A little kindness goes a long way.
Your message is only public if the profile owner publishes it.
نتابع فيك من ال 2014 وقاعد معاك في جميع مناشيرك مافوتش ولا منشور ماقريتاش كلهم نقرأ فيهم بالحرف مشكلتي نتفاعل مع منشوراتك بالايكات فقط مانقدرش نعلق ع ولا منشور
هاي 💗 انا من المتابعات ليك من زمان ايييه بالله قداش كنت نعلق في كل بوست تحطيه و تعليقات و جو 😂 ايام جميلة بالله 💗 وخيتك مواليد ٩٩ شوفي عاد يعني من مراهقتي و انا نتابع فيك .. عموماً نتمنالك كل الخير و التوفيق في حياتك 🥰💗 .. و بالله كمليلنا الرواية راني نراجي فيك 😭
هلا آنسة جرايد، بنقولك اني انحبك هلبه وقدوة ليا وفخورة في بنات زيك مثقفات وواعيات وقويات ويساندوا في غيرهم. نبي نكلمك بخصوص موضوع متعلق بأمي، علاقتي بأمي مش كويسة، ديما انحس فيها مغلولة مني، من أبسط شي تتعفلق وتتضايق وتلومني، مع اني راس بنت ومفروض المتدلعة لكن العكس في حوشنا، خوتي المتدلعين وأني لا. خوتي كويسن معاي وبابا لكن زي ما تعرفي احني بنات محتاجين حنان الام، مش قادرة نحل المشكلة معاها ومش عارفة علاش اصلا في مشكلة. بشن تنصحيني ندير، حايرة هلبا وتعبانة من الوضع. سامحيني طولت عليك لكن نشوف فيك شخص واعي ورزين وممكن يساعدني
ربي يحفظك إنسانة راقية وطريقة كلامك وسردك للقصص تتماشى مع العقول وبطريقة لطيفة …بجد يوم عن يوم نتفاجأ اكتر من مواضيعك وقصصك كلامك كله يبين انك انسانةمتعلمة ومثقفة وراقية ربي يسعد قلبك ويعطيك مافي خاطرك
بالله لو بتحدفي ناس من حسابك نزلي بوست زي المرة الي فاتت وخللي الي ما يبيكش يمسحك لأن نخاف تمسحيني واني ما نتفاعلش معاك مش لان ما نبيش لكن ما نعرفش نعلق ونرتب كلام يليق بكلام البوست :(
قداش مره نفكر نكلم ونتردد وفرحت توه لقيتك فاتحه المجال نكلموك من غير اسم.... اني عمري 17 سنه لاكن نعاني من رهاب اجتماعي كبير، ما نعرفش نتكلم مع الناس وما عنديش صاحبات ونخاف نتكلم، نحس في روحي بننخنق وصدري يطبق عليه لو حد كلمني ووجهي يبده احمر ويحشمني ، خاطري نبدا نعرف نتكلم مع الناس، بشن تنصحيني بش نحل مشكلتي؟
انا متابعة ل صفحتك ب صمت لانه منقدرش نعلق ممنوع عليا ف حاولي تخليني باش لما نشجع نحكي يلي عندي🥺
انتي قدوتي و تقدرى تقولي كبرت على بوستاتك و قصصك و افكارك <3 ربي يسخرلك ولاد الحلال و بنات الحلال و ما نفقدوك
كيف ندير لو اهلي صعبين و خانقيني هلبة و نبي نعيش زي البنات في جيلي ؟
نحبك قد الدنيا 🤍 اني طبعا وحده من المتباعات بالصمت نتمنى مايجيش يوم وتحدفيني 😂 لانه حرفيا عندي عقده مع التفاعل بس والله نحبكم هلبا قلبي ايفرفش من الفرحه لما نلقاك منزله والله 🤍🌚🌸 لافيوه ربي يحفظك ويعطيك ماتتمنى ويجبر بخاطرك يارب 🌑❤
No new profiles with photos yet.