-
◌ رسالة منشورة
من فترة قريبه جداا عملت حااجه فرحتنى جداا
روحت الكورنيش اناا واتنين صحاابى واحناا نازلين فطريق الكورنيش لقيناا طفل صغير قااعد ع الارض وكاان معاه علبه كبيرة ملياان قراطيسه ترمس ولب والطفل ده قااعد وحااط راسه ع رجله وشه للارض شكيت انه بيبكى او ف حااجه مزعلاه بس مشيناا عطوول روحنا ودخلنا وقاعدنا اكتر من ساعه ونص تقريبا وقررنا نروح عشاان معاااد السكن المهم واحناا راجعين لقيت الطفل ده قااعد بنفس الطريقه ال سبنااه بيهاا قولت لصحاابى ده تقريبا بيبكى يلا نشووف مااله روحنا وبنساله ايه ف ياحبيبى مالك ورفعتله راسه لقيته بيبكى حاولنا معااه كتير عشان يقولنا السبب فالاول كان رافض فالاخر قلناا اناا من اول اليووم قااعد هناا ومحدش اشترى منى حااجه ولو روحت من غير فلوس امى هتضربنى واناا محدش عاايز يشترى منى ومش عارف اعمل ايه احناا سمعناا الكلام ده مصدقتش ان ال بشوفه فالافلام والمسلسلات بيحصل حقيقى كدا وان فى امهات كدا فعلا بطلع عيالهاا وبتعقبهم لو رجعوا من غير فلووس
احناا طبعا الولد صعب عليناا جدا قررنا اننا نااخد العلبه ال ملياانه قراطيس ترمس ولب ونلف معااه ونبيع وفعلا عملناا كدا وبعناا كميه كبيرة خاالص ومسبنااش الولد غير وهو مبسوط وفرحاان
بس بجد بعد الموقف ده كنت حااسه بكميه سعااده متتوصفش اننا ساعدنا الطفل ده واننا مكسفنااش من ال عملنااه معااه
الحمدلله ع النعمه ال احناا فيهاا 😍
-
◌ رسالة منشورة
لا على فكره انا عن نفسى مكسلتش عن كتابه الرسايل كتبت كتير بس ولا واحده نزلتها
ف انا مش عارف ليه مش بتنزلها!
-
◌ رسالة منشورة
[إذا حزنت تذكرتك فابتسمت]
سنة أولى
مرحلة جديدة وبداية جديدة ف حياتنا ،كنا تسعه هو بداية تعرفنا شات للمذاكرة يمكن كنا متشجعبن نبداها صح من الاول😅بس اللى حصل غير كده الشات ده هو اللى جمعنا وهو اللى عمل الصداقه والصحبة اللى فضلت لغاية دلوقتى متمسكين ببعض كانت معانا واحده مجنونه حبتين تلاته بس اقرب واحب واحده من الكل روحها جميلة كانت بتحاول تجمعنا هى مصدر بهجتنا ف الفترة دى
خلصنا الامتحانات وبداية الاجازة كانت تمل دايما عمرنا م حسينا بطفولتنا غير معاها ف مره عشان نكسر الملل ده اقترحت اننا التسعه ندخل جروب الدفعه الساعه 12م بحيث نبوظ الجروب ف كل البوستات كانت فكرة مجنونة بس الضحك اللى عشناه معاها عمره م هيتعوض
كانت اكتر واحده فينا رغم قلة المذاكرة والطناش تسئل ع النتيجة 😂خلصنا الاجازة وبداية سنة 2يعتبر اصعب سنة لغاية دلوقتى عملت فجوة كبيرة فينا
بدا الترم عادى جدا مرينا ب مواقف ومشاكل بس كنا مع بعض💙
طلعنا رحله واول رحلة مع بعض مكنتش اعرف انها اخر رحلة لينا ولا الصور دى هتفضل اخر ذكرة مع بعض
افتكر وقتها النتيجة الترم ظهرت كانت فرحتين
لما بصيت عليها وقتها كانت خايفه صعبت عليا كان نفسى تفرح زينا كلمناها كتير لغاية م قدرت تضحك ضحكنا معاها هى كانت مصدر البهجه والفرحه بجد
مكنتش متوقعه تروح فجاه مننا مش قادرين نستوعب كان نفسها تدخل قسم انجلش حلم حياتها من سنة اولى للاسف متتحققش حاجه صعبه اوى علينا انتى مش معانا عارفين انك ف مكان احسن من هنا بس فكرة انك مش معانا وانك اتوفيتى وانك لسه ف بداية عمرك دى مش مستوعباها لحد الان لو وصفنالك اد ايه كنتى مكملانا واد ايه مفتقدينك
💙خلقت سمراء وابتسامة فاتنه وروح مرحة وقلب لا يؤلم أحد💙
_رحم الله ميتا ما زال بالقلب حيا
#إيمان❤❤
-
◌ رسالة منشورة
احنا كنا اربع بنات صحاب م نفس البلد م الحضانه معايا اتفقنا م بدايه سنه اولي واحنامتفقين مع بعض محدش هيصاحب م الدفعه ونقتصر ع نفسنا عملنا كده فعلا سنه واولي وشويه م تانيه وتلقائي لقيتني بحب ناس كتير ف الدفعه وبتعامل معاهم م حبهم وعفويتهم وطيبتهم وحسيت منهم كتير شبهي قربت منهم وحبيتهم اكتر وبحكم ان انا وصحابي اتفرقنا ف التخصص ف انا قربت اكتر م صحاب الكليه وحاليا انا ممكن اقول اني بجدبجد والله انا بحب الدفعه دي جدااااااا ومبسوطه فيها ومش عارفه اصدق فكره ان كام شهر ومش هشوف الناس دي تاني 😭😭💔✋ دمتم سالمين ❤
-
◌ رسالة منشورة
السلام عليكم ورحمه الله وبركاته
اولآ كدا انا بحبكككم ي دفعه مهما عملتوا لانه فيكم كتييير الخير وبجد انتو بتحبوا بعض بس محتاجين حديوعيكم انا دايمااااا بدعيللكم والله😍
ثانيآ بقاااا انا دخلت الكليه دى على حسب التنسيق مش برغبتى وكااااان يووم اسود لما عرفت انى دخلتها بس بجد بعد ما اتعرفت عليكم واتعملت معاااكم وهونتوا علياااا كتير جدآ وخاصه صحااااابى وبخصوص صحاابى
الاندااال بقااا انا اقع عند البوابه ملقيش ولاواحدة فيهم تسندنى كلهم بضحكوا عليااااا😂بحب اشكركم
#اساسى بحبككككم😍بجد😂
-
◌ رسالة منشورة
احلى اربع سنين ف حياتى اتعرفت ع اجدع واحسن وانضف ناس ف الدفعة معظمهم او كلهم مفيش حد كان مقصر بحاجة وكله بيساعد بعض وانا بضايق لما حد يطلع يقول دفعة زفت دفعة فقر وانا كرهتكم يااساسي مش عشان انت زفت وفقر وعرفت ناس زيك كارهة نفسها وكارهة الخير لغيرها يبقي الدفعة كلها كدة بالعكس فى ناس لو طلبت منها ايه متتاخرش ثانية انا عن نفسي مشفتش حاجة وحشة منهم ولا من اى حد ف الدفعة والاختلاف ده موجود ف كل حتة مش كله زى بعضه ومتحسسوميش انه دفعتنا مليانة شياطين وباقى الكليات ملايكة مركبين جناحات كل دفعة فيها الحلو وفيها الوحش وكل دفعة بيكون عددها كبير كل ماالاختلاف هيزيد انا ياجماعة بحب دفعتى بالكويس وبالوحش الى فيها ودى مشاكل لازم تحصل بس مش كل واحد يقعد يرمى ع التانى وبس وان شاء الله يكون اخر ترم يعدى بخير علينا ونفرح كلنا ☺
-
◌ رسالة منشورة
ربنا مش بيضيع تعب حد أبداً دايما الجملة دي حطاها في بالي مرة وانا في سنة أولي كان في امتحان علينا الصبح وانا كنت بذاكر من كتاب قديم بتاع السنة اللي فاتت وخلصت المادة والدنيا تمام يعني روحت انام بقي علشان الامتحان كان الصبح المهم صاحبتي رنت علياا علي الساعة ١٢ كده منتصف الليل بتقولي الكتاب اللي انتي ذاكرتيه مش زي كتاب السنة دي بقولها إزااي قالتلي والله وهي كان معاها ورق بس بيتها بعيد عني ومفيش حل واحد حتي ان الورق ييجيني علشان أذاكره روحت فضلت اعيط واقول يااااارب المهم كلمت واحدة صاحبتي تمليني اي حاجة من المادة راحت قالتلي انها في البلد مع العلم انها بتاخد الامتحانات من قنا يعني روحت قولتلها طيب اصوره بعتت اخوها الصغير وطلعت اجيبه منه روحنا المكتبة لقيت المكتبة طبعا قفلت بس من حسن الحظ ان صاحب المكتبة كان لسه قافل فلقيته قريب من المكتبة فضلت انااادي عليه راح رجع تااني وفتح المكتبة وصورت المذكرة وكملت عياط برضو في المكتبة وبتاع المكتبة فضل يقولي قولي بس يااااارب وانتي هاتخلصي وتنجزي وكده يعني المهم روحت البيت وبرضو اعيط واقول يااارب ٦ ساعات معايا والصبح ييجي وامشي علشان اركب مواصلات انا هالحق اخلص ازاااي يااااربنا المهم فضل اذااكر واعيط اذاركر واعيط لغاية ما جيه الصبح وروحت الامتحان طبعا وانا هاموووت من الخوف أقسم بالله خلاص اخدت الورقة وحليت الامتحان جه حلو وقتها
أقسم بالله يوم النتيجة لقيت المادة دي جايبة فيها امتيااااااااااااز بس الموقف ده عمري في حياتي ما انساه من وقتها بقي وانا بقيت اشتري الكتب واحضر المحاضرات😂😂 ثقوا دايماً في ربنا يا جمااااعة💪
-
◌ رسالة منشورة
للاسف انا محلفنيش الحظ انى اجرب فكره السكن والمغامرات اللى بتحصل فيه ..انا ساكنه هنا جمب الجامعه مع اهلى كان نفسى اعيش جو الصحاب اللى ساكنين مع بعض ويعملوا اكل سوا ويحكوا مع بعض باليل ويذاكرو سوا .. بس ده ميمنعش انى اتعرفت ع اجدع اصحاب وقضيت معاهم اوقات كتير حلوه ❤
-
◌ رسالة منشورة
انا معرفش الكتاب اطبع ولا او حتي فكرتكم مستمره فيه ولا بس يااارب يكون لسه ما اطبع لانه نفسي تنزل فيه الرساله دي وهي تعتبر رساله خاصه شويه اي مقصوده الي شخص بعينه وهو اكتر انسان تعب من اجل هذه الدفعه شخص لم يفكر الا في مصلحه هذه الدفعه وشخص كان يحط نفسه مكان كل واحد في الدفعه في اي موقف خاص بالدفعه بجد استحمل كتير من ناس اكتر بجد اكتر انسان صبور علي هذه الدفعه حاول يرضي كل الناس مع عدم مرعاة نفسه وبالفعل رضي كل الناس كان انحيادي جدا ودي اكتر شئ كان يتعب واحد في موقفه وعقلاني جد واستطاع ان يتعامل مع كل الناس مع كل اختلاف وجهة نظرها بذل قصاري جهده في ارضاء الناس وحقق ذلك استمر في منصبه ٣سنين ونصف بنجاح لم يحققه احد قبله ومع ذلك لم يزعل احد مع اختلاف وجهات النظر الذي استطاع ان يقنعها للصالح
من الامر تعامل مع كل الدكاتره وحاول اقناعهم بكل السبل للصالح لنا بجد نكن له كل الشكر والتقدير والاحترام وجزاه الله كل خير علي ما
فعله من اجل هذه الدفعه وبانه خلاص ناوي يسيبنا وعايز يريح نفسه مع اننا نتمني ان يكون تراجع عن قراره اوحد من زملائه اقنعه انه والله هنضيع حرفيا بعده لانه بعد ما تعودتنا انه طالما الامر معه خلاص الامور تمام وان شاء الله هتتحل وبجد والله بنكون مطمنين حرفيا بذلك ولكن موقفنا اذا كان مصر علي التنحي فلا نستطيع ان نقول له الا دا قرارك وما علينا الا نتقبله بكل احترام وان ندعوا لك بكل خير في حياتك سوا ء الجامعيه او الحياه العامه وبجد لن نسي ابد ما فعلته من اجل هذه الدفعه التي سوف تذكرك دايما حتي بعد التخرج واكيد سوف يتلقي اشخاص من الدفعه ببعضها سوف تكون سيرتك اول ما يذكر من ذكريات الجامعه نحكي عن
مواقفه هو مع الجامعه @@نبدا من سنه اولي طلعوا اتنين علي الاسديج وعرفوا نفسيهم وقالو علي موضوع التخصص واحنا تمام معاكم واتت الحفله المنكوسه واتي الرئيس واذا بشخص اخر غير التنين بعرض القضيه علي الرئيس ويصحح للوكيل ونحن نصفق تمام تمام وهذا انا لااعيبه بل هو حقنا ولكن تاتي الكارثه ان لا الرئيس ولا الوكيل يعجبهم الكلام واتقبلت القضيه علي دمغانا واحنا طبعا قلبنا الدنيا علي مقترح القضيه وجاءت النتيجه سودا وبدا الكلام هو السبب وانت السبب علي اساس هو شاور نفسه واتصرف مع نفسه خلصنا اولي جات تانيه وبقي ليدر علينا تمام هناك ناس تقبلت وناس اعترضت لكن في هو استمر ليدر ود المهم وبذل قصاري جهده فيما كلف بيه وكان قد المسؤليه علي اكمل وجه
وجاءت تالته وهو كما هو لكن تقسمنا الي شعب وكانت والله اوحش حاجه بس الحمد لله اصبح ليدر علوم وكان ايضا هناك من تقبل وهناك من اعترض ولكن هو استمر كما هو ولكن المسؤليه كبرت دخلت ترتيب مواعيد سكاشن ومحاضرات تربوا وعلوم وما ادراك من علوم وكن ايضا مع كثرة المسؤليات كان هو يثبت لنا انه اكتر من قدها واختمت بانه استطاع ان يخلع انا المكافئه من شؤن التربيه وما ادراك من شؤن تربيه اي نعم هي ٣٥جنيه بس برضو مكافئه وحقنا طبعا والان نحن في رابعه وهو كما هوبل اكثر من الاول محاضرات ومواعيد محاضرات كل يوم بشكل فهل هذا الشخص تقال له كلمه شكر كده عادي
معتقدش هذ ه الرساله لابد ان كل طالب في الدفعه ان يقوم بمثلها شكرا واحترام وتقدير الي هذا الشخص الذي فعل اكثر مما يفعله هيئه الكليه نفسها
وفي نهايه رسالتي اشكر الاستاذ المحترم عمر الانصاي واقول له والله ما فعلته من اجل هذه لن يستطيع احد ان يفعله واتمني لك ان تكون ليدر في اسرتك وليدر في قريتك وليدر في مركزك وليدر في وظيفتك واتمني من الله ان يعوضك خير ما فعلت من اجل هذه الدفعه ويكرمك ويفوفقك في حياتك القادمه في كل امور حياتك ويكرمك وتتخرج علي خير وتبدا حياتك بعيد عن الجامعه التي بالفعل اتعبت شخص محتره مثلك
حقاني وانحيادي وعقلاني في مجتمع نامل ان يحافظ علي باقي ما تبقي من اخلاق عنده كن كما انت علي راي الدكتور محمد سالمان لاتغير من نفسك حتي لو كل من حولك تغير
وفقك الله الي ما يحبه ويرضاه ي استاذ عمر ستبقي دائما في نظرنا الليدر عمر الانصاري
#HOYADA
-
◌ رسالة منشورة
هكمل كلامي في موضوعات الكتاب
1_زميلنا اللي توفاهم الله. الأول كانت ايمان انا مكنتش اعرفهاشخصيا بس قلبي وجعني عليها. ربنا يرحمها يا رب. اما اختي وصحبتي هبه ربنا يرحمها عمري ما راح انسى كل لحظه معاها ولا هزارها وضحكها معانا وانا لحد دلوقتي مش مصدقه انها ماتت وانها قاعده في بيتهم بس مش بتاجي الجامعه ربنا. ومكنتش متخيله إن بعد ما فرحنا انها مش هتروح انجليزي وتقعد معانا في علوم انها تسيبنا خالص وتموت مهما قلت مش هقدر اوصف قد اي هي كانت انسانه كويسة. ربنا يرحمهم يا رب.
2_أنواع الصحاب.
اصحابي اللي بجد من نوع الصحاب الجدعه ام دم خفيف المحترمه اللي بتكون واقفه جنبك دايما والحمد لله لأنه كرمني بأصحاب ذي اصحابي.
3_الظلم.
أكبر ظلم شوفته في الكليه إن الدكاتره تمشي بمبدا الحسنه تخص والسيئه تعم. والحمد لله كانت دايما تعم 😂 بس بالنسبة للمواد والتقديرات انا عن نفسي محدش ظلمني مره على قد تعبي كنت بجيب تقدير .
4_التخصص ودكاتره التخصص .
كنا فاكرين اننا هنرتاح بعد التخصص طلع العكس بس على الرغم من تعبنا في التخصص إلا إن احلى حاجة علشان بحب تخصصي علوم وارتحت من المواد الأدبية اللي كلها رط والتاريخ خصوصاً .دكاترة التخصص معظمه كويسين وكانوا بيريحونا في الامتحانات إلا قله .
5_مواقف التربية العملي .
التربيه العملي الأول كنت فاكرها رزله طلعت العكس احلى حاجة مع ان صوتي بيروح من العيال والزعيق واسكت يا ياض واسكتي يا بت إلا أن التعب بيروح لما اشوف ضح. وبراءة الأطفال .
ومش هنسي يوم ما تلميذ في سته اداني سبحه هديه وكانت باللون اللي بحبه سماوي .ولا يوم ما طفله قالتلي انا بحبك يا مس وبموت فيكي يا مس .فعلا احساس حلو ..وكمان من خلال التربية العملي عرفت اني ما انفعش غير مدرسه
.7_جروب الدفعه .
جروب متنوع بمعنى الكلمة كل حاجة تلاقيها فيه وكل شوية بحاله أما كله يحب زميله فجأة ومره التاني يقلبوا يكرهوا بعض 😂😂 بس عمري ما راح انسىه
8_مشاهير الدفعه .
طبعا الكوميدي محمود عبد العزيز ...
9_آخر سنه .
بحاول استمتع بكل حاجه فيها واقضي أكبر وقت مع اصحابي علشان محدش عارف هنشوف بعض تاني ولا 😢😢
10-نصيحه أقدمها
اي حد لازم يعيش حياته ويستمتع في كل حاجه بيعملها بس من غير ما يغضب الله ولازم يكون عندك شخصيك المستقله ومتزعلش من حد علشان الدنيا مهما طالت هي فانيه مش مستاهله حد يزعل من حد أهم حاجة رضا الله والوالدين .وكمان محدش يزعل على أي حاجة كان نفسه فيها ومحصلتش لأنه وعن تجارب مش تجربه اللي ربنا بيكتبهولك هو الخير .
وآخر حاجة هقولها
أن دفعتي فعلا دفعه مميزه على رغم كل المعاناة اللي شوفنها في الاربع سنين وفيها ناس كتير محترمة وعلى خلق سوا كان من الأولاد أو البنات .وربنا يوفق الجميع ❤.
#فاطمه خلف.
-
◌ رسالة منشورة
**1/احنا الدفعة اللى خدنا ف الترم الواحد 17 مادة ✋😥
**2/احنا اخر دفعه قبل التخصص ..احنا اللى غيرنا النظام للدفع اللى بعدنا✊
**3/احنا الدفعة اللى كان ممكن يدخلنا ف الترم الواحد 20 دكتور !!
**4/احنا الدفعه اللى مفيش مكان الا ومخدناش فيه مؤتمرات..شهدا ..طفولة ..
آداب ..تربية عام... المبنى الجديد ...حتى مسرح علوم وزراعة !!
**5/احنا الدفعه اللى طالب العلمى خد تاريخ وجغرافيا وطالب الادبى خد رياضة وكيميا😓😓
**6/احنا الدفعة اللى كان معانا اطيب خلق الله زمايلنا ايمان وهبه❤ بس ربنا اختارهم عنده
ربنا يرحمهم ويغفرلهم.. مش هننساااهم💔☝️
**7/احنا الدفعة اللى كنا نخاف على بعض نساعد بعض كان فينا ناس تشرح لباقى الدفعة
ومن غير مقابل✋
**8/احنا الدفعة اللى فرقنا التخصص بس احنا مفترقناش.. كل شلة صحاب بقيت زى ما هيا ☝️❤
**9/احنا دفعة الهم والغم والفرح والسعادة والامل والتشاؤم احنا دفعة الميكس من كله😄😄
**10/احنا الدفعة اللى المفروض ناخد اوسكار ف عدد الجروبات عندنا حوالى30 جروب دفعة ولسه😂😂
**11/احنا الدفعة اللى اتظلمت من دكاترة كتير 💔
**12/احنا الدفعة اللى بعد 4 سنين ضحك وهزار وصحااب وعشرة وفرح وحزن هنفارق بعض.😔بس هتفضل الذكرى معانا فين ما نروح....
سنين مش هتتنسي👌👌
#Shoshita
-
◌ رسالة منشورة
السلام عليكم
انا دخلت الكليه استخسار مجموع انا كان حلمي ادخل اعلام او سياسه واقتصاد وللاسف المجموع
مسمحش بكد قالولي ادخلي تربيه بدل اداب كان نفسي ف قسم علم نفس لان بفهم اووي ف وف تحليل الشخصيات وكلام ده المهم دخلت تربيه قولت مش فارقه اهو كليه حلوه وخلاث كان نفسي اسوان مش قنا خالص دخلت تربيه اول يوم وتاني يوم كان حلو اول وحده اتعرفت عليها كانت سميه بعدين تقوه بينا صحاب بقيت بقا اتخنق من كليه والمواد وانا اي ال جابني هنا ازاي رياضه ازي علوم المهم بقيت مكمله زي اي حد واتعرفت ع صحاب تاني ال هما شلتي لحد ما فرقتنا الاقسام والموت ربنا يرحمك ي ايمان كانت اكتر من اختي يمكن انا عشان مش بسوء الظن بحد ابدا اكتر واحد اتأذت من دفعه دي بس برضو مش بعرف اكره حد انا حد حطني ف دماغو ومعرفش ليه كنت ديما اسمع كلام انا نفسي معرفوش يلا انا وكلت ربنا المهم خلاص مش عايزه احكي ف حاجه وحشه بس كنت ديما ماشيه اننا خلاص شويه ومش هنشوف بعض تاني لحد دلوقتي مش عايزه لحظه تعدي عليا من غير صحابي عايزه لو عملنا اي حاجع نتصور عشان هي دي الحاجه ال هتفضل معانا رغم اي حاجه حصلت انا بحب الدفععه دي جدا بس بحب ناس معين منها اكتر ربنا يهديكم ويكرمكم كلكم ي اساسي وتهدو السنه ال الباقيه دي عشان نفتكركم بالخير بس
-
◌ رسالة منشورة
https://m.facebook.com/groups/1665878413653151?view=permalink&id=2133311836909804
عندي فضول اعرف باقي القصة.. ممكن؟
-
◌ رسالة منشورة
أفتح
-
◌ رسالة منشورة
السلام عليكم
طبعا احنا اللى جاتله الكليه بالتنسيق و مكانش حاببها خالص ولا عايزها وانا كمان كنت عايزه ادخل كليه تجاره بس طبعا انتو عارفين نصايح الأهل و القرايب ادخلى تربيه احسن التكليف شغال و كلام م ده و خلاص نسقت و جاتلى تربيه 😊🌸
فى الأول كنت معرفش ناس كتير فى الدفعه يعنى معدودين بعدين اتعرفت ع بنات كتير و حبيتهم خالص حتى البنات اللى علاقتى بيهم مش قويه ع الأقل فى سلام بينا 😍🙈
بس بجد اتعرفت خصوصا ف سنه تالته ع بنات محترمه جدا و جدعه بجد هما دول يطلق عليهم صحاب السند 😍😍😍
لكن منكرش برضو ان فى التخصصات التانيه ليا صحاب قريبين م بعض جدا ❤❤
و بجد سنه تالته تعتبر احلى سنه عدت عليا بعيدا عن الدكاتره و المحاضرات لكن كفايا الصور و الذكريات ف التربيه العملى و المواقف اللى حصلت بينا اكيد هنفضل فاكرينها دايما ✌💗
و يارب كمان سنه رابعه يكون فيها ذكريات اكتر و تكون سنه احلى م سنه تالته كمان 👌👌
و طبعا بشكر فاطمه صبرى ع فكرتها ( كتاب الدفعه )
و بقلها انتى فعلا جدعه و حبيتك م اول مره شفتك فيها و فكرتك دى هايله جدا كفايه ان هيبقى لينا كتاب ب اسمنا ف الجامعه و طبعا بشكر كل الأساتذة اللى بيساعدوا ف نشر كتاب
حاجه كمان حابه أقولها لفاطمه
صبرى
عارفه يافاطمه اول م قلتى على حكايه الكتاب انا عجبتنى الفكره جدا بس مكنتش عارفه اقول ايه ولا أكتب ازاى حتى ناس كتير مكانوش برضو عارفين يعملوا ازاى و كمان كنت بسمع تعليقات م الناس زى ايه اللى بتقوله ده و كتاب اى و هبل ايه بس بعدين أما الناس بدأت تنزل على صراحه من غير ما تتعرف كانوا اول ناس نزلوا و بعدين الفكره ااتشهرت و نجحت و الدليل كم الرسايل اللى بنشوفها كل يوم على جروب الدفعه بس فعلا الفكره ممتازه و ربنا يوفقك انتى و كل الأساتذة القائمين على نشر الكتاب😊🌸🌸
-
◌ رسالة منشورة
السلام عليكم انا دخلت سنة اولى وانا فكرتى مازالت كما هى ان الله و اهلى اهم شئ عندى وبعدهم اصحابى اللى من بلدى اللى بقوا معايا فى الجامعة و ابتديت اصاحب اللى دينه واخلاقه اهم شئ عنده و طلعت من اولى بصحبة القليل ولكن بالنسبة لى هم كل شئ و دايما اللى يصاحبنى بعد سنة اولى خلال سنة تانية ورابعة يقولى كنا فاكرينك متكبرة و مبتكلميش حد ولقناكى عكس ذلك و جات سنة رابعة اخيرا بس عرفت وقتها انى كبرت قوى وان مشاعرى اللى بخاف بيها ع الناس بتضرنى وان دايما ببقى مصلحتهم ومصلحتى واحدة زعلت قوى ان السنة دى ابتدت بفراق اغلى الناس عليه وانهم طلعوا اصحاب منافقين 😭😭
-
◌ رسالة منشورة
بسم الله الرحمن الرحبم
انا مكنتش عايزه اكتب في الكتاب ده ولكن قولت لازم احكي فيها ايه يعني دي هتبقي ذكري جميله
💥نبدأ الحكايه 💥
من الثانويه🎇حلمي مش اني اطلع دكتوره لااااااااا كنت عايزه ابقي كميائيه يعني ايه (كليه القمه في الخارج علوم)ويشاء القدر لا ادخل لاطب ولا علوم ودخلت تربيه 😭
لا بفتح كتاب والمحاضرات باكل فيها في الترم الثاني ذاكرت وجبت اربعه امتياز
💥ثانيه كليه 💥
شاركت في اسره وكنت بذاكر لكن والله بقيت زي الناس اللي مذاكرتش كرهت الكليه وابتديت مت الصفر 💥
سنه 💥ثالثه كليه
اتخطبت ونسيت شويه من كرهي للكليه وخطيبي شجعني كتيييييير بس انا اللي ضرباها طناش وجبت تقدير جيد هو كويس وخلاص هتجوز بعد رابعه
😍عشقي لعلوم لم ينتهي 😍
😍
😍
😍 😍
😍 😍
😍 😍
❤ ❤
دمتم في سعاده ❤
😍 ❤
💖💖💖💖💖💖💖💖 فاطمه محمد💖💖💖محمود💖💖💖💖💖💖
-
◌ رسالة منشورة
انا اول يوم فالجامعه ضاعت مني حاجه غاليه علي قلبي بس رغم الحاجات الي حصلتلي فالجامعه ومن كل الخبطه الي حصلت معانا والمحاضرات والصعوبات الي مرينا بيها الا اني بحب الجامعه اووي بجد انا اتعرفت علي ناس كويسين خالص بنات وشباب زملاء علي احسن الاخلاق
الصراحه انا بنت من قريه كانت الدنيا بالنسبالي محدوده اتفجاءت فالجامعه بحاجات عمري ما اتوقعت انها تكون كده وحياه تانيه ودنيا تانيه خالص فسنه اولي كنت جامده اوي فكلامي وعلاقتي مع الناس مع اني شخصيه اجتماعيه عرفت ناس مبسوطه اني عرفتهم اوووي ولحد دلوقتي علاقتي بيهم بتزيد اكتر واكتر
فسنه تانيه كنت اخدت علي الوضع والدنيا بقيت اعرف الناس واعتقد ان معظم الناس عرفتني بس فسنه تالته والتخصص كانت اجمل سنه بقيت عارفه الناس كويس خالص واجمل
مافيها رحلات الي طلعتها مع صحابي صحابي الي بحبهم بجد صحبتي وعشرت سنيني الي دايما معايا فالحلوة والمره وصحبتي الي اتعرفت عليها فالسكن وكانت احلي صدفه اني عرفتها ومع بعض وهنفضل مع بعض فالسكن الي دايما بخنقاتنا فيه بس احلي سكن واحلي صحاب وصحابي الي معايا من اعدادي ومستمرين مع بعض ربنا يديمكم فحياتي
انا عاوزه كل حد هيقراء الكتاب يعرف ان دفعتنا دي اجمل دفعه واحلي شباب وبنات كله بيساعد بعضه ودفعه خفيفه علي القلب نفسي كل دفعه ورانا تعيش حياتها وتشد حيلها ومتزعلش انها دخلت تربيه لان ده نصيبهم بس لو عرفوا يبقوا
دفعه مع بعض فالشده والفرح هتكون احلي دفعه
انا منتظره حفلات التخرج الفان دي والرحلات واشوف كل صحابي وزمايلي بيستلموا شهيدهم واشوف الفرحه فعيونهم لانهم بجد كلهم يستاهلو
انا بجد زعلانه ومضايقه اووي اني هخلص ومش هشوف حد من دفعتي تاني بجد حاجه صعبه اوووي عليا اني مش هشوفش حد تاني
انا مدرسه لغه عربيه وافتخر وافتخر باحلي دفعه دمتم في قلبي دايما
s
-
◌ رسالة منشورة
السلام عليكم ورحمه الله وبركاته
تحياتى لجميع اخوتى فى اسلام
اول حاجه انا قررت اكتب الصراحه دى بصعوبه لانى دايما بحب الوحده وعدم المشاركه بس سالت نفسى سوال كملعلمه اجيال لامتى هستمر فى كده وقدرت اتحدى الظروف الحمد الله حبيت اشارك لو بصوتى فى كتاب حتى مش هيحصل حاجه يعنى
انا وحده من الدفعه الا شافت انها وسط اخوات بجد مشفتش حاجه وحشه ولاى موقف عنكم وبنسبالى دفعتى دى مشفتش زيها فى الادب ولاحترام مثال لتربيه وتعليم فعلا الا بعض اكيد فى حلو وفى الوحش بس انا شخصيا مشفتش حاجه زى ما باقى دفعه بتحكى
انا متعرفتش على ناس كتير بس كل عرفتهم فى منتهى اخلاق والزوق كانوا صحاب فعلا وبتظهر اخوه الدفعه لما حد يطلب حاجه تلاقى الف واحد يقدم المساعده
وزعلانه بجد انى عدت تلت سنين مشاركتش فى حاجه وحبيت اختصاره على صحابى وبس الله اعلم ازا كان ده صح ولا غلط بس كانت عاداتى وتقاليد متعوده عليها حكمت عليا انى احب الاختصاره بس الحمد الله على كل حال
رسالتى اتمنى كل الدفع التاليه تبقى مثال لتربيه والتعليم وحياه جامعيه سعيده خاليه من المشاكل ونجاح متقدم ليكم وحاول على قد ما تقدر تشارك وتستفاد من سنينك فى كليه باى شهادات اخرى
وفى النهايه الف شكر لاخواتى 😍
ولكم حريه الراى ازا كان كلامى لايتناسب مع موضوعات الكتاب انه ينزل فيه اول لا
-
◌ رسالة منشورة
بسم الله الرحمن الرحيم
انا حبيت اني اشارك عشان
لما ان شاء الله اقرا الكتاب دي بعدين ما اندمش واحبيت اني اكون جزء من الدفعه الذي انا باراها من افضل الدفع في تعاونها مع بعض بغض النظر عن بعض الناس الي ٠٠٠٠٠٠٠٠٠٠
ابدامن اول نتيجة التنسيق وجات كليه تربيه ابتدائي الي انا معرفهاش ولا اي حد في البيت فرحت لاني ادخل جامعه وهروح قنا وسكن كمان هناك لاني بطبع القريه وكما البنات وكمان هواره عمري ماطلعت برا هذه القريه ولا زياره قرايب عندينا بمجرد ما البنت تدخل الاعداي خلاص مافيش خروج من البيت وايضا تعليم البنات كان محدود جدا
فطبيعي ابني صوره عن الجامعه؛ السكن الخارجي ،تعامل الناس ازاي في المواصلات وفي السكن تمنيت لو حد يرشدني بس اعمل ايه بس الحمد لله كانت ثقتي بالله كبيره وقلت طالما رب اختار ذللك وحطك هنا واهلك واثقين فيك لازم تكوني قد المسؤليه وديما كنت اقول الي مع ربنا ربنا معه ودخلت الجامعه وجيت في تقديم كان الامر عادي جدا وستسهلت الموضوع وجيت اول يوم طبعا كانك في اسرائيل خايف تكلم وتكلم دي والاولاد ممنوع مانعا باتا المشي في الطريق الي هما فيه كنت فاكره ذلك مع كل البنات بس للاسف مع احترامي طبعا لقيت الحكايه easy
الاولاد مع البنات والبنات مع الاولاد قلت ي ربي ازاي كنت دايما ابكي معرفش ليه واقول اروح وقولهم في البيت بلاش اكمل خلاص كده كفايه
وقعد اصبر نفسي واختي كانت تقولي صاحبي واحده تروح وتيجي معاكي والحمد لله صدفت واحده زي نفس تفكري وتقريبا نفس ومن قريه برضوا زي بس طبعا مش من بلدي قولت الحمدلله المهم معي في الكليه صديقي الله يمسيكي بالخير(مروة)والحمد لله حتي الان كذلك ومره في مره استقلينا في الدفعه وبقينا نري كل تصرفات البنا ت الغير مقبوله ونحذر منها سنه اولي دي كانت جميله جدا بس النتيجه قفلتها في الاخر
وجيت في تانيه ومعي نفس الصديقه بس طبعا زادوا بحكم عددالدفعهوبقينا اربعه بس والله احلي صحاب واحلي ناس وانا حبيت الاقصر عشانهم لانهم كانو من الاقصر(صابرين،مروه،نرمين،هويدا )الي هو انا الي بحكي تانيه كانت احلي سنه بيكم وتالته كذلك ورابعه باذن الله هتكون اجمل السنين بيكم
ونرجع الي دفعتي حبيبتي والله هي في ناس كتييييير محترمه سواء اولاد فهما رجاله بجد والبنات كلهم جدعنه في الصعب تلاقيهم جنبك بس المشكله ان الانسان بطبعه بيحب القياده او السيطره ودي الي خلي معظم مشكلنا علي ذلك واختلاف الراي طبعا ركن ايضا في المشاكل
وهاجي بقي لواحده غاليه جدا علي قلبي صحبه السكن والمدينه ورفيقتي في الكليه واختي التي لم تلدها امي (ايه القرشي)الي والله حببتي في الحياه وفي الصحاب وبجد الصديق نعمه من عند الله فبشكرها علي كل حاجه بجد الف مليووووون شكرا ي ايه
وبنهايه كلامي
اولا بشكركل واحد تعب عشان الدفعه دي العنديه بزياده وبشكر كل الي ساهم في فكره هذا الكتاب وياااااارب اكرمنا ونخلص علي الف خير وبتمني ان سنه رابعه تكون افضل سنه لينا جميعا وذكري للكل
#Hoyada Ebrahim
-
◌ رسالة منشورة
بسم الله
مكونتش اعرف ان الكبت والحرمان يقدر يخلى الواحد يعمل تصرفات طفولية يعنى شخص مثلا تجيله مسج على صراحة ياعالم اذا كان هو باعتها لنفسه ولا حد مش كويس هو الى باعتها .
وازاى قدرنا نشوف مدى الدناءة والسفالة فى بعض الكوميكس وازاى ظهرت لينا شخصيات معنديهاش ادنى فكرة عن الرجولة والرزانة .
(اذا بليتم فستتروا )
بلووووة!!!؟؟
مالك مستغرب ليه ايوه بلوة الحب بلوة ياسيدى بس الحب الحب مش لعب العيال .
طيب تعالى نشوف تركيبة الحب دى
(الحاء)يعنى حنية واهتمام وخوف على الى بنحبه لامره يظهر للعلن والناس تاكل باسمه عيش
(الباء) براءة مفيهاش مصالح ومباهاة واستغلال قلوب البنات الرقيقة الى للاسف البعض منهم اصبح شئ فى منتهى السفالة والانحطاط .
احنا بقينا حاليا بنتباهى بعدد البنات الى فى حوزة الشاب وكأنها شئ رخيص كذلك البنات بردو يحبوا انهم يبقى ليهم فانز ومعجبين لارضاء الغرور الانثوى .
يعنى لو هى وحشة وجيت قلتها ايه الحلاوة دى هتلاقيها فرحانه بكدبك ونفاقك ومنشكحة وهتقولك يا توم ياكروز ويا ميل جيسون وجاستن بيبر وغيره وانت اصلا معفن تقوم بقي منشكح وتبص فى المراية وعقلك يصورلك انك كده بالفعل .
فريق البومات بصراحة بوظ سمعة دفعتنا من سنين والناس الى اكبر مننا يقولوا ان دفعتكم صايعة وفاشلة طبعا ده للبنات وشبابنا للاسف واقع فى بير المحن .
عجبت على القوب تقلبها
ابعد المحبة ادارت اليك جفاها
والصدق وان كثر كان ثقمها
وقليل من النفاق دواهاااا
احلى كومنت عجبنى فعلا من الاخت الى قالت ان شباب الدفعة عيالنا اقسم بالله مكذبتى يا اختى اساسا الاغلبية العظمة تحسهم شباب اعدادى حتى الاستايل بتاعهم طفولى حركاتهم كلامهم هيئتهم اجسامهم . علشان كده لما حد يعمل حاجه زى دى المفروض منلومهوش ونعتب عليه لانه طفل يا جماعة .
اخيرا عمر الصيد مكان كده الى عاوز يصيد مش بيصيد فى العواصف الصيد فى الهدوء والمياه الساكنة انما ده هبل بصراحة ( راجع كتاب الصياد الماهر لاحمد عز ) وانت هتستفاد اوى
ليتنى استطيع القذف
لاحطم الجبهات
واحسن على ناى التهكم العزف
لنتراقص على نغم الويلات .
#كلمة اخيرة يا ريت نستنضف السمك شوية
نزل دى ضرورى يا استاذ احمد لو سمحت
-
◌ رسالة منشورة
اول حاجة السلام عليكم ..حابة اقول انه انا قضيت احلى 3 سنين ف الكلية وحبيت جدا الناس الى اتعرفت عليها سواء سكن او كلية وحبيت الجو ف دفعتنا ..بس انا الى مضايقة منه الكام بوست الى ف الدفعة الى يطلع يقولك دفعة زفت كلها كارهة بعض الى بيقول كدة ملهوش الحق ف الكلمة دى انت معاك مشكلة مع كام واحد ف الدفعة مش لازم تعمم وتطلع الدفعة كلها بصورة وحشة بالعكس معظم دفعتنا انا شايفاها بنتعامل عادى جدا ومش فاهمة ايه كمية البوستات الى بتقول دفعة زفت انت متعاملتش مع كل الافراد عشان تحكم ع دفعة 1050 واحد من تعاملك مع 10 او 20 شخص وطلعو مش كويسين كل دفعة فيها الكويس وفيها الوحش ومش لازم تطلع الدفعة ف صورة انه احنا كلنا بنكره بعض بالعكس فى ناس كتييير كويسة جدا ف الدفعة فياريت كفاية حك وتاليف ف كلام مش موجود اصلا عشان تبين نفسك
....وربنا يهديهم الناس الى زى دى وربنا يكرمنا ف السنة الاخيرة يارب وبجد انتو ناس كويسين جدا وتستاهلو كل خير وربنا يكرم كل واحد ف دنيته وحياته ❤❤
-
◌ رسالة منشورة
الخصام ممنوع
والزعل مرفوض
حقك على عينى يا
مطلع عينى
دا اللى يزعلك يبقى حكم على روحه بالموت
الى A.S.H
حبيبى😘😘
-
◌ رسالة منشورة
الواحد بيدفع ثمن أخطاءه فى الثانوى دخلت عند رياضة
1- عند فى أبويا ( كان عايز يدخلنى صنايع وأنا الأول على المدرسة )
2-كنت بحب مدرس الرياضة أ/صفوت ثابت ( بس مكونتش بحب الرياضة قوى وتعتبر المادة الوحيدة اللى اللى لما بذاكرها ليلة الأمتحان بخلصها بسرعة وأبقى قوى فيها لكن بعد الأمتحان أنى أفتكر حاجة مستحيل وكل سنة ببدأ أذاكرها من جديد )
بعد ما دخلت تربية طبعاً عرفت أن تخصصى متححد ( رياضة ) بس دا فى سنة ثالثة وأحنا حالياً شعبة عامة و 17 مادة فى الترم بصراحة كنت مبسوط كنا بناخد أجزاء صغيرة من كل مادة وأنا شخصياً بحب التنوع والمواد الكتير حتى لما بقرر أذاكر بجيب كل المذكرات والورق قدامى وأذاكر فى كل مادة شوية لو معملتش كدا بحس أن فى حاجة ناقصة فى حاجة غلط
أيام الشعبة العامة كانت جميلة بسبب الأصحاب اللى أتعرفت عليه ودول كتير بس فى ناس كنا ديماً مع بعض رامى واسلام وأحمد عثر وأحمد فوزى وأيمن وسعد وأسامه و أحمد محمد وأحمد خليفة كلنا أتفرقنا فى التخصص الأ أنا واسلام علشان معاى فى رياضة وخليفة على الرغم أنه شعبة عربى بس دايماً مع بعض وعلى اتصال
التخصص اللى بحبه طبعاً دراسات بس حتى لو جالى مكونتش هدخل وأسيب رياضة أنا من النوع اللى بسمع عقلى قبل قلبى وبغلبه دايماً وكان قدامى أدخل أدبى فى ثانوى وكنت هجيب مجموع علشان عندى ملكة الحفظ بس حكمت عقلى برضوا
كنت خايف جداً من التخصص لان تقاديرى فى المواد التربوية والأدبية أكبر من تقديرى فى الرياضة وكنت متوقع تقديرى ينزل فى التخصص واللى مكنش على البال ولا الخاطر أنى أبقى ليدر شعبتى ( صدفة غير مرتبة ) دا خلانى إلى حد ما أحضر معظم المحاضرات أى نعم مش بفهم حاجة وبسرح ويمكن لو الدكتور سألنى مش هعرف بس اللى اكتشفته أنى لما باجى أذاكر المحاضرات ليلة الأمتحان بفتكر المحاضرة أزاى مش عارف كنت منظم وقتى ما بين الكلية والتدريبات اللى باخدها وقعدت الصحاب على القهوة والضمنه فى سنة ثالثة كنت بطلع من السكن الساعة 7 حتى لو مفيش محاضرات 8 أرجع 12 أو 3 الفجر
فى التربية العملى بقى اكتشفت حاجة مهمة جداً أنا ممكن أفهم رياضة لكن أنى أفهمها للناس مش بعرف أنا ممكن أشرح أى مادة لكن باجى عند الرياضة ومش عارف وكمان السبورة يمكن من ابتدائى مكتبتش على سبورة فخطى وحش جداً لا وكمان العيال أصلاً جايين مش بيعرفوا يقروا ولا يكتبوا وكنت تقريباً فى أزبل مدرسة فى قنا ( قنا الأبتدائية الجديدة ) والمدير بتاعها زى الزفت وعملت معاه مشكلة لكن بصراحة المشرفة كانت محترمة وطيبة معانا ووقفت فى صفى
التربية العملى كانت فرصة انى أعرف اخطائى وان شاء الله هتعلم منها وأصلحها السنة الجاية
سنة ثالثة كانت أجمل سنة فى حياتى عملت فيها حاجات كتير لدرجة أنى مش لاقى حاجة أعملها فى سنة رابعة
#أحمد_عمر
-
◌ رسالة منشورة
التخصص حلو بس متعب وصعب شويا من السكاشن والمحاضرات
بالنسبالي،السعبه العامه والتخصص حلوين لان كل واحد فيهم لي ميزه التخصص حلو لان المواد قلت وعشان نعرف تخصصنا اكتر بدل كتر المواد
والشعبه عامه ميزتها ف لمه الصحاب سوا.
التخصص فرقني عن صحابي ال،بحبه
بس التخصص عرفني ع صحاب اكتر واكتر الحمدلله
دكاتره علوم صعبين والسكاشن كامت حلوه لانها اول مره نجربها بس الدكاتره في الوحش والكويس
التربيه العملي كانت ممتعه جدا والمدرسه كانت حلوه، والمدرسين والمديرر
بس مشكله ف للاطفال التعامل معهم صعب
اكتر موقف محرج حصل ف الفصل اننا شرحما درس كانو اصحابنا ف الحصه الاولي شرحوه واحنا مكناش نعرف فكان رد فعل الاطفال. وحش😂😂
والحمذلله كل حاجه
مس اسماء
مش،لازم تنزل ع الجروب😂😂
-
◌ رسالة منشورة
بالنسبة للتخصص فكان قضية محتومة علوم وملناش تخصص غيره فى التخصص اتعرفت على ناس كتير خالص شباب وبنات اتعرفت على اخوات بمعنى الكلمة وازاى انك تلاقي حد يشيلك وباكى على مصلحتك خصوصا انك تكون مهمل فى حق دراستك الناس دول انا اتعلقت اوى بيهم لدرجة انى مش متخيل حياتى من غيرهم .
اما التربية العملية فالحمدلله كنت مسيطر استاذ متفتح ذكى ذو هيبة بيقدر يوصل معلومة مبتكر لطرق كتيرة للتبسيط قدرت اكسب حب الناس ليا وحب الاداريين والاساتذة وحبيت يوم الاربع جدا مع انى عدوى الصحية بدرى بس ربنا كرمنى بمدرسة الناس بتتريق عليها انها بعيدة بس كنت بروح الساعة 9 والساعة 10 كانت وكالة من غير بواب 😂😂😂
من المواقف الى عجبتنى جدا وفكرتنى بايام زمان انه فى تلميذة عندى اشتكتلى من زميلها الى بيعملها صواريخ ورقية مكتوب عليها انه بيحبها البنت جابتلى الصاروخ وشاورت على الولد المهم انا كنت فى حالة تعجب من جرئة الولد ولما كلمته قالى انه بيحبها انا ضحكت وكنت هضربه بس قلتله لما تكبر شوية ابقي حبها براحتك ركز فى دروسك احسن .اكتر حاجة عجبتنى انه اغلبية الاولاد لما كانوا يتسألوا نفسكم تبقوا ايه كانوا بيقولوا انهم نفسهم يبقوا زى سبحان الله حسسونى انى حاجة 😂😂وفى الاخر ربنا يكرمنا ونتجمع على خير
-
◌ رسالة منشورة
التخصصااجمل يكفي المحاضرات بقيت قليله والتخصص مفرقناش عن صحابنا الطول بنشوفهم ومع بعض والسكاشن عسل هو سكشن واحد طول الترم مفيش احلي من كده ومحاضرات اجمل في اليوم محاضرا وان زادت هتبقي اتنين اكتر سنه حبيتها
اما التربيه العمل انا كنت بروح تمانيه ونص ومدرسه عسل اوي الصراحه بس العيال شياطين بس حلوين وحكايه اني حاولت ققلد استاذ ديا مش يحبهاكل واحد ليه شخصيته مينفعش حد يقلد حد لازم الواحد يبقي مختلف عن غيره
-
◌ رسالة منشورة
انا بقا كان نفسي ادخل كلية فنون جميلة
وبالتحديد قسم ديكور وجبت مجموعها بالملي ولكن اكتشفت ان القسم داا مش متاح للأدبي وكان قدامي جرافيكس وتصوير ونحت علشان كدا فكرت في تربية ودخلتها عن اقتناع ا لحمدلله عانيت في أولي وثانية بسبب أن كنا شعبة عامه و17 ماده علمية وأدبية وتربوية في الترم كانت حاجه تخض بس الحمدلله عدينا منهم وطلعنا بااجدع صحاب ودخلنا ثالثة سنة التخصص اللي فرقتنا وكنت حاسة فيها بالوحده واصعب سنة كانت بالنسبالي بس الحمدلله برضو ويارب رابعة تبقى وشها حلو علينا وربنا يكرمنا جميعا 😊
-
◌ رسالة منشورة
فيه صاحب متفائل ومالى الدنيا بهجه عليك هدايا وحب ورسائل وكمان هو بحب الحياه خروجات وفسح وضحك وهزار ولقش طول الوقت دايما يديك طاقه ايجابيه وطاقه كده وحيويه النوع ده انا بحبه اوووووى
#نصيحه اختروا صحابكم ي جماعه كويس وحافظوا عليهم علشان الصحاب رزق والله هما بحلوا الدنيا
#انا بعون الله مفيش موضوع مكتبش فيه فى ام الكتاب ده ههههههه
####R عاوزاه يبقى فى احسن صوره والله
-
◌ رسالة منشورة
انا في سنة اولي مكنتش اعرف حد بس كنت شايفة الناس عارفين بعض بيهزورا ويتكلموا وعادي ‘ بعدين اكتشفت ان معظم الناس كانوا مع بعض في المدارس ومن مكان واحد ‘ بعدين اتعمل جروب انسي الهم وبقيت اعرف الدفعة من خلاله فقط ‘ كنت بعلق مع الناس والدنيا تمام لحد م بقيت اسمع بمشاكل بين الناس زوهلت الصراحة من اللي كنت بسمعه
فرجعت تاني اتجنب الدفعة دي ‘ جات تانية وفهمت الناس اكتر بس بقيت بسمع واعرف واسكت ماليش دعوة بحد وعرفت ناس جدعة بالمعني الحرفي للكلمة وقفوا معايا في تانية في وقت كان ممكن أضيع فيه وبرضو حوارات الدفعة زي م هي ‘ تالتة بقا والتخصص دي سنة لذيذة نوعا ما الناس عرفت بعض اكتر بقيت الورق مكشوف زي م بيقولوا لان اي حد هيعمل مشكلة هيبقا باين ومعروف بس الصراحة في ناس عدلت من نفسها كتير ‘ فهمنا بعض اكتر كدفعة وانا عن نفسي فهمت كل اللي حواليا وحتي اللي متعاملتش معاهم وعرفت كتير اوووي ‘ بعد كل الي حكيته دا انا برضو بحب الدفعة دي لاني من الناس اللي بتكره فكرة التعميم ف زي م كان فيه ناس وحشة كان في ناس زي العسل 😂 وهيوحشنا هزارهم وكلامهم وهيوجعنا فراقهم ربنا يجمعنا ف رابعة علي خير
-
◌ رسالة منشورة
مش عارف ليه بحس أنى بفكر عكس ما الناس بتفكر بدور على حجات الناس نسياها قبل ما أدخل الكلية كانت حياتى بسيطة جداً جافة من المعاملات مع الناس حتى فى البيت علقتنا مش بحس فيها بالأسرة كل واحد فى حالة كل واحد ليه اهتماماته وهواياته وميول خاصة كنت دايماً منعزل فى أوضتى ما بين الكمبيوتر والنت والمذاكرة والكتب وزادت الحالة دى فى الثانوية حتى المدرسة والدروس كنت أقعد بالشهور ما أشوفهمش ولو روحت بزوغ من المدرسة وأروح أذاكر فى السيبر أيوه كنت بذاكر فى السيبر لحد الساعة 1 أو 2وأروح البيت كأنى جاى من المدرسة مكنش فى أعتراض من الأهل (أنت كبير وعارف مصلحتك كويس) وكل حاجة متوفرة كنت بحب أقعد لوحدى ومبتكلمش مع الناس وديماً سرحان حتى وأنا ماشى فى الشارع بسرح .
فى فترة الثانوية أنا كنت فاشل بس فاشل بطريقتى كنت مشتت بأكتر من حاجة وهوايتى وميولى غالبه تفكيرى ومسيطره على كل حاجة فى حياتى يعنى على ما أتذكر أنى قريت كتاب التاريخ بتاع 3 ثانوى وأنا علم رياضة كنت بنزل برامج وأقرأ كتب وأسمع فديوهات وشرح لحجات ملهاش علاقة بالثانوى اساساً صحيح تعليمية وبستفاد منها بس ملهاش علاقة بيا وكنت شبه منعزل عن العالم الخارجى
المهم دخلت تربية بس كنت منغلق يدوب أتعرفت على اتنين بس فى الترم الأول رامى ( دحيح بس فقرى ) واسلام ( طيب جداً بس كسول ) مكونتش أتخيل أن الترم التانى الدكتور جابر حسن ينده أسمى كليدر لمجموعتى حولت أدبس أحمد الدوشى فيها واديتلوا الورقة وقولتلوا الدكتور نده أسمك بس على مين لقيت نفسى متدبس فى مجموعتين ( ذكى وعقلية بس الكلية مش فى دماغه ) ورامى يقولى سيبها وطنش واسلام يقولى مش بتاعتك لكن متعودتش أكون جبان المحاضرة اللى بعدها طلعت فوق المسرح وقولت ال cv واللهى أول مرة أمسك مكرفون وبدأنا نعمل اجتماعات وأتعامل مع مجموعتى بس كان فى مشاكل كتيرة مكونتش أعرف أتكلم معاهم مكنتش أعرف أوصل اللى فى دماغى كنت بشتغل لوحدى ومحدش مقتنع باللى أنا بعمله بس كنت بتعرف على ناس وشخصيات مختلفة كنت كل واحد بقعد معاه بتعلم منه حاجة مختلفة تقدروا تقولوا كنت فى الفترة دى بكون شخصيتى وحاجة برضوا مش هنساها فرحة المجموعة لما الدكتور شاف شغلنا وكونا أحسن مجموعة بعد كدا أى نشاط كنت بشترك فيه وأنا مغمض مجموعة فنون تشكلية و أسرة إنعكاس إيجابى ونشاطات كتير
فى سنة تانية بقى خلاص بقيت بلف على الناس كنت بحاول أن كل شيلة من خمسة أكون أنا الخامس بتاعهم خدت كورسات تنمية بشرية كتير وقعدت فترة طويلة بدرس شخصيات الناس وازاى أجبر اللى قدامى يعمل حاجة أنا عايزها من غير ما أقوله وتعلمت اساليب كتير وخدع فى الكلام وكنت بقابل شخصيات بتعحبنى فى الكلية باخد الجزء اللى عجبنى فى شخصيتهم لحد ما قبلت 3 شخصيات مهمين جداً من مجموعة ( ب ) واحد بإبتسامته وهزاروا يتعرف عليك فى ثانية ( محمود حسانى ) وواحد برجولته ونبل أخلاقة يجبرك تتعرف عليه ( عمر الأنصارى ) وواحد أوفى الناس وأعزهم عندى ( محمود عبدالراضى ) .
جات سنة ثالثة سنة التخصص أجمل سنة فى الكلية بقيت خبرة خلاص أتعرفت على شيلة جديدة شخص ذكى جداً وقلبه طيب جدا بس عصبى وبيتنرفز بسرعة ( عبدالله محمد ) صاحب صاحبة ودندراوى أصيل ( المظلوم ) الزملكاوى بزيادة اللى روحنالوا قفط وأنقذنا فى لحظات الضياع قبل ساعات من المادة ( محمود دردير ) الغلس التافة العاق اللى بحبه جداً ( حواش) واحد تحسه برنس فى نفسه ( وليد محمود) الشخصيات اللى أتعرفت عليها جوا وبرا الكلية خلال ال 3 سنين دول عايزن كتاب لوحدهم
#أحمد_عمر
-
◌ رسالة منشورة
علشان ربنا عارف إستعداد العباد تقول السيدك خديجة كما في البخاري " اول ما نزل من القرآن مفصل السور يعني السور القصيرة فيها ذكر الجنة والنار حتي اذا اقبلوا الناس الي الإسلام نزل الحلال والحرام ولو نزل اول شيء لا تشربوا الخمر لقالوا لا ندع الخمر ابدا ولكن نزل علي محمد في مكة بل الساعة موعدهم والساعة ادهي ومر وما نزلت آيات التشريع الحرام والحلال الا وانا في المدينة تاني حاجة الاتزان ي جماعة بين الرفق والجدية والأولى غلبت الرفق ‘ يعني انت بتقول علشان تنفع اللي قدامك مش علشان انت صح وهو غلط انت عارف وهو لا دا ربنا قال وامر اهلك بالصلاة واصتبر عليها ‘ اصتبر علي سماع مبرره وهو بيعمل الغلط انت مش جاي تزنقه ‘ عايز تعمل فاهم وتطلعه هو مش فاهم وكان النبي لا يواجه احد بما يكره
-
◌ رسالة منشورة
ياريت لو سمحت تنزل الكلام دا ع الجروب هو ملهوش علاقة بالكتاب بس ليه علاقة بينا كدفعة علشان رايحين رابعة وعايزين نروحها والقلوب صافية ‘ بالنسبة للمناقشات الدينية اللي موجودة في الجروب اولا كده من اهم حقوقونا علي بعض تبادل النصيحة ‘ ورغم كده اثبت الواقع ان من اكتر التعاملات المنفرة والمؤدية للخلاف والتباعد هي النصيحة ‘ انا بقول الكلام دا علشان نبدأ نركز لو هننصح حد هيجي اللي يقول انا مش بنصح حد انا بنزل معلومة دينية او م شابه ذلك عموما يعني اي كان الهدف اذا كنت عندك معلومة في الدين وبتعرضها او نصيحة ف لازم ناخد بالنا لان النصيحة نوعين ي صالحة ودي للنفع والإرشاد ي اما مش صالحة ودي لممارسة السلطة الأدبية مش اي حاجة تيجي في بالك تتقال في اي وقت لاي حد هو انت عايز تقول ولا عايز المنفعة خد بالك‘علشان كده في باب التشريع اسمه باب التدرج ان مش كل كلام ربنا نزل مرة واحدة علي اي حد في اي وقت كان في تدرج في التشريع.. هكمل ف مسج تاني
-
◌ رسالة منشورة
" الاشخاص الخونه"
في سنه من سنين الكليه صاحبت اتنين والاتنين خاينين والاتنين اخطر من بعض وكام حظي شفت فيهم اخطر انواع الخيانه والعدوانية
الاول: الخيانه ظهرت عليه وده اسهل من التاني وكان أول واحد يحاربني إلكترونيا ويفتح عيني علي الالكترونيات كان معايا جروب كبير .والشخص ده كان بيحقد عليا فا كلم واحد صاحبه وهكر الجروب بتاعي وبفضل الله قدرت أرجعه تاني وعرفت بطريقه صديق ليا أن السبب هوه صاحبي الاول روحت كلمته فضل يتهرب وده كان أول درس ليا في الكليه واخطر درس ، فضلت ادافع علي نفسي إلكترونيا لحد م أطلق عليا هكر الدفعه
"حسبي الله ونعم الوكيل"
الدرس التاني كان بيحقد عليا من حاجات كتير وقالها لما سالته أن احنا مش أصحاب قالي لا مش صحاب وافتكرته زعلان مني لكن ده كان بيتكلم بجد المره دي ف انا اخد كلامه عادي
الدرس التالت :من نفس الشخص الأول وده نفاق كان بيقول كلام ليا في وشي ويقول ورايا كلام تاني
"خيانه ونفاق وكذب وحقد
"
الشخص التاني :خاين من نوع اخر وده اكبر خطر كنت اشوف في وشه أنه غلبان ولكن جواه عالم من الحقد والغل والنفاق
الدرس الاول:اولا كنت محتاجه في موقف صعب وكان اول موقف وقالي ماليش دعوه
الدرس التاني:يروح انتي ويقولهم الشخص ده فيه وفيه وفيه وقدامي احلي صاحب
الدرس التالت :ممنوع من العرض
تعلمت علي أيديهم الي يعلمه شياطين الجن للانس
________________ نكمل في وقت تأتي
"(ŖàFăţ)
-
◌ رسالة منشورة
بالنسبة للفتي م شاء الله معظم الدفعة بتفتي هههههههههه الشخصيات دي منتشرة اوي ف الدفعة بس هما كبروا خلاص بقا وان شاء هيبطلوا هبد وفتي من السنة الجاية 😂😂
-
◌ رسالة منشورة
ايام امتحانات الثانويه العامه قبل الامتحان بنص ساعه كنت بهزر واحده صحبتي وبقولها بكل ثقه وكبر كدا انا مستحيل هدخل اي كليه اطلع منها مدرسه حتي لو هموت ضحكت وقالت افرض جاتلك هتعملي قولتلها مش هروح وتلف الايام واجيب 80ف الميه ومفيش كليه رضت تقبلني غير تربيه وعضب عني دخلت بس فضلت ابكي سنه يعني طول ما انا ف اول كنت مش بكلم حد خالص لدرجه انهم افتكروني مغروره ومتكبره ومذكرتش خالص ونجحت بالعافيه وبردو مفرقش معايا
بس رجعت فكرت ف اللي حصل لقيت نفسي بتحدي ربنا من غير ما احس ودي اكبر خساره للانسان لاني قولت انا هعمل كذا مش ان شاء الله هيحصل كذا
فربنا اراد يوريني قدرته
ساعتها بس حسيت بغلطي ورجعت لربنا ودعيته انه يسامحني ومن يومها اي حاجه تحصلي برضي بيها وبحمد ربنا عليها لان كل اللي عنده خير ✋🏻
-
◌ رسالة منشورة
السلام عليكم ورحمة الله
معلش تخرج عن موضوع انهرده
بس بجد حاجة فى نفسى محتاج اقولها انا قبل ما ادخل الجامعه كنت بفكر فى كل صغيره وكبيرها واى هيحصل معاى وكل ده انا دخلت الجامعه عند فى ناس كتير قالت انته مستواك اقل من انك تدخل تربيه لانها من كليات القمه وأول واحد قالها أستاذ ليا من البلد ساعتها انا ابتسمت فى وشو وقلت ليه ربنا يعدلها يا استاذ فلان محدش عارف الخير فين وسبتو بس بجد انا كنت على أخرى منو وانا بشكرو علشان هو الى إدانة القلم الى فوقنى بعد كده ظهرت النتيجه وجبت 87 زعلت علشان كنت عاوز تربيه عام بس
جاتاساسى قولت الحمد لله
وكل اجازه من الكليه اروح مخصوص عنده علشان اغيظو بس وعلشان هو مقدرنيش
-
◌ رسالة منشورة
فيه كمان الشخص النكدى الفقرى اللى مقلها فى شك مش هنجوز ي صحبيتى هنعز مش هتاخد حد عدل مش هنروج مش هنتفسح مش هنجيب تقدير ويطلع فيك القط الفاطس فى متين حياتك ده ملهوش خير حل واحد علطول جربت النصف ده كتير غاز وسخ ولع علطول ههههههههههه
#R
-
◌ رسالة منشورة
هنفرد بشخصيه واحكليكم عنها وهو الصديق اللى بخاف من الحسد فى ناس تخاف من الحسد بطريقه رهيبه وفضل يقولك والله انا فاشل والله ماحليت فى الامتحان والله هسقط فى الاخير تصدم تلاقى جيد جدا اقل حاجه وطول السنه يفضل يقولك والله ماده زباله مش فتحتها وهو يكون مذاكر الماده الف مره ههههههه يدخل يقفل بعدين يخرب بيت ابوك هههههه وحتى فى حياهم العاده يفضل يقولك الدنيا جايه عليا وكل حاجه ماشيه عكسى فى الاخير تلاقيه بكلم نص بنات الدفعه ومانتم معاهم ههههه ويقولك الدنيا صعبه وبتاع مش هنلاقى ناكل فى الاخير تلاقيه جايب خمس اطقم لبس فى السنه هههههههه يخرب بيتكم اى نعم الحسد مذكور فى القراءن بس مش بالشكل العجيب اللى بتعمله ده تنكد علينا وتقلها فى وشنا وانت هيص ي مان زهقتنا فى حياتنا ي اخى عارفينك ومرتحين فيك متلفش وتدور كتير هههههه
#R
-
◌ رسالة منشورة
انا هشارك عشان عايزة اسيب بصمتى معاكم 😂❤
هتكلم عن اول اسبوع ف الكلية والسكن فكرتونى بالذى مضى😂😂💔
انا كنت معرفش ولا حاجه ف الكلية ولا كنت احضر محاضرات ولا كان ليا صحاب واحده بس كنت اعرفها كانت معايا ف ثانوى (ف.ص)وعلاقتى بيها ف ثانوى كانت سطحية ..ولما بدات احضر وكده كنت اقعد ف البنشات اللى ورا معرفش ليه كنت خايفه من شكل الدفعه انها كبيرة كده وبحاول استخبا من الناس😂😂💔
اول محاضرة حضرتها كانت لدكتور حسن التهامى المحاضرة اللى عملها تعارف دى وكان كل واحد يقول معلومات عن نفسه ..كنت مستغربة ازاى الناس بتقوم تعرف نفسها كده مش بتتكسف وتحرج يعنى🙄 بعدين الدكتور حسن قال الاختيار هيكون عشوائى وفضل يقوم ناس عشوائى وانا قاعدة ورا وما بيا ولا عليا وفجأة شاور عليا😐 كنت عايزة الارض تنشق وتبلعنى عملت نفسي مش سامعاه قعد يقول هيا عارفه نفسها وهتقوم😂 وعرفت نفسي وكنت متلخبطه ومش عارفه اتكلم😓😓 وعدى الموقف 😂
اما بالنسبه لاول اسبوع ف السكن كان كارثى بمعنى الكلمه انا وصحبتى كنا بنكسل نعمل اى حاجه انا اقولها اعملى وهيا تقولى انتى اللى قومى اعملى ولا الميا اللى كانت علطول تقطع ف السكن والاكل نعمله ويبوظ
يلااا كانت ايام😁
$$
-
◌ رسالة منشورة
انا اخيرا اتشجعت انى اشارك معاكم😄
فكرة الكتاب حلوة وشغلكم حلو جدا 👏
هتكلم انا عن التنسيق وايه جابنى تربية😂
كنت ادبى وفترة الثانوى طبعا كانت فترة مرهقه وليا انا بذات.. تالتة ثانوى من اكتر الفترات المجهدة ف حياتى نفسيا وجسديا كنت ماشيه بالعلاج والله😥
خلصت الامتحانات وعشت ف توتر ظهور النتيجة وظهرت النتيجة😀 يوم ظهور النتيجة بعد المغرب اختى رنت عليا انى اديها رقم جلوسي اول حاجه قلتهالها لا هكسفك قدام اهل جوزك ما ممكن اكون ساقطه مثلا😂المهم اصرت وادتهالها وجبت 88 ف الميه كنت اكتر واحده ف بلدنا فرحت جدا بمجموعى ومكنتش مصدقه وفضلت اجرى ف البيت وفاكرة كويس ف اليوم ده جبت مانجة كتييير وفضلت اكل من الانبساط😂انا كان نفسي ف اعلام بس اشطا عادى مزعلتش اوى يعنى انى مدخلتهاش وبعدين احنا بيت تربية اخويا واختى تربيه انا اللى هغير يعنى🤣 كتبت اول رغبه تربية عام وجاتلى اساسي
كان اللى مزعلنى وقتها صحابى اللى ف ثانوى فى اللى راح حقوق وتجارة وآداب اتفرقنا
ولما بدأت الدراسه كنت حاسه انى وحدى علطول ...بس الحمد لله ربنا كرمنى بصحاب سكن وكلية مفيش زيهم💙 اكتر حاجه حببتنى ف الكلية هما💙واتخصصت اهو انجليزى والدنيا تمام وبس😄
$$
-
◌ رسالة منشورة
ماكنتش أحب المذاكرة😂او بمعنى اصح ماكنتش اعرف اذاكرحتى فى الثانوى جبت80% مازعلتش عليها ومافرقتش معايا اى كليه قولت المهم اشد حيلى فى الكليه واذاكر وتجيب تقدير كويس .ودخلت الكليه ماعرفتش فيها حد لحد ماتعرفت ع أصحابي وكانت من أجمل الصحاب اللى قابلتها فعلا فى حيا تى واللى كلماافتكر إنها آخر سنه ليا بزعل فعلا والله ان مش هاشوف الناس دى تانى وأنها فعلا من أجمل الايام يخرج براحتى يشترى اللى عاوزة بكون مليونييير😂😂😂مش زى دلوقتى مش لاقين حق الشيبسي المهم بقي دى اخر سنه لبنا عاوزين نبقي مبسوطين وبلاش مشاكل مع بعض ع حاجات ان تافهه احنا أكبر من كده ياجماعه ربنا يديم المحبه جميعا وتكون سنه سعيده علينا جميعا يااااارب😍 دمتم فى رعايه الله
-
◌ رسالة منشورة
انا هختصر الكلام الكتير ف كام كلمه بس انا من الناس اللي كنت بدايق من كليتي والدفعه بس دلوقتي اقسم بالله عايز الايام ترجع تااني بيا علشان نقضي احلي ايام مع اجدع صحاب وارجل نااس ربنا يدمهم ف حياتي ربنا يخلينا ل بعض ي اجدع دفعه 🙏😘
-
◌ رسالة منشورة
اول حاجة ضحكتنى لما جيت اقدم للكلية انى بعد ما تعبت ورحت قنا للكشف الطبى قالولى لا خلاص تعالى بكرا وبعديين تعبت وقولت خلاص الورق خلص طيب مافضلش غير انى ادخل وف الآاااخر ماعملتش كشف طبى ولا اعرف عنه اى حاجة قالولى اهم حاجة ملفك ده
واول ماروحت عملى علامة صح وقلى بس كدا اتقبلتى قواتهدلهم ومن غير كشف يمضى عليه الرئيس وبس كدا وانا قولت ياااعينى على الامم اللى مستنيين دورهم ف الشمس واللى روح وجاى بكرا ...بس بجد كان نفسى اجرب الكشف الطبى دا
-
◌ رسالة منشورة
السلام عليكم
انا حكايتي مختلفه عن الباقين.... أنا دخلت كلية تربية بكل رضا....عايز اقول اني عافرت علشان ادخلها ... الموضوع كله علشان مطولش عليكم ... انا كأي شاب أهله بيتمنو ليه الاحسن ... والاحسن من وجهة نظر اي عيلة اني ادخل علمي ... واللي خلي اهلي يصرو ع كده درجاتي اللي كنت بجيبها... انا كنت يطلع م الاوائل ف اهلي وخصوصا امي كانت شايفه اني خسارة ادخل ادبي ... دخلت علمي بس علشان أراضيها ... وطلعت التاني ع مدرستي .. حبيت الفيزياء والكيمياء وكنت بقفل فيهم .. بس ف نفس الوقت مش حابب العلمي.. كنت حابب التدريس وحاسس انها هتكون مهنه مناسبه ليا اكتر م الدكتور ... بس امي مكنتش راضيه بكده .. وأصرت ادخل علمي علشان ادخل طب ... عدت تانيه ثانوي وقفلت ف المواد كنت بذاكر بس علشان خاطرها ... ف تالته ثانوي تعبت ... مش عارف نفسيا ولا ايه ... بس كرهت نفسي مش حابب العلمي ولا حابب الطب بس ذكرت علشان خاطر فلوس الدروس اللي نشفت امي وقلت حرام هي بتتعب وانا انام مستريح ... عايز اقول اني عملت زي م هي كانت عايزه ... امتحنت وقفلت ف الفيزياء والعربي والانجليزي والفرنساوي... قفلت ف كل المواد اللي كانت قبل رمضان ... انا مش عارف ايه اللي حصل بعدين بس فاكر اني اتخنقت .. ودخلت امتحان الاحياء مفتكرتش ولا اي حاجه ... كل م احاول اكتب افضل ابكي واتنفض .. واتكرر نفس الشئ ف امتحان الكيمياء والجيولوجيا ... بعد م النتيجه ظهرت يشاء القدر اني اجيب %٩٣ ... امي تعبت وزعلت مني ومرضتش تكلمني ولا حتي تبص ف وشي ...خصوصا أن كل اللي تعرفهم وكانو أقل مني ف المستوي .. دخلو كليات قمه ... بس انا مزعلتش رضيت وقلت الحمد لله ع كل حال .. وقلت كده خلاص اقدم ع كلية تربية .. واحقق حلمي ..بس ازاي اذا كانت ست الكل مش راضيه وخصوصا اني صدمتها بقراري .. وقولت لها انا حابب كلية تربيه وعايز ادخل تربيه تعليم ابتدائي .. هي زعلت مني طبعا وقالت انها مش راضيه عني ... انا مش عايز انكد عليكم ... بس انا تعبت واخواتي تعبوني .. لدرجة اني حاولت انتحر .. ايوة للاسف حاولت انتحر مرتين ... رغم اني خاتم القرآن ... بس احيانا بتاجي ع الواحد لحظات ضعف ... ومش كلنا عندنا نفس قوة الإيمان ... عايز اقول انه بعد مرور 3 سنين ف كلية تربيه ... امبارح امي اللي اقتنعت أن ده كان مكاني م الاول ... اه والله بكلمك جد امي لسه امبارح اللي اقتنعت وقالتلي بكل رضا انت يابني خلقت لتكون معلم ... وده بعد م شافت حب الطلاب ليا ... وازاي اتعلقو بيا لدرجة أن بعض الفتيات الصغيرات بيخبزو ليا كحك وبسكويت هههههه ..... ومش كده وبس انا ربنا كرمني اخر كرم ... انا بفضل الله اخدت إجازه برواية حفص وشعبه .. خلصت كتاب فتح الرحمن وكتاب الفتح الرباني واخدت إجازة بكده ... خلصت سيرة الرسول عليه الصلاة والسلام .. وشيخ كُتابي اداني إجازه بده بردو ... وامي ودي اهم حاجه رجعت راضيه عني .. رجعت تاني تقول انا ام محمود وتتباهى بيا وسط الجيران والقرايب .. رضاكي يا امي اهم شئ ... وكان اكبر واهم انجاز أنجزته ف حياتي كلها ... عشتي ودمتي لي بالصحة والعافية....
-
◌ رسالة منشورة
مررت على قوماً قد باعوا سفينتهم ... وذهبوا مشيأ إلى أرض النفاق ... فجائهم طوفان من ربك فأغرقهم وزاح عنا البلاء ... يا من تدعى السماحة والبراءة ... وفى النفس ما فيها ... قد محونا ذكراك ... ما عاد لنا أمل فيها ... فلا تجادل وبكلامك ترمينا ... أعلم فقط أن كلامك يؤذينا ... لو كنا نعلم أن الكلام سيعلينا ... ما كنا تركنا أمثالك تهاجينا .
فأرحل عنا لا نريد بك شر ... والله أعلى وأعلم بما فى نفوسنا من خير
لا ندعى أبداً لا ننافق أبداً نفعل الخير ونلقيه فى البحر
والأسم سيعرفه من تعنيه الرسالة
-
◌ رسالة منشورة
ياريت اللي يحكي ويقول حاجه متكونش كئيبه يخربيوتكم متخلوش اللي يقراه نفسه تتسد ويكره الكليه واللي داخلها وعلي رأي المثل أطبخي ي جاريه كلف ي سيدي هاهاهاهاهاهاااااااي
-
◌ رسالة منشورة
ولاول مره اشارك ف الكتاب اول يوم ليا ف الجامعه كانت المقابله الشخصيه والدكتور بيسالني دخلتي تربيه ليه فضحت وبقوله واحده علمي علوم تفتكر ايه الي هيرميها علي علي تربيه غير مكتب التنسيق منه لله😂😂😂😂<br>
الدكتور ضحك وسالني لو بقيت ابله هعمل اي ف العيال<br>
قولتله هجاوبك ع السؤال ده بعد ماخلص عشان لسه معرفش هتعلم اي هنا <br>
واداني كام موقف وكنت بتكلم عادي كاني اعرفه من عشر سنين وبحل المواقف كويس وهو كان بيضحك وفضل يقولي قولي جرجير وبسبوسه وبعدها سلم الورق بتاعي للاستاذ نصر ف الشؤن فانا كنت متوقعه اني غير لائق فروحت عند نصر بقوله اخد ملفي وامشي ضحك وقالي لا خليكي<br>
وتاني يوم ليا ف الكليه كنت متعرفه ع ناس كتيره خالص ولقيت ناس من قوص كانو معايا ف الثانوي وتاقلمت ع الوضع بسرعه خالص وبعد فتره كنت بشوف اكاونت باسم فاطمه صبري كنت هموت واتعرف عليها خالص شكيت فيها شك سوء وروحت اتعرفت عليها عشان اتاكد من شكوكي<br>
حسيت اني كنت ظالماها وقولتلها اني متعرفتش عليها صدفه واني كنت شاكه فيها سوء وبقينا صحاب ف كل حاجه تقريبا كنت محتلاها ولحد دلوقتي بغير عليها لو بعدت عني وصاحبه بنات تاني و لو حسيت ان فيها تعب بتعب ذيها وعمري ماهبطل احبها ولا حبي ليها هيقل يوم وكل مافتكر اننا خلاص سنه وحده وهنفترق بتضايق خالص وطبعا كانت تاجي السكن بتاعي نذاكر ايام الامتحانات وخصوصا الرياضه شويه نذاكر وشويه ابكي وشويه ناكل وشويه نلعب وانضمت لينا فاطمه خالد دي كانت معايا من الثانوي وف نفس السكن بس اتصاحبنا ف امتحانات سنه اولي واحلي حاجه فيها انها مش هتفترق عني بعد الكليه لاننا ف بلد وحده وطلعت اجدع واطيب بنت شوفتها ف حياتي والله عرفت ان ربنا بيحبني لما بعتلي الصحبه الصالحه ف طريقي <br>
وف سنه اولي برضه وقبل فاطمه صبري وفاطمه خالد اتعرفت ع اخويا الثغنن والله اخ وصديق بحمد ربنا عليه وانتهت سنه اولي لتبدا سنه تانيه وكان فيها احلي مفاجأه حصلتلي وف التعليم التعاوني بالتحديد صديقي الصدوق الي مهما قولت ف حقه مش هوفيه اي كلمه ممكن تتقال عن الحنيه والادب والاخلاق هتكون قليله عليه محظوظه انا بمعرفه الناس دي <br>
دول الناس الي طلعت بيهم من الجامعه ومن تربيه اساسي دول اغلي ناس عندي وسيظلون للابد مهما افترقنا ومهما بعدنا قلبي هيفضل معلق بيهم وحبي ليهم مستحيل يقل <br>
E.M.E
-
◌ رسالة منشورة
ولاول مره اشارك ف الكتاب اول يوم ليا ف الجامعه كانت المقابله الشخصيه والدكتور بيسالني دخلتي تربيه ليه فضحت وبقوله واحده علمي علوم تفتكر ايه الي هيرميها علي علي تربيه غير مكتب التنسيق منه لله😂😂😂😂<br>
الدكتور ضحك وسالني لو بقيت ابله هعمل اي ف العيال<br>
قولتله هجاوبك ع السؤال ده بعد ماخلص عشان لسه معرفش هتعلم اي هنا <br>
واداني كام موقف وكنت بتكلم عادي كاني اعرفه من عشر سنين وبحل المواقف كويس وهو كان بيضحك وفضل يقولي قولي جرجير وبسبوسه وبعدها سلم الورق بتاعي للاستاذ نصر ف الشؤن فانا كنت متوقعه اني غير لائق فروحت عند نصر بقوله اخد ملفي وامشي ضحك وقالي لا خليكي<br>
وتاني يوم ليا ف الكليه كنت متعرفه ع ناس كتيره خالص ولقيت ناس من قوص كانو معايا ف الثانوي وتاقلمت ع الوضع بسرعه خالص وبعد فتره كنت بشوف اكاونت باسم فاطمه صبري كنت هموت واتعرف عليها خالص شكيت فيها شك سوء وروحت اتعرفت عليها عشان اتاكد من شكوكي<br>
حسيت اني كنت ظالماها وقولتلها اني متعرفتش عليها صدفه واني كنت شاكه فيها سوء وبقينا صحاب ف كل حاجه تقريبا كنت محتلاها ولحد دلوقتي بغير عليها لو بعدت عني وصاحبه بنات تاني و لو حسيت ان فيها تعب بتعب ذيها وعمري ماهبطل احبها ولا حبي ليها هيقل يوم وكل مافتكر اننا خلاص سنه وحده وهنفترق بتضايق خالص وطبعا كانت تاجي السكن بتاعي نذاكر ايام الامتحانات وخصوصا الرياضه شويه نذاكر وشويه ابكي وشويه ناكل وشويه نلعب وانضمت لينا فاطمه خالد دي كانت معايا من الثانوي وف نفس السكن بس اتصاحبنا ف امتحانات سنه اولي واحلي حاجه فيها انها مش هتفترق عني بعد الكليه لاننا ف بلد وحده وطلعت اجدع واطيب بنت شوفتها ف حياتي والله عرفت ان ربنا بيحبني لما بعتلي الصحبه الصالحه ف طريقي <br>
وف سنه اولي برضه وقبل فاطمه صبري وفاطمه خالد اتعرفت ع اخويا الثغنن والله اخ وصديق بحمد ربنا عليه وانتهت سنه اولي لتبدا سنه تانيه وكان فيها احلي مفاجأه حصلتلي وف التعليم التعاوني بالتحديد صديقي الصدوق الي مهما قولت ف حقه مش هوفيه اي كلمه ممكن تتقال عن الحنيه والادب والاخلاق هتكون قليله عليه محظوظه انا بمعرفه الناس دي <br>
دول الناس الي طلعت بيهم من الجامعه ومن تربيه اساسي دول اغلي ناس عندي وسيظلون للابد مهما افترقنا ومهما بعدنا قلبي هيفضل معلق بيهم وحبي ليهم مستحيل يقل <br>
E.M.E
-
◌ رسالة منشورة
حكايات دفعة جميل وفين محترم كدا بلاش مفروسة والكلام الفاضى دا وياريت نضيف الاسم 97 يعنى حكايات دفعة 97 جميل جدا
-
◌ رسالة منشورة
والتقديم واختبارت الكليه كانت حلوه وعدت ع خير الحمدلله اول صحبه اا
عليها هي رحاب ودي كانت من الصدف الحلوه ال هونت عليا ايام الكليه ف اول الايام الصهبه لان. من اولردخولي الكليه مكنتش تعرف اي حد فيها خالص
وكال كره كنت بتعرف ع نااسلحدماكونت صداقات والحمدلله كانت سبب ف حبي للكليه زيااده رغمل الصعوباات
اول اسبوع ف الكليه كان جلو رغم صعوبته لان.مكان جديد ع الواحد
بس بس الاصحاب كانت اجمل ايام ف اللمه الحلوه وقهده المحااضررات
عدت اول سنه ع حير رغم.كثره المواد
وجات سنه تانيه واللمه الصحاب كاانت بتزيد وبتعرف ع ناس اكتر
ومن اصعب السنين كانت سنه تالته لان سنه تخصص وكمان بعد الصحااب
دكاتره الكليه فيها الحلووالوحش
الحلو ال الوحد ال استفادمنه واتعلم منه
وفي الوحش ال اتظلم و منه بس الحمدلله ع كل حااال،
كل حاجه بقيت حاوه لان.كل حاجه منالبدايه اختياار ربنا ليا
احلي ايام كانت ايام.التربيه العملي ال استفدت منها
وحبيتها رغم خوفي منها من البدايه
#miss Asmaa Salim
-
◌ رسالة منشورة
انك لن تبلغ الارض ولن تخرق الجبال طوﻻ صدق الله العظيم هتعرفو فى مضمون كلامى انا ليه بدات بالاية دى بداية انا مش هقول زى كل الناس ان احلامى ادمرت وانهارت والكلام اللى يوجع الراس ده عشان عارف كويس ومؤمن بان الله ﻻيضيع اجر من احسن عملا ..وان لكل شئ سبب ..بمعنى ان الناس اللى بتدخل طب او هندسة او اى كلية من كليات القمة مكنش فى حياتها مجرد الحلم ده انها تدخل كلية عالية وكده بالعكس دى كانت بتاخد باقل سبب من الاسباب يوصلها لحلمها ده ..بس برضو ارجع واقول ده قضاء وقدر وتقسيم ربنا لشؤن عباده ...مش هرط كتير فى الموضوع ده والخلاصة ان ربنا بيدى الانسان على قدر تعبه المهم زى ما قولتلكم انا كنت راضى بنصيبى زى ما بيقولو مع العلم ان كل اللى جابو طب وصيدلة فى دفعتى كانو بيغشو منىفى تانية ثانوى وكنت متحمس قوى انى اروح تالته واجيب مجموع كويس واقسم بالله عمر ما كان حماسى ده لذاتى انا وانما كان عشان افرح اخويا وامى وابويا وﻻحظو الترتيب بقا عشان الاول اللى هوه اخويا ده تقريبا هوه السبب انى اتعلم ....لييييه ...بصراحة ابويا مكانش مهتم بتعليمى قوى ..ههههههه كان بس يفرح لما حد يقوله ان ولدك عمل عامل مشاكل فى المدرسة عشان اروح البيت عشان اخد العلقة النظيفة.....يده دى مرزبة ههههههههه...المهم انا اسف انى بسرح بيكم فى ذاكرتى وانسى صلب الموضوع ..اخويا ده كان اكتر حد مهتم بيا وبتعليمى وكان يقولى اتعلم عشان متتعبش زينا ..كان اكبر منى بحوالى 7سنين ..وكان ساعتها فى السعودية سواق ع عربية ..ويشاء القدر وفى اواخر تانية ثانوى ويتوفى اخويا ...وهسيبلكم الحكم وتوقع حالتى كانت ازاى طبعا ..المهم روحت تالتة ثانوى وده كان غصب عنى مكنتش حابب انى اكمل من الاساس ..وكنت باخد زى كل كل زمايلى فى مادة درس ولكن هيهات هيهات الفهم وانت شارد الذهن .
وجات امتحانات الثاوية العامة واقسم بالله وادينى اقسمت بالله فى مواد كنت بزاكرها ليلة الامتحانات ﻻول مرة ..وادخل الامتحان واحل اللى اعرفه بدون اى مبألاة...وطلعت النتيجة ولقيت نفسى جايب 87 فى المية استغربت قولت اكيد دى مش نتيجتى عشان كنت متوقع انى اشيل مادتين او تلاته
نجرى شوية فى الاكلام بقا عشان طولت عليكم روحت قدمت على تجارة انجلش واتقبلت بس فييين بقا فى اسوان ...المهم قولت الحمد لله وكنت هروح عشان احجز السكن والكلام ده بكرة ..هههههه جه واحد مدرس بيتنا ونشف دماغه وصمم قوى زى ما اكون ابنه وراسه والف سيف انى ادخل تربية ....سمعت كلامه ...وان كنت لغايت الان مش عارف اشكره او ادعى عليه ......قدمت ع تربية.بس للاسف مجموعى مجبش عام ..ساعتها كنت مخنوق قوى..وروحت عشان الكشف الطبى ...وف كشف النظر جات الدكتورة وقالتلى احنا هنطر ندخلك اداب عشان فرقت معاك شوية فى المقاس ..وانا اساسا اقسم بالله رايح من البيت مخنوق واقسم بالله نفسى انى متقبلش عشان اروح البيت واقولهم ما اتقبلتش ..واسحب ورقى وما كملش ....المهم بقا من كتر الخنقة انفعلت عليها قوى وبكل ضيقة قولتلها ﻻ اداب وﻻ اعلام حتى هاتى الورق بتاعى عشان اغور امشى ههههههه .....الله يمسيها بكل خير ..اتقبلت كلامى ومتعصبتش وقالتى طب تعالى نروح لمدير المستشفى وروحنا للمدير وقالى انت ليه مش عاوز تدخل اداب ..برضو بكل انفعال قولتله ﻻ اداب وﻻ اعلام حتى ادونى الورق بتاعى عشان امشى ..قعد يضحك وقالى انت شكلك بايع القضية خالص هههههه وبالعند فيك
-
◌ رسالة منشورة
ده تانى مره ابعت وملقيش الرساله بتعتى انا معجب بواحده من الدفعه وعايز حفله التخرج تيجى علشان اقولها بتمنى تكون مش مرتبطه وانا السنه ديه هلمحلها ادعو معايا تكون ليا💚 صابر كل ده علشان افجاه وافرحها ونتكتب الدفعه بتفرح والكلام ده 😂
-
◌ رسالة منشورة
انا مش مع ان حضرتك تنزل الصراحه كلها مع بعض عشان محدش بيقراه كده
-
◌ رسالة منشورة
انا اول مره اشارك مع انى اكتر واحده كنت متحمسه لفكرة كتاب الدفعه انا اول ما دخلت الكليه كنت واثقه انى هجيب تقديرات عاليه علشان كنت متفوقه فى الثانوى ورغم ذلك اتظلمت كتير وكنت بزعل بعد كدا بحمد ربنا واثقه ان ربنا يكرمنى بحاجه كبيره وانا بشكر ربنا على انه كرمنى باصدقاء اوفياء بحبهم وان دفعتى فيها ناس جدعه كتير يفتخر بهم وربنا يكرم دفعتنا وتكون سنه رابعه سعيده علينا كلنا وياريت لو نسمى الكتاب حكايات دفعه اساسى 97
-
◌ رسالة منشورة
انا ذي ناس كتير دخلت كلية التربية بالتنسيق بعد ما اتأكد اني مش هجيب مجموع الكلية اللي عايزها علشان كنت بعد كل امتحان في تالته ثانوي بحسب غلطاتي فيها وفي النهاية حسبت المجموع اللي هجيبه وبالفعل جيبت نفس المجموع اللي توقعته والحمد لله على كل حال ورضيت بتربية وحبتها كمان
2-الحمد اختبار القدرات... يومها كنت واقفه في طابور كبير مش راضي يخلص يومها كان ابوي معايا زهق وراح قال لواحد علشان يدخلني بسرعة وفعلا دخلني. والدكتور اتكلم معايا وسألني عن مجموعي وبلدي وانا رديت عليه وقالي قولي اسراء قولته اسراء 😂 وخلاص على كده
3- أول يوم في السكن كان كئيب مكنتش اعرف حد خالص فيه ودا علشان مفيش حد من اصحابي بتوع الثانوي علشان كلهم اجلو وانا الوحيدة اللي ماجلتش علشان عارفه أجلت ما اجلتش نصيبي وراء وراء هربت من اول يوم بالنوم بس الكوابيس مسابتنيش انام أما بالنسبة للمطبخ انا مش بغلب فيه بس في يوم كنت هقلي بطاطس وماخدش لبالي أن الزيت اللي في الطاسه في ميه حطيت الطاسه على النار ورحت الاوضه اقشر بطاطس وانا راجعه للمطبخ لاقيت الطاسه مولعه فيها النار وكانت النار واصله للسقف اول مرة أتعرض للموقف ده قعد اصرخ وأقول النار النار 😂 مسكت المكنسة وقعد اضرب في الطاسه لحد ما النار اطفت والحمد لله وبعدها رحت الاوضه واترميت على السرير من الخوف وصحبتي سكرانه على نفسها من الضحك بس متستسلمتش ورجعت قليت بطاطس بردو علشان افطر 😂😂
4_اول صديقه ليا في الجامعة كانت نسمه ربنا يخليها لي اتعرفت عليها علشان كانت هي وانا لابسين نفس الجيبه ونفس اللون كمان😄 ومن ساعتها واحنا أصحاب. ودا تاني كان في تاني اسبوع علشان اول اسبوع حضرته مع مجموعة غير مجموعتي
5_أما عن موضوع الظلم وشيل المواد انا الحمد مشلتش مواد بس عن الظلم اتظلمت في أولى في ماده الدكتور محمد عبد الهادي كنت بذاكرها اول بأول وجبت فيها ض ومن بعديها مبقيتش اذاكر بطريقه الثانوي وفهمت الكليه ماشيه ازاي إنما باقي المواد متفتكريش اني اتظلمت فيها كنت باخد على قد تعبي فيها وكنت بكون راضية حتى لو جبت مقبول
في النهاية انا بحب دفعتي وبتمني الخير لكل اللي فيها مع اني بضايق من تصرفات بعض الناس فيها علشان كانت السبب في قلب الدكاترة علينا بس انا مش بكره اي حد فيها خالص وكانت ليا فيها ذكريات كتير حلوة وخصوصا سنه تالته بعد ما اتخصصت ودخلت علوم اللي بحبها رغم كل المعاناة اللي فيها
##فاطمة خلف
-
◌ رسالة منشورة
بدايتى مع الكلية تبدأ من نتيجة الثانوية وده كانت اكبر خيبة امل بالنسبالى كان نفسى فى كلية معينة كنت بانية عليها أحلام وطموحات كنت بحلم باليوم ده بس قدر الله ما شاء فعل زعلت وبكيت كتير بس رضيت بنصيبى قولت الحمدلله اكيد ربنا لسه شايلى حاجه افضل مستسلمتش وكان عندى لسه امل انى اذاكر واجتهد فى الكلية وابقى حاجه كنت متحمسة قال😂😂
مكنتش اعرف كليات ولا اسامى كليات ولا حاجه ابيض يا ورد كده زى ما بيقولوا بابا نسقلى وجاتنى تربية اساسى مكنتش اعرف الفرق بين اساسى وعام وطفوله حتى آداب مكنتش اعرف الفرق أهى كليات وخلاص مكتوبة اول يوم ليا كلية مع اول محاضره فى الشهداء فضلت ادور على المدرج لحد ما وصلت دخلت لقيت مدرج كبير وأعداء مهولة فى المدرج ولا حتى حفله عمرو دياب مستنين فجاه الاقى الترم 17 ماده مواد علمية وأدبية وكمان تربوية مكنتش عارفه ايه ده إللى بيحصل ولا أذاكر ازاى ولقيت الناس كلها او معظمها فاشلة مش بتذاكر قررت أفشل انا كمان ومذكراتش عديت من أولى و تانية ودخلت بقى على التخصص اللى كنا بنتمناه بس للاسف فرقنا عن ناس كتير التخصص او بمعنى اصح مبقاش نشوف بعض كتير فى كل محاضره ده غير أن القسم صعب جدا ومتعب سكاسن ومحاضرات ده غير الوقت كله فى اليوم كله فى الجامعة رايحين جايين نلف بالبالطوا والأدوات من هنا لهنا احنا اكتر ناس تعبنا واتخزوقنا فى التقارير بس الحمدلله عدينا من تالتة وخلاص بقى رايحين رابعه آخر سنة لينا مع بعض يا عالم هنشوف بعض تانى ولا لا بس أتمنى أن آخر سنة نسيب بصمة حلوه بينا ما بين بعض دفعتى انا بحبكم جدااااااا جداااااا نفسى مبعدش عنكم ابدا بس للاسف الحياه مراحل مره ورا مرحله بتلهينا نشوف ناس ونفارق ناس بس اكيد على تواصل هنكون مع بعض جروب فدانا زى ما جمعنا اكيد مش هيا ربنا وهيفضل طول العمر❤❤
-
◌ رسالة منشورة
بالنسبة للكشف الطبي والاختبار الشخصي والتقديم وكدة ..حصل موقف حلو معايا الموقف دا معناه ان ارادة ربنا اقوي من اي حاجة ..
بداية اني عندي لدغة ف السين وحروف كدة شبه السين مش باينة اوي بس لو بتكلم مع حد قدامي هيلاحظها جداا ..المهم ف الاختبار الشخصي انا قولت خلاص بقا مش هيقبلوني ونصيب بقا ..دخلت انا واتنين معايا واتسالنا اسئلة عادية اللي هو اساميكم ومن فين وكدة وخلاص مشينا وانا اتقبلت وكان يوم البست بتاعتي مراحتش وراحت بعدي باسبوع ويشاء ربنا انها لما تروح الاختبار الشخصي ويقولها الاستاذ اللي قصادها قولي الجملة دي _ستي بسبستلي بسبوسة بالسمنة والسكر بس يا خسارة لسعتني ف لساني _ههههههههههه مسخرة السنين طبعا يعني انا مثلا لو كنت مكانها كان زماني اتقالي ثومي اطلعي بره ومتجيش هنا تاني ..هههههه واتخصصت علوم يعني لا عربي وف اهتمام بكل مخارج الحروف و انجلش وماساة النطق معايا ...وبمناسبة الموقف دا كنت ف تانية بروح مدرسة الابتدائية اللي كنت فيها كل خميس يعني ادرب نفسي قبل تالتة وبابا وماما فيها ف تمام يعني وكل المدرسين عارفيني بشكل شخصي لاني كنت شاطرة زمان -كنت هااا- المهم دخلت فصل ساتة ابتدائي وشرحت المضارع البسيط وطبعا المضارع يعني الفعل مصدر + حرف اس وهوووب بقا العيال يلاحظوا اللدغة ويسوحني ومن هنا قررت اكمل عادي انا ولا يهمني اصلا ..المشكلة ان انا عندي ثقة بالنفس بشكل ايجابي جدا مش غرور والله واللي عارفني كويس عارف الحتة دي ..وبالمناسبة بحب اللدغة دي جدا حتي لو كانت عيب ..يعني حاجة كدة تلقائية وعفوية عندي ..
امممم كفاية كدة بقا
#زهراء محمود
-
◌ رسالة منشورة
دفعتي الجميلة جداااا.....
بعد احلي واجمل تحية وسلام ..
انا من النادرين تقريبا اللي دخلت الكلية بكامل ارادتي ولحد امبارح كنت لسة بقول لو خيروني بين الكلية وبين غيرها هختارها هي برضو ..مش حبا فيها قد ما حبا ف اصحابي ولمتنا وكل حاجة حصلت ..ولاني مؤمنة ان ربنا بيكتبلنا الصالح دايما خلاني ماندمتش ابدا اني دخلتها رغم معاناتي فيها بصراحة ..طبعا انتوا عارفين قسم علوم وكل حاجة فيه وعموما لا داعي لذكر ما يحزننا فيها ....انا كان ليا صحاب ف اعدادي وثانوي وكانوا ف نفس الجامعة ومع ذلك محستش معاهم بفرحة قد ما حسيتها مع بنات دفعتي وصحاب السكن بصراحة ...
من ضمن المواقف الحلوة اللي حصلت معايا ف الاكل عشان بصراحة ملحقتش اكتب ف الموضوع دا لما نزل ..كان تقريبا اول او تاني اسبوع ف الجامعة ..بداية انا بعرف اعمل اكل وشاطرة جداا بس طبعا لما اعمل اكل ف حلل تفال ومطبخ نضيف وكبير وف بيتنا اكيد مختلف تماما لما بعمل اكل ف السكن ...المهم يعني ف يوم قررت اعمل بطاطس بفراخ متبلة وعشان معرفتش استخدم فرن السكن الحلوة بقا سامجني يارب ..قررت اعمل ع البوتجاز عادي ..وفعلت عملت خلطة فراخ حلوة جدا وبطاطس وحطيتهم ف حلة وع النار وغطيتهم والمفروض اني هديت النار جدا..سبتهم بقا وقولت اكوي هدومي واظبط دولابي واذا فاجاة البنت اللي ف الاوضة التانية تنادي وتقولي تعالي شوفي اكلك بروح المطبخ والاقي النار عالية جدا زي ما هي .اشيل الغطا وكانني عملت لوحة ف الحلة ..اللاكل كله لزق لا وف اتحرق كمان ..ولاني من الناس اللي بتحب الريحان كنت كل ما اعدي قدام ريحان اقطف ورق واحطه ف الشنطة ..روحت اية افتكرت الريحان وغسلته وحطيته ف الاكل وشوية مية ومع نفسه ..هههههههههه كان اكل طعمه تحفة الصراحة وطبعا مقولتش لماما هههه ..ومن بعدها تقريبا اكلي كله بجيبه جاهز ..
ومرة كان نفسي اعمل بسبوسة وفعلا عملت ..كانت بيضة من فوق وسوداااء جداا من تحت ..الصينية قعدت انضف فيها اسبوع من كتر ما كانت محروقة وهنا قررت
اني معملش اكل محتاج مجهود او امكانيات ف السكن هههههه... ومع ذلك حبيت السكن وقعدتي مع البنات جدا رغم ان كل سنة بسكن مع ناس جديدة واكبر مني والحمد لله جدااا ع كل دا ..
دفعتي ..دمتم اجمل دفعة .واسفة بقا طولت عليكم
-
◌ رسالة منشورة
دخلت على احدى الصفحات من البنات وانا متابعها فى الحقيقه ولقيتها عنديها حاله وفاه ادعولها بالصبر والسلوان علشان كت ناوى اقولها وابعتلها بس خايف متردش انا بعزيها وبعزى سائر الاسره الكرام
-
◌ رسالة منشورة
بصراحه فكره الكتاب دى تحفه وجميله خالص والفيديوهات بردوا بس بجد التلات سنين عدوا بسرعه وياااريت ننسى اى حزن او زعل من اى حد لاننا مش ضامنين اننا هنشوف بعض تانى ولا لا وياااريت تبقى اخر سنه تبقى ذكرى حلوه للجميع بجد الفيديوهات دى اثرت فيا جامد لان الدفعه كلها كويسه ومحترمه ربنا يحفظنا جميعا وتبقى سنه رابعه احلى سنه وما ننساهاش ابدا باذن الله
-
◌ رسالة منشورة
بالنسبه ليا انا دخلت الكليه دي بمزاجي وباختياري لاني دايما كنت بحب التدريس وبشوف نفسي فيه 😍بس اللي عمري ما اتوقعته اني ادخل وألاقي دفعه زي دي بصراحه وبدون نفاق كنت ولا زلت بشوق ناس مش كويسه فيها بس بجد فيها ناس اقسم بالله تتاقل بالدهب ف الاحترام والذوق والأخلاق والحمد لله عرفت مجموعه كبيره من الناس دي تخليني احب الدفعه حتي لو مش كلها كويسه بس الاغلبيه كويسه 😍 بس اللي انا مبسوطه بيه بجد اني ف قسم لغه عربيه واتعرفت علي اجدع بنات واولاد وبنتعامل زي الاخوات واكتر والمساعده اللي بنشوفها من اخواتنا الاولاد ف الشرح والمحاضرات بتخليني احمد رينا اني اتعرفت علي ناس محترمه زي كدا وانا بجد مبسوطه اني ف دفعه اساسي 😊خلافا طبعا عن التربيه العملي اللي بترفع الضغط 😂😂بس ربنا يكرمنا جميعا ف اخر سنه ونستغل كل فرصه تخلينا مبسوطين 😍😊
-
◌ رسالة منشورة
بسم الله الرحمن الرحيم
اولاعمري ما كرهت حد في الدفعه لاني تعودت اني
اتعامل معاها ولو اتعاملت مع حد بيبقي في حدود
محكمش علي حد غير لما انتعامل معله دفعتنا جميله فيها مواهب كتير
تقريبا جاتني كليه تجاره اختي طلبت مني اني ادخل تربيه كنت في الوقت ده بقدم حربيه محصلش نصيب حولت لتربيه اساسي وبدات الدراسه اول يوم نزلت الجامعه لقيت حفله سبت المحاضرات ورحت الحفله تاني يةوم قعدت نايم في السكن تالت يوم اخدت هدومي ونزلت البلد
دفعتنا جميله ه
-
◌ رسالة منشورة
انا دخلت الكلية دى لانة كانت الامل الوحيد ليا بعد ماجبت مجموع وحش مكنتش مضايقة كنت مبسوطة وتقريبا راضية عن الكلية
حابهاة
محدش زعلان منى تقريبا كل الى بيعرفنى كويس بيحبونى محدش بيطلوبنى ومش بساعدة
بصراحة ف حد ضايقنى ف دفعتي لانة كان حقود بيكرهلى الخير معرفوش مين بس انا هقولك حاجة واحدة ليك حساب مع ربنا لانة أقوى منك واتمنى اكون سبت ورياااا ذكرى حلوة لصحابى كل بنات اساسى
ونقول ياريت سنة رابعة نكون عاقلين بلاش نزعل الدكاترة ونجيب كتب علشان محدش يحط علينا زى كل سنة وكماااااان نحضر بلاش إلى حصل مع دكتور محمد سلمان
#علوم
واتمنالكم كل خير
يااحلى دفعة
-
◌ رسالة منشورة
تقريبا اول مرة حاجة تشدني من الدفعة 😎 مكنتش ناوية اكتب حاجة بس البوست دا كل شوية بشوفه قدامي 😂 قولت اشارك بحاجة ف الدفعة اهي تكون اول مرة 😐
دخلت الكلية وعافرت عشان احول بس لم يشأ القدر اني احول ف كملت قعدت تلاتة سنين فيها عادي م طلعتش ولا بصديق ممكن اكون معقدة 😐
بس انا كائن اجتماعي بس مش بحب اتعامل بحد اقصي ناس ليا السكشن
م اعرفش دا ليه
الدفعة فيها ناس كويسبس برضو فيها وحش 😐
بس مش بقدر استحمل فيه حد 😓 كان نفسي يكون ليا اصحاب من الكلية من محافظات ومراكز مختلفة 😐
كنت بكتفي ب أتنين اصحابي بس 😍😍 كانو معاية ف نفس الكلية بس للأسف الأقسام فرقتني عنهم😭 م اعرفش كل حاجة جاية عكس😐
الحمدلله ف سنة تالتة بقا
حاولت اتعرف ع ناس 😍😍
بشكر اصحاب الفكرة تبع الكتاب دي 😍😍 ان شاء الله يكون عمل موفق😘
-
◌ رسالة منشورة
السلام عليكم ورحمه الله بركاته فى حاجه مهمه عايزه اقولها يااااريت محدش يكره حد طالما الشخص ده ما عملهوش حاجه وياااريت النيه تبقى صافيه والناس تراجع نفسها كويسه وبجد دفعتنا كلها ناس محترمه وكويسه خالص وانا بشكر ربنا انى التقيت بناس زى كده صحبه بجد اخر احترام وادب والتزام وانا مش بكره حد فى الدفعه ومليش عداوه مع حد بس ياااريت ناس معينه تصفى النيه لانى والله مش بكرها اصلا بس الناس دى مش بتحبنى ومن غير ما اعملها اى حاجه وهى عارفه
نفسها ودايما بدعى ربنا يهدينا جميعا لما يحب ويرضى وربنا يكرمنا جميعا دفعه محترمه بمعنى الكلمه وربنا يحفظلى اصحابى من كل شر ويبعد عننا جميعا اى شر ان شاء الله
-
◌ رسالة منشورة
لاول مره اشارك ف كتاب الدفعه 😄 هتكلم وهطلع ال ف قلبي م ناحيه الدفعه بجد اول م دخلت الكليه وروحت قنا قولت لنفسي هقتصر حياتي ع صحابي وبس احنا شله كبيره م بلد واحده ساكنين مع بعض عشره م حضانه وجيران وكل مراحل حياتنا مع بعض قولت مش هحتاج اتعرف ع ناس ف كليه والكلام ده وامي قالتلي متثقيش ف بنات هناك غير ال معاكي بس انت بطبعي اجتماعيه ف معرفتش اروح الكليه ومتعرفش ع حد رغم اني معايا م صحابي تلاته راحوا معايا اساسي بس حقيقي والله بعد م كنت كارهه الكليه ومكنتش بنزلها ف اولي كتير وف تانيه انتظمت شويه وف تالته م كتر حبي ف اصحابي هناك بقيت بروح عشان اشوفهم بس مكنتش متفاعله مع اي حد ف الكليه م محاضرتي للسكن عمري م دخلت حفله غير مره واحده ف اولي ولا حضرت حفلات تاني😊 دلوقتي بقيت عاوزه الزمن يوقفع السنه دي والله ومفارقش الناس ال حبيتها وبقيت معايا دايما 😥 لما بنتكلم انا وصحابي ونتفكر اننا ممكن متجيش فرص نتجمع فيها تاني عيني بتدمع 💔 ربنا يكرمكم كلكم ف حياتكم ياااارب ونتجمع ع خير 💜 دلوقتي اقدر اقول انها احلي كليه واحلي دفعه واحلي صحاب ال عمر م حد فيهم خذلني 🌼🌼🌼🌼💙💙💙💙💙
-
◌ رسالة منشورة
تكلمنى عن خيبة الامل اكلمك عن واحده جابت 74ونص% فى سنه ثالته ومحصلتش جيد جدا بسبب نص فى الميه 💔😢
بس كده كفايه عشان تعبت وانا بكتب 🙊😟
-
◌ رسالة منشورة
احب اتكلم معاكم فى موضوع الظلم هو فعلا لك مجتهمد نصيب بس فعلا ناس كتير ملهاش حظ من يوم ما خلقت ومازلت انا واحده من الناس نقصت 5 درجات فى ماده واحده ظلم وكنت مقفله الامتحان وبعدين عملت اعاده تصحيح ورجعولى الحمد لله سيبك من دى ندخل على ثانوى مجموع ينزل جامد واكنت تحلم انك تبقى فى التسعنات تلاقى نفسك فى الثمينات وتعمل اعاده تصحيح ومش ترجع ليك حاجه وترضى بنصيبك تحلم بعدين تحلم بتربيه عام قسم فرنش تقف معاك على نص درجه وتنزل لاساسى انا واحده بترضى بنصيبها اوى والله مش بعترض بالعكس دايما الحمد لله على لسانى فى الجامعه بقا بصراحه فى سنه اولى كنت محطمه نفسينا اوى مش ذاكرت بس الحمد لله عديت بجيد بالعافيه تانيه بقا بدات اجتهد ويبقى عنى عزيمه وكده عمكم عوض خبطنبى بض الترم الاول اجتهدت جدا الترم التانى وجبت تقديرات حلوه جدا بس للاسف ض مش اترفعت جبت اللوم كله لنفسى والله ولا حسبت ولا زعلت ولا بتاع رغم انى كنت مذاكره الماده جدا يلا الحمد لله ادخل التخصص ونصيبى كان علوم الحمد لله برضوا اكتر قسم بتعب مش علشان قسمى والله بس بجد فى دراسه وتقديرات ودكاتره بتحط عليه وكله ده كله مهمنيش برضوا اتحديت نفسى اوى الترم الاول وجبت تقديرات حلوه بس ض عوض مترفعتش للمره التانيه على التوالى حمدت ربنا برضوا وقلت بس ربنا اكيد شيلى الاحسن وفعلا طلع عيب فى السيستم واترفعت ندخل على الترم التانى كان نفسى اجيب جيدجدا بس والله مش علشان نفسى بس نفسى كان افرح بابا وماما لو يوم قبل ما اموت بيا لكن للاسف نقصيت عنه حاجه بسيطه رغم اشتهاد الترم كله راح عليا بس على فكره مزعلتش بالعكس انا فرحانه بنفسى انى مش بحبط واقف معاكى بالعكس مع كل موقف عد معايا ليه قوه عندى فى شخصيتى انا بحكيلكم ده كله علشان ترضوا بنصيب ربنا ومع كل خطوه تقدمك او تاخرك قوم وعافر من جيد وانا ماشيه بشعار طلما لسه فيا نفس هعلم واحقف كله احلامى برضوا مهماكان
#ن
-
◌ رسالة منشورة
انا من الناس اللي اتصدمت لما ظهرت نتيجة الثانوية لاني كان نفسي ف كلية تانية بس ربنا مارادش اني ادخلها والحمد لله ع كل حال وبعدها بقيت مصدومة وخليت باباهو اللي يعملي التنسيق ويكتب أي كلية وخلاص وبعدين جاتني تربية قلت الحمد لله واول ماروحت الكلية كنت كارهها ومش فارقة معايا وماكنتش اعرف حد غير بس صحبتي اللي من بلدي وبعدين تعرفت ع ناس قليلة جدا وطلعوا من احسن الناس اللي ممكن اشوفهم ووانا من اجتماعية قوي أو بمعني اصح اني مش بعرف اتعرف ع حد أو اتكلم مع حد مااعرفهوش وكنت دائما اشوف ع الجروب اللي يقول دفعتنا وحشة أو زبالة وده بسبب أنه ممكن يكون حصلت مشكله معاه مع شخص من الدفعة ويقوم يقول علينا كلنا وانا مش بفضل الطريقة دي او يمكن لاني مااتعرضتش لنفس المواقف بتاعتهم أو حصلت معايا مشاكل زيهم وصح انا بعذرهم بس مش لدرجة أنهم يغلطوا ف الناس كلها وانا مقتنعة أنه الانسان اللي عنده نقص بيحاولوا دايما أنه الكل يبقوا زيه ومافيش حد يبقي احسن منه والنوع لازم الواحد يتجاهله أو ماديهوش اي اهتمام واحب اقول لكل الدفعة أنه ف ناس كتير حلوة وبتساعد غيرها وناس دايما بتحاول تبسطنا زيي ملوك الرحلات واتمني أنه اخر سنة تكون حلوة وكلنا نساعد بعض ونسامح بعض لأنه مافيش حاجه مستاهلة ف الدنيا وبعدين الذكريات هي اللي هتفضل معانا عشان كده اتمني أنه السنة دي مايحصلش مشاكل مع اني ماعرفش غير ناس قليلة جدا او تعتبر محدودة ومافيش فينا حد وحش بس هي المواقف أو الظروف بتخلينا نعمل حاجات ممكن مش عاجبنا أو من غير قصد واسفة اني طولت عليكم انا بحب دفعتي علوم
-
◌ رسالة منشورة
عندما يذكر الظلم يذكر محمد عوض😑فسنه اولى جيبت معاه مقبول بالعافيه فسنه تانيه بقي قولت لازم اذاكر كويس مادته عشان خوفت انزل فيها حضرت المحاضرات وكنت بركز معاه وحتي مكانش معايا اصحاب ساعتها يعني كنت بركز😂مكنتش بحكي مع صحابي ذاكرت الماده كويس كتاب ومحاضرات تقريبا راجعت المحاضرات 3مرات من الخوف...الناس كلها طلعت من الامتحان مكتئبة وانا كنت مبسوطه وقولت الحمد لله لو هنقص فيها الماده قوى هجيب جيد جدا...يوم النتيجه بقي روحت اشوفها وهي متعلقه فالكليه ابص كدا من بعيد الاقي صف ماده عوض كله اسود تقريبا اترعبت😟شوفت نتيجتي لقيت الحمد لله كلها تقديرات حلوه وكنت راضيه ابص لمادة عوض لقيته مديني مقبول برضو#كسر فرحتي يعني بعد كل اللي عملته برضو هى هى الحكايه هو تقريبا مش بيصحح..بس الحمد لله انا دلوقتى روحت عربي والدنيا حلوه😂😂كل اللي دخلوا عربي ربنا بيحبهم اصلا❤وربنا يستر علينا عشان سمعت اشاعه كدا ان عوض هيدينا فسنه رابعه
-
◌ رسالة منشورة
هو يمكن مش ظلم يمكن قدرى ونصيبى انى شلت مادة وانا عمرى متوقع
كده لان كل امتحان بحله كله بس الحمد لله بس اكتر حاجة تضايق احساس الظلم فى المعاملة انك تدور ع حقك والناس كلها بتبصلك نظره وحشة
ويقولوا انك غلطان اكيد اللى شوفته لما عملت
التظلم حسسنى بالكوسه
فعلا وكنت محتاجة اعمل تظلم فى معاملة الناس والدكاترة ولحد دلوقتى معرفش العيب فين فيا علشان شلت مادة( اكتر مادة حليت فيها )ولا فى الناس اللى ربنا ينعم عليهم بمناصب يعاملوك كانك............ بس الحمد لله
احنا عايشين علشان نشوف ونحمد ربنا ع حياتنا الوحشة قبل الحلوة
-
◌ رسالة منشورة
أنا بقى حظى وحش كل لما أذكر مادة وأحبها وأحب الدكتور اللى بيدينا المادة وأشارك معاه ببقى عارف ومتأكد مليون فى المية يا مقبول يا ضعيف فى المادة دى يعنى فى سنة أولى الترم التانى كنت بحب الأنجليزى وبحضر كل المحاضرات والدكتور جابر حسن قال على مجموعتى أحسن مجموعة عنده فى مجموعة أ ودخلت الأمتحان وحليت كويس لقيت نفسى جايب مقبول فى سنة تانية الترم الأول مبادئ تدريس ذاكرت من أول يوم كتبت المحاضرات كلها وكنت بحب الدكتور محمد عوض وكنت بشرحها لزمايلى لا وكمان عملت النشاط اللى كان طالبة منى كمبيوتر ودخلت الأمتحان الغلطة الوحيدة اللى عملتها أنى شخبط فى الجدول ومكونتش قلقان خالص ولا على بالى ومن الحظ كنا طالعين رحلة جالنا خبر النتيجة فى نص الرحلة تقريباً قبل الجولة النيلية وفجأة الرحلة قلبت نكد بس اللى مش هنساه لحد دلوقتى منظر أحمد خليفة لما قالوله أنه جايب ضعيف مع محمد عوض كان مبسوط لدرجة أنه سجد فى الأوتوبيس وأنا برضوا لقيت نفسى جايب ضعيف طاب أزاى أجيب ضعيف وأنا مذاكر وكل واحد فى الأوتوبيس أتصل بصحابه يشوف النتيجة فى الاخر طلع معظم الأوتوبيس شايل جينا فى التخصص قابلنا دكتور من أفضل الدكاترة اللى شوفتهم فى كلية تربية لحد دلوقتى الدكتور سامح ريحان كان بيدينا طرق تدريس كنت بستنى المحاضرة بتاعته كل أسبوع بفارغ الصبر وكنت كل محاضرة بشارك معاه وأجاوب وكنت بحترمه جداً لدرجة أن كلامه بيدخل دماغى مبيطلعش ولحد دلوقتى لو قالى سمع محاضراتى هسمعها بكل تفاصيلها دخلت الأمتحان قفلت الأمتحان كله مسبتش حاجه الأمتحان كله واثق 100 % صح ومكانش فى بالى حاجة ظهرت النتيجة محمود درديرى ومحمود عبدالراضى بلغونى بالنتيجة وكان عندى مقبول واحدة مخطرش فى بالى وقتها أنها طرق تدريس استحالة لما نزلت الكلية أشوفها بنفسى أتصدمت زعلت مش علشان التقدير عمرى مابزعل على تقادير وعمرها ما جات فى بالى أنا أصلاً بذاكر المادة اللى عجبانى بس غير كدا ليلة الامتحان طويلة زعلت أن جبت مقبول مع دكتور سامح وجى الترم التانى دكتور سامح هيدينا تانى تدريس مصغر فرحت جداً بس المرة دى معانا شعبة علوم اللى كانت زعلانة يعنى هيلقوها من الدكتور محمد عوض ولا من الدكتور سامح حضرت كل المحاضرات بطلت أتكلم وأشارك كتير بحل الامتحانات اللى كان بيجبهالنا الله أعلم اجابتى عليها صح ولا غلط لانى لا معاى كتاب أعرف منه الاجابة الصحيحة وأقطع الشك باليقين ولا محاضرات دخلت الامتحان المرة دى جاهز ذكرت الكتاب كله ومركزتش على محاضرات هو أحنا أصلا خدنا محاضرات دخلت الأمتحان بصيت فى الورقة حجات أول مرة أشوفها كل سؤال معرفش فيه غير سطرين أتقالوا فى المحاضرة وهو طالب ورقتين فى كل سؤال استاذنت المراقب دخلت الحمام أنا وداخل طبعاً شوفت شعبة رياضة كل واحد بيسألنى وأنا مش قادر أمسك نفسى من الضحك خلاص أنا شايل المادة لا وكمان عايزنى أكتب بخط حلو أول ما شوفت كلمة بخط حلو ضحكت ضحك هستيرى واللجنة ضاعت خالص وصوتنا على كل اللى جى فى دماغى وقتها عمر الأنصارى فلت يابن المحظوظة سبت السؤال الأول مكتبتش فيه وكل سؤال فى الباقين نص صفحة تأليف والسؤال الأخير بتاع الأهداف هو كان كاتب ملحوظة فوق أنه لازم من مواد تخصصك أنا بقى عملتهم كلهم دراسات طلعت من الأمتحان تايه بس مع ذلك قولت لأصحابى أنا لو شيلت المادة دى حتى فأنا بحب الدكتور سامح بغض النظر عن الأمتحان وظهرت النتيجة امتياز تدريس مصغر مكنتش مصدق طاب أزاى من أين لك هذا
#أحمد_عمر
-
◌ رسالة منشورة
من خلال خبرني في الكليه خلال التلات سنين
"ان مفيش حد بيتظلم اوي غير
"لما يذاكر اوي
عشان كدا بقولكم متذاكروش غير ليلة الامتحان
انا واحدة من الناس اللي في سنه تالته ذاكرت الترم الاول وطلع عيني جبت 2 ض في اكتر مادتين ذاكرتهم وهما الروايه والمقال .. بس لما اشوف ان نص الدفعه شيلاها يبقي هل العيب فينا ولا ف الدكاترة ولا ف مذاكرتنا ولا هي منظومه فاشله .. المهم رحت ف الترم التاني مذاكرتش غير قبل الامتحان بكام يوم طلعت ب جيد ع %74يعني يعتبر جيدجدا
بس الحمد لله ربنا مضيعش حقي ومشمتش الاعداء فيا
افتكر موقف حصلي في يوم النتيجة الترم الاول انا وببكي من التقديرات واحد من دفعتي ومن انجليزي كمان ولا داعي لذكر اسماء بص عليا بصة احتقار وبعدها ضحك وقال كلمته المشهورة لصحابه بصوت عالي زي بيشمت فيا اني شلت مواد بس عمري م هنسي الموقف دا ولا عمري هسامحه ومش هدعي عليه بس هسيبه لربنا وهو يجبلي حقي
ومعلش اني طولت عليكم
-
◌ رسالة منشورة
بالنسبه للرساله اللي بتتكلم علي النفاق ولسه متكونش انته اللي منافق وليه متكونش انته وانتي اللي اذيتي حد مفيش حد بيآزي حد كده اكيد ف سبب او فيه سوء تفاهم
-
◌ رسالة منشورة
سؤال واحد بس نفسي حد يجاوب؟
لييييه كمية النفااق دي " والحقد'والكرره فيه ناس ملهاش زنب ف حاجه واتأاذت من كده طب ليييه؟
حد يجاوبني؟
-
◌ رسالة منشورة
انا يمكن مليش كلام كتير مع الدفعه ولا بتخانق معاهم ولا اعرف حوارات ومشاكل الدفعه بس بجد هيوحشوني ونفسي تبقي سنه حلو وكل واحد يحقق حلمه ربنا معاكو وتبقا اخلي سنه ف حياتنا
-
◌ رسالة منشورة
أحلي دفعة ❤خفة الدم والمواهب اللي ظهرت فجأة😅والاشعار و و حجات كتيره اكتشفناها ف الاخر ،أينعم إحنا ممكن نبين لبعض إننا بنكره بعض ومش عارفه ايه والكلام ده بس والله غير كده خالص إحنا اخوات وعمرنا ماهننسي أجمل أيام قضيناها كان فيها الضحك والهزار مش بعضنا بس لا وكمان مع الدكاتره وخفة الدم ف محمود عبد (
😂😂(العزيز (علي ربيع
ومحمد جابر😅
.يوم ما ظهر التخصص بقينا واقفين ع جمر ياتري مين هيكون معانا ف التخصص😂
وطلع معانا محمد جابر والاشعار بقاا اللي بيثبت بيها الدكاتره😂
ربنا يسعدكم يا دفعة عمرها ماهتتكرر❤❤🎀☺
-
◌ رسالة منشورة
السلام عليكم ورحمه الله وبركاته
رساله شكر وتقدير👏🏻🌹
حابب أشكر صاحب /ه فكره كتاب 👈🏻حكاية دفعه
وكل الناس اللي بتساعد ف الفكره دي
بجد خلقتوا جو من الموده والمحبه ف الدفعه
أتمني انكم تستمروا
وانا ان شاء الله هساعد معاكم باللي هقدر عليه
1
يتبع😊
-
◌ رسالة منشورة
مش الأولاد بس اللى فى المطبخ بطيخ انا كبنت وبلا فخر مش بعرف اطبخ
مره فى سنه اولى ابسط خاجه سلق البيض كل ما اسلقه يطلع مش مستوى كويس طيب ايه الحكاية شكل البيض بايظ ده سوبر ماركت ابن كلب وربنا ما شاريه منه تانى مرتين بنفس القصه واشتم على بتاع السوبر ماركت طيب وبعدين طلع انه لازم نحطه فى حاجه عميقه وانا كنت بسلقه فى طاسقه بحبه مايه معاناه هههههههه
#R
-
◌ رسالة منشورة
فى حد فى الدفعة عملى بلوك و اتمنى ان يفتحه لان دى اخر سنة لينا مع بعض
-
◌ رسالة منشورة
من المواقف المضحة عن الأكل موقفي في سنة أولي كنت راجعة من الامتحان في رمضان وهموت من العطش وقلة النوم حطيت البلح علي النار في طاسة علشان افطر بيه في المغرب ومن التعب نومت ونسيته قام البلح مسك في السكر والسكر والبلح مسكوا في الطاسه والمطبخ ولع والبنات حست وفضلوا يصوتوا وانا محستش غير لما الدخان كان هيخنقني ومش كده وبس دا انا زعلانة علي الطاسة ال اتفحمت دي وخايفة من أمي لما تعرف 😂😂
-
◌ رسالة منشورة
ههههههه واله اتتو دفعه زي العسل والله كل ما اشوف الجروب اقعد اضحك انتو اللي بتهونو ع الواحد الملل 🌹
-
◌ رسالة منشورة
هو صحيح معانا بنت فى الدفعه اسمها بكينام هى اسمها كده علشان بتبكى
كتير وتنام ولاه هههههههه بهزر عايز اقول ليها انها جميله وشيك فى نفسها كده😍👑
-
◌ رسالة منشورة
انا مش عارفه ابدا ب ايه بس كل ال هقولوا أن بكره دفعه دي اوووووي علي اد ما الواحد اتعرف فيها علي ناس وصحاب جدعه بس الوحشين ال فيها بجد اكتر من ناس ال كويسين اسفه اني بقول كده بس واحد اتخدع في ناس كتير فيها ناس كنا نقول عليها اخواتنا بس طلعوا ولا يعرفوا حتي معني الاخوه حتي صحاب كانوا كتير بس للاسف كل كتير ده راح بقيوا يعني تلاته اربعه كده 😊مش هطول كتير كل ال هقولوا انا في ناااس مستحيل انسي اذيتها مستحيل انسي منظر مجموعه أو شله وهما بيتكلموا ويجيبوا في سيره ده وده بجد حرام عليكو واحد مشفش أشكال دي غير في جامعه ربنا يصلح حالكو و بلاش دي غيبه ونميمه دي بلاش تكلم علي ده وده خليكوا في حالكوا بلاش تجيبوا في سيره بعض دي نصيحه مني ليكوو علشان ال زي كده اخرتو وحشه 😐😊#شكرا يا دفعتي عل كل حاجه حلوه شفتها منكم و#شكرا عل كل حاجه وحشه 👌واكيد ربنا موجود علشان واحد عمرو ماذي حد فيكو 😐😐
-
◌ رسالة منشورة
انا لما روحت الجامعة كنت اعرف اعمل الاكل العادى عمرى مطبخت الا هناك انا كنت بقولهم عايزة ليفة عشان اغسل المواعين انا كنت مسؤلة عن كلمة ضحكنى شكرا ف الشقة عشان انا مخدتش فرصة ف البيت كان فى اتنين قبلى ولما كنا نمسح الشقة انا كنت بحط كمامة ع بؤى وكياس ف ايديا عشان امسك المقشة انا كنت سبب الفساد ف الشقة لأنى نشرت جريمة الدليفرى لحد اما كل واحدة اتربت ف المصروف ، كنت لما يكون الدور عليا كلو فوق راسى من الأسئلة الى كنت بسألها بس انا حاليا توب شيف اتعلمت كل حاجة وبقيت انضف من غير كمامة واكياس😌
-
◌ رسالة منشورة
كنت لسه ساكن جديد أنا وأولاد عمى وصلنا قنا بليل كان الوقت متأخر وتعبانين مقدرناش نعمل حاجة ولا ننضف الشقة نومنا وقولنا الصباح رباح
صحينا الصبح فطرنا وعملنا شاى والدنيا مية مية قولنا ننضف بقى كل واحد مسك حاجة وأنا من حظى الهباب كان عليا المطبخ غسلت الموعين والحيطان بصيت لقيت البوتجاز معفن قوى جبت السلك والبريل وأشتغلت فيه خد ساعتين وأنا بنحت فى أمة لحد ما بقى بيلمع بعد ما خلصت ومسحت المطبخ قولت أعمل للجماعة شاى وأزيط عليهم بالبوتجاز واللى عملته فيه مليت التنكة ماية وحطيتها على البوتجاز وجيت أولع هووووب عينك ماتشوف الأ النور نار وبتولع من كل حته فى البوتجاز وسلك الموعين اللى جنب البوتجاز وأنا أطير يمين وشمال فى المطبخ بحاول أطفى الخروووم اللى فى البوتجاز مش عارف أعمل أية وأنادى على الناس ألحقونا من الشباك جى ولد عمى وبكل سهولة قفل محبس البوتجاز
-
◌ رسالة منشورة
هو بصراحه اول يومين ليه ف الشقه وكنا عايزين نشرب شاء وكنت جاي من الجامعه ولقيتهم قاعدين ف الشقه بس الانبوبه فيها مشكله بس انا طبعا عملت نفسي البطل وروحت اولع البوتجاز لقيت الانبوبه هبت ف وشي واصحابي كلهم جاروا مفيش غير واحد بس هو اللي فضل معايا وطفينها
بالبطانيه بتاعتوا 😂😂😂 ومش هقول علي اسمي علشان الفضايح بس
-
◌ رسالة منشورة
مبعرفش أطبخ حتى كوباية الشاى مبعرفش أعملها لنفسى وياما عملتلهم مشاكل فى السكن وياما أكل أترمى وأضربت ونمنا بالجوع
لحد ما قرروا بالأجماع أنى مدخلش المطبخ تانى وبقيت بشارك معاهم بالفلوس وبس
( صباح الخير يأما أطبخيلى مساء الخير يأما أغرفيلى )
وربنا يستر بعدين فى الجواز هنقضيها دليفرى
-
◌ رسالة منشورة
السلام عليكم
انا بقا الحمد لله مفيش أي محاولات فاشله في المطبخ لأني في سنه أولي أول 15يوم كنت ساكنه مع واحده قربتي أكبر مني فكنت أروح من المحاضرات القيها عمل الأكل وكل حاجه وأنا علي اكل وبس وبعدين اتقبلت في المدينه وقعدت فيها التلت سنين طبعا مش بنعمل حاجه غير حاجات بسيطه كده
-
◌ رسالة منشورة
السلام عليكم ورحمه الله وبركاته مش عارفه هطول عليكم ولا لا بس هقول ال عندى مقدرش اقول انى مياله للفكره بتاعت المواقف دى او الكتاب زى ما بتسموه لاننا مش اول ولا اخر دفعه بس يمكن هى حاجه كويسه لان دفعتنا فيها تتشات بعددها يمكن ناس كتير تعرفنى ال بالخير وال بالشر طبعا انا واحده دخلت الكليه ع نيتى بطيبتى زى ما بيقولوا وغصب عنى بسبب التنسيق كنت عادى اتعامل مع الناس كلها بحدود بس بحدودى انا وطريقتى وطبعى انا واجهت نقد كتير انا حد مش ملاك طبعا بس عمرى ما اذيت حد او اتمنيت الاذى لحد كنت اشوف بعينى مواقف وحاجات لاشخاص واسكت لانى ماليش دعوه وميخصنيش كنت ازعل بسرعه جدا بس بتراضى بسرعه ع فكره هههه اتصدمت فى ناس بعدد ال عرفتهم تقريبا ههه بحب اساعد الناس جداا وحاولت اعمل كدا كنت برضوا القى احيانا نقد وكلام حاجه قرف كرهونى ناس لحد دلوقتى معرفش كرهونى ليه حتى وكرهت ناس كتيير يمكن غلطه واحده ال عملتها فى الكليه دى وغلطه كلنا بنغلطها ايزى عرفت الكويس والوحش وكسبت ناس كتير وخسرت كمان واكيد ظلمت حد من غير ما اقصد بس كان نتيجه لانى اتظلمت اكيد يعنى من الاخر معرفش اذا كنت صح او غلط بس اظن ان عملت ال عليا فى حاجات كتير ف نهايه الدراسه اكتشفت انى انا كنت غلطانه جداا غلطت قوى اما اديت ثقه لناس كتير وامنت بالمقوله ان لو انت مراعتش حاجتك محدش هيبقا امين عليها قدك غلطت اما اطلقت كلمه اصحاب ع ناس مش هقول كلهم بس معظمهم مكنوش يستهلوا دا الكلام وحش والله الكتمان حلو ي جماعه والصراحه فى بعض الاوقات وحشه جدا ع فكره مش عايزه اقول ننافق قد ما حابه اقول نختصر فى ناس وحشه كتييير فى ال شايف نفسه وفى الانانى وف الحقود فى اصناف كتيير شكرا لدفعه اساسى ال غيرتنى كليا مش غيرت حاجه واحده بس فيا وشكرا لاى حد عملى موقف كويس فكرااه جداا وجميل عليا اكيد هسدده واى حد عملى حاجه وحشه مش مسامحه ع فكره مش عايزه تعليقات وخصوصا لو بارده واى حد اتريق عليا ف اى موقف ايا كان انا احسن منك ع فكره بكتير قووى ادى بصه ع نفسك هتعرف واسفه لو غلطت ف حق حد ايا كان مين تاكد ان من غير قصدى اكيد وشكر خاص لحبايبى ال كرهونى فى الكليه
#ياسمين سيد محمد او زى ما كتير بيقول ياسمين ال كانت ليدر ودى احد غلطاتى ع فكره بس كانت غلطه فيها الحلو والوحش شكرا جدا
سلام عليكم❤❤
-
◌ رسالة منشورة
مش الاولاد بس الصراحه اللي بيعملوا كوارث ف المطبخ ايام الجامعه ..انا بنت وكنت بعمل اكتر من كده لاني عمري مادخلت مطبخ ولا كنت اعرف اعمل حاجه غير المكرونه العاديه بالصلصه وبس لكن ف الحلويات انا ممتازه اوووي والله وكله بيشهدلي ..واول مره ادخل فيها المطبخ كانت ف سنه اولي ف المدينه ووقفت اساعد واحده صحبتي كانت اكبر مني فهي عملت كل حاجه وعلمتني كل حاجه كانت بتعملها فعملت فيها بطله ف اليوم دا وقولتلها عايزه اعمل البطاطس المحمره عشان واحشتني قالتلي بلاش لان سخان المدينه كان بطئ فالمهم صممت وعملتها فالبطاطس اتحولت من بطاطس محمره لبطاطس مهروسه ف زيت كتييييير وبعدين استنيت عليا وقت طويل فباظت خالص واتحرقت ويومها اوضتي وكل الاوض اللي جمبنا ضحكوا عليا ومره ف نفس السنه عملت شاورما وبقيت كلها زيت لان الزيت زاد مني اوي ولما اكلناها انا وصحابي ف الاول تقريبا اخدنا الليل كله ف الحمام ومحدش عرف ينام بعدها وقعدوا يومين يحسبلوا فيا 😂😂😂😂😂كانت مواقف جميله والله بس انا دلوقتي الحمدلله اتغيرت تماما عن سنه اولي وبقيت بعمل كل حاجه وبأحتراف واتعلمت حاجات كتير من صحابي وحاجات من ماما واخواتي ومرات اخويا 💪💪وبقيت شاطره اوي
-
◌ رسالة منشورة
ع بدايه السنه الدراسيه الجديده ونهايه الترم التاني أن شاء الله هقدم ورق سيره ذاتيه عن التلت سنين او الأربع ستين اتمني أنهم يفيدوا الكتاب الورقي
( الضوي رافت)
-
◌ رسالة منشورة
ومهما كبرت انا صغير ومهما وصلت متحير
ومهما الدنيا جات ضدى هقف ثابت ولا اتغير
ولا اتحول ولا اتبدل
انا حر اهو طاير بجناح حمام زاجل
بعيش اللحظة بالحظة وعندى الحدث عاجل
وعقلى صغير ميستحملش مهو طفل انا فتوب راجل
فى وسط الدنيا متبهدل
مسالم عمرى محد اذيت
فى وسط الهم تلاقينى على صفارة انا غنيت
بغنى من كلماتى وبعزف من الحانى
ولو سمعتنى مره هتقولى عدلى من تانى
وصوتى عالى ميتأثرش
شاقق طريقه وسط الريح
بغنى من الكلام تفاريح
مع انى من المجاريح
بس الواقع اتبدل
ولما اجى انا افكر
الاقي نصيبي متأخر
واحسب هو تاه كده ليه. اقضي العمر انادى عليه
وهو فيا ولا سائل
وبتسائل
يعنى هو انا قليل
رامى جاد ؟؟!!
-
◌ رسالة منشورة
اتعرف عليه بصدفه عجيبه
ف تانيه تقريبا شخصيه غريبه خالص قالو عنها انها شخصيه غامضه وقالو كلام وحش كتير عليها بس انا مش بصدق غير اللي قدامي وانا مشفتش حاجه وحشه منهوبقينااصدقاءاو اصحاب
وتقريبا خلاني افهم حاجات كتير ف الكليه والبي بيحصل وكان كمان بساعدني ف الدراسه احيانا
ااه ع فكره هو مش بيحضر كتير ودايما ف حاله
وبجد هو مش زي ما الناس بتقول
-
◌ رسالة منشورة
تعرف يا كتاب دفعة انا ممكن اكون قلت كلام صعب ووحش فى حق بعض زمايلى وزميلاتى ( طبعا فى وشهم) وممكن اكون نظرت نظرة غلط لمستواهم الفكرى والثقافى وممكن اكون زعلت ناس كتير بصراحتى وعجرفتى الزيادة عن اللزوم .
الانسان كل يوم بيتعلم ويعرف ويكتسب خبرات من مواقف معينة وانا بالطبع كنت غلطان فى حق ناس كتير بس لما فهمت ومش هتورع منك او منهم من انى اقول كبرت ونضجت عرفت قد ايه انى انا كنت غلطان وانى اللحظة الى بنفرح بيها الناس تساوى كتير والكلمة الى تزعل ناس تأثيرها مش قليل .
عرفت انى لازم اكسر الحاجز الصلب الى بينى وبين زمايلى واخرج من دائرتى المغلقة الى كنت مسميها (دائرة المعرفة والعقول المكلفة )😂😂
والى فيها اشخاص يتعدوا على الاصابع .
عرفت دلوقتى وانا فى سنة رابعة كد ايه كنت غبي كد ايه ضيعت احلى سنين من عمرى فى حاجات فاضية كد ايه جرحت ناس وقسيت على ناس ومستمتعتش معاهم
تعرف انى انا فى الحقيقة وبطبيعتى مجرد مشوف حد بيضحك او بيبتسم بفرح وابتسم علطول بس من يوم ماجيت هنا وانا ستار الغضب دايما على وشي وبسمتى متكتفة بحبال .مش بتطلع غير مع ناس معينة
الى يعرفنى بجد وعاشرنى هيعرف كد ايه انى طيب جدا جدا ويمكن اطيب واحد فيكم بس اهو العند واللسان دايما بيجيبوا ورا .
بس السنادى يا كتابي العزيز محدش عارف مين هيعيش ومين هيموت بس اقصي طموحى انى الناس تفتكرنى بالخير يعنى لو واحد عدا قدام اى واحد او واحده فيكم شبهى بعد الدراسة اتمنى شبيهى يفكره بيا بس بالخير .
انا مش وحش يا كتاب دفعة والله ابدا ابدا وانت عارف كده بس انا طباعى غريبة اتربيت على انى ابقي غالب مش مغلوب اتربيت على انى ابقي ضاحك مش باكى قوى مش ضعيف حتى لو ضعيف بتظاهر بالقوة اتربيت على ان حياتى متوقفش على حد وانا كنت فاكر كده قال بس طلع كدب وان حياتنا بتوقف على اشخاص بعينهم ممكن منقدرش نكمل فى الطريق من غيرهم .
انا بتأسف لاى حد غلطت فى حقه وبتمنى انه يسامحنى مش محتاج نفتح صفة جديدة بس انك تسامحنى من قلبك ده اقصي طموحى ودى الغاية المنشودة والهدف الاسمى وكل واحد /ه زعلته هو عارف كويس اقصد ايه .
تعالوا نتخلى عن الاحقاد الى جوانا ونركنها على جنب ونعيش اخر سنة ونسيب ذكرة وعلامة وانطباع كويس .
تعالوا نبدأ سنة جديدة مبنية على الحب والسلام والمودة وننسي كل حاجه قديمة .
مهو دى اخر سنة وياعالم هنشوف بعض بعدها ولا لا
#مبادرة_السلام
-
◌ رسالة منشورة
أنا ماليش أصحاب انا صاحبة نفسي جدا ليا زمايل كتير وليس أصحاب واحكي ليهم عني وكده فيه ناس بتقول دا عدم ثقة ‘ انا مش شايفه كده او ممكن تكون عدم ثقة لكن الأرجح اني مبحبش أحكي عني لحد ايا كان ودايما باحتفظ لنفسي بمساحة خاصه محدش يعرف عنها حاجة طبيعتي كده. عموما دا ميمنعش اني عرفت ناس خلوقة وطيبة جدا وفيه ناس وقفت جمبي ودعمتني في مواقف ف بوجه لهم كل الشكر والتقدير والحب وربنا يجمعنا علي الخير دايما ❤❤
-
◌ رسالة منشورة
السلام عليكم ورحمة الله وبركاته
انا عندي فكره بس معظم الناس عارف انها مش هتوافق عليها بس اهو قولت اعرفكم بيها وخلاص ومدام هتستمرو ف موضوع الكتاب
احنا طبعا رايحين سنة 4 ودي اخر سنة وهتكون فيها حفلات التخرج والفاني دي والكلر دي وغير حفلات السمر
الفكره اننا جمب الكتاب نعمل كتاب تاني بس ده هيكون صور بس زي البوم صور
انا شوفت الفكره دي ف اكتر من جامعه عاملتها
وكل الصور هتبقي ف الكتاب بس مش بيحتوي غير ع الصور بس ويبقي جزء تاني من كتاب دفعه
وسواء وافقتم عليها او لا دي حريه شخصيه ف ناس مش هتقدر تعمل كدا وفي ناس عادي دي معاها دي هتبقي للذكره مش اكتر
والسلام عليكم ورحمه الله وبركاته
-
◌ رسالة منشورة
انا زي ناس كتير مكنتش عايزة الكلية دي إضافة الي اني اصلا مكنتش أعرف عنها اي معلومات لما جاتلي في التنسيق وروحتها اكتشفت ان التخصص من سنة تالتة و17 مادة في الترم في حسيت اني اتدبست الحقيقة بس لما عديت أولي واتعرفت علي زمايل ارتحت نفسيا للكلية وتقبلتها نوعا ما بعدين حبيها وحسيت ان ربنا بيضع كل إنسان في المكان المناسب وحبيت تجربة التربية العملي جدا اما بقا عن قسمي علوم ف دا كرهني في نفسي وفي التعليم كله 😂😂انا دخلته برغبتي الكاملة حبا فيه بس الدكاترة معقدة يلا لله الأمر من قبل ومن بعد واتمني رابعة تبقا أجمل سنة من السنين الي عدت
-
◌ رسالة منشورة
الصحاب دول اول ميزة وحسنة ف الكلية ...انا حولت من اداب لتربية عشان ابقي مع البست فريند ..وبقينا سوا وان شاء الله هنفضل دايما ..مكنتش متوقعة اني هيبقالي صحاب كتير وعلاقات مع اللي حواليا وكنت دايما بقول اني مكتفية بالبست فريند وبس
كدة ..بس بفضل ربنا ونعمه عليا اني اتعرفت ع احسن صحبة حرفيا ..كل حاجة كانت حلوة ف الجامعة كانت حلوة عشان كانت معاهم وبس ..لمة الصحاب ووجودهم جمبي خلوني لغيت فكرة التحويل لجامعة اسوان عشان اتخصص ف القسم اللي بحبه ولاقية نفسي فيه ..لولا صحابي مكنتش لحد دلوقتي حابة الكلية بكل عيوب وصعوبة قسم علوم ..دايما بيقولوا اختار الصديق قبل الطريق وانا الف حمد ليك يارب ع كل واحدة اتعرفت عليها ..بجد يا اصحابي انتوا احلي حاجة ف الجامعة وف الكلية ..ربنا يحفظكم ويديمكم احلي نعمة من ربنا ..دمتم ف قلبي وف حياتي ..
-
◌ رسالة منشورة
انا بقى اول يوم ليا فى الجامعة كان اول يوم تبدا فيه الدراسهوكان معايا واحدة صحبتى من البلد كت لسه عارفاها من يومين ورحنا نسال عن جدول المحاضراات وعرفنا اسم المكان الشهداء طبعا اللى كان ليه ذكريات جميله جدا من اول مادخلنا الجامعه وكفاية انه كان فيه بداية محاضراتنا واحنا قاعدين قدام الشهداء وبنسال على المكان واحنا منعرفش انه هو انا مكنش بحب مجال التدريس بصراحة بس فرحت بالتنسيق واتصدمت لما روحت الكلية علشان المواد اللى كنا بندرسها بس اتعودت عليها بعدين واهم حاجة واحلى حاجة ه قسم دراسات اللى محدش كان عاجبه بس زمايلى والناس اللى شفتها فى دراسات اجدع ناس واروع ناس جدعن بجد هما اللى خلونى احب التخصص وكمان اول يوم فى التربية العمى والمشرفة الطيبة وزمايلى البنات كنت بحب يوم لاربع علشان التربية العملى واحنا بنسيب الفصل والعيال حابين نكون معاهم ورغم المعاناه اللى شفتها من المواد والدكاترة بس كانت ايام حلو
-
◌ رسالة منشورة
الصحاب يلا دوول جدعان يلا 😍
انا طبعي اني بحب اتعرف علي الناس جدا عشريه اوي يعني من زمان ماما بتشتكي من الموضوع ده في ابتدائي كنت بجيبلها الفصل كله في البيت علشان المدرسه جمبنا كمان😂لازم اي مرحله في حياتي كان يبقي معايا شله كده بعرفهم علي بعض ونبقي سوا وزي ما كان بيحصل من ابتدائي عملت كده في الكليه كمان بعد الدراسه بشهر كده علشان اول شهر كان مأساه عندي مفيش حد خالص معايا من صحابي ولا من بلدي كمان اتعرفت علي بنوته من قنا جدعه جدا من قبل الدراسه كانت مهونه علي تعب السكن وبعدي عن اهلي سبت السكن ولقيت قدامي
واحده من اقرب احلي صحابي دلوقتي عمري ما هنسألها وجودها جنبي في اي وقت في حياتي في اي تعب مريت بيه كان ت دايما وموجوده وسنداني وسكنا مع بعض في نفس الوقت ال كنت اتعرفت فيه علي بنات في الكليه وعملنا شله كده مع بعض كانوا شبهي جدا كنا مع بعض دايما فعلا فررقتنا الاقسام في ثالثه بس هما زي ما هما لغايه دلوقتي جدعان وقريبين وانا بقولهم انا هفضل علي الوعد والعهد مع كل واحده فيهم 💪😍
وتقريبا اتعرفت علي ناااس كتيرررررر ما شاء الله قابلت ناس حلوه ونضيفه بجد من جواها ربنا يحفظهم كلهم يارب ومبسوطه بمعرفتهم جدا وباذن الله نتقابل كتير في حياتنا بعد التخرج 😍😍
انا في حاجه مؤمنه بيها جدا ان طول ما الود والحب موجودين في القلب يبقي مش مهم اللقا وان المسافات عمرها ما هتأثر علي ال جوه القلب✋
-
◌ رسالة منشورة
نزل ياعمنا انا مكنش ق دماغى كليه التربيه دى اساسا بس ابويا السبب الله يباركله والصراحه اللى عوض كل الهم اللى شوفته الصحاب يلا 😂😂 ملووووك الرحلات والدنيا وبصفتى واحد من الدفعه احب اقول للدفعه بضيع ياحب 😂😃 هشيل ياحب 😂 لعلها تبقا ذكرى وانتظرونى مع اقوى الفيديوهات الكوميديه 😂😂
-
◌ رسالة منشورة
السلام عليكم
اولا ابتدت الحكايه بعد شهر من الدراسه وروحت اول يوم ليا الكليه يوم السبت وكانت محاضره علم نفس وده كان بعد مرور اربع محاضرات للماده كنت وقتها لا اعرف سوى اثنين فقط معرفه مسبقه من مرحله الثانوى "احمد دوشى" هذا اخ بمعنى الكلمه ويظهر معدنه الاصيل وقت الشده تلاقيه اول واحد فى ظهرك ولا يعرف اللف ولا الدوران صريح جدا جدا وهذا سبب كبير فى "........."
احمد بركه ابو دم خفيف لعيب كوره على كيفك يعشق اللف والدوران ولا كن ذو قلب طيب
واذكر انى جلست فى الخلف وكنت وقتها لا اعطى اى اهتمام للتعليم رايح اقضى فترتى وخلاص وتعرفت بعدها على "احمد خليفه" رجل يعرف اى تكون مصلحته ويسعى وراء اهدافه وطموح جدا جدا
وبتوالى المحاضرات جلست بحوار "احمد ادريس" كان وقتها عامل فورمه فى شعره وكان مختلف عمن حوله واذكر انه كان جريئ جدا فأكمل المحاضره من فتاه كانت باقرب منا بدون ان يعرف ولا اى سابق تعامل
وكان يملك سلسله الحياه بالنسبه له وهيا عباره عن سن من سمكه القرش كان معظم كلامه على السن ده مع انها متساويش عشره جنيه
ثم توالت الايام وجلس فى محاضره الانجلش بجوارى "حسن حلمى " رجل مختلف يعشق فيروز والجوكر وراجل مثقف ثم تتوالى الايام واتعرف على "رأفت الضوى" وكان ذلك عن طريق صوره اتصورناها بموبايله وكانت صدفه جميله حيث تعرفت على رجل والرجال قليل فى هذا الزمان وقلبه ابيض جدا وابن بلد
ثم تتوالى الايام واتعرف على "حسام سعيد" ابو ابتسامه حلوه و"احمد السعدى" دماغ تانى ورجل ابن اصول و"بسام " الشاب الكيوت العصبي و"شهاب "ابو قلب ابيض ثم جمال عبد الناصر "ابو دم خفيف " وجمال عبد الناصر" الروش و"احمد جابر "الجبلاوى بذياده
و"احمد ابو الشيخ" ابو وجه بشوش ثم تأتى صدفه اخرى لا اود ان اذكر تفاصيلها ولاكن تعرفت منها على
"اسلام بكر " رجل من كوكب المريخ مكبر دماغه من كل حاجه واى حاجه واللى يجى على دماغه يعمله صاحب جدع وصريح جدا و"رامى جاد" اسناوى اصيل ودماغه متكلفه وله حياته الخاصه بعيدا عن دوشه الناس والشاعر اللى لو كمل فى الشعر هيبقى شانه كبير و"احمد عمر " الواجه ابو قلب طيب رجل يعشق العمل و مكافح
وكان ذلك فى نهايه الترم الاول وكان ترم جميل جدا جدا جدا رغم ماكان فيه من مشاكل وعقبات
كده اول ترم خلص اكيد كل واحد عرف انا مين وشكرا جدا للرجاله الحلوين
#احلى_دفعه_دفعه_الفقر♥
-
◌ رسالة منشورة
انا واحده من الناس القليلين اللى دخلت الكليه دى وانا متقبلاها نوعا ما فى فتره قليله جدا اتعرفت ع كل الدفعه من البنات بحكم انى اجتماعيه جدااااابس واحده بس اللى غيرت مجرى حياتى (خلتنى انتظم فى الصلاه لمجرد بس انها كانت تتصل بيا لو مردتش عليها تقولى اكيد كنتى بتصلى كنت بتكسف من نفسى جدا وانا برد وبكذب وبقولها اه بس انا مكنتش بصلى )احب اقولك انى احسن حد مر عليا فى حياتى يا رحاب .. امممم كفايه كده عشان متملوش منى 😊
-
◌ رسالة منشورة
انا زميلكم ابراهيم رمضان انا عن نفسي كنت مدايق جدا لاني اصحابي كلهم راحو جامعه اسوان وكان نفسي اروح معاهم بس لما روحت الجامعه اول واحد قابلتوا رمضان واللي قربنا من بعض اكتر اني من اسنا وبعد كده اتعرفت علي احمد جابر واحمد الشيخ والبركه وبسام وحسام سعيد والسعدي واحمد بشير وكانو بالنسبالي اكتر من اخواتي والله بصراحه اتمنالهم كل خير ربنا يوفقهم ف حياتهم
-
◌ رسالة منشورة
هو ايه لازمه الكتاب دا 🐸
-
◌ رسالة منشورة
السلام عليكم
عندى تعليق بس الفيديوهات الاغانى بتعتها لازم تكون من الاغانى اللى بتحطوها مينفعش تكون دنيه عشان فيه ناس مبتسمعش اغانى اصلا😊
-
◌ رسالة منشورة
مبدايا انا هتكلم عن عن اربعه معرفتمش من الكليه لا دول كانو معايا من الثانويه ودخلت معاهم اساسي ف الاول كنت اعرف عغيرهم فضطرت افضل معاهم 😂😂 بس الصراحه هو فعلا احلي واجمل صحاب عرفتها وكمان بيقفو معايا ف اي حاجه مهما كانت ملقتش ليهم بديل
يعني كاتمه الاسرار ا.م
وضحكه وهزار ا.س
وجدعنه ا.ع وساعدها ف الامتحانات
ومش هنسي طبعا ا.ف اللي شاتني باديها ساعه الحادثه بتعتي
انا زي ما هو مسمني
بلطجيه الشله# واطولها
😍بجد بحبكم
-
◌ رسالة منشورة
تقريبا اغلب الدفعة دخلت كلية تربية عشان التنسيق بس ..،وانا بصراحة واحدة منهم اصلا عمري ماكنت اتوقع اني ادخل كلية تربية لاني مش بحب التدريس اصلا ...لكن بعد مادخلت الكلية وشوفت احلي واجدع دفعة بقيت بحب الكلية وبقول الحمد لله اني دخلت تربية اساسي ..دفعتنا دي انا بشوفها احلي دفعة بجد بكل مافيها من حلو ووحش حتي الدكاترة لما كانوا يقلبوا علينا دي كلها هتكون ف يوم من الايام احلي ذكريات ..وكمان كلية تربية اساسي ساعدتني اني اتعرف ع ناس جميلة ومحترمة ...وعلي قد ماانا بحب الكلية علي قد ماانا حزينة علي انها هتكون اخر سنة السنة اللي جاية ان شاء الله ...اتمني ان كل حد في الدفعة ربنا يكرمه في حياته بكل جوانبها من بعد السنة اللي جاية ويااارب نقدر نقابل الناس الحلوة اللي اتعرفنا عليها ...
#علووووم
-
◌ رسالة منشورة
بلاش شغل المجاملات ومتنزليش رسايل ورسايل لا خلي الموضوع يتم
حاحه تدايق بصراحه انك تنزلي رسايل ورسايل لا
-
◌ رسالة منشورة
السلام عليكم احب اعرفكم بنفسي انا شخصيه غامضه جدا مع كل الناس انا اول يوم جيت فيه الجامعه مكنتش حابه ادخلها خالص المهم اول حد اتعرفت عليه وحسيت إنها شخصيه إلي حد ما قريبه من شخصيتي هي رحاب رغم إني فرقتنا الاقسام إلا إننا علي تواصل دايما ببعض وبعد فتره من صداقتنا عرفتني علي بنت جدعه وصديقه بجد صاحبة صاحبتها قوي يعني متعزش اي حاجه علي اي حد وصديقتي دي هي دنيا بقينا انا وهي اصدقاء بمعني الكلمه يعني كل يوم والتاني نكلم بعض حتي في الأجازه بجد ربنا يديمك في حياتي يا دندونتي
-
◌ رسالة منشورة
انا مش هكتب اسم حركى والكلام ده انا هكتب اسمى عادى انا رامى احمد من اسنا كنت جاي الجامعة دى معرفش اى حاجة لدرجة انى كنت باجى الجامعة وادخل الشهداء وابص على المدرجات وهى مكدثة بالناس واروح تانى مكانش عندى صبر او طاقة انى اقعد بالساعات بدون محكى مع حد وانا من الناس الى من الصعب تكون صداقات حميمة بس ليها صحاب كتير مع حفظ الفرق بين الصاحب والصديق دخلت مرة وحكيت مع مجموعة كبيرة كنا عاوزين نتخصص علوم ورياضيات انجلش وروحنا عند العميد وحصلت مواقف مضحكة ومن يومها وانا بقيت متعلق جدا باسلام بكر الى هو كان كتوم وهادى جدا واحمد عمر الى هو كان اشجع واحد فينا الى بنصدره فى اى حاجه وبعديها اتعرفت على خالد حسن وعبد الله احمد بجد الناس دى انا مقدرش استغنى عنها مجرد مأفكر انى هبعد عنهم لثوانى بتعكنن خالص
هما احلى حاجه فى حياتى اخوانى واصدقائي واهلى وكل حاجه ربنا يديمهم ليا يارب
-
◌ رسالة منشورة
بحبك يا صاحبي
واحشتني يا طيار
-
◌ رسالة منشورة
الرساله دي بوجهه لشباب قسم لغه عربيه الرجاله ونعم الرجاله والله كلهم رجاله بمعني الكلمه وبنات لغه عربيه بنات ناس محترمين جدا جدا الحمدلله ان ربنا جمعا في قسم واحد
-
◌ رسالة منشورة
أول سنه فب الكليه مكنتش اعرف أي حد في الكليه ولا من بلدي او حتي صحابي الي كانوا معي في الثانوي وكان عندي ظروف في البيت
مرحتش الجامعه غير في الأسبوع التالت أول محاضره اكتشفت أن كان معي صحاب من أولي ثانوي لقيتهم معي في نفس الكليه بقيت بقعد معهم بعدين بقينا مع بعض في السكن وتعرفت علي صحاب بردوا في السكن في نفس الكليه وكن نعمل كل حاجه مع بعض طول سنه أولي وتانيه واحلي صحاب في الدنيا لحد سنه تالته وتخصص كانت العقدة الوحيده ان كل حد فينا راح تخصص مختلف وكن زعلانين جدا أخدت أول أسبوع في التخصص مكنتش اعرف حد غير كم حد كدا من بعيد بعدين تعرفت علي احلي حاجه في التخصص S2Zدا الرمز الكيميائي بتاعنا 😂😂الأسماء بتاعتنا انا بحبهم جدا وأنا بقولهم انتو احلي حاجه من ساعة ما دخلت قسم دراسات ربنا خليكوا لي يارب ويدووم المحبه بنا ويحفظكم يارب ❤❤
-
◌ رسالة منشورة
ياه فاكر اليوم دا لحد دلوقتى كنت دايما من أنا وفى أيتدائى أحب أقعد من قدام وتاخدنى دماغى واسرح وعلى فكرة أنا من النوع اللى بيتشت تركيزة ديما ويتوه من
المدرس خصوصاً لو كان الدرس اللى بيتشرح رياضة مع أن دا تخصصى دلوقتى والحال دا فضل معاى مستمر لحد ما دخلت الكلية لا أعرف حد ولا حد يعرفنى وكنت تايه لدرجة أنى شوفت جدول أولى تربية رياضيات عام وروحت حضرت محاضرة واكتشفت أن دى مش دفعتى زى مابيقولوا كدا استعجلت على المرار بدرى كنت تايه لدرجة أنى قضيت أسبوع ونص فى قنا وأنا مش لاقى دفعتى أول محاضرة أحضرها كانت تعليم حساب الدكتور حفنى أسماعيل وزى العادة قاعد فى البنش الأول أنا وأحمد رضوان وأحمد دوشى على يمينى ورامى جاد على شمالى والمحاضرة شغالة وأنا حاطط السماعة فى ودنى وبسمع أغانى وفى عالم تانى عايش سارح فى الملكوت وهما شغالين يقولوى شيل السماعة الدكتور لو شافك هينفخك المهم خرجت من المحاضرة دى متعرف على رامى كان لما يغيب أسأل عليه ولما أغيب يسأل عليا بعدها سمعنا بموضوع التخصص من سنة أولى وأن فى ناس زمايلنا عايزين يتخصصوا أنا وهو وقتها كنا عايزين التخصص بس أننا نتخصص مثلا رياضة انجلش أو علوم أنجلش لكن لو التخصص عادى ملهوش لازمة بالنسبالنا خدنا بعضنا وقبلنا الواد اسلام فى وشنا جى معانا قعدنا قدام مكتب سكرتارية العميد خايفين ندخل قالولى خش وأحنا وراك دخلت اسلام خلع مدخلش ورامى أول ملقى السكرتير بيزعق وبيقولى عايز تتخصص من سنة أولى وأنت اساسى خد بعضه ومشى طلعت متنا على نفسنا ضحك ومن يومها وأحنا مع بعض تحصل مشاكل ونرجع نتصالح تانى ومقضينها فى البليستيشن
-
◌ رسالة منشورة
احم احم في الحقيقه
والواقع ان الحسنه الوحيدة في ام الليله السودة دي كلها الاصحاب ك كليه انا كرهاها بس اصحابي هما كل حياتي هما اه فشله بس مش دي المشكله .المشكله اني بتفاجأ بتقديرات
في الاخر
احب اوجه رساله للعرة صحبتي النكديه
ان انا احبيكي
-
◌ رسالة منشورة
انا اسلام قسم رياضيات
اول صاحب ليا ف الكلية هو رتمي واحمد عمر والاتنين عرفتهم ف موقف مضحك
بعد كدا بقينا اكتر من اخوات مع بعض
الموقف ده بقي كان ف كلية طفوله عند السكرتير العميد بسبب موضوع التخصص من سنة اولي والسكرتير زعق فينا وطلعنا نضحك من عنده وده كان اول يوم لينا كاصحاب ومن ساعتها واحنا اصحاب وربنا يديمه صحبه ومحبه يااارب
-
◌ رسالة منشورة
كيف يمكننا المشاركه في
كتاب الدفعه
وما الخطوات
#زعيم_تنظيم_القاعظه
الرساله غير متاحه النشر في اية جروب
-
◌ رسالة منشورة
انا فكرة الكتاب عجبانى من الاول وقلت تمام
اشارك معاكم بس بصراحه لما الموضوع كبر وفيدوهات والكلام ده صعب انا اهلى بالعافيه يوافقوا يطلعونى من السكن 😂😂 بس عايزة اعرف الكتاب هيكون
ورقى ولا الكترونى؟ ياريت الاتنين وخصوصا ورقى عشان يفضل معانا
علطول بالتوفيق ليكم
-
◌ رسالة منشورة
انا بعت قبل كده ال كتبته
وعاوزه اساعد تانى فى عمل الكتاب ده ممكن تقولى اعمل اساعد بيه #شكرا
-
◌ رسالة منشورة
ايه فايده الكتاب ده
اساسا تربيه ديا كل اللي داخلها داخلها غصب عنه فيه الي عاوز يرضي اهله وفيه اللي ملقاش غيرها ممكن اعرف فايده الكتاب ده ايه بالظبط
-
◌ رسالة منشورة
انتى ممكن فى اسبوع تكتبى فيه عن الحب وازاى ممكن نحب او الى بيحب بيحب ازاى وحتى المجروح يكتب ازاى برضو دا افتراح ويااربت تكتبو فيه 😊
-
◌ رسالة منشورة
دخلت الكليه وانا بكرهها وغيرت رغباتي فالتنسيق كذا مره بسبب اللي حواليا وكنت رايحه الكليه مش طايقه حد😂هتقولوا ايه ذنبهم هقول معرفش كنت بمشي اكشر كدا فالبني آدمين اللي حواليا😂كنت اروح قنا بالعافيه وممكن مكملش الاسبوع واروح لامي وابكي😭اقولها يا ماما دول 17 ماده😭😭انتوا السبب انا مكنتش عايزاها اصلا كانت تصبرني وارجع قنا تاني كنت اروح المحاضرات انام😅والله حضرتك كنت احط دماغي كدا ومفيش 3 ثواني 3 ثواني حضرتك وارجع اقوم الاقي الدكتور بيقول كدا خلصنا انهارده😂😂😂بس الحمد لله حاولت اذاكر شويه وجيبت جيد 😂😂مسقطتش والموضوع اتطور فتانيه وجيبت جيد جدا😂فييييييييين بقي لما بدأت احب الموضوع فسنه تالته بقي بجد اكتر حاجه خليتني احب المهنه دي لما روحت التربيه العملى واشوف حب العيال ليا😍 ويسألوني وانا يكون عندي فضول لاسئلتهم ولما يشكرونى ويقولولى احنا اتعلمنا حاجات كتير منك❤بجد هما سبب حبي للكليه والتدريس وكمان هما اللى خلوني اشتغل اكتر ع نفسي عشان اجاوب اكتر ع الاسئله واجاوبهم صح وانا واثقه من الاجابه😍
-
◌ رسالة منشورة
انا كنت مختلف عن الناس بالمعني الحرفي لها✋انا مكنش ليا اي طموح غير اني اجيب مجموع وادخل الكليه وقولت اعلي كليه مجموعي هيجيبها هدخلها ودخلت كليه تربيه❤💙اللي حببني فيها اني اتعلم من مدرسين الثانوي كتير واتاثرت بيهم وليا معرفه بيهم لحد الان✋وغير كدا الناس بقت بتناديني باسم الناظر والاستاذ علطول وحبيت الحوار بعد م اشتغلت ف الدروس وخصوصا ان الاول ع المدرسه التجربيه ف تانيه ابتدائي كان بياخد عندي درس واتشجعت بطريقه رهيبه❤💙حبيت المهنه وحبيت كل حاجه فيها وحابب اجتهد ع ابقي نمبر وان ف دشنا وتوابعها😂😂😂
اه صح متنسوش فصل الشخصيات المهمه ف الدفعه ع منزعلش مع بعض😂😂 الكاتب محمود عبد العزيز ✋وياريت مسجي ينزل ف بوست لوحده لان الدفعه هتتشجع لما واحد من الناس اللي ع وضعها بتشارك ف الكتاب😂😂😂 واحب اقول البعض يقتني الزهب ..والبعض يقتني الماس..ونحن نقتني ما ينفع الناس💪
وثقه ف الله مفيش طالب هيطلع من الحصه مش فاهم 😂
-
◌ رسالة منشورة
يوم النتيجة كان يوما عاديا مثل اي يوم ،نعم أعلم انها ستظهر اليوم ، جلست امام التلفاز ولم يكن للهم في هذا اليوم اساس . وفجأة وفي يدى الهاتف قرأت انها ظهرت الآن فشعرت شعورا غريبا ضربات القلب تزداد القلق يتدفق فأستنشقت بعض الهواء وكتبت رقم الجلوس وضغطت على مربع البحث وفي لحظة البحث قلت لنفسى هل النجاح سيكون حليفي ام الرسوب؟ فظهرت فاندهشت ! هل هذا انا؟ ام هذا غيرى ؟هل هذا تقديرى ؟هل هذه درجتى ؟أعدت النظر إليها مرارا حتى أتأكد انها لي ، الحمدلله 😊 هذا انا نعم انا فارتسمت البسمه على وجهى ووجه من حولى وتعالت الضحكات ضحكا .
يوم التنسيق . يا له من يوم لم يكن كأيامى السابقه او حتى اللاحقه ففيه تعكر مزاجى وشعرت بالضيق . اكتب كذا والآخر يقول اكتب كذا وابى يقول اكتب إعلام ثم تربيه وهكذا . اين انا ؟ ألست أوجد هنا ؟ ، فكتبت ما قيل لى 😐 فتربيه اساسى ( ابتدائى) كانت رغبتى الثالثه وهنا ظهرت الكارثه ، قبلت فيها مع اننى اردت حقوق لكن رغبتى مثلى لم يكن لها ايه حقوق . فرضيت بهذا وقلت الحمدلله لعل وعسى ان يكون خير .
يوم التقديم الورقى(الاختبار الشخصى ):- ذهبت الى شئون الطلاب لكى اؤدى اختبار القبول فسمعت المختبر يقول ، لماذا قمت باختيار كلية تربيه ؟ قلت لم اختر بل التنسيق . ثم قال :- ردد هذه الجمله ( أمر امير الأمراء بحفر بئر في الصحراء ) فرددتها كما قالها ، ثم قال مد أصابع يديك فمددتها مع الحركه ذهابا وايابا من أعلى لأسفل والعكس فقال لا ثبتها ففعلت كما قال ، ثم قال ما هو دورك في تطوير منظومة المجتمع الذى تعيش فيه ؟ فقلت لنفسى اين الاجابه ؟ هل هذا ما يسمى بالكآبة ؟ وبعد هذا السؤال قال انتهيت . فأندهشت ! هل انتهى الاختيار؟ قال نعم. لم اصدقك ، كررت نفس السؤال ،وكرر نفس الاجابه . قلت وماذا بعد ذلك ؟ اذهب إلى بيتك .
-
◌ رسالة منشورة
يوم النتيجة كان يوما عاديا مثل اي يوم ،نعم أعلم انها ستظهر اليوم ، جلست امام التلفاز ولم يكن للهم في هذا اليوم اساس . وفجأة وفي يدى الهاتف قرأت انها ظهرت الآن فشعرت شعورا غريبا ضربات القلب تزداد القلق يتدفق فأستنشقت بعض الهواء وكتبت رقم الجلوس وضغطت على مربع البحث وفي لحظة البحث قلت لنفسى هل النجاح سيكون حليفي ام الرسوب؟ فظهرت فاندهشت ! هل هذا انا؟ ام هذا غيرى ؟هل هذا تقديرى ؟هل هذه درجتى ؟أعدت النظر إليها مرارا حتى أتأكد انها لي ، الحمدلله 😊 هذا انا نعم انا فارتسمت البسمه على وجهى ووجه من حولى وتعالت الضحكات ضحكا .
يوم التنسيق . يا له من يوم لم يكن كأيامى السابقه او حتى اللاحقه ففيه تعكر مزاجى وشعرت بالضيق . اكتب كذا والآخر يقول اكتب كذا وابى يقول اكتب إعلام ثم تربيه وهكذا . اين انا ؟ ألست أوجد هنا ؟ ، فكتبت ما قيل لى 😐 فتربيه اساسى ( ابتدائى) كانت رغبتى الثالثه وهنا ظهرت الكارثه ، قبلت فيها مع اننى اردت حقوق لكن رغبتى مثلى لم يكن لها ايه حقوق . فرضيت بهذا وقلت الحمدلله لعل وعسى ان يكون خير .
يوم التقديم الورقى(الاختبار الشخصى ):- ذهبت الى شئون الطلاب لكى اؤدى اختبار القبول فسمعت المختبر يقول ، لماذا قمت باختيار كلية تربيه ؟ قلت لم اختر بل التنسيق . ثم قال :- ردد هذه الجمله ( أمر امير الأمراء بحفر بئر في الصحراء ) فرددتها كما قالها ، ثم قال مد أصابع يديك فمددتها مع الحركه ذهابا وايابا من أعلى لأسفل والعكس فقال لا ثبتها ففعلت كما قال ، ثم قال ما هو دورك في تطوير منظومة المجتمع الذى تعيش فيه ؟ فقلت لنفسى اين الاجابه ؟ هل هذا ما يسمى بالكآبة ؟ وبعد هذا السؤال قال انتهيت . فأندهشت ! هل انتهى الاختيار؟ قال نعم. لم اصدقك ، كررت نفس السؤال ،وكرر نفس الاجابه . قلت وماذا بعد ذلك ؟ اذهب إلى بيتك .
-
◌ رسالة منشورة
انا بقا دخلت تربيه اساسي عن اقتناع مع اني كان نفسي ادخل تكنولوجيا ومعلومات لاني بحب الكومبيوتر والبرمجه بس حمدت ربنا اني دخلت تربيه وشاء القدر اني ادخل قسم دراسات مع اني قبلني قسم عربي بس بحب التاريخ والجغرافيا موادي المفضله وكان ليا موقف قديم كدا وانا في اولي اعدادي عمي كان عايز يحولني ازهر علشان كنت حافظ القراءن بس صممت اني اكمل وقولتله وقتها هدخل ثانوي وهدخل قسم تاريخ علشان بحبه وكأن باب السما مفتوح وبس ي سيدي دخلت اساسي قسم دراسات
تاني حاجه بقا احسن حاجه في الدفعه صحابي رجالة قنا بكل مراكزها واسنا وارمنت والاقصر شرق وغرب والضبعيه واحلي وقت كنا نقضيه مع بعض لما كنا نجيب فحول هههههه(نبق) يعني بس واحد صاحبنا قالها في وسط م كنا ناكل وكنا هنفطس من الضحك
حصلت معايا حاجات وحشه بس مش مشكله الله المستعان ومش بكره حد ربنا يصلح الحال
وربنا يكرمنا جميعا يااارب
-
◌ رسالة منشورة
فكرة الكتاب جميله.. بتفكرني بمقولة ويبقي الاثر ❤
لكن الموضوع محتاج ترتيب وتنظيم اكتر من كدا... اي كتاب احنا بنقراه بيكون كالاتي
اولا : اسم الكتاب
اعتقد ان اسم كتاب دفعه مش لطيف شوية عشان كدا المفروض ان الناس تقترح اسماء تليق بمحتوي الكتاب
ثانيا : الفهرس
وهو عبارة عن محتوي الكتاب وال من خلاله
بتعرفي الكتاب بيتكلم عن ايه ؟
فالفهرس هيكون كالاتي عبارة عن افكار.. يعني مثلا لو قولت فكرة " الطالب الخارق " كل واحد يتكلم فيها انه ازاي كان فاكر نفسه انه هيطلع الاول ع الدفعه وبقاا ...وبقااا يحمد ربه انه بيعدي صافي كل سنة
وهكذا بقية الافكار... والمفروض ان احنا يكون عندنا الفهرس الاول عشان الناس تكتب بطريقة منتظمة ومرتبه
ثالثا : مقدمة وخاتمة للكتاب
من رايي ان حد يكون عنده موهبة ويكتب مقدمة جميله
رابعاً: اهداء
ممكن نكتب اهداء او لا حسب الاراء
يعني لو قولنا مثلا... اهداء الي انااس غرباء جمعتنا
بهم اجل الذكريات 🌸
او
اهداء الي ابي وامي اللذان اعطياني الفرصه لاترك بصمة في هذا الكتاب 🌸
موفقين❤
-
◌ رسالة منشورة
كان حلم حياتي من وانا صغيره اني ادخل ضيدله واكون دكتوره ،كنت كل مره بفشل في حياتي ومجموعي دايما كان قليل حتي مهما حاولت وعمري ما طلعت من الاواءل بس كان نفسي اكون دكتوره ،اكتر حاجه كنت بكرها ومازالت عمري ما احبها هي التدريس واني اشتغل مدرسه دي حاجه كانت بعيده بالنسبالي عمري ما كنت اتوقعها ،
لما ظهرت نتيجة الثانويه وعرفت اني مش هحصل صيدله فضلت اضحك من الصدمه ونفسيتي تعبت اتغيرت ٣٦٠ درجة ،كليه تربيه اكتر حاجه بكرها وعمري ما احبها ،،
بس الحاجه كانت مصبراني شويه الصحاب مش اكتر 😒
بس نرجع ونقول نصيب علشان بس نصبر نفسينا
-
◌ رسالة منشورة
تربيه لم.تكن رغبتي بل المجموع والتنسيق. دخلني تربيه حمدت ربنا ع الكليه بس انا لم احب مهمنه التدريس او لم.يكن لدي. الخبره الكافيه للقيام بهااا.
دخلت الكليه وف كل مرحله كان حبي بيزيد للكليه بسبب وجود صحاابي ومعرفتي بيهم وحبيت مهنه التدريس من وقت تدريبي ف التربيه العمليه لكن خبرتي لم تكن جديره بالمهنه
بس حابه اكون مدرسه واحقق رغبتي ف اخراج جيل مثقف ومتعلم وحابب التعليم.
#مس اسمااء
-
◌ رسالة منشورة
انا التنسيق اللي رماني في تربيه مكنتش حباها خالص ومازلت كرهاها وكان نفسي ادخل تجارة
ومجموعيقبلها بس ضغط اهلي عليا والحمد لله برضو يمكن ربنا شايلي حاجه حلوة
-
◌ رسالة منشورة
انتي ازاي ضايفة اولاد الدفعة عندك
-
◌ رسالة منشورة
انا بقي كنت مختلفه شويه عن ناس كتير من الدفعه انا دخلت ثانويه عامه بتشجيع من بابا وف ثالثه ثانوي هو وماما كانوا واقفين جمبي اوي لاني من صغري كان نفسي ادخل علمي وابقي دكتوره بس جيت ف تانيه وغيرت رأي لان لقيت نفسي بقفل ف درجات مواد الرياضه اكتر من مواد علوم فقولت بقي هدخل علمي رياضه بقي ولما كنت بكتب الرغبات بابا صمم اني ادخل علمي علوم رغم اني كنت هموت وادخل رياضه عشان اكمل ف تربيه عام رياضه مش هندسه عشان بابا كان تربيه عام رياضه وكنت عايزه ابقي زيه وبعدين سمعت كلام بابا بس
منغير ما اقتنع داخليا بالموضوع دا فدخلت علمي علوم وامتحنت وشديت حيلي ع قد ما اقدر وطبعا المجموع مكانش حلو بالنسبالي بس بعدين اخترت من نفسي اني ادخل كليه تربيه وكتبت عام الاول طبعا وبعدين اساسي وفجأه ف يوم ظهور نتيجه التنسيق بنت اختي ياسمينا صحيت من النوم وتلقائيا لقيتها بتقول لبابا وماما فطومه هتدخل كليه الابله وهتبقي ف المدرسه تديني وكان قصدها ع اساسي طبعا ف انا سعتها اقتنعت انها رساله جات من ربنا عشان يفرحني
ويدخلني تربيه زي ما انا كنت عايزه بالظبط 😂😂😂والحمدلله دخلت اساسي وانا بحبها بس لحد دلوقتي نفسي برضو ادخل رياضه مش علوم بس الحمدلله ع كل حال 😃😃
-
◌ رسالة منشورة
مضمون هذا الكتاب لابد أن يكون هناك 1 فريق مسئول عن الكتاب يحدد من الدفعه ككل بالأسماء 2 عدد فصول الكتاب فلابد من عمل آراء واستبيان لنعرف الموضوعات التي تتناولها الفصول وكل طالب يجد نفسه يستطيع أن يتناوله ويعبر عن شخصيته يتحدث عن هذا الفصل ويتم اختيار افضل الموضوعات
علي أن يكون اختيار موضوعات الفصول بآراء الدفعه ككل
مثل لو فصل يتحدث عن حلم طالب بكده احنا حنظهر موهبه تأليف القصص وكذلك مواهب فنيه يشمل الرسم الكاريكاتيري لسلبيات وايجابيات الدفعه وأيضا موهبه الشعر
بكده عملنا كتاب هادف واظهرنا مواهب الدفعه
-
◌ رسالة منشورة
النتيجه ياه كان يوم انا جبت 90% علمي علوم الحمد لله كنت راضيه والله اصلا مكنش عندي طموح لكليه معينه انا مكنتش واخدها جد اصلا 3 ث بالنسبالي كانت مجرد سنه عاديه ذاكرت كويس اول سنه جيت تعبت وفصلت في الاخر كانت مرمطه بجد ومواصلات ونهاار ضايع وليل نووم اضافه لاني تعبت تعب كمان ال هو مكنتش بقدر اتحرك من السرير اصلا تقريبا قبل الامتحانات بشهرين معرفش ده كان من اي ال هوو اول مره اتعب
كده والله جيت الشهر حاولت اعوض وذاكرت كويس ودخلت الامتحانات وكنت بحل كويس علشان كده يوم النتيجه كانت مجرد صدمه مش عدم رضا والحمد لله اهلي زعلوا شويه وبعدين عادي ونسقت وتربيه كانت الرغبه ال 33 وجاتلي تربيه اساسي ال انا مكنتش اعرف الفرق بينها وبين عام اي اصلا غير لما بدأنا دراسه اول شهر في الكليه كان مأساه بكل المقاييس ال هوو اي ده كل ال خلصت منه في ثانوي لقيته في الكليه وموواد كتيرر وفوق ده كله اني خلاص تربيه حلوه بس المهم اتخصص التخصص اللي بحبه وده ال مكنش هيحصل غير في ثالثه ووقفا للوائح والهم ده مش هتخصصه كمان زعلت وهنا بقا قولت يعني لو كنت جبت %1كنت دخلت عام واتخصصت التخصص ال بحبه ومن اولي
بس قولت وعلي اي الصبر حلوه كلها سنتين واتخصص وعكيت في اولي جدا والتقدير مقارنه بتانيه وتالته يكسف طبعا 😂واتخصصت الحمد لله التخصص ال انا بحبه بطريقه عجيبه علشان ربنا بيحبني والله لو كنت اتخصصت التخصص التاني اللي بكرهه مكنتش هنفع فيه اصلا والحمد لله ودلوقتي وانا داخله سنه رابعه حبيت الكليه جدا فعلا ساعات بقول اي ده انا ازاي هبقي مدرسه انا منفعش لما اخلص هعمل شيفت كارير واشوف اي شغلانه تاني😂
بس بعيدا ع التفكير ده والله انا حاسه برضا جدا واني اقدر افرق واعمل حاجه باذن الله
اما دفعتي انا مبسوطه اني واحده
منكم جدا ومبسوطه بصحابي اللي بحبهم جدا هونوا علي حاجات كتير والحمد لله من سنه اولي واحنا مع بعض والصحاب بالمواقف مش باللمه بس💪
وباذن الله رابعه تبقي سنه سعيده علينا كلنا ونسيب لبعض ذكريات حلوه نفتكر بيها ان الدفعه دي غير وحلوه بحبنا وودنا لبعض ❤
-
◌ رسالة منشورة
كتبت فى الرغبات كلية التربية ليس اختيارا بل اضطرارا، وكانت رغبة أبى ليس لشيئ إلا أنها كانت بالنسبة له أفضل المعروض، وتواليا عملت بالقاعدة "أحب ما تعمل لتعمل ماتحب"، كلية التربية على ما فيها من عيوب وطوام، إلا أنها تجبرك على حبها، كيف لا؟!؛ وهى تعلمنا العلم لنعلم الناس العلم، كيف لا؟!؛ وأنت فى مقام نبى تبلغ الناس بما وهبك الله من إمكانيات، كل مؤسسة فى الدولة تكمل بعضها بعضا لكن محال أن تبدأ مؤسسة من غير معلم؛ فالقاعدة والركن الركيز الذى تنبنى عليه الأمم هو العلم، والعلم لا يكون هبة فى النفس، فلابد من قائم يبلغ هذا العلم، ألا وهو "المعلم" وهذا اختصارا وبدون إسهاب سؤالكم الأول!.
أما الثانى
فأرى نفسي إن وضعنى الله موضع المعلم، أنها أمانة وقد تكون خزيا وندامة، وقد حمل الإنسان الأمانة بظلمه لنفسه وجهله؛ فأسأل الله أن يعيننا عليها!.
الكاتب عبدالرحمن الليث
-
◌ رسالة منشورة
السلام عليكم
انا جبت ف الثانويه العامة 89ونص كان حلمي اني ادخل تربية عام قسم فرنساوي بس شاء القدر ومقبلتنيش اتقبلت في الاساسي فضلت اعيط اسبوع وكنت هحول اداب فرنساوي بس صليت استخارة وقالت هرضي باللي ربنا جابهولي ودخلت اساسي وكرهتها بسبب المواد اللي كنا ناخدها تقريبا كنت بخرج من كل ماده ااعيط واقول الحمد لله جبت ف اولي جيد وف تانية جيد جدا
واتخصصت لغه عربيه ونزلت تربية عملي متتخيلوش فكرتي عن تربية اساسي وخاصة قسمي اتغيرت ازاي بجد انا دلوقتي بنصح كل اللي يسألني تربية عام ولا اساس انه يدخل اساسي بجد احساسي وانا بتعامل مع اطفال وبعلمهم ازاي يبدأوا حياتهم بالتعليم وبشاركهم.في كل حاجه واحترامهم وحبهم ليا ميتوصفش فعلا بحس كإني بشوف نفسي وانا صغيرة وكإني بشوفني فيهم طفلة بكبر قدامي ممكن تحسه اني ببالغ بس ده احساسي فعلا وعلشان كده بشكر ربنا انه انعمني باساسي
-
◌ رسالة منشورة
أنا بقى كنت واثق أنى هجيب فى حدود 96% أو 97 % وهدخل هندسة أو حاسبات ومعلومات مرتاح كنت واثق لدرجة أنى جهزت نفسى لدا وأنا فى 2 ثانوى كان معاى 3 لغات برمجة من أصل 7 لغات فى وقتها بحب المواد الأدبية زى التاريخ والجغرافيا ومواد علوم زى الفيزياء وكنت بعشق حاجه اسمها كيمياء عضوية واحياء ومع ذلك دخلت علم رياضة بحب الرياضة البحتة جداً أنما الميكانيكا بجيب فيها تقدير بس بكرهها المهم حصلت ظروف نفسية قبل الامتحانات بشهر مش طايق ولا حد يكلمنى أجى أذاكر مش عارف الكيمياء كنت مخلصها 3 مرات مش فاكر منها اى حاجه مشيئة ربنا دخلت الامتحانات جبت 80%بس اللى أنا متأكد منه حالياً أن مرحلة الثانوية هى مرحلة اللى بيجيب فيها مجموع مش اللى بيذاكر اكتر اللى بيجيبمجموع المرتاح نفسياً طبعاً كانت صدمة فى البيت وجى يوم التنسيق مقولتش لحد نسقت مع نفسى فى البيت كنت حاطط تجارة أولاً وبعدها زراعة وبعد كدا تربية ومكنتش فى دماغى أصلاً لانى كنت عايز تجارة لانى هى دى اللى أقدر أشتغل فيها وأبين قدراتى التجارة مش قعدة على المكتب وحسبات وبس التجارة تفتيح دماغ وكلها شغل إدارى وأنا كان عندى الشغل الإدارى فى دمى بالفطرة مكتسبة من أبويا عندى طول بال ومبملش وعلى رأى واحد صاحبى دنان يعنى بلف كتير مبتعبش جى أبويا ليا فى الأوضة الساعة 1 بليل شاف التنسيق قالى امسح حط تربية فى الأول بصراحة مكانش ليا عين أعترض لان المدير سعتها كان متضايق ومتعصب وهو أصلاً من البداية عايزنى أدخل صنايع المهم دخلت تربية وكانت هى الرغبة الأولى للحج بعد سنة فيها بقيت رغبة أولى ليا ومؤمن أن ربنابعتنى هنا لسبب زى أنى أقضى على الفساد الإدارى فى التربية والتعليم
-
◌ رسالة منشورة
وقت ما طلعت نتيجه الثانويه كنت بره البيت بشترى وبابا رن عليا وقالى انى نجحت وجبت مجموع كمان مصدقتش عشان مكنتش ضامنه النجاح لانى كنت بمر بظروف صعبه جدا ف الثانوى المهم فضلت اعيط والراجل صاحب المحل اخد منى التليفون وفضل يقول لبابا انت مين ف حد توفى الاستاذه هنا عماله تعيط😂😂 .. بس واخترت تربيه عن اقتناع عشان بمتلك موهبه الشرح وتوصيل المعلومه بشهاده الجميع .. وان شاء الله اكون معلم واؤدى رسالتى كما يجب ان تكون😊😊
-
◌ رسالة منشورة
الحاجه الحلوة الي بتميزنا عن اي قسم اننا منعرفش معني الانانية انا كطالب ف دراسات اتعلمة جوه القسم ده يعني ايه تحب القسم الوحيد الي عمره ما اختلف ع راي ميعرفش معني الاستسلام
انا فخوور جدا اني اتوجدت ف الدفعه دى والقسم ده و الصحاب و قعدت المدرج الي تحسس الواحد بانه رايح يتفسح مع صحابه مش مجرد صحاب ف مدرج بياخدوا مقرر وخلاص الي بيميزنا روح التعاون اكتر موقف او هو بيحصل دايما لما بنتجمع قبل اي امتحان ونهزر ولا هممنا صعوبة ولا استحاله بالعكس كنا بندى عزم لبعض ده الي فعلا هيفضل باقي ف عقلي
-
◌ رسالة منشورة
انا جبت 86% ف الثانوية العامة كان قدامى طبعا اكتر م كلية غير اساسي لكن امى صممت ادخل اساسي واقنعتنى بيها بحجة أنها شايفة مجموعى مش قليل ولازم ادخل حاجة تبينه بس بصراحة لما دخلتها اتصدمت م كتر المواد الل فيها وخصوصا ان اغلب المواد دى مش هاندرسها
ف الابتدائي حسيت انى بدرس مواد مالهاش لازمة وكرهت الكلية وماكنتش بجيب فيها اى تقديرات وكنت بكره اتعامل م دفعتى ولا بحاول اعرفهم لحد ماوصلت سنة تالتة واتخصصت دراسات وابتديت اتعامل م الدفعة بحكم التكليفات الل بتتطلب مننا م الدكاترة وكمان اطلب مساعدتهم ف بعض الحاجات ولقيت بصراحة ناس ف منتهى الجدعنة والاحترام معايا وبقيت احب الدفعة جدا وكمان كانو سبب انى احب الكلية بتاعتى واجيب فيها تقديرات كويسة وجات فترة عليا حصلتلى أزمة كبيرة ف حياتى لقيت الناس دى واقفة جمبي وبتساعدنى وفعلا خرجونى م الل كنت فيه بسرعة بجد الحمدلله عليهم انا مبسوطة انى م الدفعة دى وف الكلية دى انا فخورة جدا بدفعتى وفخورة اكتر بكليتى
-
◌ رسالة منشورة
بالنسبه لموضوع الاسبوع
الحمد لله انا كنت كاتب اول رغبة ليا هي الكلية دي لاني كان نفسي اطلع مدرس بعد حلم الهدسة اللي ضاع بس اهو الحمد لله اني ابقي مدرس كان حلمي بردو
ف الاول كنت بكره الكلية ومكنتش بحضر ومش مهتم بسبب جماعة من الناس بدون ذكر اسماء
لكن اهو الحمد لله بعد التخصص والناس اللي اتعاملنا معاهم ف التخصص بصراحه خلوني احب الكلية والجامعه وبصراحه اكير خساره اننا متعملناش معاهم من سنة اولي كنا هنبقي ف وضع غير الوضع المهم هي خساره اننا هنفتقدهم جامد بعد السنة دي لكن باذن الله سنة رابعة لو لينا عمر هتبقي احمل سنة مع اجمل اصحاب انا تقريبا منعزل عن الكلية شويه ومتعاملتش مع ناس كتير عشان كدا مفيش ناس
كتير تعرفني او تعرف شخصيتي الحقيقة
لكن اهو بتمني ان الوضع ف سنة رابعة يتغير شويه ونقدر نكتشف اصخاب جدعان وطيبين
ان شاء الله سنة رابعة تكون افضل سنة للجميع
وبالتوفيق ف كتاب الدفعه بس للاسف انا مش هقدر اشارك ف الكتاب ده
بالتوفيق للجميع
-
◌ رسالة منشورة
لا كنت مخنوقه اني دخلتها بس بعدين حبيت كليه بصحاب وناس ال انعرفت عليها وحبيتهم والحمدلله بحمد ربنا اني دخلتها ❤وان شاء الله هكون معلمه ناجحه ويفترخوا بيتا👌😊