شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    اصبحنا و اصبح الملك لله...صباح الخير حموده
    بتمنالك يوم هادي و رايق يا رب رحم الله والدتكك منيرة ...كن لها ذخرا الى يوم القيامة و لا تؤذي امرأة في عمرك صدقة عن روح امك الطاهرة و كن عبدا نافعا لغيرك اعرف ان فراق الرجل لأمه يصنع في نفسه شرخا لا يلتئم بسهولة....اظنكك ممن بهم خير و اسال الله الرحمة و النور لروح والدتكك
    دمت بخير حمودة🤲🖐

    • إبلاغرد صاحب الحساب

      الله يصبحك بكل بالخير❤️
      اللهم امين يا رب العالمين
      الله يسعدك في الدنيا والآخرة ❤️

  • رسالة منشورة

    مرحبا كيف حالك؟ صح سألتك كيف حالك بس انا اكثر واحده ممكن تعرف كيف هو حالك لأنه وجعي نفسه وجهك وجعنا واحد هو فراق الام 💔 انا ما بعرفك وانت ما بتعرفني انت من مكان وانا من مكان بس انت كنت منزل ع جروب صدقه جاريه عن روح امك و دخلت اشوف صورتها ع صفحتك،،، يا الله امك شو بتشبه امي فالقلب الطيب و الضحكه الحلوه و النظره الحنونه 💔 بدي احكيلك شغله انت لسا وجعك جديد بس في شي لازم تعرفه انت لازم تكون قوي و تعمل كل شي كانت تحبه المرحومه و تفرحها في قلبها و ع فكره دليل انه امك انسانه طيبه و الله بحبها انه دخلت ع صفحتك و شفتها و وعد مني لآخر يوم في حياتي انه من تاريخ اليوم مثل ما بذكر اسم امي ع ملح الاكل في بيتنا الا أذكر اسم المرحومه منيره
    الله يوفقك ياخي و يبعثلك الخير و يفتحها عليك و يفرح قلبك و يرزقك و يجبر خاطرك

    • إبلاغرد صاحب الحساب

      الله يسعدك ربي
      والله انك بنت اصول
      بس حتى لو مر ١٠٠سنه عوفاتها ما راح انساها💔💔

  • رسالة منشورة

    مثلي مثل غيري دخلت صفحتك من منشور يلي على قروب الجامعه.
    الله يرحمها لأمك ويجعلها من أهل الجنه واكيد هي مبسوطة انه عندها شب مثلك بيظل يتذكرها الله يسعدك ويفرح قلبك اكيد شي صعب عليك بس هيك ربنا بده الله يجمعك فيها بجناات نعيم

    • إبلاغرد صاحب الحساب

      الله يسعدك ربي
      شكراً 💔👐

  • رسالة منشورة

    💛💛💛

    • إبلاغرد صاحب الحساب

      صراحه عندي فضول
      ولا ما رح يصير اشي وولا راح افكر اشي 😶

  • رسالة منشورة

    مش عارفه كيف ابدا كلامي بس انت ليش بتغيب كل هلفتره وتسكر حسابك
    فاقدتك كثير اليوم، غيابك ابدا مش حلو،
    تعودت الاقيك بكل لحظة واعرف اذا فاتح حسابك اولا انت شخص لطيف جداً، و صدفة حلوة، بتمنى تكون عرفت مين انا،
    غيابك اليوم مش حلو تعال و طمني عنك، فاقدتك كثييير كثييير، لا تعودني على غيابك ترا مو حلو يومي بدونك، احس تفاصيل يومي ناقصة بدونك💛💛💛💛💛

    • إبلاغرد صاحب الحساب

      برجع وبقول الله يسعدك سعاده ما الها نهايه ❤️👐
      ما في اشي بس ليه لافتح والله ما كان الي نفس افتح ولا اشي
      وبالمناسبه عقلي مخربط وما عرفتك 💔
      وصار عندي فضول اعرفك 👐

  • رسالة منشورة

    صباح الورد 💛
    بدون شكرا..
    يله ندعي انا وانت
    اللَّهُمَّ إنَّ امي في ذِمَّتِكَ وحَلَّ بجوارك، فَقِهِ فِتْنَةَ القَبْر ، وَعَذَابَ النَّارِ ، وَأَنْتَ أَهْلُ الوَفاءِ والحَمْدِ ، اللَّهُمَّ فاغفِرْ لهُ وَارْحَمْهُ ، إنكَ أَنْتَ الغَفُور الرَّحيمُ.

    • إبلاغرد صاحب الحساب

      صباح الفل والياسمين ❤️
      اللهم امين يا رب العالمين ❤️💔👐

  • رسالة منشورة

    تصبح ع خير 💛

    • إبلاغرد صاحب الحساب

      تلاقي كل الخير يا رب
      وشكراً ع كل اشي❤️👐👐

  • رسالة منشورة

    بلا عليك تتبسم ولاتضل مكشر
    ولاتحكي مالي نفس بشي امك تنبسط لما ولادها يكونو مبسوطين 💛
    الله يجبر قلبك 💛

    • إبلاغرد صاحب الحساب

      والله ما الي نفس باي اشي
      وصار عندي فضول اعرفك والله 🙁💔👐

  • رسالة منشورة

    قرب يأذن افطر منيح وعبي كروشك ولا تنسى تدعي ل امك اول ما تفطر.
    لو امك موجوده هسا ما تقبل تشوفك زعلان لا تزعلها وكل منيح
    اكيد عرفتني من هاد القلب💛

    • إبلاغرد صاحب الحساب

      الله يخليلك امك وابوكي
      والله يسعدكك ويجبر بخاطرك يا رب، ❤️👐

  • رسالة منشورة

    ادعي ل امك هاد الدعاء 💛اللَّهُمَّ اغْفِرْ لَمنيره ، وارْحمْهُا وعافِهيها ، واعْفُ عنْهُا ، وَأَكرِمْ نزُلَهُا ، وَوسِّعْ مُدْخَلَهُا واغْسِلْهُا بِالماءِ والثَّلْجِ والْبرَدِ ، ونَقِّها منَ الخَـطَايَا، كما نَقَّيْتَ الثَّوب الأبْيَضَ منَ الدَّنَس ، وَأَبْدِلْهُ دارا خيراً مِنْ دَارِه ، وَأَهْلاً خَيّراً منْ أهْلِهِ، وزَوْجاً خَيْراً منْ زَوْجِهِ ، وأدْخِلْه الجنَّةَ ، وَأَعِذْه منْ عَذَابِ القَبْرِ ، وَمِنْ عَذَابِ النَّار.

    • إبلاغرد صاحب الحساب

      الله يجبر بخاطرك يا رب 👐👐

  • رسالة منشورة

    محمد او حموده الاسم الي بتحبو ..... ما علينا هسا..
    المهم هسا الدعاء مستجاب يله ندعي ل امك انا وانت💛💛

    • إبلاغرد صاحب الحساب

      رغم انو ما بعرفك
      بس يشهد الله انك بنت اصول☺️❤️

  • رسالة منشورة

    بعرف الفقد صعب وكتير بس بالله عليك تبسم بس شوي
    ما تضل زعلان امك لو انها بتشوفك بهل حاله بتزعل كتير وتصدق عن امك وادعليها .💛

    • إبلاغرد صاحب الحساب

      الله المستعان
      والله يسعدك سعاده ما الها نهايه 👐❤️

  • رسالة منشورة

    الله يجبر قلبك يتعجب منه اهل السموات والأرض والله يجمعك مع امك بلجنه احسن من الدنيا وما فيها كل يوم راح اكتبلك شي بدون ما تعرف انا مين واصلن مستحيل اخطر عبالك انو انا الي اكتب ومين انا. رجعت كتب الرساله لانو كانها ما وصلت صراحه الاوله

    • إبلاغرد صاحب الحساب

      الله يسعدك مين ما كنت تكون❤️

  • رسالة منشورة

    ابتسم ولا تضل مكشر

    • إبلاغرد صاحب الحساب

      ما الي نفس باشي 💔

  • رسالة منشورة

    ما بعرفك ولكن، بجاه هالأيام الفضيلة وبجاه ليلة القدر الجليلة يرحم والدتك ويغفرلها ويجعلها من اهل الجنة وييسر امرك وينور دربك ويجعلك من الصالحين البارين

    • إبلاغرد صاحب الحساب

      الله يسعدك ربي ❤️

  • رسالة منشورة

    والله اني عيطت ع والدتك وانا م بعرفها بس لمجرد شفت بوست منزله وشفت كم انت متعلق فيها
    الله يرحمها ويغفرلها ويحسن اليها ويلهمك الصبر والسلوان يا رب يا رب يا رب

    • إبلاغرد صاحب الحساب

      الله يسعدك ربي❤️

  • رسالة منشورة

    انا ما بعرفك
    بس شفت بوست عن امك ربي يرحمها وقلبي وجعنيي

    الله يرحمها يارب ويغفرلها وينور عليها ياااارب ويسكنهاا الفردوس الأعلى 💔
    والله الدنيا كلها عبث وكلها رايحه ومش مستاهله اي معصييه وخبايصنا

    طبعا بتحس بهاد الشعور لما يموت عزيز علينا
    الله يصبرك انت واهلك ع فراقها

    بتعرف انه دعوات ولادها بوصلوها ع طبق من ذهب هيك سمعت مره

    ضلك ادعيلها وتصدق عن روحها وزوها دايما
    مش بعد عشر عشرين سنه تبطل تزورها

    وانا ان شاء الله رح اضل ادعيلها دايما بكل صلاه

    الف رحمه عليها
    ياسمين

    • إبلاغرد صاحب الحساب

      الله يسعدك قلبك سعاده لا تنتهي❤️

  • رسالة منشورة

    الله يرحم أمك ويغفر الها يا رب العالمين


    "وبشّرِ الصابرين"

    "واصبر وما صبرك إلا بالله"

    الموت ابتلاء ولما إحنا نصبر وما نكفر ونحمد ربنا على باقي النعم رح يعوضنا ويجبرنا
    الدنيا فانية إحنا عابر سبيل رح يجي يوم ومجتمع مع أحبابنا بالجنة لأنه ربنا كريم
    وأكيد ربنا ما رح ينسانا حتى بالدنيا رح يعوضنا أهم شي نصبر ونشكر وما نسخط

    أمك هسا بحاجة صدقة ودعاء واستغفار وأكيد هي راضية عنك.

    الله يرحمها ويغفر الها
    ويجعل الك في صبرك أجر كبير يا رب العالمين

    • إبلاغرد صاحب الحساب

      الله يسعد قلبك وعمرك يا رب❤️

  • رسالة منشورة

    م. بعرفك والله بس دخلت ع صفحتك صدفه

    الله يريح بالك ويصبرك ويكون معك والله يرحم امك ويجعل قبرها روضة من رياض الجنه ووعد مني الا بكل صلاة ادعيلها بالرحمه صح م بعرف اسمها بس رح ادعيلها الله يكون معك

    • إبلاغرد صاحب الحساب

      اسمها منيره
      والله يسعدك ربي❤️

  • رسالة منشورة

    مرحبا
    انا ما بعرفك بس حبيت ادعيلك 💚
    الله يوفقك ويسعدك ويريح بالك وينجحك 😍الله يكتبلك كل خير 🙏ويبعد عنك كل سوء الله يجبر بخاطرك ويرزقك ويعوضك عن كلشي سيء
    الله يرحمها 🥺
    عظم الله اجركم

    • إبلاغرد صاحب الحساب

      الله يجبر بخاطرك يا رب❤️👐

  • رسالة منشورة

    شنو اصلك أردني الأصل او فلسطيني

    • إبلاغرد صاحب الحساب

      الاثنين🙄🤨

  • رسالة منشورة

    تؤبر ئلبي ريتكك اي 🙂

    • إبلاغرد صاحب الحساب

      بعيد الشر☹️

  • رسالة منشورة

    صديق بتجنن بتفائل فيك ..بحب طلتك مزوق والاصفر بجنن عليك

    • إبلاغرد صاحب الحساب

      فديت💛

  • رسالة منشورة

    حسبي الله ونعم الوكيل
    الله يحطك بنفس موقفي واكثر وتعيش يلي خليتني اعيشو بسببك 🙌🏻
    وخليك متذكر انه الحياة كما تدين تُدان

    • إبلاغرد صاحب الحساب

      حسبي الله ونعم الوكيل

  • رسالة منشورة

    دخيل نظاراتو احلاها