شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    بقالي كذة سنة بحب احوش مبلغ ع قدي ع اطلع شنط رمضان من مصروفي ع اول رمضان كنت بحب انزل اجيب الحاجة بنفسي واتمرمط ف شيلتها ونقلها وتغليفها لوحدي بس بتكون اسعد لحظاتي
    المهم ف مرة اتزنقت جامد وطلعت التحويشة في حاجة تاني لله برضو غير الشنط.. وكنت مضايقة جدا ع مبحبش اقطع العادة وقلت هعمل شنط صغيرة كدة من الي موجود ف البيت ونص العمي ولا العمى كله
    ف راح جه عمو الي ف مصر قعد عندنا يومين وهو ماشي اداني مبلغ كبير جدا وجه خالو من السعودية نزل علينا اداني ٥٠٠ريال وبقي معايا اجيب الشنط روحت هايبر كبير كان فاتح بس مش معروف هنا ف طما وملوش زباين كتير قلت هروح اجيب منه روحت لقيت عروض كتير حلوة ولما الكاشير عرف ان الحاجات دي لله عملي خصم كبير وكان مبسوط جدا روحت لماما وانا وشي محمر وبيشر عرق من تقل الكياس وطلعت كذة مرة ع اطلعهم لوحدي راحت قعدت تعبيهم معايا وجابتلي حاجات من الفريزر الي خزنتها لينا
    حطيت منها ف كل كيس
    ❤️ وكام نفسي احط لحمة او فراخ بس طبعا الميزانية متسمحس اجيب ٢٠ كيلو لحمة.. روحت وديت الكياس لناس اعرفها ومدرس عندي كان طالب كذة كيس لناس يعرفها وقالي ان واحد صاحبه دابح خروف لرمضان لله هيحط منهم ف الكياس دي ❤️❤️
    انا بقى كنت ف ٣ث😂احتسبت دة كله ان اقفل المواد الي عندي وبفضل ربنا قفلت معظم المواد مع العلم ان مكنتش براجع وكنت بحس ان عندي غلطات كتير بس قفلتهم وربنا رضاني بالي فيه الخير ليا❤️

    • رسالة منشورة

      اول يوم فاينل ف رمضان نزلونا من البيت س٦ الصبح والامتحان اصلا كان ١٢ الضهر ولو كانو قاصدين يستنزفو كل طاقتنا مكنوش عملو كدة دخلت الامتحان والامتحان كان نفخ نفخ ومعرفتش احل فيه تقريبا غير اقل من نصه حبيت الي عرفته و نمت حرفيا والله نمت سبت القلم ونمت ع البنش وجه المراقب صحاني روحت قعدت اعيط.. المهم طلعت راجعت لقيت كل الي حلاه غلط بصمت بالعشرة ان شيلاها شايلاها.. بس بعد م خلصت امتحانات قعدت اصلي قيام الليل وادعي واطلع صدقات بكل الفلوس الي معايا بنية اعدي فيها.. ومصدقتش يوم النتيجة والله لما لقيت عديت صافي منها وبجيد كمان❤️❤️الحمد الله

      • رسالة منشورة

        كنت راكب مواصلات وكان راكب جنبي راجل كبير في السن، الأجرة كانت 1.75وهو مش معاه غير جنيه ونص وكان تقريبا رايح يجيب علاج شهري ولسا هيرجع يروح تاني قال للسواق مش معايا غير دول والله لو عايز تنزلني ماشي السواق قاله لو مش معاك خالص ولا يهمك وخدهم وسكت
        أنا معملتش أي رد فعل واستنيت الراجل لحد ما ينزل وكان نازل في نفس المكان اللي انا نزلت فيه، استنيت العربيه تمشي وبعدين روحتله واديته مبلغ قولتله ده عشان أجرة المواصلات وانت مروح وسيبته ومشيت

        • رسالة منشورة

          كنت رايحة حصة ف مكان انا مش عارفة واتصلت بالمسار مردش عليا وصحابي بردو مردوش لأنهم كانوا بطلوا ياخدوا قومت اخدت توكتوك وقولتلك وديني المكان الفلاني واخدني ولما وصلنا نص الطريق سألني رايحة فين قولتله تعرف بيت المستر الفلاني قالي ايوة واخدني لهناك ومرضيش ينزلني غير لما اتاكد من البيت وسأل الناس اللي فالشارع ومكنش عايز ياخد فلوس والله حتي الآن كل مافتكر الموقف بدعيله ربنا يباركله

          • رسالة منشورة

            فى مره كنت ماشى فالشارع وفجأه سمعت دبَّه على الأرض ورايا ببص لقيت ست ممم يمكن قد امى واقعه على الأرض على وشها لقيت كذا حد قومها وغسلها وشها اللى كان مليان دم مقدرتش اقف ف مكانى والله وتخيلت لو كانت امى اللى فالمشهد ده مكانها! رحت جريت عالست وكان معاها أكياس كتير اترمت على الأرض والحاجات الللى فيها اتفرطت كدا واتبهدلت قعدت ألم ف حاجاتها ورجعتهم زى ما كانت وكله مشى وسابها وانا اخدت الاكياس ومسكت ايدها ووصلتها لحد باب شقتها ...المدهش اللى فالموضوع انى لما روحت وحكيت لأمى على اللى حصل وأنها قد ايه كانت صعبانه عليا لقيت عيون امى بعدما كدا وبتقولى الموقف ده حصل زمان مع ستك ( اللى هيا مامتها) وفيه واحد عملها زى اللىى انت عملته ده ومسابهاش غير لما وصلها 💙