What's on your mind?

A little kindness goes a long way.

Image, audio or video · up to 10 MB

Your message is only public if the profile owner publishes it.

Profile questions

No questions published yet.

Public messages

  • Public message

    إيه اللي ورثته من والدك رحمه الله ؟
    بتُجيد إيه أكتر المواجهة أم الهرب ؟
    هل سبق وتخليت عن حد بتحبه ؟ وأمتى ممكن تعمل كده ؟
    بتقيس تأثير الأشخاص في حياتك بإيه ؟
    وإيه نوع الدعم اللي محتاجه من اللي حواليك ؟
    كام مرة أثبتت تجاربك ضعف قرائتك للأشخاص ؟

    • ReportProfile owner's reply

      أي حاجة كويسة فهي وراثة منه رحمه الله، بخاف أواجه إللي بحبهم عشان خسارتهم بتكون حتمية فبهرب، لكن خوف عليهم والله مش اكتر، تخليت أيوة لكن في ظروف ووقت ده كان الحل الوحيد المتاح مكانش في أي حل آخر، بقيس تأثير الأشخاص في حياتي بتأثيري أنا فيهم مش العكس، يعني أهميته بقدر احتياجه ليا وعدم استقامة حياته من غيري،، محتاج أي دعم لأني فاقد له تماما مش مدعوم بأي شيء إلا من دعوات امي وما تبقى من صوت دعوات أبي الذي مازال يرن في أذني إلى الآن،، ولا مرة بقرأ الناس كويس لكن المشكلة بتكمن في شكل العلاقة إللي بتحصل بعد كده ، يعني ممكن أكمل مع الغلط وأسيب الصح عشان بس أنا هشام زرد

  • Public message

    معنى كده إن الملل مش مرتبط بفراغ في الوقت فقط وإلا مكنتش مع ضغوط الحياة والسعي الدائم على الرزق هتحس بيه
    مش بتقلق من فكرة إن الحجر ساكنه حاجة ودا ممكن يأذيك بشكل أو آخر؟
    عملك في الأحجار الكريمة ورِثته عن والدك عليه رحمة الله ولا خاص بيك انت ؟

    • ReportProfile owner's reply

      الملل حالة داخلية وإن كان الوقت غير كافي لهرش المكان الذي لا أتمكن دائما من هرشه أسفل كتفي،،، لا مش بقلق ولبست خاتم قبل كده والحجر كان مسكون قولا واحدا وتعبني جدا وبعته وندمت على بيعه وفضلت آكتر من سنة بتحايل على إللي أخده لغاية ما رجعته تآني واتعان في علبتي الشخصية،،، يرحم الله أبي وحبيبي لم ارث منه العمل في الأحجار الكريمة وليتني ورثت منه طيبة قلبه وحكمته وحسن التصرف يرحمه الله

  • Public message

    ونعم بالله
    المقصود طريقة تفكيرك بيغلُب عليها العاطفة ولا العقل والمنطق ؟
    وكم مرة واجهت نفسك بأخطائك ولما حاولت تصلحها فشلت ؟
    أمتى بتحس بملل ؟
    أكتر نوع حجر بتحبه ؟ وليه ؟

    • ReportProfile owner's reply

      العقل والقلب دايما بيشتركوا في قراراتي لذلك كثير من قراراتي غلط،، ودي نقطة مش قادر أعالجها في نفسي لغاية دلوقتي،، على طول بواجه نفسي بأخطائي وعلى طول بفشل في إصلاحها،، وعلى طول حاسس بالملل وأرجو من الله راحة قريبا وأن يمدني بمدد من عنده،، اكتر حجر بحب أشتغل فيه هو الأوبال الأسترالي،، لكن اكتر حجر أحب البسه الزفير والعقيق السليماني،، ومش عارف ليه الزفير لكنه حجر بيشدني جدا اما السليماني فعشان أشكاله المرعبة المخيفة وإللي احيانا بيكون الحجر ساكنه حاجة والله أعلم

  • Public message

    عمرك اتمنيت تكون حد غير هشام ؟ وليه ؟
    محتاج تغير إيه في حياتك عشان تكون راضي عن نفسك؟
    مين صاحب اليد العُليا عند هشام
    قلبه ولا عقله ؟

    • ReportProfile owner's reply

      طول عمري طال عمرك بتمنى ما اكونش أنا، مجرد خواطر لكن الرضا بالحاصل واجب لا شك في ذلك، وليه ده لأني غير راضي عن نفسي وعلاقتي بربي سبحانه، فهو جل شأنه يُغرقني بالنعم من شتى صنوفها، والإنسان كفور جحود جهول، وأهم حاجة نفسي أغيرها فيا إني أملك نفسي عند الغضب فأنا شخص أسوأ مما يتخيل أحد حين يتملكني الغضب العارم فلا أفرق بين ماء ونار، وصاحب اليد العليا هو رب العالمين سبحانه وتعالى لا قلب ولا عقل بشر ناقص جاهل.

  • Public message