شو حاب تحكي؟

خلّي رسالتك لطيفة وبنّاءة

صورة، صوت أو فيديو · حتى 10 MB

لن تظهر رسالتك للعامة إلا إذا نشرها صاحب الحساب.

أسئلة المستخدم

لم ينشر أسئلة بعد.

الرسائل المنشورة

  • رسالة منشورة

    دفعتي
    گ غيرها من باقي الدفعات لها ما لها وعليها كألات:
    تشبه سكون الليل في الإجازات وجمود يوم التلات

    وتنفجر كبركان
    وقت الإمتحانات

    طول السنه يحكو في حكايات
    صبيان وبنات

    دايما حاضرين بالسندويتشات
    والأكل معاهم ما بيقعدش

    ودي تسأل دكتور في حاجات
    ودا الواد اللي مبيسكتش

    ودي تضحك ممكن بساعات
    والضحك معاها مبيخلصش

    ودا الواد اللي اسمه امير
    بيلزق زيه ما بيطلعش

    وناس تقرا لالف كتاب
    وتقرأ تاني ما بتزهقش

    وناس لمحاضره متفوتش
    وناس ساكنه في ركن لويتش

    وناس في الزحمه بتعدي
    وناس في الفاضي ما بتسلكش

    وناس في التافهه تتصدر
    ووقت الجد متلاقيهاش

    ودي واحده داخت وانا
    بكتب فودوها ع الإنعاش

    فيها ناس جميله اووي
    وحلاوتها بزياده

    وواحده مهما اتأخرت
    هتفضل أولي كالعاده

    يا ساده يا حاضرين
    مش هنفتي اكيد في الدين

    ولا هنحدف بالسكاكين
    مطرح ما تجمع وياكم خلينا حلوين.

    وبلاش تلسين ع البني ادمين
    و تقولو فلان أو علانة

    في بنات بتبان قويه
    لكنها فعلا غلبانة

    وبنات الموج جارفها
    لكن دي كفوفها دي سيالة

    وبنات بتبان بريئة
    لكن في قلوبها دي شيالة

    وشبابنا الله عليهم
    واخدين من الألش هواية

    فيهم اللي واضح جدا
    واللي ميفاجئكش

    وفيهم اللي عارف الحاجه
    وبرضو ميقولكش

    ودا مش توبيخ
    انا بس بفضفض وياكم

    يا.......اصحابي
    يا اجمل صحبه في الجامعه واجمل وقت قضيته
    وانا معكم بحس شعور عمري في حياتي ما حسيته

    فرحت بكوني وياكم و بوجودي بقي منكم
    فجأه بدون اسباب لقيتني بأمنكم....و بحكلكم

    حقيقي الوقت من غيركم....دا ميحلاش
    سلام علي العمر اللي بدونكم...اتعاش

    بتمني العمر ده يطول ونرجع تاني من الاول
    لحظه ما كنا نخاف نصبح حتي ونسلم
    وبقينا قبل ما نتكلم فاهمين البعض من نظره

    قالو العمر سراق ومصير البشر لفراق
    وانا قلبي ليكو اشتاق من قبل الزمان ما يفوت.

    كل سنه وانتو طيبين و رمضان كريم بينا
    #اول_عمل_منشور_لنستمر
    الشير بيفرح ع فكره 🌹🌹


    حلوه اوي ع فكره بس انا معرفتش انا فين بالظبط منهم 😂😂
    احلى ايام بجد ياريتها ترجع تاني والواحد بالرغم انه كان زهقان وقرفان من الجامعه والدكاترة بس حقيقى مفتقده الايام دي