What's on your mind?

A little kindness goes a long way.

Image, audio or video · up to 10 MB

Your message is only public if the profile owner publishes it.

Profile questions

No questions published yet.

Public messages

  • Public message

    يا اسراء مبدائيا انا بحترمك جدا وبشوفك حاجه حلوة بس ليه موضوع الاستهزاء أو التنمر من فعل أو حد مش عاجبك مش علشان مختلف معاكى أنه يديكى الحق انك تستهزئى منه هى نصيحة تقبل أو لا ربنا يوفقك ⁦♥️⁩

    • ReportProfile owner's reply

      مبدأيا كده الرسالة عجبتني ⁦♥️⁩
      ثانيا ربنا يوفقك انتي كمان ⁦♥️⁩
      ثالثا موضوع التنمر ..انا طبعا ضد اني اتنمر علي حد وده بجد ويعلم ربنا انا عمري ما عايبت او اتنمرت علي شكل حد او تصرفه او فعله
      حوار التنمر ده لاني بتنمر علي نفسي جدا يعني لما بيحصل موقف بتريق عادي علي نفسي 😂 لو في امتحان وانا واصحابي ناقصين جامد وانا اعلي بنص درجة مثلا بس كلنا فاشلين افضل اقولهم مش هكلمكم يا فشلة وانتو مش بتزاكروا زيي ليه 😂 واصحابي بجد بيكونوا هما اللي بدأوا الهزار
      بس والله مش شكر في نفسي اقرب الناس ليا عارفين اني مستحيل اتريق علي حد مهما كان بل انا بضايق من ده جدا جدا ⁦♥️⁩

  • Public message

    القرآن (شفاءٌ لما في الصدور)
    دايما الرسول كان بيدعي : اللهم اجعل القرآن العظيم ربيع قلبي ونور صدري وجلاء حزني وذهاب همي وغمي 💙✨..
    وربنا سبحانه وتعالى قال: ما أنزلنا عليك القرآن لتشقى 💙
    _وكمان قال : كذلك لنثبت به فؤادك ..القرآن بيخلي فيه يقين راسخ وبيصبر الواحد على الدنيا واللي فيها .
    في كل موقف وكل محنة هتلاقي في آية بتسندك 💙

    • Public message

      ازاى اقدر اتحكم فى مشاعرى وخصوصا دموعى إلى مش بقدر اتحكم فيهم لمجرد إن ازعل ولو زعل بسيط ازاى أبقى أقوى من كده وضعفى ميظهرش لأى حد أتمنى تجاوبى على سوالى لأن الموضوع ده مسببلى مشكلة

      • ReportProfile owner's reply

        خلينا متفقين ان دموعك دي مش ضعف وان اعتبار البكاء والحزن ضعف ده حاجة غلط ..لان الدموع والبكاء دي حاجة ربنا خالقها لينا بتنقذنا ...مر عليا اوقات اتمنيت لو اعيط علشان ارتاح ويخف الحمل شوية وبرضو معيطش ...بس اختاري اللي تعيطي قدامك دموعك الغاليين مش اي حد يشوفهم ..طيب اعمل ايه يا اسراء ؟ ورقة وقلم واكتبي معايا يا ست الكل ..لازم تفضي دماغك ..الزعل اللي بتزعليه طلعيه في شكل شتيمة رياضة 😂اجري ارقصي ارسمي هاتي ورقة وقلم وشغبطي ..او تخيلي الموقف اللي مضايقك وحطيله النهاية اللي انتي عيزاها ومتزعليش نفسك خالص
        طيب انا بعيط لما حد يتناقش معايا بشكل حاد اعمل ايه ؟ هتدربي نفسك واحدة واحدة يعني مثلا انا بنقاشك دلوقت وبدأت ازعقلك انتي وقت ما تحسي ان صوتك بدأ يروح وهتعيطي ودموعك هتتكون بقى في عينيكي اسكتي وافضلي بصالي وفكري في اي حاجة تانية ..انشالله اسبونج بوب ...واول ما تحسي انك مش هتقدري تكملي امشي ...مرة علي مرة هتلاقي نفسك بتتحكمي اكتر اكتر اكتر ..لحد ما توصلي انك صعب تعيطي قدام حد ..يعني من وسط عشر مواقف هتلاقي نفسك عيطي موقفولا حاجة ...وانتي مش ضعيفة انتي قوية ودموعك مش ضعفك ..انتي ممكن تكوني بتعيطي بس شخصيتك قوية واللي قدامك خايف منك وبيحترمك حتي وقت انهيارك⁦♥️⁩