A little kindness goes a long way.
Your message is only public if the profile owner publishes it.
مسا مسا على الناس الكويسة ربنا يروق بالك ويرزقك وييسرلك امورك يا جمييل
مسا مسا يا رؤوف
ازيك يا محمد يا رب تكون بخير فينك كدا مش بتنزل بوستات على الفيس ليه بقالك فترة لا مش عاجبنى الحال دا 😂 طمنا عليك كدا كل شوية ربنا يسعدك يا رب
الحمد لله بخير ربنا يسعدنا وإياكم ياريت لو اعرف مين الى بيسأل
ازيك ي هندسه فى استفسار بسيط من وجه نظرك . لو اعجبت بوحده وكان نفسى اخطبها ولكن شاء القدر أن الحمدالله ربنا يسرلى أن أخطب واهلى كانوا راضيين جدا على الخطوبه هل البنت الاولى دى كان طيش ولا تعلق معأن مش متأكد اووى إن البنت دى بتحس نفس الشعور من ناحيتى ولا لاء وهل لو كان فى شعور متبادل اكون كدا خذلتها أو ممكن ظلمتها ربنا يوفقك فى حياتك ويقدملك الا فيه الخير.
قلت انت خطبت وأهلك راضيين على الخطوبه !طب وانت فين رايك عن البنت والخطوبه من قبل الخطوه اصلا ؟لسه رايح تفكر دلوقتى !!
سامحنى يا محمد سامح اى حد زعلك ارجوك لما بنغفر لبعض ربنا بيغفر لنا ربنا يرضى عنك ويسعدك 🌸🤲
صدقنى لو عرفت مين بعت الرساله دى هدعيله مش هسامحه بس 🌸
ربنا يشرح صدرك ويسعدك يا محمد 🌸 حاول دايما تسامح وتعذر الناس قال رسول الله صلى الله عليه وسلم ( مازاد الله عبدا بعفوه الا عزا ) ربنا يجعلك من الكاظمين الغيظ والعافين عن الناس ربنا يرضى عنك انا بعتذرلك سامحنى
مش كتير زعلان منهم والحمد لله كاظم الغيط لكن مواقف مش هقدر اسامح الا ممكن لو اعتذر وعرفت ان هووربنا يربط على القلوب 🌸
طمنى عليك يا باشا ناوى تعمل ايه الفترة الجاية هتسافر بره ولا هتدور على شغل تانى جوه مصر 🤔 وشقتك جاهزة ولا لسه هتبى او تشترى 🙄 مش ناوى تخطب بقى ونفرح ليك يا شهاب ولا لسه ملقتش البنت المناسبة عموما صعب تلاقى بنت زى ما انت عاوزها بالظبط عن تجربة شوف واحدة كويسة بنسبة ٩٠ % واخطبها ربنا ييسرلك امورك يا حبيبى ❤
الحمد لله بخير حال الفتره الجايه سايبها على ربنا وعلطول على ربنا سواء سفر او خطوبه او تدبير معيشه عامه محتاج دعوه فقط بالتيسير 🌸
ازيك يا شهاب ايه يا حبيبى انت الى بتقصر شعرك خالص ولا هو الى مش بيطول ودى بداية صلع وراثى لو صلع وراثى قولى وانا اقترح عليك دكتور كويس.. وعموما انت وسيم فى كل الحالات بس الشعر الطويل احلى عليك ربنا يوفقك فى حياتك يا حبيبى
السلام عليكم ازيك يا بشمهندس انا بعتلك رسالة على صراحة اول امبارح ومردتش عليا ياريت ترد عليا فى اقرب وقت هى رسالة طويلة اولها ازيك يا هندسة وآخرها ربنا يرضى عنك 🤲 يا رب يكون يومك جميل زيك 🌷
بعتذر جدا كنت مضغوط الفتره إلى فاتت وماخدتش بالى من صراحه 🙏🏼رزقنا الله جميعا طيب المعيشه 🌸
ازيك يا هندسة من متابعتى ليك لقيت انك شخص مثقف وأسلوب كلامك جميل جدا 💙 حماك الله وحفظك من كل سوء 🙂 ياريت تنصحني لما اجى اختار واحدة تكون شريكة حياتى ايه اهم المواصفات الى لازم تكون موجودة فيها ؟ يعنى انت مثلا ايه اهم الحاجات الى بتدور عليها فى البنت ؟ انت ليه مخطبتش لحد دلوقتى هل لاسباب مادية ولا ملقتش البنت المناسبة ولا فى اسباب تانية ؟ صدقنى انا عمرى ما كنت فضولى بس عايز اتعلم منك لو انا مهندس لازم تكون مراتى مهندسة او دكتورة ولا الفكر دا انتهى السن المناسب الى اخطب فيه من كام ل كام ؟ وايه رأيك فى فكره زواج الشاب فى شقة بالايجار اتمنى انك ترد على اسئلتى ..وشكرا مقدما اه عايز اقول كمان ان عندك قبول كبير ماشاء الله ربنا يرضى عنك 🤲
الحمد لله بخير حال بشكرك جدا على كلامك اللطيف ودا من كرم أخلاقك مش اكتر.بالنسبه لمواصفات شريكه الحياه فأنا كدا فاهم ان مفيش حد فحياتك والاولى تسأل الشرع مش محمد .لكن لو عاوز وجهة نظر محمد كشخص فأنا طبيعى يكون فى قبول للجمال والثقافه وبالنسبه للتعليم فلازم مؤهل عالى ومش شرط كليه محدده تربيه زى طب زى تجاره زى غيرهم فاول حاجه ببص عليها بعد القبول بين الاتنين هيا السكينه والتفاهم بين الاتنين وتكون الشخص إلى اختارته واختارك وتامنها على نفسك وتأمن ليها وقلبك ومتخافش تظهر طبيعتك قدامها ولو هيا الاختيار الصح هتوصلك لدرجه انك تحب نفسك واول حاجه حاببها تكون طالعه من بيت هادى ومترابط الحب والعلاقة والجمال والمال و.... كلهم مقومات نجاح لكن مش الأساسزى الهواء بالنسبه للطياره لو مفيش هواء الطياره مش هتطير لكن لازم وجود طياره ولو مفيش فحياتك حد أعطى فرصه لحد بيحبك او معجب بيك أولى مش عيب ان البنت إلى تعجب ........الموضوع طويل بس اتمنى اكون شرحت ولو كجزء بسيط بالنسبه لشقه إيجار فدا حل اخير ممكن ترجعله وهو مش مفضل علشان الاستقرار لكن حاول يكون ملك ولو مفيش مقدره هتلاقى بيت متفاهم مقدر الأوضاع الحاليه عادى مش كله بيبص لمبدا الماده والسن مفيش سن مناسب لكن فى حاله مناسبه... يعنى انا لو ملقتش المواصفات إلى فوق مش هرتبط صغير بقي لو كبير ربنا يرضى عنا جميعا ويجعلنا من المقبولين عنده دنيا وآخره 🌸
ربنا يوفقك وتحقق الا بتتمناه والى الله اقرب
يارب أجمعين
السلام عليكم ازيك يا هندسة انت انسان مجتهد ومحترم جدا 🌸 اول حاجة انت نزلت مقطعين ريلز من فتره وفيهم موسيقى والموسيقى حرام وابحث بنفسك ياريت تحذفهم لانك كدا هتشيل ذنب كل واحد هيسمعهم ممكن تنزل الصور بس من غير موسيقى يمكن انت مكنتش عارف انها حرام عفا الله عنك 🤲 تانى حاجة الانستجرام بيخلى الانسان مع الوقت مش راضى بحياته (ودا عن تجربة شخصية) لان كل الى هو بيتابعهم بينزلوا احسن صورة فى احسن مكان وعقلك الباطن يقولك شوف عندهم ايه؟ ومحققين ايه؟ مع انه ممكن شخص يتصور جمب عربيه مش بتاعته اصلا 😂 كمان لو ضغطت على بحث مثلا هتلاقى الصور و الفيديوهات معظمها لبنات مش محجبات وغالبا مش هتعرف تغض بصرك فالاحسن انك تحذف التطبيق ومش هتخسر حاجة لو عايز تنزل صورة او تقول حاجة عندك الفيس الفيس بردو ممكن تلاقى فيه كدا بس حاول تبعد عن الفتن قدر الامكان الحاجة التالتة شكلك احلى بكتير وشعرك طويل بلاش تحلقه خالص ممكن بس تقصره كل فترة بإذن الله واخيرا عرفت انك ناوى تسافر ربنا وييسرلك امورك و يوفقك فى شغلك وتروح وترجع بالسلامة رزقك الله رزقا واسعا حلالا طيبا 🤲
وعليكم السلام الحمد لله بخير الحمد لله بجتهد علميا واسال الله ان يغفرلى ما لا تعلمون دينا وخلقا ....مقطع الريلز كان للاصدقاء ومش ثابت عالصفحه وان شاء الله هراعى ملاحظتك.بالنسبه للانستجرام انا مش نشط عليه وليه عندى منافع مع المراعاهبالنسبة لمظهرى فانا بتكيف مع الى ارتاحله وشكرا عالنصيحه ****** رسالتك اسعدتنى جدا 🌸رزقنى والله واياك ...... شكرا جزيلا
No new profiles with photos yet.