-
◌ Public message
زى ماشاركتك ألمى وتعبتك وشغلت دماغك معايا حقك عليا أشاركك ف ده دلوقتي ،انا جالى انهيار عصبي وده كان السبب ان اللى حواليا ياخدوا بالهم من المعاناة اللى انا فيها وفعلا لجأنا لمتخصص وبدأت علاج ادعيلى تكمل على خير ،لان فعلا ده اخر امل ليا انى ابقي كويسة واعيش ع الاقل هادية باقى حياتى ,شكرا انك كنتى معايا ف وقت حتى روحى مكانتش عايزانى
-
◌ Public message
انتى قولتيلى ألجأ لمتخصص بس مش هاينفع دلوقتي مش قادرة وماديا كمان مش هعرف انا قعدت السنة اللى فاتت ٦ شهور باتعالج ومحصلش اى حاجة اتبهدلت اكتر والعلاج والمصاريف لحد ماوقفت اتشخصت وقتها اضطراب شخصية حدية انا عايزة اقولك ان فعلا انا متدمرة ووجودى ف الدنيا دى ماهو الا مسألة وقت وعارفة ان نهايتى انتحار بعد ماتخلص من الجبن اللى عندى النهاردة مشيت ف الشارع باعيط والطريق وقف والعربيات كانت هتدوسنى وقولت ف عقلى يا ريت كنت خلصت طالما جبانة ومش قادرة انهيها انا سيبت شغلى واهلى مش طايقاهم والعلاقة الوحيدة اللى انا اتحبيت فيها غلط بكل الأشكال وف اى وقت هتخلص حقيقى اتمنى ميكونش ربنا نسينى وسابنى لنفسي
-
◌ Public message
أنا بعتلك من قريب لما قولتلك عندى افكار انتحارية انا خايفة اوى م الدنيا والايام الجاية وحقيقي حاسة ان ضهرى مكشوف مش بس عشان انا باخسر اقرب حد ليا بس عشان انا والله ماعارفة اتعامل مع اى حاجة ف حياتى ولا الناس
انا مش عارفة انشف زى مابيقولوا ولا انضج ولا مستوعبة أن فى حاجة محتاجاها ومش عارفة اخدها او ان حد نفسي يبقي موجود ومش هاينفع يا جماعة أنا الدنيا صعبة عليا اوى بجد
يا رب والله هاموت م الخوف
انا طول الوقت مستنية فترة ف حياتى تعدى
الخوف بياكل عمرى ومش قادرة اتحمل بجد مش عارفة اروح منين ولا اجى منين
خايفة ربنا يكون مسلط نفسي عليا ويا رب والله ماقادرة اصبر واستنى طب يا جماعة لو كانت الدنيا مش راحة ومش قادرة استحمل اكمل واعدى ف حياتى دى ازاى كده يا رب نفسي ينقذنى بقا
-
◌ Public message
انا تعبانة اوى معرفش محتاجة ايه مش عارفة اقرب من ربنا او مش قادرة معنديش طاقة معنديش عزيمة اروح لدكتور نفسي فى علاقة غير سوية وباعذب الطرف التانى معايا رغم اننا استحالة نكون ف يوم مع بعض لو بس اتقبلت الفكرة دى هابقي كويسة لكن خوفى من مشيانه وان ف يوم هابقي مع غيره بتجننى بتبهدل حياتنا ،مش متقبلة اهلى ولا مشاكلهم نفسي اعيش لوحدى ف دنيا جديدة بظروف جديدة ، جسديا بانهار ،اجتماعيا كارهة نفسي والناس ، اذيت نفسي وعندى افكار انتحارية ويا ريت لو فعلا ربنا يريحنى واموت طالما خايفة انتحر، معنديش صبر لاى حاجة ، بقت كل افكارى ازاى اكسب تعاطف اللى حواليا بأى تصرف، قلبى بدأ يقسي اوى وخايفة من ربنا بس مش قادرة اعمل حاجة ،نفسي انام او حد ينقذني من غير اى مجهود منى
-
◌ Public message
رسالاتك مع رفعت مواساة لي،انا هالسنة حسيت اني فقدت كل شي أشخاص غاليين علي،دراستي،طموحي وحتى نفسي ،شكرا كتير على خطوتك الجريئة ونشرك لهالرسائل الله يسعد قلبك عطول وينير روحك
-
◌ Public message
ارجوكي متوقفيش حملتك ضد يحيي موسي ومراته ريهام الصباغ لازم يتاخد معاهم اجراء قانوني عشان محدش يتاذي تاني حسبي الله ونعم الوكيل فيهم
-
◌ Public message
انا متعاملتش مباشره مع ريهام الصباغ انما شفت كام فيديو و قريت شويه بوستات و قرفت و تأذيت من كلامها جدااا
دكتوره فاااااشله و هي اللي مختله فعلا انا تعبت بسبب حديه كلامها
-
◌ Public message
يحيي و ريهام كانوا فريندز عندي لقيتهم النهاردة عملوا انفريند رغم اني لم اشترك في أي كلام عنهم علي اي بوست مراعاة لاني معرفهمش بشكل شخصي و مقدرش احكم عالموقف، دا غير طبعا انهم قفلوا البوستات كلها او مسحوها، تفسري دا بإيه يا سارة ؟
-
◌ Public message
عايزة أقولك ان د.يحيى ود.ريهام قفلوا كل البوستات ع بروفايلاتهم الشخصية وقالوا انهم هيكتبوا ع البيدچ بس !
-
◌ Public message
انا نفسي اتعالج وابقي كويسة يا سارة روحت كذا جلسة مع دكتورة واخدت علاج بس مش افادتنى خالص قالت عندى اضطراب شخصية حدية وقعدت بتاع ٦ شهور مفيش تقدم بالعكس مكنتش بلاقيها لما احتاجها ولما قطعت متواصلتش معايا حتى
انا حرفيا بموت نفسي بالبطىء ومش عارفة اعمل اى كنترول ع حياتى حتى وانا عارفة انه غلط انا تعبانة اوى نفسي ابقي كويسة وحلوة واخف وارضي عن نفسي وحياتى بدل ما ف يوم هانفذ فكرة الانتحار اللى دايما ف بالى عايزة حد يرشحلى دكتور يساعدنى وميبقاش غالى صرفت كتير اوى والاقيه وقت ما انهار عشان بيحصلى كده كتير
-
◌ Public message
كنت من سنة بروح لدكتور عمره ما فكر يكتبلي دوا.. رغم اني قبلها روحت لواحد تاني وكتبلي دوا من اول مره. كنت بحس إننا اصحاب مش دكتور ومريض. اداني دعم مشوفتوش من أهلى ولا من أي حد.. وساعدني اني افهم نفسي.وافهم حاجات كتير .. لحد ما وقفت وحتى بعدها لحد الان لسه كلامه ودعمه ليا بيرن في وداني ومش بنساه أبدا .. روحت شخص رجعت شخص مختلف تماما ❤
-
◌ Public message
انا قريت ال post اللي نشرتيه علي صفحتك. و حسيت اني ما صدقت أني لقيت حد بيتكلم علي اشباه الدكاترة دول . ريهام الصباغ و يحي موسي . انا ليا 3 أصدقاء كانوا متابعين معاهم. اتاذوا منهم جدا. كل واحده اتخبتط منهم في حاجه. و كل اللي نابهم تروما جديدة علي اللي كانوا رايحين بيها. قلبي واجعني عليهم . الجوز دول مش دكاترة والا يعرفوا شئ عن شرف المهنة دي. و كل شوية يتسببوا في صدمة لحد و ينزلوا علي الفيسبوك يلقحوا عليه بكل وحشية و عنف . و ده مش طبيعي أن يكون دكتور أو دكتورة المفروض بيؤتمنوا علي أسرار عملائهم . يتسببوا في أذى نفسي عنيف بعمليات الإشهار اللي بتحصل بالتلقيح في posts بتاعتهم. اتمني لو نقدر نعمل أي حاجه عشان يتوققوا و تتسحب تراخيصهم. دول مؤذيين جدا. و اصدقائي ربنا يعينهم علي ما بلاهم من وراهم . انا بتكلم عن أصدقاء مقربين جدا و حكولي بشكل شخصي. و اللي اتحكالي غير مهني و يدل علي اذي ماينفعش يتسكت عليه.
-
◌ Public message
انا مروحتش لحد من الاسماء اللي ذكرتيها لكن روحت لدكاتره كتير وكانت مشكلتي ان زوجي كان كل ثقتي وحبي فيه وليه بس صدمني صدمة خلاني افقد الثقة في كل الناس.. في يوم قالي يلا نلعب ولعبنا لعبة .. جاب ورق ابيض وقعد يرسم وفجأة عرفني ازاي بيمضي امضته وطلب مني اوريله امضتي فمضيت وكملنا لعب عادي وخلصت اللعبة.. المهم في يوم لاقيته قالي مسافر علشان شغل واكتشفت بعدها بكام يوم انه طلقني ولما جيت اطالب بحقي طلع اقرار تنازل عليه امضتي وبصمتي كمان واللي انا واثقه انه اخد بصمتي دي وانا نايمة.. المهم علشان ما اطولش عليكي انا يومها خسيت ومشاكل ضغط وقولون وكل الدكاترة قالوا اللي عندي نفسي مش جسماني فزورت اكتر من دكتور نفسي وكمان كانوا اساتذه كبار في التخصص والنتيجة صفر.. وبعدين قابلت دكتور استلمني بالأدوية تقريبا كان قرب يقضي عليا وفقدت الامل لحد ما مي صاحبتي رشحتلي حد وقالتلي شاطر ومحترم قولتلها مش هزور دكاتره نفسيين تاني فقالتلي سهله اعملي جلسة في التليفون هو معندوش مشكلة في الوسيلة المهم الحالة تبقي مرتاحة وفعلا كلمته عاوزه اقولك من اول جلسة حسيت بفرق كبير مع اني كنت حاسه في الاول ان ده كلام كبير عليه لانه كان سنه صغير مقارنة بالاساتذة الكبار اللي روحتلهم المهم قالي انه معالج ومابيشتغلش بالادوية وبالكتير ممكن يوصف فيتامينات مش اكتر المهم اني جلسة جلسه حسيت اني بتحسن وبدأت ترجع ثقتي تاني في الناس صحيح مش زي الاول بس بجد ربنا يباركله هو يستحق اذكر اسمه هو اسمه د. محمد رمضان.. انا رشحتله لناس كتيرة والحمد لله كل اللي راحله دعالي انا عارفه انك بتنشري الكلام ده علي صفتحك ف مش هكتب اسم المركز اللي بيشتغل فيه لكن لو حد محتاج رقمه يبقى انشري وانا بتابعك ساعتها هبعتلك رسالة تانيه فيها رقمه وشكرا انك اهتميتي بالموضوع ده ربنا يسعد قلبك
-
◌ Public message
انا مروحتش لحد من الاسماء اللي ذكرتيها لكن روحت لدكاتره كتير وكانت مشكلتي ان زوجي كان كل ثقتي وحبي فيه وليه بس صدمني صدمة خلاني افقد الثقة في كل الناس.. في يوم قالي يلا نلعب ولعبنا لعبة .. جاب ورق ابيض وقعد يرسم وفجأة عرفني ازاي بيمضي امضته وطلب مني اوريله امضتي فمضيت وكملنا لعب عادي وخلصت اللعبة.. المهم في يوم لاقيته قالي مسافر علشان شغل واكتشفت بعدها بكام يوم انه طلقني ولما جيت اطالب بحقي طلع اقرار تنازل عليه امضتي وبصمتي كمان واللي انا واثقه انه اخد بصمتي دي وانا نايمة.. المهم علشان ما اطولش عليكي انا يومها خسيت ومشاكل ضغط وقولون وكل الدكاترة قالوا اللي عندي نفسي مش جسماني فزورت اكتر من دكتور نفسي وكمان كانوا اساتذه كبار في التخصص والنتيجة صفر.. وبعدين قابلت دكتور استلمني بالأدوية تقريبا كان قرب يقضي عليا وفقدت الامل لحد ما مي صاحبتي رشحتلي حد وقالتلي شاطر ومحترم قولتلها مش هزور دكاتره نفسيين تاني فقالتلي سهله اعملي جلسة في التليفون هو معندوش مشكلة في الوسيلة المهم الحالة تبقي مرتاحة وفعلا كلمته عاوزه اقولك من اول جلسة حسيت بفرق كبير مع اني كنت حاسه في الاول ان ده كلام كبير عليه لانه كان سنه صغير مقارنة بالاساتذة الكبار اللي روحتلهم المهم قالي انه معالج ومابيشتغلش بالادوية وبالكتير ممكن يوصف فيتامينات مش اكتر المهم اني جلسة جلسه حسيت اني بتحسن وبدأت ترجع ثقتي تاني في الناس صحيح مش زي الاول بس بجد ربنا يباركله هو يستحق اذكر اسمه هو اسمه د. محمد رمضان.. انا رشحتله لناس كتيرة والحمد لله كل اللي راحله دعالي انا عارفه انك بتنشري الكلام ده علي صفتحك ف مش هكتب اسم المركز اللي بيشتغل فيه لكن لو حد محتاج رقمه يبقى انشري وانا بتابعك ساعتها هبعتلك رسالة تانيه فيها رقمه وشكرا انك اهتميتي بالموضوع ده ربنا يسعد قلبك
-
◌ Public message
عزيزتي سارة
بعتذر اني مقدرش اكتب عندك ف البوست لان في ناس اعرفهم موجودين عنك... وهتكسف اكلمك بصورة شخصية، مش متاكدة ان كنت اللي هقوله دا بيندرج تحت سؤالك عن الدكاترة النفسين ولا لأ، بس هحكيلك تجربتي وانتي ادري...
انا ف فترة كدا كانت عندي مشاكل كتير ف كل حاجة ف حياتي بيتي و شغلي و اصحابي و دراستي.. و
كانت الدنيا كلها بتنهار فوق دماغي ويمكن كمان لاني شخصية عاطفية بتعلي و بتنزل من كلمة و بفكر كتير جدا ودماغي طول الوقت مبتفصلش ،ف
كان لازم الجأ لدكتور نفسي قبل ما انهار، وفعلا روحت لدكتور كل مرة كنت بدفع مبلغ محترم لكل جلسة والدكتور مكانش بيعمل حاجة غير انه كان بيديني ادويه ويقرر كل جلسه هيغير النوع ولا هيجدده ومكانش في اي تحسن في حالتي بالعكس، في الفترة دي كنت بدأت اخد جرعات الدوا بمزاجي، اكتشفت فيما بعد ان كان عندي حاجة اسمها سوء استخدام العقاقير، كنت بفرط في استخدام جرعات الدوا و اتسببتلي دا ف ادمان و كنت ماشية ف سكة زي الزفت ملهاش ملامح... ساعتها خوفت وروحت قولت للدكتور ان حاسة ان في حاجة غلط لاني مبقتش قادرة استغني عن الادوية...
ساعتها الدكتور الفضل دا قالي انتي كدا خلاص بقيتي مدمنة ولازم تدخلي مصحة ، واكتشفت ان عنده مصحة كبيرة لعلاج الادمان وبمبلغ وقدرة، حضرتك انا مستحيل ادخل عندك ،انا اهلي مش هيتقبلوا اساسا فكرة اني روحت لدكتور نفسي تقولي ادخل مصحة علاج ادمان، قالي هو كدا ومش هتعرفي تبطلي غير كدا ، الدنيا اسودت ف وشي وكل اللي كنت بفكر فيه اني حاولت احسن من نفسي وشخصيتي جبت العار لاهلي وبقيت مدمنة، وفكرت اموت نفسي بس كنت اجبن من اني اعمل كدا، دورت ع النت كتير لحد ما روحت لحد الله يباركله ويسعده يارب ساعدني، اكتشفت ان مفيش حاجة اسمها أن مستحيل اتعافي من غير مصحات ، قدر يساعدني اتعافي من غير حتي ما اهلي يعرفوا حاجة ، و وجهني لحاجة اسمها زمالة المدمنين المجهولين، برنامج اسمه ال ١٢ خطوة ، خلاني احضر جلسات علاج جماعي ، اتعرفت علي ناس شبهي وظروفهم شبه ظروفي وتفكيرهم قريب من تفكيري ، ساعدني اني اخطط وافكر من غير ما دماغي تنهار من الاوڤر ثينكينج.... ساعدني اكون انا بس النسخة الاحدث والانضف والاهدي.... انا الراجل دا بدعيله مع كل موقف بقابله النهاردة لو كنت قابلته زمان كنت هنهار...
يارب الناس متحكمش علي الدكاترة النفسين لان زي ما فيهم المستغل المؤذي ، فيهم المحترم ابن الناس اللي بيساعد بجد.... لو ب ايدي همسك ميكروفون واقول للناس كلها روحوا لدكاترة نفسين يا جماعة، لان الموضوع فعلا يستحق بس اختاروا صح....
-
◌ Public message
في دكتور واحد بس من ضمن كذا حد روحتله قدر يعالجني ونفع معايا فعلا، للاسف الطب النفسي عندنا ف مصر شبه مش موجود واغلبه نصابين او مش دكاترة اصلا، بس مش كلهم، احب اقول لاي حد انه يدور كويس وميفقدش الامل لو راح عند مليون دكتور انه ممكن يلاقي دكتور شاطر وامين يقدر يعالجه او حتى يساعده انه يتحسن لاني كنت كدة ولفيت علخكذا دكتور لحد ما لقيت حد قدر يساعدني ف اني اتحسن و اقدر اعيش حياة شبه عادية الى حد ما
-
◌ Public message
انا واحدة من الناس الي اتأذيت من جوزها دكتور يحيى، كنت بروحله اتعالج من BPD جلساته ف اول فترة كانت ناجحة الى حد ما، كان بيعالج بالحب والاحساس والروحانيات وكلام كدة مكنش بيدخل عقلي بس قوبت افضل ورا الكداب ولاني مكنش قدامي غيره ف الفترة دي،لحد ما مبقاش كلامه منطقي وبطل ياكل معايا وبطللت اتحسن تماما، ف مرة صارحته بده وباني مبتحسنش بقالي فترة، ضغط عليا واني انا الي مش عايزة اتعالج وانا الي بعيي نفسي وخرجت من عنده منعارة وكنت هرمي نفسي قدام اول عربية لولا ستر ربنا علشان كلامه على اني مستحقش اعيش علشان مش عايزة اعيش واني انا الي عاملالي مشاكل، وتاني مرة روحت سحبت فلوس السيشن اصر يتكلم معايا وحاول يقنعني ان دي طريقة علاج، بعدها اتكلمت معاه في اسلوب العلاج في حديث مطوب، عملي بلوك على الفيس بوك وقعد يتكلم هو مراته على السوشيال ميديا عن اني سايكوباث، وعن خطورة مرضى السايكوباث الي لازم الدكتور يقطع علاقته بيهم، الدكتور المحترم مش بس كاز هيبقى سبب ف دفعي للانتحار، لا ده كمان اتهمني بكوني سايكوباث علشان شككت ف اساليبه وقولتله ان طريقته ف العلاج مش نافعة معايا، الدكتور ده اصلا هو ومراته غير مرخصين كدكاترة ومنعهمش شهادات وعندهم بلاوي ومشاكل كتيرة، واعرف كذا حد اتأذى منهم بطرق مختلفة، يا ريت محدش يروح عندهم ابدا
-
◌ Public message
انا كملت السنتين علشان مكنتش ف حالة تسمح اني اسيب العلاج دا اولا وثانيا كنت بصدقها زي ماحكيت
مأدركتش الخرا اللي انا فيه الا لما قابلت حد بالصدفة حكالي نفس اللي حصل معايا فوقفت علاج وسيشنز
-
◌ Public message
أنا عايزة اقول اني معرفش د.يحيى ود.ريهام شخصيا ولكن من البيدج بس .. واللي بتنزليه خوفني
أنا بحس ان هيا بالذات حبيت أسلوبها وطريقتها من اللايڤات اللي بتعملها ع الصفحة وبستفاد منها جدا وبحسها عايزة تقدم حاجة وتسيب أثر
وكمان عملت جروب بتعلم فيه مهارة الاستماع المتفاعل وبتدي وقت وجهد كبير بدون مقابل
أنا مش بقول انها ملاك انا معرفهاش وبرضو أحيانا بحس ان اسلوبها صعب حبتين
وكنت بفكر جديا اروحلها جلسات وكلامكم حقيقي خوفني جدا جدا جدا وخصوصا اني بعت أسألهم أسئلة شخصية شوية
انتي تعرفي الناس اللي بيبعتوا او جزء منهم شخصيا ؟ في عندك احتمال ولو بسيط يطلع ده غلط 😭 حقيقي مصدومة وقلبي واجعني
-
◌ Public message
ازيك يا سارة؟
انا ليا تجربة بس مع دكتور تاني خالص ومشهور جدا بالذات على السوشيال ميديا
انا بس هحكي موقف صغير حصل، إنه في وسط الجلسة بتاعتي جاله notifications على الwhatsapp فوشه اتقلب
فانا بحسن نية سألته في حاجة ؟؟
فقالي انه متضايق من الناس دي!!
فسألته ناس مين: قالي ده واحد باعتلي انه واقف على الشباك وبيحاول ينتحر، احنا متفقين ان في المواقف دي ببعت لحد قريب منه عشان يلحقه، المهم هو attention seeker فالمطلوب من أهله بس إنهم يقفلوا الشبابيك والأبواب وكل حاجة ممكن يأذي بيها نفسه ويسيبوه زي الكلب
كلمة زي الكلب بصراحة خلتني أفقد الثقة فيه، هو أتكلم كدة على مريض عنده استنجد بيه في وقت من اضعف الأوقات اللي بيمر بيها
-
◌ Public message
بمناسبة البوست عن ريهام ويحيي
دول اقذر ناس في الكوكب دا
انا اتعالجت معاها او بالاحري اتفشخت معاها سنتين
بدون تشخيص واضح وآخد في ادوية بدون ماعرف هي ليه بس كنت بثق فيها لدرجة اني بصدقها
بصدقها لدرجة انه لو قالتلي اني فيا خرا الكون كله هصدق
اسقطت عليا كل قرفها ولبستني ادوار مش بتاعتي وواحدة واحدة السيشن اللي مفروض ساعه بقي نص ساعة وكله كلام عنها هي ومشاكلها وحياتها وقال كدا هي بتديني عظة
مبتسمعنيش ومبتهتمش لاي كلام بقوله
اللي بيحصل معايا هي اللي بتحكيه بالنيابة عني ومش مسموح ليا اشرح واحكي انا حاسة بإيه وكان مبررها اني معنديش ااقدرة افهم مشاعري واتكلم عنها
كان في اوقات تذكرلي تفاصيل انا محكيتهاش عني وتقنعني اني قولتها وانا متأكده اني عمري ماقولتها
كانت بتحط خطط واضحة لسير حياتي حسب ماهي شايفة وعمرها ماسألتني انا اقدر او حتي حابة اعمل دا ولا لأ
ولما منفذش تاخد مني موقف ومهما اكلمها عن اني مش قادرة امشي ف التراك دا فدا بلح
انا مش فاهمة والصح بس هو اللي هي شيفاه
دا طبعا بجانب انها خلتني افقد الثقة ف كل اللي حواليا وطلعتهم نرجسين وسيكوباث مع انها مشافتهمش ولا مرة
فضلت تغذيني بالفكرة دي ومهما اذكر ليهم مواقف كويسة كانت تقنعني مصدقهمش
ألم ومرار عشتهم ف الفترة اللي عرفتها فيها واللي حكيته دا صفحة واحدة من اللي خلتني اعيشه
-
◌ Public message
بمناسبة البوست اللي مشيراه على صفحتك
انا تابعت مع ريهام دي سنة و مكنتش اعرف عندي ايه و لا اي حاجة و كانت بترفض تحط label لحد ما مرة من المرات بدون اي مبرر اضطردت من عيادتها و جوزها اللي خرج طردني بدون ما يعملولي refer لحد تاني لو مش قادرين على علاجي و رفضو يقولولي اعمل ايه او يرشحولي دكتور تاني و ده سبب لي أزمات ثقة رهيبة انا مرحتش لمعالج تاني خالص بسبب الحادثة دي و طردهم ليا بدون سبب من العيادة
-
◌ Public message
اتمنى تنشري كل حاجة بتتحط عن ريهام و يحيى موسى لان هما استغلاليين
كانو بيحسسوني بالذنب اما افوت جلسة و إهانات خفية من تحت الترابيزة
و مش بتهتم اصلا تسمع
و كل مشاكلها بتسقطها على مريضها في الجلسة
-
◌ Public message
طب والله نفسي افضفض مع حد من زمان ..أنا نفسي احب واتحب انا مش مراهقة ومش صغيرة، نفسي اتجوز واجيب بيبي جميل كدة اربيه زي ما انا عايزة ..بيتقدملي ناس كتير بس مؤخرا حتى مبقيتش اقعد مع حد عايزة حد يجيلي م السما كدة لا ارتبطت بيه ولا صالونات فاهماني ..اكيد فاهماني لان دي مشكلة جيل بحالة،
وفي إطار آخر بحب كتاباتك جدا و بيج فان ل عزيزي رفعت ..دمت متألقة وجميلة ❤❤
-
◌ Public message
زي النهارة من سنة كنتي عملة شير لاغنية ل هدى عمار من الساوند
؟؟
فكراها
-
◌ Public message
ما اجمل تعبيرك وخواطرك
-
◌ Public message
إلى معشوقة رفعت 🖤
كنت قد تساءلت كثيراً لماذا أنا ؟!
لماذا و قد اعتزلت اللعبة منذ زمن و كففت عنها
لماذا لا يريحنا العالم من ضجيجه و صخبه و يعود بنا إلى وسط اللعبة من جديد و تنادينا النداهة من وسط كل تلك الجموع ؟!
يناديني حلوتي و يسمعني كم يليق بي هذا النهار و كم هو جميل المساء بوجودي يقرأ على مسامعي أشعاره المحببة لقلبه و كيف أختصني بقرائته لدرويشه و كيف أنه أختارني لأكون ضمن عالمه بل أنا عالمه و كم دبت الروح فيه بوجودي و من دوني كانت الأيام تتشابه
لماذا و أنا لم أطلب الرفقة تأتي لي و لماذا بعد أن ألفتها الروح ذهبت و لماذا تظل الروح معلقة ؟!
هل هذا هو مصيرنا خيبات متتالية واحدة تلو الأخرى سلسلة متصلة من الأكاذيب أراه عندك يعلق كم هو الأخر يرى رفعت عظيم و أتسائل كيف لشخص أن يرى النبل متجسد في رسائلك لعزيزنا رفعت و يبدي إعجابه به و يتنصل من قلب تعلق بيه ؟!
لا أدري ما الغاية من الكتابة لمن لن يصل له و لمن لن يشعر بنا و لكنني أثق برفعت بأنه حليفنا دليه علي و أحكي له كم أفتقده و إنني و إن أحترقت النجوم لن يحترق وجوده في قلبي و قلبك و قلب كل من أمن به🖤
-
◌ Public message
بحبك أوي يا سو ❤️ وبجد دخولك حياتي من أحلى الحاجات اللي حصلتلي الفترة اللي فاتت.❤️💖❤️💖❤️💖❤️💖❤️💖
-
◌ Public message
انتي جميلة يا سارة
بحبك اوي اوي
ويارب اشوفك رئيسة تحرير
وديما ناجحة
-
◌ Public message
سحراني ليل ونهااااارر 😂🙈
If you know what I mean 😎
إنت سكر يا سارة 😍
-
◌ Public message
وحشتينى.
-
◌ Public message
أنا بحبك جدا يا ساسو <3