What's on your mind?

A little kindness goes a long way.

Image, audio or video · up to 10 MB

Your message is only public if the profile owner publishes it.

Profile questions

No questions published yet.

Public messages

  • Public message

    إتق الله في اسلوبك شويه مع الناس
    حسن الخلق افضل عند ربنا من العباده
    اسلوبك غليظ جدا واسلوبك في الحوار غير راقى
    للاسف هتشوهي صورة الدين باللي بتعمليه ده

    • ReportProfile owner's reply

      صلحي انتِ.

  • Public message

    يارب تكونى بأحسن حال يافاطِم 💜🌸
    اية اللى ممكن اعمله من العبادات تلين قلبى تُنزل علية السَكينة .. حاساة بقى جاامد وقسى اوى يافاطمة 💔
    اقرب ازاى حاسة انى بقيت ضعيييفة جدااً !!
    اية الكتب اللى ممكن تأثر فى قلبى فى قرائتها

    • Public message

      كذا بنت طلبت منك قبل كده إنها تاخد بوستاتك وتكتبي اسمك في الآخر وأنتي وقتها رفضتي وقولتي شير بس ! وده من حقك أكيد بس اللي مش فهماه إنك بتعملي عكس ده تماماً شوفت كام بوست عندك وخداهم كوبي ومش بتكبتي اسم الكاتب أحياناً واحياناً بتكتبيه في الكومنتات مش آخر البوست حتي !!

      • ReportProfile owner's reply

        اولاً مبحبش غير الشير في بوستات الكتابة غير الدنية فقط ، عدا ذلك بيبقا الامر عادي جداً حتى لو خده من غير اسمي ، اما بالنسبة للبوستات الي بنقلها بس صاحبها بتبقاًمن ققولة اصلاً وانا بعيد النقل تاني
        مبسرقش من حد حاجة ولو وحدة حاطة اسمها في البوست مش بشيله زي ما بيعملوا فالعادة !
        ولو هي تحب اني احط اسمها هحطه

    • Public message

      يافاطم يافاطم
      انا بتاعت المطر والروايه والرساله الي جتلي
      بصي ياستي انا طبعا كنت نويه اعمل زي مقولتي وشلت الموضوع من دماغي لاني في سنه مهمه بس للحظتها حكتلك علشان حسيت ان ربنا مش نسيني واني هيجي حد وهيعوضني اي كان هو مين المهم مرفعتش اي حاجه وبوستاتي عاديه جدا زي الاول ولا في اي حاجه اتغيرت ونا نفسي خلاص يعني اتبعت رساله من شويه والنص كلاتي

      سلام الله عليكي انا الي بعتلك رساله علي مش عرفه فكرتي فيا ازي بس
      والله غرضي شريف وبأذن
      الله مستني لما تخل تالته واتقدم ^


      انا ديما بدعي ربنا انه يعف قلبي ويبعدني عن فتنه في الدين والقلب لان ديما دي مخوفي بس ربنا عظيم اوووي

      هيشل برده الموضوع من دماغي انا فهمه وعرفه
      بس حسيت اني لزم اقولك انا بحبك يا فاطم

      • ReportProfile owner's reply

        إنتِ بطلة ، ربنا يبارك فيكِ ويثبتك ♥️

        ربنا يحبك ياقلبي ♥️

    • Public message

      تعبت تعبت تعبت.!!!!
      حاسس انها بتقفل من كل اتجاه تعليم.. البنت اللي بحبهااا من اكتر من 6 سنين ومش قايلها ع كدا لو هتردي ع المسج دا هبعتلك كل حاجه هنا بس انا بسآل الاول قبل ما اكتب و فالاخر مش هتردي
      وبكدا هتعب اكتر

      • ReportProfile owner's reply

        تحدث..

    • Public message

      بقولك يافاطم😂
      انا سهيله 😂
      محرجه أسألك ف الشات هو لو عندي رؤيه شرعيه وجها لوجه اعمل ايه مع العلم كان قارئ فاتحتي وأول مره يشوفني😥

      • ReportProfile owner's reply

        سهيلة مين ؟!
        تعالي مسنجر افضل عشان اخد راحتي فالكلام

    • Public message

      لعلكِ الآن يقولُ الله سبحانه لجبريل ، يا جبريل إني أحب فاطمة فأحبها .. :")

      • ReportProfile owner's reply

        يارب يارب ♥️

        صباح الخير علِيكِ والله ♥️

    • Public message

      يعني اي لين القلب يا فاطمه
      ان الله اذا احب عبدا رزقه بلين القلب 😍

      • ReportProfile owner's reply

        اللين عكس الغِلظة .. يكون رقيق، سَهل ، رحيم، خاشع، طيّب ، ...

    • Public message

      السلام عليكم ، عاوزه أخد رأيك فِ حاجه دلوقت انا كنت بلعب تايكوندو قررت منزلش التمرين من زمان وكده ، بس الشيطان بيزن فِ وداني إنى ارجع علشان بطوله الجامعات وكده ، بس انا خايفه من موضوع الاختلاط ده ، هو انا اينعم مخدتش بالى من الموضوع ده إللي قريب ، بس برضو الشيطان بيوسوس ف دماغي ، بس انا مش عاوزه أزعل ربنا منى لو ماينفعش مش هنزل ، فاقولى رأيك الشخصي ورأي الدين إيه فِ الموضوع ده علشان فيه صراع بين قلبي عاوزه يرضي ربنا وبس وعقلي إللي حابب الرياضه وبرضو مايزعلش ربنا ، وانا لما كنت بتمرن لابسي واسع ،الحمدلله وكمان جسمي ضعيف مش مليانه يعني ، فانا عاوزه اتمرن وخايفه ، وللأسف مفيش مكان بيمرنو بنات بس لانه نادي واحد ف منطقتي قوليلي اعمل ايه ، قولت هبعد واحفظ قرآن ، فكرت تانى مانا ممكن اتمرن واحفظ برضو عادي ، قوليلى أعمل ايه لأن التفكير هيموتنى

      • ReportProfile owner's reply

        سيبك من رأيي الشخصي خالص، بس اسألك سؤال وانتِ حاوبيني ..
        اما ربنا جل وعلا يقولنا كَنساء ان مُجرد تنعيم الصوت قدام الأجانب من الرجال حرام حرام !! يبقا الخلطة بيهم فلعبة زي دي هيبقا حُكمه اي ياغالية ؟ ..
        عارفة ؟ فكرة انك تسيبيها عشان خايفة من الله لوحدها خاجة عظيمة أوي حتى لو متعرفيش الحكم، ودلوقتي انتِ اكيد عرفتيه :'))
        رأيي أنا بقا ..
        سيبيها عشان هتتسألي عنها امام الله ومش هتلاقي اجابة ، وسيبيها عشان هي وان كانت مُفيدة ، لكن منخلهاش فوق رضى الله ..
        سيبيها عشان فعلاً لو قعدتي لحفظ القرآن هتتعوضي بكدة بخير كبير جداً جداً .. وهيفتح عليكِربنا فتح عظيم فالحفظ وانشراح الصدر والطمئنينة .. ومش عتزعلي انك سبتيها ابداً !
        واخيرً .. لعل الله يعوضك بمكان فيه تدريب للبنات بس .. فسيبيها لله دلوقتي، وابشري بالخير كله بعدين وبالي يرضيكِ ♥️

    • Public message

      ممرت صدفة ولا اعرفك .. جعلك الله زخرا للاسلام
      والمسلمين
      ..
      ادعيلى اريد ان اتوووب بالله

      • ReportProfile owner's reply

        آمين ياااارب
        ابشري ان شاء الله.

    • Public message

      فاطمة انا بدعي ربنا في كل صلاةو صلاة قيام الليل ان يرزقني الشخص الي بحبوا في الحلال كدة حرام ولا لا😔💔؟؟هودلوقت خطب واحدة مش بيحبها وانا وهو مش بنتكلم خالص من ساعتها😢✋
      هو مش بيحب خطبتوا دي خطبهاعشان خاطر مامتوا وبس عشان تعبت وهو مقدرش يشوفها تعبانه😢
      هو جةةاتقدم ليا
      بس اهلي واهلوا مش موافقين ومعاندين مع بعض😔💔وانا وهو الي تعانين ولا حد حاسس
      انا بفضل ادعي كتير اوي ان البنت الي خطبها دي تسيبوا يارب
      هو مش عارف يسبها عشان مامتوا وعشان مش يبقا سبب في تعب مامتوا
      هتقوليلي عرفتي كل دا منين والله يا فاطمة انا لما خطب كنت هموت من وجع القلب😭💔وقولت لربنا رضيت بحكمك ه وقضائك
      وكنت فكراة نسيني او فرح بالخطوبة😢✋
      بالعكس شكلوا علطول زعلان وتعبان جدا
      والله مابنتكلم خالص
      من ساعه ماخطب😭💔
      انا لسة بدعي وبصلي وبدعي كتير جدااا ونفسي ربنا يستجيب يارب
      😭😭😭😭ادعيلي💔😭هموت من وجع القلب والله
      مش مستحملة اشوفوا مع واحدة تانية 💔✋بالله عليكي لتدعيلي ربنا ي رجعهولي عاجلا بااارب😭😭😭💔

      • ReportProfile owner's reply

        ادعي بالخير ليكِ اياً كان وارضي بقضاء الله .. وابشري بالي فيه خير لأمرك.

    • Public message

      بالله عليكي تردي
      انا بعمل ذنب معين وبرجع اتوب وارجعله تاني لدرجه اني بقيت بحس نفسي منافقه قدام ربنا وانا
      نفسي ابطل الذنب دا انا الحمد لله بصلي ولبسي واسع خالص بس مشكلتي الوحيدة الذنب دا ومش عارفه اعمل ايه والله بفضل اعيط كتير جدا ياريت تردي عليا تساعدني

      • ReportProfile owner's reply

        مادام بتوبي كل مرك، يبقا ارجعي توبي ولو وقعتي فيه الف مرة
        واقطعي اسباب الدخول للمعصية دي .. وابشري

    • Public message

      لماذا لم يعد الشخص يتمني الخير لغيره ؟

      • ReportProfile owner's reply

        ليس شيئاً مُستجداً ، هذا طبع في بني آدم .. الأنانية ..
        ولكن هناكَ من يغلبها بحسنِ خلقه وطيبهِ، ومنهم من تسيطر عليه

        ربنا ينور قلوبنا

    • Public message

      ربنا يحققلك كل اللي 💜بتتمني ويبعد عنك كل شر.

      • ReportProfile owner's reply

        يارب اللهم آمين ♥️
        اذعيلي كتير

    • Public message

      جدو ربنا يديله الصحة و العافية معااه فلووس و كده المفرووض ان الفلووش دي كاانت ورث و اتظلم فيهاا نااس كتيير و جدو شاارك ف الظلم ده و اصلا قبل ما الفلووس دي تجيله واالد جدوو بردوو كاان وااخد ورث و كاان الورث ده فييه ظلم و هكذاا يعني الفلووس دي كلهاا ظلم و كل وااحد بيورثهاا لعيااله بالظلم و هكذاا لحد ما وصلت لجدوو ف اناا عاايزة اعرف ان لو لقدر الله حصل حااجة و فلووس جدو اتورثت و عيااله عارفيين ان الفلووس دي فيهاا ظلم كتير و عارفين نااس جدوو شاارك ف ظلمهم وهو بيورث الفلووس دي بس ملنااش علاقة بييهم و المساافة بنااا بعييدة هل الفلووس دي تبقي بالنسبالناا حرااام و تإذيناا

      • ReportProfile owner's reply

        دي حاجة محتاجة فتوى خاصة ياحبيبتي ، وانا مش أهل لكدة..

    • Public message

      السلام عليكم يافاطمه
      انا حبيت واحد وامي الي خلتني احبة💔وفي الاخر كسرتني واهلي كانوا عارفين وكدة
      جالي اتقدم 5مرات😭
      والله اترفض لأسباب تافهة وامي السبب😭
      امي اي حد يتقدم تقولي ملكيش رأي انا الي أختار واقرر💔انتي لا
      انا وهو متعرفش حاجة عن بعض بقالنا سنة وانا لسة تعبانة وقلبي موجوع وبدعي ربنا ليل ونهار انوا يستجيب دعوتي😭💔
      بس هو دلوقت راح خطب واحدة مبيحبهاش ولايعرفها وانا متاكدة انوا بيحبني انا وبس
      هل فعلا ممكن يرجع لي تاني💔
      انا عارفة ومتاكدة ان ربنا قادر علي كل شئ
      ونفسي ربنا يستجيب😭
      انا فوضت أمري كلوا لله
      ادعيلي ادعيلي كتير بالله عليكي
      ادعيلي ان ربنا يريح قلبي ويرجع تاني يارب
      وربنا يجعلنا الخير والنصيب مع بعض بارب العالمين

      • ReportProfile owner's reply

        طب بغض النظر عن اني مش فاهمة والدتك عملت كدة لي بس هو لو مُقدر ليكِ هتتزوجيه أياً كان السبب ولو مش مكتوب لك مش هيحصل حتى لو كان مين السبب ..
        فريحي بالك من التفكير واسألي الله يرزقك الخير حيث كان

    • Public message

      بعد إذنك يافاطمة💔😭ادعيلي ادعيلي كتير انا قلبي موجوع اوووووي
      انا الحمدلله بدعي ويصلي ويقرأ قران
      بس تعبانة اوي اوي😭😭

      • ReportProfile owner's reply

        ابشري ♥️

    • Public message

      بقالي 5سنين بحبها وهي كمان اول تلت سنين كنا بنتكلم بي من غير اي تجاوز ف الكلام لا اي حاجه ملتزم وهى كمان بقالنا سنتين مش بنتكلم غير ف اضيق الحدود اول تلت سنين وانا بكلمها كنت بحس ان ربنا موفقنى انى ادعي انه يجمعنا بيه ف الحلال وعندي يقين كمان بقالي بعد التلت سنين دوال بقيت بحس ان الدعوه تقيله علي قلبي اوى ومش عارف ادعي انها تكون مراتي معي انى مش عارف ولا هعرف احب غيرها ابدا بحب جدا والله ومش عارف الي انا فيه ده اي حب ولا لاء
      اخطب ولا مخطبش مش عارف ظروفي تجبرنى انى المفروض اخطب علشان اهلي
      انصحينى

      • ReportProfile owner's reply

        انا رديت قبل كدة!!

    • Public message

      عالقة بين صفاء الطفولة و قسوة المجتمع
      حتى كادت سهامه تقضي علي 💔

      • ReportProfile owner's reply

        ابتلاءات والصبر لازِمٌ ..

    • Public message

      أحبك فاطمة
      اختك في الله من الجزائر ⁦❤️

      • ReportProfile owner's reply

        أحبكِ الله وجعلكِ من عباده الصالحين ♥️

        أهلاً أهلاً بأهل الجزائر

    • Public message

      صباحك جميل يا فاطم
      💙💙💙💙💙💙💙💙

      • ReportProfile owner's reply

        صباح النور والله ♥️

    • Public message

      ادعيلي يقضي حاجتى ، فانا كلى مشتاق للاجابه♥ ولكى بالمثل يا غاليه 😍

      • ReportProfile owner's reply

        حاضر ابشري

    • Public message

      " يا ملائكتي اقضوا حاجة عبدي الليلة فقد غلب يقينهُ قدري "

      طَيِّب هو المتكلم هنا الله عز وجلَّ يعني معنى كده إن ده يا قرءآن يا حديث قدسي صح كده..؟
      مش عايزه أصدمكم وأقلق غفلتكم يعني بس هو لا حديث قدسي ولا قرءآن يبقى إزاي بتتقوّلوا علي الله بما لا تعلمون ..؟!

      هو أصلًا الحديث الوارد في الجزئية دي نصه مختلف تمامًا وبيقول :
      " إنَّ العبد يدعو الله وهو يحبه فيقول الله عز وجل : يا جبريل اقضِ لعبدي هذا حاجته وأخِّرها فإني أحب أن اسمع صوته ، وإن العبد ليدعو الله وهو يبغضه فيقول الله عز وجل : يا جبريل اقضِ لعبدي هذا حاجته وعجِّلها فإني أكره أن اسمع صوته "

      ده النص الوارد ومع ذلك فهو حديث ضعيف لا يُحتج به بل وفيه بعض العلماء ترك الكلام في إسناده من الأساس لشدة ضعف سنده
      فاحنا للأسف بقينا نتقوَّل علي الله من غير ما نشعر ولا نُدرك خطورة اللي بنعمله " وتحسبونهُ هينًا وهو عند الله عظيم "
      فـ كفاية نشر لشئ قد يؤدي بنا إلى نار جهنم ،
      أنا عارفه إن ناس كتير كان عاجبها الكلام فنشرته بحُسن نية من غير قصد ولا تفكير في محتواه ،
      بس النية الصالحة لا تُصلح العمل الفاسد
      فبالله عليكم إبقوا تحرّوا عن صحة ما تنشروه الله يكرمكم :")💚🌸

      • ReportProfile owner's reply

        جزاكِ الله خيراً

    • Public message

      ادعيلي اتزوج عن حب ولكِ بالمثل يا ست البنات 💙
      ادعي شفويًا 😂❤

      • ReportProfile owner's reply

        عنيا 😂♥️

    • Public message

      كم عمركً حبيبتي 🌸؟

      • ReportProfile owner's reply

        20..

    • Public message

      انا حلم عمري اجي الامارات بحب الامارات جداا ..ادعيلي اجيهاا ف يوم م الايام يافاطمه❤

      • ReportProfile owner's reply

        يارب تيجي الامارات لو خير لك ♥️

    • Public message

      هقولك علي اللي عمر حد ما عرفه عندي بس بالله ما تنزلي رسالتي
      انا عندي ٢٩ سنه اهلي طول ال ٢٩ سنه كانوا بيعلموني حاجه واحده اني معملش الغلط عشان محدش يشمت فينا !! عمري ما حد قالي عشان حرام تربيتي كلها مكانش فيها اي حاجه عن الدين غير كلمه صلي حرام عليكي تقريبا كنت انا البنت الوحيده اللي ف وسط اخواتي اللي ع طول ظروفنا متسمحش اني اكمل تعليم او اني ادخل ثانوي عام دخلت ثانوي فني وما ادركب ادركي ببنات الثانوي الفني عندنا ..كل البنات علي علاقه بشباب فبعد وقت من دخولي اتمنيت يبقي عندي اللي احكيه زيهم بدات اختراع قصص من خيالي وان ف حد ف حباتي وانا اصلا مكانش فيه وبعد كده الموضوع اتطور وبدات اقولهم ان ف حد عند المدرسه معجبه بيه وانا لا كنت معجبه ولا اي حاجه بعد فتره واحده الله يسامحها راحت وجبته وعرفتني عليه كانت هي تعرف اخوه فبدات اخرح معاهم هي وهو واخو ونقعد ف اي حته كنت بشوف اخوه وهي بيتجاوز كتير لما اللي كنت معاه كان بيحاول كنت بمنعه ف اي حاجه وعلي طول كانت تقولي انتي ليه كده بعد فتره اخوه ده حبني بجد بس انا بعدت ورجعت احكي من خيالي بس ان ف حد ف حياتي لحد بعد سنه راجعتني ليه تاني ورجعت وبدات اوفق علي اللي بيطلبه مني المدرسه خلصت وفجاه لقيته سافر عشان عايز يخطبني واتبهدل وفعلا راجع واتقدملي واهلي رافضه ف الفتره دي تقريبا كانت عيله ولدي ولدتي اعلنوا الحرب علينا اخوتي اتجوز الاتنين ف سنه صحبي كملوا تعلمهم ابويا رفض اني اكمل تعليمي عشان ولدتي وقتها كانت خلفت توائم ع سن كبير فكان المطلوب مني اني اقعد بيهم كنا فعلا ف مشاكل لا حصر لها وجالي اكتئاب وروحت لدكتور ف عز اصلا مكانش لقين ناكل لاننا سبنا بيتنا وروحنا عشنا ف شقه ايجار هروب من المشاكل اب سلبي وامي مغلوبه ع امرها ومكسوره وبس فرحت لما جالي بس لما ابويا رافضه سافر تاني عشان يعمل اللي ابويا طلبه منه وخلال الفتره دي مكنتش بشوف الشارع اصلا ويوم ما كنت بنزل كنت ببقي معاه بدات التجاوزات تزيد اذا كان ف التليفون او لما اشوفه ...بالله متقرفيش مني . والله انا جايلك بطلب النجاه .. يتبع.

      • ReportProfile owner's reply

        اكملي وان شاء الله أجيبك..
        الرسالة دي بتظهر على صفحتي فصراحة.

    • Public message

      السلام عليكم يا فاطمة ..ياريت تردي عليا بالله في اقرب وقت انا تعبانه جدا ....بصي انا اتعرفت علي ولد وارتبطنا من سنتين وخلال الفترة دي انا كنت بتوب كتير لربنا ..بس كنت بضعف وارجع .بصي حاليا أنا كنت سيبته من 3 شهور وقربت من ربنا جامد ..الحمدلله ..بس هو كلمني تاني من يومين وانا رديت عليه ...بس بالله ندمانه اوووي إني وعدت ربنا وخلفت وعدي .اعمل ايه يا فاطمه انا قولتله النهاردة ميكلمنيش غير لما يفاتح أهله..في الموضوع ..بس بالله ندمانه من حوايا إني رديت ..انا عايزة اسالك هو انا كده ضيعت كل الحسنات اللي عملتها ...ولو رجعت لربنا هيقبلني بس انا مكسوووفه منه .بالله قوليلي اعمل ايه يا فاطم .وأدعيلي ..ولو انا خلاص مابقتش عايزة الإنسان ده حتى لو جالي البيت اعمل ايه واقوله ايه ..انا خايفه اجرحه ..بس انا شايفه انه مش مناسب ليا وعارفه اهلي مش هيوافقو ..وهو مش متدين بدرجه كبيرة .يعني حاسه انه مش الزوج الصالح اللي مستنياه ..بس مش قادرة اقوله كده . قولتله فاتح اهلك الأول وبعدين قولي رأيهم .هو جرحني كتير وعرف بنات ...والفترة اللي انا كنت ببعد فيها عنه وارجع لربنا كان بيكلم حد تاني .بس هو اتغير حاليا وعايز يعمل أي حاجه علشاني. ..انتي رأيك ايه ..هو ممكن يكون اتتغير مش عارفه أتصرف وندمانه علي كل حاجه ساعديني .بالله ..مع العلم انا عند22 سنه

      • ReportProfile owner's reply

        بالنسبة لرجوعك لله بعد خطأك ده ، فصواب .. وهيقبلك متقلقيش بس خليها الخرة دي توبة نصوح ومتتكلميش معاه تاني واقطعي كل سُبل الوصل بينك وبينه.
        اما بالنسبة ل انو يتقدملكف انتِ قلتي الخُلاصة، وبالنسبة انك مش حساه مُناسِب .. ف انتظري اقدار الله هتاخدك لفين، متقوليلوش حاجة يعني .. ولو اهلك هيرفضوا يبقوا الموضوع منهم هنا وانتِ خرجي نفسك هالص فلو خير هيكون ولو شر مش هيحصل.
        استغفري كاير واسألي الله يُصلح قلبك ويرزقك الخير حيث كان

    • Public message

      ادعيلي
      كتير

      • ReportProfile owner's reply

        بإي، ومن تكوني ؟ ..
        أبشري ان شاء الله.

    • Public message

      فاطمة حبيبتي .. 💚

      بحبك و بحب أتابعك ..
      و بنقل منك بعض الأشياء .. اسمحيلي 🙈
      و ادعي لي بالزوج الصالح و بالخير ، لعلك ِ أقرب لله مني 💚💔

      • ReportProfile owner's reply

        ربنا يحبك ويسعدك ♥️
        هههههه ماشي
        ربنا يعجلك بيه ويفرح قلبك عاجلاً غير آجل

    • Public message

      ‏" لا يوجد في الحياة عقاب أشد من ،
      أن تحب شخصًا ليس من حقك أن تحبه ."

      • ReportProfile owner's reply

        أحدُ الابتلاءاتِ هو ..
        الله المستعان :'))

    • Public message

      السلام عليكم ورحمة الله وبركاته حبيبتي انا فتيحة البوني رجاءا انظري للخاص في الرسائل أمر مهم حفظك الله !

      • ReportProfile owner's reply

        ماشي

    • Public message

      السلام عليكم يا فاطم
      أحببت شخصًا من طرف واحد وصارحته بحبي وقال لي أنني في منزله أخته كنت واثقه تمامًا بأن ذلك ستكون إجابته ولكني أحبيته !!
      اصبحنا لا نتحدث منذ ما يقارب السنتين ولكني أشتاق إليه كثيرا وأدخل باستمرار علي حسابه علي الفيس
      ماذا افعل لكي أتجاوزه ؟

      • ReportProfile owner's reply

        متدخليش صفحته، واقطعي سُبل الوصل وارحمي قلبك!

    • Public message

      بصي ياحبيبتي انا بسال علشان هلبسو حشمه وستر لي كا امراءه لم لبستو ناس كتير بتقول انو مش فرض وله سنه عايزة ارض عليه بستشرتك وتعباكي معاياجزاكي الله كل خير

      • ReportProfile owner's reply

        منا جاوبتك انو فرض !
        ثم ان طاعتك لله لا تحتاج اثباتات للناس واشياء تردي بها على جدلهم ! إمضِ حيث أمرك الله وارتديهِ ابتغاء مرضاة الله والا تبالي للناس.

    • Public message

      ياحبيبتي. لو انا الحمد لله عايشة في نعمة وستر من ربنا وتمنيت وحمدت الله تمنيت ان يزيدني من فضله ونعيمه واني اعيش احسن منك كدة انا واهلي وولادي وزوجي وسعيت لذلك ودعيت ربنا هل حرام عليا هل دة يدخل تحت بند عدم القناعه
      وسمعت من شيخ ان القران بيعلي قدر صاحبه لو دعيت ربنا ان يعلي قدري بحفظ القرآن يبقي حرام عليا. كنت بدات احفظ من فترة علشان اقرب من ربنا فقط ونيتي خالصه لله وسعيت واهتميت جدا بعدها لقيت اعلان اني ممكن اشتغل محفظه لغير الناطقين باللغه العربيه وبأجر الموضوع دة شجعني اكتر
      هل كدة يبقي حرام عليا يعني كدة ابقي بسعي ورا الدنيا فهنيني الله يرزقك اللي تتمنيه

      • ReportProfile owner's reply

        تعيشي احسن مني !!
        لا عادي ان الواحد يطلب من الله طيب العيش ويسأل الله كل ما يريد، سيدنا سليمان عليه السلام سأل الله عز وجل أن يهبه ملك لم يؤتى لاحد من قبله ..
        لكن لاشك ان الزهد فالدنيا افضل، وترك الشهوات افضل.

        لا بالعكس ده خير عظيم انك تكوني معلمة للقرآن، لكن لو بتشتغلي عشان الفلوس بس فده لا يجوز .. ربنا كدة يحرمك من الجنة !!
        لابد تمون نيتك لله حتى لو خدتي اجر دنيوي.
        فاسئلي الله الاخلاص وان شاء الله ربنا يرزقك اياه.

    • Public message

      ينفع تتكلمى فى بوست ع كل تفصيلة فى الصلاة وايه الازكار ال بتتقال بعد كل صلاة وازى صلاتى تكون صحيحة
      رجاءً يعنى💙

      • ReportProfile owner's reply

        تكلمت عن هذا يا غالية من قبل 🙂

    • Public message

      يافاطم وحشتيني جدا مكتبتش من زمان حاجه بس وحشتيني
      اووووووووووي يارب تكوني بخير يافاطم لو استغفرت بنية زيادة الرزق هل حرام عليا لو صليت قيام علشان ادعو ربنا بامور دنيا تشغلني ونفسي احققها حرام عليا كدة نثعل كدة تكون نيتي ليست خالصه لوجه الله فهميني الله يحقق مرادك ويسترك

      • ReportProfile owner's reply

        متستوحشيش من حبيب ابداً ، متحرمش منك ♥️
        ايوة ، ده غلط !
        مينفعش نعمل عبادة لله عشان نحقق امر دنيوي ! التصرف ده بيخلّينا مناخدش اجر عالطّاعة
        والموضوع ده في شوية تفاصيل شرحهم الامام النووي في كتاب الاربعون النووية في اول حديث بتاع انما الاعمال بالنيات.لو معندكيش الكتاب هصورلك.

    • Public message

      هو النقاب فرض وفرض ليه وسنه ليه وجزاكي الله كل خير

      • ReportProfile owner's reply

        النقاب فرض.
        فرض لي ازاي ؟ ..
        طب يعني الصلاة فرض لي ؟
        قصدك كدة ؟!

    • Public message

      كنت بحب واحد 6سنين واتخطبنا كام شهر وسبني. تعرفي انه بعد ما سبني قربت م ربنا جدا مش عشان انساه ولا حاجه بس حسيت ان ال6سنين الي قضتهم معاه بعد ع ربنا اوي وعملت ذنوب كتير كان هو سببها نفسي ربنا يسمحني ع كل الذنوب الي عملتها بس للحقيقه مش عارفه اسامحه ع الاذي ده وديما بقول حسبنا الله فيه ع عمري الي راحووانا بعيده ع اهلي وربنا بسببه قوليلي اعمل ايه عشان ارتاح وربنا يسامحني واطمن اني نضفت لاني اقابله

      • ReportProfile owner's reply

        مادام رجعتي لله وتُبتي، ده المهم ..
        سيبك منه، نقطة مش حلوة فحياتك وعدِّت .. فكري دلوقتي فنفسك وكيف تعوضي الي فاتك ده من صلاح وحياة طيِّبة ورجوع لله، اما هو ف ربنا يتولاه بقا.

    • Public message

      السوشيال تسرق الكثير والكثير من وقتي
      ماذا أفعل يا فاطم لكي يقل تعلقي بيها ؟

      • ReportProfile owner's reply

        مشكلة كبيرة والله، ربنا يصلحنا.

        انا بصواحة اما بزهق من نفسي بمسح التطبيقات كلها وبرتاح ..
        دي الطريقة الي بستخدمها

    • Public message

      ياطبيبه القلوب ارجوكى تدعى لقلبى بالثبات والراحه لانه بيوجعنى اووى وتدعيلى انسى اللى أذانى ويثبتنى ع موقفى بالله عليكى تدعيلى ❤❤

      • ReportProfile owner's reply

        عنيا، ابشري ♥️

    • Public message

      ي فاطم💙💙
      جزاكِ الله خيرا وزادكِ الله من فضله كثيرا
      بحبك ف الله ي جميلة💙🤗
      انا عايزة أقولك اني اتكتب كتابي ع الشخص الذي لما رأيته تمنيته من الله فقولي لي كلماتً يرق لها القلب إليه هوا..كلمات من يكون نسيجها الحب والمودة💙💙ولكِ الشكر مسبقا

      • ReportProfile owner's reply

        اللهم بارك اللهم بارك ، ربنا يجعلكم لبعض قرة عين ياارب ♥️

        قصدك اكتبلك حاجة تقوليهاله ؟

    • Public message

      كنتي منزلة بوست من فترة انك كنتي بتدعي دعاء معين وحصل عكسه وربنا مستجابش دعوتك
      البوست ده خوفني جداا، لأني بدعي دعوة بكل وقت وخايفة من عدم الاستجابة
      بس واثقة ان ربنا حاشاه أن يخذلني يافاطمة، حاشاه :')
      انا خايفة جداا والله بوستك رعبني 💔

      • ReportProfile owner's reply

        من دعا الله بقلبٍ موقن بالإجابة لن يجزعَ ويتذمّر إذا لم ينل مسألته

        لأن قلبه معلّق بالله لا بالمسألة

        طب واللوست دَه ، شفتيه ؟ :'))

    • Public message

      b7bk b7bk

      • ReportProfile owner's reply

        ربنا يحِبِّك ربِّنا يِحبِّك 🙈♥️

    • Public message

      لو عايز ناس اهل علم ف مقارنة الاديان غير البنت المسيحيه دي
      عندك قناة البينة لمقارنة الاديان والرد علي الشبهات
      وفي دكتور سامي عامري ودكتور منقذ بن محمود السقار وكلهم موجودين علي الفيس بوك ويوتيوب
      وفي الاخ ابو عمر الباحث

      • ReportProfile owner's reply

        انا عايزة كتب، الله يرضى عنك فيديني بكتب !!
        انا كنت بحاول احضر محاضرات فالجامعة عندي لمادة مقارنة الاديان وهي مش فخطتي بس طلع ممنوع، انا عايزة كتب اقرأ فيها واعيد وازيد واخطط .. لو تفيديني يبقا عملتي فيا خير عظيييييم

        ياريت لو تكلميني خاص، هفرح والله لو اهتميتي بالحاجة دي ♥️

    • Public message

      قوليلي حاجه تمنعني اني انتحر 🔪🔪🔪

      • ReportProfile owner's reply

        متنتِحريش ♥️

    • Public message

      ادعيلي ادعيلي ادعيلي ادعييييييللللي
      ادعيلي يا فاطمه ادعيلي اوعي تنسي
      😥

      • ReportProfile owner's reply

        ربنا يصلح حالك ويرزقكِ رضاه عليكِ يارب

    • Public message

      ارجوكي فاطمه رضي ع رسالتي بتاعت انبارح يافاطمه

      • ReportProfile owner's reply

        رديت ؟

    • Public message

      الموضوع صعب جدا بس والله ان انا ندمت اشد الندم كنت عقده وحصل اللي حصل بعدها اتفرقنا وسيبنا بعض ورجعنا واحناحصل تاني ان نتقرب من بعض وبعدها لم ابتليت بأبتلايكسر القلب كنت سعتها بقول فين عقلي وديني والله كل مااصلي احس ان ربنا مش هيسمحني ومش هيقبل مني توبه وكمان لم اتقدملي حد دلوقتي مش بوافق علشان بقول لا انا قربت لواحد مقدرش هكون بخون الشخص اللي بيتقدملي ده انا ندمانه والله ياختي بس والله كان بيضحك عليا بكلامه بس انا بردك غلطانه وامي كل شويه تتخانق معايا علشان العرسان اللي برفضهم اعمل ايه اناتعبانه والله جدا بس ندمت والله بعد ازنك جبيلي حل ارجوكي ضميري هيموتني لم تنصحيني ارجوكي اعملي ع رسالتي اي شخبطه واشوف نصحتك بس ليا بجد انا بدمر نفسينا نفسي ارجع لربنا تاني انا رجعت بس حاسه انو مش هيقبلني بس انا بحب ربنا والله بس والله شيطاني تغلبني

      • ReportProfile owner's reply

        إنَّ الندمَ بعد التَّوبةِ ، واستِشعارُ الألمِ عندَ تذكُّرهِ ، من علاماتِ قبولِ التبَة .. والتوبة النّصوحُ أساسُها النَّدم !
        فلا تجعلي الشيطانَ يعزِمكِ مرتين ؛ فإن هزمكِ عندما أوقعكِ فالمَعصية ، فاهزِميهِ بكثرَة الطاعاتِ وعدمِ اليأس ولا القنوطِ من رحمَةِ الله واستبشري فإن رحمةَ الله واسعَة ومغفرته تسع الذنوبَ كلُّها.

    • Public message

      فاطمه 🌸
      انا ٣ث علمى رياضه 💔
      انا تايهه جدا بجد و محتاجه دعواتكم تكون بصدق لربنا انى اقدر اوصل الكليه اللى
      نفسى فيها ادعيلى تكون من نصيبى أنتِ و كل الناس القريبه من ربنا اللى تعرفيهم
      و لو حصل على اخر السنه هكلمك و افرحك معايا 🌸
      ادعيلى الفرحه دى تكون من نصيبى ⁦❣️

      • ReportProfile owner's reply

        ربنا يوفقِك للخير كله ويسرلك للي فيه صلاح دينك ودنياكِ ♥️

    • Public message

      ادعيلي بالله ان ربنا يجمع بنا ف الحلال ع خير عاجلا غير اجلا وان ربنا يرزقه و يفتحها علينا و ييسر لنا الأمور 💜

      • ReportProfile owner's reply

        ربنا يوفقك لكل خير ويجمعك بيه ان كان فيه صلاح دينك ودنياكَ يارب ♥️

    • Public message

      فاطمة انا بحبك وبكراش عليكي وبحبك كل كتاباتك وبوستاتك وبحب صورتك مع باباكي وشه منور الله أكبر عليه وانتي شكلك أنثى نظيفة جدا جدا في لبسك وهدومك بجد بجد انا بحبك وبموت فيكي وبعشقك يا رز بلبن بالمهلبية يا عسل انت ❤️❤️❤️😘😘😘
      يارب تشوفي رسالتي

      • ReportProfile owner's reply

        عفا الله عنكِ 😂
        جعلتني أضحكُ بشدَّة 🙈😂♥️
        جزاكِ الله خيراً على هذه الملِمات المُفعمة بالجمالِ الدسِم وجعلكِ من طيبي اللسان وجملَ سريرتَكِ بالخير كلهِ ♥️

        رأيتها وأسعدتني جداً حداً ، رضي الله عنكِ وأرضاكِ ♥️

    • Public message

      هو مش عارف يعمل حاجه غير انه يحبهاويدعيلها انها تكون زوجته لكن الامل منعدم برغم كثرة الدعاء ولا يملك اي حيله فبماذا تنصحى ارجو منك الرد

      • ReportProfile owner's reply

        لِم ينعدِم الأَمل ؟!
        اتعجَّبُ من الشّاب، ومن بيدِهِ الاختيارُ بعد الله ومن يستطيع بذل كل وسعهِ وجهدهِ في ملاقاةِ من يُخب ثم لا يفْعَل !!
        حاوِل، اطرُق بابَها، توصَّل إليها قدر ما استَطعتَ ثم بعد بذل الجهدُ يُترك الأمر لله ..
        لا تدعْ الحَسرةَ تأكلُ منكَ عُمُراً ، ولا تتركِ الخَيباتِ تسكنُ قلبَك .. لستَ من تُطلَب !! إنما أنتَ من يطلُب .. فجاهِد واتقِ الله في نفسكَ وفيها ؛ ستلقَى ما تُريد.

    • Public message

      السلام عليكم
      انا عارفه ممكن رسالتي متوصلكيش زي رسالتي الاولي
      بس انا هكتب واجري ع الله😊
      انا معرفكيش ولا عمري شفتك حتي الاكونت بتاعك شفته صدفه وبدات اتابعك لاني بحب كلامك ومنشوراتك
      كنت ف مشكله وعيزاكي تساعديني او تقوليلي حل...
      انا من فتره اتخطبت لواحد مكنتش اعرفه ابدا
      هو شافني صدفه ومشي ورايا عرف بيتي بعدها اتقدم هو من بلد مجاوره ليا واخته متجوزه ف بلدي انا فده سهل عليه الموضوع شويه.. المهم هحاول انجز ف التفاصيل انا خاتمه القراءن من كذا سنه وبقالي حوالي8 شهور مختمره وبجاهد اكون من الصالحين جعلني الله واياكي منهم
      هو شاب كويس ومحترم وفرق السن بينا 9 او 10 سنين
      ف الاول مكنتش حابه الفرق بس بعد كدا لاقيته احسن انه يكون اعقل مني
      هو بيحبني جدا بس ف قصور كتير ف شخصيته
      باباه اتوفي من كذا سنه وهو كان شديد ااتعلق بيه مهما اوصفلك مش هتصدقي لدرجه حياته وقفت بعده وفاته هو كان معتمد اعتماد كلي عليه ودي الكارثه لم اتوفي مش واخد هو ع المسؤليه فاتصادم مع الحياه وهو ف سن كبير مش صغير زي ال جاتله عقده
      هو طيب جداا ومحترم
      بس مذبذب الشخصيه مبيعرفش ياخد قرار ع طول سرحان
      تعليمه هو معاه بكالريوس تجاره بس لان باباه كان مع واسطه ف كل حته وغني كان بينجح كدا وخلاص
      يعني صفر ف الدراسه صفر ف الحياه العمليه
      راح اربع شغلانات قبل م اعرفه وسابهم وحاليا ف شغلانه تبع الاعلام هو عايز قسم انتاج عشان راحه ومفيهوش تعب والاااهم من ده كله خايف يجازف يعني الانتاج ده مش متاح دلوقتي وملوش مكان بس ف حسابات واخراج مش راضي يروحهم حجته اني مبعرفش حاجه ودول عايزين تركيز
      طب متروح وتتعلم ال اتعلموا احسن منك ف اي
      هو طيب وشخصيته واحترامه صعب الاقيهم دلوقتي
      حاولت كتير ومفيش فايده خايفه اظلم نفسي او اظلمه
      بحاول اقربه من ربنا ع اد مقدر
      بدايه من شهر رمضان بقي يصلي كل فروض ف المسجد وكله لاحظ
      جه دلوقتي نفسيته زفت وبطل يصلي ف مسجد
      انا عيزاه يقرب من ربنا ويكون له شخصيه ويشتغل ويتعب ويجمد قلبه

      • ReportProfile owner's reply

        إنَّكَ لا تعدي مَن أحببت = الخلاصة..
        كان في مَجال للإصلاح لأي مُشكلة في الشخصية، لأن المشاكِل عامةً تُقبل ، وانتظار اصلاحها أمر حَسن وطيِّب ..
        لكن حتى نأتي لأمر الصلاة ؛ فلا تقبلي بتارِكها !!
        لقد قلتُ مليّاً ؛ تاركُ الصلاة مشكوكٌ في أمرِ دينهِ !! ومَن لم يَخف من تركِ فريضةٍ من فرائض الإسلام ولم يعظم أمراً يعظمه الله فلن يخاف الله فيكِ !! بل مُحال أن يخاف فيكِ !

        اتقِ الله في نفسِك، واختاري رجلاً يعينكِ على الخير ويأخذكِ لصلاحِ نفسِك ؛ ويكونُ سبباً في تحسُّنِ دينكِ وارتقاءهِ.

        عفا الله عنكِ ويسر لكِ كل الخير.

    • Public message

      بعتلك من فترة قولتلك كلميني عن الدعاء و عن تجاربك وتجارب اللي تعرفيهم
      انا عارفة والله اعلم انك رديتي
      بس انا للاسف دروت ومالقيتش رسالتي وكدا عشان الرسايل هنا كتير
      ف لو ممكن لو لقيتي رسالتي وانتي بتقلبي ف صراحه تعمليها اسكرين ب الرد بتاعك و تنزليها علي صفحتك اشوفها انا والناس تستفيد منها بردو
      وجزاكي الله خير يا ست البنات 🌻♥

      • ReportProfile owner's reply

        مش بنزل عالفيس والله 💔

    • Public message

      الدنيا هتفضل متعبه كدا لحد ما ندخل الجنه هيجي وقت وننسى اي تعب وبرضو ندخل الجته

      • ReportProfile owner's reply

        ربنا يرزقنا اياها يارب :'))

    • Public message

      مش لاقيه سبب لاكمالي التعليم في مصر حياتي متعسره كدراسه وسكن وغربه وفي النهايه ..في مصر انا بالفرقه الثالثه لكن بفكر جديا مكملش تعليم واقعد فالبيت واتجوز

      • ReportProfile owner's reply

        اكملي تعليمِك مادام قطعتي شوط كبير كدة ، واحتَسبي أجر العلم عند الله ..

        رزقكِ الله الإخلاص وأعانكِ ووفقكِ للهير كله.

    • Public message

      السحر لو كان موجود بجسم اياه
      العمل مع العلم ان الشخص ده
      إنَّ الـفرح يـأتِي تِبـاعـًا ، و الـخيرُ كُـلّه بـيـدِ اللَّه 💙 ويصلى قيام وملتزم
      ودائما فى ذكر الله وكل أسرته دداؤما فى دعاء لله ان يشفيه وعمل كل الفحص الطبى اللازم وأكد الأطباء انه لم يدخر سبب لمرضه يصلى كل الفروض

      • ReportProfile owner's reply

        اللهُم بارك !
        علَّها عين ، لأنني ما أعلمه أن المَسحورَ لا يستطيع قراءة القرآن !!

        عامةً الحمد لله أنه على خير، لكن العبادات لا تكفي ! عليكم بالرقية وعليه قراءة سورة البقرة دائماً دون انقطاع عنها ..
        عفا الله عنه وكتب له الشفاء.

    • Public message

      بالله عليكي ادعيلي
      يافاطمه ادعيلي ف صلاتك ربنا يهديني ويرضي عني ويسترني ف الدنيا والاخره ويفرح قلبي اجعليلي دعوه ف قيامك ربنا يحفظك ويرضي عنك ي طيبه 😍

      • ReportProfile owner's reply

        عنيا، ابشري ♥️

    • Public message

      نفسي اتكلم مع حد واحكيله كل حاجة مضايقانى ويفدنى وبعدين اعمله بلوك💔
      حاسة انى مخنوقة اوى 😑

      • ReportProfile owner's reply

        وهل انا من وَقعَ عليهِ الاختيار ؟ 😅
        ماشي يستي بلوك وماله ، تعالي ^^

    • Public message

      أدعو لى يا فاطمه ، عسي ان يؤتينى البشرى بالاجابه ❤

      • ReportProfile owner's reply

        بشركِ الله بما تتمنّي عاجلاً غير آجل.

    • Public message

      ممكن مساعدة...انا كان عندي حلم سعيت لاجله بجهد كبييير وكات فاضل اقل من خطوة لكن أمي وقفت ف طريقي عشان وقتي يكون ليها في المطبخ والنظافة شافتني ببكي تجاهلت الامر وكل يوم بيزيد الضغط عليا والحزن والتعب بدعي ربنا لكن مفييش تغيير... حاسة اني مليش مكان في الدنيا حتى في بيتنا بيعاملوني كاني خادمة انا مليش اخوات بنات كل اخواتي ولاد وامي بتفضل اخي عليا وبتدعيلو دايما... ارجوكي ساعديني ادعيلي ربنا يراضي قلبي ويحققلي حلمي... اسفة على ازعاجك شكرا ليكي

      • ReportProfile owner's reply

        ما هو حلمك ؟ واي رأيك تخلي ماما تتابع صفحتي!

    • Public message

      يشبه ألم الأسنان لكنه في القلب ..... تعبت 💦💦

      • ReportProfile owner's reply

        عسى الله يجبر بخاطرِك ويرزقِك ما يُسعدك ..
        هذا الألم عندما يصيبُني استَبشِر ! أعلم أنما هو إمّا تطهيرٌ أو بدايةٌ لفرَح .. وكلهُ خير.
        لا تحزنِي علَّ الله يرزقكِ بعد المربِ والحَزنِ راحةً وعِوضاً .. والله واسعِ كريم رحيم :')))

    • Public message

      - لا أعرف ماذا اكتب ومالذي أتي بي إلي هنا لاكن كل مااحتاجه دعوه صالحه أن أحفظ كتاب الله واتعلم العلم الشرعي أريد أن أسير ع طريق الدين لا التفات . ....💔

      • ReportProfile owner's reply

        وفقكِ الله للتفقِّهِ في دينهِ ويسر أمركِ يارب.

      • ReportProfile owner's reply

        وفقكِ الله للتفقِّهِ في دينهِ ويسر أمركِ يارب.

    • Public message

      جميله

      • ReportProfile owner's reply

        ؟؟

    • Public message

      الصور هتتبعت الساعه 10 بليل

      • ReportProfile owner's reply

        صور اي ؟

    • Public message

      ردي ع رسالتي ونبي

      • ReportProfile owner's reply

        رديت؟

    • Public message

      انا مرتبطه وعارفه ومتاكده انو بيحبني وانو بيخاف عليا واني غاليه عنده بس مسك ايدي وانا عمر دا مكان تفكيري او قصدت اغضي ربنا ف حلجه زي دي وحاسه بالذنب اوي وقلبي واجعني وهو كمان اتاسفلي وقالي انو مهما يحصل مش هيعمل كدا تاني غير لو بنا حاجه رسمي وقالي اني غاليه عندوا وهو مش عن قصد عمل كدا واني لسه كويسه ف نظره ومش وحشه بس انا قلبي واجعني بجد ومش عارفه اي الصح واعمل اي ياريت تنصحيني وانا توبت لربنا وعاهدت نفسي اني والله م هشمح لدا يحصل تاني واتفقنا ع كدا ودي كانت اول مره واخر مره 💔 ادعيلي ربنا يسامحني

      • ReportProfile owner's reply

        لو أن الأمر في صدقِ الحب أو الخوف ، كانَ الأمرُ بسيطاً هَيِّناً !
        إنما الكارثة في أن تنسي عِقاب الله في مجرد العلاقة وتعتقدي أن الحرام يبدأ من اللمس !!
        إن استسهلتِ ذنبكِ هذا فسيأتي يومٌ تستسهلينَ فيهِ كل شيءٍ ويبردُ قلبك عن استشعار الذنب أصلاً !!
        اتقِ الله في نفسك .. ولا تتمادي .. واعلمي أن الصادِق سيعينه ربهُ دون عصيان!
        فلو أرادكِ وكان صادقاً في حبه فلينتظر حتى يعينه الله في أمر خطبتكِ .. أما قبل هذا ، فليتقِ الله ولتتقِ الله!!

    • Public message

      كلميني عن الدعاء 🌸
      بكل اللي تعرفيه من الدين
      ومن تجاربك ومن تجارب اللي تعرفيهم
      يمكن انتي الفرصه اللي تديني أمل♥

      • ReportProfile owner's reply

        ما رأيك بخيرٍ من هذا ؟
        اقرأي القرآن وتدبَّريهِ واقرأي تفسيرهُ ؛ وستجدينَ اليقينَ والإيمان يملأ صدرَكِ !

        أنتِ لا تحتاجينَ للقصصِ بقدرِ حاجتكِ لطهارة قلبك وإنارَته ؛ ولا يقومُ بهذا إلا كلام الله :))

    • Public message

      إزاي أتوب من ذنب كبير عملته
      💔وازاي اعرف أن ربنا غفرلي ذنوبي!
      أنا كارهه نفسي بسبب اللي عملته ومش عارفه اتغير وحاسه أن ربنا مش هيسامحني💔💔

      • ReportProfile owner's reply

        التَّوبَة من الذنب تحتاجُ لندم ..
        إن لم يجد هذا الندم والحَسرة في قلبهِ فليجاهِد نَفسهُ وليستَشعِر مراقَبة الله لهُ وأنه يراهُ ويسمعه ! فإن لم يردعه هذا ؛ فليتذكر كشف الستر عنه والفضيحة بين الناس !!
        فإطا اراد الله بعبدهِ كشف الستر عنه فضحهُ ولو في عقر داره !!
        وليتذكر الخاتمة وأن لو شاء الله قبضه على معصيةٍ وأنه لو لم يتُب عن ذنبهِ ، سيَكون ذلك سبباً في سوءِ خاتمتهِ .. لأن ذنوب الخلوات من سبب سوء الخاتمة.

        وليتقِ الله ربهُ وليزاحِم وقته بالطاعات وليكثر الاستغفار، وليكثر الدعاء بأن يغفر الله لهُ ويرزقه توبةً نصوح.

    • Public message

      السلام عليكم اخت فاطمه اتا معرفكيش بس سبحان الله طلعتي لي ع السرش ومن ساعتها وانا تقريبا بدخل الاكونت تبعك كل يوم منه اطمن عليكي واقرء منشوراتك الرائعه ربنا يسعدك سعاده الدارين حبيبتي اختك في الله اميمه علام

      • ReportProfile owner's reply

        وعليكم السلام ورحمة الله وبركاته ..
        رضي الله عنكِ وتقبل جميل دعائك ♥️

        تشرفتُ بكِ

    • Public message

      ازاي ابعد عن صحبة السوء واكون اهل لأن تكون ليا صحبة صالحه ؟ ولو عندي معصية متحكمة فيا بطريقة بشعه ابطلها ازاي؟
      ساعات بحس باليأس تجاه كل حاجه ومبعرفش اعمل ايه ..

      • ReportProfile owner's reply

        تبعدي عن صحبة السوء بمصاحبة الصالحين .. مش شرط تكوني أهل لكدة ، المهم تلاقيهم وتحاولي تكوني معاهم وهما بإذن الله هيكونوا سبب في إصلاحك.

        تذكري رؤية الله لك، ومراقبته .. وانه قادِر على كشف ستره عنك .. تذكري انك ممكن تُقبضي على المعصية دي ، وان ده هتبقا سوء خاتمة !!
        تذكري ان ذنوب الخلوات سبب في سوء الخاتمة عامةً حتى لو مش هتُقبضي على النعصية دي بالذات!

        حاولي وربنا يعينك وادعي دايماً ربنا يعصمك منها ويعينك على تركها

    • Public message

      دعاء بخصوص انيس دعواتك الي والله
      يرزقكك انا نفس فلسطينية

      • ReportProfile owner's reply

        مفهمتش حاجة !

    • Public message

      ممكن تشوفي رسائل طلبات المراسله بالله عليكي ضرووووي 🙏
      بنت و الله

      • ReportProfile owner's reply

        اسمك اي ؟

    • Public message

      حزنك يحزنني وفرحك ينير قناديل الفرح في قلبي ❤
      لعلك تعلمي من أنا أو لا تعلمي عشان لو ما عرفتيش هتتنفخي 😎😌
      بحبك قدن
      مش هتعرفي تردي غالبا لأني مش على حساب 🤓

      • ReportProfile owner's reply

        روحي وصغيرتي وحبيبة قلبي وبهجتي شرشبيلي ♥️♥️♥️♥️♥️

    • Public message

      انا اول مرة اكتب ع صراحة بس والله انا بحبك ف الله والله جدا جدا انتي من الناس اللي لما بيكون عندي هم أو مضايقة من حاجة اول حد بروح اكلمها وكلامك بيهديني جدا بحسك بطبطبي ع قلبي كده فعلا طبيبه القلوب يا فاطمة انا عايزاكي تدعيلي على طول بالله وف القيام ربنا يعزك وينفع بيكي ويرضي عنك ويجبر خاطرك ❤️

      • ReportProfile owner's reply

        أحبكِ الله وأرضاكِ ♥️
        جزاكِ الله خيراً على كلماتك الطيبة،
        أبشري لكِ هذا ♥️

    • Public message

      ادعي لي")

      • ReportProfile owner's reply

        ربنا يرزقك عفوه ورضاه ♥️

    • Public message

      الله يعلم اني احبك فيه ...❤
      ادعي لي يا فاطم ادعي لي بان يربط الله ع قلبي ويثبتني ع الحق..والا احيد عنه مهما اشتد البلاء...ادعي ليا بان يرزقني بعبدا صالحا يحبه...
      ادعي لي كثيرا ..❤
      بالثبات...فقد اشتدت وطاة نيران الجمر تحت يدي
      ...واخشي ان اتركها ولن اكون وقتها من الغرباء...الله يعلم انه وحده قوتي وحولي لا ملجا لي سواه...ولكن قد وهنت قوتي واخشي ع نفسي من نفسي ...فدعي لي لعلها تستجاب .❤❤❤

      • ReportProfile owner's reply

        أحبكِ الله وأرضاكِ ورزقكِ كل أمنياتِك فالخير ♥️

    • Public message

      ربنا يفرح قلبك

      • ReportProfile owner's reply

        اللهم آمين واياكِ ♥️

    • Public message

      اتساخ الملابس بدم الحيض ، يجوز وضعه فى الغسالة دون غسل مُسبق مع العلم ان الغسالة يتعدد داخلها تغيير الماء ت

      • ReportProfile owner's reply

        الله أعلم.

    • Public message

      بصي بحبك جداااا ، عمري ما شفتك وانا اظن من بلد تانيه بس بحبك .
      الحب دا توجب عليا الفت نظرك لحاجه وهى انك مشغوله اوى بالناس
      الدعوى بتاعك رائع ربنا يجعله فى ميزان حسناتك بس راقبي قلبك شوي
      لعلى مخطئه واخيرا احبك فى الله

      • ReportProfile owner's reply

        أحبكِ الله وأرضاكِ ..
        نصيحة غالية، جزاكِ الله خيراً ♥️

    • Public message

      دعوة بظهر الغيب
      اسمي فاطمة

      • ReportProfile owner's reply

        ابشري ♥️

    • Public message

      الرسالة دي

      أيُّها السَّيِّـد.. إنَّ لي قلبًا لا يَعرِفُ الـ"بينَ بَين"، ولا تستطيعُ دقّاتُهُ أنْ تخفِقَ نِصفَ خَفقَة، وشعورُهُ غيرُ مشطور؛ فالنّاسُ لديهِ إمّا لَصيقٌ بِهِ قَريب، وإمّا بعيدٌ عنهُ غريب.. فاختَـر لِـنفسِك.. ولي إمّا أنْ تسكُنَ قلبِي لا جوارَهُ وتكونَ فِيَّ ذائبًا كما أنا فيكَ وتنصرِفُ إليكَ الخفقاتُ تامّةً مثلَ ما تُصيبُني منكَ الوَيلاتُ تامّة.. لا خِيارَ لنا آخَر.. ❤ فأختر (لدي شعور خفي إنك تعلمني)

      حضرتك المرسلة؟

      • ReportProfile owner's reply

        ههههه لاء طبعاً !

    • Public message

      أحبك في الله ي فاطم 💜

      • ReportProfile owner's reply

        أحبكِ الله وأرضاكِ ♥️

    • Public message

      السلام عليكم..
      يا فاطمه انا يكتبلك وانا بعيط وخائفة كل ما احب وٱتعلق يكون بيحب غيرى مشاعرى خلصت وقولت هسيب ربنا يختارلى وخائفة موت اتجوز واحد مبحبوش أو متقبلوش خايفة معرفش احبه بعد كدة ..انا مدمرة وحاسة أن مش هتجوز ولو اتجوزت مش هيكون كويس قوليلى حاجة انا تصبرنى بالله عليكى بشرينى بخير يصبرنى ع وجعى ويخلينى انسى كل اللى فات باحزانه 💔😔

      • ReportProfile owner's reply

        وعليكم السلام ورحمة الله وبركاته

        دي المُشكلة !! تتعلقي بناس كتير ثم تجف المشاعِر وتنتهي !! وإن اتانا في حلاله نُقران ونخاف أن لا نُحب !!

        احفظن قلوبكنَّ واتقين الله وفيها واسألن الله صالِحاً تقياً تعِشن معه الحب كله ..
        اسألي الله أن يعوضكِ خير ولا تعلقي قلبكٍ ثانيةً بمجهول؛ وسدي على نفسك الأبواب حتى يطرق بابكِ صالحٌ ترتضينه وتعيشين معه مشاعركِ كاملة.

        رزقكِ الله صلاح قلبك وحالك.

    • Public message

      ازيك يا فاطم يا جميله❤
      ، صديقتي بينها و بين خطيبها خلاف و الاحوال تضيق بها ، ولا املك سوى الدعاء ، فاذكريها يا حبيبه ، و يجمع بينهم ،
      اسفه للاطاله❤

      • ReportProfile owner's reply

        اصلح الله ذات بينهم ووفقهم لما يحبه ويرضاه..

    • Public message

      عاوزاكي تدعيلي ربنا يجمعني بالزوج الصالح ويعوض صبري خير ويسترني ❤

      • ReportProfile owner's reply

        ربنا يعوضك خير ويعجل لك بالصالح ويرزقك الستر فالدنيا والآخرة.

    • Public message

      السلام عليكم اختي عندي مشكله تعباني نفسيا وماثره ع حياتي جدا فتاه دائما ومستمره ف محاوله الكلام مع زوجي هو حكالي ووراني المحادقات بينه وبينها والبنت بتحاول توصله ان ابوها وامها
      متوفين وانا وحيده ومش بالامان من بعد وفاتهم وتفاصيل عن حياتها حتي رافضه تقول عرفته ازاي او منين انا زوجي كلامه يحاول يعرف تعرفه ازاي وليه هو وكل ماقوله ليه الكلام يقول عاوز اعرف هيا مين وليه انا انا فعلا تعبت والشك اتجاهه ملكني ايه المفروض اعمله رغم ان صفحته انا عرفها الباسورد وبدخلها وبشوف المحادثات اعمل ايه ارجو الرد ع صفحتك لاني معنديش صراحه

      • ReportProfile owner's reply

        كلميه يبطل يكلمها وهذا كل شيء !!
        ليس لهُ أن يعرفها ولا أن يحاول في هذا ، يحرمُ عليهِ محادثتها .. فلأتخذي في ذلك قراراً صارِماً !! وإن لم يستجب لحديثك فقولي لهُ أن ذلك سيكون سبباً في ابتعادكما رانهدام حياتكما علَّ ذلك يردعه .. وإن كان هناكَ أحدٌ يثقُ بهِ فاجعليه يحدثه ويخوفهُ من الله وأن لا يتمادى في ذلك حتى لا يكون سبباً في انكسار الثقة بينكما.

    • Public message

      دعوة بظهر الغيب بصلاح الحال وجبر الخاطر والعوض اللي يليق بكرم ربنا
      ادعيلي كتير بالله عليكي انا محتاجة الدعاء جدا

      • ReportProfile owner's reply

        ابشري

    • Public message

      فاطمة انا بحبك جدا والله وكلامك بيطمني ف انا محتاجه نصيحتك في حاجه انا متقدملي مهندس ازهري هو كويس وشخصيته تمام بس في كذا حاجه هو قالي مش عاوز يعمل فرح وهعوضك بالسفر ف اي مكان تاني حاجه انه عنده عارجه في رجلية بسبب عمليه كان عملها واثرت عليه انا شايفه انه كويس وف نفس الوقت خايفه اندم بعدين بسبب حكاية رجله دي او علي شكلي وانا ماشية جنبه مش عارفه ساعتها احساسي هيبقا ايه وهعرف استحمل دا او لا ولحد دلوقت مش عارفه اخد قرار ومحتاره بسبب المميزات اللي فيه اللي خايفه انها تروح مع الوقت والندم يبقا اكبر في حاجه كمان انهم بقالهم كان مره يجوا عندنا البيت ومش بيجيبوا حاجه ف ايديهم ازاي اعرف انه بخيل . ياريت تردي ع رسالتي وتنصحيني ، احبك في الله 💜

      • ReportProfile owner's reply

        اعلمي أنَّ الاهم دينهُ وخلقه .. فإن ارتضيتيها فهو خير ..
        اما عن عرجهِ فلعل ذلك فيه علاج، فإن تقبلت نفسكِ ذلك فهو خير وان لم تتقبليه ابداً ورأيتِ من نفسك عدم القبول فاصرفي نفسك عنه .. ولكن الفائزة بالدين تفوز بالخير كله لا سيما في اوقاتنا هذه حيث قل الدين والخلق!

        ثم استخيري واعلمي انهُ أمر قد قُضي .. فلو كان خيراً سيكون لكِ وسيتيسر الأمر ولو شراً فستلقين في الأمور تعسراً.

    • Public message

      احبك في الله

      • ReportProfile owner's reply

        أحبكِ الله وارضاكِ

    • Public message

      ادعيلي يا فاطم ، ربنا يردلى قره عيني 💜
      لعلك أقرب لله مني فيستجيب و يطيب خاطرى

      • ReportProfile owner's reply

        ربنا يرد عليكِ غائِبك عاجِلاً غير آجِل يارب ويقرّ عنيكِ بكل خير ♥️

    • Public message

      السلام عليكم يافاطمه
      انا عايش فى دبى عاوز احضر ندوات شريعه ودروس قران
      ممكن تساعدينى لو سمحتى

      • ReportProfile owner's reply

        لا أدري والله، انا فالشارقة!
        لكن اعتقد ان المساجد الكبيرة في دبي عامةً تفوم بندوات بشكل مُستمِر .. ابحث في الانترنت.

    • Public message

      طب انا فيه واحده صحبتي بتقول ألفاظ وحشة كتيير وانا كنت بحاول انسها كتيير ف من قريب قولتلها أن انا بتقزز من الألفاظ دي زعلت مني ونهتني من حياتها واعدت تقولي انت قولتيها كأني مش
      عامله حساب خطرها وبعيب علي ذنبها مع العلم أن كنت بحاول اجيب النصيحة أن انا يضايق من الألفاظ دي وممكن تحاول تبطلها علشاني وكمان انا كنت موضحلها موقفي وليه عملت كدا
      هل انا كدا عيبت علي ذنبها أو غلطت فيها ؟
      وشكرا💚

      • ReportProfile owner's reply

        مادام نصحتيها بلُطف وبررتيلها وراعيتي حق الصحبة، فلا عليكِ بردة فعلها.
        توددي اليها مرة اخرى واهديها ان استطعتِ وحدثيها ان لولا محبتك لها ما نصحتيها وانك تحبي ان الله يرضى عنها وتكونوا صحبة على الخير دائماً.

      • ReportProfile owner's reply

        مادام نصحتيها بلُطف وبررتيلها وراعيتي حق الصحبة، فلا عليكِ بردة فعلها.
        توددي اليها مرة اخرى واهديها ان استطعتِ وحدثيها ان لولا محبتك لها ما نصحتيها وانك تحبي ان الله يرضى عنها وتكونوا صحبة على الخير دائماً.

      • ReportProfile owner's reply

        مادام نصحتيها بلُطف وبررتيلها وراعيتي حق الصحبة، فلا عليكِ بردة فعلها.
        توددي اليها مرة اخرى واهديها ان استطعتِ وحدثيها ان لولا محبتك لها ما نصحتيها وانك تحبي ان الله يرضى عنها وتكونوا صحبة على الخير دائماً.

    • Public message

      عرفيني ارد علي رسايل صراحه علي الموقع نفسه ازاي عشان دورت علياي حاجه دوس عليها عشان ارد عالرساله بس مالقيتش

      و أشكرك 💙🌸

      • ReportProfile owner's reply

        في سهم كدة لونه احمر مكتوب جمبه ريبلاي

        انا بفتح من جوجل مش من الابلكيشن

    • Public message

      يعني اي بعيب علي ذنوب الناس ؟

      • ReportProfile owner's reply

        أجبتك.

      • ReportProfile owner's reply

        اجبتك.

    • Public message

      سلام عليكم يافااطمة انا بحبك اوي والله من غير معرفك ولا كلامتك لو حتى مره والله بحب منشوراتك جدا جدا بحسهاا بتخاطبني وببكي عشان كلامك بيريحني والله فعلا انتي طبيبة القلوب💙💊 ربنا يديمك ويسعدك ويرزقك ويقر عينك بكل حاجه تحلمي وبتدعي بيها تتحققلك ويرزقك اللي تتمنيه ياااارب وشوف دايمه لفرحه ف عينيكي لحلوه ادعيلي بالله عليكي ربنا يرزقني 😔النقاب والزوج الصالح على فكره انا مش مصريه انا تونسيه بس بتكلم
      مصري كويس 😅وبحب مصر ام دنيا فعلا😌💛

      • ReportProfile owner's reply

        وعليكم السلام ورحمة الله وبركاته
        ربنا يحبك ويرضى عنك ويستجيب دعولتك الطيبة دي ♥️

        ربنا يحقق لك كل امانيكِ فالخير ويرزقك بالي يفرحك يارب.

        ومصر بتحبك ^^

    • Public message

      يافاطمة عايزة اسالك علي حاجة ونفسي تفيديني بجد
      انا نفسي اكون ذا أثر طيب واتكلم عن الدعاء واليقين بالله والناس تتفائل ويكون عندها يقين ف الله بسببي وبسبب كلامي او ع الاقل اقدر اطمن صحابي مثلا
      ازاي اكون مبهجة يافاطمة زيك كدة
      نفسي اترك اثر طيب بكللمي ويكون علي علم ومعرفة ويقتعنوا بيه ويتفائلوا بسببي
      فيديني بالله ❤

      • ReportProfile owner's reply

        ربنا يرزقك حُسن الظن بيه ويرزقك حُسن الأثر ..
        مش عارفة بصراحة كيف الواحد ممكن يبقا كدة ، لكن ربنا يرزقك ما تتمني ويرزقك الإخلاص.

    • Public message

      ذنوبي كترت ي فاطمه و بوستك👈👈‏من عقوبات المعصية أن تَسلُبك التوفيق ؛ تسهر بلا فائدة، تنام على إثم، تستيقظ بعد طلوع الفجر، وبعد ذلك تستقبل يومًا كئيبًا مليئًا بالمشاكل !
      بوستك رعبني

      • ReportProfile owner's reply

        ربنا يصلح حالك ويهديكِ لطريقه يارب :'))

    • Public message

      السلام عليكم ورحمه الله وبركاته
      ارسلت اليك رسالة من قبل ولم تجيبى عنها سهوا

      اريد ان اتعلم علما شرعيا ولست ادرى من اين ابدا ؟؟
      ما هى اهم الكتب التى يجب أن اقرأها واستفاد منهاا ؟كيف تعلمتى وما هى مصادرك فى التعلم ؟؟
      وكيف ارسل لك طلب صداقه

      وجزاك الله خيرا

      • ReportProfile owner's reply

        انا بدرس فكلية الشريعة ، وهي دي بدايتي فيها ..
        مش عارفة كيف تبدأي لكن انا نزلت كتب عالآسك في فيديو لابن العثيمين .. مذكور فيه ايماء الكتب الي يبدأها طالب العلم الشرعي.

        وحزاكِ خيراً منه.

    • Public message

      بحبك والله بحبك ومتبعاكي من زمان وع طول اسمك مش بيشال من البحث عندي نفسي اشوفك واقعد اتكلم معاكي ربنا يراضيكي وريرضي عنك واسمك ع اسمي كمان فاطمه انتي من الشخصيات الي كتبت عنها وبتمني اكون زيك أختك ف الله

      • ReportProfile owner's reply

        ربنا يحبك ويرضى عنك يارب
        ربنا يجعلني افضل مما تظنون ويغفر لي مالا تعلمون.

        الله ♥️♥️♥️♥️
        وريني كتابتك 🙈

    • Public message

      رزقكي الله بكل ما تتمني ويسر امرك وجعلكي من سعداء الدارين أمين يارب العالمين حبيبتي

      • ReportProfile owner's reply

        آمين آمين آمين ♥️♥️♥️♥️

    • Public message

      فاطم بصراحه اول مره ابعتلك عالصراحة بحب نصايحك وطريقة كلامك جدا الله ربنا يسلم قلبك من كل وجع يارب كان نفسي ف طلب بس انا الفتره دي حساني بعيده عن ربنا شويه او بصراحة شويتين كمان بدئت ارجع ادعيلي ربنا يردني ليه رداً جميلاً واي اللي يخليني اخشع فالصلاه بالله تردي ♥️🌸

      • ReportProfile owner's reply

        ربنا يحبك ويرضى عنك ..

        اهم حاجة متقطعيش الصلاة ابدا. مهما بعدتي عن ربنا .. اهم حاااجة
        وان شاء الله تعودي لطريق الهداية

    • Public message

      ادعيلى يا فاطمة ربنا يهدينى انا عايشة ميتة مبعملش حاجة خالص حتى الصلاة مبقتش اصلى روحى راحت منى انا تعبانة والله ومش عارفة اعمل ايه انصحينى وادعيلى كتير

      • ReportProfile owner's reply

        صلي !
        اذكري الله
        ابدي احفظي قرآن والخطوة دي من أعظم الحجات الي هتديكِ دافع انك تحسي ان في شيء جميل فحياتك.
        ومتستسلميش للشيطان كدة ..
        اتفقنا ؟

    • Public message

      تركت من أحببت لله حتي يرده الله لي رداً جميلاّ ف حلاله ")
      هو لا يحمل ف قلبه اي حُبٍ لي ولكني اشعرف اني احُبه حُباً جما
      بالله عليكي اجعليني مذكورة دائماً ف دُعائك انتي واصحابك الكرام ان يرجعه الله الي ويقذف حُبي ف قلبه ويجمعني به عاجلاً غير آجل ف إني ف احتياج لتحقيق الدعوة
      وزديني من الاقوال والمواقف التي تزيد من يقيني بأن دعوتي ستتحقق
      بالله عليكي لا تنسيني

      • ReportProfile owner's reply

        ربنا يرزقِك بيه لو خير ويصرف عنك شر المَجهرل
        ولكن انصحك الا تتعلقي بهِ مادام مفيش شيء بينكم .. ادعي ربنا يرزقك الخير حيث كان ويوفقك للي فيه صلاح حالك

    • Public message

      ادعيلي أدخل كليه طب انا قبل مبدا كان عندي امل كبير بس الموضوع طلع صعب جدا

      • ReportProfile owner's reply

        ربنا يوفقك للي فيه خير ليكِ وصلاح لأمر دينك ودنياكِ

    • Public message

      يمكن رسالتي غريبة لكنها حقيقة للاسف
      أنا بنت مدمنة اافلام اباحية ومش عارفه اعمل ايه مش بحس ب أي متعه وانا بتفرج لكن بفضل افتح ف مواقع واتفرج
      توبت كتير وبرجع
      توبت اكتر من سنة ورجعت

      اعمل اي

      • ReportProfile owner's reply

        نزلت عن كدة فالفيس ياريت تقرأيه

    • Public message

      يافاطم
      انا بحبك جداا جدااااا ف الله
      عمري ما اتكلمت معاكي بس بتابع كل حاجة بتنزليها
      تعرفي ان انا بدعي ربنا كل يوم ف القيام ان يرزقني رفقتك
      والله بدعي ان يجعلك من صحابي او يرزقني رفيقة مثلك
      بالله ادعيلي يافاطم
      ادعيلي ربنا يقر عيني باستجابة دعواتي :')
      بحبك ❤❤

      • ReportProfile owner's reply

        لسا مش عارفة اقولك اي والله ..
        متحرمش منك ولا من طيبك ♥️

    • Public message

      فاطمه ❤طبيبه القلوب جميله القلب والله ما عندي حد اثق فيه زيك فأجيبيني لو تكرمتي
      شافني مره واحده وكنت مطفيه جداً بعدها سأل عليا وقالي انا مش هكلمك لسبب من ترك شئ لله عوضه الله خير منه وبعدها بكم يوم اتقدملي لكن الموضوع مش كمل لبعض الماديات وان لسه قدامه اخ كبير هيجوز واخ تاني لسه هيخطب انا زعلت وفرحت فرحت ان ربنا بعتهولي عاجلاً كدا وزعلت ان الموضوع فسد ع اخر لحظه بعد ما كانت الفرحه مش سايعه الاسرتين حالياً انا بدعي ربنا بيه احنا مش بنكلم خالص وقطعنا كل الاتصالات بينا انا عايزاه عشان ملتزم وع خلق بالله يا فاطمه طمنيني ان ربنا
      هيستجيب انا بدعي بس خايفه خايفه الدعوه مش تستجاب طمنيني يا فاطمه 🙏
      فاطمه بعد اذنك ممكن مش تنزلي المسج كامله

      • ReportProfile owner's reply

        لو خير ومقدرلك هييجي هيييجي ..
        الي عليكِ تعمليه هو الدعاء فقط ؛ وأبشري.

    • Public message

      والدي ي فاطم
      والدي!
      والدي بيسافر
      منذ25 عاما واكثر
      صحيت ع الدنيا وهوا مش موجود بشوفه كل سنتين او سنه ونص
      الاول كان عادي عندي دلوقت صحيت وفهمت وكبرت
      ماعتش مستحمله
      المسؤليه اللي انا فيها والدتي واختي
      اواقات كتير بنحتاجه ومش بنلاقيه اواقات كتير بنحتاج يكون ف البيت راجل ولازم نتقل ع حد م قرايبي عشان يعملنا حاجه ؟ تعبت م نظره الناس وتفكيرهم ماينفعش تروحي المشوار كذا او الخروجه كذا عشان مافيش راجل ! انا ماعتش عارفه ....! استحمل الوضع ده تعبني نفسيا
      دعواتگ ي فاطم دعواتگ 💔
      رزقگِ الله الفردوس 💙

      • ReportProfile owner's reply

        ابتلاء من ابتلاءات الحياة !
        ولكن قولي الحمد لله .. انتِ في نغمة عظيمة حتى لو انك فقدتي مقابلها وجود والدك.

        ربنا يعجل لك بالزوج الصالح الي يعوضك بالخير كله

    • Public message

      انا كنت بحب واحد.وكنت استغفرالله بكلمه لفترة كبيرة جدا ونا بكلمه لكن ف عز ماحنا بنتكلم ونا قلبي من جوا مش راضي عن الل بيحصل دا ونفسي اقول كفايه كدا لكن مش قادرة !
      امبارح قررت ونويت ان انا مش هكلمه تاني وهقطع اي حاجه توصلني بيه
      بس انا بحبه يافاطم هو حافظ القران كله الحمدلله بس طبعا مفيش بني ادم مش بيغلط او بيذنب وهو ذنوبه كتير شويه والذنب المشترك بيينا اننا كنا بنتكلم
      انا نفسي اوي ربنا يجعله من نصيبي لاني انا سيبته عشان ربنا والله نفسي ربنا يسامحني ويجعله الزوج الصالح الل بدعي ربنا بيه دايما
      ادعيلي ربنا يثبتني ويجعله نصيبي 💔

      • ReportProfile owner's reply

        اه مفيش بني ادم بيغلط بس مفيش ملتزم بيبقا عارف انو غلطان ويفضل يغلط وكدة وميحاولش يتوب !!

        اتقِ الله في نفسك .. فقط فقط.

    • Public message

      انا بحبك اوي يافاطم وربنا العالم
      انتي حقيقي طبيبه القلوب
      بتريحي قلوبنا باللي بتكتبيه وبتقوليه الله يسعدك زي مابتسعدينا ويجبر بخاطرك ويعوضك ويرزقك بالخير كله

      • ReportProfile owner's reply

        ربنا يحبك ويرضى عنك
        ادعيلي كتير بالله

    • Public message

      ي فاطمه ردى ع رسالتى بقا انا مستنياها جدا وبقول يارب ارسلي رساله عن طريق فاطمه عبدالتواب ،، بالله تردى

      • ReportProfile owner's reply

        رديت؟

    • Public message

      اوعدك هجاوب علي السؤال ده وعدتي خلاص اهو😂
      نفسي التزم ف الصلاة بجد💔

      • ReportProfile owner's reply

        صحبة صالحة
        دروس ومواعظ عن الصلاة وما اكترها فالنت
        كثرة الذكر
        مجاهدة النفس
        مداومة على الوضوء
        كثرة التنفّل

    • Public message

      بقالى كم يوم عوزة ابعتلك بس اللينك كان بيعلق اتمنى نشوفيها وتردى لانى محتاجة نصيحة جدا انا الحمد لله بحافظ ع علاقتى بربنا ع اد مقدر ومسمحتش قبل كدا انى اكلم ولد وعرفة ان ده حرام بس م فترة حصلت ظروف كدا خلت شاب يتقرب منى هو كمان متدين ومحترم بس عنده مشاكل كتير و تعبان جامد و بعيد عن كل الناس ومالوش اصحاب و حصلته مشاكل كتير احنا بسبب الظروف اللى حصلت م فترة حصل بينا كان بينا كلام بس بحدود يعنى وانا طول الوقت كنت بنصحه يقرب م ربنا ويقرأ قرأن وكدا بس م كام يوم كلمنى و بنتكلم بس ف حدود بردو و خو بيقولى انى زى اخوه او صاحبه انا مش مضيقنى المسمى خالص بالعكس انا مش قدرة اسيبه لان حسة اد ايه محتاج حد جنبه انا كلمته ف مسأله ان اللى بيحصل ده حرام وكدا وهو فاهم ده و لازم حدوده معايا مافيش ف قلبى جاجة م نحيته ولا هو كمان بس انا مش عرفة اللى بيحصل ده حرام ولا لا ومش قدرة ابعد وهو محتجنى ومش عرفة اعمل ايه ساعدينى

      • ReportProfile owner's reply

        ويغضب ربنا عليكِ عادي ؟! بس خايفة على مشاعره !!

        بتهزري ؟!!

    • Public message

      قلبي واجعني اووي محتاجه نصيحتك او اي كلمه منك تطمني.. ارجوكي هستني تردي عليا 💔 بحب واحد وبكلمه وده اكبر ذمب ف حياتي بس والله مش عارفه اشرحلك شده تعلقي بيه غصب عني ، عارفه ان حرام وربنا زعلان مني ، عايزه اتوب وف نفس الوقت مش قادره ابعد عنه عيزاه ف الدنيا وف الاخره معايا ، بحبه يا فاطمه 💔 مش عايزه اعمل حاجه حرام تغضب ربنا . انا بصلي وبصوم وبعمل حجات كتير حلوه ، مفيش ف حياتي زمب غيره ، عايزاه يكون نصيبي ف الدنيا ‘ف الجنه نفسي ادخل الجنه معاه ، نفسي اطمن ، ربنا يطمن قلبك طمنيني انا تايهه ملقتش غيرك ابعتله ، ارجوكي ساعديني بأي نصيحه

      • ReportProfile owner's reply

        الذنب ده هيبقا سبب في حرمانك من الطاعات كلها !!
        ده لو مكنتيش اتحرمتي من لذة الطاعات والصدق فيها :))

        اتقِ الله في نفسك ومتخليش الشيطان يصغرلك المعصية فعينك بالشكل ده .. لا تحقرنَّ صغيرةً ان الجبال من الحصى.

    • Public message

      ممكن اخد رايك في موضوع انا متقدملي عريس وخايفه اقبله حاسه ان كل الرجاله خاينين وانا مش حمل اني اتكسر والله اعمل اي🙂

      • ReportProfile owner's reply

        رضوى الشربيني طلعت بتأثر بجد بقا !!

        سيبك من الهبل ده، استخيري الله وشوفي ربنا هيسرلك اي .. ولما يتيسرلك خاجة تبقا هي الخير.

    • Public message

      أنا اترددت كتير قبل ما أبعتلك الرساله لأني حاسه أنك مش هتردي عليا بس بالله عليكي ساعديني أنا عملت 3علاقات وال3 حصل فيهم تجاوزات والمصيبه أنهم بيتقدمولي وأنا برفضهم لأني ببقي عارفه إني مستحيل اتجوز حد فيهم لأنهم مش مناسبين كارهه نفسي ي فاطمه ساعديني وقوليلي اعمل أي علشان ربنا يغفرلي ذنوبي أنا ماعتش بصلي وبعيده عن ربنا ما صليتش غير الفجر النهارده بس وامبارح صليت بس مش ببقي مركزه في صلاتي وماعتش بروح درس القراءن حاسه إني زانيه وأنا واحده رخيصه وتافهه ومكسوفه اطلب منه أنه يغفرلي وحاسه أنه مش هيسامحني ومش عارفه اعمل ردي ع رسالتي بالله عليكي ضروري قوليلي الحل حطي في آخر الرساله القلبين دول💜💜
      لو مش هتعملي اسكرين ولو في ناس عندك هتقولي نصيحه نزلي الرساله أرجو الرد ربنا يكرمك ساعديني😢😢😢

      • ReportProfile owner's reply

        توبي !! فقط توبي توبَة نصوح ولو اتقدملك زوج كويس وافقي عليه.

    • Public message

      انا هلكت ي فاطمه ,انا ف نالته ثانوي,مش عارفه ايه بحب واحد قدي كل يوم يخرج ع امل اني اشوفه ومشوفوش تقريبا بشوف كل الدفعه وهو لا اعمل ايه

      • ReportProfile owner's reply

        ارحمي نفسك !!

    • Public message

      طب ينساها ازي وهو لسه بيحبها

      • ReportProfile owner's reply

        الشاب لا عذر لهُ عامةً .. لأن المحاولة في خطبتها مطلوبة .. غير هذا .. مفيش.

    • Public message

      ربنا وقع في سكتي بنت كويسه جدا قربتني ليه و بقيت اصلي الفروض و حسنت لبسي جدا و بقيت اصوم النوافل واحاول اعمل كل ما يقربني لربنا ، من وقت ما قربت ليه كل دعوه ادعيها تستجاب بقي من فرحتي بخجل اتأخر في صلاة او ورد او اي عمل صالح ، الفتره دي اتنكست جدا جدا بقيت اقرر كل يوم هرجع تاني بسمعرفش ايه بيمنعني بدات احسن لبسي اكتر وفي الحجاب كمان وبردو حاجه منعاني ، لدرجه اني بستحي جدا ادعيه دلوقتي ادعيه ازاي وانا بعدت عنه ، عايزه اقرب لربنا تاني ، دليني علي سبيل وارجع ابقي معاه تاني
      ارجوكي ارجوكي قوليلي اعمل ايه
      ربنا يسعد ايامك ويفرح قلبك يارب❤❤❤

      • ReportProfile owner's reply

        ارجي لصحبتك دي تاني ومتسبيهاش

    • Public message

      السلام عليكم ورحمه الله وبركاته
      لماذا لا تجعلى التعليق متاحا للجميع على
      منشوراتك

      • ReportProfile owner's reply

        في بكتيريا بتعلق

    • Public message

      السلام عليكم ورحمه الله وبركاته
      نفسى اتعلم علم شرعى فممكن تنصحينى باسماء كتب وشيوخ اسمع لهم من على النت

      وممكن اعرف ايه هى مصادر حضرتك من التعلم وكيف بدأتى تعلم العلم الشرعى
      وجزاك الله خيرا 🌸

      • ReportProfile owner's reply

        افتحي الاسك بتاعي هتلاقي لينك لفيديو هناك فيه اسماء كتب

    • Public message

      السلام عليكم ي فاطم
      كنت عايزه استشيرك ف امر ولعل ف استشارتك الخير
      انا واحد قريبى متقدملى هو شخص كويس جدا ومقبول واسرتى كلها موافقه عليه ومرحبه جدا بالموضوع وبيشجعونى عليه بس المشكله ان ف شخص انا بحبه جدا ودايما بطلبه من ربنا احنا الاتنين بنحب بعض احنا مبنتكلمش ولا اى حاجه بس بندعى ان ربنا يجمعنا ف حلاله والمشكله دلوقتى انى مش عارفه اواجه الموقف ازاى وللعلم ان الشخص اللى بحبه دا كويس ومحترم وملتزم جدا ودلوقتى مش عارفه ارفض العريس ولا اكمل ف الدعاء ومش عايزه اظلم الشخص الىى بحبه دا هو عمره ما اذانى ولا اتعرضلى باى حاجه وحبنا حب صادق وطاهر وكل اللى نقدر عليه هو الدعاء لانه مش هيقدر يتقدم دلوقتى ياريت تردى عليا عاجلا لان مفيش وقت معايا وممكن تنزليها ب #استشاره

      • ReportProfile owner's reply

        استخيري

    • Public message

      بالله عليكي انك تدعيلي والله انو قلبي وخاطري مكسورين ...
      معقول تفرج ؟؟
      طمنيني

      • ReportProfile owner's reply

        هتفرج والله ربنا كريم
        ربنا يبشرك بالخير عاجلاً غير آجل

    • Public message

      انا بدعي ربنا كتير اني الاقي الزوج الصالح وبيتقدم كتير بس مش مناسبين من وجهه نظري تفتكري العيب مني انا😞انا تعبت من كلام الناس😞اللي مش بيخلص
      وتنصحيني بأيه؟

      • ReportProfile owner's reply

        ملكيش دعوة بحد ومتتجوزيش غير الي ترتاحيله.

        اهم حاجة استخيريييي

    • Public message

      لا اعلم ماذا أقول لكِ فلدى الكثير و الكثير ، ربي وحده العالم ، بالحال اذاقك الله نعيم الجنه و سعاده ف الدنيا و الاخره ، ادعيلي ف لى حاجه عنده ألح ف طلبها ، اشعر انها استجاب و يهيئ الاسباب ، ادعى لي لعلك لله أقرب منى فيأتينى مرادى بدعوتك أليس دعاء الغائب للغائب مجاب ،
      عَسلك الله و جعلك من أحبابه ف الدنيا والاخره ،، اتمنى ألا تنسينى ف قيامك أُخيتى و لكِ بالمثل و الاضعاف ان شاء الله💞💞

      • ReportProfile owner's reply

        آمين آمين ♥️

        ربنا يختارلك الخير حيث كان ويرضى عنك يارب ♥️

    • Public message

      يعني اي بعيب علي ذنوب الناس ؟

      • ReportProfile owner's reply

        يعني بيحتقرهم او يستهزء بيهم او يستصغرهم !!

    • Public message

      عاوزة اخد رايك في حاجة بس ياريت تردي عليا عشان انا مش عارفه اخد قرار انا في واحد دخل حياتي محترم جدا وطيب ومتدين وربنا محبب فيه خلقه وناجح في شغله هو قالي أنه بيحبني ببقا مبسوطة جدا بسؤاله عليا اهتمامه بس بردو انا مش مقتنعة أن هو ده اللي بحلم بيه خصوصا أنه مش قد كده في الشكل وكل اللي حوالي محسسني اني لازم اخد واحد كويس في الشكل وماديا عشان يعني ربنا أنعم عليا بجمال الشكل بس مش عارفه انا ببقا مبسوطة وانا بتكلم معاه وبعد كده برجع اقول معتش هتكلم معاه مش عارفه اوصل لايه بقالي كتير مش بتكلم معاه ويفكر فيه بنفس الوقت ويدعي بردو طول الوقت انه يبعد عني ومش يتعلق بيا
      لو سمحتي اقوليلي اعمل ايه

      • ReportProfile owner's reply

        اتقِ الله فنفسك ومتتكلميش وده اولا.

        ثانياً .. اختاري لنفسك الصالح وملكيش دعوة بالناس !!

        ثالثاً لو اتقدم استخيري وربنا يختارلك الخير حيث كان

    • Public message

      يا فاطم انا دخلت هنا علشان مش لاقيه حد افضفض معاه دلوقتي انا متقدملي شخص محترم جدا ومتدين و اخلاقه عاليه وبيشتغل ف مجال كويس وانا بصراحه مترحاله جدا بس المشكله الوحيده اني من محافظه وهو من محافظه بعيده جدا عني هو مقيم ف اسوان نقلوا هناك من صغره بحكم شغل باباه دلوقتي باباه ومامته متوفين من تلاته سنين واخواته متجوزين ف اسوان لما اتكلمت معاه قولتله اني موافقه بس ينقل عندنا ف بلدي قالي صعب علشان شغله واهلي دلوقتي معترضين ع المكان لو مكاني هتعملي اي بالله عليكي انا ما صدقت لقيت حد كويس وحد فاهمني وانا منتقبه و بشتغل ومتوفقه ف شغلي وهو معندوش اعتراض بالعكس مشجعني غير اللي كانوا بيتفدمولي قبل كدا مع العلم برضو اني كنت مخطوبه ومكتوب كتابي من سنه ع واحد وشوفت تجربه وحشه معاه وكنت قافله ع قلبي اعمل اي بالله عليكي اهلي رافضين تماما حتي حاولت اقنعهم بكل الطرق مفيش فايده وهو شاريني وانا مش عايزه اخسره ولا اكسر بقلبه اسفه ع الاطاله وكلامي مش مرتب بس انا فعلا محتاره وصليت استخاره مرتاحله جدا

      • ReportProfile owner's reply

        مادام اترفض بعد صلاة الإستخارة يبقا هو ده الخير .. الراحة مش نتيجة الاستخارة.

        اسألي الله يرزقك الصالح ومتعلقيش قلبك بحد.

    • Public message

      سلام الله ع قلبك ي طبيبة قلبي ،، بالنسبه للبنت اللي بعتتلك انها عاوزه تحب انا عجبنى جدا جدا ردك عليها والنصيحه الغاليه بتاعتك ، حابه اسمع نصيحتك لي انا كمان ، انا بحب شخص او مبحبوش والله لا اعلم انا معرفش الحب اصلا 😃انا معرفش شكله ولا سنه ولا وظيفته ، اعرف اهله واسمه وانه ملتزم وع خلق واهله معروفين بالتزامهم انا مليش علاقه بيهم لكن هما معروفين يعنى ، المهم انا بدعى انه لو خير لي ونعم الزوج الصالح ان يسخر الله لي قلبه ويجعله من نصيبي وان لم يكن خير يصرفنى عنه ، انا كده غلط ولا ايه انا كده بعلق قلبي بغير الله ولا ايه ، انا والله عادى مش متمسكه بيه ولا اعرفه انا بس متمسكه بالدعاء وبقول ان انا بطلب المستحيل دا من الله مش من بشر وبزيد ثقه ف الله ، بس خايفه اكون كده بغضب ربنا ، وع فكره انا مش بحاول اعرف اي شئ عنه عشان اتجنب الوقوع ف اي معصيه ضد عفة قلبي ،انصحينى ي فاطم بس معلش متنزليش الرساله نزلى اول كلمتين او اي شئ اعرف منه انها رسالتى

      • ReportProfile owner's reply

        اسألي الله يرزُقك الصالِح أياً كان ويعجل لك بيه ولا تعلقي قلبك بمجهول.

    • Public message

      السلآم عليكم .. ممكن تنصحينى .. أنا بحب ولد وهو كمان بيحبنى احنا كنا
      بتتكلم على الفيس فترة بس عايزين نبطل كلام عشان ربنا يباركلنا وبجمعنا فى الحلال بس للاسف مش قادرين بس والله بنحاول ع قد مانقدر .. وهو إلى بيشجعنى أننا منتكلمش
      ادعيلى بالله عليكى أننا نبقى لبعض ... وعايزة حل إنى مفضلش أفكر فيه. .. وجزاكى الله خير ❤
      وأخيرا انا بحبك جدا فى الله ❤ ربنا يسعدك

      • ReportProfile owner's reply

        مش هتاخدي حاجة طول ما بتعصي ربنا :')))

        اتقِ الله واتركيه لله = هترزقي بالخير كله.

        ربنا يحبك ويرضى عنك ♥️