What's on your mind?

A little kindness goes a long way.

Image, audio or video · up to 10 MB

Your message is only public if the profile owner publishes it.

Profile questions

No questions published yet.

Public messages

  • Public message

    رسالتي الاخيرة ،
    ازيك ، يارب تكوني بخير،زي ما بتمنالك دايما،قررت تكون دي رسالة اخيرة من رسايل كتير كنت ببعتها وكنت عايز ابعتها بس يمكن اكتشفت ان ده مش صح لا ليكي ولا ليا، لان من الواضح ان وصولي ليكي صعب اصعب من اني المس نجمة من السما،بالنسبالي انتي كده! نجمه بعيده اوي،و جميلة اوي ! عارفة لما تشوفي حد من بعيد بس تحسي ان "ايه ده،ده شبهي" ! اهو ده اللي حصلي معاكي،في البدايه الموضوع كله ان اي حاجه بتكتبيها بتبقي شبه اللي انا بكتبها بالظبط،وبعدها اتسحرت في كل حاجه فيكي طريقتك،ضحكتك،كلامك اللي بتكتبيه،حتي علاقتك انتي ومامتك،كل حاجه،لاول مره افهم او استوعب يعني ايه soulmate اسئلة كتير اوي بتيجي في دماغي،قد ايه بتمني اقرب منك،وقد ايه اوقات ببقي خايف اني افشل في ده،وقد ايه اوقات تانيه ببقي خايف اكتر اني انجح.بحاول؟ يمكن اه بس بصراحه يمكن مش بحاول كفاية،يمكن خايف اقرب تسترخميني،او يمكن متعجبكيش شخصيتي اصلا،او يمكن اي حاجه من حاجات كتير،انا بتكلم في ايه اصلا ما يمكن تبقي مرتبطه اصلا او بتحبي حد !يمكن حاجات كتير بس وقتها الموضوع هيبقي اصعب لاني هبقي قربت،قربت من نجمة بعيدة،جميلة،بتلمع،والبُعد فاجأة هيبقي متعب اوي،بس لان دي احتمال تبقي رسالة اخيره فانا عايز اقول فيها كل حاجه، عايز اقولك ان ضحكتك اجمل حاجه انا شوفتها،ضحكتك بتخطف قلبي،كنت دايما بحاول اتابع علي الفيسبوك اخبارك ايه بعد ثانوي وقد ايه كنت متضايق اني مش عندك في الfriend list علشان كنت عايز اي محاولة تخليني اتطمن عليكي اكتر او اشوف اي حاجه بتكتبيها تعرفني اي حاجه،وعارف انك دخلتي حته ومكانتش مكانك،وبتمني دلوقتي تكوني في مكانك الصح ! اللي مريحك ومبسوطه فيه،اللي اكيد مش كله راحه لان كل الطرق لازم يبقي فيها شوية مشاكل،قد ايه بتمنالك في حياتك الراحه وانك تبقي مبسوطه وبصلي دايما انك تكوني كويسه ومرتاحه،مش بحاول اقول اي كلام صدقيني كل كلمة طالعة من قلبي وبتمني كلامي يوصلك زي مانا عايز اقولو،مش بحاول ارتب كلامي ومش بحاول اذوق كلامي،كلامي زي ما بكتبه هبعته،فا اعذريني لو في لغبطه،بس اللغبطه دي جوايا فعلا،انا معجب بيكي،بكل حاجه فيكي،دي اكتر حاجه انا متاكد منها،والاغرب من ده هو انا ليه مش عارف اشيلك من دماغي وابطل تفكير فيكي،افكار كتير اوي بتقولي دلوقتي هو انت بتهبب ايه وايه الهبل اللي انت بتقولو ده،انا بكلمك وانتي حتي متعرفنيش متخيله😂متعرفنيش اصلا ! الموضوع غريب جدا،ومش عارف انا مستني ايه باللي انا ببعته ده بس يمكن مستني حاجه تخليني اعافر ! او حاجه تخليني اغصب علي نفسي ابعد،مش عارف كلامي ممكن يخليكي مستغربه ولا متضايقه ولا مبسوطه،بس كل اللي بطلبه منك انك تكوني انتي ! بنفس ضحكتك دي ونفس كل حاجه فيكي اضحكي دايما واكتبي كتير ! انا بحب اقرا كل حاجه بتكتبيها،الموضوع بيخليني احس كأني باصص في مرايه،بغض النظر انك اشطر مني مليون مره وبتكتبي حلو حقيقي،اعذريني علي الرغي الكتير ده،لو كانت دي الرسالة الاخيره او لا،فأتمني اني اتطمن عليكي دايماً انك حقيقي كويسة،واتمني اشوف ضحكتك دايماً اللي بتنور كل شئ في الحياة .. ❤
    From your anonymous lover

    • Public message

      مش عارف هتشوفي الكلام ده او هيهمك او لا،بس هو انا عايز اقولو وخلاص، انتي جميلة جداً مبدئياً،بحب اشوف ضحكتك جداً،بحب اقرا الحاجات اللي بتكتبيها جداً (وللمصادفه يعني انا كمان بكتب) برغم انك حتي مش عندي في ال friend list علي فيسبوك او اي حاجه حتي وبرغم انك متعرفنيش،حابب اقولك وقت ما تشوفي الرساله دي،انك جميلة جداً ! وان روحك حلوة بشكل ميتصدقش،يمكن سمعتي الكلام ده كتير،يمكن مسمعتهوش خالص.مش عارف ومش مهم كل اللي يهمني ان الكلام ده يوصلك وبتمني من كل قلبي يوصل زي ما انا حاسه ,you are so special,and i love you ❤️