شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    احبك في الله ♥️

    • إبلاغرد صاحب الحساب

      أحبك الذي احببتني فيه جزاكم الله خيرا

  • رسالة منشورة

    فيديوهاتك الاخيره دي جميله وقتها صغير وبتوصل معلومه مفيده استمر وربنا يتقبل منك

    • إبلاغرد صاحب الحساب

      جزاكم الله خيرا ع رأيك
      وإن شاء الله القادم افضل
      نسأل من الله القبول والأخلاص

  • رسالة منشورة

    شوفتلك رؤيتين ف المنام والله كويسين
    ربنا ينفع بيك ويكرمك ويبارك فيك تستاهل كل خير

    • إبلاغرد صاحب الحساب

      اولا جزاكم الله خيرا
      بس ايه هما الرؤيتين دول 😅❤️
      خليني افرح معاك طيب 😅♥️

  • رسالة منشورة

    فاضلك قد ايه وتخلص الجيش ؟؟

    • إبلاغرد صاحب الحساب

      6 شهور إن شاء الله ع خير دعواتك يعدوا ع خير إن شاء الله

  • رسالة منشورة

    ‏ماهي العبارة التي ترددها عندما تضيق بك الحياة؟

    • إبلاغرد صاحب الحساب

      دعاء النبي
      يا حي يا قيوم برحمتك تستغيث اصلح لي شاني كله ولا تكلني الى نفسي طرفه عين

  • رسالة منشورة

    السلام عليكم ورحمة الله وبركاته
    لو تقدم لي شخص علي خلق دين وحافظ القرآن وسمعه أكتر من مرة علي جلسة واحدة بس اكتشفت إنه يستمع موسيقي ويعمل لاف لبنات عادي لو رفضت للسبب ده ظلمته!ولا من حقي التزامي مينزلش بسببه

    • إبلاغرد صاحب الحساب

      وعليكم السلام ورحمه الله وبركاته ، لازم يتم الإستفسار عن هذه الأشياء الأول بمعنى إيه ؟؟ بمعنى مثلا تسأليه مين البنات دي ؟ ممكن يطلعوا قرايبه فالبتالس مفيش مشاكل ، لكن لو لأ مش قرايبه يبقى لاء ساعتها دي نقطه تتحط ف البلاك ليست ، وموضوع الموسيقى يتم الإستفسار عنها بنقطة هل انت بتجاهد نفسك ف تركها ، يعني مثلا محدد يوم او يومين تسمع فيهم وواحده واحده بتبدأ تقلل لاغيت م تلغيها ولا لأ انت بتسمعها ع طول ومعندكش روح المجاهده ، لأن عشان تختاري واحد كامل مفيش فيه عيوب ده من المستحيلات ، غير كده لأ يبقى بلاش توافقي مدام ممكن مستقبلا تُفتني بهذه الأمور ، أسأل الله أن ييسر امرك ويرزقكم الزوج الصالح والذريه الصالحه

  • رسالة منشورة

    ربنا يبارك فيك يارب ويجعلك زخرًا لوالديك وادام عليكم الخير وحب الله
    ورزقك الزوجة الصالحة يارب والذرية الصالحة

    • إبلاغرد صاحب الحساب

      اللهم ءامين وإياكم جزاكم الله خيرا 🥰🥰

  • رسالة منشورة

    احبك من قلبي ي أستاذنا

    • إبلاغرد صاحب الحساب

      أحبك الذي احببتني فيه وانا كذلك ♥️ جزاكم الله خيرا ♥️

  • رسالة منشورة

    ربنا يوفقك ويسعدك يارب

    • إبلاغرد صاحب الحساب

      اللهم ءامين وإياكم جزاكم الله خيرا ♥️

  • رسالة منشورة

    عايزة اسال سؤال مهم ارجو الرد
    هو ينفع في الصلاه ادعي يعني مثلا يارب انا عايزة كذا او يارب احميني م كذا يعني كلام غير كلام الصلاة الواجب
    كدا صلاتي صحيحه؟؟

    • إبلاغرد صاحب الحساب

      اه طبعا ده ربنا بنفسه هو الي قالنا نعمل كده قال تعالى أدعوني أستجب لكم ، يعني تدعي ربنا بكل الي انتي عايزاه ومفيش وقت أجمل للدعاء غير وانتي بتصلي ، قال صلى الله عليه وسلم أقرب ما يكون العيد من ربه وهو ساجد

  • رسالة منشورة

    لماذا لا تضع صوره يا اخ محمد ؟

    • إبلاغرد صاحب الحساب

      لقد وضعت

  • رسالة منشورة

    والله يا اخويا انا عمرى ما عرفتك ولا اتعاملت معاك على الطبيعة بس بجد حابب اشكرك جدا لان من متابعتى ليك بقيت بفضل الله منتظم فى صلاتى وبدأت احفظ قران وبقيت احيانا اصلى أمام بالناس فى الجامع والفضل كلة بعد ربنا يرجع ليك ف بجد شكرا 💗
    وربنا معاك وتخلص جيشك على خير ويكتب لك الخير دائما ويرزقنا واياك الفردوس الاعلى ❤️

    • إبلاغرد صاحب الحساب

      أولا جزاكم الله خيرا ولكن نحن لا شيى لولا ستر الله وقال رسول الله صلى الله عليه لأن يهدي بك الله رجلاً واحداً خير لك من حُمُر النعم نسأل الله لنا ولك الثبات

  • رسالة منشورة

    مافيش اجمل من كدا اني احب في الله ي عم بلبع ♥️♥️♥️♥️♥️

    • إبلاغرد صاحب الحساب

      أحبك الذي احببتني فيه وانا كذلك والله جزاكم الله خيرا ♥️

  • رسالة منشورة

    لماذا اخاك لم يتزوج بعد بالرغم من انه اكبر منك
    وهل انت ممكن تتزوج قبله

    • إبلاغرد صاحب الحساب

      لأن أخي لم يفكر في ذاك الأمر الآن أما عن نفسي فانا مثله 😅😅

  • رسالة منشورة

    🤝🫡

    • إبلاغرد صاحب الحساب

      🫡🫡🫡🫡

  • رسالة منشورة

    لا ليه لاني بتعلم منك

    • إبلاغرد صاحب الحساب

      قال تعالى وأتوا البيوت من أبوابها واتقوا الله

  • رسالة منشورة

    لو اعجبت بواحده ممكن تدخل تقولها !؟

    • إبلاغرد صاحب الحساب

      لا
      لا أفعل ذلك ابدا

  • رسالة منشورة

    قفلت الانستا بتاعك ؟

  • رسالة منشورة

    هتخلص جيش امتي بزميلي

    • إبلاغرد صاحب الحساب

      ١٠ شهور إن شاء الله

  • رسالة منشورة

    مش يمكن اللي معجبه بيك تكون كدا !🤡

    • إبلاغرد صاحب الحساب

      ده ي الف مرحبا طبعا والله 😅♥️♥️

  • رسالة منشورة

    اممم يعني مش عارف ان ف حد معجب بيك !

    • إبلاغرد صاحب الحساب

      لا محنا عايزين واحده منتقبه وحافظه القرآن

  • رسالة منشورة

    حاسس ان ف واحده معينه عينك عليها 🌚😂

    • إبلاغرد صاحب الحساب

      لا والله ياعم انا غلبان وبعدين اكتشفت أن الدبله الي انا لابسها موقفه حالي عشان الناس بتسألني وبتسأب ناس اعرفها بيقولولهم هو محمد خاطب ولا لأ عشان لابس بدله 😢😅😅

  • رسالة منشورة

    لقيت بنت الحلال ولا لسا

    • إبلاغرد صاحب الحساب

      ادعيلنا نعدوا الجيش الاول وبنات الحلال كتير إن شاء الله 😅❤️

  • رسالة منشورة

    صورة البروفايل حلوة🤍🌚

    • إبلاغرد صاحب الحساب

      جزاكم الله خيرا 🥰😍

  • رسالة منشورة

    ربنا معك ويعتلك أيام طيبه وتروح وترجع بالف سلامه ويسترها عليك ويكفيك شر اي حاجه وحشه ويباركلك ياطيب يا خلوق يامحترم والله 🤛🤜❤️

    • إبلاغرد صاحب الحساب

      جزاك الله خيرا 🥰😍🥰

  • رسالة منشورة

    ربنا معاك ويقويك ويعينك وييسرلك امورك كلها وتخلص على خير يارب ♥️

    • إبلاغرد صاحب الحساب

      اللهم ءامين جزاكم الله خيرا ♥️♥️

  • رسالة منشورة

    لو سمحت أنا لو بتأخر ف الدروس والصلاه بتبقا متراكمه عليا اعمل اى اصلى قبل ما انزل كلو ولا لما نيجى اصلى كلو ال فات

    • إبلاغرد صاحب الحساب

      لو قدرت انك تستأذن من المدرس خمس دقائق تصلي فيهم الفرض الي عليه الدور هتروح ومس هيبقى عليك غير حاجه بسيطه انا كنت يخلص التسميع واستأذن من المدرس للصلاه لكن لو فيه عذر يمنعك للصلاه بره يبقى لا يكلف الله نفسا إلا وسعها وتصلي كله ف البيت اخر اليوم غ كافة لو فيه عذر مقبول وربنا يتقبل

  • رسالة منشورة

    حبيبي الغالي ربنا يحفظك يارب وتروح وترجع بالسلامة انشاءالله ❤❤

    • إبلاغرد صاحب الحساب

      اللهم ءامين جزاكم الله خيرا ي غالي ❤️😍🥰

    • إبلاغرد صاحب الحساب

      اللهم ءامين جزاكم الله خيرا ي غالي ❤️😍🥰

  • رسالة منشورة

    اخ غالي استاذ محمد ربنا يوفقك ويقويك ويعينك يااارب اتعودت عليك كل يوم فتره وتعدي على خير ان شاء الله ❤️

    • إبلاغرد صاحب الحساب

      دعواتك لي بالتيسير اللهم ءامين ونلتقي ع خير إن شاء الله جزاكم الله خيرا

    • إبلاغرد صاحب الحساب

      دعواتك لي بالتيسير اللهم ءامين ونلتقي ع خير إن شاء الله جزاكم الله خيرا

  • رسالة منشورة

    انت شخصية محترمة ❤

    • إبلاغرد صاحب الحساب

      جزاك الله خيرا تحت لا شيء لولا ستر الله

  • رسالة منشورة

    هنكتب كلمتين حلوين وانت موجود 😉🥰🥰

    • إبلاغرد صاحب الحساب

      مثلاً 🤭😅😅❤️❤️

    • إبلاغرد صاحب الحساب

      مثلاً 🤭😅😅❤️❤️

  • رسالة منشورة

    كان نفسي اجيلك امبارح المحل بعد الشغل اسلم عليك بس جالي خبرين وحشين ف ساعه واحده اولهم ان خلاص بخلص وحنطلق وكانوا قاعدين قاعده والتاني ان بنت عمي اتوفت زعلت عشانها اوي خلي بالك ع نفسك ربنا يحميك ويحفظك باذن الله ترجعلنا بالسلامه بالمناسبه حلو اوي الصوره اللي اتصورتها النهارده بتاعت القهوة دي ههه اختك ثناء

    • إبلاغرد صاحب الحساب

      خير خير إن شاء الله وقدر الله وماشاء فعل

    • إبلاغرد صاحب الحساب

      خير خير إن شاء الله وقدر الله وماشاء فعل

  • رسالة منشورة

    هفتقدك جداا جداا يا محمد يا حموكشه 😔♥️

    • إبلاغرد صاحب الحساب

      وهفتقدك جدا يالي ف بالي عارف مين الي باعتها 😅😅
      دعواتك لي بالتيسير إن شاء الله

  • رسالة منشورة

    وبالتوفيق لحضرتك يامستر يارب تسلم يارب، ربنا معاك يارب ويرجعك بسلامه.💙

    • إبلاغرد صاحب الحساب

      اللهم ءامين جزاكم الله خيرا ع هذه الدعوه الطيبة
      وفقكي الله لما يحبه ويرضاه وأصبح لكي شأنك ورفع قدرك اللهم ءامين 🤲

  • رسالة منشورة

    والله يا مستر الدرس حاسه انه فاضي من غير حضرتك وكنت بتدي بهجه في الدرس، ربنا يرجعك بسلامه يارب ونشوفوك علي خير يارب. 💙

    • إبلاغرد صاحب الحساب

      جزاك الله خيرا ع الرسالة الطيبة دي ولا فرحتني جدا واثبتتلي إن لازم الإنسان يسيب أثر كويس ، دعواتك بالتيسير وإن ربنا يعديها ع خير إن شاء الله ويوفقكم في ثانويه عامه ان شاء الله

  • رسالة منشورة

    والله يا مستر انا كل ما اشوف حضرتك في الدرس اقول ماشاءالله ربنا يحفظه، ربنا يباركلك بجد ويسعدك دايما ويحققلك كل الا بنتمناه يارب، 💙

    • إبلاغرد صاحب الحساب

      نحن لا شئ لولا ستر الله وجزاك الله خيرا على هذه الكلمات الطيبه وربنا يوفقك في الثانويه العامه ان شاء الله وترفع راي اهلك

  • رسالة منشورة

    السلام عليكم ورحمة الله وبركاته حبيبي الغالي .. تروح وترجع بألف سلامة .. انتبه الجيش فيه فتن كتيرة على حسب المكان اللي هتكون فيه سواء من ألفاظ سيئة أو سلوك سيء وتضييع للصلوات
    فما أبلغ من نصيحة رسول الله لابن عباس ..
    عن أبي العباس عبد الله بن عباس رضي الله عنهما قال : كنت خلف النبي صلى الله عليه وسلم يوما ، فقال : ( يا غلام ، إني أُعلمك كلمات : احفظ الله يحفظك ، احفظ الله تجده تجاهك ، إذا سأَلت فاسأَل الله ، وإذا استعنت فاستعن بالله ، واعلم أن الأُمة لو اجتمعت على أَن ينفعـوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك، رفعت الأقلام وجفت الصحف ) رواه الترمذي وقال : حديث حسن صحيح .

    وفي رواية الإمام أحمد : ( احفظ الله تجده أَمامك ، تعرف إلى الله في الرخاء يعرفك فـي الشدة، واعلم أَن ما أَخطأَك لم يكن ليصيبك ، وما أَصابك لم يكن ليخطئك ، واعلم أَن النصر مع الصبر ، وأن الفرج مع الكرب ، وأن مع العسرِ يسرا ) .

    • إبلاغرد صاحب الحساب

      السلام عليكم ورحمه الله وبركاته الحمد لله والصلاه والسلام على رسول الله وبعد فهذه الرساله هي من اميز الرسائل التي ارسلت الي عبر موقع صراحه اقول لك جزاكم الله خيرا على هذه النصيحه الطيبه وفعلا صدق قولك وصدق بعد ذلك بعد صدق القول حديث النبي صلى الله عليه وسلم واشكرك شكرا جزيلا مباركا فيه ولا تنسانا من صالح الدعاء ربنا يبارك فيك ويوفقك ويوفقك الى ما هو خير لك وصلاح لدينك

  • رسالة منشورة

    انت انسان محترم أنا اعرفك من زمان لما كنا بنحضر ندوات ف الجامع واحنا صغيرين ـ بحبك ف الله

    • إبلاغرد صاحب الحساب

      السلام عليكم ورحمه الله وبركاته انا احبك في الله جدا فاحبك الذي احببتني فيه وربنا يجمعنا على خير وعندي الفضول فعلا اني اعرفك جزاك الله خيرا ولا تنسانا من صالح الدعاء

  • رسالة منشورة

    اقسم بالله انت من احسن الناس ال شوفتها فى حياتى بجد وبفرح لما بشوفك اوى فى الدرس تروح وترجع لينا بالسلامة يارب حتوحشنى والله يا مستر ♥️♥️♥️

    • إبلاغرد صاحب الحساب

      حبيبي والله ده انا اللي احنا افتقدكم جدا سواء شغل في الدرس او في المحل والله وربنا يعلم انا باعزكم قد ايه كلكم على بعضكم والله ربنا يبارك فيك ويحفظك والله عندي فضول اني اعرفك والله عشان تبقى لك معزه خاصه بعد الرساله الجميله دي ولا تنساني من صالح الدعاء

  • رسالة منشورة

    عايزك ترشحلي كتب إسلاميه أقراها تخص العقيده والفقه وكده تنصحني بإيه

    • إبلاغرد صاحب الحساب

      ابدا بالكتب الاحاديث الاول زي عمده الاحكام ورياض الصالحين

  • رسالة منشورة

    ليه مدتش دروس مع إنك خريج تربيه

    • إبلاغرد صاحب الحساب

      علشان عندي جيش فما ينفعش ان انادي دروس وبعد كده اسيب الطلبه في نصف السنه واسيبهم وامشي يبقى حرام علي عشان دي امانه في رقبتي جزاك الله خيرا ولا تنساني من صالح الدعاء

  • رسالة منشورة

    عايز اخش الجيش ولا تاخد إعفاء ؟؟؟؟؟

    • إبلاغرد صاحب الحساب

      نخش الجيش طبعا وربنا ان شاء الله يرزقنا بسلاح كويس لا تنسونا من صالح الدعاء وانا خلاص اخذت لائق الف وخلاص

  • رسالة منشورة

    حضرتك كنت قايل ف فيديو ينفع تصلي قيام الليل الصبح عايزه أعرف المصدر ؟

    • إبلاغرد صاحب الحساب

      اي نعم هذا صحيح وهذا وضع على النبي صلى الله عليه وسلم في حديثه عمر حديث عمر بن الخطاب رضي الله عنه حين قال قال رسول الله صلى الله عليه وسلم من نام عن حزبه من الليل او عن شيء منه فقراه ما بين صلاه الفجر والظهر كتب له كانما قراه من الليل وهذا حدث مع النبي صلى الله عليه وسلم حين روت السيده عائشه رضي الله عنها حين قالت كان النبي صلى الله عليه وسلم اذا فاتته الصلاه من الليل من وجع او غيره صلى من النهار ثنته عشر ركعه

  • رسالة منشورة

    بعد اذنك سؤال بس واحد بيسألني وبيقولي ان والده حلف عليه بالطلاق انه ميرحش بيت عمه وبعد كدا رجع تاني قوله روح لو عايز
    هو بيقولي ان حلف عليه وقت غضب وزعل بينهم
    بس بعدها قالو روح لو عايز تروح
    بس هو خايف يوقع حلفان والده مع ان قالو روح عادي
    فهو بيسألني يعمل ايه وانا الصراحه مش عارف

    • إبلاغرد صاحب الحساب

      علينا يطلع كفاره وحتى لو هو هيطلع كفاره مكان على الوالده مش مشكله وخلي الولد بعد كده يعرف ان الموضوع ده ليس بهين يعني حتى لا يقع في التطبيق الفعلي لهذا الامر وجزاكم الله خير

  • رسالة منشورة

    هونها الله عليك..
    ورزقك راحة البال والقلب وهداك وعافاك باذن الله.

    • إبلاغرد صاحب الحساب

      اللهم ءامين 🤲

  • رسالة منشورة

    شلت صورتك ليه ي مولانا😂♥
    تروح الجيش وترجع لاهلك بالسلامه ان شاءلله
    ربنا يحفظك ويراعاك

    • إبلاغرد صاحب الحساب

      لأسباب نفسيه فقط وليس شئ أخر

  • رسالة منشورة

    جزاك الله خيراً
    هكمل الصلاة
    في مره تعبت وقولت اكيد باطله وبطلت اصلي
    وان شاءلله هرجع واكمل

    • إبلاغرد صاحب الحساب

      لا لا كمل عادي ده وسوسه زي م قولتلك عشان يكرهك ف الصلاه وده امري بديهي ، جزانا واياكم ،تحت أمرك ♥️♥️

  • رسالة منشورة

    لو سمحت لو انا بتخيل ناس وانا واقف بصلي لوحدي يعني ناس اعرفاها انهم واقفين معايا مثلا او جمبي بيتكلمو
    تبقي الصلاه باطله؟؟
    معرفش ازاي ابطل كدا انا بطبعتي التخيل مسيطر عليا في معظم حياتي

    ارجو الرد

    • إبلاغرد صاحب الحساب

      ليس عليك شئ ، انت تكمل صلاتك عادي خالص وتستعذ بالله من الشيطان وحاول تركز ف الآيات الي بتقرأها قدر المستطاع لأن دي ف الغالب بيبقى وسوسة شيطان ليغويك عن الصلاه وربنا يتقبل ♥️♥️

  • رسالة منشورة

    ربنا يحظك والله يمستر بجد ونعمة الاخلاق 💙

    • إبلاغرد صاحب الحساب

      نحن لا شئ لولا ستر الله جزاكم الله خيرا ي غالي ❤️

  • رسالة منشورة

    ملاحظ عليك بقالك فتره متغير مش زي بلبع الي اعرفه زمان ف حاجه شاغله بالك ؟؟

    • إبلاغرد صاحب الحساب

      انا بخير الحمد لله رب العالمين , هى يمكن اكتر فتره ف حياتي بفكر كتير جدا وشاغل بالي بحاجات كتير ربنا يدبر الامور وجزاكم الله خيرا ♥️

  • رسالة منشورة

    يااه طلعت بترد ع الصراحه وشوفت الرد متاخر😂
    بس عايزة اقولك اني احبك ف الله كاخ افتخر انه كان زميل ليا ف يوم م الأيام ولما بشوفك بتمني يكون نصيبي شخص محترم وابني كذلك ربنا يسكن والدتك الفردوس الاعلي بحق ماهي اتقنت ربايتك هي ووالدك ويديه الصحه وطولة العمر باذن الله ويرزقك الزوجه الصالحه اللي تتقي الله فيك حقيقي ونعم التربية ونعم الأخلاق صحيح الانسان المحترم غير اي حد ربنا يكتر من امثالك يارب🧡🧡🧡

    • إبلاغرد صاحب الحساب

      جزاكم الله خيرا ، والله نحن لا شئ لولا ستر الله ، وربنا يرزقكم زوجا صالحا تقيا ترضاه لدينه وخلقه ورزقكم الله الذريه الصالحه ،واصلح لكم أموركم اللهم ءامين 🤲

  • رسالة منشورة

    ليه معظم المتدين واللي مربيين دقنهم وملتزمين بيشتغلو ف محلات عطور وفاتحين محل واتنين م العطور؟ 🙂🙂🙂

    • إبلاغرد صاحب الحساب

      ده اكتر سؤال الناس بتسأهلولي فعلا 😅😅😅
      وفعلا دي حقيقه
      بس الإجابه الي عندي لإن العطور كانت من الأشياء المهمه جدا الي النبي صلى الله عليه وسلم ❤️ كان بيهتم بيها وذكر العطور ف اكثر من حديث ، واللحيه سنه ايضا عن النبي صلى الله عليه وسلم فنحن نقتدي بسنة النبي صلى الله عليه وسلم بقدر المستطاع وجزاكم الله خيرا 🥰♥️

  • رسالة منشورة

    كلمني عن نفسك

    • إبلاغرد صاحب الحساب

      شاب يعيش بستر الله وهذا يكفي

  • رسالة منشورة

    مبارك ع التخرج يامحمد مشاء الله ونعم التربيه حسيت اني فخوره بيك والله كنت معايا ف المدرسه ف الابتدائي انت واختك ونعم الاخلاق والله وفخوره جدا ب ابوك مش اي اب بيكون سند ل ولاده بعد امهم وانا كنت بشوف ابوكم بيتعامل معاكم ازي ف المدرسه بكل حب ولطف ربنا يبارك ف عمره ويجعل البركه والخير كله فيكم بالتوفيق دايما يارب ♥️

    • إبلاغرد صاحب الحساب

      الله يبارك فيكي جزاكم الله خيرا ، ونحن لا شيئ لولا ستر الله ، وفعلا والدي يعتبر هو كل حاجه ربنا يجازيك كل خير عما فعل واشهد له أنه ما قصر في حقنا طرفة عين وجزاكم الله خيرا ع الرساله الطيبه دي

  • رسالة منشورة

    أنت خاطب يا غالي ؟؟؟

    • إبلاغرد صاحب الحساب

      لا ي حبيب دعواتك ربنا يرزقنا بالزوجه الصالحه المنتقبه 😊♥️

  • رسالة منشورة

    اللهم بارك ربنا ينفع بيك عباده
    الفيديوهات اللي بتعملها جميله اووي وكل فيديو رسالته احلي من التانيه حقيقي 🤍
    استمر

    • إبلاغرد صاحب الحساب

      جزاكم الله خيرا ، نسأل من الله القبول والإخلاص ، وان يكون صدقة جارية اللهم ءامين 🤲

  • رسالة منشورة

    بارك الله فيك وهدانا وإياك يا شيخنا ❤️
    اقتراح بس صغير ممكن تقلل صدى الصوت في التلاوات عشان الحروف مش بتبان وصوتك أجمل من غير تعديل
    تقبل الله منا ومنك

    • إبلاغرد صاحب الحساب

      ايوه فعلا عندك حق جزاكم الله خيرا على النصيحه بحبيب احبك في الله ♥️❤️😍🥰

  • رسالة منشورة

    ردي علي اخر رساله القاتل عارف انو قاتل وبيحاول يبراء نفسه

    • إبلاغرد صاحب الحساب

      لم أفهم المقصد يرجى التوضيح

  • رسالة منشورة

    علي ما اعتقد ان المساجد دي معموله للصلاه والعباده وليست للهو واللعب وتصوير السخفات ولا الشيوخ اللي عارفين ربنا ليهم راي تاتي

    • إبلاغرد صاحب الحساب

      جزاكم الله خيرا على هذا الرد 🤗❤️❤️
      طبعا عندك حق ده مسجد ربنا اطهر بقاع الأرض ، ولكن هذا ليس إستخاف خالص بالعكس ده عمل حقيقي يحدث ونراه بأعيننا ،اما الشيوخ فأنا ليس شبه بل شاب 😊
      لان الشبه عدى عمره فوق ال٦٠ عام وجزاكم الله خيرا يا حبيب ❤️❤️

  • رسالة منشورة

    السلام عليكم ورحمه الله وبركاته.+صلى ع الحبيب قلبك يطيب.شيخ محمد 😊
    كنت عايز اقول ل حضرتك حاجه بس الصراحه مكنتش عارف اقولك ازاي كنت بصلي ف مره وراك الفجر وانت غلط ف الآيه بتاعت. كدأب آل فرعون . تاني صفحه ف ال عمران وبدل م تقول والله شديد العقاب قولت ان الله شديد العقاب انا حافظهاا كويس كدا الحته دي بس قولت لا أكيد انا ال غلط هو حافظ اكتر مني وافضل مني ومرديتش ارد
    لحد لم روحت مسكت المصحف لقيت انها . والله شديد العقاب.ومكنتش عارف اقولك ازاي الصراحه لحد لم لقيت لينك الصراحه😂
    وع العموم انت من أفضل وأنقى الناس ال شوفتهم ف حياتي والله ربنا يبارك فيك ويحفظك ويذيدك
    وصل عل النبي بق😅

    • إبلاغرد صاحب الحساب

      اصدق انك زعلتي انك مصححتليش في الصلاه على طول 🥲
      على العموم حعديهالك لكن لو صليت ورايا تاني تصححلي على طول
      لا يغالي مفيش حاجه اسمها ده احفظم مني القرءان غالب وليس مغلوب شيوخ الحرم بيغلطوا يبقى أنا مش هغلط 😅
      وجزاكم الله خيرا يا غالي وده يزيدني شرف والله والله إني أحبك في الله ❤️❤️❤️

  • رسالة منشورة

    الله يجبر بخاطرك وينولك اللي بتتمناه دنيا وآخره يارب ♥️♥️انتَ إنسان جميل جدا علي كل مستوى غفر الله لك مالا نعلم وجعلك أفضل مما نظن♥️♥️

    • إبلاغرد صاحب الحساب

      فرحتني جدا الرساله دي وجايه ف وقتها الله يجازيك خير ويرضى عنك أحبك ف الله ❤️

  • رسالة منشورة

    بارك الله فيك ❤️

    • رسالة منشورة

      مبروك التخرج نسمع عنك خير ان شاء الله

      • إبلاغرد صاحب الحساب

        الله يبارك في حضرتك
        اللهم ءامين واياكم جزاكم الله خيرا

    • رسالة منشورة

      من أجمل الناس إللي شفتها في حياتي صوتك جميل ماشاء الله في القرأن الكريم وبتمني تعمل فيديوهات أكتر لان صوتك فيه خشوع وجمال اللهم بارك وحتي فيديوهاتك الدعويه مؤثره وجميله
      وأنا بحبك في الله وبتمني ليك كل الخير والنجاح وربنا يوفقك في حياتك يارب

      • إبلاغرد صاحب الحساب

        جزاكم الله خيرا ، وربنا يديم صحبتنا دائما ف طاعة الله ورضوانه ولا تنسونا من صالح دعائكم ❤️ وسدد الله خطاكم ورفع قدركم وبلفكم مقاصدكم

    • رسالة منشورة

      ضروري ممكن تنزلها ف بوست
      هو فعلا الست لو خرجت ورا جنازة لغاية المقابر الميت بيعذب؟
      ارجو الرد لضرورة ولو فعلا بيعذب بسببها هل لو مكنتش تعرف كدا الميت معلهوش اثم ولا هي ولا بيكون عليها ولا ايه ارجو الرد ف بوست لضرورة

      • إبلاغرد صاحب الحساب

        لم يرد ف السنه ان الميت يعذب باتباع المرأة جنازة له ولكن لا يجوز للمراه اتباع الجنائز فهذا ليس من البر ولكن يجوز لها زيارة المقابر رغم حدوث الخلاف ف ذلك منهم من قال جائز ومنهم من قال حرام ومنهم من قال مكروه ، وفيه واحده لم اتذكر اسمها قالت نهينا عن إتباع الجنائز ولم يسمح لنا بذلك
        أما موضع العذاب فلم يرد ف السنه ذلك ، والاثم بجهاله يغفر الله بها ، والله تعالى اعلى واعلم

    • رسالة منشورة

      غير صوره البروفايل عشان مش حلوة زي باقي الصور تحسها واضحه زياده عن اللزوم

      • إبلاغرد صاحب الحساب

        حاضر وجزاكم الله خيرا

    • رسالة منشورة

      حفظك الله و رعاك و سدد خُطاك ً غفر لك خَطاك

      • رسالة منشورة

        ربنا يحفظك ياصديقي ويكرمك في حياتك يارب وعوزك تدعيلي دعوة حلوة ليا

        • إبلاغرد صاحب الحساب

          حبيبي ي غالي جزاك الله خيرا
          ربنا يصلح حال الجميع ويثبتك وإيانا ويسدد خطاك وإيانا اللهم ءامين 🤲❤️

      • رسالة منشورة

        شخبط ع الرسالة
        لو شخص بيفعل ذنب وبيستغفر ويتوب ويرجع يدعي انه ميعملهوش ويقعد لفتره ويرجع وابتدي يزهق م نفسه ويفقد الامل ويلوم نفسه لانه كدا مش محبوب عند ربنا بديل ان لو ربنا بيحبه هيقربو لي وهيبعده عن المعاصي والشهوات فهو بيحاول بيقرا قراءن ويقطع ويصلي ويقطع ويفعل ذنب ويتوب بس تعب م قلة الاستجابة بيبكي م تقصيرو بيبص للملتزمين وبيدعلهم ويتمني يبقي منهم بس محتاج حاجه تبعده عن الذنب ده وترجعه لصلاه تاني ممكن رد ودعوة لصاحب الرسالة دي بصلاح الحال

        • إبلاغرد صاحب الحساب

          ‏ستبقى في مجاهدة مع نفسك ما حييت
          فلا تملّ ولا تكل من تكرار التوبة
          ولا تتردَّد في العودة إلى الله ،
          فالله يُحب إقبالك عليه ولو كنت غارقًا في الذنوب ..
          الشيطان هو الذي يرسخ فيك هذا الفكر ويريدك تعلم كم التخلي الي تخلى عنك ممن تعبد لكي تكفر بالله والإعاذ بالله من ذلك
          ولكن ربنا لا يمل حتى تمل انت من التوبه ، وانت كده اسمك أواب مس منافق ، عليك بمحاهدة النفس ، خليك فاكر إن الطريق السالك مس بيوصل لحاجه ، لازم تقوم وتقع وتتزحلق وتتكسر وتوغل وتصايق وتعجز علشان في الاخر توصل ، ربنا قال ام حسبتك أن تدخلوا الجنة ولما يعلم الله الذين جاهدوا منكم ، يعني انت عملت ايه مقابل دخولك للجنه ، اول حاجه ربنا ذكرها الجهاد يعني جهاد النفس على الطاعه وتجنب المعاصي نسأل من الله لنا ولك الثبات على الدين

      • رسالة منشورة

        اخيرا لاقيت الصراحه
        انت انسان خلوق ومحترم جدا اللهم بارك
        ربنا يزيدك حسن ف اخلاقك يارب

        • إبلاغرد صاحب الحساب

          نحن لا شئ لولا ستر الله
          جزاكم الله خيرا ولكم المثل في ذلك

      • رسالة منشورة

        السلام عليكم دلوقتي أنا الحمدلله بصلي وبصوم وبقيم الليل وقربت اختم المصحف
        لاكن حاسس اني فاقد حاجه او مش حاسس بخشوع زي ماالناس بتحس أو حاسس كاني مش بعمل حاجه هل انا كده وحش ولا ربنا مش بيتقبل مني ولا ايه ؟

        • إبلاغرد صاحب الحساب

          كمل معافرة عادي
          مش لازم نحس بثمرة الخشوع والحلاوة ف العبادة
          قال تعالى { والذين جاهدوا فينا لنهدينهم سبلنا
          مش من مرة ولا اتنين
          [٢٥/‏٤ ٣:٣٠ م] Bassam Balba3: جاهدووو
          بقالهم كتير بيعملوا كده

      • رسالة منشورة

        عاوزين فيديو ونت بتقلد فيه شيخ 🌚

        • إبلاغرد صاحب الحساب

          انت تؤمر ي حبيب في اقرب وقت إن شاء الله
          جزاكم الله خيرا ❤️

      • رسالة منشورة

        السلام عليكم
        ازيك🤌🌸
        وانا بصلي التروايح في المسجد مثلا في السجود ممكن الإمام يقوم قبل ما اخلص دعوه مثلا ف انا بفضل لما اخلص وبعدين ابقي اقوم دا ينفع ولا لازم اقوم معاه اول ما يقول الله اكبر وماخلصش الدعوه ،يا شيخ؟🥲

        • إبلاغرد صاحب الحساب

          في الاصل في الحكم عدم تسبيق الامام ولا التساوي أما التأخير هو غير مستحب لكن لو ثانيه أو ثانيتين مثلا خلاص مش مشكله زي مثلا فاضل جزء بسيط من الدعوه أو جزء بسيط من التشهد فلا بأس من إتمام الجزء الناقص ويسلم بعدها

      • رسالة منشورة

        ربنا يحفظك 💙

        • إبلاغرد صاحب الحساب

          واياكم جزاكم الله خيرا ❤️

      • رسالة منشورة

        حضرتك انسان محترم لم اتشرف بمقابلتك لكن منشوراتك و سمتك يعبر عن ذلك ربنا يجعلك من سعداء الدنيا والآخرة

        • إبلاغرد صاحب الحساب

          نحن لا شئ لولا فضل الله وستره وجزاكم الله خيرا ❤️

      • رسالة منشورة

        منك لله اهو عشان متزعلش😂😂😂

        • إبلاغرد صاحب الحساب

          ربنا يجبر بخاطرك يخويا 😂😂

      • رسالة منشورة

        والله مافي حاجه مفتقدها إلا صلاه الفجر ورائك ربنا يثبتك ويكرمك ويزوجك منقبه صالحه ويخلف من بعدها ذريه صالحه ان شاء الله ❤🥺🥺🥺🥺

        • إبلاغرد صاحب الحساب

          احمد الطحان انت صاحب الرساله دي متأكد جدا ربنا يجمعنا ع خير إن شاء الله وانا فعلا مفتقدك جدا احبك ف الله ❤️

      • رسالة منشورة

        سالت حد كده انو اطلع بالنقاب ف اول مرة قال مش زوق يعنى كأنى اللى هو انت لو عجبتنى تشوفني مش عجبتنى ما تشوفنيش انت ايه رأى حضرتك يعنى لو الموقف دا معاك هتعبره قله زوق؟🙂

        • إبلاغرد صاحب الحساب

          هي دي وجهة نظر برضوا بس بتختلف من شخص لآخر يعني ، وانا كواحد لو اتقدمت لواحده ودخلت بالنقاب اول مره تمام مفيش مشكله حقها ولو محصلش قبول من ناحيتها ليا يبقى حقها حافظت ع شكلها من واحد مش قبلان لكن لو حصل قبول ساعتها يبقى ليا الحق الشرعي في رؤيتها ولسوف في قبول مني ليها ولا لا خلاص تمام بيبقى ليا مرتين كمان فترة الخطبه فقط وبعد كده يبقى بعد كتب الكتاب ، وفيه ناس ممكن تشوفها زي م حضرتك قولتي قله زوق لكن انت شايف غير كده حضرتك واحده منتقبه يعني مش كله م كيتقد م عريس تخشيله كده من غير النقاب كله مره باريس مختلف طب يبقى ليه النقاب بقى دي وجهة نظري

      • رسالة منشورة

        صوتك راع

        • إبلاغرد صاحب الحساب

          ذلك من فضل الله
          جزاكم الله خيرا

      • رسالة منشورة

        الايف بتاعك كان جميل اوي وصوتك اللهم بارك ربنا يجعله في ميزان حسناتك يارب ويجازيك خير وروح يا شيخ يارب نشوفك داعيه اسلامي كبير وتحقق ما تتمني

        • إبلاغرد صاحب الحساب

          اللهم ءامين، جزاكم الله خيرا
          وبكم بالمثل في كل خير ربنا ينفع بينا جميعا ويديم نعمه علينا اللهم ءامين 🤲🤲

      • رسالة منشورة

        الليف بتاعك كان جميل اوى 💙

        • إبلاغرد صاحب الحساب

          جزاكم الله خيرا نسأل من الله القبول والاخلاص

      • رسالة منشورة

        متقدميلي عريس وانا برفضهم علي طول وانا معرفش عنهم حاجه اصلا ودا كمان معرفش عنو حاجه أوافق ونعمل رؤيه شرعيه خاصتا انى منتقبه ولازم اخلع النقاب ولا أرفض واريح راسي يا شيخ🙂

        • إبلاغرد صاحب الحساب

          السلام عليكم ورحمه الله وبركاته
          ردي ع سؤال حضرتك ، المتاح لحضرتك إنك تعملي رؤيه شرعيه ف البدايه من غير م تقلعي النقاب لو حسيتي أنه إنسان كويس وفيه قبول وتمام خلاص لازم ساعتها هو يشوف شكلك ويحصل رؤيه شرعيه تامه عادي جدا
          من حقك متقلعيس النقاب اول مره وحقه أنه بشوفك إذا حصل فيه قبول من ناحيتك

      • رسالة منشورة

        ادع لي بأن يهدي لي قلبي

        • إبلاغرد صاحب الحساب

          وفقك الله لما يحب ويرضى وقاعد لينك وبين الذنوب والمعاصي كما باعد بين المشرق والمغرب وان يرزقك وإيانا الإخلاص والقبول

      • رسالة منشورة

        أكتر سوره بتحبها في القران؟

        • إبلاغرد صاحب الحساب

          سورة القصص احب السور الي قلبي ❤️❤️

      • رسالة منشورة

        معلش بس سؤال
        مش معنى المنشاوي يعني الي بتحبه جامد كده ماهو فيه الشيخ مصطفى و عبد الباسط
        برضوا ممتازين ، لكن ايه سر الحب في المنشاوي يعني 🤔

        • إبلاغرد صاحب الحساب

          المنشاوي ده حياه لوحده طبعا مع إحترامي لجميع القراء ولكن المنشاوي ده مذاق آخر لوحده ربنا يرحمه ويحسن اليه ويجعل كل ده ف ميزان حسناته

      • رسالة منشورة

        عادي لو كملت ختمة القرءان الي كنت بادى فيها قبل رمضان وبكده تحتسب ختمه كامله في رمضان ولا ابدا من جديد ؟؟؟

        • إبلاغرد صاحب الحساب

          عادي مش مشكله بس يفضل انك توقف ختمتك الي قبل رمضان وتخلي لشهر رمضان ختمه خاصه بيه وبعدها ترجع تكمل الي كانت قبل رمضان

      • رسالة منشورة

        السلام عليكم ورحمه الله وبركاته
        سؤال بعد إذنك أنا حافظ الاربعون النوويه كله وعايز اكمل حفظ ايه المصادر الي فيها احاديث برضوا احفظ منها وشكرا

        • إبلاغرد صاحب الحساب

          وعليكم السلام ورحمه الله وبركاته
          عندك كتاب عمدة الأحكام الكتاب رياض الصالحين
          مهمين جدا وربنا ينفع بيك

      • رسالة منشورة

        اظبت مكنة الصوت بتاعت المسجد علشان صوتك غير واضح كويس ف المايك المكنه فيها مشكله

        • إبلاغرد صاحب الحساب

          ده انا شخصيا تعبت صوتي جامد وبنحاةل نشوفو مكنه تانيه أن شاء الله ربنا ييسر الأمر

      • رسالة منشورة

        السلام عليكم ورحمه الله وبركاته
        ياريت حضرتك تعمل فيديو تتكلم فيه عن الاغاني وتحريمها لان الموضوع زاد جامد والناس شيفاه عادي
        وجزاكم الله خيرا

        • إبلاغرد صاحب الحساب

          وعليكم السلام ورحمه الله وبركاته
          أنا فعلا اتكلمت في فيديو عن حرمانية الاغاني بالاداره من القرءان والسنه بس كان نازل استوري فقط وليس على الاكونت بي إن شاء نحضر واحد تاني اقوي شويه للصفحه بإذن الله تعالى وجزاكم الله خيرا 🙂

      • رسالة منشورة

        الصوره اللي حطتها الاول كانت احلى

        • إبلاغرد صاحب الحساب

          جزاكم الله خيرا
          بس للاسف حسيت إني صغير فيها لان تصورها كان اكتر من سنه 🙂

      • رسالة منشورة

        انا صديق ليك يمكن متعاملتش معاك كتير هم مره او مرتين لكن استريحتلك في الكلام وأسلوبك حلوه ومتفاهم ربنا يحفظك ويبارك فيك اخي الكريم وكل عام وانت طيب وبخير

        • إبلاغرد صاحب الحساب

          حبيبي الغالي شرف ليا معرفتك
          وربنا يديم محبتنا ف طاعته ورضاه ❤️

      • رسالة منشورة

        اتمنى اشوفك بعد خمس سنين زى ما انت بتحلم تكون 💙

        • إبلاغرد صاحب الحساب

          اللهم ءامين
          بس سؤال صغير معلش مش معنى خمس سنين يعني 🤔👌😅

      • رسالة منشورة

        شايف نفسك فين بعد ٥ سنين
        ايه شغلانتك أو مكانتك

        • إبلاغرد صاحب الحساب

          أنا بتمنى أكون داعيه اسلامي كبير ، واسال من الله أن يثبتني على الحق ف زمن كثر فيه الفتن
          أما عن شغلى الخاص وليس الدعوى اتمنى اكون حاجه كبيره ف العطور سواء كان ف فتح محلات أو عمل شركات يعني اكبر المشروع ع أعلى مستوى

      • رسالة منشورة

        ليه معندكومش مرايه في البيت😝🙂

        • إبلاغرد صاحب الحساب

          لا يحبيبي عندي بس عشان أنا بحبك جامد ف عايزك انت إلى تنصحني شوفت بقى 🙂😂😂

      • رسالة منشورة

        ما تنصحنا انت😝😝

        • إبلاغرد صاحب الحساب

          أوصيكم ونفسي بتقوى الله

      • رسالة منشورة

        السلام عليكم يا محمد
        أنا صاحبك من سنين كنا مع بعض ايام الثانوي وكنت عايز نصيحتك في إن أنا بعيد الصلاة وربنا وخاصة أننا داخلين على شهر رمضان ومش عايز اتكاسل عن العباده وخايف اموت وانا على الحال ده ياريت تنصحيني اعمل ايه وابدا ازاي ؟ وعلى فكره انت تعرفني كويس واتكلمانا مع بعض كتير بس الكليه هي الي فرقتنا بقى
        وانا عندك على الفيس كمان عادي بس محرج اكلمك على الخاص ف الموضوع ده

        • إبلاغرد صاحب الحساب

          وعليكم السلام ورحمه الله وبركاته حبيبي الغالي
          ربنا يديم محبتنا في طاعته ورضاه ثانين المصفق بانك تبقى حريص كل الحرص على اصحابك لازم يبقى اصحابك دول الفراسه زي ما بيقول لان العباره بتقول اللي كلنا عارفينها الصاحب ساحب فانت تنصح زميلك بالصلاه والصوم وهاكل لو ما جوش معك من مره واثنين وثلاثه سيبهم وصاحب اصحاب ناس ثانيه كويسه تجردت للتعذر مش هتحس باني غريب بعد كده ومش حضرتك اسال عن الطاعات منك حاجه تفكر اللي هم اللي هم هيعملوها لك في متحف جدا من فعل الطاعات ونسال الله لنا ولك الثبات

      • رسالة منشورة

        أنا متابعه فيديوهات حضرتك
        وماشاء الله بتقدم المحتوى كويس وبتوصل المعلومه بطريقه الناس تتقبلها في شبوخ ممكن يكونو بيتكلموا ف نفس الموضوع بس طريقتهم تكون مشمئزه وتنفي الناس مس متابعتهك لكن حضرتك عندك ميزه الأسلوب الكويس والأداء ربنا يوفقك ويزيد من أمثالك

        • إبلاغرد صاحب الحساب

          اولا مسالم من الله القبول والاخلاص
          ثانيا جزاكم الله خيرا
          وانا ديما حريص ف موضوع الأسلوب بتاعي ف الفيديو لان ربنا سبحانه وتعالى قال { ادعوا إلى سبيل ربك بالحكمة والموعظة الحسنة} ف الأسلوب اللين واليسير في الدعوه الى الله أمر من ربنا سبحانه وتعالى
          وربنا ينفع بينا جميعا

      • رسالة منشورة

        بلبع انت ذوقك حلو في القفاطين والأنواع لو اللون ده والخامه حلوه قولي علشان جايبه هديه لواحد وشكرا مقدما ي محترم

        • إبلاغرد صاحب الحساب

          حبيبي ده من زوقك حقولك صلي على سيدنا محمد انا بجيب خامة اللقيس والذهبيه ف القفاطين ممتازه جدا والخامه جميله ، السنادي فيه خانه نازله جميله برضوا اسمها الباز اينعم غاليه شويه بس خامه نضيفه جدا ولو عايزين انزل معاك واقولك عواملكن تحت امرك ❤️

      • رسالة منشورة

        زعلت جدا لما عرفت أن مامتك متوفيه ربنا يرحمها ويحسن إليها ويرزقك بالزوجه والذريه الصالحه الي تعوضك عن كل حاجه

        • إبلاغرد صاحب الحساب

          اللهم ءامين واياكم جزاكم الله خيرا

      • رسالة منشورة

        بلبع حبيبي الغالي صاحب احسن فنجان قهوه تاخده من إيد بلبع 😅😅 اكيد عرفتني من العباره 😂😂

        • إبلاغرد صاحب الحساب

          مادام قولت افضل فنجان دي يبقى أنت يوسف اللقاني 😂😂
          عشان مفيش غيرك بيقولهالي 😂😂😂

      • رسالة منشورة

        صوتك جميل جدا ربنا يباركلك فيه وتستخدمه ديما في طاعة ربنا ويجازيك كل خير

        • إبلاغرد صاحب الحساب

          جزاكم الله خيرا نسأل من الله القبول والاخلاص وحسن استخدام نعمته اللهم ءامين 🤲❤️

      • رسالة منشورة

        بص هو فيه سؤال من زمان نفسي أسالهولك بس كنت متردد بي مادام مش هتعرف مين من هنا فحسالهولك
        لو اتعرض عليك تشتغل ف مجال العطور برضوا بس مع حد تاني تسيب الي انت شغال معاهم ولا لأ؟؟؟؟

        • إبلاغرد صاحب الحساب

          لا مش حسيب الي أنا شغال معاهم خالص إن شاء الله أنا مرتاح نفسيا جدا معاهم والمعاملة مارينا طيبه جدا وبحبهم ف الله اوي والله وهم عارفين كده كويس وربنا يديم محبتنا ف طاعاه