A little kindness goes a long way.
Your message is only public if the profile owner publishes it.
مانا عارف ان الكتاب فيه كل حاجه بيقولها الدوك وده مش اول مره اذاكر مدني من غير اسمع لا شرح ولا حتي احضر كنت بذاكرها من البيت وعندك حق فعلا لان سمعت المحاضره السادسه وفتحت معاها اللي كاتبه الروبي فعلا بالنص اللي قايله الدوك فحاول بقي الم فيها كم كويس باذن الله +انا عارف والله ان محاضىرات بكره مهمه وخصوصا للدوك سعدواي بس للاسف بقي مش هقدر احضرها بس باذن الله حد يكتبهم وينزلهم وانا ابقي اذاكرهم ايوه مش هيبقي زي ماحضر بنفسي بس هعمل ايه بقي وانشاء الله ربنا بقي يقف معانا لانهم بصراحه هما طلعوا عينا الترم ده باللي عملوها من اول زنقه الميد وحوار الابحاث والجدول اللي نزل قبل الامتحانات ب١٥ يوم ومعرفش يعني محاضرات قبل الفاينل باسبوع معرفش ايه اللي بيعملوه فينا ده والانيل بيقولوا انا رابعه والتخرج ده لو هيخرجونا من الكليه علي تعيين نيابه علي طول مش هيبقي كده وعندك حق ده مش معقرب بس ده ترم معقرب ومكهرب وحالته ربنا يستر وشكلنا كده هيشربونا التخرج بشالموه بصوت الكبير
إياگِ واليأس فإنه لا يليق بك جميلتي 😊
طول ما رب العباد موجود وكل يوم يتولد مولود والمطر بيروي جناين الورود ومهما طال غياب الأحبه ليهم ف اللقا يوم موعود ولو كل دروب الامل كانت ف وشنا طريق مسدود مسيرها تيجي اليوم وتفتح على مصرعيها من كل الحدود ومسير الغايب هيعود طول ما الأمل فينا ورب العباد موجود طول ما الحياه ماشيه بأمر ربنا لا بترتيب منا ولا بتخطيط وطول ما الشجر و الزرع بيرقص على أوتار النسيم ف الغيط وطول ما حس عم فتحي ف الدنيا عاملك وضع وهيبه وصيت وقعدته على الدكه زي العمده قدام البيت وفيكي صحه ما شاء الله تهد الحيط يبقى ليه تزعلي مفيش شي يستاهل زعلنا ومحدش هيفرق معاه ايه هيكون حالنا . حتى لو كان عمنا ولا خالنا يبقى يفيد بايه حزننا غير هيدبل كل الحلو مننا لكن مفيش احن علينا من ربنا قادر ف لمح البصر يبعد الحزن عننا ويغمرنا الفرح والهنا يبقى ليه تزعلي طول ما صلتك بربك قويه وطول ما بتتنفسي أكسجين ربنا الطبيعي ميه الميه ف عز ما بتعاني من الجيوب الأنفية يبقى ليه يا حبيبه تحزني وحزنك هو احزااااااني طول ما بخير والديكي وف ضهرك محمد وعلي وهاااني وطول ما قلبك لسى باللين وبالخير غني عمرك ما هتشقي ولا هتعااااني الله يرحم أبويا زمان وصااني ما أحزن على شي واداوم ع ذكر الله شان ذكره حصاني وانا بسم وذكر الله رقيتك ورقيت روحك وقلبك وبيتك ومن عيون الحُساد جوه قلبي خبيتك وداديتك و راعينك وبطهر الغرام حبيتك ومن بحر الصلاة ع النبي سقيتك وف سجودي دعيت ربي يبعد الحزن عنك والفرح يلزم بيتك مش شويه امتحانات ولا مذاكرة تكسر عزيمتك كفايه أن كل اللي يعرفك بيحبك ويقدر قيمتك وعجبي ا
ف شرع قلبي لا يجووووز لا يجووووز صباحي يعدي من غير فنجان القهوة وامّلي عيوني من بروفايل حبيبه وقلبي يهفو بألحان صوت فيروز مع اني من الاداره وحد عادي جدا لا انا جيمس بوند ولا توم كرووز لكن ذوقي دايما ف اختيار الأشخاص دايما ببفووز عشان كده قلبي اختار حبيبه البنت الكيرفي ام عيون تسحر وصوابع زي صوابع الموووز ووشها الجميل اللي لا يعرف تقشيره ولا لؤي بووووز عشان كده الصباح من غيرها لا يجوووز لا يجووز و بدون اي شك وريبه الصباح من غير حبيبه يخليني فاقد الشغف وحاسس باليأس والخيبه ونار فراقها دايما بتكوي ولهيبه وحياه من طّول عودها وزرع الورد على خدودها ما يحلى الصباح الا بوجودها وما يحلوالعمر الا بيها وانا اساسا مش عايش غير ليها تشاركني العمر بخطاويها بتخيل لو كانت الحياه مفهاش حبيبة كانت هتبقى حياة كئيبه وكنت هدفع عمري ليها ضريبه ولا كنت هعرف معنى الحب ولا يعني ايه يدق القلب ولا ولا كنت هبقي ف تعداد العاشقين اللي لو نامت عيون البشر هما بس بالحب سهرانين اوقات بحس الحياه ماشيه بالشاقلوووب دايما بتفرق القلوووووب صحيح كل شي ده مُقّدر ومكتوووب وان كان حب حبيبه ذنب ما اقدر عنه اتووووب وعجبي
مين ده اللي يزعل حبيبه وانا موجود دي حلوه واحلى ما ف الوجود بنت الأصول والكرم والجود بضحكه منها الفرح للحياه بيعود والورد يكبر ويزهر ويشتد فيه العود والنهار يطلع بيرقص وتنزاح الليالي السود وطول ما هي ع قيد الحياة طول ما الخير ممدوود اموت واعرف مين ده اللي يعمل واصي على حبيبه يكونش الزمان ماشي بضهره ولا قطار الحياه وصل لاخره دي حبيبه يعني الأدب والاحترام والطيبه واللي يزعلها ده تبقى ف حقة اكبر غلط وعيبه وبعدين دي حبيبه فتحي الاسم نفسه كله هيبه واللي يزعلها بس اقوله جاتك ٣ آلاف خيبه وبعدين دي بنت غير كل البني ادمين دي اللي انكتبلها ف الشعر دواووين واللي من جمالها تستحي تترفع ليها العين واللي كل اللي شافها قال دي بنت مين قالو ده بنت الحج فتحي ابو حسين اصيله ومتأصله من الجدين وبين كل البنات هي احلى الحلوين الملامح براءه طفل عنده سنتين والقلب مليان لين اما وروحها تخطف القلب ف ثانيتين يجي حد ف سوق البشر ما يساوي قرشين يزعل الست حبيبه بكلمتين وبعدين ف حد يزعل بنت دارسه القانون الا شخص غير كامل الاهليه ومجنون و الله وكيل الله وكيل لو حبيبه عرفته هيشوف منها الويل وانصحه نصيحه مني وحياه الفرخه اللي مش إلها ورااك على اد ماهي كيوت وملهاش ف العراااااك لكن هتخليك تمشي تبص ورراااك انت مش إلك دعوه بيها احسن ما تبقى ف الحياه اول بلاويها فياريت كده عنها شويه تنهد وهي مش محتاجه رأى حد شوفلك حد غيرهت احسن مش هتلاقي ف وشك غير حيطة سد ومش مجامله ليها والله بتكلم جد دي زينة بنات الاداره وكل شي عندها ليه حد وبعدين انتي مالك اذا كانت مرتبطة ولا مش مرتبطه ليه تحط نفسك ف ورطه وللعلم حبيبه ف علم الغيب محجوزة لابن المحظوظة وعجبي
بصي خليكي مقتنعه ان هي فتره وهتعدي من حياتك فمتخليهاش تعدي كده او انها متسبش اثر فيكي المهم يكون اثر ايجابي يعني عرفت معلومات جديده واهم حاجه انك اتعرفتي علي اصحابك واخواتك اللي اكيد بتحبيهم واللي مكنتويش هتعرفيهم غير بالكليه هزاركم وضحكم نومك ده لو كنتوا بتناموا في المدرج الحاجات ده يعني اللي عمرها ما بتحصل غير في الكليه فحاولي تستمتعي باللحظات ده لانها هتروح ومش هترجع تاني وعارف ان الكليه بقت متجعش علي كده بس مش مهم الكليه المهم سعادتك انتي وانك تبقي دايما مبسوطه وعلي العموم هي هانت مفضلش كتير يعني فات الكتير مابقي غير اللي القليل زي مابيقلوا فاستمتعي
ازيك يا حبيبه لعلك بخير وأفضل حال ربنا يوفقك ف امتحاناتك يارب وييسرلك كل عسير ويسهلك امورك ويجعل كل صعبا سهلا ولينا وخلي عندك عزيمه وإراده وباذن الله ربنا هيراضيكي بس اعملي اللي عليكي وبلاش يأس عشان اليأس لما بيتمكن بيهد الروح ويشل الحركه والتفكير استعيني ع المذاكرة بالله وبالصلاة على النبي عليه الصلاة والسلام اعملي كل يوم ورد ليكي من الأذكار او الصلاة على النبي صلى الله عليه وسلم وان شاء الله ربنا هيقف معاكي ودايما تتذكري الجملة دي ((إن رباً كفاك بالأمس ما كان. حتما سيكفيك غدا ما يكون))
No new profiles with photos yet.