خلّي رسالتك لطيفة وبنّاءة
لن تظهر رسالتك للعامة إلا إذا نشرها صاحب الحساب.
"ع فكرة انا ورضوى مش صحاب من زمان، احنا يادوب صحاب من ايام ثانوي" -إية -إية هو مش احنا امبارح كنا في ثانوي؟ مش انا يابنتي لسة منقولة المدرسة جديد؟ هو مش احنا لسة مقربين من بعض الترم دة؟ معقول عدت ٦ سنين وماشيين في ال ٧ كمان؟ طب ازاي؟ ازاي ماحسيتش بيهم؟ ازاي مازهقتش؟😂😂 انتي عارفة اني شخصية ملولة وبزهق بسرعة، دنا مش متخيلاني متجوزة عشان الحوار دة، خايفة ازهق منه😂😂 خايفة بعد مااتجوز ويمر علينا سنة واتنين ابطل احبه، بس انا مابطلتش احبك من ساعة ماعرفتك! تخيلي اني بحبك من يوم ماعرفتك، من ٧ سنين، ولسة لحد دلوقتي مابطلتش احبك! وعمر حبي ليكي ماقل، دة كل يوم بيزيد، بيزيد بدرجة مش عارفة استوعبها، ازاي قلبي قدر يحافظ ع مكانتك جوايا، وبنى حواليا ١٠٠ سد وسد، وحط سلك شائك وكهربه عشان محدش يقرب من منطقتك😂❤️ مش عارفة ازاي كل الوقت دة عدى، وازاي فضل حبي ليكي يكبر، وغلاوتك عندي تزيد، انا مابقتش اقدر اشوفك زعلانة حتى لو مني وانتي الغلطانة -كالعادة يعني-😂😂😜 انا بحبك يارضوى، وهفضل احبك، وهتفضلي أقرب حد لقلبي❤️ وهفضل أتخيل حياتي لما اكبر وانتي الجزء الأساسي فيها💙 وهفضل ادعي نفضل دايما سوا، وزي ماربنا جعلنا صحاب في دنيته، يقوينا ع طاعته ورضاه، ويجمعنا في جنته💙
😍😍😍😍😍😍😍😍😍😍🙊🙊🙊🙊🙊🙊🙊❤️❤️❤️❤️❤️❤️❤️❤️❤️❤️
لا توجد حسابات جديدة بصور حاليًا.