What's on your mind?

A little kindness goes a long way.

Image, audio or video · up to 10 MB

Your message is only public if the profile owner publishes it.

Profile questions

No questions published yet.

Public messages

  • Public message

    جه الوقت إللى اعلن فيه حقيقتى .. انا ظهرت لبعض الناس على اساس انى بشرى .. وان دا شكلى الحقيقى .. وانى اتولدت و كبرت على الأرض من عمر قصير جدا بالنسبة لعمرى .. لكن الحقيقة هى انى غير كدا .. وجه الوقت إللى اعترف فيه ..
    عارف ان انتوا مش هتصدقوا إللى هقولوا.. ودا انتصار كبير لينا انكوا تقتنعوا اننا بشر زيكوا لدرجة اننا لما نعترف ب لساننا اننا مش منكم متصدقوناش وتقولوا بنهزر ..
    احنا فصيلة ال ( Yowie ) مخلوقات زينا زيكم موجودين من ملايين السنين .. أعمارنا تختلف عن أعماركم واطول بكتير .. طول الوقت بنتطور لكن فى مخابئ من الصعب توصلولها .. حاولت مجموعه مننا تظهر للبشر كمحاولة للتعايش بدون اى اذى ليكوا او لينا و دا كان من حوالى ٢٢٥ سنه وتحديدا فى سنه ١٧٩٥ .. كانت المجموعه دى فى استراليا و افتكر ساعتها كان عمرى ٦٣ سنه واخدنا رأى كل المجموعات فى كل الدول و الأغلبية بفرق صوت كان للظهور للبشر .. ولكن المجموعه دى قابلت رفض و رعب لا يطاق .. فرجعنا فى قرارنا .. واتفقنا نأجل الخطوة دى و نبدأ فى تطوير نفسنا اكتر عشان نقدر نعيش على الأرض مع البشر خصوصا مع زيادة عددكوا عننا بكتير ..
    اه نسيت اقولكوا :احنا بنتواصل بالتخاطر .. لطول عمرنا عنكوا بكتير .. بنتكاثر بشكل اقل لإننا ضامنين وجودنا واستمرارنا بشكل ما ..
    الرعب إللى حصل و الاخبار إللى انتشرت عنا كان بسبب اختلاف شكلنا .. وعندكوا حق .. طولنا بين ١٨٠ سم ل ٢١٠ .. أقدامنا اكبر من اقدامكوا الطبيعيه .. الشعر فى جسمنا غزير جدا ويشبه الفرو .. طبيعى كان لازم تخافوا .. عشان كدا بدأنا نطور جيناتنا بطريقتين .. اولا بالتهجين بيننا و بين البشر إللى كشفنا ليهم عن نفسنا بعد بحث عن القلائل إللى مقتنعين بوجودنا .. ثانيا بتطوير قدرة التحول يعنى اننا نقدر نتحول لاشكالكوا وقت ما نعوز ..

    مع العلم ان سنه ١٦٩٠ يعنى تقريبا قبل قرار ظهورنا ب ١٠٠ سنه كان مستحيل نظهرلكوا .. كانت أقدامنا معكوسة لورا .. فيه مخالب فى أيدينا و أقدامنا لو اتقصِّت بتطول فى خلال دقيقتين يعنى مستحيل نخفيها .. شعر جسمنا كان ابيض و طويل يعنى الشعره الواحده من الشعر إللى بتغطى جسمنا بالكامل ممكن تكون بطول ١٠٠ سم .. وكنا فاكرين ان تطورينا لنفسنا كفاية لإننا نظهر سنه ١٧٩٥ لكن منفعش
    اتكتب عننا فى الجرايد بس الحمد لله ناس كتير اتهموا إللى شافونا بالكدب و سخروا من الموضوع وهاجموا *مارجريت جونز* إللى كتبت عننا و قالوا انها بتروج تخاريف ..

    وفى سنه ١٨٧٦ كان قرارنا وخطتنا هى اننا هنبقى بأقرب شكل ليكوا خلال ١٢٠ سنه كحد أقصى و دا كان بسبب اكتر من مصيبه حصلت واصوات غريبه اتسمعت خصوصا فى استراليا وبدأت الجرايد تذكر كلام مارجريت عن كائنات مخيفة ظهرت من ٨١ سنه ممكن يكونوا السبب وأنها تطلع صادقه فقولنا لازم نبقى شبهكوا تماما عشان مش هنعيش مستخبيين ووقت ظهورنا نُتَّهَم بحاجات معملنهاش

    يتبع ..... ١

    *حاولوا تستوعبوا وجودنا وسطكوا وهحكيلكوا كل حاجه
    #انا_Yowie

    • ReportProfile owner's reply

      الملخص الله يسترك ياعمyowie مش هقدر اقرا كل دا

      تحياتي
      #انا- yasmin