شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    اخويا المحترك والخلوق وال ليه معزه كبيره ف قلبي وبحبه وبتمني ليه ربنا يوفقه دايما ويرزقه الجميل ال زيه ويرضيه ❤️

    • إبلاغرد صاحب الحساب

      حبيبي ربنا يعزك ويكرمك بالخير كله

  • رسالة منشورة

    لولا أن المرأه في إسلامنا مرغوبه لا راغبه يُسعي إليها و لا تسعي هي
    كنت صارحتك بمشاعري وواجهتك بنفسي لكن " وهو علي جمعهما اذا يشاء قدير "
    ف لعل الله يأتيني بك ♥️

    • إبلاغرد صاحب الحساب

      ربنا ييسرلك الخير ويرزقك كل خير، انا مش بفكر حاليا في الزواج ولا مهتم بحد اصلا وراكن الفكرة والموضوع على جنب.

  • رسالة منشورة

    ينفع ابقي جريئه وادخل اول مره اتكلم معاك اطلب طلب او نصيحه ؟

    • إبلاغرد صاحب الحساب

      اتفضل حضرتك لو بايدي حاجة اقدر اساعد بيها باذن الله هعملها وربنا ييسرلك كل خير

  • رسالة منشورة

    جيت ع بالي بقالي كام يوم ومش عارفه قررت ابعتلك
    كل مابتيجي ع بالي بدعليك ديما عشان انت تستاهل كل خير ياخالد
    ربنا يكرمك ويرضيك يارب وتوصل لاحسن مكان وتبقا وزير ذي ماكنت بقولك 🤍

    • إبلاغرد صاحب الحساب

      ربنا يعزك ويكرمك بالخير كله ولك مثل ما دعيتي لو امكنتواصلي معايا ماسنجر

  • رسالة منشورة

    خير الحمد لله ..ولك مثل مادعوت يارب 🌸🌸

  • رسالة منشورة

    الشرف ليا ... ولك مثل مادعوت يارب 🌸🌸

    • إبلاغرد صاحب الحساب

      ربنا يعزك وييسرلك امورك ويجبر قلبك

  • رسالة منشورة

    بقالي فتره بحس اني مخنوقه وعاوزه اتكلم مع حد غريب ليا صحاب الحمد لله بس كل واحد الجواز والعيال غيرتو أو بمعني اصح مشاغل الحياه عارف احساس انك تحكي لحد غريب عن مشاكلك وبعدين تمشي وانت مطمئن لانو ولا عارفك ولا هيشمت فيك ولا هيسفاد حاجه كانك حكيت عن كل ال خنقك ف ورقه وطلبقتها ورمتها ...احساس انك بتكبر ومش عارف انت المفروض تعمل اي الفتره الجايه .. انك مش عارف ماشي صح ولا غلط طب السنين بتعدي وانت هتعمل اي فيها ... انا الحمد لله دكتوره وربنا كارمني بس احساس الوحده مسيطر عليا الفتره دي اوي .. واني اتعودت اسمع اكتر متسمع ..انا مخنوقه ...

    • إبلاغرد صاحب الحساب

      ربنا يعزك ويكرمك بالخير نفس الاحساس واصل للواحد بس هي كده الدنيا واللي مطمن الواحد إن ربنا كاتب لكل واحد فينا رزقه وكل حاجة خاصة بيه في وقت معين مناسب ليه هو كل واحد بياخد نصيبه ورزقه في الوقت المناسب اللي ربنا شايفه مناسب ليه ربنا بيمنع عننا حاجات يمكن نفسنا فيها وبعدين ممكن نكتشف انها كانت ممكن تضرنا او اننا كنا محتاجين نمر بحاجة الاول عشان ندرك قيمة اللي جاي.. واي كان تشرفيني في اي وقت وربنا ييسرلك الخير ويكرمك بالخير كله ويجبر قلبك ويعوضك عن اللي فات ويرضيكي

  • رسالة منشورة

    لسه عارفه حضرتك من قريب بس اهم نصيحه قدر نفسك وخلو نفسك رقم واحد. اهم حاجه صحتك النفسيه وسلامك النفسى ومتقبلش بحاجه اقل منك ولو فيه حد حاول يتمكن منك باسلوبه الوحش تجاهل وابعد عنهم اهم حاجه تبقى رايق فنفسك

    • إبلاغرد صاحب الحساب

      شكرا جدا

  • رسالة منشورة

    اعمل الصح بصوت غسان مطر 😅

  • رسالة منشورة

    نفسى اذاكر كويس واجيب امتياز ان شاء الله
    بس عندى حكايه التسويف والتأجيل والكسل واروح من الجامعه رغم انه فاضى طول اليوم بس بقول ااجلها لاخر الاسبوع بالمره كسل فظيع وزى ما اكون خايف ابدا مذاكره ومكسل وبفضل امسك الفون واشوف تفاهات الفيس طول اليوم لحد ما يضيع بجد ساعدنى

    • إبلاغرد صاحب الحساب

      اولا احييك وبشدة على دا كون انك معترفة ان في مشكلة عندك وتقصي وبتجاهدي نفسك عشان تعملي حاجة
      ثانيا قسمي وقتك خلي وقت للعب ووقت للتليفون وقت للمذاكرة ووقت لنفسك
      مش لازم مذاكرة طول الوقت الفكرة انت عاوزة تجيبي امتياز ونفسك صح ؟
      طب الامتياز محتاج ايه ؟
      هل مذاكرة وبس واحفظ كلمتين واجيب امتياز وبعد كده انسى ولا كأني عملت حاجة ؟
      ولا إني ابني واحدة واحدة وافهم كويس اللي انا بدرسه واحبه واهم حاجة احبه ويبقى في شغف بيه ، العلم حلو قوي والمذاكرة حلوة لما بتتعبي في حاجة وبتفهميها بتحسي بمتعة جميلة جدا ، توكلي على الله واستعيني بالله وابداي ومثلا ذاكري ساعة الا ربع وافصلي 10 دقايق كده ، ومتنسيش قبل المذاكرة وقبل اي حاجة حق ربنا عليك ورضا والديك عنك وبالتوفيق لكل خير باذن الله.

  • رسالة منشورة

    I miss your nice talk

    • إبلاغرد صاحب الحساب

      مين ؟؟؟

  • رسالة منشورة

    متزوج؟

  • رسالة منشورة

    اكتر وقت بتستمتع بيه؟

    • إبلاغرد صاحب الحساب

      لما اعمل حاجة بحبها

  • رسالة منشورة

    اكتر اكله مفضله؟

    • إبلاغرد صاحب الحساب

      ملوخية او بامية

  • رسالة منشورة

    💙✨

  • رسالة منشورة

    You are great

    • إبلاغرد صاحب الحساب

      مين بقى ؟

  • رسالة منشورة

    who😐🤦🏻‍♀️

    • إبلاغرد صاحب الحساب

      I know but I'd like to hear it from you directly

  • رسالة منشورة

    You are the bright star in the dark sky, I always wish you success, And you remain the light of ♥♥♥my life

    • إبلاغرد صاحب الحساب

      thank you
      who?

  • رسالة منشورة

    عن دي #

  • رسالة منشورة

    مفيش جديد؟

    • إبلاغرد صاحب الحساب

      عن ايه بالضبط؟

  • رسالة منشورة

    #

    • إبلاغرد صاحب الحساب

      تواصلت مع حد لعل وعسى بطريقة غير مباشرة يخليه يسأل لو مكنش يعرف اصلا / إنما لو كان يعرف ومسألش فهنحاول نشوف طريقة باذن الله والله المستعان

  • رسالة منشورة

    قمر ماشي ع الارض 😍🤍

    • إبلاغرد صاحب الحساب

      الله يعزك

  • رسالة منشورة

    😍

  • رسالة منشورة

    احلي خالد ف الدنيا كلها الاصل والجدعنه والاحترام والاخلاق ❤️ ربنا يعزك دايما ي صديقي ويسر ليك كل ال تتمناه ويجعله ليك بخير ❤️

    • إبلاغرد صاحب الحساب

      حبيبي واياك يارب

  • رسالة منشورة

    انت محترم يا خالد والله انا بحبك لله ف لله من غير اي حاجه انت من الناس الخفيفه الي بتحب الخير لغيرها فلازم يتردلها اتمنا كل خير يحبيبي وتبقي من اسعد الناس ديما ❤️❤️

    • إبلاغرد صاحب الحساب

      واياكم يارب

  • رسالة منشورة

    انزل هات اوردرات يا خالد

    • إبلاغرد صاحب الحساب

      نزلت وكنت ع وشك بس الضريبة ردت في صدري عملت مرتجع

  • رسالة منشورة

    مساء الخير يادكتور كنت عايزه اسالك عن حاجه بحكم اني شايفك مشاءالله حد محترم وناجح
    انا خريجه قسم فيزياء وحاليا بشتغل ف مجال التدريس بس انا مش لاقيه نفسي فيه هل ممكن تفدني ايه مثلا الكورسات اللي ممكن اخدها ف مجالي دا او ممكن الاقي شغل تاني بالتخصص بتاعي دا؟
    وشكرا ليك مقدما وربنا يكرمك يارب 🤍

    • إبلاغرد صاحب الحساب

      صباح الخير
      شكرا لحضرتك انا باول اسعى بس وربنا يعزك على كلامك بس حضرتك الافضل شوفي حد في تخصصك هيفيدك عني وهيوجهك صح وشوفي نفسك انت لو مش حابة التدريس طيب حابة تعملي دراسات عليا مثلا عشان ايه وليه ؟؟؟ حددي هدفك الاول وايه اللي هتعمليه عشانه وخطواتك واعرفي ان مش لازم كل حاجة بنسعى ليها تكون هي الخير لينا لعل المنح في المنع وربنا بيمنحنا الحاجة المناسبة لينا في التوقيت الصح وربنا ييسر لحضرتك الخير

  • رسالة منشورة

    بحبك اوى وبحس براحه غير طبيعه لما بشوفك بجد او اشوف اي رياكت منك ع حاجه عندي
    ربنا يكرمك ويسعد قلبك يارب ويكتبلك كل الخير والهنا والسعادة اللي في الدنيا كلها يارب 💙🤲🏻

    • إبلاغرد صاحب الحساب

      الله يعزك ويجبر خاطرك ويسعد ايامك بالخير ..
      شكرا جدا على الكلمات اللطيفة اللي اسعدتني واسعدت يومي

  • رسالة منشورة

    جاء في حديث المصطفى ﷺ فيما رواه جابر بن عبد الله عنه، قال: إذا حدَّث الرَّجل الحديث ثُمَّ التفت فهي أمانةٌ[رواه الترمذي
    #تذكرة فقط

    • إبلاغرد صاحب الحساب

      مش محتاج تفكرني

  • رسالة منشورة

    انت تستاهل الخير كله والحب الي في الدنيا ربنا يسعد ايامك ويفرح قلبك ويحقق ليك ما تتمني يارب❤️❤️

    • إبلاغرد صاحب الحساب

      حبيبي تسلملي يارب ❤️ ربنا يسعد ايامك ويجبر خاطرك ويفرح قلبك دايما ❤️

  • رسالة منشورة

    الحب الحب شوق الشوق خالد بحبك خمسه مواه

    • إبلاغرد صاحب الحساب

      حبيبي يا صاحبي

  • رسالة منشورة

    انت عارف انى بحبك ف الله ياض يا علق 😂

    • إبلاغرد صاحب الحساب

      حبيبي تسلم يا دكترة

  • رسالة منشورة

    300#
    جاوبه على صراحة

    • إبلاغرد صاحب الحساب

      مشوفتش منه الا كل خير فحكاية امساكه او كرمه د تختلف من شخص للتاني ومحدشيقدر يحكم عليها كل واحد فينا بيترف وفق الظروف والاولويات اللي عنده

    • إبلاغرد صاحب الحساب

      300#
      متقلقش مبلغتش ولا قولت حاجة وربنا ييسرلكم الخير

  • رسالة منشورة

    انسان مريح وعندك كاريزما وقبول غير طبيعي بجد بتمنالك التوفيق من كل قلبي بجد
    بتمني اتعرف عليك اكتر بس مش عارفه ابدا اكلمك ازاي 😂 مع انك بتعملي رايكت ع كل استوري(استوري عاديه يعني مش بنزل صوري) هل دي اشاره ولا انت بتعمل كده مع كل الناس عادي 😂🤔

    • إبلاغرد صاحب الحساب

      الله يعزك انا مش عارف حضرتك بس اي ستوري حد منزلها وبتعجبني بعمل عليها ريأكت والله

  • رسالة منشورة

    لو تقدر تفيدني ي دكتور خالد اني اعمل C.V كويس اخد كورسات اي وهل لو اتدربت ف معمل مثلا دا بيكون كويس لو كتبته ضمن الC.V !
    مش عارفه ابدا منين مع العلم لسه مستوي تالت

    • إبلاغرد صاحب الحساب

      لو حضرتك ناويه تكملي تحاليل اتدربي في معمل وخودي الخبرة واللي شغالين تحاليل هيفوديكي احسن مني، اما لو ناوية حاجة تانية فالافضل تحددي انتي عاوزة او حابة تكملي ايه بعد كده ومن خلال المسار اللي حضرتك حاباه لنفسك نقدر نقول وقتها ممكن تبداي بايه؟

  • رسالة منشورة

    مساء الفل ياصديقي،متي تسافر؟

    • إبلاغرد صاحب الحساب

      مساء النور ؟ على فين ؟

  • رسالة منشورة

    يمكن اللي شدني من البداية اصلا ابعتلك ادد اسمك علشان بحب الاسم وانك خريج علوم ف اللي هو بجمع زمايلي بختلاف الدفعات😂💖ما علينا حبيت بس اقولك تشرفنا بمعرفتك ي دكتور خالد حتي لو انت متعرفنيش

    • إبلاغرد صاحب الحساب

      الله يعزك الشرف لينا نتعرف ياباشا يزيدني الشرف

  • رسالة منشورة

    بتكراش علي مين يا خلود

    • إبلاغرد صاحب الحساب

      محدش عارف حاجة ومحدش فاهم حاجة

  • رسالة منشورة

    Its perfect to know someone like you

    • إبلاغرد صاحب الحساب

      .Thank you, for your generous

  • رسالة منشورة

    أنت شخص محترم جدا و جدع و ابن ناس ما شاء الله عليك بجد ربنا يرزقك الخير و السعاده و الرضا دايما ان شاء الله

    • إبلاغرد صاحب الحساب

      الله يعزك ويكرم اصلك

  • رسالة منشورة

    يعني ايه كنو

    • إبلاغرد صاحب الحساب

      اسف فكرتك محمد الكناني اخو صاحبي وصاحبي الصغنن

  • رسالة منشورة

    حد جميل

    • إبلاغرد صاحب الحساب

      شكرا يا كنو

  • رسالة منشورة

    انا ليه بتضايق لما بشوفك بتعمل كومنت او ريأكت ل بنت.. أي السخافة اللي انا فيها دي

    • إبلاغرد صاحب الحساب

      مش عارف بس ربنا ييسرلك امرك ويرزقك الخير

  • رسالة منشورة

    انا كمان حلمت بيك وكنا مرتبطين 😂😂

    • إبلاغرد صاحب الحساب

      (لعل الله يحدث بعد ذلك امرا)

  • رسالة منشورة

    صباح الخير..
    أنا النهاردة حلمت بيك معرفش السبب بس الحلم كان كويس، من قلبي بتمنالك التوفيق

    • إبلاغرد صاحب الحساب

      صباح النور ربنا يبارك لك ويحفظك ويسعد قلبك بالخير زي ما اسعدتني بعتذر ع التأخير

  • رسالة منشورة

    لازم تاكل جميع انواع الاكل 🌚🌚🌚

  • رسالة منشورة

    ممكن تعرفني عيد ميلاده امتي اكلمه بحجة اليوم دا واشوف كده

    • إبلاغرد صاحب الحساب

      للعلم بعتله كل اللي اتبعت من فترة .

  • رسالة منشورة

    رأيك اروح اكلمه ولا مش هيرد عليا؟

    • إبلاغرد صاحب الحساب

      حضرتك الافضل تاخدي خطوة عشان متفضليش معلقة نفسك.

  • رسالة منشورة

    لو عجبك اعتبره ليك

    • إبلاغرد صاحب الحساب

      شكرا ...

  • رسالة منشورة

    لو عجبك اعتبره ليك

    • إبلاغرد صاحب الحساب

      واو .. اعتبره ليا وهو مش ليا ؟؟

  • رسالة منشورة

    وهبته القلب واديته حنين عمره ماكان يحلم بحد يحبه يوم قدي!!!

    • إبلاغرد صاحب الحساب

      جميل جدا ...
      مين ؟

    • إبلاغرد صاحب الحساب

      الكلام دا اكيد مش ليا .. صح ؟

  • رسالة منشورة

    شخصية مريحة جدا ف التعامل..جدا

    • إبلاغرد صاحب الحساب

      ربنا يريح بالك وييسرلك امرك

  • رسالة منشورة

    ربنا يقدملك دايما اللى فيه الخير انت تستاهل ياخالد كل خير

  • رسالة منشورة

    حضرتك بتفضل صاحي لوقت متأخر امال بتنزل الشغل بدري ازاي

    • إبلاغرد صاحب الحساب

      عاطل وبدور ع شغل بسبب قرارات غلط منها اني افضل مستني منحة الاكاديمية اللي كان المفروض نستلم ف فبراير فتاجل لمارس وحاليا لابريل وضيع مني شغل في الامارات عشان قرار اهبل اتاخد على عجالة والحمد لله فدعواتك

  • رسالة منشورة

    لو حد غالي عليك وكان المفروض انك كمان غالي عليه تجاهلك و غاب عنك 86 يوم بقصد من غير سبب واضح تماما يكون رد فعلك ايه لما تشوفه تاني؟ ترحب بيه؟ تتجاهله؟ تعمل نفسك مش شايفه؟ ولا تعاتبه؟ ولو جه هو كلمك تعمل ايه؟ ولو عاملك كإن حاجه محصلتش تعامله ازاي؟
    مع الاخذ في الاعتبار ان رغم زعلي منه وموقفي تجاهه الا انه مازال غالي عليا وبحفظله الود
    انا بثق في رأي حضرتك جدا واللي هتقوله هعمله ياريت تفيدني🤍

    • إبلاغرد صاحب الحساب

      شكرًا ليكي.
      طب هو غاب 86 يوم .. هل انت فكرت انك تسالي عليه؟؟ تشوفي سبب الغيبة ايه؟؟
      ممكن يكون في حاجة شغلته مش عاوز يتكلم عنها؟؟ او انشغل في حاجة واتلهى؟؟
      اما ان تلتمسي العذر وتسيبي الشخص دا لما يحكيلك هو او تتناسي الموضوع ...
      ليا صاحب بنغيب بالشهور ولما بنتقابل كاننا سايبين بعض من دقيقة ملتمسين العذر اللي حابب يحكي اللي شغله بيحكي واللي مش حابب عادي بنقدر دا ما بينا..

  • رسالة منشورة

    كل مره بتأكد اكتر انك شخص محترم واللي زي حضرتك بقوا قليلين🤍

    • إبلاغرد صاحب الحساب

      الله يعزك شكرًا لذوقك

  • رسالة منشورة

    انتم متخانقين ولا ايه؟ بسببي!

    • إبلاغرد صاحب الحساب

      لا والله نتخانق ليه بس

  • رسالة منشورة

    السلام عليكم
    دكتور ابراهيم خطب مش كده

  • رسالة منشورة

    النهاردة حصلتلي نكسة جديدة.. مكنتش قادرة اتمالك نفسي الحقيقة اول حد فكرت فيه ابعتله لاني يعتبر ماليش أصحاب.. بس في جوانب كتيرة كانت بتقول انه مينفعش نظرا لان الإنسان تقيل وكده.. مش عارفة دي هشاشة نفسية واللا عشان يعتبر كنت اول حد يسمعني من غير ميقولي كلام يأذيني اكتر.. أنا بعتذر لأن اكيد عندك حياتك ومش فاضية للدرجة اللي تخليك تستحمل انتكاسات واحدة متعرفهاش بس برده لسبب معرفوش ببعتلك دلوقتي ... شكرا انك كنت موجود.. وشكرا برده انك سبت أثر كويس يخلي واحده متعرفكش اول متقع تفكر فيك

    • إبلاغرد صاحب الحساب

      ربنا ييسرلك ويزيح عنك هو الحقيقة انا منتكس جدا بسبب قراراتي الغلط اللي اخدتها ويمكن عشان محدش سمعلي وقدر اصلا الغالب كان بيتعامل باستهزاء رغم ان المشكلة بالنسبة ليا مش كده فاتعودت ان لازم تقدر انتكاسة غيرك ممكن انت بالنسبة ليك تبقى بسيطة بس غيرك لولا انها كبيرة بالنسبة له مكنش حصله اذى بسببها .. فشكرا ليكي على ثقتك وهدعيلك دايما ربنا يفك كربك ويراضيكي وهوني على نفسك عشان عن تجربة انت اللي هتتعبي اكتر ربنا ييسرلك امرك ويسعد ايامك ويرزقك ما يرضيكي

  • رسالة منشورة

    هو حضرتك بتدعيلي بتتريق عليا علشان دي حاجه غلط ولا بتدعيلي بجد!

    • إبلاغرد صاحب الحساب

      بدعي بجد الدعاء مينفعش فيه استهزاء ابدا

  • رسالة منشورة

    عشان الصورة والكلام مش هعرف اعمل رد عليهم بس انا بعتله وربنا يعينك وييسرلك الحال

    • رسالة منشورة

      بمعني:
      تامر عاشور لما قال؛
      -انا بعاتب صورها سعات علشان ارتاح
      او وهو بيقول:
      -وانادي ليه واقول ياريت لو اجي في باله لا بنساه ولا معاه ودي المعناه...
      + حلمت بيه كتير واخر مره جالي في الحلم كان بيغنيلي ( عيونه لما شاغلوني)! بس انا كنت زعلانه منه ومش معبراه

      • إبلاغرد صاحب الحساب

        الله معكم مع اني برده مش فاهم

    • رسالة منشورة

      I miss him more than he think, more than any thing

      • إبلاغرد صاحب الحساب

        بمعنى ؟

    • رسالة منشورة

      تمام انا هتصرف معاه هو لسه مشافش حاجه😂⚔️

      • إبلاغرد صاحب الحساب

        ماشي الله يعينك ويسهلك طريقك للخير

    • رسالة منشورة

      مكنش قصدي اقول كلام يزعله بس هو اللي مزعلني لكن في الحقيقه هو جميل اوي في عيوني ياتري هو عارف مين اللي بيبعتله هنا؟

      • إبلاغرد صاحب الحساب

        مش عارف حضرتك يفضل لو في حاجة تبقى معاه وانا اسف مش هوصل حاجة تاني

    • رسالة منشورة

      ينفع تقوله ان اخر صوره نزلها وحشه والاحسن يمسحها عشان بس اتحرجت اكتبهاله في الكومنتات قدام الناس واي كل الرجاله اللي بتجامله دي😂😂

      • إبلاغرد صاحب الحساب

        احنا معاييرنا لاصحابنا في صورهم مختلفة وجوده في الصورة لوحدها دي حاجة كويسة واي كانت الصورة اللي اي صديق بينزلها فبنحترم رغبته لانها اختياره هو وطبيعي الاصدقاء بيرفعوا من روح بعض في العادي

    • رسالة منشورة

      معجب بحد

      • إبلاغرد صاحب الحساب

        الظروف مش مخلية مجال ان الواحد يسمح لنفسه أنه يعجب بحد.

    • رسالة منشورة

      كنت احب اعرف عيد ميلاده امتي علشان اجيبله هديه تفرحه هو يستاهل كل حاجه حلوه🌷🌼

      • إبلاغرد صاحب الحساب

        شكرا لحضرتك لكن بعتذرلك

    • رسالة منشورة

      يادكتور أساء إليّ من احسنتُ إليه وأوجعني! ازاي اتصرف معاه بعد كدا لما اشوفه

      • إبلاغرد صاحب الحساب

        اعتزل ما يؤذيك .. كلنا غرباء نلتقي احيانا ونفترق احيانا اخرى

    • رسالة منشورة

      سلملي عليه كتير وقوله اني بدعيله هيكون بخير دايما ان شاء الله

      • إبلاغرد صاحب الحساب

        حاضر والله انا معرفش حضرتك بس هوصله الرسالة وجزاك الله خيرا جعله الله في ميزان حسناتك ولكم مثل ما دعوتم بالخير

    • رسالة منشورة

      اخدت بالي بعد ما بعتها ربنا يباركلك بس هو ليه مختفي بقاله فتره هو تعبان؟ او مشغول في حاجه؟

      • إبلاغرد صاحب الحساب

        لا بخير والله مفيش حاجة

    • رسالة منشورة

      ليه مطمنتنيش عليه هو مش بخير؟

      • إبلاغرد صاحب الحساب

        حضرتك راجع الرد ع السؤال اللي قبل كده هتلقي فيه ردين الاول اني بعتله واول ما يرد هعمل رد تاني والتاني رديت انه بخير وجزاك الله خير

    • رسالة منشورة

      تمام👍

    • رسالة منشورة

      ممكن تطمنا علي دكتور ابراهيم علي الالفي ويكون جزاك الله كل خير

      • إبلاغرد صاحب الحساب

        حاضر .. بعتله واول ما يرد هعمل رد تاني

      • إبلاغرد صاحب الحساب

        جزالك الله خيرًا هو بخير الحمد لله في زحام من النعم شكرًا لسؤالك

    • رسالة منشورة

      ربنا يحفظك انت شبهي ياخالد اوي ويمكن دا حاجة كويسة عشان اطمنك أن كل اللي بيزعلك هيكون بس درس فحياتك واللي هتلاقيه بعد كده الحب الحقيقي لانك لتبحث عنه فكل شيء

      • إبلاغرد صاحب الحساب

        ربنا يعزك ويسعد قلبك

    • رسالة منشورة

      قد يبدو الموضوع مش منطقي شويتين لكن انت تقريبا ف بالي بقالك مدة مش صغيرة،علي الرغم من اني متعاملتش معاك، مش عارفة يمكن صدفة لكن من غير أي داعي حابة اقولك ربنا يوفقك

      • إبلاغرد صاحب الحساب

        قد يبدو الموضوع مش منطقي لكن لعلها معية الله جعلك سببا في الدعاء لي وادخال السرور على قلبي وفقك الله واسعدك ويسر لك امرك.
        شكرًا

    • رسالة منشورة

      صباح الخير
      معنديش الجرأة اللي تخليني ابعتلك برايفت لكن من فترة مش صغيرة حبيت اشكرك ع الايجابية اللي انت فيها لأن من غير متقصد أثرت عليا
      وكأنك كنت ب استوريهاتك وبوستاتك رسالة امل من ربنا ليا
      شكرا واستمر وشكرا تاني وتالت

      • إبلاغرد صاحب الحساب

        شكرًا ليك /ي ربنا يبارك لك ودايما في نجاح وتفاؤل باذن الله

    • رسالة منشورة

      عاوز اقولك انك شخصية محترمه وفطرتك سليمه وبتحب تساعد غيرك ومجتهد جدا وان شاء الله تلاقي الخير كل الخير في حياتك

      • إبلاغرد صاحب الحساب

        تسلم يارب ربنا يعزك ويبارك في عمرك ويرزقك الخير والسعادة ويجبر خاطرك

    • رسالة منشورة

      انت اجدع شخص قبلته في حياتي بجد انت جدع ومحترم وشخصيه نضيفه وبجد انت تستاهل كل خير ❤️

      • إبلاغرد صاحب الحساب

        الله يعزك ويعلى قدرك ويبارك في عمرك ويجبر قلبك

    • رسالة منشورة

      انا قابلتك مرتين
      بس انت اكتر شخص محترم ومحب وبتحب تساعد كل شخص ربنا معاك ويوفقك ويارب دايما تكون في أحسن احسن مقام وربنا يذيدك رفعه ويارب دايما من نجاح لنجاح

      • إبلاغرد صاحب الحساب

        الله يعزك ويبارك في عمرك ويفرح قلبك زي ما فرحتني شكرا جدا لحضرتك

    • رسالة منشورة

      اخبارك اي الاول؟ وممكن تقولي اخد كورسات انجلش واي سي ديل افضل مكان فين

      • إبلاغرد صاحب الحساب

        الحمد لله
        انجليزي لو كلغة تحسين مستوي ممكن تذاكر مع نفسك نزل برنامج زا امريكان واشتغل عليه اما بقى لو قصدك امتحان عشان ايلتس فممكن تتابع موقع السفارة البريطانية هتلقى عليه ماتريال كاملة عاملين دروس عليه من مستوى المبتدا وحجتى ال native وبالنسبة للجرامر فكتاب Grammer in use من افضل الكتب
        لو توفل محلي فالامر سهل كتاب لونج مان
        لو توفل دولي هتلقى ماتريال كتير ع النت
        بالنسبة لل ICDL ممكن تاخدها تبع مكتب الحساب العلمي

    • رسالة منشورة

      الجامعة المصرية الصينية
      القاهرة .. الاعلان من موقعهم 19/9/2020

      وظائف: معيد - مدرس مساعد - مدرس
      أقسام متعددة بكليات :
      ⊙ الهندسة والتكنولوجيا ⊙ العلاج الطبيعي
      ⊙ الإقتصاد والتجارة الدولية

      تقديم الطلبات والتسجيل عبر الرابط ▽
      حدد نوع الوظيفة ثم الكلية والتخصص المطلوب ، واملاء البيانات ..
      https://www.ecu.edu.eg/careers/

      يمكن تقديم الطلبات شخصيا بمقر الجامعة
      أو إرسال الأوراق بالإيميل
      info @ ecu. edu. eg
      وكتابة الكلية والتخصص بخانة الموضوع
      ~ ~ ~

      • إبلاغرد صاحب الحساب

        شكرا لحضرتك بس للاسف منفعش انا قسم حيوان تخصص علوم بيئية فالشهادة مكتوب فيها علوم بيئة فقط ومش مكتوب القسم وكعلوم بيئة في المنصورة كانت الدراسة تعتبر بيولوجي عام مش تخصص قوي بالدرجة اللي هي في حين بقية كليات العلوم كعلوم بيئة قسم مستقل بذاته وبيدرس تخصص التخصص فشكرا لحضرتك علي المساعدة

    • رسالة منشورة

      انا عايزه اتكلم مع حضرتك لكن محرجه..
      كنت عايزه استفسر عن حاجه
      انا دلوقتي قسم ميكروبيولوجي ومن أهدافي اشتغل في تصنيع المضادات الحيويه ان شاء الله بعد التخرج
      ف كنت حابه اعرف ايه المؤهلات او الدبلومات الل المفروض اخدها عشان اعمل كده
      وحضرتك اكيد ليك اصحابك نفس قسمي وعملوا حاجه شبه كده او اشتغلوا ف شركات ادويه
      اتمنى تفيدني وشكرا مقدما

      • إبلاغرد صاحب الحساب

        وعليكم السلام
        حضرتك تحت امرك وبالتوفيق باااذن االله التصنيع في الغالب بيبقي طالبين كيميائي او صيدلي لكن في رقابة ع التصنيع اللي هو قسم الجودة بيبقوا طالبين يا ميكروبيولوجي يا كيميائي الغالب بيبقوا طالبين فريش دورات بقي وكده فالاحسن تشوفي دورات ف الجودة شوفي النقابات زي نقابة اسكندرية بتدي دورات زي الايزو وكده د ممكن تفيدك لبعدين غير كده بما ان حضرتك ميكروبيولوجي ممكن لما تخلصي قدامك كذا اتجاه تاخدي دبلومة الميكرو بيولوجي وتشوفي شغل ف نفس الوقت وبعدها تاخدي معادلة كيمياا لو محتاجاها او تحضري ماستر في حاجة ريلاتد بالشغل بتاعك

    • رسالة منشورة

      حساك شخص طموح
      ف ربنا يوفقك ويحققلك كل اللي بتحلم بيه

      • إبلاغرد صاحب الحساب

        الله يعزك وييسرلك الخير

    • رسالة منشورة

      ربنا يوفقك يا رب ويكتبلك الخير اينما كنت ويصلح حالك
      استمر واياك تيأس وربنا هيعوضك خبر ويكرمك بإذن الله

      • إبلاغرد صاحب الحساب

        الله يعزك .. شكرا جدا ربنا يجبر بخاطرك

    • رسالة منشورة

      بلاش تزعل نفسك لاي سبب انت جميل الروح

      • إبلاغرد صاحب الحساب

        حبيبي تسلم

    • رسالة منشورة

      ماتزعلشي ربناعاينلك خير كبير والله

      • إبلاغرد صاحب الحساب

        ان شاء الله

    • رسالة منشورة

      محترم جدا وخدوم وجدع
      خليك كدا وعافر على حلمك هتوصل باذن الله 🌸

      • إبلاغرد صاحب الحساب

        ان شاء الله

    • رسالة منشورة

      ربنا يوفقك وينجحك يارب ويجبر بخاطرك ويحققلك اللي نفسك فيه أن شاءالله

      • إبلاغرد صاحب الحساب

        تسلميلي يارب

    • رسالة منشورة

      محترم جدا وخدوم وجدع
      خليك كدا وعافر على حلمك هتوصل باذن الله 🌸

      • إبلاغرد صاحب الحساب

        الله يعزك .. شكرا كتير

    • رسالة منشورة

      عايز اجبلك زغلوله

      • إبلاغرد صاحب الحساب

        ماشي يا محمود

    • رسالة منشورة

      جدع ومحترم وطيب واي حد يتمني يبقا صاحبك ويتشرف بمعرفتك 🤍🤍

      • إبلاغرد صاحب الحساب

        الله يعزك ويكرم اصلك🤍🤍

    • رسالة منشورة

      صباح الخيرات والرضا 😂⚘

      • إبلاغرد صاحب الحساب

        صباح الرضا والسعادة 😂⚘🌹🌹🌹🤍🤍🤍🤍🤍🤍

    • رسالة منشورة

      طيب وجدع جدا ع فكرة مش هنسى وقفتك جمبى ودعمك ليا ربنا يكتبلك الخير ويسهلك كل امورك
      ربنا يبارك ف مامتك واخواتك وتفضلوا سند لبعض
      شكرا جدا ع كل حاجه 🌹🖤

      • إبلاغرد صاحب الحساب

        الله يبارك لك في عمرك من الناس اللي لازم تتساعد الناس الطيبة اللي معدش في منها كتير الايام دي اللي مفيش في قلبها لا غل ولا حقد ولا نفاق ولا بتظهر الخير وتبطن الشر ربنا يجازيكي خير ويسهلك امورك ودايما في احسن حال ونجاح باذن الله هتوصلي لحلمك وهدفك ... الشكر لله الله يعزك ويحفظك 🌹🖤

    • رسالة منشورة

      د. خالد يعني اللي الواحد يعتمد عليه بجد ومساعده الغير دي حاجه اساسيه عنده اللي هو لو ميعرفش هيدور ويساعدك مش معرفش وخلاص لاء حد بجد علي خُلق ربنا يكرمك بكرمه يارب ويوفقك فحياتك يارب 💖💖

      • إبلاغرد صاحب الحساب

        الله يباركلك يارب وييسرلك حالك وينفع بك 💖 شكرا علي الكلام دا

    • رسالة منشورة

      اكتر حاجة تزعلني ان اشيل من حد حاجة وبصراحة انا بحترمك بس باخر موقف صدر منك زعلت منك جدا و قولتلك بس انت نشرت بانك مش عاوز تدخل في نقاش هيوجعلك دماغك فعموما الف شكر ومتقوليش العفو

      • إبلاغرد صاحب الحساب

        طيب اولا الله يجازيكي خير تسلمي يارب 🌻🌻🙏🙏
        ثاني حاجة انا منشرتش حالات تلقيح علي حد خالص 🤦‍♂️😌 وربنا عالم بكده انا الحاجة اللي بتعجبني بنزلها وبس 😂😂😂 مبحطش حد في دماغي اصلا
        ثالث حاجة حضرتك غلطتي فيا 👆😅 وانا مشغلتش بالي بالتلقيح بتاعك 😂😂😂😂
        لكن انا والله ما في دماغي اي حاجة وبرد عادي علي اي حد مش قصدي احراج ولا حاجة 🙏🙏

        رابعا موضوع نقاش ووجع دماغ دا كان واضح نقاش علمي كان حد بيتكلم عن الهيموجلوبين باين وعلاقته مش عارف بكرونا تقريبا فكتبت عن الموقف دا مش اكتر وكانت كوباية الشاي لسه عاملها وهشربها 😂😂😂😂
        مكنتش كوباية شاي تعمل كل ده 😂😂😂😂

    • رسالة منشورة

      انا بحبك خلاص وإنت طيب وجدع بجد ومحدش بيعوزك في حاجه وتقوله لا علشان كده أنا بحترمك جدا ربنا يوفقك في حياتك يا رب ❤️😘

      • إبلاغرد صاحب الحساب

        حبيبتي وبنتي يلا كبيرتي سنة وهتبقي في الثانوي عقبال الجامعة يارب ❤️😘

    • رسالة منشورة

      لا مش احسن رسااة 🙂🙂🙂🙂🙂ياخسارة نبح صوتي مشمقن عليك 🙂😂😂😂😂😂متوقع من واحد زهايمر kHz 😂🙂🙂🙂✋

      • إبلاغرد صاحب الحساب

        ههههههههههههههههههههههههههههههههه

    • رسالة منشورة

      مشمقن عليك 🙂غضبانة عليك ليوم الدين سوف تحلك لعنتي ايها الخالد 🙂🙂متشكرين 😂😂😂😂😂😂😂

      • إبلاغرد صاحب الحساب

        الحمد لله الرسالة برده هي احسن رسالة الحق يتقال

    • رسالة منشورة

      تسلم عيونك ياسيدى 😌

      • إبلاغرد صاحب الحساب

        الله يسلمك

    • رسالة منشورة

      😂😂😂ما احنا عيدنا نعيد تانى 🤔
      خلاص نعايد تانى وتالت
      كل سنه وانت طيب وبالف خير
      وان شاء الله العيد الجاي تكون شغال ومعاك قبضية حلوه وتوزع علينا😂😂
      عيدك سعيد وبهجه يارب🌹🌹

      • إبلاغرد صاحب الحساب

        من عينيا

    • رسالة منشورة

      شخص بشوش ومحترم وعندك طاقه ايجابيه اللهم بارك ربنا يوفقك

      • إبلاغرد صاحب الحساب

        الله يعزك انت قلبك نقي وكويس فشايفني كده 💙

    • رسالة منشورة

      ربنا يسعدك ويعوضك خير اتمنى لك حياه سعيده 🤲

      • إبلاغرد صاحب الحساب

        واياكم خد قلبي 💙😂

    • رسالة منشورة

      واه هي دي كل سنة وانت طيب بتاعتي اذا كان عاجبك 😂😂😂😎😎😎😎

      • إبلاغرد صاحب الحساب

        ماشي ياباشا

    • رسالة منشورة

      تلت تربع ردودك باردة ان مكنش كلها😂ومش مفهوم ملكش كتالوج ولا كميا بس انت عفوي وتلقائي و قلبك هعتبره طيب ومجتهد و نفسك تعمل حاجة بس بحس فيك انك عندك خوف او عدم ثقة من ايه معرفش بس انت كويس والله وهتوصل اعتبرني حد من مشجعينك واللي بيدعمك وبصارحك بكل حاجة حلوك ووحشك اهو 😂 بتمنااك كل خير والله ياخالد عرفتني ولا 😂😂😂

      • إبلاغرد صاحب الحساب

        شكرااااااااااااااااااااااااااااااااااااااااااااااااااااااااااااااااااااااااااااا

    • رسالة منشورة

      ما انا عرفت ان انت معرفتنيش وكده 😂😂😂😂😜😜😜
      4:59😎😂😂

      • إبلاغرد صاحب الحساب

        🙂🙂🙂😂😂😂

    • رسالة منشورة

      شخص محترم وطموح ودى حاجه جميلة ان شاء الله تحقق احلامك وتكون حاجه عظيمه ان شاء الله
      ربنا يسعد قلبك ويبارك ف عمرك يارب وف اهلك
      دمت سالما وع خلق 🌼🌼
      دمتم سالما

      • إبلاغرد صاحب الحساب

        شكرا جزيلا لحضرتك اسعدك الله طبت وطاب قلبك اينما كنت رزقك الله الصحة والعافية وجبر الله قلبك وطيب خاطرك دمت نقي وعلي خلق ...
        حفظك الله وسلمك من كل سوء وادام عليك لين القلب 🌼🌼

    • رسالة منشورة

      شخصيه طيبه ومحترمه وفخر قسم علوم بيئه💚🌷

      • إبلاغرد صاحب الحساب

        حبيبي عيونك الجميلة وقلبك النقي اللي خلوك تقول كده

    • رسالة منشورة

      دكتور خالد انت حد محترم بدرجه كبيره والله وخلوق بجد ربنا يكرمك ويعزك ويوفقك فى كلام كتير بس دى حاجه بسيطه علشان كل شويه ادخل ادوشك بقى😂😂🌺🌺

      • إبلاغرد صاحب الحساب

        ربنا يكرمك وييسرلك الحال وشكرا علي الكلام الحلو د

    • رسالة منشورة

      خالد ايها الخالد😂تقدر تقول علي كائن البوزتيف انرجي 😂😂😂حسيت ان الاكونت فاضي كده قلت املهولك ادعيلي بقا ع الجمايل دي 😂😂😂😎😎مبجبش اتكلم عن نفسي كتير 😂😂😂😂😂

      • إبلاغرد صاحب الحساب

        ههههههههههههههههه وماله

    • رسالة منشورة

      ربنا يرزقك السعادة ويكتبلك الخير وتحقق احلامك ان شاء الله🌹

      • إبلاغرد صاحب الحساب

        واياكم يا ذو القلب الابيض

    • رسالة منشورة

      • إبلاغرد صاحب الحساب

        لو الدراسة وحشاك نرجعك الحضانة

      • إبلاغرد صاحب الحساب

        لو الدراسة وحشاك نرجعك الحضانة

    • رسالة منشورة

      • إبلاغرد صاحب الحساب

        عرفنا انك جايب امتياز في الكانسر خلاص

    • رسالة منشورة

      • إبلاغرد صاحب الحساب

        خلاص ياسيدي شكرا

    • رسالة منشورة

      • إبلاغرد صاحب الحساب

        MAPK / PI3 kinase pathway

    • رسالة منشورة

      انا حبيتك من كل قلبي ❤

      • إبلاغرد صاحب الحساب

        حبيبي الله يخليك تسلم

      • إبلاغرد صاحب الحساب

        بس مين يا حب ؟

    • رسالة منشورة

      • إبلاغرد صاحب الحساب

        بتختبرني يعني ولا ايه ؟

    • رسالة منشورة

      خالد ايها الخالد برده مش هصارحك😂😜 عشان صارحتك قبل كده واديني بملالك الرسايل عشان يبقوا كتير وربنا يقدرنا ع فعل الخير 😂😎

      • إبلاغرد صاحب الحساب

        هههههههههههههههههههههههه

    • رسالة منشورة

      مش هصارحك لا😂😝😜

      • إبلاغرد صاحب الحساب

        لا حول ولا قوة الا بالله

    • رسالة منشورة

      • إبلاغرد صاحب الحساب

        يااااه ال chronic inflammation & cancer الترم السهل اللي كنا مفكرينا تقيل ياليته يعود

    • رسالة منشورة

      خالد ايها الخالد 😂😂انت شخص محترم اكتر حاجة حلوة فيك هي عفويتك وتلقائيتك دي خليك دايما كده وكمان انت ذكي علي فكرة متستقلش بنفسك خليك دايما وره حلمك اينعم حلم غريب تبقي امبراطور بس متستبعدش مفيش حاجة بعيدة 😂😂متزعلش عشان حاجة خسرتها ربنا هيعوضك بالاحسن الحاجة الوحيدة اللي بتشليني منك نسيانك انك بترد وساعات بزعل من كده بس عارفة ان انت مش قصدك شايفاك شخص متسامح وطيب مشوفتش حاجة وحشة منك ربنا يوفقك في حياتك اظن مش محتاجة اقولك انا مين 😂😜

      • إبلاغرد صاحب الحساب

        شكرا كتير احنا علينا نحلم ومش شرط كل الاحلام تتحقق تسلمي وشكرا ع السبورت

    • رسالة منشورة

      غير الصوره دي