A little kindness goes a long way.
Your message is only public if the profile owner publishes it.
احم شايفه أن اخد كيمياء عضويه في اول السنه دي فكره كويسه ؟
لا، لا، لا، لا
بعتبرك قدوة ليا 🥹♥️ بحبك خالص 😍 كان نفسي ادخل صيدلة عين شمس زيك بس للاسف جالي كلية تمريض جنوب الوادي 😔❤️🩹
يا روحي كلية تمريض تحفة والله ربنا يكرمك فيها وتعرفي إن دا مكانك واللي هتعرفي تبدعي فيه وربنا يوفقك دايمًا🤍🤍🤍.
اخد درس اون لاين و اوف لاين ولا اي ؟
على حسب احتياجك ايه في المادة، لو مدرس الدرس كافي خلاص ملهاش لازمة المنصة، لو حاسة المنصة هتزود مستواكي وهتعوض نقص الدرس فأوكي، بس اختاري دايمًا الحاجة إللي توفرلك وقتك.
في اول السنه (٣ث) اجيب اكتر من كتاب للحل ولا اكتفي بكتاب واحد ولا اي ؟
جيبي كتاب واحد عادي، مع مرور الشهور جيبي بقا وحلي فب الاتنين سوا ساعتها هتلاقي معاكي وقت ومحتاجة تجمعي افكار من كتاب تاني، بس بدايةً كتاب واحد عادي
احم انا بحب الشعر جدا بس مش بعرف اقرأ لمين وفين ولحظت انك بتنزلي ابيات شعر ف كنت حابه اعرف بتقرأي ابيات الشعر فين
بصراحة بشكل عشوائي مفيش شاعر معين أو عصر معين😭، وبرضو بييجوا قدامي عادي بس فيه قنوات كتير على التلجرام مشتركة فيها
انا داخله ٣ث وتايهه وخايفه حاسه ان في حاجات مفروض اعملها مش عارفه اي هي ولا عارفه مفروض اعمل اي وأبدا ازاي
ولا حاجة بجد عادي
معنديش شغف للمذاكرة نهائي وخاصة إني أزهريه وامتحاناتي السبوع الجاي أعمل اى ؟🥲
خلي قدام عينك دايمًا اللحظة إللي بتفتحي الموقع فيها وبتكتبي رقم جلوسك عشان تجيبي النتيجة.. وخلي في بالك جملة (التعب يزول والإنجاز يبقى), دي حاجة كانت بتحفزني وتخلنيي أقوم أذاكر غير كدا بصراحة الموضوع هيبقى من عندك ومهما تسمعي كلام مش هيجيب نتيجة زي لما أنت بنفسك كدا تقومي وتذاكري وتجبري نفسك، يعني لحظات كتير بتبقى مضطرين نسيب شغفنا ونفسيتنا وأي حاجة على جنب ونجبر نفسنا نقوم نذاكر ونتجاهل أي شعور سلبي، لأن مفيش حل ينفع غير كدا.
اخدتي كورسات في إجازة تانيه ثانوي علشان تقوي نفسك في تالته ثانوي في ماده معينه لو اه مع مين أو مثلا ذاكرتي أساسيات ماده معينه
خدت كورس إنجلش، كان كويس بس الحقيقة لو مكنتش أخدته مكنتش هندم، ولا مذاكرتش حاجة
هل التدوين فرق معاكي ؟
فرق جدًا بصراحة، لأني كنت بدون حاجات معينة، إللي أنا عايزاه بس واللي شايفاه مهم، يعني مكانتش حاجة أساسية إن لازم كل درس في كل مادة ألخص واكتب ملحوظات، لا إللي كنت بحسه مهم كنت بكتبه، والحاجات دي فادتني جدًا خصوصًا ليالي الامتحانات
اجمل دكتورة داليا في الوجود 🌌💙
♥️♥️♥️♥️♥️🥰
بصراحه وربنا انتى بت سكره كدا💗وتستاهلى كل خير 😍ربنا يوفقك ويكرمك ان شاءالله وربنا يجعل قلبك دايما فرحان يارب💗💗💗💗
تسلميلي يارب 😭♥️♥️♥️♥️♥️
كنتي بتفكري في المجموع
ومن لا يفعل؟ أكيد طبعًا، بل في فترة الأمر وصل لدرجة كبيرة من الإرهاق لأني كنت ممكن أسيب القلم في وسط المذاكرة بلا هدف وأحسب هنقص كام وهجيب كام وأفضل أعيط😭😂.لا أخفيكم سرًّا برضو كنت براجع بعد كل امتحان، وكنت حاسبة درجاتي وحتى كنت كاتبة في المذكرات بتاعتي إني هجيب ٩٠٪ او ٨٩٪، وقد كان وجبت في الرينج دا فعلًا.
معلش ممكن تساعديني 😔 انا بذاكر الفيزيا كنت اول بأول وجيت دلوقتي لما براجعها قولت قبل يعني م نبدأ مراجعه عشان احل ع طول لقيت نفسي زى وكأني اول مره اذاكرها وخايفه ومرعوبه منها اكتر ماده فلو سمحتى ممكن تقوليلي اتعامل معاها ازاي ف الوقت الضيق دا
مش مشكلة، خطوة حلوة إنك بدأتي تراجعيها لنفسك، كملي وهتفتكري عادي هو شعور مؤقت إن شاء الله طالما كنتي بتذاكريها أول بأول قبل كدا، والأهم بعد ما تراجعي الباب تحلي عليه وهتبقي فل إن شاء الله
هو انتي اتخطبتي ولا لسه ؟
لسة😂😂😂😂😂😂😂😂😂😂😂😂😂😂😂😂
No new profiles with photos yet.