A little kindness goes a long way.
Your message is only public if the profile owner publishes it.
السلام عليكم ورحمة الله 💚 تبارك الله عليكم وعلى المنشورات الزوينة لي راكم كتنشروها فالمجموعة انا ف عمري 25 سنة، انا مكنقدرش أنني ندخل فشي علاقة بلا خبار واليديا ونكون مخبية ولكن طراو ليا جوج حالات ولي مبغاوش إتنساو ليا ولحد الأن باقي فيا الحال صيفط لي واحد الأخ من بلادنا ومن الأول صيفط لي على اساس الزواج وأنه ناوي المعقول وفعلا اول مرة دوينا ف فيسبوك ديك ساعة كنت فالبلاصة فين كنقرا بعيدة وقالي فالصيف انو إجي ادوي مع صحاب الدار، اوا وجات واحد العطلة وجيت للدار وهو فاش عرف واش جطيت قالي نتلاقاو انا شي حاجة بلا خبار صحاب الدار مايمكنش نديرها وديما تنقول لي بغاني ايجي لدارنا مافيا مايدي شي ذنوب اوا فاش قلت ليه مايمكنش ليا وكدا هو ماعجبوش لحال وقال راه الى تلاقينا اندوبو على مستقبالنا اوا بقا غادي غادي تا لقيتو دوك ليامات راه تزوج سيد ومافهمتش انا شنو وقع ليا ديك ساعة وصافي حيدتو من بالي وبقا فيا غا داك تصرف بحال شمتة ولا شمتة نيت ياكو ههه المهم هادشي فالعام 2018 صافي حيدت داكشي من بالي بقيت مقابلة قرايتي وبس تا لعام لفايت تعرفت على واحد الأخت ف الفايسبوك اوا وبقينا كاندويو غا ف الكومونطيرات وكدا اوا وخوها كان عندها اوا وصيفط ليا فالخاص ونفس الهضرة تاع الأول وصيفط لي صور الام نتاعو اخوانو وصور ختو و ولاد ختو ولي زعمني أنني نرصي معاه الهضرة انه هضرتو في حدود عمرنا دوينا ابيل ولا تا شي حاجة اوا وقالي من بعد العيد الكبير لي فات غايجي لعندنا للدار اوا صافي تا كنتفاجأ بيه بلوكاني ف فيسبوك هههه ثاني صدمة اوا ولقيتو فواتس وصيفط لو ميساج واحد وسوبريميتو ودبا مع هاد فيسبوك جديد شوية اوا رسلات لي عاود الأخت نتاعو وقبلتها ولقيتو كيف العادة كايكومونطي ليها وكلاوني إدي ودخلت لصفحة ديالو ولقيت نفس الشيء انه تزوج هههه وايلي هذا كاع زهر عندي گاع ليدوا معايا كايصدق تيتزوج بقا فيا لحال بزاااف منكدبش عليكمولحد الأن مزاعماش تا شي واحد نيت إجي إبغي المعقول انا منزعم مزال نعطي فرصة حيت تشمت جوج مرات والمشكلة انهم عندهم نفس السمية وهذا اثر عليا بزاف لدرجة عرفتي انه كنت عايشة بوحدي وكنراجع للإمتحانات وعرفتي شناهي صدمة منعاودش ليكم قلبي كان تايبغي اسكت وكانوض نصلي وندعي الله اغفر ليا واقيلة من الأول مندويش معهم وتا هضرة الناس شوفي بنت عمك راكم قد قد فالعمر وهاهي مزوجة و والدة تبارك الله ونتي غا مقابلة لقراية ماعرفتش شنو غاتصنعي شوفي صحبتك شوفي هادي وهادي كنمرض ديال بصح واش لهاد الدرجة خايبة تا غا تايدويو وإمشيو ماعرفتش فين كاين المشكل وتا الأشكال فاش جلست وتنفكر مع راسي لقيت ديما عائلتي لي كايتحكمو فشنو ندير، يعني تا من تخصص لي راني تنقراه دبا مابغيتوش داكشي لي بغيت مموافقينش عليه وجلست تا مشا لحال ولقيت هاد البرونش لي باقي كايتسجلو فيها ناس ودخلت باش مايمشي لي لعام على والو وفاش دار لعام بغيت نبدل مخلاونيش اودي قلبي عامر عامر شي نهار واقيلة ايطرطق ماعنديش شي حد لي نعاود ليه تا من اختي لي تنعاود ليها مقدرتش نعاود ليها لبلان لي طرا لي مع دوك جوج الله ايسر ليهم والله اغفر ليا جبدتهم وبقيت كاندوي عليهم بحال الى كاندير نميمة وفاش كندوي ليها على القراية كتقول ليا المشكل مني لي متبعتش داكشي لي بغيت وتبعتهم طولت عليكم بزاف بغيت نخوي شوية من داكشي لي عندي نتنفس شوية دعيو معايا دبا كنخدم البحث تاع الماستر وان شاء الله بغيت نسوتني فشهر 9 باش الى كتاب ندفع للدكتوراه دعيو معايا اكمل عليا الله ونفرح راسي بهاد الماستر، ودعيو معايا بالزوج الصالح انا مابقيتش بغيت اجي شي حد اقولي بغيت نتزوج صافي رجعت علاقتي بالجنس الخاشن هههه شبه منعدمة مابقات عندي ثقة فشي حد ودعيو معايا نتقبل فشي خدمة ان شاء الله والله اعاونكم والله اوفقكم يارب وارزقكم ماتمنيتو
No new profiles with photos yet.