-
◌ رسالة منشورة
صباح الخير كنت عايزه اسأل حضرتك عن الشنطه الل على شكل الكوفيه الفلسطينيه اجيبها من فين أو لو ممكن اطلبها اون لاين
- إبلاغرد صاحب الحساب
صباح الفل
من قاف جاليري
-
◌ رسالة منشورة
انت جميلة اوى ما شاء الله ❤️
- إبلاغرد صاحب الحساب
حبيبتي من ذوقك 🥹♥️
-
◌ رسالة منشورة
أنا بقيت ٢٧ سنة ولسه لم يأذن لي الله بالزواج، الجانب ده مسبب لي شعور ثقيل جدا بالوحدة واحتياج الأنس والحنان وإعطاؤه لزوج وأطفال، دعيت كثير ولكن لا جديد للأسف ومفيش حاجة بتكمل، فضلا ادعيلي أنت ومتابعينك يا نيرة لعلكم إلى الله مني أقرب حبيبتي! وجزاكن الله عني خير الجزاء ❤️
-
◌ رسالة منشورة
طريقتك معايا مكنتش لطيفة كأنك بتكلمي من تحت ضرسك والحقيقة أنا معملتلكيش اي حاجة يمكن عشان كنت حابة استفسر عن كذا حاجة ولما لاقيتك من نفس مجالي كنت متحمسة بس انتي كنتي بتطفي حماسي لان كنت بخاف أسألك على حاجة تضايقي
-
◌ رسالة منشورة
ممكن كلمة لحد في اوائل عشريناته تايه وبيدور على نفسه وعنده امل يلاقيها بس مرهق .. عشان كل مايلاقي يلاقي مشاكل وترومات ومصايب .. هي الرحلة كلها الم كدا؟ مفيهاش حاجة حلوة او فواصل طيب؟
-
◌ رسالة منشورة
عدى اكتر من شهر ووعدتينا هتنزلي الحلقة بتاعت حضرتك الأربع ساعات وقولتي آخرها اسبوع وتنزل بس مفيش حاجه نزلت لحد دلوقت متفهمة أنه مش واجب عليكي وده شيء مجاني بس بتكلم عالوعد
-
◌ رسالة منشورة
محتاجة دعوة بظهر الغيب إن ربنا يشفيني من التهاب أذني ويوسع رزقي ويرزقني بالزوج الصالح الهين اللين ويصلح حالي ويهديني ويرزقني بشغل في مكان أحسن مع ناس أحسن
- إبلاغرد صاحب الحساب
يا رب قريب♥️
-
◌ رسالة منشورة
يا نيرة .. جهزت محتوى لكورسات انجلش للاطفال واتدربت كتير بس لسه مش عارفه اسوق لنفسى ازاى ؟
وياريت لو عندك اى نصيحة تخص المجال للى لسه فى بداية الطريق
-
◌ رسالة منشورة
يا نير.. عايزة أبدأ تعليم العربية بالمهارات للأطفال
أعتقد عندي مادة وعلم كويس بس مش عارفة أرتب منهج مناسب للأطفال فعلا فلو تدليني أو ترشحي لي أو تساعديني أكون شاكرة جدا
ورجاء متقوليش كلميني هتحرج 😅
-
◌ رسالة منشورة
نيرة ممكن تقوليلنا ازاى نبدأ فى شغل التدريس ؟ انا خريجة تربية بس مش بشتغل فى مدرسة وكل ما اقول لحد انى هبدأ ادى دروس مثلا يتقال ما انتى مشتغلتيش قبل كدا ومتعرفيش المناهج!
-
◌ رسالة منشورة
حابة أقفل الفيسبوك فترة و مش عارفة بجد حاسة إنه هيفوتني حاجات مهمة ممكن تقوليلي نصيحة
-
◌ رسالة منشورة
ازيك يا نيرة💕
أنا نويت بإذن الله أقدم مجلس في قراءة بعض كتب معينة
الحمد لله حضرت وقرأت الكتاب كويس وبعد المراجع وأحسب اني ملمة بالموضوع بشكل واسع الحمد لله
بس كنت حابة جدا أسمع نصايحك في الخطوة دي💖
-
◌ رسالة منشورة
يعني ايه مصمم تعليمي ؟
-
◌ رسالة منشورة
الغطاء الشفاف اللي على صور السلاسل اللي عملتيها، نوعه ايه وأجيبه منين ويتثبت ازاي في الإطار؟
-
◌ رسالة منشورة
كنت سألتك عن كاميرا ويب للاب وسماعة كويسة سؤالي موصلش؟
- إبلاغرد صاحب الحساب
ابعتي لي رسالة
-
◌ رسالة منشورة
ممكن تردي عليا انا فعلا محتاجة اتكلم مع حد
اديت لزوجي مبلغ كبير يساعده في مشروعه بس مش حاسة تجاهه بالأمان يعني حاسة اني لو تداخلت في مشكلة مع والدته ودا وارد لأنها مش سهلة هيقلب عليا عامة مش حاسة معاه باي امان علطول حاسة انه ممكن يضحي بيا هو بيقول عكس دا بس حاسة اني تسرعت ندمانة وكمان هو بيطلب فلوس تاني قوليلي ازاي احط حد لدا انا دخلي كويس بس لو كنت حاسة معاه بأمان كنت اديته باريحية ساعات كتير بعد مع نفسي واندم خصوصا ان والدته معاها فلوس وممكن تساعده بس هي مش ضامنة مشروعه ممكن ينحج هو كمان لو اخد منها فلوس بيشيل دا علي راسه لكن فلوسي مش بحس دا بيحسستي انه بيشغلي فلوسي وان انا الكسبانة رغم انه لسا بيصرف علي مشروعه ولسا مجيش اي فلوس
انا حزينة وتعبانة بعتلك قبل كدا مردتيش عليا ممكن تردي حتي لو دا مش مكان السوال بس انا بثق في رايك ومعنديش حد اتكلم معاه شكرا ليكي
-
◌ رسالة منشورة
السلام عليكم ورحمة الله وبركاته
أنا طالبة في الفرقة الرابعة بكلية الآداب قسم اللغة الإنجليزية ومما علمناه أنه لا يمكن اتقان لغة أجنبية أخرى دون أن تتقن العربية
فرجاءا ولطفا منك أن ترشحي لي كيف انطلق في علم الصرف والنحو والإملاء والبلاغة
وشكرًا لكِ
-
◌ رسالة منشورة
لو هحفظ قرآن اونلاين
محتاجة أتقن برامج ايه أتعامل بيها؟ ومنين؟
زي زوم وكدة
-
◌ رسالة منشورة
ربنا يباركلك و يحفظك و يرزقك من الخير كله عاجله و آجله.
الproject بتاعك عن اللغة العربية ما شاء الله ملهم خلاني اشوف لغتنا بشكل مختلف بشكل فيه فخر، منظورك عن لغتنا حلو و ذا اثر 🤍
- إبلاغرد صاحب الحساب
الحمد لله♥️♥️
-
◌ رسالة منشورة
ملامح وشك طلعت هادية ولطيفة وكلها سكينة 🤍💙
اتفاجئت بجمالها حقيقي 🤍
ما شاء الله ❤
بس نصيحة صغيرة أتمنى لو قلعتي النقاب عالأقل تحافظي عالخمار ، عشان يبقى حجاب شرعي بس 🤍
ربنا يهدينا ويهديكي ويثبتنا كلنا يارب ❤️
-
◌ رسالة منشورة
كنت عايزة اقولك انك عسولة ورقيقة امبارح فى المحاضرة بس اتكسفت ")♥️
- إبلاغرد صاحب الحساب
عيونك الجميلة ♥️
-
◌ رسالة منشورة
إزاي أعلم أطفالي اللغة العربية؟ خاصة الصغير اللي لسه متكلمش؟
بقرأ كتب وعندي موسوعة بذور وبطاقات بقرأهم له
-
◌ رسالة منشورة
شكلك جميل أوي وملامحك أنيسة :))
-
◌ رسالة منشورة
بقيت أخاف من الناس كلها، ودايما قلبي وجعني
ممكن أعمل ايه يخفف دا؟
-
◌ رسالة منشورة
ربنا يرضى عنك في الدنيا والآخرة .
شكرًا جدًا على مجلس أمس تعلم اللغة العربية كان جميل
- إبلاغرد صاحب الحساب
كان جميل بحضوركم♥️
-
◌ رسالة منشورة
انتى قلعتى النقاب امته؟
- إبلاغرد صاحب الحساب
من أسبوعين
-
◌ رسالة منشورة
هي مش سخيفة و لا حاجة بس أنا عندي استفسار أنا متابعه حضرتك مش من زمان أوي..
من كام شهر كده
هو حضرتك كنتي منتقبه و خلعتي النقاب و لا أنا حصل معايا التباس مع شخص آخر
- إبلاغرد صاحب الحساب
أيوا أنا
-
◌ رسالة منشورة
أحبك في الله كثيرا
معك العربية اسهل
أشعر دائما بخفة في مجلس اللغه العربية
- إبلاغرد صاحب الحساب
الحمد لله ♥️
-
◌ رسالة منشورة
بحب اللغة العربية لكن مدرستش دراسة متخصصة في اللغة، وأعمل الآن كمعلمة لغة عربية. ممكن أطور نفسي فيها ازاي؟
وهل ممكن أطور نفسي أكاديميا فيها بالتعلم الذاتي فقط؟
-
◌ رسالة منشورة
نفسي أحضر المجالس بتاعتك
حاسة الانتظام عليها هيهديني على المستوى النفسي
ممكن تقوليلي ازاي؟
- إبلاغرد صاحب الحساب
إزاي ايه بالضبط؟
-
◌ رسالة منشورة
حبيت أقولك إن فريده وأدهم بيحبوكي جداا ممتنه لدعمك ليهم..لنا عوده يانيره قرييييبه بإذن الله..دعواتك الجميله لنا💕🌹🌹
- إبلاغرد صاحب الحساب
حبايبي♥️♥️
-
◌ رسالة منشورة
عندي تمني، وهو إن يارب تعملي مجموعة جديدة من مجالس العربية للكبار وتكون مناسبة مع مواعيدي وقادرة أستفيد منها أقصى استفادة 🥺
-
◌ رسالة منشورة
ازاي اتعلم كتابة قصص للاطفال؟
-
◌ رسالة منشورة
اتمنى لك حياة سعيدة هنية...لو أمكن تلقي نظرة على طلبات الصداقة لعل يكون لنا نصيب في القبول.
-
◌ رسالة منشورة
اغتنم ذهبك وذهابك ومذهبك
- إبلاغرد صاحب الحساب
🚶♀️🚶♀️🚶♀️🚶♀️
-
◌ رسالة منشورة
كيف لي أن أحدد المسار الذي أرغب في أن أسلكه؟
محتارة بين ٣ مجالات:
التدريس
التدقيق اللغوي
كتابة المحتوى
أحرزت علامة 98٪ في اختبار لتوظيف معلمات اللغة العربية، ولا أعلم ما شعوري تجاه وظيفة التدريس، خاصة وأنني أشعر بأنني لست أهلًا لها.
أعمل حاليا في التدقيق اللغوي، وقد أحببت المجال.
متطوعة في كتابة المحتوى وأرغب في تعلم المزيد عنه.
-
◌ رسالة منشورة
نييييييرة محتاجة تقترحي لي ضروري رجااااااءا...أسماء بنات خفيفة في النطق ونااادرة
-
◌ رسالة منشورة
اذاي اتأكد ان القرار اللي اخدته صح؟ حتي لو انا متأثرة نفسيا
ابطل ندم اذاي
-
◌ رسالة منشورة
لو أنا في دماغي فكرة مجالس لدراسة شيء معين بس متخوفة اني اعرضها لان دايرة المحيطين مش مهتمين اوي ازاي اقدر اوصل للفئة المهتمة فعلا
-
◌ رسالة منشورة
ممكن تفاصيل عن دورة مهارات التحليل اللغوى
-
◌ رسالة منشورة
السلام عليكم أ. نيرة، سأتخرج هذا العام -إن شاء الله- وسأعطي دورات في النحو للمراحل التعليمية المختلفة، فهل هناك خطة معينة لكل مرحلة أستطيع من خلالها أن أنظم شرحي؟
وكذلك خطة منهجية لنور البيان إذا سمحتِ، وجزاكِ الله خيرًا.
-
◌ رسالة منشورة
استشعرت انك مش عايزة تساعدي غيرك بالمعلومة وغريبة الردود ولا مضايقة من الشخصية ف بتتعاملي كده؟
-
◌ رسالة منشورة
هل انا استحق اني اتحب زي ما انا ولا ممكن اكون مستحقش
-
◌ رسالة منشورة
نيره الجميله قابلتك مره واحده بس بجد ممتنه للصدفه اللي عرفتني عليكي وعلي يامن القمر انتي بجد انسانه جميله ولطيفه واتمني نكون اصحاب
- إبلاغرد صاحب الحساب
شكرا خالص ♥️♥️
-
◌ رسالة منشورة
الحقيقة بشكرك جدا على الترشيحات ترشيحات نيرة .. حلقة محمد عبدالباري ممتعة جدا وشعرت اني وجدت كنز كررت سماعها اكثر من مرة
اريد التقوي بالنحو تحديدا وانا ادرس النحو الصغير لسليمان العيوني فهل من تشريح آخر معه ؟
-
◌ رسالة منشورة
ترشيحات لدورات وكتب لتقوية نفسي في النحو والصرف والبلاغة
-
◌ رسالة منشورة
ممكن بعد إذنك تنزلي ترشيحك بتاع تخصص اللغة العربية عشان أستفاد منه؟
- إبلاغرد صاحب الحساب
مش فاهمة، أني ترشيح؟
-
◌ رسالة منشورة
أنا خريحة في كلية الآداب لغة عربية، ومستوايا في النحو والصرف متوسط، ممكن أسمع لمين على اليوتيوب؟
-
◌ رسالة منشورة
إزاي أحدد وقت شغل ميأثرش ع وقت ابني وزوجي وبيتي؟
بشتغل من البيت وفي بداية الموضوع حاساه مرهق جدا وبيأثر بالسلب ع بيتي
-
◌ رسالة منشورة
حبيت مجال التدريس أكثر بسببك 🫶🏼
ربنا ينفع بكِ ✨♥️
-
◌ رسالة منشورة
ممكن تجاوبي على آخر سالة هنا، البنوتة إللي سألت عن ترشيح ناس نتابعها في مجال اللغة العربية، عايزة أحاوط نفسي بالمجتمع دا ومحرجة أبعت خاص.
-
◌ رسالة منشورة
ممكن ترشحيلي بعد اذنك ناس اتابعهم متخصصين في اللغه العربيه او قسم اداب لغه عربيه مثلا بيرشحوا كتب بيقولوا عن دورات مهمه عايزه احاوط نفسي بالناس الي زي كده عشان استفاد منهم و عايزه اعرف لو انا في القاهره اجيب منين كتب للنحو او الاملاء او البلاغه
او الادب اي كتاب للدراسه الخاصه باللغه العربيه عموما او معاجم اشتريهم منين؟ ياريت تردي علي رسالتي هكون شاكره جدا جدا جدا ليكي
-
◌ رسالة منشورة
هل متاح سن مجلس اللغة العربية للصغار من سن 4 سنوات مع العلم حافظ الحروف كلها وبيقرأ ثلاثي وهيكون السعر كام؟
وبالنسبة لطفلة 8 سنين
ولطفل 11 سنة بكام؟
وهل لو مش متاح سن 4 سنوات هقدر أفيد ابني ال 4 سنوات لو دخلت مجلس اللغة العربية للكبار؟
السن 32 بكام؟
وشكرا جدا بستفاد من حضرتك جامد في كل حاجة وحابة أولادي يكونوا معاك
-
◌ رسالة منشورة
اعتمدتى على مصادر التغذية الصحية منين؟
حيث انه فى رغى كتير كدا 😂😂😂
-
◌ رسالة منشورة
كيف أصبح معلمة شاطرة؟
-
◌ رسالة منشورة
مهتمة بموضوع الاختلاط لو هتقراوا عنه او هتدوروا عليه في كتب العرب
-
◌ رسالة منشورة
مهتمة بموضوع الاختلاط لو هتقراوا عنه او هتدوروا عليه في كتب العرب
-
◌ رسالة منشورة
ازاى انجح فى إنى عرف إن الشخص اللى متقدملى ده مناسبنى من غير ما أسأله كتير (لإنى بحس إن اسألتى فى الرؤية بتدى انطباع غير شخصيتى اللى أنا عليها وده بيخوفه منى والموضوع مبيتمش للأسف )يعنى بيعطيله إيحاء بشخصية غير شخصيتى( وأنا أسألتى الكتيرة وخوفى الزايد بسبب إنى عايزه اتطمن ..
-
◌ رسالة منشورة
انا تعبت بجد جبتي اخري من كل حاجه دماغي هتقف من كتر التفكير وعدم الثقه في نفسي وبعدي عن ربنا ايوه انا بعيده عن ربنا ارجع ازاي
اوصل ازاي لمرحلة الرضا
بجد نفسي لحظه تعدي عليا من غير تفكير🥺
-
◌ رسالة منشورة
يا نيرة ممكن تردي عليا لان الموضوع شاغلني
اتفقنا ع الماديات طلبت قاعدة تانية بس حصل ظروف ومجاش ولا اعتذر قبلها فقفلنا الموضوع ،خطب بعدها بشهرمن يومين لقيته عامل رأكت ع استوري الفيس ،بفتح الأكونت عنده لقيته واخد كوتس كتير والبوستس اللي بكتبها وانزلها كوبي بيست عنده،كل يوم تقريبا واتفاجأت إنه فسخ
ده معناه أي؟ هل هيحاول يتقدم تاني ولا محطش الموضوع ف دماغي ؟ لاني بقيت بدخل الأكونت عنده كتير وعايزه اعرف ممكن يرجع تاني ولا اشيل الحوار ده حياتي بقي واخلص
-
◌ رسالة منشورة
عايزه ادخل دار علوم بعد كليتي.. إيه رأيك؟
-
◌ رسالة منشورة
كنتي عاملة إعلان عن كاتبة محتوى للبيدچ، لقيتي حد؟
- إبلاغرد صاحب الحساب
آه لقيت الحمد لله
-
◌ رسالة منشورة
انا محتاجه حد يساعدنى متخصص نفسى لو تقدر تقترحى حد كويس لو سمحتى هكون ممتنه
-
◌ رسالة منشورة
بدايه خبرتك فى انك تلاقى طلاب من دول تانيه بدات من اكاديميات ولا اعلانات لنفسك
-
◌ رسالة منشورة
السلام عليكم يا نيرة 🤍
أنا مش معلمة لغة عربية، أنا معلمة قرآن وعلوم شرعية للأطفال، ف كنت حابة أسألك عن الألعاب الترفيهية والتعليمية وإزاي أتعلم عنها أكتر، لو فيه مصادر أتعلم منها ده أكون ممتنة جدًا.. ألعاب وترفيه وأي شيء عموما يخلي الحلقة ممتعة للأطفال، وايه أفضل برنامج ناخد عليه الحلقات؟
شكرًا لوقتك ومجهودك اللي هتخصصيهم للرد عليا.. إنت حد جميل وأنا بحبك بجد🤍
-
◌ رسالة منشورة
كان في كلام إن محاضرة تعلم اللغة العربية تاني
-
◌ رسالة منشورة
هتعلمي آمن الحروف و القراءة و لا هتستعيني بحد تاني
-
◌ رسالة منشورة
شكرا يا نيرة طمنتيني💖💖
-
◌ رسالة منشورة
وبمناسبه الشغل ع النت ترشحى باقات ايه للنت افضل للفون لو مش متاح راوتر سواء فودافون او اتصالات او وي
-
◌ رسالة منشورة
اولا لانى بحبك
ثانيا لانك حد بثق فيه ثقه عمياء ومتأكده انه هيفيدنى فى النقطه دى
-
◌ رسالة منشورة
طفل ٥ سنين لسة متعلمش القراءة و الكتابة كدة متأخر؟ خلص الحروف ماشاء الله خلصهم بسرعة في اقل من شهر مضطرين نعلمه في البيت ممكن اي نصايح او كتب او قنوات يوتيوب استعين بيها
-
◌ رسالة منشورة
هل عندك فكره عن نضاره ضد الأشعة تحمى العين من الاستخدام الطويل للاب أو اى حاجه تحمى العين من الاستخدام الطويل يوميا
-
◌ رسالة منشورة
مرتبك فى الشهر كام يا نيره 😂
-
◌ رسالة منشورة
السلام عليكم
بدأت أسمع محاضرات بشمهندس أيمن من سنة ونص تقريبا .. ومن وقتها ورغبتي في تعلم اللغة العربية والشعر بالذات تزداد.. أعمل كده ازاي لإني حسيت المصادر على يوتيوب قليلة مش زي اللغة الانجليزية مثلا
-
◌ رسالة منشورة
كنت محتاجه أسألك عن إزاي متخليش الشغل في البيت (تنضيف و غيره عبء علينا خصوصا مع وجود طفل هاي نيد جدا لازق فيك ٢٤ ساعة و حتى نوم مفيش ، بهلك نفسي في البيت حرفيا و هو معايا بس غصب عني لاني مبحبش حاجه متبهدله أو متلغبطه و دا واحد من طاقتي و بحس برضه إني باجي على حقه من اللعب و كدا
و هو نومه صعب جدا ممكن يصحى في الليل اكتر من عشرين مره حرفيا بدون مبالغة
و مفيش حدبيساعد طبعا
و هو أصلا مش بيحب يختلط مع حد من بعيد فقط بس محدش بياخده عني و لا كدا ممكن كلامي متلغبط بس ازاي اكون كويسه و مكرهش نفسي لاني بتعصب عليه من كتر زنه و عياطه و قلت نومه حرفيا حتى لو أنا و هو في البيت مش بتحرك لوحدي بينهار من العياط
-
◌ رسالة منشورة
بتشجعيني على الحياة
-
◌ رسالة منشورة
أتمنى لك راحة البال
- إبلاغرد صاحب الحساب
شكرا ليكِ:))♥️
-
◌ رسالة منشورة
بدرس آداب لغة عربية، كيف أستفيد من فترة الدراسة، أحبك وأحب ما تقدميه لكن معنديش لسه هدف واضح لبعد الدراسة هل تعليم الصغار.. تدقيق.. تعليم أجانب، ما نصيحتك لي و إذا كان هناك شىء مُرشَح منكِ أحب ذلك جدًا وإذا متاح يكون الرد هنا مش الفيس، يومك طيب بإذن الله.
-
◌ رسالة منشورة
سلام عليكم يا نيرة ") ❤️
أنا صاحبة الرسالة اللي رديتي عليها آخر حاجة
كنت عاوزة أقولك إني لسه شايفة ردك دلوقتي (قعدت أتابع شوية وبعدين انشغلت وحالا جه في بالي أدخل أشوف)
أول ما قريت ردك قعدت أعيط!
بشكل مفاجئ، ورغم اني مش فاكرة قوي التفاصيل اللي بعتهالك..
متشكرة حقيقي لسعة صدرك وحسن ردك ")))) ❤️
اتأثرت جدا، وكنت محتاجة أسمع الكلام ده من حد تاني، وأحس إنه ألمي متشاف """
كنت محتاجة الطبطبة دي بدون أي أحكام ")
حبيت أشكرك
أنا حاليا ربنا كرمني وفي زيارة عند أهلي في المدينة المنورة
دعيت كتير قوي إنه ربنا يشفيه ويعافيه ويشفيني ويصلح ما بينا
وأكيد هفتكرك بدعوة هنا ❤️❤️
-
◌ رسالة منشورة
أنا أول مرة أبعت هنا ومكنتش واخدة بالي انك ممكن تردي هنا على الرسائل غير بعد ما بعت
كان قصدي مش حابة تفاصيل رسالتي تنزل على الفيس
حبيت أوضح بس 🥺👈👉
-
◌ رسالة منشورة
السلام عليكم
عندك فكرة عن ازاي تكون البداية في تعليم القراءة و اللغة العربية للصغار ايه الطرق الصحيحة يعني
-
◌ رسالة منشورة
محتاجه رأي حضرتك أنا عايزه أقدم تمهيدي ماجستير بس متحيره أختار علوم لغوية ولا أدبية كله بيخوفني من العلوم اللغوية علشان صعبه وأنا كمان مش أحسن حاجه في النحو بس أنا مش حاسه الأدب ممكن يفيدني كمعلمة يعني
أيه رأيك
ولو عايزة مكان ادرس فيه تعليم العربية لغير الناطقين بها ممكن ترشيح لأماكن لأن محافظتي مفيهاش خالص
-
◌ رسالة منشورة
شكرا انك من غير ما تاخدي بالك خلتيني اغير أفكاري واقتنع ان بيتي أهم واولوية أولى عن اي حاجة
انا من اول ما اتجوزت وانا معتبراه حاجة اضافية مكنش ليها داعي اساسا
وبعدها اما بدات اتأقلم واحب حياتي كدا فضلت بردو مدياها اخر اولوية
شوفتلك رد هنا ع صراحة خلاني بعد كل الشهور دي احس من جوايا اني غلط بجد
وابتدي افكر ازاي ادي حياتي اولوية مع جوزي واني اعقل شوية
شكرا يا نيرة من كل قلبي
- إبلاغرد صاحب الحساب
انا اللي شكرا:)
-
◌ رسالة منشورة
ممكن ترشيح لقصيدة مسموعة منطوقة بشكل صحيح؟
انت حفظت يا مدرك القارات لأنك رشحتيها للأطفال
ممكن حاجات حلوة زيك ❤️
-
◌ رسالة منشورة
نيرة أي رأيك فى تأجيل الخلفة فى أول الزواج، يعني أنا حابة وبتمني أنه نعيش الأول سوا نعدي بتحديات ومشاكل سنة أولى زواج وبعدين بقي نشوف الموضوع ده يعني حابة نعيش حياتنا سنتين تلاتة أربعة 😂 من غير أطفال
عشان مش قد تعب وفرهدة الحمل والولادة والأطفال خالص خالص والتربية
ونفسي أعيش حياتى وأستمتع وانبسط معاه وبس
مش كره ف الأمومة لأ،مش قد تعابها ومسؤليتها
-
◌ رسالة منشورة
ممكن ترشيحات لحاجات حلوة نستمتع بيها وتتبع عادات جديدة في الاجازة؟😁
-
◌ رسالة منشورة
ايه رأيك في الزواج من شخص فارق العمر بينا وبينه ١٠ سنوات لصالح الرجل مع وجود تفاهم ...هل فيه شيء مستقبل ممكن يعيق العلاقة دي...وايه معايير اختيار شريك الحياة عموما من وجهة نظرك🌸
-
◌ رسالة منشورة
في حاجة بتساعدك تكوني أهدأ مع آمن و اليوم يمشي من غير صراخ🫠
-
◌ رسالة منشورة
أحب قراءة الشعر، لم أدرسه. لكني أحب أن أتعلمه و أحفظه لأساعد طفلي الرضيع على تعلمه و حفظه حين يكبر. بم تنصحين؟
-
◌ رسالة منشورة
السلام عليكم، أنا طالبة في قسم اللغة العربية، وعندي مشكلة في القراءة وحتى النطق، تنصحيني بإيه، وهل علم الصرف له علاقة بالقراءة؟ بدأت أتعلم من كتاب (شذا العرف)، في الحقيقة معلوماتي اللي باخدها من الجامعة غير كافية.
-
◌ رسالة منشورة
نبدأ تعلم ازاي كحد مهتم باللغة والشعر؟
-
◌ رسالة منشورة
نيرة ممكن تقولي علي نوع الهيدفون اللي جبتيها لمنة لو سمحتي
-
◌ رسالة منشورة
انا خريجة تربية انجليزى من 5 سنين مشتغلتش فى مجالى اشتغلت فى حاجات تانيه لكن مش بكمل فيها لان برفض حاجات بحس فيها بإهانة لكن الناس دايما تقول هو الشغل كده وده المتاح اقبلى وخلاص ومتحبكيهاش.. دلوقتى انا حاسه نفسى فاشلة ولا منى عرفت اشتغل ف مجالى ولا منى كملت ف المجال التانى وبعد 5 سنين لاقيتنى معملتش حاجه ومش عارفه اعمل ايه وهل كلام الناس صح وانى لازم اقبل بأى حاجه وخلاص مادام ده المتاح ؟
-
◌ رسالة منشورة
السلام عليكم يا رب تكوني بخير
هو حضرتك بتشتغلي مع الزواج وعندك طفل ؟
قادرة توازني انا بحب شغلي وبحب دايما اعمل حاجات مختلفة خايفه الزواج يعطلني عن دا
-
◌ رسالة منشورة
يا نيرة أنا حاسة إني تعبت من فكرة إني منتظرة الزواج وهو مش بيجي ومفيش حد بيتقدم حتى!
أنا الحمد لله متخرجة بقالي 4 سنوات وبشتغل شغل كويس الحمد لله، وليا أصحاب وحياة ويخرج وبتعلم وبجد بحب حياتي ومستمتعة بها، وليا معارف كتير وأوساط كويسة وحياتي بفضل الله بفضل الله كويسة ومستقرة بشكل كبير
بس فكرة احتياج وجود رجل، احتياجات نفسية وعاطفية وجسدية دي مش عارفة أسدها أبدًا، اه أكيد الإنسان بيصبر وعارف إنه كل شي في أوانه بس أنا حاسة إنه ده جز كبير دايما ضاغط عليا في دماغي
ونفسي اتخلص من الشعور ده وارجع أفكر بأمل واقول مش شرط إن مفيش حد بيتقدم إني مش هتجوز مثلًا لأ عادي ممكن حد يجي مرة واحدة ويكون هو ده، نفسي استمتع برحلة الحياة من غير تنغيص يااه ده أنا لسه ما تزوجتش!
-
◌ رسالة منشورة
السلام عليكم..
تعرفي أشتري زيت زيتون بكر موثوق من فين؟
-
◌ رسالة منشورة
عندي مشكلة في شخصيتي مش قادرة اتعامل معاها، بحس اني دايما هترفض أو هيتحكم عليا حكم مسبق ان شكلي انسانة مش ناجحة او مقدرش اعمل حاجة، رغم اني دكتورة وشاطرة في شغلي بشهادة كل ال حواليا، بس عندي انهزامية وقلة ثقة في نفسي غير مبررة، احيانا بحس شكلي وحش جدا ومش زي بنات سني، او اني تخينة جدا مع ان انا حاجة وستين كيلو بس، لكن عندي قلة ثقة وخوف من مقابلة الناس بشكل بيجيبلي كوابيس ويؤرق نومي احيانا، ولا اعلم له سببا وحاولت بشتى الطرق علاج الأمر لكن فشلت ..
-
◌ رسالة منشورة
معلش في فضولى اسفه جداا بس انا نفسي اعرف الكورس اللى بتحضريه حاليا ايه هو ؟؟
- إبلاغرد صاحب الحساب
هنزل عنه أما أخلصه😂
-
◌ رسالة منشورة
شكرا علي الإجابة🤍
أتعلم منين أزود ثقتي في نفسي؟ ( عشان أنا عندي آفة المثالية بشكل مزعج) perfectionism
، وأتعلم منين مهارات التدريس؟
-
◌ رسالة منشورة
ازاي يكون عندي الجرأة إني أشتغل أو أدرّس حاجة، وأنا حاسة دايما إن معرفتي مش كفاية مهما درست؟
-
◌ رسالة منشورة
تسليتي الوحيدة تقريبا القراءة، غير إن تخصصي بيحتاج إني أطور منه.. المشكلة نظري ضعيف وعملت ليزك من حوالي ٨ سنين وضعف من كام سنة
والنضارة بتتعبني وتزهقني جدا
المفروض أعمل ايه؟ 🥲
-
◌ رسالة منشورة
أنا اسفة لو سؤالي بان صياح واسفة لو ممكن يسببلك شعور مش مريح
ولا بأس لو مرديتيش عليه
أنا بعتله عشات حسيت بشكل ما أن فيكي روح الأخت الكبيرة الهادية والحكيمة
فادعيلي بس ربنا يهديلي نفسي لأني حقيقي تعبت
- إبلاغرد صاحب الحساب
أبدا♥️
ابعتي أي وقت
-
◌ رسالة منشورة
نيرة انا تعبت القلق هايموتني ودماغي شايطة مش عارفة انام ولا اهدى وعمالة اقول اني هحاول اعتني بنفسي واخفف عني واحاول استرخي ومش قاد،ة اتحرك حاسة اني بقول اني بعتني بنفسي كلام بس ومش عارفة اديها حقها على الحقيقة
لو ممكن تديني نصيحة بسيطة تساعدني انام بس واصحى عندي شوية طاقة لليوم ومش عايزة حاجة تانية
-
◌ رسالة منشورة
إزاي أساعد زوجي إنه يبقئ عالي الهمه ؟
-
◌ رسالة منشورة
انتى بترد ى بمزاجك
-
◌ رسالة منشورة
السلام عليكم
محتاجه اعرف اقرا ايه ولمين لو عايزه افهم لية مثلا تذييل الأيه دي غفور رحيم او عزيز حكيم وانها مناسبة للآية
سمعت قصة عن اعرابي لما سمع اية (والسارق والسارقة فاقطعوا ايديهما جزاءا بما كسبا نكالا من الله والله عزيز حكيم)
بس اللي قالها بدل عزيز حكيم ب غفور رحيم
فقال ان المعني لايستقيم ولما سمع الآية صح قال عز فحكم فقطع
محتاجه اقرأ فكدا بس انا حتي مش عارفه دا عنوانه ايه
-
◌ رسالة منشورة
نيرة
-
◌ رسالة منشورة
حضرتك دكتورة في الجامعة؟ 😁
- إبلاغرد صاحب الحساب
يوما ما😁
-
◌ رسالة منشورة
$
-
◌ رسالة منشورة
ممكن تدعيلي يا نيرة لطفًا
٣ث والواحد حس إنه بدأ يتوتر، هانت اهو
ادعيلي بس يكون ختامها مسك وإني أفرح أهلي وأقر عينهم يوم النتيجة، مش عايزة كلية معينة، ادعيلي بس ربنا يرزقني مجموع يفرحهم
ويرضينا بأقدارنا يارب
هكون ممتنة بشدة والله
- إبلاغرد صاحب الحساب
حاضر♥️
-
◌ رسالة منشورة
ممكن يا نيرة تكون المحاضرة متاحة لمدة يوم واحد حتى كنت مشغولة جدا بعد امتحاناتي و نسيتها
-
◌ رسالة منشورة
بحب إنك ماشاء الله متوازنة يعني مطلعتيش مرة قولتي إن الشغل أهم وإنك عارفة إن البيت مهم بس بردو مقللتيش من أهمية التعلم حسيت إنه فعلاً الزواج والمسؤولية مش هيعطلوا رحلة تعلمنا آه يمكن يكون في تقصير في كل الجوانب بس حتى لو كنت مهتمة بجانب واحد كان هيكون في تقصير بردو
الأمر كله محتاج بذل مجهود ورؤية صحيحة
أنا بحترم دا فيكِ لأن مع كل اللغبطة اللي بنشوفها في الآراء فأنت مثال إن الإنسان يمتلك الصدق ويحاول بس
-
◌ رسالة منشورة
لا يمكن وضع الميكرويف فوق الغساله
و لكن يمكن وضع الغساله فوق الميكرويف 🚶🏻🚶🏻🚶🏻
- إبلاغرد صاحب الحساب
😂😂😂😂😂😂
-
◌ رسالة منشورة
لو زميل ف الشغل متقدم ع خلق ودين ومكافح رغم صغر سنه ووفاة والده مخلياه شايل بزيادة كله ده كويس جدا بس في نقطة مضايقاني إنه مهمل ف شكله ولبسه مش مهتم مش عارفه اعمل ايه انصحيني بالله
-
◌ رسالة منشورة
ازاي بدأتي رحلو علاجك النفسي
+
ازاي بتتعاملي مع آمن وبتقضي وقتك معاه رغم انشغالك بتطوير نفسك
-
◌ رسالة منشورة
أنا بحبك جدا جدا يا نيرة 😍
وبحب كلامك وظهورك على الوول عندي بيخليه مُبهج جدا 🌹
بس بعد اذنك كنت عايزة أسألك عن النقاب وإظهار الحواجب
هل ده يجوز؟
أنا بسألك فعلا مش بستنكر اى شيء عليكي
وشكرا جزيلا على وجودك الطيب ❤️
-
◌ رسالة منشورة
نيرة فات اكتر من شهر.. هتقدري تحاوبي على السؤال الي قولتي ان فيه ناس كتير طلبته؟
-
◌ رسالة منشورة
حقيقي بحبك جدا انت عسل خالص اصلا كان نفسى اشترك معاكي في دورة اللغه العربية بس هخلص ثانوية السنادى الاول وهاجي اشترك معاكي علطول😅💙💙
- إبلاغرد صاحب الحساب
هستناك♥️
-
◌ رسالة منشورة
ازيك يا نَير تعرفي ممكن اجيب كتب قماش منين وايه الدورات اللي اسمعها تفدني في التربية
ممكن اسمع لدكتور خالد فهمي
ايه من الدورات اللي أثرت فيك
وغيرت منك؟ ورشحيلي زي دورات دكتور خالد فهمي
-
◌ رسالة منشورة
نيرة ما رأيك أن تتزوج امرأة رجلا من نفس عمرها
-
◌ رسالة منشورة
أنا نفسي أسلم عليكي ...
جه في خاطري انه أكتبها أحضنك ..
بس اللي محتاجاه أكتر إني أسلم عليكي بإيدي ..
تشدي على إيدي بالسلام و تقوليلي معلش ...
أنا محتاجة حد يشد على ايدي و كتفي و يقولي معلش ..
و يدعي ربنا علشاني ..
-
◌ رسالة منشورة
يا نيرة انا بحبك جدا انت حاجه عسل كده والله 💙💙💙✨
- إبلاغرد صاحب الحساب
♥️♥️♥️
-
◌ رسالة منشورة
نيرة عاوزه اقرأ كتب في التاريخ بس مش عارفه ابدا منين فممكن ترشيحات
-
◌ رسالة منشورة
عاشت نيرة محاربة شجاعة ومُحاوِلة غير خائبة بأمر الله! عشتي يا نيرة أم حنون وبارة بابنها ولنفسها! ربنا ما يحرمنا من نيرة.
- إبلاغرد صاحب الحساب
:')♥️♥️
-
◌ رسالة منشورة
السلام عليكم، كنت عاوزة أسأل حضرتك لو في حد تعرفيه بيعلم تجويد على طريقة الشيخ الحصري، أنا ١٧ سنة ونفسي أحفظ القرآن بطريقة الشيخ الحصري، لو تقدري تسألي حد من معارفك هكون ممنونة لحضرتك جدا.
- إبلاغرد صاحب الحساب
للأسف معرفش لا
-
◌ رسالة منشورة
لسلام عليكم
من فضلك يا نيرة .. ادعيلي انا في كرب وانهزام شديد وتشكك في يقين الله . . انا في كرب مصابة في ديني
-
◌ رسالة منشورة
نيرة ممكن تقولي بدأت في التأسيس ازاي أو بدأتي تدرسي للأطفال والطلاب ازاي وحددتي الي هتقدري تبدأي فيه معاهم ازاي؟ لو ممكن تقوليلي طريقك مشي ازاي؟ يعني أنا حاسة اني بحب الأطفال واكتشفت اني بحب اشرحلهم وابسط لهم كل حاجة بس مش عارفة ابدأ منين ،،فلو ممكن مساعدة يا نيرة اذا سمحتي
-
◌ رسالة منشورة
ربنا يكرمك يا نيرة و يصلح حالك و يهديكي و يردك إليه ردًّا جميلًا و يسترك فوق الأرض و تحت الأرض و يوم العرض عليه و يجبرك و يرحمك و يعفو عنك و يعافيكي و يغفر ذنوبك و ييسر لكي كل أمورك و يوفقك و ينجحك في دراستك و أعمالك و يفرغ عليكي صبرًا و يجعلك من مقيمي الصلاة و يعينك على ذكره و شكره و حسن عبادته و يجعلك قرة عين لوالديكي في الدنيا و الآخرة و يهب لكي طاقة كبيرة تساعدك في أداء أعمالك و يجعل لكي السهل سهل و الصعب سهل و يعلمكي ما ينفعك و يزيدك علمًا و يرفع درجاتك و مكانتك العلمية و يرفع شأنك في الدنيا و الآخرة و يرزقك بغير حساب و يوسع رزقك و يبارك لكي فيه و يبارك لكي في صحتك و يكشف عنك كل سوء أصابك و يعوضك عن كل لحظة تعب تعبتيها في حياتك و يرضی عنك و يراضيكي و يحبب فيكي خلقه و ينفع بيكي خلقه و يحفظك من شر نفسك و يحفظك من الفتن ما ظهر منها و ما بطن و يعيذكي من العجز و الكسل و الجبن و البخل و غلبة الدين و قهر الرجال و عذاب جهنم و عذاب القبر و فتنة المحيا و الممات و فتنة المسيح الدجال و يعيذكي من شر نفسك و يعيذكي من زوال نعمته و تحول عافيته و فجاءة نقمته و جميع سخطه و أن لا يجعل مصيبتك في دينك ولا يجعل الدنيا أكبر همك و مبلغ علمك و يفرح قلبك و يحفظك من العين و الحسد و يبارك حياتك و يسعدك و يحقق كل أمنياتك و أحلامك و يجعلك من المتميزين و المتفوقين في مجال دراستك و عملك و يحل كل مشاكلك و يحفظ لكي كل حبايبك و يهديكي الصراط المستقيم و يثبت قلبك على دينه و طاعته و يجعل لكي صحبة صالحة مُصلِحة يعينوكي على الخير و على أمر دنياكي و دينك و تأنسين بهم و يأنسون بكي و يرافقوكي في السراء و الضراء و يُسَخِّر لكي خلقه لمساعدتك و يُسَخِّر لكي من يدعو لكي و يتصدق عنكي في حياتك و بعد مماتك و يثبتك بالقول الثابت في الحياة الدنيا و في الآخرة و يآتيكي في الدنيا حسنة و في الآخرة حسنة و يقيكي عذاب النار و يرزقك حسن الخاتمة و يسكنك الفردوس الأعلى من الجنة بإذنه و بفضله و برحمته
-
◌ رسالة منشورة
مليش تعامل معاكي ولا سابق معرفة غير بوستات الفيس بوك بس انتي جميله وتتحبي جدا ومريحة للقلب ربنا يسعدك في حياتك ومع اسرتك
- إبلاغرد صاحب الحساب
يا رب.. ممتنة خالص♥️
-
◌ رسالة منشورة
نسيت أقول إنه بعت لبنت لبسها شرعي عادي
-
◌ رسالة منشورة
السلام عليكم
ممكن أسأل حضرتك ليه بتتعلمي عزف
يعني احنا بنجاهد نبطل نسمع أغاني وموسيقى ف ليه بتتعلميها
سؤال مش الغرض منه التنظير علي حضرتك إطلاقًا
-
◌ رسالة منشورة
حقيقي انا بحبك جدا يا نيرة كنت ببحث عن بيت شعر في بردة تميم وجه قدامي صفحتك بالصدفه وحقيقي ممتنة للصدفه دى جدا حبيتك جدا وحبيت بساطتك وحبيت حبك للغة بحاول اتعلم منك وبحاول ابقي زيك ربنا يوفقك في حياتك وتفضلي فرحانه دايما 💚🌼
وحبيتك اكتر لما عرفت انك بتحبي تميم😅🌸
-
◌ رسالة منشورة
نفسى احضر نادى الفصحى بس كل مرة بكتشف انه للبنات فقط
-
◌ رسالة منشورة
مش فاكرة عرفتك او شوفتك فين
بس أنا ممتنة لحالة التعبير الجزئي عن النفس الي بشوفها عندك 💕
من أيام الفولو الأولى إلى أن أصحبنا أصدقاء وأنا أحسبك من عائلتي الصغيرة وهذا شيئ عظيم علر إنسان دائم القلق مثلي 😅💕
- إبلاغرد صاحب الحساب
وه!♥️♥️♥️
-
◌ رسالة منشورة
ربنا يصلح حالك ويوفقك ويوسع رزقك ويرضى عنك.
- إبلاغرد صاحب الحساب
يا رب آمين يا رب
-
◌ رسالة منشورة
نفسي أقرب من ربنا ومش عارفه ازاي حاسه اني بعيده وقلبي قاسي اوي ساعديني
-
◌ رسالة منشورة
أنا بحبك خالص يا نيرة..
من الناس اللي ساعدت في تشكيل وعيي وأنا لسه بخرج برا قوقعتي:))
وحزينة جدًا آني مش هعرف أحضر معاك الدورة عشان هسافر نفس اليوم
-
◌ رسالة منشورة
السلام عليكم
ازيك يا نيرة
يا رب تكوني بخير
كنت عاوزة أقول لك يا ريت تغطي جبهتك لأنه سمعت كذا شيخ بيقول مينفعش الجبهة تكون ظاهرة كده من النقاب وكمان مينفعش فتحة العين تكون واسعة، أنا غرضي بس النصيحة ولعلي أكون في حاجة للنصيحة أكتر منك ومش قصدي أتعالى عليكِ
-
◌ رسالة منشورة
نيرة شكرا لربنا على إنك موجودة معانا على الكوكب الهمجي دا والله!
عسى يبقى لقانا في الجنة! ونسلم على بعض واقابلك بحضن كبير أوي
-
◌ رسالة منشورة
لقد تمت خطبتي سابقا ولكن شاء الله ألا تكتمل نظرا لأني لم أشعر بالراحة مع هذا الشخص ...والان شاءت الظروف ان أتعرف ع صديقة لي ف القران رشحتني لصديقة لها وعندما تحدثت معي كانت سعيدة إلى حد كبير بي ولكن جاءتني ثم لم تتكلم معي مرة أخرى عرفت بطريقة ما إنها علمت بخطبتي السابقة ولذلك لم يتم الأمر...أأصبحت خطبتي السابقة موضع شبهة لي ..أشعر بحزن شديد للغاية لا أعلم كيف اداويه!
-
◌ رسالة منشورة
النت فصل وأنا ببعت الرسالة فمش عارفة هي وصلت ولا لاء🤦🏻♀️