شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    كل سنة وانت طيب وبخير وعقبال سنين كتير تكون مبسوط وسعيد فيهم يارب 💙

    • إبلاغرد صاحب الحساب

      الله يكرمك و يسعدك ❤️

  • رسالة منشورة

    هو اي tedx ده؟
    يعني بيعمل اي او هو اختصار لإي؟

    • إبلاغرد صاحب الحساب

      ده فرع من فروع كيان كبير اسمه TED في امريكا.. دي منظمة غير ربحية هدفها نشر وترويج افكار او مواضيع علي هيئة talks في event كبير توعوية ومعلوماتية ومفيدة

      بس مش اي توبيكس بتتعرض طبعا بيبقي ليها مواصفات ومعايير معينة .. بيتم اختصار الصفات دي في
      T=Technology
      E=Entertainment
      D=Design
      وده اختصار كلمة TED أما الx ف دي بتتقال علي فروع TED
      يعني بدل ما يتقال TED Alexandria, TED Cairo,TED Paris
      بيتقال TEDx كإشارة انه مش مهم الفرع ايه علي قد ما مهم المواضيع اللي هتتقدم خلاله

  • رسالة منشورة

    بطلت تفتح الصراحه ولا اي 🥺

    • إبلاغرد صاحب الحساب

      انا قولت من الاول.. اي حاجه تسألني عن حاجه شخصية ف هي سؤال اهبل وانا لو جاوبت علي حد غريب عني ابقي اهبل.. اتمني اللي شايفني اقدر افيده فحاجه يقول وانا افيده وبس

  • رسالة منشورة

    ايوه بس ال ASK مازال اسهل كتير وعلي الاقل بيبعتلك notification 😂

    • إبلاغرد صاحب الحساب

      مش فارقة لا

  • رسالة منشورة

    من الحاجات اللي انت نسيتها في حياتك
    ممكن في يوم تفتكرها ؟

  • رسالة منشورة

    هو انت طولك كام ؟😂😂

    • إبلاغرد صاحب الحساب

      174
      وليه الضحك ده 😂😂

  • رسالة منشورة

    مش ناوي تعمل ASK اسهل؟

    • إبلاغرد صاحب الحساب

      هي فكرة حلوة بس انا مش عامل ده عشان الأسئلة اصلا 😂
      هي جت معايا بالصدفة كده.. لكن في المقام الأول ده مكان لنصيحة أو طلب اي حد مش قادر يقولهالي وش لوش

  • رسالة منشورة

    الف مبروك علي النجاح وعقبال كل ترم 💕

    • إبلاغرد صاحب الحساب

      الله يبارك فيك ❤️

  • رسالة منشورة

    هو انت كدا خلاص اخترت T&D ف مهندسين ولكن؟

    • إبلاغرد صاحب الحساب

      اه بس لسه الانترفيوهات اللي هتحدد

  • رسالة منشورة

    واي دونت تنزل صورة من زمان؟

    • إبلاغرد صاحب الحساب

      مش مهتم بكده اوي بنزل لما تكون في مناسبة أو موقف وعايز افتكره بس

  • رسالة منشورة

    Dof3et kam fe mechanics 'nta?

    • إبلاغرد صاحب الحساب

      دفعة ٢٠٢٤

  • رسالة منشورة

    انت نجحت ولا ايه ؟

    • إبلاغرد صاحب الحساب

      اه الحمدلله

  • رسالة منشورة

    ايه اكتر حاجة ممكن بس ساعتها تقول انك سعيد؟

    • إبلاغرد صاحب الحساب

      افرح حد كان مهموم وأشوف شخص بحبه

  • رسالة منشورة

    كنت عايز اخد رأيك في حاجه بس ي اخويا كان في واحده ف حياتي فتره وحبينا بعض وهي كويسه جدا ومشوفتش منها حاجه غير حاجات كنت بطلبها منها وهي للاسف كانت بتعملها عشان بتحبني اوي وكانت متعلقه بيا جدا وانا كنت بحبها بس من بعد م ده حصل وهس قلت ف نظري وجه فتره مش بنتكلم مع ان مكنش في حاجه بينا وحاسس اني ظلمتها اوي وهي طيبه متستاهلش مني كده وكذا مره بتكلمني وانا برد عادي بس بنسكت ف الاخر مش عارف اعمل معاها اي

    • إبلاغرد صاحب الحساب

      قلت فنظرك؟ هي متستاهلكش بس.. متعملش حاجه متقربش لانها هتتعلق بيك عالفاضي ومتستاهلش البهدلة دي

  • رسالة منشورة

    هو انت OC ولا ف T&D ف مهندسين؟

    • إبلاغرد صاحب الحساب

      حاليًا انا فالاتنين لحد ما الBasic training يخلص وهيحدد انهي لجنة اللي هبقي فيها فيهم

  • رسالة منشورة

    إن بعد العسر يسراً ، مهما كانت الفتره اللي عدت صعبه عليك بس الحمد لله انها عدت والحمد لله انك قوي وهتقدر تتخطاها عادي ، وزي ما انت قلت المهم أنك بتنضج وبتتعلم من كل حاجه بتحصل حواليك ، انت حقيقي شخص لطيف جداً واتمني أن الفتره اللي جايه تكون سعيده وجميله زي ما انت تستحق

    • إبلاغرد صاحب الحساب

      ونعم بالله شكرا <3

  • رسالة منشورة

    ماتزعلش علي اي حاجة مهما حصل وخلي عندك يقين ان ربنا هيعوضك بأحسن ماكنت تتمنى
    دور في نفسك أكيد انت قصرت في حاجة وشوفها وعالجها بسرعة وهتقوم تاني وترجع أحسن من الأول و خلي بالك على نفسك
    انت تقدر ان شاء الله

    • إبلاغرد صاحب الحساب

      هو ده بمناسبة ايه او علي ايه؟

  • رسالة منشورة

    في رأيك امتى الانسان يبطل عتاب؟

    • إبلاغرد صاحب الحساب

      لو ملقاش محاولة من الشخص اللي قدامه..
      في ناس بتبطل عتاب لما الغلطة تتكرر لكن ده غلط، ممكن تعاتب حد فحاجه بيعملها ويكون عايز يتغير عشانك فعلا وفشل ومش محتاج منك غير انك تصبر عليه ومتفقدش صبرك فيه

  • رسالة منشورة

    كنت بتفرج ع صور التقديم والكشف الطبي بتاعه دفعتنا بشوف يعني مين من ال اعرفهم اتصور وقتها ولقيت صورتك قولت ابعتهالك اي خدمه يعم 😂😉

    • إبلاغرد صاحب الحساب

      الصورة دي وحشة اوي الحمدلله ان صراحة بيمسح الصور بعد 24 ساعة 😂

  • رسالة منشورة

    Gamel enta awi w naqi w zaki 🥺❤

    • إبلاغرد صاحب الحساب

      انت الجميل انك تهتم تفرح حد كده 💕

  • رسالة منشورة

    اد ايه انت عظيم ودماغك رايقه !🌝

    • إبلاغرد صاحب الحساب

      العظمة لله وحده ده من ذوقك ♥️

  • رسالة منشورة

    ازيك اتمنى انك تكون بخير

    • إبلاغرد صاحب الحساب

      بخير الحمدلله

  • رسالة منشورة

    بنت بحبها اوى وبعدتا
    ومش عارف انساها. ظلمتها وجيت عليها رغم انها كانت كريمه اوى معايا،ومشفتش منها غير كل خير

    • إبلاغرد صاحب الحساب

      عمرك ما هتنسي النقاء و الطيبة.. احسن تعريف للشيء الجميل انه مبيتنسيش.. حاول تخليها تسامحك لو في إمكانية و متقربلهاش تاني عشان متستاهلش البهدلة

  • رسالة منشورة

    مش انا اللي باعت المسدچ بتاعت ان حد عايز يبعد بس مش شايف ان الحلول قاسية اوي كون الشخص البي قدامك ميعرفش ايه سبب التغيير ده؟

    • إبلاغرد صاحب الحساب

      هي مش قسوة.. انا قلت لو الشخص غالي عندك او يفرق معاك وجوده كلمه لكن لو هو شخص مش غالي عليك، او بمعني ملوش تفاصيل فحياتك توصله للمكانة دي ف انت بتكون رحيم بيه وبنفسك .. لانك لا هتتحمله و هتكون ضغط عليه و برضو نفسك مش هتبقي مرتاحة

      ( انا بجاوب بناءا علي كلام الشخص اللي باعتلي وانه وصل خلاص لمرحلة انه عايز يبعد )

  • رسالة منشورة

    في حد صاحبي اوي وحبيبي بس اكتشفت بعد كدة ان في حاجات في شخصيته مش مريحاني وعاوز ابعد الحقيقة بس مش عايز ازعله برضه لاننا دايما كنا سوا ومش هقدر اقوله ايه الحاجات اللي مش مريحاني لو مكاني ايه اللي هتعمله

    • إبلاغرد صاحب الحساب

      لو بصيتلها ف انت اتحطيت فموقف متخلص منها الا بانك تختار حاجه من تلاتة

      1- متكلموش وتبعد تدريجيا بانك تقلل المعاملة
      2- متكلموش و تبعد فورا بس مع اول مشكلة تحصل
      3- تكلمه وعلي حسب رد فعله هتتعامل

      انا هفترض انه عيب قوي عشان الحل اللي اقوله يمشي مع اسوء الاحوال
      ، لو مكانك والشخص غالي عندي ف انا همشي بنقطة 3 لاني مقدرش امحي العشرة بسهولة عالاقل قدام نفسي
      لو الشخص مش غالي عندي همشي بنقطة 1
      لو هو كان غالي عندي وبعد ما كلمته فعيوبه بهدوء وانه يغير من نفسه وانا بحبه واخوه وعايز اشوفه احسن حد ( باختصار طبقت نقطة 3 يعني )
      وهو مغيرهاش او مقتنعش ف للاسف همشي بنقطة 1 برضو

      الحالة الوحيدة اللي تستعمل فيها نقطة 2 انه يكون وعدك انه يتغير مثلا في الحاجه الوححشة دي وعملها تاني معاك بالقدر الكافي اننا نقول اذاك ف طبق نقطة 2

  • رسالة منشورة

    رجعت لنقطه الصفر تاني وبحس اني مليش نفس اذاكر ولا في رغبه ولا في شغف والواحد حاله مايعلم بيه إلا ربنا
    نصيحه لله ياخويا

    • إبلاغرد صاحب الحساب

      بص هو للاسف كلنا كلنا و انا ذات نفسي بوصل للمرحلة دي كتير اوي.. بس ده لو ظل علي شيء فيدل انه امر طبيعي لان الذات الإنسانية مستحيل تتعود علي تغير من حال لحال بسرعة، مستحيل تتعود وتتأقلم علي ضغط فجائي من غير ما تعاني

      ف عشان كده انت مش فمصيبة ولا حاجه انت حصل معاك الشيء الطبيعي انه يحصل.. و مفاجأة لعقلك كمان انت مرجعتش نقطة الصفر.. لأنك فنقطة الصفر قبل ما تبدا مكنتش عارف حاجه خالص و مكانش عندك خبرة أو دراية بايه ممكن تعاني منه كجزء فالمنهج أو حتي شيء تاني زي انك تزهق امتي وغيره

      ف النصيحة ان دي إشارة ليك بانك تريح وتاخد نفسك، أخرج خروجة أو خصص يوم أو حتي اتنين فري فالاسبوع متذاكرش فيهم خالص و ابدا من اللي وقفت عنده متبداش من الاول خالص لأنك كده كده هتراجع

  • رسالة منشورة

    عايز تتأسف لحد؟

    • إبلاغرد صاحب الحساب

      لا.. اللي محتاج اسف مني اتأسفتله واللي متأسفتلوش ف انا مش غلطان معاه

  • رسالة منشورة

    ايه اكتر حاجه نفسك ترجع ؟

  • رسالة منشورة

    اه من البوستات

    • إبلاغرد صاحب الحساب

      هو عموما انا بنزل قليل اصلا ف هي صابت بس المرادي

  • رسالة منشورة

    مختفي فين؟

    • إبلاغرد صاحب الحساب

      كان عندي ظروف بس بتعرف/ي ازاي اني اختفيت اني مبنزلش بوستات ولا ازاي؟

  • رسالة منشورة

    هو انت عصبي ولا عادي؟
    يعني طبعك حامي؟

    • إبلاغرد صاحب الحساب

      بحكم اصلي اه بس بتعامل بعقل

  • رسالة منشورة

    Sob7an Allah Rbna ydii L beauty and take smartness stop being rude on SSP Folks ya Baba kda m4 rw4

    • إبلاغرد صاحب الحساب

      التهزيق بالفرانكو ده مضحك اوي 😂😂😂😂

  • رسالة منشورة

    عشان أنا فى ثانوية عامة،ومش عارفه اذاكر من كتر مابفكر فيك

    • إبلاغرد صاحب الحساب

      متنشفوا يجدعان 😂 يضيع مستقبلكوا عشان حد متعرفهوش اصلا ! 😂

  • رسالة منشورة

    Kol ma hashuf elacc bta3k ha7sbn 3lek💔🙂

  • رسالة منشورة

    مواصفات شريكه حياتك

    • إبلاغرد صاحب الحساب

      مفيش حاجه اسمها كده هو انسان بيجي علي بعضه بتعوزه وبس

  • رسالة منشورة

    Rayak fe alhop mn awal nazra

    • إبلاغرد صاحب الحساب

      موجود بس نادراً ما بيحصل
      غالبا بيبقي اعجاب

  • رسالة منشورة

    فلنفترض في حاجة مضيقاك
    بتعمل ايه ساعتها

    • إبلاغرد صاحب الحساب

      قبل كده كنت بقعد لوحدي و بتعامل عادي اه بس بكتمها جوايا لحد ما اتخطاها بنفسي
      لكن دلوقتي بقيت افضفض لاي شخص بحبه

  • رسالة منشورة


    dhawquk hulw waraqi jidana faa aikhtiar alwan libask , altaqm alaa lubsah faa alsuwaruh hulw awaa

    • إبلاغرد صاحب الحساب

      انا في الاول حسبت حد نسي يحول الكيبورد عربي قبل ما يكتب وكده 😂😂😂
      اشكرك جدا من ذوقك 💖

  • رسالة منشورة

    حسبي الله ونعم الوكيل فيك🥰

    • إبلاغرد صاحب الحساب

      ايه ده في ايه يعني انا كويس ولا وحش

  • رسالة منشورة

    شايل مني؟

    • إبلاغرد صاحب الحساب

      انا معرفش مين اللي باعت هرد علي اساس ايه

  • رسالة منشورة

    انت معيد؟

    • إبلاغرد صاحب الحساب

      لا بس ربنا يجبر بخاطرك والله 😂😂

  • رسالة منشورة

    فينك؟

    • إبلاغرد صاحب الحساب

      موجود بس مبفتحش كتير

  • رسالة منشورة

    لو في حد زعلك بتسامحه ولا لا
    بس حاجة تستاهل الزعل يعني
    القصد بتعرف تسامح او انت شايل من حد حاليا؟

    • إبلاغرد صاحب الحساب

      بسامح بس مبرجعش زي الاول.. لو زعلان من حد وهو غالي عندي بعاتبه غير كده بفضل شايلهاله اه

  • رسالة منشورة

    كل سنه وأنت طيب

    • إبلاغرد صاحب الحساب

      وانت طيب وبخير ❤️

  • رسالة منشورة

    كل سنه وانت طيب يا بشمهندس 💙

    • إبلاغرد صاحب الحساب

      وانت طيب وبصحة وسلامة ❤️

  • رسالة منشورة

    فماذا بعد ؟!