شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    ممكن يا دكتوره توفري حساب بنك او كاش ينفع يتبعت علىه ايه وقت بدون ما ارجعلك قبلها أو ابلغك اني بعت؟ضروري هيفرق معي جدا

  • رسالة منشورة

    آمنا آمنت وعارفة أنه كله مكتوب وكله فيه حكمة وكله بأمر منه طيب موجوعة ومش قادرة ارضى الموضوع مهلك كتير علينا كدا ولا هو مش كتير؟ لا تكلف الا وسعنا طاب كل دا في وسعنا تحمله يعني!

    • إبلاغرد صاحب الحساب

      فلسطينية ولا مصرية

  • رسالة منشورة

    من ضمن الامتنان ممتنه جداً اني بتابعك ♥️ وبدخل اكتب ف النوتس عنك لأن كتاباتك كانت أكبر داعم ليا ف وقت انا كنت ع وشك الانهيار وإن خلاص بقي استسلم فشكراً ليكِ جداً . ربنا يوفقك ف كل حياتك ♥️ وامتنان لجملة حاول تاني لا بأس

  • رسالة منشورة

    أنا بهزر بجد ويارب يبقي عندك سعة لهزاري ده ويكون خفيف عليك ميضايقكيش ويزعلك:))

  • رسالة منشورة

    صباح الخير .. بستأذنك لو سمحتي تبلغي د.احمد ياسر باني نويتها عن جده رحمه الله وأسكنه فسيح جناته صبرهم الله وربط على قلوبهم وجمعهم به في الجنة لعلها تخفف عنه وحشة الليلة

  • رسالة منشورة

    مساء الخير
    لو انا مش من مصر وبدي ادخل مجالس التربية بقدر ادفع بالفيزا ؟

    • إبلاغرد صاحب الحساب

      اه .. تواصلوا مع ثريا

  • رسالة منشورة

    صباح الخير يارب تكوني أحسن بدعيلك وطلعت لله ماتيسر بنية تفريج همك ورد مظلمتك
    نصرك الله وأيدك ومسح على صدرك وأقر عينك وبرد قلبك 💜

    • إبلاغرد صاحب الحساب

      الحمد لله <3
      ربنا يرضى عنك

  • رسالة منشورة

    https://m.facebook.com/story.php?story_fbid=pfbid02LEsEwnJrP1jMQrggP7Hc14eoTLX8hR4cJAWRMP3SYF6Em6DEQ8AjPrwrHkcK3vhHl&id=100001680188092&mibextid=Nif5oz

    • إبلاغرد صاحب الحساب

      اللينك مش بيفتح معايا

  • رسالة منشورة

    محتاجة مساعدتك لأني فاكرة انه الكتاب الي قرأت فيها المعنى الي هحطه في اللينك من المسلسل الي شوفته ده كان كتاب من ترشيحك أو حاجة قرأتيها ومحتاجة ضروري اعرفه ومش متذكراه فممكن لو متذكراه تقوليلي عنه وشكرا جدا وبعتذر لو ازعجتك
    https://www.facebook.com/100003113850370/posts/4950919388355141/

    • إبلاغرد صاحب الحساب

      غالبا أسر مسممة
      https://www.facebook.com/media/set/?set=a.10159472893336955&type=3

  • رسالة منشورة

    🙂🙂🙂🙂كفااية🥲
    اسر مسممة وافلام مسممة وحياة مسممة الله ينجينا ويرحمنا

    • إبلاغرد صاحب الحساب

      اعملوا انفولو يا جماعة لو مش قادرين تشوفوا ده
      لكن معلش ده بروفايلي .. أنا اللى أحدد ايه الكفاية وايه مش كفاية

  • رسالة منشورة

    إن شاء الله مستني رد حضرتك
    خالد

    • إبلاغرد صاحب الحساب

      مشغولة فى حاجة اليومين دول واخدة اللى باقي من طاقتى ووقتى
      معلش بس انا وقفت أسر مسممة اصلا فى رمضان بسبب الوقت والطاقة
      وعاوزة أقول تعليق على كلامك فاصبر عليا بس اجيب طاقة

  • رسالة منشورة

    السلام عليكم انا خالد
    مستني اي رد من حضرتك

    • إبلاغرد صاحب الحساب

      وعليكم السلام
      ادينى فرصة بس الاقي قدرة اعرف ارد عشان الصيام مخلص على الانسان

  • رسالة منشورة

    يا جيلان أنا أول ما شفت الفيديو بتاع الولد اللي دخل فى نوبة غضب قعدت افتكرت أبويا الله يرحمه ووحشني أوي والله أنا نفسي حد يتحملني زي أبويا تاني
    أنا قاعدة عمالة أفتكر كل اللي عمله معايا وأنا صغيرة وأنا كبيرة وواحشني قوي
    مرة مثلا وأنا عندي خمس سنين رحت بلد جنبنا عشان ألعب ودي كانت البلد اللي كنا عايشين فيها قبل كده و قعد يدور عليا واترعب و عشان يعاقبني مرزني فى ايدي مرزة صغيرة وأنا حسيت بالقهر ومرضتش أكل طول اليوم و بعيط وأنا مقهورة قعد جنبي طول اليوم و يتحايل عليا و جبلى كل الأكل اللي بحبه بس من غير ما يفكرني أني غلطانة و من غير ما يتنازل برضو أنى غلط أنا بجد واحشني والله
    وهو مشي بسرعة أوي و تعب كتير فى حياته والله أنا كان عندي تعب بسيط كده وهو كان مرعوب عليا وييجي يحصر جلسات العلاج الطبيعي وهو كان بياخد جلسات الكماوي فى الوقت ده و جسمه مش مستحمل أصلا ...بقعد أقرأ اللي بشوفه فى أسر مسممه وبعرف أنى كان عندي ملاك بس معرفش قيمته مشي بسرعة أوي قبل ما أفهم أنا بربي نفسي وبحاول أهذبها بذكرياتي معاه و بواجه العالم برضو بيه...

    • رسالة منشورة

      عايزه اشكرك بحق وحقيقي انك سبب ف نشر الوعي والكلام الصادق اللي بتقوليه طول الوقت ع الاكونت بتاعك واتمني تستمري بجد يعني انا بشوفك ع التايم لاين بقول اه دي من ريحة الباشمهندس العقلية دي من الورثة بتوع معلم الناس الخير ف استمري ايا كان ربنا يباركلك انتي واستاذ احمد اللي عرفتينا عليه دا بردو

      • رسالة منشورة

        السلام عليكم.. جيلان ازيك انا بكلمك عشان حسيت انتي اكتر حد ممكن يساعد فلعل ده اختيار ربنا ليكي مش انا ... صاحبتي بعد ما عدا وقت كتير متكلمناش وافتكرها اتحسنت امبارح بعتتلي وقالت ( انا تعبت من كتر المعافرة مع الاكتئاب سنين كتير وجوايا حزن عميق ساعديني ) ونفسي تساعديني اساعدها ازاي حاسة اني خلصت كل الكلام معاها وخايفة عليها ... انا مش فريند عندك ومعرفش طريقة تاني اكلمك من خلالها غير هنا .. اتمنى تجاوبيني او حد عندك يقدر يجاوبني

        • إبلاغرد صاحب الحساب

          وعليكم السلام
          أنا مش متخصصة وده أمر محتاج حد متخصص عشان أى هبدة ممكن تودي فى داهية .. حاولى تدوري على معالج نفسي يساعدك على مساعدتها وعلى انك تحمى نفسك من التأثير السلبي أو توجيهها هى لطبيب نفسي يساعدها