خلّي رسالتك لطيفة وبنّاءة
لن تظهر رسالتك للعامة إلا إذا نشرها صاحب الحساب.
اصعب فتره حرفيا ممكن تمر بيها اى واحده هى اكتئاب بعد الولاده انا حرفيا كنت حاسه انى بنهار بتحسى بمسؤليه غير طبيعيه مع البيبى الجديد وخصوصا لو اول بيبى غير انك تعبانه جدا جدا من الولاده ومش قادره تعملى حاجه ولا قادره تتحركى ومسؤل منك بيبى لازم تهتمى بيه بتحسى كانك مش من حقك تتعبى انتى لازم تكونى كويسه غصب عنك + ان كل اللى حواليكى بيقولك كلمه شكل وماحدش بيراعى نفسيتك اللى زى الزفت اللى تقولك البيبى جعان لبنك خفيف هو ضعيف كده ليه هو وحش كده ليه ويزودا عليكى الضغط النفسى بتحسى انك بتحاربى لوحدك ومحدش قادر يساعدك عياط مستمر بحرقه وخوف وعصبيه وانفعال من اقل حاجه واقل كلمه من اى حد حرفيا كانت فتره صعبه جدا الحمدلله عدت على خير
نفسيتى كانت متدمره وكنت بعيط بدون سبب ملقتش دعم من زوجى ولا خفف عنى ولا وقف جنبى وكان شايف ان انا بتدلع وان كل اللى زيى واكبر منى خلفوا وكانوا بيطلعوا المريخ الله المستعان
احساس بالمسئوليه طول الوقت انه خلاص بقي فيه بيبي مسؤل منك لازم تهتمي بيه وخلاص مبقتش اعرف اهتم نفسي و طبعا قلة نوم وتوتر طول الوقت
مش عارفه بقعد اعيط من تراكم الحاجات اللي ورايا مش عارفه اطبخ ولا اروق ولا اغسل الهدوم ولا اغسل المواعين ولا اهتم بنفسي ولا اهتم بالطفل اللي بين ايدي ولا اعوض النوم اللي منمتوش طول الليل من السهر معاه.. الفكرة انك شخص قبل الولادة غير كده كان في تنظيم حتي لو مش احسن حاجه بس كنت بخلص اللي ورايا دلوقتي مش عارفه انظم وقتي خالص بقيت لما يتراكم كله بحس اني فاشله ومش عارفه اعمل حاجه ومحدش هيقدر اكيد ولو كله قدر جوزك مش هيقدر ولو قدر حبه مش هيستحمل كتير مش عارفه الوضع هيقعد كتير ولا لا بس اتمني انظم حياتي احسن من كده ومقصرش ف حاجه
لا توجد حسابات جديدة بصور حاليًا.