شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    الآن أيقنت أنك من بقايا سحر هاروت وماروت

    • إبلاغرد صاحب الحساب

      كمية جمال بالوصف .. شكراً كثيراً❤

  • رسالة منشورة

    قيشكللكي الضعف والله استمري ست هند وياريت تطعينا سر الي خلاكي تضعفين هشكل بالتوفيق ♥️♥️

    • إبلاغرد صاحب الحساب

      التزام لمدة سنة بالكيتو دايت

  • رسالة منشورة

    السلام عليكم . ممكن استفسار حسب خبرتك. خريجة كلية وعندي خبرة اربع سنوات . اقدر القي فرصة عمل بمختبر ب ايسر ويفضل يكون رئيسي ؟؟

    • إبلاغرد صاحب الحساب

      هو مجال المختبرات اختنق وصعب يتلقى فرصة عمل .. لكن اكو مجمعات جديدة عتفتح ومختبرات معاها ف من الممكن تحصلين فرصة .. انتي خلي السيفي والرقم يم المختبرات وبلغيهم انك عندك خبرة و مستعدة للعمل فترة تجريبية مجانية اسبوعين قبل ان يتم الاتفاق .. كل التوفيق ❤

  • رسالة منشورة

    أحبك في الشتاء أكثر من باقي الفصول

    • إبلاغرد صاحب الحساب

      الشتاء بريء من هذه المشاعر 😂

  • رسالة منشورة

    شفتج اليوم صدفه 😥

    • إبلاغرد صاحب الحساب

      وهذا شي سيء لو جيد 😅

  • رسالة منشورة

    لثاني مرة اسال شنهو مواصفات فارس احلامك

    • إبلاغرد صاحب الحساب

      ما عندي مواصفات محددة .. اكون مرتاحة ومطمئنة واشعر بالأمان معه فقط

  • رسالة منشورة

    لماذا لا تنشرين عن الام؟ هل امك متوفية؟

    • إبلاغرد صاحب الحساب

      امي موجودة الله ينطيها الصحة .. لكن سؤال غير موفق ومزعج وتدخل بخصوصيات البشر وممكن يسببلهم حزن .. ارجوك منك او منج التفكير جيدا قبل طرح هكذا اسئلة

  • رسالة منشورة

    معقولة ما اكو انسان قدر يخطف قلبك

    • إبلاغرد صاحب الحساب

      انخطف عقلي .. وهو الأهم

  • رسالة منشورة

    هلو هنوده ليش مختفيه

    • إبلاغرد صاحب الحساب

      موجودة اعيش واتعايش 😄

  • رسالة منشورة

    i love you so much 😔👍🏿♥
    احم احم الماده الوحيده الي ما افهمها و اكرها هيا كيمياء اشونن درستيهاا +حبيتيهاا احس ما الها فايده بالحياه 🤦‍♀️😂✌

    • إبلاغرد صاحب الحساب

      Love you too ❤
      السبب يعود لطريقة التدريس تخليكم تشعرون انه الكيمياء خيال وغير مهمة بس بالاساس هي من اساسيات حياتنا وتدخل بكل تفصيلة مادية بحياتنا .. للأسف ماكو طريقة غير انك تتقبلون انكم تدرسونها لغرض النجاح حالها حال باقي المواد .. انا هم كنت اكره بعض المواد ولا حبيتهم ابدا خاصة الرياضيات لكن درسته لان ضروري للنجاح ❤

  • رسالة منشورة

    هنيال صاحب العيون العسلية إلي تحبيها وتحبين صاحبها

    • إبلاغرد صاحب الحساب

      وهل فيها شيء لا يُعشق ..

  • رسالة منشورة

    بعد التحيه ..
    اكدر اسأل اسئله شخصيه

    • إبلاغرد صاحب الحساب

      نسمع الاسئلة ونقرر 😁

  • رسالة منشورة

    مرحباً. هند اني معجب بحضرتج كلش اريد اتقدملج بشكل رسمي mohai

    • إبلاغرد صاحب الحساب

      شكرا جزيلا عزيزي ❤❤

  • رسالة منشورة

    هلو هند اني متابع الج صار مدة استلطف منشوراتج واحسج هادئة ورزنة .. تحياتي

    • إبلاغرد صاحب الحساب

      ممتنة للكلام الجميل ❤

  • رسالة منشورة

    هم زين واحد من الموصل اقتنع صدام ليس اهلاً لقيادة دولة ودمر العراق
    بالحروب والعنتريات

    عكس حكام الخليج بنو بلدانهم 🙂

    • إبلاغرد صاحب الحساب

      لا أعرف ماذا اقول ؟
      و لكنّه ليس من السهل أن تجرد الناس مما اختمر في ذواتهم منذ أن ولدوا حتى أن بلغوا من العمر مراحله !

  • رسالة منشورة

    مرحبا هند .. هالفترة عدعاني كلش وحسيتو اغيد احكي معاكي ..انا متخرجة ومااريد ارتبط ضد الزواج ضد الانجاب .. حب مااكو بحياتي .. اريد حياة بيها استقلال وحرية وسفر .. لكن عائلتي عتضغط علي جدا بحجة انه لازم خاصة انه صار عمري اكثر من ٢٥ .. ما اعرف اشون اواجه كل هذا الضغط واقنعهم انه هاي حياتي والزواج لازم يكون مع الشخص الصح مو مجرد تلزيق وستر وهالافكار الرثة

    • إبلاغرد صاحب الحساب

      طالما الاهل قافلين ويرفضون الحوار ف ماكو غير المقاومة الدائمة سواء بالنقاش والهدوء او حتى بالرفض القوي دون ان تتعرضي لاحتكاك جسدي.. شوفي لو تزوجتي بدون رضاكي وللأسف ما صار توافق وفشل الزواج ف همه ما راح يتحملوا مسؤولية الموضوع انهم اجبروكي ع شخص ما تعرفي ولا تريدي بالعكس راح يخلوها براس القسمة والنصيب ويطالبوكي بالتحمل والصبر .. ماعرف ايمت يستوعبون الاهل انه احنا ما رافضين فكرة الزواج لكن مع الشخص الصح .. والاستقلال المادي خطوة جيدة جدا حتى تفرضي قراركي وتوجهكي بالعائلة وحتى نظرتهم الكي تختلف بعدين واعرف هالشي صعب لكون البلد ما يساعد لكن اذا جت اي فرصة للعمل ولو بسيطة جدا استغليها لان هالشي رح يغير كثير من حياتكِ .. وتأكدي انتي مو وحدكي كثير شباب وبنات ع نفس المعاناة مع الاهل .. كوني قوية وان شاءلله تلتقين بشاب لطيف وافكاره قريب من افكارك هم تتزوجيه وترضين الاهل وهم يساعدكي بتحقيق طموحاتكي وتوجهاتكي ❤❤

  • رسالة منشورة

    💔

    • إبلاغرد صاحب الحساب

      سلامات ..

  • رسالة منشورة

    مساء الخير

    قصه قرائتيها و تمنيتي ان تكوني انتي جزء منها

    • إبلاغرد صاحب الحساب

      رواية عالم صوفي ..

  • رسالة منشورة

    ابتسم ودع الدنيا خلتنهجم😐

  • رسالة منشورة

    اكثر ناس انتوا مستفادين والله

    الشمال يبعد عنكم ساعة وحدة
    وحتى الكروة ارخص

    • إبلاغرد صاحب الحساب

      الكروة شبه بلاش 😛😛😛

  • رسالة منشورة

    محتاج معلومات عن التركمان كونج يمكن وتعرفينهم احنا ماكو يمنه

    • إبلاغرد صاحب الحساب

      افيدك باللي اعرفه اكيد .. تفضل خاص

  • رسالة منشورة

    شلونه البرد هسه يمكم 🥶😂

    احنا بالجنوب وجمدنه

    • إبلاغرد صاحب الحساب

      باردة صقيع .. شتاء جاف .. ما احبه ابدا للشتاء الجاف

  • رسالة منشورة

    منشوراتج تكتبين هواي بيها نتعاجز نقرأ

    لو تسوينها فيديو صوتي احسن 😢

    • إبلاغرد صاحب الحساب

      هم تتعاجزون تسمعون نفس الشي .. واني اذا احجي بموضوع شاغلني ما اسكت .. وللعلم هاي المنشورات اكتبها بمسودة واطول بمرتين وارجع اقصرها مراعاة لمشاعركم 😂😂😂

  • رسالة منشورة

    بالنسبة لردج كلش صحيح
    للمصارحة اخر شي نشرتيها
    اني مار بهاي التجربة

    وطلكت 💔

    • إبلاغرد صاحب الحساب

      الله يعوضك ❤

  • رسالة منشورة

    ما اعرف شنو الفلم حالياً الناس مخبوصة بالمظاهر والشكل ولد وبنات ! تلكه البنات ما باقي حساب شاب وسيم ما يعرفونه ومتابعاته بالانستكرام ومتابعات اخباره ومخلصاتها زحف يعني انزل من قيمتي لانسان تافه وهو يتكبر وحتى ما يرد عليكم وما دايرلكم اهمية شبيكم لعد ؟ ليش ارخص روحي واذلها ؟

    اما الولد اتفه بعد واكيد ما نعمم على الكل للطرفيين

    اني اقاربي عايش بالخارج تزوج هندية وعاف الشقراوات والعراقيات لان الزواج والارتباط ببساطة مو لعبة بس شكل وخلاص انتهى الموضوع !! يعني مثل مصطفى حسن ودوه اهله لروسيا يدرس كلساع يرتبط بوحدة كانما ما شايفين اهم شي شعرها اصفر وبيضة وبعدين من يفشل يتندمون

    وتكدرون تشوفون زوجة مارك مؤوسس الفيس هاي ثروته تعاظل ميزانية دولة لو عند انسان غبي يتزوج 4 وما يشبع لان ما يفكر بس بالغريزة والشكل لذلك احنا نزلنا وهمه صعدوا
    لان الام مدرسة اذا اعددتها - اعددت شعبا طيب الاعراق
    همه يعرفون يختارون شريكة حياتهم اما احنا كل الهم بالشكل قبل العقل

    هيج حبيت افضفص 😐

    • إبلاغرد صاحب الحساب

      اولا شكرا لفضفضتك يمي ما اعرف ان كنت ذكر او اثنى ف راح افترض انك ذكر واتكلم ع هالاساس ..الموضوع جدا متشعب وبيه متغيرات كثيرة لكن راح احجي عن وحدة من اهم النقاط بيها .. احنا بمجتمع يعاني من الكبت الجنسي والسطحية .. اغلب علاقات الزواج دتفشل عدنا لان الشاب يتزوج لحاجته الجنسية والبنية تتزوج لانها كبرت او حتى تتباهى امام صديقاتها واقاربها او لانه شر لابد منه والطرفين يغضون النظر عن التفاهم او الامور المختلفة بينهم .. الشاب بمجتمعنا من ينعجب ببنية ما يفرق بين انجذابه الجنسي الها وانجذابه العقلي .. تشوف الشاب باول التعارف هايم حب وغرام ويتغاضى عن امور كثيرة ما تعجبه بيها ليش ؟؟ لان حاجته الجنسية لهاي الببنية هي المسيطرة عالموضوع .. بعد ما يتزوجها بكم شهر ومن يصير الجنس امر عادي ويتشبع منه يبدأ يهتم بغير امور ويلاحظ عدم التفاهم وعدم التقارب وكل هالامور .. والبنية كذلك تهتم للمظاهر واهم شي تتزوج وبعد كم شهر من تروح الفشخرة وايام العسل تبدا تلاحظ انه هالرجل ما يناسبها .. معايير اختيار الزوج والزوجة عدنا مخربطة ومعايير اللي ع اساسها يتزوج الانسان يمنا مخربطة .. يمهم المعايير تختلف يتزوجون لانه اكو تفاهم واكو حب واكو تقارب واحترام .. والموضوع يطول لكن هاي بالمختصر اللي اني لاحضته بشكل كبير جدا بمجتمعنا ..

  • رسالة منشورة

    مره دزيتلج مسج كتلج عندي علاقه ببنيه وهيج بس بغير حساب وغير شخصيتي كتيلي صارحها قبل لتتعمقون
    لهسه مصارحتها وتعمقنه وخايف من اصارحهة اخسرها
    متردد كلش 💔

    • إبلاغرد صاحب الحساب

      خلي ببالك انه حجم التعمق يساوي حجم الالم بعدين سواء الك او الها .. انت متردد لان عاجبك التواصل معاها بهالطريقة لكن خلي ضميرك وعقلك هو اللي يتحكم احسن الك والها

  • رسالة منشورة

    احبك حب وطن!

    • إبلاغرد صاحب الحساب

      من احلى ما سمعت .. الله يديمكم ❤❤

  • رسالة منشورة

    شلون واحد يسرق قلبج 🥺😂

    اشاقة والله بس سؤال
    😅

    • إبلاغرد صاحب الحساب

      سرقة عقلي اهم 😉😉

  • رسالة منشورة

    الحب هو الاطمئنان من تنام وتكعد وأنت تعرف الشخص التحبه كد الثقة والاعتماد وينطيك الأمان دائما، ما تكون عايش وياه بخوف ورهبة!

    • إبلاغرد صاحب الحساب

      الاطمئنان والثقة هي الاساس ❤❤

  • رسالة منشورة

    شعجب من الموصل وسمرة مو بيضة

    • إبلاغرد صاحب الحساب

      ليش الي عايشين بالموصل كلهم بيض وانا ماعرف 🌚

  • رسالة منشورة

    ليش الرجل ما يكتفي بشريك حياته مثل المرأة

    يعني اي وحدة اشوفها احبها
    لو ارتبط ب 20 وحدة ما اقنع 😬

    • إبلاغرد صاحب الحساب

      ماكو هيج شي .. عقلك الباطن تعود ع هالشي لان الكل يكول نفس الموضوع الا اذا كنت مراهق هذا بحث اخر 😬

  • رسالة منشورة

    الكيمياء مال كلية العلوم
    شلون نجحتيو بيها وتخرجتو

    اشو احنا مال متوسطة واعدادية بهذلتا تبهذل

    • إبلاغرد صاحب الحساب

      😲😲😲
      خاف قصدك غير شي يمعود
      كول فيزياء احياء رياضيات
      مو كيميا 😬
      الكيمياء من امتع العلوم لان شغلها مو نظريات اغلبه عملي وتفاعلات .. لان بالمدرسة ما تدخلون مختبر ف تحسوه صعب انما بالكلية يختلف الموضوع لان ينفهم اكثر بالعملي والمختبرات ..

  • رسالة منشورة

    الابنية اللي
    مشكلتها 24 تسولف بامور بالدين والتاريخ
    طائفية يعني
    وانتوا هيج وانتوا هيج عبالك انا امير طائفتي

    وهو انا صلاة يوم اصلي ويوم لا

    يعني لا اكدر اعوفها لان نيتي وياها صافية واريدها ام بيتي
    ولاكدر اتزوجها
    لان على سوالفها تصير مشاكل ويه اهلي وما تخلص وتأثر على علاقتنا وبالاخير ننفصل او اصير وياها واعوف اهلي
    والامرين صعبات

    برأيج شنو الحل 😣
    حتى اغير تفكيرها
    لان شكد ما حاولت ما تقنع
    تعوف التاريخ والمعمعة هاي

    • إبلاغرد صاحب الحساب

      شوف عيوني الموضوع مو سهل واذا بينكم مشروع زواج لازم تفكر الف مرة قبل لا تفوت بالموضوع .. الزواج بين الطوائف المختلفة بمجتمعنا مرات ينجح وغالبا يفشل وهذا يعتمد على عقلية الطرفين ومدى استيعابهم وتقبلهم للمختلفين عنهم عقائدياً .. هي اذا ما متقبلة هذا الاختلاف وما مستوعبة انه طبيعي كل انسان عنده عقيدة معينة او يتبع شي معين مختلف عنها .. الزواج مو بس حب صدقني .. لازم اكو تفاهم وتناغم عقلي وروحي .. من اكثر الشخصيات المزعجة هي اللي تؤمن انها هي الصح فقط وغيرها الخطأ .. اذا تزوجتو شلون راح تتعاملون مع بعض ؟؟
      طيب اطفالكم شلون تربوهم على طائفتك لو طائفتها ؟؟
      طيب هي ممكن تحترم توجهك وانت تحترم توججها ؟؟
      هالامور لازم تفكر بيها .. واذا بيها مجال تتغير وانت شايف انها ممكن تتغير ف خليها تقرا للدكتور علي الوردي و عندك المفكر المصري يوسف زيدان عنده مؤلفات ولقاءات عاليوتيوب كذلك رائعة .. ممكن تقترح عليها انكم تقرأون سوه بدون ما تحسسها انك متقصدها .. يعني ممكن تقترح انكم تقرأون الكتاب الفلاني لان صديق نصحك بيه وحاب انكم تقرأون سوه .. وتحاول تفهمها انو احنا ٧ مليارات عالكوكب ومو كلنا متشابهين والاختلاف شي حلو وبدل ما نحاول نحاربه نستمتع بيه ونحبه ..

  • رسالة منشورة

    ست ما دام انتِ علوم كيمياء اكيد تعرفين بالوراثة

    ليش اخواني 2005 و 2004
    وولد عمي هم زعاطيط
    وما يطبون من الباب الا يدنكون من كد طولهم

    واحنا الاكبار التسعينات صايرين جواهم 😭

    • إبلاغرد صاحب الحساب

      خخخخخخخخ هاي حالة عامة تقبل الموضوع واسكت .. ولا تنسى تأثير الوراثة مو هو المسيطر الوحيد على بُنية الانسان .. 😬😬

  • رسالة منشورة

    بالنسبة لاخر مشاركة

    اكو مثل يكول ( الما يدني زبياه محد يعبيله )
    ما ابرء الشباب بس هو هذا الواقع اليوم
    الشباب بهذا الوكت تعبانة لابعد حدود اخلاقة وثقافة ماكو
    وتربية ماكو
    الفئة المحترمة صارت اقلية
    حسب ما جاي نشوف

    لذلك البنية هيه تصون روحها وما ترخص روحها لمن هب ودب
    وتحفظ كرامتها وكرامة اهلها

    لان الشباب ما بيهم ثقة
    البنية تثق بيه وهو يروح يراوي صورها وخصوصياتهم لجماعته

    واعتقد مال ناقصة عقل صحيحة
    لان البنات بسرعة يتقشمرن ومنو يجي يضحك عليهن

    • إبلاغرد صاحب الحساب

      زين احنا نوعي البنات للموضوع بس بنفس الوقت نحارب وننتقد ونقاطع هذا النوع من الشباب .. بدل ان نتقوقع ونستسلم للأمر الواقع ونكول همه الشباب هيج شنو نسوي عوفوهم .. ترى هذا مو منطق استاذ .. الرجل والمرأة هم المجتمع ولازم نربيهم اثنينهم وننتقدهم ونقاطعهم اذا تطلب الامر حتى يعرفون خطأهم .. اسهل شي عدكم الكلام وترقيع الموضوع بدل محاولة تصحيحه ومعالجته .. انت وغيرك وغيرك تعرفون شباب من هالنوع مو صحيح ؟؟
      شنو تردة فعلكم تجاههم ؟؟
      تنصحوهم ؟؟
      تحاولون توعوهم ؟؟
      تقاطعوهم ؟؟
      تلغون علاقتكم بيهم ؟؟
      لو عادي متقبلين الموضوع وساكتين وعلاقتكم ماشية ..
      ترى همه معتاشين على قبول المجتمع الهم لانهم ما منبوذين .. ف لازم نوعي طرف ونحاول نصلح طرف اخر مو بس نلقي اللوم ع طرف ونكعد نستريح لان هذا المستنقع كلنا عايشين بيه هسة ومستقبلا ف لو نحاول نصلحه لو نبقى بيه .

  • رسالة منشورة

    كنت كاعد مع صديق وطلع تلفونه وشوف جماعته صوره مع بنية مخلة بالحياء والمشكلة والمصيبة البنية من اقاربه ! يعني عرضه وتخصه ويشوفها للغريب !

    لكن البنية سمعتهم طيبة وهيه ايضاً اللي يشوفها مستورة وخوش بنية


    زين هسه بعد واحد شلون يتزوج بهذا الوكت ويثق بالبنات
    وهاي مو اول حالة شايف هواي اشكال والوان !

    • إبلاغرد صاحب الحساب

      يعني انت ضايج من صديقك الدنيئ عديم الاخلاق لو ضايج انه البنية كانت وياه بوضع مخل وصورها لو شنو ..؟؟
      احد بيكم ك شلة رزله ؟؟
      احد بيكم اهانه ؟؟
      احد بيكم قطع علاقته بيه ؟؟
      هو انسان عديم اخلاق وما يتأمن ومو رجل ..
      اذا انت عايش ببيئة مسمومة محاط باشباه رجال يسحلون انفسهم سحل حتى يوصلون لهالنقطة ويتابهون امام اصدقاءهم ..
      انتو لو كلما تشوفون هيج حالات تنبذوهم وتقطعون علاقاتكم بيهم ما كان بقا احد هيج .. بس انتو يعجبكم هالامور ويعجبكم تلقون اللوم عالبنية فقط بانها عديمة اخلاق والرجل لا يعيبه شي .. وبموضوع الثقة مو بس يمك حتى البنات الجيدات صاحبات العقل والثقافة همين ما يثقون باغلب الشباب من هالسوالف .. هو مو كل ذكر رجل .. ف انعدام الثقة حالة عامة ..

  • رسالة منشورة

    جمال المصلاويات كارثة

    شلون واحد يكدر يتزوج مناك

    ياريت تردين 🧐

    • إبلاغرد صاحب الحساب

      اذا عندك معارف بالموصل ممكن تزورهم او تطلب مساعدتهم .. او تجي تفرفر واذا بنية تعجبك تخطبها وانت وحظك 😹

  • رسالة منشورة

    شعجب ما تحجين

    بال غ وخ

    هاي اللهجة مال موصل 😂

    • إبلاغرد صاحب الحساب

      اذا احكي ما تفهمون عليي واني احب اغلب الناس يفهمون ع كلامي

  • رسالة منشورة

    ست هند انتِ مواليد ثمانينات لو كبرتج هواي 😅

    • إبلاغرد صاحب الحساب

      خليها ثمانينات عادي 😁😁

  • رسالة منشورة

    دائما بالكروبات والبيحات مال المميز يحششون على اهل الموصل

    على اساس انهم بخلاء

    صدك هذا الشي ؟

    • إبلاغرد صاحب الحساب

      هالموضوع ترجع اصوله لمدة قرن تقريبا .. عالعموم المدينة او المحافظة كبيرة ومتنوعة الاديان والقوميات ويسكنها ملايين ف اكيد ماكو تعميم لصفة واحدة على كل هالناس .. ولهذا الموضوع فقط تاريخي للمزاح

  • رسالة منشورة

    جان لساني ثكيل من اقرا الدرس حتى المعلمات يضحكن عليه والصف كله وانا جنت طفل وتخيلي
    يصير وجهي احمر واضوج

    بس الحمدالله من عبرت السادس ابتدائي راحت مني وحالياً احجي بطلاقة

    مجتمع ما يرحم احد حتى الطبقة المثقفة للاسف

    • إبلاغرد صاحب الحساب

      صعب من تبقى هيج ذكرى مزعجة من الطفولة اللي المفروض تكون فقط ذكريات جميلة .. كل الحب الك ❤❤

  • رسالة منشورة

    بسبب طولي انا طولي 166
    تتعرض للتنمر بحجة الشقة من اهلك وكرايبك مو من الغريب !

    واكيد هذا الشي اثر على نفسيتي هواي 😞

    لكن الله كريم الدنيا قصيرة باجر كلنا نموت
    واقاضيهم امام الله

    • إبلاغرد صاحب الحساب

      معليش .. اكيد انت انسان رائع بعقلك وشخصيتك وصفاتك ويتمنون يكونون مثلك ف يحاولون يقللون منك ارضاء لتعجرفهم وعقولهم المريضة .. كل الحب ❤❤

  • رسالة منشورة

    بالنسبة لموضوع التنمر
    بيوم من الايام قررت اشتغل حلاق لان احب هاي المهنه
    بداياتي جنت ضعيف بهل الشغله وشي طبيعي هذا لكن كلام الناس جان ميرحم سمعت هواي كلام (انت فاشل ،مراح تنجح ، يومين وتبطل ، شجابك على هاي السالفه وينك وين هاي الامور وحتى اقرب ناسي جان يتنمر ويستضعفني
    لكن
    اعتمد على نفسي وعلى الله وصرت نمير واحد بمنطقتي ومحيطي وتوسعت اكثر وهسه عندي اربع صالونات حلاقه باكثر من محافظه وعندي حلاقين يشتغلون يمي و دا اسعى انو افتح صالون خامس وسادس وسابع والى ما لا نهاية بحول الله ❤️

    • إبلاغرد صاحب الحساب

      برافووو 👏👏 .. يخافون من الشخص القوي ويحاولون يضعفوه بكل الطرق سواء بالتنمر او اضعاف الهِمة حتى لا يصير احسن منهم .. كل الاحترام ل قوتك ❤❤

  • رسالة منشورة

    ست انا متابع جديد

    ممكن تخلين ستوري مثبت تعريف عن نفسج
    🌹🌹

    • إبلاغرد صاحب الحساب

      ماكو شي مهم يستحق ستوري صدقني .. اسمي وتخصصي وصورتي وتوجهاتي المختلفة مبينة من صفحتي .. ❤❤

  • رسالة منشورة

    ست شعجب تنشرين تحشيش

    مبينه شخصيتج قوية وجدية بالحياة
    يعني مو من النوع اللي يضحكون وكذا 😅

    وهذا مدح مو ذم 🙆

    • إبلاغرد صاحب الحساب

      بالعكس الضحك جزء مهم من شخصيتي واغلب الاوقات اضحك حتى لو كنت بقمة البؤس والقهر واللي يعرفوني معرفة شخصية يعرفون هالشي .. 😬😬

  • رسالة منشورة

    صراحة انا معجب بشخصيتج
    القوية
    يعني انتِ راح تصيرين ام ناجحة

    الف هنياله شريك حياتج المستقبلي
    الله يحبه هذا ويرزقه بيج

    • إبلاغرد صاحب الحساب

      شكراً جزيلاً استاذ ..
      ولو اني والامومة مو اصدقاء حاليا بسبب الاوضاع الاجتماعية الاقتصادية الاخلاقية اللي يمر بيها البلد .. بس همين تشكرات لكلامك ❤❤

  • رسالة منشورة

    ست شكد طولج ؟

  • رسالة منشورة

    مرحبا اريد رأيج بشغلة نغصة حياتي اني جاني شخص خطبني هو كلش حباب وحبني بس المشكلة اني اطمح ل مستوى افضل شكلا ومادة بالاضافة اني عمري وصل ال 30 فالكل ينصحوني اوافق لان الشخص خلوق ويحبني وكذلك العمر ويعتبروها فرصة فما اعرف انتظر الاحسن واحتمال ما يجي هذا الاحسن لو اوافق بس مترددة وترهم لو لا معرف واخاف اظل والكل يلومني واتندم لان ضيعت شخص مهتم واحتمال محد يحبني مثلو تعبت كلش من التفكيير.

    • إبلاغرد صاحب الحساب

      حبيبتي بموضوع الزواج ماكو نص قناعة وربع قناعة .. اكو قناعة كاملة .. هذا شخص راح تعيشي وياه عمر وسنوات واذا انتي ما مقتنعة بشكله ووضعه قناعة تامة وعن رضا داخلي ف لا تظلمين نفسج وتظلمين الرجل وياج .. لكل شخص سواء مرأة او رجل عنده مواصفات معينة لشريك حياته بالشكل والوضع وباقي الامور وهذا ابسط حقوق الانسان ف لا تخجلي انك تكولين هذا الشخص ما مقتنعة بيه .. لانه مستقبلا من تشوفين شخص اجمل منه راح تندمي وتتأثري واذا شفتي شخص افضل حالاً منه كذلك راح تكون حسرة ونغصة بداخلج وتنكدي حياتج وحياته واذا كان اكو اطفال راح يكون الموضوع اتعس .. واذا كان اكو حل وسط ف هو خطوبة كم شهر للتعارف يجوز من خلالها تشوفين بيه اشياء جميلة بالشخصية والتصرفات والعقل ف تحبي وتتغاضين عن باقي الامور .. لا تخلين عمرج عقبة بطريق الموضوع انتي مو كبيرة عمراً وواضح انك فاهمة وواعية .. ممكن تندمين مستقبلا لانك رفضتيه بس تذكري شغلة مهمة .. الندم على رفضه افضل بكثير من الندم على الزواج بيه

  • رسالة منشورة

    هلو هند شلونج اريد اكلج سالفتي الي لي هسه ما اعرف شسوي من وراها صار ست سنوات او اكثر احب وحدة كل يوم تجي ابالي مليون مرة ويومية افوت على صفحتها الف مرة وكل دقيقتين تجي ابالي هاي الصراحة المشكله مو هنا المشكلة هي تحب صديقي الي هو ضلعي وجانت علاقة وياه وصديقي ميريدها هو ولا يحترمها واني رغم هذا احاول انسى وباقي دائما افكر بيها ومتروح من تفكيري دائما واحبها حب مو طبيعي بهاي الحالة شسوي

    • إبلاغرد صاحب الحساب

      طالما علاقتهم انتهت ..ف حاول تقرب منها اما تنجحون او تفشلون وطالما صديقك ميريدها ف لازم يحترم تقربك منها .. اني اعرف راح يكول ما لكيت غيرها واني صديقك وهالامور .. بس لنفسك عليك حق وطالما البنية حاليا ما مرتبطة ف تقرب منها بحدود صديق اذا شفت اكو قبول وتفاهم ف تعمق بالعلاقة .. واول شي فهمها انه انت ضد تصرف صديقك وياها و وانت ما اجيت من طرفه وحاب تتقرب منها كبداية جديدة .. واذا رهمت كول لصديقك اذا احترم قراركم اهلا وسهلا واذا ما احترم ف الله وياه .. ست سنوات يا ظالم ههههههه .. الموضوع ما يستاهل تعيش بهالدوامة فوت بالموضوع واما يرهم واما لا وبالحالتين راح ترتاح وتبطل تفكير وتعوف صفحتها بحالها 😁😁

  • رسالة منشورة

    مساء الخير ، انا داخل بعلاقة جديدة مع بنية و ناوي اخطبها بعد فترة الموضوع باقي بس على موافقة اهلها لكن ما عندي معرفة بهاي الامور و اول مرة ادخل بعلاقة عاطفية .
    مرات ما اعرف بأي مواضيع احجي معاها و شنو تحب و شنو تكره لان ما اريد اخلي بخاطرها
    و حبيت اخذ رأيج بالموضوع
    و شكراً ❤️

    • إبلاغرد صاحب الحساب

      اكيد ما راح تعرف شنو تحب وتكره اذا ما تتعرف عليها تدريجياً .. وعادي ممكن تسألها وتبلش من الاسئلة السهلة وتدريجياً ابسط شي اللون اللي هي تحبه وليش الاكلة اللي هي تحبها وليش اذا اكو يوم معين او شهر معين او فصل معين تحبه وليش .. طبعا انت ممكن راح تعتبر هالاسئلة سخيفة لكن من منظورها هي راح تعتبر انك مهتم بالاشياء اللي تحبها وتحب تسمعها .. وبنفس الوقت هي راح تتشجع وتسألك .. وبعدين ممكن تنتقل للأسئلة الاخرى ممكن مثلا تذكر انه احد اصدقاءك من بعيد صار معه مشكلة معينة او حادثة وتطلب رأيها .. طبعا انت تخترع الموقف حسب ما انت تحب وتاخذ رأيها بالموضوع هذا راح ينطيها مساحة للتعبير عن رأيها وتعبر عن افكارها وبهالطريقة انت راح تفهمهما .. اهم شي تنطيها الثقة امها تعبر عن رأيها بدون خوف لان مرات البنات يخافون يعبرون عن رأيهم ويفضلون ينطوك جواب انت تحب تسمعه لانه المجتمع برمجنا ع هالشي .. وشوف هي بشنو مهتمة اكثر شي ممكن تعرف عن طريق تعليقاتها او متابعاتها لأي فئة اكثر شي مثلا مكياج فن رياضة ازياء ف انت تفتح مواضيع تخص هالامور حتى تتقرب منها اكثر .. اهم شي انه تحسسها بالامان والاهتمام باشياء بسيطة .. الموضوع يحتاج وقت حتى تفهموا بعض وطالما انك مهتم ان شاءلله راح تنحجون سوه اذا كانت هي همين مهتمة لان الطرفين يساهمون بنجاح العلاقة .. واخر شي بهاي الهوسة لا تنسى نفسك واهتماماتك وهواياتك لان كذلك مهم انها هي تعرفك عن قرب .. ❤❤

  • رسالة منشورة

    اني معجب جدا بحضرتج وأسلوب طرحك للمواضيع طبعا أحيي حضرتج على هاي الخطوة الجريئة والي انتي راح تستفادي منها بالدرجة الأولى Suol

    • إبلاغرد صاحب الحساب

      شكراً لحضرتك واهلا بيك 🌹🌹

  • رسالة منشورة

    مساء الورد والياسمين.. حبيت اسلم واطمن عليج

    • إبلاغرد صاحب الحساب

      اهلا وسهلا بيك .. شكرا لاهتمامك 🌹🌹

  • رسالة منشورة

    فاتنه جدا

    • إبلاغرد صاحب الحساب

      تشكرات ❤

  • رسالة منشورة

    فدوه ال الله شنو هل جمال 😁

    • إبلاغرد صاحب الحساب

      شكرا ❤

  • رسالة منشورة

    مرحبًا صديقتي
    اني شاب مرتب و وضعي جيد وشكلي مقبول وشخصيتي حلوه والناس تشهدلي بهلشي ..
    يوم من الايام سويت حساب وهمي خليت صورة شاب جميل جدا
    تعرفت على بنيه من خلال هذا الحساب لكيت بينا توافق عظيم من كل الجوانب بنت احلامها وياي واني جدا صادق بنيتي وياها لكن المشكلة انو متعرف هذا حساب وهمي وهاي مو صورتي شلون سويت هيج وليش ما اعرف بس اعرف انو هلشي غلط والبنيه اني مثل منكول مشتريها اريدها شريكة حياتي لكن شلون راح اواجها ما اعرف ممــكن تساعديني برأيج المحترم
    واسف ع الاطاله ❤️

    • إبلاغرد صاحب الحساب

      الموقف ما يتحمل تأخير .. لازم تواجهها بوقت قريب .. وما عندك خيارات كثيرة غير انك تكون صريح وياها .. ولازم تتقبل وتتفهم ردة فعلها مهما كانت .. تكدر تكوللها انك كنت بحالة نفسية سيئة ومحتاج شخص يعرفك بداخلك بعيدا عن شكلك وانك ندمان عالموضوع .. لكن قررت انك تصارحها لانك حبيتها وتريدها وتريد تبلشون من جديد ع ورقة بيضا وبكل وضوح .. وبعد ما تعبر عن ندمك ومشاعرك تجاهها ممكن تنطيها مجال فترة تمتد للشهر انها تقرر راح تكمل وياك لو لا .. لا تطلب منها قرار بنفس الوقت لان راح تكون معصبة ومشوشة ونفسيتها تعبانة ف انطيها وقت .. وبالاخير اي قرار ينتج منها هو لصالحكم سواء انها قبلت تكمل او لا لان الموضوع راح ينكشف في يوم ما وشكد اسرع شكد احسن لان التعمق بالعلاقة يولد التعب اكثر واكثر ..