شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    ي ندي عملتي تكليف المهارات العقلية مش لاقيينة وخلاص مفيش وقت وهيتسلم ؟؟😭

    • إبلاغرد صاحب الحساب

      حملي ملف إصابة بعض الوظائف العقلية وعلاقتها بكل من مهارات التواصل ، وفية كتاب تاني عن الفروق الفردية وصعوبات التعلم ولو موصلتيش لحاجة إبعتيلي وأبعتلك الكتب الل هتعملي منها عادي 💗

  • رسالة منشورة

    تسلميلي حقيقي ي ندي بحب كلامك اوي شكرا ♥️♥️

    • إبلاغرد صاحب الحساب

      العفوا أنا معملتش حاجة وربنا يخليكي يارب 💗💗💗

  • رسالة منشورة

    اعمل اي عشان اتخلص من حتة إني مش بعرف امشي لوحدي ولازم يكون معايا صحابي

    • إبلاغرد صاحب الحساب

      كنت قرأت جملة قبل كده فيما معناها عاوزة تعملي حاجة معينة أرمي نفسك فيها وخدي الخطوة ، ما هو إنت لازم تاخدي الخطوة دي لوحدك اه ف البداية هتبقي تقيلة شوية لكن بالتعود مرة ف التانية هتلاقي الموضوع بسيط وعادي خالص غير إنك ف أوقات كتير لازم هتتعرضي أكيد انك لازم هتروحي المكان كذا وإنت لوحدك لو قلتي لنفسك إنك هتقدري ف إنت هتقدري ولو ظلمتي نفسك إنك مش هتقدري ف بنسبة كبيرة مش هتقدري ومش هتاخدي الخطوة ، هتحسي بإنجاز لما تاخدي الخطوة دي لوحدك ، ده اه ميمنعش إن الإنسان بطبيعته بيحب الونس بس لو مش موجود في مش هنوقف الل إحنا عاوزين نعملة وبالعكس لما تجربي الموضوع هتبقي فترة جميلة وشخصيتك هتتغير وهتعتمدي ع نفسك أكتر خدي فترة كده براحتك إنزلي فيها لوحدك إدخلي اشتري حاجة من مكان لوحدك ده هيفرق أوي ، المهم تحاولي وبلاش نتوقع حاجة سلبية ف حين إننا محاولناش فيها وخدنا الخطوة.

  • رسالة منشورة

    انتي ف فرقة كام

    • إبلاغرد صاحب الحساب

      فرقة تانية

  • رسالة منشورة

    موفق ان اطلب ايدك من ابوكي

    • إبلاغرد صاحب الحساب

      أعتقد إن لسة ع خطوة زي دي.

  • رسالة منشورة

    ممكن تقولي عادي بتعملي التكليفات ازاي طريقتك فيها كنت شوفتها وكانت حلوة يعني ننسق الكتابة كدا

    • إبلاغرد صاحب الحساب

      بعملها عادية خالص بجد 😂 ، بس ما تبعتيلي برايڤيت أفضل ونشوف محتاجة أي بالظبط أو طريقتك بتبقي إزاي ونصحح سوا عادي 💗

  • رسالة منشورة

    ندي اعمل اي في موضوع المقارنة بالغير عشان الموضوع بياثر بالسلب لو ينفع نتناقش في حاجة زي كدا

    • إبلاغرد صاحب الحساب

      حقك عليا بجد ع الرد المتأخر أنا مخدش بالي من المسدچ و كنت ف إمتحانات..
      المقارنة ب الل حواليكي أو إنك تحطي نفسك ف سباق مع حد تاني ده هيخليكي تخسري أكتر ما تكسبي ، لأن حياتنا مختلفة عن بعض ظروفك غير ظروفي والعكس ، و إفتكري دايمًا إن مفيش شخص كامل وإن مفيش حاجة ف الدنيا تستاهل إنها تحطك ف زون تأثر ع نفسيتك وده لازم يحصل طول ما هنركز علي غيرنا رغم إن الصورة الل هنكونها عنهم ف دماغنا مش هتبقي صح برضو علشان إنت متعرفيش الجزء الكامل عن حياة الأشخاص التانية
      ركزي ع نفسك إنت أكتر إنت المتحكمة ف حياتك ، وإن كل واحد مخلوق بقدر محدد وبنصيب ورزق معين
      وده غير إن المقارنة إحتمال كبير إنها هتكون مصحوبة بحقد ف أحيان كتير وده مش حلو برضو، ومفيش اي مقارنة هتبقي إيجابية أو إنها تدفعك لقدام إلا لو قارنتي نفسك النهاردة بنفسك إمبارح وإننا نحاول دايمًا نغير من نفسنا للأحسن
      ربنا سبحانه وتعالي قال (لا تمدن عينيك إلي ما متعنا بة ازواجًا منهم زهره الحياه الدنيا لنفتنهم فية ، ورزق ربك خيرًا وأبقي)

  • رسالة منشورة

    انتي في قسم اية يا ندا

    • إبلاغرد صاحب الحساب

      علوم معرفية وتخاطب

  • رسالة منشورة

    قيام الليل بيتصلي إزاي بس قولية بطريقة بسيطة عشان بحثت كتير علي جوجل ومفهمتش الي مكتوب !

    • إبلاغرد صاحب الحساب

      قيام الليل ١١ ركعة ٢ ، ٢ والأخيرة وتر ده الل الرسول علية الصلاة والسلام كان بيصليهم بنقرأ الفاتحة وسور من القرآن
      ومش لازم نصلي الل ١١ ركعة كلهم ، القيام بيتحسب بعدد الآيات مش بعدد الركعات ل حديث الرسول صلى الله عليه وسلم (من قام الليل ب عشر آيات لم يكتب من الغافلين ومن قام بمآئة آية كتب من القانتين ومن قام الليل بألف آية كتب من المقنطرين) يعني ممكن تصلي ركعتين بس ويبقوا بعشر آيات أو بمآئة آية أو بألف
      وبالنسبة للسور الل ممكن تكون ١٠ آيات أو ١٠٠ آية أو ١٠٠٠
      لو مش عاوزين نبقي من الغافلين ( هتصلي القيام ركعتين بسورة الإخلاص والفلق والناس )
      لو عاوزين نبقي من القانتين ( هنبدأ نصلي من سورة القدر لحد سورة الناس )
      لو عاوزين نبقي من المقنطرين ( هنصلي أي عدد من الركعات وهنبدأ من سورة الملك لحد سورة الناس )
      ف الصلاة هنا ب قراءتك ، والقيام مش صلاة بس ممكن قرآن ، ممكن تسبيح و استغفار (الذكر عمومًا) بتبقي درجات ، والصلاة بتبقي شاملة كل حاجة 💗