاء الله مسألة مهمة جدا بشأن تسجيل المحاضرات للفرقة التالتة أرجو الإستمرار عليها في جميع المواد لو كلمت مهندس التسجيل يسجل كل المحاضرات وتأكد عليه هيبقي مجهود جبار من حضرتك ، صدقني جميع الطلاب بيعتمدوا عليها لكتب الملاحظات وتكون مرجع للاستذكار مرة أخري.

    أرجو مساعدتنا في هذا الموضوع ولك جزيل الشكر والتوفيق فيما هو قادم بإذن الله.

    • إبلاغرد صاحب الحساب

      السلام عليكم ورحمة الله وبركاته
      الصراحة مفيش طالب ولا دكتور ولا مهندس له الكلمة في شأن تسجيل المحاضرات حتي العميد ملهش السلطة لإلزام الدكاترة بالتسجيل ، كل دكتور له مطلق الحرية في تسجيل المادة وفترة كورونا كان ظرف طارىء فالكلام مع المهندس لا يغير من الأمر شىء ، لذلك أنا كغيري من الدفعة نسأل الله عز وجل أن تسجل المحاضرات فإن شاء الله خير .

  • رسالة منشورة

    السلام عليكم ورحمة الله وبركاته.
    مع حضرتك طالب بالفرقة التالتة اولا وقبل كل شيء الله يحقق لك جميع خير الدنيا و الاخره و أعلي الدرجات وسعادة لا تفنى أبدًا يا رب العلمين.

    ثانيا أنا عارف كم المجهود اللي حضرتك بتبذله في البوت و تنظيم كلامك مرتب و واضح والأهم من كده إنه كافي جداً ، لكن هتبقي خسارة لينا لو إفتقدنا حضرتك لمساعدتنا في حاجات كتير أهمهم ( معنويًا من حيث البوت في الرسائل القرآنية وماشبه ، و دراسيًا علي أكمل وجه وسرعة توفير مايلزم من محاضرات وتقريرات وإمتحانات وغيره من الخدمات اللي عليه ، لو قعدت أشرح اللي عليه مش هكفي حقك علينا… ) .
    لكن كل دفعة فيها كذا شخص يتعدوا علي الإيد بيكونوا نفس نظام حضرتك في توفير المساعدات للطلاب وهما القائمين علي الجروبات ، وحضرتك الأول من حيث ترتيب كلامك و البوت اللي حضرتك قائم عليه فـ أتمني تستمر معانا وتستمر مجهوداتك المشرفة والله.
    عارف إن حضرتك بتبذل مجهود وتاخد من وقتك جهد مضاعف و ده لوجه الله طبعًا بس أتمني من حضرتك تستمر ويكون في خططك الإستمرار معانا حتي وإن قل الجهد المبذول ، المهم المداومه توكل علي الله محتاجين أشخاص زي أمثالك لقيادتنا إستمر معانا بإسم الدفعة ٤٧ كلية الحقوق جامعة المنصوره يا محمد أشرف بيه.

    • إبلاغرد صاحب الحساب

      السلام عليكم ورحمة الله وبركاته
      صباح الخير
      علي راسي يا غالي وتسلم علي كل كلمة ، الله يجزيكم خير ويوفقكم وبإذن الله محققين أعلي التقديرات وتمنياتنا لمعاليكم النجاح والتوفيق الدائم 🌷🤍

  • رسالة منشورة

    بجد تسلم ع مجهودك استفدت جدا من البوت و ربنا يجعله في ميزان حسناتك ♥️

    • إبلاغرد صاحب الحساب

      عليكم السلام ورحمة الله وبركاته
      واياكم ، ألف شكر 🌷🤍

  • رسالة منشورة

    المفورض اننا بتقدم مش بتأخر ليه تحذف البوت وهو بيفيد ناس كتير. ولكم كل الاحترام و التقدير. يرجي مرجعه قرار حذف البوت

    • إبلاغرد صاحب الحساب

      عليكم السلام ورحمة الله وبركاته
      خير بإذن الله
      ولكم منا احترام والتقدير أكثر ، ألف شكر 🌷🤍

  • رسالة منشورة

    مجهود عظيم صديقي العزيز أسأل الله لك التوفيق والسداد

    • إبلاغرد صاحب الحساب

      عليكم السلام ورحمة الله وبركاته
      وإياكم ، ألف شكر 🌷🤍

  • رسالة منشورة

    جزاكم الله كل خير

    • إبلاغرد صاحب الحساب

      وإياكم ، ألف شكر 🌷🤍

  • رسالة منشورة

    بجد شكرا ليك و ربنا يجزيك خير ي رب

    • إبلاغرد صاحب الحساب

      العفو
      وإياكم ، ألف شكر 🌷🤍

  • رسالة منشورة

    بجد تسلم اوى على المجهودات الجباره الى حضرتك عملتها انت وبقيت التيم انتم والبوت كان ليكو الفضل بعد ربنا فى نجاحى ليومنا هذا بسبب الدعم الستمر من خلال البوت والمحتوى الى عليه طبعا انا معرفش انت هتخرج ليه او هتقفولو البوت ليه بس بجد شكرا ليكم على المجهودات العظيمه دى وربنا يجازيكم خيرا🤍

    • إبلاغرد صاحب الحساب

      السلام عليكم ورحمة الله وبركاته
      صباح الخيرات
      الله يجزيكم خير ويوفقكم وبإذن الله محققين أعلي التقديرات وتمنياتنا لمعاليكم النجاح والتوفيق الدائم 🌷🤍

  • رسالة منشورة

    البوت كان بيفيد ناس كتير وانا منهم حقيقي كفاية التنظيم اللي فيه وكل حد في الدفعة كان معتمد اعتماد كامل علي البوت
    البوت كان محتواه كويس جدا عارفة أن تنظيمه متعب وبياخد من وقت حضرتك بس كفاية أن ربنا يشوفك بتساعد طالب ممكن مش عارف يشتري اي مراجعات وغير أن سماع المحاضرات من التليجرام كان بيختصر الوقت عن الموقع الرسمي بتمني من حضرتك مش تحذفه وتكمل معانا علشان اتعودنا علي وجود مساعدتك لينا خلال الكام اسبوع انقطاع وعطل البوت ناس كتير كانت زعلانة ومضايقين علشان المحاضرات علي الجروبات التانية كانت بتاخد وقت علي ما تنزل خليك معانا انت حاجة اجابية في الدفعة بتقدم محتوي علمي لو علي الوقت ربنا أن شاء الله هيبارك في وقتك لانه عارف ان انت بتساعد عدد كبير جدا من زميلنا واخيرا حابة اشكر حضرتك جدا علي وجودك وعلي المحتوى الرائع ربنا يجزيك كل خير والله ونتمني لحضرتك التوفيق في النتيجة واعلي التقديرات
    واتمني حضرتك تفضل وتكمل مساعدتنا
    بالتوفيق ي سيادة المستشار 🤍🤍

    • إبلاغرد صاحب الحساب

      السلام عليكم ورحمة الله وبركاته
      صباح الخيرات
      الله يوفقكم ويجزيكم خير ودمتم للأخلاق والذوق عنوانا 🌷🤍

  • رسالة منشورة

    بلاش تمسحوا البوت عليه حاجات مهمه و كمان محاضرات قديمه ممكن فيوم التسجيلات تتمنع ممكن في يوم ترجع للكتب و معلومه معينه عاوز تفهمها مش قادر هيكون البوت هو خير سبيل ، انا عضو في الجروب و شايف أن مش من مصلحه اي حد أن البوت يحذف و لكن لو وجوده مسبب عناء و مشقه للقائمين عليه ف مفيش مانع أنه يتحذف

    • إبلاغرد صاحب الحساب

      الله المستعان
      بإذن الله هنقل المحتويات الهامة علي قناة قبل حذفه ، الدفعة لم تكن ابدا ممثلة في شخص ولا أكثر ، لا تقلق إن شاء الله الموجودين كلهم ناس أكفاء وهينهضوا يقدموا من التعاون والخير ما هو أفضل 🤍🌷

  • رسالة منشورة

    ليه البوت هيتحذف!

    • إبلاغرد صاحب الحساب

      تقبلوا اعتذارنا ولكن دوام الحال من المحال 🤍😅

  • رسالة منشورة

    الأفضل عدم حذف البوت نظرا لكمية المعلومات اللى عليه بالأخص البوت دا عليه كل حاجة من اول ما دخلنا الكلية وهيبقى مرجع لكتير من الناس فيما بعد

    • إبلاغرد صاحب الحساب

      الله يجزيكم خير
      بإذن الله هنقل أغلب محتوياته الهامة علي قناة قبل ما احذفه.

  • رسالة منشورة

    ربنا يوفقك دايما يا رب

    • إبلاغرد صاحب الحساب

      وإياكم ، ألف شكر 🌷🤍

  • رسالة منشورة

    سلام عليكم
    حرفيا تنظيمك للبوت كان اكتر من رائع وبحيك عليه قدرت تفيد كم هائل من دفعه وان شاء الله ربنا هيجازيك خير على ده تخيل اخدت كام حسنه عن كل شخص استفاد من عمل لطيف زي ده
    فرق ف مرحلتنا الدراسيه كتير وساعدنا دايما وسهل علينا
    عارفه ان رأى واحد مش هيأثر لكن متاكده ان فيه غيرى هيطلب ده اتمني ان البوت ميقفش واتمني ليك كل خير وسعاده وحقيقي جازاك الله خيرا عن مجهودك ي غالى💜💜💜💜

    • إبلاغرد صاحب الحساب

      عليكم السلام ورحمة الله وبركاته
      الله يوفقكم و يجزيكم خير ، شكرا جدا لذوقكم 🌷🤍