-
◌ Public message
بص يا مستر اول حاجة كده مافيش كلمة من اللي هقولها تقدر توفيك حقك حضرتك طبعا عارف معزتك عندنا قد ايه صراحة فوق الخيال ماحدش يقدر يقول علي حضرتك حاجة عكس اللي الكل شايفنها بصراحة كمان مش عارفة اقول ايه بس هقول كلمتين تحفيز كده ع الماشي ماتشغلش تفكيرك بأي ماسدج فيها عتاب او غيره الا طبعا لو في حاجة محتاجة تغيير بس انا والله مش شايفة ف حضرتك اي حاجة عايزة تتغير من معاملتي مع حضرتك 3 سنين حقيقي ونعم الأخ والأب وكل حاجة لينا بتعاملنا كأطفال مش ناس ف ثانوية لا والمصاصة بقا والشيكولاتة ما علينا دي حاجات أطفال واحنا هنفضل أطفال المهم المفروض حضرتك تفتخر ان عندك أولاد او اخوات زينا مش كده ولا ايه واحنا طبعا نفتخر ان يبقي لينا اخ زي حضرتك وبم ان شعار لسه مكملين بيعجب حضرتك فانا كمان هقوله علشان حقيقي لسه مكملين سنتين صحيح التيرم ده ضاع مني وماروحتش دروس بس ان شاء الله هواصل من سنة تانية وربنا يكرمك ويديلك علي قد تعبك وزيادة حقيقي فخورة ان حضرتك بتدرسلي ومافيش اي مقارنة بين اي مدرس تاني ربنا يحفظك ويبارك ف حضرتك و ف اولادك وف احبابك..ولسه مكملين<3
Just Smile مش عايزين نشوف حضرتك زعلان او مخنوق أبدًا أبدًا......
-
◌ Public message
مستر محمد حضرتك مكنتش لينا مجرد حصة درس والسلام لا انا واصحابي لما كنا بنتقابل في الدروس التانيه والله بنفس اللفظ كنا بنقول فين حصة استاذ محمد الوحيد اللي كان بيخلينا ننسي اي حاجة ممكن تزعلنا واحنا معاه لدرجة كان بيجبلنا مصاصه في الحصه وشوكلاته دي مش فلوس زيادة او ملهاش قيمه لا طبعا لان في مرة كنا بنحكي في درس ع اللي حضرتك بتعمله كان رد المدرس حاجات ملهاش لازمه وضياع فلوس عايزه اقوله دا حنان لان مهما كبرنا احنا في عينه لسه اخواته الصغيرين مش رابطنا بيه ماديات علاقتنا باستاذ محمد قسم بالله مهما فاتت سنين ما هتنتهي او تتنسي اللحظات اللي دخلت عل قلوبنا البهجة اللي في عز شدته كان بيقوينا فاكر اسبوع وفاة ابن خال حضرتك الله يرحمه ع الرغم الحزن اللي كان في قلبك عليه دخلت الحصة وكنت بتبذل كل جهدك انك ما تبنش زعلان وضحكتنا في الحصة دي والله انا من مدحي في حضرتك بابا وماما حبوك من غير ما يشفوك يوم ما كنت جي من الفيوم بتخلص ورق وكشف عشان العمره وقولتلنا ادعولي وقلت بعديها كلمه والله ما مسكت نفسي في الحصة ودموعي نزلت وروحت قفلت ع نفسي وعيطت ومكنتش بذاكر عرفت فعلا معزتك في قلبي وانك نعم الاخ والسند نعم المعلم المخلص فيامن غرست حبك في قلوبنا وشيدت قيما ساميه ادامك الله في صحة وعافية ورغد
-
◌ Public message
مستر محمد 🌻💛
انا كنت باخد درس عند حضرتك من سنتين .. من سنتين انا دايماً فاكره حضرتك بكل خير قدام كل الناس ، معتقدش ان في مدرس حصل او حتى هيحصل زيك ..حقيقي انسان مفيش منه فاكره كل نصايحك وتوجيهاتك كويس جدا فاكره خوفك ع مصلحتي رغم تقصيري ف بعض الاوقات وحضرتك مش كنت بتزهق من انك تقولي انتي احسن في اكتر من كده .. طاقه مش عاديه في كل كلمه حضرتك بتقولها .. كنا 3ث و stress كبير علينا لاكن حصة حضرتك كانت اجمل وقت بقضيه 💛
ومن سنتين لحد دلوقتي بتمنى لو حصه واحده بس ترجع مع حضرتك 🌺
You're one of the kindest most beautiful people out there and I hope all dreams come true 🌻
and I wish you the happiest life ☘🌺 .
You're really BEAUTIFUL , and you deserve everything beautiful as you are ✨
-
◌ Public message
الى أفضل شخصية ف العالم 🙂
حضرتك من احسن و انقى الناس اللى قابلتهم كفاية بس الفخر لما حد بيقولى بتروحى انجليزى فين اقول عند مستر محمد طاهر بفخر كده بحس أن انت من المشاهير و الله ديما ف كلام حضرتك بحس انك بتشجعنى حتى لو مش بتقولهالى مباشر مش بتحب تزعل حد و دى حاجة حلوة جدا
كان فى موقف كان مزعلنى من حضرتك فنشرت رسالة كانت جاية ليك كان من ضمن اللى مكتوب فيها ( انت مش بتعمل لايك لحد ليه هل ده تكبر او تعالى ) رديت و قلت كده بالنص ( انا اقل من انى اتكبر أو اتعالى على حد ) من عظمة الجملة قلت مفيش حد بالاخلاق دى هيزعل حد من ساعتها وانا مزعلتش 😂😂 عشان مطولش على حضرتك اكتر من كده احب اقولك أن أى كلام اتقال أو هيتقال مش هيوفيك حقك 😊 و اى حد قال عليك كلام وحش هوا متعاملش مع حضرتك اصلا عشان يقول كده
-
◌ Public message
بصراحه يامستر مش عارف ابدا منين حضرتك مستر رائع دون عن اي مستر تاني بس ياخساره الماده الانجليزي بكرها
حقيقي محدش بينجرح اوي
الا اما يكره ماده معلمها فوق الامتياز😣😣
-
◌ Public message
مستر محمد طاهر❤
ربنا يبارك في حضرتك يا مستر ... انت بجد مدرس تستاهل كل خير 🌍🌸
ربنا يبارك في اولاد حضرتك و نشوفهم حاجة حلوة كلهم يارب 🌚🌸
كل سنة و حضرتك طيب يا مستر رمضان كريم ❤🌸🌸
-
◌ Public message
احلى مستر فى الدنيا وانا أفتخر إنى اتعلمت فى يوم على ايدك ربنا يوفقك يارب ويبارك فيك وفى اولاد حضرتك 🌹🌷🌷🌹🌷
-
◌ Public message
آنِآ عٌرفتك يَآمًسِتٌر مًنِذِ ثًلَآثً سِنِوٌآتٌ وٌلَکْنِ آنِآ آلَآنِ فُيَ آلَصّفُ آلَثًآلَثً آلَثًآنِوٌيَ وٌلَکْنِ مًعٌ آلَآسِفُ آنِآ لَسِتٌ عٌنِدٍکْ
بًسِ بًصّرآحًهّ آنِتٌ کْنِتٌ آخِ وٌصّدٍيَقُ وٌآبً وٌآنِتٌ شُخِصّيَهّ مًحًتٌرمًهّ جّدٍآ #تٌلَمًيَذِکْ
-
◌ Public message
والله ي مستر انا مش عارفه اشكرك ازاي
بجد حضرتك بتتعب معانا وبتحاول تسعدنا بأي طريقه ودايما كلام حضرتك بيطمنا
تقريبا حضرتك المدرس الوحيد ال زعلانه جداا اننا خلاص خلصنا مش فضلنا غير مراجعة ليلة الامتحان ومش هناجي تاني.. بجد حضرتك كويس جداا
وانا بشكر حضرتك ع التعب ال تعبته معانا طول السنه ربنا يكرمك يارب ويسعدك يارب.. وبمناسبة رمضان بقي. كل سنه وحضرتك طيب.
-
◌ Public message
انسان محترم ويعمل بجد
مدرس بنكهة أخ كبير وصديق حميم وصاحب
ربنا يبارك فيك وفى أولادك
وأعاد الله علينا وعليكم رمضان بالخير واليمن والبركات
-
◌ Public message
اولا : كل سنه وحضرتك طيب ورمضان كريم 💙
ثانيا: انا اتعلمت من حضرتك حاجات كتير مع ذلك دى اول سنه ليا مع حضرتك💙
خوفك علينا وتحفيز حضرتك لينا وللمذاكره دى اهم حاجه💙💙
# ربنا يبارك فى حضرتك يا مسترررر💙💙💙
# اول سنه ليا ولسه هكمل مع حضرتك💙💙
-
◌ Public message
مستر محمد حضرتك معروف ومش محتاج كلام دومت ولازلت افضل معلم English في المجره ربنا يوفقك يا مستر ويصلح لك جميع الأحوال ❤
-
◌ Public message
مستر محمد ❤
ربنا يبارك في حضرتك يارب و دايما في تقدم ان شاء الله و ان شاء كل سنة و انت محقق اللي حضرتك نفسك فيه❤❤🌸
انت استاذ رائع بجد 💙
دووومت لنا معلمنا الافضل 😍🌚
-
◌ Public message
فاكر مره كداا مكنتش جايب الى استلم عليهاا الشهاده وقولتلك نى عايز شهاده بس موافقتش وبعديها مشيت تانى يوم اصحابى بيقولولى ان المستر كتبلك شهاده م بعديها معزتك زادت عندى ومفيش تكريم بعديها متكرمتش فيه ☺ بجد ربنا يخليك لينا 💜
-
◌ Public message
انا اخدت درس عند حضرتك سبع سنين عمرى ما شفت حضرتك بتقول لبنت كلمه تزعلها واكتر مدرس كان بيشجعنا كل سنه وحضرتك طيب يا مستر
-
◌ Public message
ربنا يبارك ف حضرتك يامستر ..من المدرسين اللي بيكون ليهم مكانه خاصه ..حضرتك بتخلي التلاميذ تحبك وده بيحببهم ف الماده ..خت مع حضرتك 3 سنين ومبسوطه جداا بيهم والله 🌸
دايما بتفرح الطلبه اللي عندك وبتعاملهم ك اخ كبير قبل ما تكون مدرس ليهم 😇🤝 ربنا يسعدك دايما ويبارك ف الأولاد وتشوفهم حاجه كبيره يارب🙏❤️
كل سنه وحضرتك طيب يامستر ..رمضان كريم 🌸🌸