شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    ‏صار لي سنتين متزوجه الحب موجود لكن التفاهم نهائياً غير موجود يحدث خلاف ويجرحني بكلام كبير كثير وهالمره الزعلة طولت وانا في بيت أهلي صار لي شهر ونص سؤالي لك ثغرة عدم الفهم بين الزوجين هل ممكن انها تنحل ؟ وايش تنصحني 😞

    • رسالة منشورة

      ازيك يانورهان يارب تكوني بخير انا بحب حلقاتك جدا ومتبعاكي ومحتاجاكي تنصحيني في مشكلتي
      ‏

      احنا كنا هتتخطب خلاص السنة دي بعد ما جه البيت و اتكلم رسمي ، بس في وسط كلامه معايا قال لي جملة ضايقتني اوي اوي ، لدرجة مقدرتش انام منها و انا بطبيعتي كنت بكتم في نفسي و لما اضايق اقوله اني هنام ، بس اليوم ده ما قدرتش اكتم و قولتله انه مش مضطر يكمل معايا و مفيش حاجة تجبره ده طبعا بعد سنين من التحمل و الضغط عليا في كل حاجة تحت مسمى انه بيحبني ، انا غيرت فيه حاجات كتير اوي و تعبت معاه من كتر المحاولات و حقيقي قولتله كدا و انا حاسة اني تعبت و بذلت طاقتي كلها عليه !

      طبعا كان صعبان عليا السنين دي كلها و الحب ده كله ، بس هو اللي اضطرني لكدا ، قولتله انا عايزة نفسي و وثقتي في نفسي

      المهم انه بعد شهرين كدا لقيته رجع بعت لي و قال لي انه مش مرتاح و انه محتاجني جدا في حياته و ميقدرش يستغنى عني و يطلب فرصة تانية و يوعد انه مش هيضغط عليا تاني بس انا قولتله انا مش هتكلم غير لما احكي لبابا علشان ما اعملش حاجة من وراه ، هل فعلا يستاهل الفرصة التانية، و هل الفرصة التانية بتغير في الطباع و الشخصية و لا بلاها الفرصة التانية علشان ما اتوجعش تاني؟؟

      • رسالة منشورة

        ‏متقدملي راجل في نفس المستوى التعليمي و نفس المستوى المادي بس المستوى الإجتماعي اقل بشوية ومكان سكن أهله شعبي شويه، انا فكرت ان المستوى الاجتماعي عشان مكان بيت اهله بس طالما هيجبلي بيت في مكان كويس هيبدأ لبسه وطريقته يبقوا شبهي (هو مش وحش لكن مختلف)، بابايا شايف انه كويس بس مامتي بتخوفني انه مش هيريحني وانه هيفضل يطلع منه ومن اهله حركات غريبه عليا، انا خايفه بس حاسه انه زي ما عنده لبس مش احلى حاجه عنده حاجات كويسه وانه زي ما عنده عادات غريبه عليا عنده عادات من طبعي فالغريب دا اطبعه عليا فيه بعد الجواز وهي كلها اختلافات ليها علاقة باماكن الخروج واللبس والمصيف والهدايا مفيش حاجه مهمة أوي الحاجات دي هعرف أغيرها بعد الجواز او خلال الخطوبة لو لقيته بيستجيب ولا اعمل ايه انصحيني يانورهان

        • رسالة منشورة

          ‏اختصارا…انا مخطوبه بس خطيبي مسافر مش موجود

          بحس ان كل يوم بنبعد عن بعض اكتر ولا بقيت اعرف اي حاجه عنه ولا بقيت بقيتا نتكلم كتير

          بدأت أحس ببرود بينا مبقاش هو زي الأول ولا انا ممكن؟

          انا مش عارفه ايه الحل ولا اعمل ايه

          • رسالة منشورة

            برنامج بتاعك جميل جدا ومن اشطر المذيعات بجد ربنا يوفقك وتبقي حاجه كبيره اوي ي نيرو

            • رسالة منشورة


              خطيبي بيشير اغاني حزينة من مدة وكل ما اسأله مالك يبني يقولي مفيش لحد ما انبارح كنت معزومة عندهم واخته قالتلي ان اللي كانت خطيبة خطيبي قبلي اتجوزت ومن ساعتها وهو متغير ومش طايق نفسه لما قالتلي كدة نفسي صعبت عليا ودموعي غلبتني وقعدت اداري فيها لحد ماروحت وانفجرت اختي قالتلي مالك مرديتش اقولها مش عارفة أقول لحد ومش قادرة اتكلم معاه ولا هقدر اتعامل معاه عادي انا موجوعة اوي بجد



              • رسالة منشورة

                معنديش مشكلة بس عايزة اقولك اني بحب برنامجك اوي وبتمنالك التوفيق والنجاح

                • رسالة منشورة

                  انا اتخرجت من ٤ سنين وقاعده فالبيت مش بعمل حاجه ولا بشتغل ولا مخطوبه حتي حياتي فاضية ..كل اصحابي اتجوزوا وخلفوا واشتغلوا وانا مش بعمل حاجه في حياتي بجد انا نفسيتي وحشه جدا وحاسه ان حياتي بتضيع ومش عارفه اعمل ايه