What's on your mind?

A little kindness goes a long way.

Image, audio or video · up to 10 MB

Your message is only public if the profile owner publishes it.

Profile questions

No questions published yet.

Public messages

  • Public message

    المشكلة يمستر ان انت بتحاول تساعد ناس هما مش في دماغهم اصلا ونا بتكلم عن ولاد اكتر من بنات وعلي فكرا معظمهم مش ناس وحشة الفكرة في المجتمع الحواليهم البيأثر عليهم وطريقة تقبلهم للبيشوفوه وبيسمعوه

    يعني انت النهاردة بتقول اعتبروني زي اخوكو الكبير اكتر من المستر بتاعكو والله اكنهم مش سامعينك فا انا بقلك يا مستر انا كواحد في الدفعة الزبالة والجيل ده وبشوف البيحصل وبيتقال هتعد تتعب نفسك كتير عالفاضي علي ناس متستحقش

    برده بحبك وهفضل احبك يهايزنبيرج❤️

    • ReportProfile owner's reply

      مش مشكلة هيجي يوم ويفوقو بس إحنا بنحاول نساعدكم وبنعمل كل اللي في ايدينا عشان كدا

  • Public message

    انا بجد مش عارف بتوتر ليه ايام الامتحانات وي ده بيكون مآثر علي جدا
    ومن كتر التوتر بنسي احل ازاي وي المشكلة اني بكون عارف الاجابه

    • ReportProfile owner's reply

      دا طبيعي جدا ، تقدر تتغلب علي كل دا بالحل الكتير بحيث تبقي عديت علي كل فكرة .

  • Public message

    الحصة بتبقي صغيرة وحضرتك بتعمل حصتين شرح وحصة حل في درس صغير ممكن نبقي الحصة 1:30

    • ReportProfile owner's reply

      هنعمل كدة من السنة الجاية ان شاء الله

  • Public message

    انا خدت مع حضرتك شهر مراجعه الترم اللي فات وجبت فيها 16 وبجد لميت الدنيا و عرفت احل وحاليا بردو كده وبجد من أحسن المدرسين حتى السكرتيرات كويسين بس فكرة الورشه اللي قولت عليها حلوة جدا وهتجيب معانا نتيجه اتمنى تعملها معانا السنة الجاية ♥️🫶🏿

    • ReportProfile owner's reply

      اتمني الترم دا تجيب 20 💜💜

  • Public message

    شكرا يا مستر بجد على مجهودك .بس فى مشكله بكون لسه مذاكر واجى احل
    أحس انى مذكرتش أصلا بس انا بكون مذاكر كويس

    • ReportProfile owner's reply

      فضي دماغي شوية ، حاول تزاكر بروقان وبورقة وقلم ، زاكر الأول قراءة وبعدين ورقة وقلم وخلص مزاكرة وحل وطبق علي طول ، وحاول متمسكش الموبايل كتير لأنه بيشتت

  • Public message

    شكرا على تعب حضرتك معانا طول السنة و مش بتسيب جزئية و بتشرحها و شرح جميل و مش بيحتاج نذاكر حتى في البيت ❤️‍🩹
    بس أنا عندي مشكلة إني بذاكر كويس و بحل كويس باجي في الامتحان مش بحل و بجيب درجات وحشة و تقريبا في كل المواد كده أعمل إيه 🥲

    • ReportProfile owner's reply

      التوتر والضغط في الإمتحان بيخليك تغلط ، حاولي تتمرني علي الإمتحان تحت ضغط ، يعني وانت بتحلي نماذج حددي وقت واضغطي نفسك ، ومع الحل الكتير الدنيا هتظبط ان شاء الله

  • Public message

    بصراحه يا مستر الترم دا حقيقي حاسه ان بعد ما كرهت الكيمياء حابيتها شكرا جدا +هدعايزين السنه الجايه نطول الحصه شوية و نعمل كمان فكرت الورشه حلوة اوى ❤️+مشكلتى بقي على طول حاسه انى مقصرة جدا في كل حاجه في المناهج كلها عمتا و انا نفسي امنيه حياتى اكون دكتورة بس محبطه جدا بسبب كل الناس الى حوليا الى كانت تجربتهم وحشه في ثانوى بيحبطونى و ات معدش حد بيدخل الكليه الى نفسه فيها دا غير شعورى ان قدراتى متسمحش ان اكون دكتورة 💔و حاسه انى مش قد الى دخلته .
    و اخيرا مستر احمد قطب انا بشكر حضرتك على مجهودك و حضرتك من افضل المدرسين الى روحتلهم في حياتى كلها 🥰❤️ ✨

    • ReportProfile owner's reply

      كل شخص ليه تجربة مختلفة ياريت متحكميش علي نفسك بتجارب ناس تانية وزي مافي ناس مدخلتش طب في آلاف دخلو طب وحققو حلمهم ، خليكو ورا حلمك وانا واثق انك هتوصلي ان شاء الله

  • Public message

    مشكلتي ان انا اصلااً شاطره و كويسه جداً طول السنين اللي فاتت ف حياتي دي و دايماً بجيب درجات كويسه جداً بس من وقت مدخلت اولي ثانوي انا متغيره انا مش عاجبني حالي مش عاجبني نفسي ابداً عاوزه ارجع زي مكنت بس مش عارفه بحاول كتير و بعيط كتير و نفسيتي تعبت جداً و مفيش حد حتي بقدر اتكلم معاه مشاكل كتير ولغبطه كتير ف حياتي خنقاني جداً ونفسي ارجع زي مكنت طبعاً لان انا مش فاشله والله وانا مش حابه اشوف نفسي فاشله انا دايماً عندي اصرار و لو قولت هعمل دي يعني هعمل دي بس السنه دي اصراري دا كله راح المنهج متراكم عليا اهلي عاوزني اجيب درجات كويسه علشان اعوض الترم الاول بس محدش فيهم برضوا بيشوف محولاتي هما بس عاوزني اذاكر هما مش شايفين حتي شغفي اللي راح هما عارفين ان انا حلمي اكون مهندسة برمجه و دا مازال حلمي بس انا مش بعمل اللي عليا مش عارفه اعمل اي او ابدأ منين حتي ضغط نفسي كبير اوي عليا انا حطيط نفسي فيه ب ايدي

    • ReportProfile owner's reply

      تواصلي معايا ضروري وهقولك نبدأ منين وإن شاء تحققي اللي نفسك فيه يابشمهندسة