A little kindness goes a long way.
Your message is only public if the profile owner publishes it.
بتحبي تتحدي حالك ما بتوقفي بطريقك إلا اذا انتي بدك ..بتحبي المساعدة كتير ادا بتقدري عليا واذا ما بتقدري بتساهمي فيا بشكل مباشر او غير مباشر وخصوصا اذا كانت القصة بتخص المشاعر ..كتير بتهتمي بالتفاصيل الصغيرة وبتأثر فيكي لدرجة أحيانا موقف صغير بأثر فيكي أيام وأحيانا لفتة صغيرة من حدا عزير عليكي بتغنيكي عن الدنيا كلها ..لطيفة ومحبوبة وهدا الشي بخليكي تقطعي مراحل وأشواط كبيرة بحياتك وبخلي كلمتك مسموعة والها وقعها الخاص سواء انتبهتي لهالشي او لا ..أغانيك المفضلة وقت بتسمعيا بالوقت المناسب بتخليكي تعمضي عيونك وتتأملي كلشي اعملتي خلال مسيرتك وهدا الشي ييدعم فلسفتك بالحياة وبخليكي أكبر من عمرك وفاهمة حالك كتير صح ..مانك من النوع يلي بيتعلق بسرعة وبتوقف حياتو ع شخص بس بتحبي يلي قدرك ويحسسك انك بوجودك معو انو انتي الك معنى بالحياة ومانك متل ايا كائن وجودو وعدمو واحد ..رومنسية وصادقة كتير ما بتكذبي بشعورك مهما كلفك الأمر ..لأنو حساسيتك الحلوة بتخليكي تشعري بالطرف التاني وتحطي حالك محلو ومتل ما بتقبليا ع حالك بتقبليا عليه ..بتجذبك قاعدة عامل الناس كما تحب أن يعاملوك ..بس مو دائما ناجحة معك لأنو صدقك وعفويتك ما بتسمحلك تلعبي شخصية تانية غيرك انتي ..بتحبي حالك كتير وواثقة من هالشي ..ولو انو بتمري مواقف بتنهز هي الثقة بس بتكون فترة مؤقتة وبتتعلمي منها كتير اشيا بتدعمك وبتفهمك طريقة تفكير الأشخاص وبترجعي أقوى ..دموعك غالية عليكي كتير متل ضحكتك فنصيحة مني وظفيين بالمكان الصح ..ما بتراهني ع مشاعرك يلي بتكرهيين قليلين بس ما بتكرهي الا ادا كان معك حق تماما بالكره ويلي بتحبيين وقريبين لقلبك هني قد هي المسؤولية مشان هيك ما بتفرطي فيين ..ماشية بحياتك لهدفك وطموحك وانتي قدها وقدود ومتل ما الظروف بتخلينا نوقف ونرجع لورا بس بتخلينا ننطلق بقوة أكبر ..كتير بتحبي الناس تمدحك ع شي انتي اجتهدتي فيه وبتعبك وبتكوني بقمة السعادة وقت النجاح ..مو بس نجاح المدرسة ..نجاح العلاقات مع اهلك مع رفقاتك مع اخواتك مع مجتمعك وبالأخص مع ربك يلي قد ما حسيتي انك عم تبعدي عنو بس انتي كتير قريبة لأنو جوا قلبك دائما وحاضر بكل خطوة بتخطيا.. الحلو فيكي انك بتنوعي شخصيتك حسب المواقف ما بين هبة العقلانية وهبة المجنونة الطفولية المهضومة ..وبتحبي تتزانخي أحيانا مع هي الضحكة الجذابة واللطيفة .. قوية وعندك حس العنفوان لما بتنحط بمكان بيحتاج شخصية حازمة ..وبنفس الوقت رقيقة وحساسة وبتجذبك ضحكة ولد صغير بعز القوة ..هدا التقلب والتنوع بتصرفاتك عم يخلق فيكي ليونة ومرونة لتقبل الآخر والاستمرار بمعركة الحياة اذا فيني سميها ..كتير بتحبي شكلك وبتهتمي بمنظرك مو لغاية محددة بس أناقتك تعتبر من أحد أسباب السعادة الخفية بينك وبين حالك ..ما بحسك بتوقفي عن التفكير الا وقت بتكوني نايمة ..بتفكري بأكتر من شغلة سوا ..بتحبي تخططي لقدام رغم انو هدا الشي صعب بالنسبة الك بس قلتلك قبل بتحبي تتحدي حالك ..وهدا الجزء من الكاريزما تبعك يلي بيعجبك حنونة ..اي وحنيتك كنز وغالية عليكي كتير ما بتظهريا لمين ما كان ..روحك مرحة وبتحبي المزح والضحك والطلعات والفوتات مع رفقاتك وبيستاتك .. كرامتك خط أحمر وبتكرهي الكذب كتير وخصوصا خيانة ثقة امنحتيا لحدا بيوم من الأيام .. بس احيانا بتضطري تكذبي اذا لزم الأمر بس مستحيل يخطر ع بالك تخوني ثقة حدا ..لأني قلتلك قبل انك صادقة بمشاعرك لـأبعد الحدود .. عندك حس القيادة واذا ما انتبهتي عهالشي انا عم قلك .. عندك القدرة لتكون سند بحياة حدا ومرجعية لألو باوقات الضعف ..وانك تكون مصدر ثقة حدا ومخبأ اسرارو لأنك أهل لهالشي ..🖤 انتي قد المسؤولية ما تفرطي بحالك أبدا .. ملاحظة: (عيونك وشعراتك كتير حلوين) 💙
No new profiles with photos yet.