خلّي رسالتك لطيفة وبنّاءة
لن تظهر رسالتك للعامة إلا إذا نشرها صاحب الحساب.
مساء الخير مبدأياً كدا انا كنت متردده في اني ابعت هنا بس انا دلوقتي حقيقي موجوعة جداً جداً والله معلش يا ادمن متنزلش الرسالة دي ع البيدج المهم انا مخطوبة بقالي عشر شهور تقريباً مكنتش اعرف عنه حاجة زي ما بيقولوا جوازة صالونات كدا المهم هو شخص كويس جداً انا كنت رافضة ف البداية الارتباط بالطريقة دي بس مع الالحاح وافقت واتخطبنا في البداية كان كويس وكان بيحاول يحببني فيه بطرق كتير مكنتش بقول نفسي ف حاجة الا وخمس دقايق تكون عندي والله كان مهتم بيا جداً خببني فيه جداً جداً وبعد ما اعترفتله بحبي حسيته اتغير حصلت مشكلة بينا بسبب غيرته الزفت خالص وشتمني وجرحني بصراحه اتصدمت جداً جداً منه وبعد ما اتصالحنا فضل يعتذر وحقك عليا بغير عليكي وكلام من دا المهم انا كل مشكلة بعند معاه ومش بعترف بغلطي لاني بحس انه بيطلعني غلطانة وخلاص وبيشتم وبيقول الفاظ وكدا وانا اتخنقت من الاسلوب دا مترددة مش عارفه افركش ولا لا انا حبيته المهم اخر حاجة دلوقتي كان بقالنا يومين مبنتكلمش بسبب شغله وكان واحشني جداً قولتله عدي من عندنا قالي حاضر برغم انه مشوار بالنسبة ليه عدى مخصوص من قدام بيتنا عشان اشوفه وبتتكلم فون بعد ما رجع بيته وكنا كويسين مرة واحدة حسيته اتغير بقوله مالك يقول مفيش تمام روخي ذاكري طاب وانت انا هروح ألعب دورين ببجي وانام طاب هنتكلم بالليل لا نتكلم بكرة بعد الشغل أن شاء الله طيب ليه اهو كدا انا قولتله ماشي يا حبيبي شوية ولقيته بيدندن بقوله بتقول ايه قالي دا بسمع اغنيه وبدندن وراها فاانا سكت راح شوية وقافل ف وشي وبعتلي واتس انه هو اللي قفل قولتله ولا يهمك قالي ومكالمة كل ٣ ايام قولتله اللي يريحك يا قلبي قالي وهعمل حظر قولتله اللي تحبه يا عمري راح باعتلي صوره انه مسح رقمي قولتله مسحت رقمي قالي اه وهعمل حظر وامسح الرسايل قولتله ماشي يا حبيبي اللي يريحك راح عمل حظر وموضوع انه بيفتح حاجات تاني وهو بيكلمني دا بيزعل اووي ودايما بيعمل كدا ممكن بنتكلم يفتح واتس فيس يلعب كدا يسمع فيديو اغاني دي حاجة بتوجعني اوووي انا دلوقتي مش عارفه اعمل ايه والله كل ما اقوله طيب لو مش مرتاح معايا نفركش يقول لا انا بحبك ومقدرش استغنى عنك المشكلة اني عارفة انه بيحبني وحاسة بيه كمان بس مش عارفه ليه اللي بيعمله دا انا مبقتش مستحمله والله كل اللي حواليا يقولوا بصراحه يابختك بيه باين عليه بيحبك اوي واهلي يقولوا بصراحه راجل وجدع وبيسد بس انا بيوجعني دايماً وكل مرة بيطلعني انا غلطانه انا تعبت ومترددة ومش عارفة اعمل ايه 😭💔 اسفه ان الرسالك طويلة شوية بس كنت محتاجة اتكلم ومعنديش حد اروح ليه واثق فيه حقيقي اسفه ومش لازم تردوا عليا كفاية اني عارفة ان ممكن حد يشوف كلامي دا فادعيلي ان ربنا يريح قلبي ويدلني ع الصح ومندمش 😌 شكراً ❤️
لا توجد حسابات جديدة بصور حاليًا.