خلّي رسالتك لطيفة وبنّاءة
لن تظهر رسالتك للعامة إلا إذا نشرها صاحب الحساب.
السلام عليكم ورحمة الله وبركاته: بدون مقدمات كدهون يا مستر مجدى ، رغم إنى أعرف حضرتك من كام سنة ، وأخدت مع حضرتك تدريبات كتير ، بس مكنتش متابعة حضرتك على السوشيال ميديا لأنى كنت بعيدة لفترة عن السوشيال وسط ضغوط وزحمة الحياة ، والحمد لله على كل حال، المهم فجأة إسم صفحة حضرتك جه قدامى وبدأت أتابعك وعجبتنى منشوراتك وفيديوهاتك جدا ، ربى يزيدك علم ينتفع به، ويباركلك ويسعدك ، المهم بقى ، أنا حياتى الحمد لله ربنا بييسرلى أمورى وأمنياتى عن طريق الصدقة ، كل ما بخرج أو بييجى على بابنا أحد ممن نعتبرهم تاج رؤسنا وآخذى بإيدينا إن شاء الله إلى الجنة ، ومن يرسل الله لهم معنا حقوقهم لدينا ممن أعطانا رب العباد ، بتكون هذه الصدقة فى كل مرة أو فى كل يوم بنية معينة سواء مغفرة ذنوب ، إصلاح أحوال ، شفاء مريض ، تيسير أمر ما ، زيارة لبيت الله الحرام ، أن يرزقنى وأحبتى الجنة وهكذا ، والحمد لله أى أمر من الأمور الدنيوية ، بيتيسر بفضل الله بعد الصدقة ،حتى زيارة قبر حبيبى وشفيعى صل الله عليه وسلم ، واللى كان بالنسبالى أمر لا يمكن أن أصدق أنه يتحقق وبسرعة غريبة وما بين غمضة عين وإنتباهتها تحقق بفضل صدقة ودعوة الحمد لله، وإن شاء الله أمور الآخرة وكسب الجنة يتيسر لنا بإذن المولى تعالى نحن وأحبتنا بفضل الصدقة والدعاء أيضا 🤲🙏💝 أكيد حضرتك مستغرب من كلامى وبتقول ، ليه بقول لحضرتك الكلام ده 🤔، أنا نفسى مستغربة الموقف اللى حصل معايا والله العظيم، أنا تابعت حضرتك من فترة قريبة جدا تقريبا كام يوم بس ، بس يشهد الله على كلامى أنا فجأة من كام يوم خرجت لمشوار ، ولقيت نفسى وأنا بتصدق والله العظيم والله العظيم لا إراديا منى كنت بقول الصدقة دى المرادى بنية إن ربنا يسعد الأستاذ مجدى فرغل ويحفظه ويوفقه ويحققله جميع أمنياته ، ومن وقتها وأنا كل يوم بتصدق وبلاقى نفسى بتصدق بنفس النية وبينى وبين نفسى بقول الصدقة من أجل سعادة وراحة بال الأستاذ مجدى فرغل، ومش بغير نية الصدقة ولا يوم معرفش ليه ، حقيقى ربنا يحلى دنيتك ويسعد قلبك وأيامك يارب . أنا أترددت كتير جدا قبل ما أبعت لحضرتك الرسالة دى ، بل وأستخرت الله كثيرا علشان أبعتها أو لا ،رغم انك متعرفش أنا مين ، و مش عارفة إذا كانت الرسالة كده شئ حلال ولا حرام قبل ما تكون صح ولا غلط ، لأن أكيد اللى يهمنى رضا الرب مش رضا العبد ، ودى حاجه لأول مرة في حياتى أعملها ، ولو حضرتك شوفتها شئ مش صح أو حرام ممكن برسالة غير مباشرة تقولى ، لأنى والله أخاف الله رب العالمين، بس أنا بعتت رسالتى من باب إدخال السرور على قلب حضرتك ، ومعرفش ليه فى الوقت ده بالذات أنا بعتها ، بتمنى تكون وصلت لحضرتك فى وقتها المناسب 🤲💎 ، وفيه حاجه كمان يمكن أنا بعتها علشان تتأكد إن حضرتك موجود بالفعل فى قلوب ناس كتير جدا وبيدعولك، وبيتمنولك الخير والسعادة والفرح ، زى ما بتسعدهم وبتطمنهم بكلامك السلس البسيط، لأنك حقيقى شخصية سلسة بسيطة محترمة ، ربى يبارك فيك ويكرمك ويسعدك 💎 ، معلش أسفة على الإطالة فى الرسالة ، بس العيب فى إيدى الرغاية فى الكتابة مش لسانى 😊 ، وحقيقى لو كتبت لحضرتك رسالة من مليون سطر مش هتكفى للتعبير عن الصفات الخيرة اللى فى حضرتك، لأنى عرفت شخصية حضرتك عن قرب من خلال محاضرات التنمية البشرية ، إجتباك ربى وحفظك وأسعد دنياك ورضى عنك وأرضاك ، بتمنى رسالتى تفرحك ولو شوية صغيرين ، زى ما حضرتك أسعدتنا وغيرت فينا حاجات كتير 🙏🤲💎 على فكرة : You have the sweetest soul ,I have ever seen
لا توجد حسابات جديدة بصور حاليًا.