A little kindness goes a long way.
Your message is only public if the profile owner publishes it.
كنت أتمنى أكون لحالي.. لما تحققت الأمنية هاي مش عارفة شو أساوي فيها.. رغم السعادة اللي أنا فيها لتحقيق هاي الأمنية إلا إنه مرات كتيرة بكونش عارفة شو أعمل..<br> بتذكر مرة إنت قلتلي إنك بتحسدني عالفراغ اللي أنا فيه وإنه نفسك بـ5% منه.. تخيل أنا بحسدك ع شغلك ونفسي أشغل وقتي بغير وقت الشغل اللي بشتغله.. إشي هيك يكون مالي وقتي.. وشغوفة فيه.. بشكل متواصل.. زيك..<br> على سيرة الأحلام.. معقول الأحلام بتفقد بريقها بس تتحقق؟ يعني الحلم بيفسد خلص بس يتحقق؟!<br> لبنى كان نفسها وحلم حياتها تتزوج أيمن.. ما عندها سيرة ولا حكي وإحنا في الجامعة إلا هو.. وكلياتنا كنا نعرف عن مين كانت تكتب نصوصها الولهانة والعاشقة على المنتدى تبع الكلية.. أيام زمن المنتديات.. بعد الجامعة بسنة وعلى نفس المنتدى كانت النصوص تحوّلت إلى نصوص الحزن والقسوة والكآية.. وكلياتنا كنا نعرف إنه مش مبسوطة في حياتها.. وإنه خلال سنة واحدة بس بعد ما تحقق الحلم.. كان فقد قيمته وبريقه..<br> مخيف هالموضوع صح؟<br> عشان هيك يمكن كانت من أكتر نعم ربنا على أهل الجنة إنه بزهقوش فيها! يعني كل دقيقة في إشي جديد.. شغف.. مفاجآت.. أشياء ما بتخطر ع بال حدا.. وإلا فعلياً نفسية الإنسان تميل للملل من التعود.. عشان هيك كمان بصير تغيير في الآخرة على نفسية الإنسان كمان.. بحيث ما تملش.. ولا تحقد.. ولا تكره.. ولا تزعل.. ولا تحسد.. ولا تمارس أي شيء من الحاجات اللي بتمارسها النفس البشرية في الدنيا..<br> <br> "واللي شفته.. قبل ما تشوفك عينيا.. عمري ضايع ضايع.."<br> كتير حكولي صوتك حلو.. بس حتى هاي ما كنت أنا مقتنعة فيها.. بحب الغناء.. والكتابة.. وتصميم الأزياء والمجوهرات.. والرسم بالأكل.. آه آه الرسم بالأكل.. صحيح إنه بتفنن فيه مرات وبرجع بغلفه وبنزل عالشارع بعطيه لأي حدا من تبعون العربايات اللي بجمعوا البلاستيك والكرتون.. أو بحطه زي عادة الناس هون مغلف ومعلق على سور البيت الحديد من تحت.. بس برضو بحب الرسم بالأكل..<br> بتعرف؟ أنا ذات نفسي بعرفش كيف أنقذت شوية المواهب اللي عندي من إنها تنمحي وإني أنساها أساساً.. حتى فن تصميم المجوهرات أو رسم موديلات أزياء ولو على شكل خربشة أو رسم كروكي كان ممكن يضيع مني مع انتقاد الجميع لإلي إنه عيب أشتغل في وجود حدا لأنه يعتبر تطنيش لوجودهم!.. ورجيتك الموديلات اللي عملتهم أنا قبل هيك؟ المرة الجاية ذكّرني..<br> ولولا إني ضليت أهرب من الجميع وأشتغل وما بدي أقعد مع حدا وأعمل مشاكل عشان هيك وأنضرب وأضرب وأصرخ وأعمل مشاكل وما أزهق.. ما كنت قدرت أحافظ على الشوية من الحاجات اللي ضايلة عندي..<br> <br> كانت مهمة صعبة إنك تحافظ على إنك تضل "إنسان" وسط كل هاي البيئة.. البيئة اللي بتمحي إنسانيتك.. تمسخك.. تحوّلك إلى كائن مش إنساني من جواك وبشكل آدمي بس.. يمكن هدول هم الشياطين تبعون آخر الزمان اللي بشكل آدمي وبنفس شيطانية.. يمكن هم اللي سيطروا عالمجتمع ومسخوا أغلب اللي فيه.. يمكن الفقر.. يمكن الحسد.. يمكن الغدر.. مش عارفة.. بس المهم إنها مهمة شاقة جداً تحاول تضلك إنسان بكامل إنسانيتك وسط الناس هدول..<br> <br> كل ما أتذكر اللي مريت فيه في خلال 15 سنة بعرفش كيف ممكن ألخصه.. حتى حاسة حالي بقدرش أحكيه.. صعب جداً تنجح اللغة البسيطة في التعبير عن الألم.. الوحدة.. المعاناة.. القسوة.. الكآبة.. الوجع.. صعب صعب.. بتقدرش اللغة مرات تعمل هيك.. لازم يخترعوا إشي يقدر يخلي الواحد يقرأ ذاكرة اللي قدامه.. ذاكرته العقلية وذاكرته النفسية.. لأنه من غير هيك صعب جداً أوصّلك شو اللي مريت فيه..<br> ورغم إني حكيتلك عشرات المواقف اللي قبل هيك.. بس كل مرة بتذكر إني ما حكيتش كل إشي بنقهر.. نفسي أضل أحكي وأحكي وأحكي.. أحكي عن كل اللي مريت فيه.. أنقلك الصورة من كذا زاوية.. من كذا كادر.. عشان الألم عامل زي الpuzzel إذا ما ركبتش كل قطعه صعب جداً تفهمه!<br> مش قادرة أحكي..<br> حاسة إنه عندي مناطق فارغة من الذاكرة.. كأنها تحت وجع الألم انمسحت.. وهاي على فكرة مرة قريت إنها طريقة تعذيب كانوا بستخدموها الفيتناميين ضد الأمريكان اللي كانوا يأسروهم.. كانوا يعرضوهم لألم مدروس بكمية محددة يقوم بمسح الذاكرة تماماً.. حاسة فعلاً إني كنت أسيرة وتعرضت لهاد النوع من الألم..<br> المهم.. أكبر نكتة عشتها وبضحك على حالي فيها.. قال إني متزوجة!!<br> هاي لحالها مش قادرة أستوعبها لليوم.. كيف، وليش، وعشان مين، ولإيش، وعلى أساس شو.. كلها تفاصيل صدقني لليوم مش عارفاها.. فقدتها.. وتحت وقع روتين الحياة صار البحث عن إجابة هيك أسئلة مجرد ترف لا قيمة له.. ويوم عن يوم كان السؤال يخفّ جواي والإجابة تبطّل ذات قيمة.. لما وصلت لمرحلة بطلت أسأل السؤال وبطلت أدوّر عالإجابة..<br> <br> "الزواج مقبرة الحب"<br> مش عارفة وين قريتها أو مين حكالي ياها.. بس مش الزواج المقبرة بس.. لا لا.. المجتمع كله مقبرة.. المجتمع بنفسيات الناس اللي فيه.. عقلياتهم.. نظرتهم للحياة والعادات والتقاليد والقيود والدين حتى!<br> كل ما أسمع كلمة "مجتمع محافظ"
قالك خويا راكي طالق 😂
انت رائعة كما انت جميلة بتصرفاتك العفوية وبطهارتك حافظي عليهما ناضلي من اجل احلامك اهدافك طموحاتك لا تستسلمي لم يبقى الكثير تيقني ان لكل شيئ حل اظن انك فهمتي قصدي ستصلين اتمنى لك مافوق الافضل وحياة ملؤها الحب والنجاح والاكل والاكل والاكل احبك ❤
من اين أبدأ و ماذا أقول 🤔نظن انو متعرفيش شك..ن انا و هذا لا يهم حتى و ان ا..دتي معرفتي فلن تق..ري و المعرف... لا تهم المهم هو أنا ...رسلت رسالة ...ب عليك ..تكملة الحروف الناقصة في ...ل من الفراغات السابقة 😘😘
عيناك جميلتان 😍ابتسمي 😘😘 من صديقه 💕
كي نشوفك تضحكي نحس الدنيا تضحكلي و الله تمديلي طاقة ايجابية في كل لقاء ربي يحفظك
Na9si makla tatzawji
No new profiles with photos yet.