A little kindness goes a long way.
Your message is only public if the profile owner publishes it.
الله يسعدك ممكن تفتحين الخاص فيه موضوع حابه اتكلم معاكِ فيه؟🤍
اعتذر على التأخير لم افتح التطبيق منذ فترة طويلة الخاص في تويتر مفتوح عندي ولو تحبي تتواصلي معايا على الواتس لا مانع 0509686530
يا صباح الإلهام أ. أسرار العجيب إني على وجه التخرج، و ما تدرسينا ابدًا حاليًا لكن ما زلت أفتكرك، و لا زلت أشعر بذات الشعور الرائع أفتكر مر قلتي لنا في أحد المحاضرات ( أنا ما أحب أكون شخصية مقصرة لا في دراستي ولا في تدريسي ولا في أسرتي و غيره .. ) للآن و أنا أفتكر هذا المعنى الرائع من عدة نواحي: بداية الكلام هذا ألهمنييييي كثير و الغريب إنه بعد ما قصرت في جوانب كثير في حياتي تذكرته و صرت أسعى جدًا أحققه و إني أبطل أكون البنت الي تسوف و تضيع وقتها! بالعكس أبغا أحقق التوازن في حياتي من كل النواحي لأهلي و لنفسي و لربي و غيره و أنا مازلت أسعى أكون كذا ثانيًا تعلمت منك أن ألتزم بالكلام الي اقوله و مو بس أقول اي كلام و أنا واقعيًا ما اسوي كذا ثالث شيئ و الاهم! كلام الانسان عن نفسه، للأسف مرات أنا أحطم نفسي و لهذا قررت أن أنتبه لكلامي عن نفسي قدام نفسي أولا قم الاخرين اتمنالك التوفيق و التيسير🤍
اهلا وسهلاسعيدة جدا اني تركت انطباع جيد في ذاكرتك وانا كلي ثقة انك قادرة على اعطاء كل ذي حق حقه وجميل جداً النظر للمرآه وانتقاد نفسك لتطويرها دون تحطيم كذلك السماح لنفسك بسماع آرارء الآخرين وانتقادهم لأن بعض الأمور لا نستطيع أن نراها في انفسنا الله يجعلني عند حسن الظن وبإذن الله نلتقي في مكان وزمان آخر غير الجامعة والتدريس وسبب عدم تدريسكم لأني أدرس الآن وبعد التخرج ان شاء الله ارجع للتدريس ودائماُ يسعدني التواصل مع طالباتي سواءً كنت ادرسهم أو لا
استاذه ما اعرف ليش شادتها بكل شي ترى الحياه مرنة وإن كنا في بيئة عمل واجتهاد المرونة والاسلوب الحسَن رزق، والشده جميله لكن مو في كل وقت
اهلاً وسهلا عزيزتي يسعدني جدا شفافيتك ولو كنت احب الدفاع عن نفسي فأنا لا أرى نفسي دائماً شديدة واتمنى لو تعطيني مثال أو موقف خلاكي تشوفي اني شديدة فالنقاش دائما يوضح بعض الأمور وقد يكون عندك وجهة نظر حتى أعدل واحسن من نفسي واسلوبي أنا حريصة دايماً يكون اسلوبي جيد وأكون موازنة بين الشد واللين كلُ في مكانه ولو كنت فعلا يوم من الايام كلمتك باسلوب غير جيد فانا أكيد اعتذر واتمنى ايضاً انو توضحي لي سبب ذلك من وجهة نظرك والآراء كلها تحترم عندي وانا فتحت المجال لكم لانتقادي لأن هدفي تطوير نفسي لأنكم مرآتي
بنات المستوى الاول يلمحوا انك حتروحي بلييييييييييييز لا💔..
بدأت دراسة الماجستير بس ماني رايحة مكان 🌹
السلام عليكم ورحمة الله وبركاته: استاذة اسرار انا سبق ودرست معاك في 2019، ولكن عرفتك قبل ذلك بكثير لمن كنتِ تمرين من جنبي في الممرات وتسلمين عليّ بسلامًا كاملًا وبابتسامة رائعة، جزاك الله خيرًا كنتُ في حاجة ماسة لذلك السلام ووجود شخص يشعر بوجودي وبأني مرئية، درست معك وانا لدي حكمًا مسبقًا انك انسانة لطيفة ورائعة، جزاك الله خيرًا يارب وبارك الله فيك وبوالديكِ، وان شاء الله تشوفين بنتك تكبر بتوفق ونجاح يارب تحت رعايتك وحبك❤️🤍
الله يسعدك يارب ، مع اني ما اعرف مين انتي لكن تأكدي انك أحد أعمدة الكلية ولستي فقط مرئية
حسيت الكلام بخاطري نفسي اقوله اول اختبار في الجامعه كان المبادئ طلعت من الاختبار مبسوطه م بقيت احد م قلتله انو سهل ودعيتلك من كل قلبي ، لما طلعت الدرجه وانرصدت غلط اني اخذه ١٤ انهرت نفسياً من كثر م بكيت وصدعت وكان عندي اختبار بعدها وما ذاكرت زين لاني زعلانه على الدرجه ومتأكده من حلي وعشت يوم م انساه ف حياتي😂😂 ، ومن قوة حبي للماده ولك جلست صابره ترسليلنا الاكيد ، والحمدلله طلعت غلط ، وحبيت اقولك والله 💗
يعني صراحة ما ادري ايش اقول لك غير آس عالموقف اللي صارلكن لعلك تتعلمي درس مهم في مسيرتك الجامعية الجاية لا تزعلي على الدرجات أبداً أبداً قولي الحمدلله على كل درجاتك ولعل الشفيع واللي يهون انك متأكدة انك فاهمة المادة الاختبار مو المعيار الوحيد لتقييم فهمك 🌹😘عموماً ما اعرف كيف اعوضك على دموعك وصداعك بس كلميني خاص وان شاء الله الاقي طريقة تعوضك 🌹
آسفه*
اول شيء صدقيني ما تقصرين وانبسطتتت فعلًا في المادة وشرححححك يا ساتر لكن فيه شيء بسييييط ودي اقوله انت من الناس اللي تأخذ راحتها في الشرح مستعدة تأخذين كل الوقت في شرح نقطة معينة ولو كانت سهله جدًا ، هذا الشيء كان مره يشعرني بالملل لأني من الناس اللي تحب " الزبدة " ولاحظت كثير بنات من شعبتي ومن شعب أخرى اتفقوا معاي بهالنقطه ، صح فيه ناس ما تفهم بالزبده لكن اتمنى من كل قلبي توجدين طريقة توصلين المعلومة بطريقتك وبطريقة "الزبدة" وتوفقين بينهم بحيث ما تمل طالبة و تفهم طالبه وشكرًا❤️❤️
انا حقيقة استغربت من هذه الملاحظة، هي وجهة نظر تحترم، وأكيد أنا كا ابغا تكون محاضراتي مملك أبداً ، وان كان الترم هذا انا قصرت شوية في تغيير جو المحاضرة والخروج عن موضوع المحاضرة عشان اكسر الروتين لسبب اننا اتأخرنا في بداية الترم والمنهج طويل كل همي كان ما ينتهي الترم وانا ما خلصت معاكم، لكن فكرة انو أنا اخذ وقت في معلومات سهلة ! انصدمت منها، انا اشرح النقطة اذا وجدت استفسارات او احد طلب الاعادة اعيد، وان اخذ كل المحاضرة ما يهمني ، لانو الأهم ان الكل يفهم، انتي قد تكوني ذكية وتفهمي بمجرد ما تقرأي الكتاب ولا تحتاجي لشرحي، لكن غيرك لأ، لذلك أطلب منك تسامحيني اذا كنت قدمت مصلحة اللي ماتفهم بسرعة عليكي ، لانو الضرر اللي ممكن تتضرره اللي ماتفهم اكثر من ضررك انتي لمن تملي من المحاضرة 🌹
الاختبارات شوي اصعب من اللازم اذا ممكن الفقرة الزايدة تخليها تحسين لأن الواحد يفرح لما يشوفها وآخر شي لازم اختار ٤٠ بس احس يزعل😢❤️❤️
اللي يزعل انو أنا من أول اختبار دوري قلت لكم الاختياري عادي تحلي المساعد كمان ولكن انتي اللي ماكنتي مركزة معايا
مساء الخير 🤎🤎 .. انا من الناس اللي احب اذكر اسمي حتى بالروابط هذي " لمى الجهني " بكل أمانة وكل صراحة ما شفنا منك الا كل خير والله ، يعني فعلاً فكرت في النقاط السلبية اللي شفتها ما خطر في بالي الا شيء واحد > لما نسألك عن جزئية احنا ضايعين فيها تعصبي علينا واحنا م سألنا والله الا انه ضايعين وسائلين بعض قبل كذا ف هذي هيا النقطة الوحيدة اللي جات ف بالي اذا جينا من الناحية الايجابية ف انا والله فعلاً ممتنة لك ، من الناس اللي فعلاً قابلتهم واخلاقهم ما تقدري توصفيها من كثر ما هما لطيفين ، انتِ من الأشخاص اللي حكيت امي عنهم وعن تعاونك معانا قالت ليا " الناس اللي كذا مثل ما يتسخروا للناس الله يا رب تسخر لهم السماوات والأرض " ف من جد كل اهلي عارفين اسرار متعاونة بعكس لما احكي عن دكاترة ثانيين بدون ذكر اسماء طبعا 😬 ف شكرا لك حقيقي ولا اتمنى لك الا كل خير وعقبال الدكتوراه يا رب واذا جا مني شيء المعذرة منك 🙏 الله يبلغك ف يُمنى وتشوفيها ف اعلى الدرجات ف الدنيا والآخرة .. وبس والله كتبت كل كل ما يجول ف خاطري دُمتِ بـ ود 🤎
آمين يارب واياكي أنا أعصب ترا عشانكم، لأنو في أشياء بعض أحيان أنا ما أبغا أقولها تضطروني أقولها ويكون لو ما سألتوا أحسن لكم يوماً ما حتعرفوا أنو كان هدفي أخفف عليكم واسئلتكم هيا اللي ضيقت عليكم وانا اتفقت معاكم اول الترم لا تسألوا عن اشياء ان تبد لكم تسؤوكم
وعليكم السلام، مساء الخير حرفيا مو مجامله لك بس تاسست كويس بالقانون صح بالبدايه خفت من المقرر وحسيت ماحقدر اكمل بس الحمدلله قدرت اكمل راعتينا كثير، والله سمعنا عنك كلام طيب من الدفع السابقه وفعلا حصلنا كلامهم واكثر، وباذن الله ماحننسك بالذكر الطيب الدائم لدفع المقبله، وبالاخير شكرا لك اسرار على كل شي، وباذن الله نسمع بالقريب العاجل انك دكتوره عاد يصير وقتها نناديك وماتقولي حاجه😂❤️❤️❤️ طالبتك: روان الحربي شعبه ٣
برضو محا أوافق تقولوا لي دكتورة :)
No new profiles with photos yet.