شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    أيام فيها كنت
    وف لحظة بقيت


    عشت أنا أيام وليالي كتير
    حاكم علي نفسي بسجن كبير
    أنا كنت أسير سجن التفكير
    أيام بتعدي وسنين بتمر وانا لسه مكاني برسم أحلام وكمان أوهام
    بكدب علي نفسي بقول أنا هبقا
    أنا قادر أكون
    وكأني أنا طفل شايفين ف عيونه نسفو يكون
    ظابط دكتور أحسن إنسان موجود ف الكون طيب وازاي وانا لسه مكاني برسم أوهام
    وبصدق رسمة بترسم بسمة لثواني وتروح
    وتعدي سنين وانا لسه اسير سجن التفكير
    ودا حالي ف لحظة استغرب قلمي من حالي وطبعي و طرق تفكيري

    وقفني سألني وگأنه أتعصب مني بجد
    كفاياك أوهام
    بطل تفكير
    عدت أيام ومعاها سنين
    وانت بتكتب ف حروف و جمل وحكاوي كتير
    وبترسم صورة بقالها سنين علي ورقه وبس مستني اللحظة تقابلك فيها وتشوفها عيونك من غير ما تقوم من حتا مكانك
    وهقولها وافوق عقلك طبعآ
    زيك في كتير عدت أيامهم
    راحت أعمارهم
    يرسمو أوهام بيقولو أحلام ترسم بسمتهم
    وف لحظة تروح
    ويتوهو سنين قاعدين ف مكانهم أكبر مجهود ممكن يتحقق حبة تفكير

    لو بس لمرا تروح تسألهم وتشوف أحوالهم هتشوف وهتسمع
    أجمل أحلام رسموها ف بالهم وبقت أوهام طارت ف السما
    طيب وسببها ؟!!
    شايف بعنيك عدت أعمارهم قاعدين ف مكانهم 😔
    مين فيهم قام خد اول خطوة
    ونسي الأوهام ملهاش ف حياته اي مكان
    وبقت خطواته نتيجتها نجاح 💓
    طيب والباقي
    عايشين أيامهم فاكرين أجمل لحظات أعمارهم
    منهم عايش طول عمره يدور علي حب حياته ويسيب ويقابل
    واهي ماشيه حياته
    جاهل مش عارف مهما يقابل ملهوش غير قدره قسمته ونصيبه
    وكتير عايش ف الغفلة سنين

    قرر وبنفسك
    عجباك أوهامك
    هتكون نسخة في منها كتير

    وسألت انا نفسي وكتبت بقلمي
    انا عايش ليه
    أنا عايز اي
    أزاي أنا هحلم حلم يكون في حياتي حقيقه وساعتها هقولها
    أيام فيها كنت 😔
    وف لحظة بقيت 😍

    وسألت أنا نفسي أزاي أنا هبدأ واي طريق هختار عشان أوصل
    هبدأ بكياني ازاي هيكون
    وهحدد قيمتي
    مع أول حلم هشوفه أتحقق
    وخطفني أنا قلمي
    طب قوم أتحرك
    خد أول خطوة وحسس نفسك إنك هتكون
    ف عيون حباك أحسن إنسان موجود ف الكون
    وتميز نفسك مهى زادت قيمتك
    وقتها هتقارن بين أيام مش شايف فيها أي جديد
    وف لحظة بقيت إنسان عايش وبشكل جديد

    أما عن الحب
    لو نرجع حبه كان في إنسان قاعد بيفكر وبيرسم صورة لقلب ملاك مستني لقاها
    عايش موهوم إنها هتحبه
    لما الأول يخرج من سجنه
    ومعاها تعدي سنين وسنين ازاي هتجيله
    قاعد ف مكانه
    وبيحلم بس
    ومصدق وهم بيرسم فيه
    هيكون من قدره
    إنسانه طبق الأصل لقلبه
    مش عارفه قيمتها وبتحلم بس
    وبترسم وهم لفارس جاي يخطفها ويمشي
    واهي ماشية حياتها مبقاش،ليها قيمة ولا حتا كيان مهى واقفة مكانها

    أما أنا عن نفسي
    مع أول خطوة قابلت ملامح
    ف عيونها قيمتها
    مليانه طموح
    إنها هتكون أنجح إنسانه علي وجه الكون
    ولقتني شبها
    شايف أحلامي ف كل كلامها
    ف عيونها النور
    مش بس عيونها
    وبقلبي لمست النور ف كيانها
    وابتدت الدنيا
    تتغير ليا واشوف بعنيا دنيا جديدة
    وقولت بجد أيام فيها كنت
    دلوقتي بقيت
    مين يتحداني
    واثق ف كياني
    ومكمل لسه طريق أحلامي ومعايا ملاك حكايتها حكاية
    بنكمل بعض ونرسم دنيا اجمل من دنيا أنا عشت أرسمها ع الورقة وبس

    . ودا حال إنسان
    قرر يتغير
    والدور جه عليكوا مين فيكوا هيبقا ومين هيكون 😍😍
    ومين فيكو عايش مسجون ف حياته ومصدق وهم كبير وتعدي سنين قاعد ف مكانه مش عارف قيمته وأهي ماشيه حياته رائيك 🌹🌹😔