A little kindness goes a long way.
Your message is only public if the profile owner publishes it.
مش عارفه هتفتكريني ولا لا انا البنوته اللي قابلتيها ف الحمام بتاع الجامعه وساعتها انتي كنتي بتغسلي ايدك وساعتها جالي مكالمه من امي بتقولي ان حبيبي اللي فضلنا مع بعض 3 سنين وكنا متخانقين انه هيجي يتقدم امتي كلم بابا وجاي انهارده وانا كان عندي امتحان تالت محاضره ف لما اروح هكون ف البيت بعد المعاد اللي بابا قالهم عليه ب نص ساعه وانا كنت مبهدله خالص واللبس مكانش حلو وماكنتش حاطه حاجه ف وشي حتي لاقيتك بصالي وضحكتيلي بتقوليلي مبارك يارب لاقيتني بحكيلك كل ده وكنت خلاص هعيط مش هينفع يشوفوني كده وانتي الله يجبر بخاطرك ويفرحك زي ماعملتي معايا ادتيني الكوفيه بتاعتك وغيرتيلي شكل الطرحه خالص ولحد دلوقتي بعملها زي ماعملتيهالي وخدتي من البنات روج و مسكرا علشان انتي مابتحبيش تجيبي معاكي ميكب وخلتيني حلوه وكنتي بتعمليلي كل ده بفرحه جميله زيك وعدلتيلي هدومي وادتيني حزام شكله غالي واقولك ده غالي انا عارفه والكوفيه غاليع تقوليلي اعتبريهم هديه الخطوبه وروحت ولاقيتهم هناك فعلا واتخطبنا وفضلت ادور عليكي كتير مالقتكيش علشان انتي اكبر مني بسنه ف ايامنا غير بعض بس علي طول بفتكرك وبدعيلك المفاجأه بقي اني اتجوزت وخلفت بنت وسميتها هاجر وبقولها يا توتا زيك بالظبط ولما تكبر هحكيلها عنك واقولها اد ايه انتي جميله وقلبك طيب يارب تطلع زيك انا بشكرك بحب كبير زي ماانتي عملتي معايا مليون شكرا ليكي يا اطيب قلب
No new profiles with photos yet.