شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    هل انتي فيمانست حيث المساواة بين الرجل والمرأة 🤣؟

    • إبلاغرد صاحب الحساب

      مين أنا ؟😂
      والله أنا أؤمن بالمساواة فعلا بس في العقاب والجزاء
      يعني أنا غلطت و واحد غلط حسابنا عند ربنا واحد وهكذا

      إنما في الحياة عامة لا طبعا مش بؤمن بالمساواة
      أصل اي موضوع في الدينا عشان نوصل لرأى فيه محتاجين المرجعية الدينية ليه
      وربنا قال الرجال قوامون على النساء فالقوامة نفسها شئ جميل وحاجة كويسة للمرأة اصلا
      يعني كون ربنا كلف الرجل سواء الأب - الزوج - الأخ بمسؤولية المرأة على مدار حياتها فدي حاجة نشكر ربنا عليها مش نقول لا لازم نتساوي وازاي هو وأنا لا وهكذا
      كرأي عارفة هيتسف عليا فيه 😂 أنا بشوف إن العلاقات اللي الراجل فيها أعلى من المرأة دينيا (ودا الاهم) وفي التفكير والمستوى العلمي وغيره دي أكتر علاقات بتنجح

  • رسالة منشورة

    فأنا تايهه جدا أنا صاحبة رسالة امبارح ممكن تردي عليا؟

    • إبلاغرد صاحب الحساب

      أعتقد مش دي الطريقة الصح اللي تحددي بيها حاجة مهمة زي الجواز عشان كدا مكنتش هرد لإن هقولك دلوقت رأيي من وجهة نظري أنا وممكن تكون إنتي بتحكمي بوجهات نظر مختلفة:
      أنا مؤمنة جدا جدا إن موضوع الجواز دا أو اختيار الشخص المناسب في حاجات أساسية مينفعش بأي حال من الأحوال التنازل عنها وفيه حاجات ممكن نتنازل عنها عادي
      التدين والأخلاق خط أحمر (بالمناسبة الاتنين وجهان لبعض)
      مينفعش مثلا نلاقي حداخلاقه كويسة ظاهريا وبيقطع في الصلاة ونوافق؟
      مينفعش حد بيصلي لكن معاملته مع أهله سيئة ونوافق؟
      وهكذا
      أي حاجة بعد كدا ممكن نتكلم فيها، لكن مش معني ذلك إن الباقي مش مهم
      عيلة الشخص مهمة جدا (دول هيبقوا أهل أولادك)
      شخصية ومستوى التفكير للشخص
      طبيعة حياته وشغله
      المستوى المادي (وبعتبره آخر حاجة ممكن الشخص يفكر فيها)
      ف ممكن تفكري في كلامي وهتوصلي إن شاء الله لقرار في سؤالك
      وربنا ييسرك دائما لما تحبه وترضاه.

  • رسالة منشورة

    مش هتشغليني معاكي😂؟

  • رسالة منشورة

    اشمعنى السور دي

    • إبلاغرد صاحب الحساب

      شكلك بسمة ولا مين 😂؟

      علي العموم بالنسبة للسور، الانسان عموما محتاج يوميا حاجة تذكره ب ليه هو موجود في الدنيا عشان ميتلهيش أو يضل. فالسور دي بالتحديد بستشعر بمعانيها الحقيقة دي.

  • رسالة منشورة

    يااه لسه بتسمعي سورة التوبة🤣؟

    • إبلاغرد صاحب الحساب

      أنا محدش بيحب سورة التوبة زيي تقريبا 😂
      لازم أسمع كل يوم سورة التوبة - إبراهيم - الحاقة بصوت المنشاوي
      طه بصوت محمد أيوب
      النور بصوت عمر بن ضياء الدين

  • رسالة منشورة

    الإنسان ايه يا دكتورة؟ 🤣

    • إبلاغرد صاحب الحساب

      الإنسان مستأنس
      بيشرب شاي
      بيسمع سورة التوبة بصوت المنشاوي ❤❤
      الجانب السئ بس إنه وراه شغل متأخر قاعد يخلصه 🫡🫡

  • رسالة منشورة

    ممكن تدعيلي؟

    • إبلاغرد صاحب الحساب

      هسافر أعمل عمرة إن شاء الله الشهر الجاي ممكن تبعتيلي الدعوة وهدعيلك هناك ❤❤