A little kindness goes a long way.
Your message is only public if the profile owner publishes it.
انتى ماتعرفنيش بس انا عرفت عنك بالصدفه من اكتر من تلات سنين وقت اعتقال اخويا كنت بدخل الاكونت عندك استمد قوة منك حتى بعد خروجه الحمد لله فضلت اتابعك لانى بجد حبيتك اوى وحبيت انوسه ربنا يباركلك فيها على فكرة انتى ملهمه لبنات كتير ومصدر قوة لبنات اكتر خصوصا اللى مروا بتجربة اعتقال فرد منهم ربنا يرد والدك بالسلامه ربنا يحبك يا جهاد و يحبب فيكى خلقه اكتر واكتر
جهاد ادي نصيحة حلوة لواحدة مقبلة على الزواج بما انك ما شاء الله روح ايجابية 💜 انا مشتتة تماما وحاسة ان انا تايهة وقلقانة وخايفة منجحش في حياتي الجديدة انا الحمد لله مش انسانة ضعيفة ومش واثقة في نفسها بس الفكرة ان الخطوة الجديدة اللي جاية دي مش حتكفيها الثقة بالنفس الحياة الجاية مسؤليات مختلفة تماما عن مسؤليات قبل كده خايفة اني افشل خصوصا ان انا غلطت كتير في فترة كتب الكتاب اتخذت قرارات غلط اتصرفت في مواقف غلط ده مخليني خايفة اكتر بل ده سبب اساسي التوتر والقلق طبيعي في اي خطوة جديدة في حياة الانسان انا متفهمة جدا بس انا المشاعر دي مسيطرة عليا جامد واحيانا بتطغى على بهجة الجواز انا الحمد لله انسانة ربنا من عليا ان انا بحب ابص للامور نظرة ايجابية والحمد لله مشاعري و افكاري عن الجواز مكنتش ملوثة بس حاليا انا مشوشة جدا لدرجة ان انا مش عارفة اشرحلك حتى كنت شوفتلك بوست من زمان كنت بتقولي انك بتؤمني ب الحب عن جواز ممكن تتكلمي في النقطة دي شوية❤ اسفة لو طولت عليكي🌸 ممكن متنزليش المسج على الفيس ..ردي بس وانا حعرف ده طبعا لو حابة 😊 سلامي لانوسة❤
بصى انا أقل كتير من انى انصحك والله خايفة اقولك حاجة مش صح ربنا يسعد قلبك و يراضيكى .. بس اللى اقدر اقولهولك ان حياتك انتى و زوجك تخصك .. بلاش تحكى لأهلك ولا أهله عن مشاكلك بالذات اهلك .. استعينوا بالله فى كل امور حياتكم .. الحب اجمل بالعشرة و المودة و الرحمة .. حاولى تكلمينى انبوكس او على تليفونى و مش تقوليلى انتى مين 🙈
No new profiles with photos yet.